قصة #قلوب_يتيمه الجزء السابع
للكاتبه لينه سعد
.............
جانت خطواتي الي امشي بية ...ثكيلة حييل
وجانت انفاسي مخنوكه
اتذكر نضرت امه ...ونضرة وند الية كانما داارتكب غلط كولش جبير
مااريد اتذكر الكلام الي كالته
وعيونه الي متروسه كره
دخلت للفندق القريب من قريتهم
دخلت الغرفة
ضليت افتر بالغرفه مثل المخبل مااعرف شتصرف وكفت يم شباك الغرفه
بديت اباوع
اني جنت اعرف وعندي احساس يرفضون
بس جان عندي امل ....بان يقبلون
جان كل همي ...هو اعرف شعورهه
بس اريد اعرف هي تقبل بية لو لا
عندي استعداد اسوي المستحيل لخاطرهه
بس المشكلة اني مااعرف هي شنو قرارة
هي راغبة بية لو لا..؟؟؟؟
..............
_شفت وند ......شلون عين گوية
جاي يخطب جوانا ...
_على كيفج ماما ترة مصار شي
_شلون مصار شي .....
يعني هاي الفترة الي يمنه ...
جانت عينه علية ....
واحنى ياغافلين الكم الله .....ولك خاف صاير بيناتهم شي
_ماما على كيفج ...قابل شصاير
الولد خوش ولد ....وهو لو مخوش ولد مايجي يخطب
_ولك شيخطب ....هو عربي واحنة كراد
يعني نختلف ....بهواي اشياء نختلف
اصلا اشلون رهمه ...اشلون يتوقع احنى ننطية ..
اشلون اتجرىء واجة
_كافي ماما اعصابج ...وانتي مقصرتي وياه
طكيتيهة بوجه وخليتي يطلع
المهم هسة رفضناه
_لا ماارتاح اذا مااعرف كلشي من جوانا
.....صعدت الام بكل عصبية لبنته وهي مثل النار الي مشتعلة
فتحت الباب بكل قوة مثل
انفجار قوي .....
وحجت باعلى صوت
_اجة يخطبج ...جوانا..... ولج اجة الج
....كمت من مكاني واني اعرف العواقب الي راح تنتابني من تصرفه
جاوبته بهدوء
_واني شعلية ماما ...
هو اجة خطب .....
_لا مايجي يخطب الا اذا جان بيناتكم شي
شنو الشي الي بيناتكم ...احجي ولج
....فتحت عيني واني متعجبة من تصرف امي
_اشبيج ماما .....قابل شيصير بيناتنه
اني مااعرف ليش هيج تتهميني
...اتقربت مني وهي تلهث
_ماشي جوانا .....ماشي ...
زين انتي شنو ردج
...صفنت علية واني الخوف معتلي كلبي
واحس بثقل لساني ودكات كلبي القوية
جاوبتة ....والكلمات تطلع متكطعه من شفايفي
_ابكيفج ماما
...صفنت علية وهي تباوع على عيوني
كانما كاعد تقرة الي بداخلة
_هاااا ابكيفي لعد
...دارت وجهة وراحت للباب .....
_اني مموافقة ....وكتلة ماعدنة
فزيت من حجت هيج...
بدون مااحس ...وبدون مااعرف للكلمه الي طلعت من لساني بدون مااعرف عواقبة وياه
جاوبتة
_ليش ماما .....
..التفتت الية بكل غضب ......واتقدمت مني
وجرتني من شعري .....
_ليش......ولج اتكولين ليش
يعني انتي رايدته ...مو ......
يعني اكو شي بيناتكم
_لا والله ماما ماكو اي شي ....بديت اصرخ واني جوة ايدهة
....اجة وند وبدة يبعدهة عني
...اول مرة اشوف امي هيج تتعامل وياي
جانت قاسية حييل ....كانما ارتكبت ذنب جبير
واني مالي اي دخل بلي صار
...وكفت يم الباب....وهي اتكول ...
_جوانا ....صدكيني اذا حسيت الج ايد بجيته لهنا
مراح اتصرف اي شي
بس راح اسلمج لخوالج ...همة يتصرفون وياج
......
طلعت وبقيت اني صافنه على حالي
....اتقربت من المراية ......وشفت شعري المنكوش...
بدت اعيوني تدمع ....
....بس اكو شي ابتسامه بكلبي ....
اي رغم الي صار ...اكو شي فرحت بي
_يعني اصيل ....يحبني ...
يعني اجة علمودي.....
بدت الابتسامه تنرسم على شفتي
...وبلحظة ....انمحت كل هاي الابتسامه
حتى لو يحبني ....حتى لو احبة
هذا مراح يغير الواقع
اعرف من المستحيل اصير اله ....
رجعت ..خطوات ليورة .....
واني احس نفسي مخنوكه ....
بديت اتذكر ..تفاصيل وجة ...
كعدتة .....سلاسة كلامه
كمشت المخدة وعصرته ...بقوة .. .
وغمضت عيني لان اعرف مراح اشوفه بعد
مراح احجي الي بكلبي اله ...
احس بهاي اللحظة اتمنيت اروح لامي واكول اله
يوم اني احبة ....لاتكسرين كلبي
................
بدة يومي كئيب .....
امي متحجي وياي ....وطلعت راحت للسوك
اما وند ميعرف شيصرف
هذا الشي اني مالي دخل بلي وو صار
لعد لو الي دخل شنو موقفهم .....
_اووووف ياربي ...ارحمني
دااحس كل هذا المكان وكبرة و يخنكني
...
طلعت برة اخذت السطل ورحت احلب ....
بس اني اشتغل ...وبالي مو يم الشغل
طلعت من الحضيرة واني امشي ....وبالي مشوش ..
ولحضة مثل لمحت طيفه الي مثل النسمه ....رفعت عيني ..
واشوفه ...
بدة كلبي يدك بقوة ....
بدت ايدي ترتعش
بديت مااحس بالدنيا ....
جان بعيد عني ....
...ضليت واكفة متسمرة بمكاني ...
ركزت علية ..على لبسه ....جان لابس قمصلة
وايدة بجيبهه.....ولفاف لافة عليه بحيث نص وجة طالع ..
...مااعرف الي صار ...بس الي ادري ايدي متحملت اي ثقل ...وفجئة حسيت بسطل الحليب وكع
رحت مشيت اله
مااعرف اشلون ...كانما اريد اشبع من شوفته لان ادري مراح اشوفه بعد
بديت اتقدم .....وبدة هو يتقدم
جانت خطواتنه بعيدة بس ...احساسنه قريب
اقتربنه اكثر
اقتربنه بحيث حسيت ماكو اي مسافه بيناتنه
ضليت اركز بعيونه
اركز على كل ملامحه
مااعرف شكد الوقت الي ضاع واحنى واحد يباوع للثاني
...بس الي اعرفه ...
اني حجيت كلشي اله بدون ماانطق ...
بدون ما ابعثر كلماتي بين شفايفي
وبلحظة.....
سئلني سؤال ....
_جوان .....
...بديت اباوع علية
_اتريديني .؟؟؟
....اتذكر محجيت شي ...
بس الي جانت تحجي هي دموعي
....مااعرف شكول اله ...اريدك ...والنتيجة ماكو اي امل
شنو فايدة الكلام واحنى مستحيل ننجمع
بهاي اللحظة ...قرب اصابيعه ...لخدي ...
حسيت برعشة ايدة ...
شفت حزن اعيونه ...
وكال....
_لتبجين .....مااريد اشوف دموعج ...
جوان ....
سكت لفترة ....
_جوان ....اني احبج ....ورايدج
الله يخليج ...كوليلي
اذا رايدتني ....اسوي المستحيل واخذج
دنكت راسي
وبديت ابجي بقوة .....
مااحس الة جرني لصدرة .....
وبديت اشم ريحته .....بديت اسمع دكات كلبة
بديت اهدىء مااعرف ليش معقولة... عطرة مهدىء بس الي اعرفه واني بهذاك المكان ....
كانما مكاني من زمان ....
وحجة بصوت ناصي...هادىء .....
صوت كلة حنية
.._جوان لتبجين مااتحمل والله .....
رفع راسي من صدرة وكال
_احجي بس كولي اي شي ...
اذا اتريديني مااعوفج الا على موتي .. .
اما اذا لا ...
......فلهنا ...واروح ....
...ضليت ساكته.....
ابتعدت عنه ورجعت خطوات ليورة ......وضليت اباوع لعيونه
....شفته سرح ....كانما ميعرف شنو الي يتصرف ....وحتى اني مااعرف الي اتصرفه
بس اعرف بان احنى مراح انكون لبعض...
لذلك قررت السكوت ..
حسيت بي ....انخذل ...يأس ...
وبدة يتراجع خطوة ليورة .....ودار وجه وبدة يمشي ...
ادركت بهاي اللحظة ...انني فقدت شي جبير
مكدرت اسكت ...
بدت ادموع تجري واني اشوفه بدة يبتعد
واحس كلبي وجعني بقوة ...
اريد يطلع صوتي واكله لاتروح .....
التفتت ليورة ...
شفت بيتي ....ورجعت التفتت اله ....
جان لازم اختار ....
لازم اسكت الوجع الي دخل كلبي ومحد يكدر يسكته غير قربه مني
بديت اصيح
_اصيييل ........وركضت
...اي ركضت ...جان الاختيار صعب
اني احبة ...احبة لدرجه مااكدر اتخيل مااشوفه بعد ...
..التفت الي
كانما ممصدك الي سمعه
اقتربت منه وكتلة
_اصيل....انت اذا اتروح راح اتخليني جسد بلا روح ...
اصيل انت دمرتني .....دمرتني من رحت
كل حياتي اختلفت بعدك
....اصيل.....
.......اني احبك ...
رايدتك زوج الي ....رايدة اكمل حياتي وياك
مستعدة اتحمل اي شي
في سبيل ننجمع سوة
..............
جانت كلماته اليه ...مثل بلسم يطيب الجرح
حسيت الدنيا متسعني من الفرحه
اقتربت منه
والابتسامه الجبيرة انرسمت بعيوني وشفتي
وكلشي
حتى كلبي
بدة يدك بقوة من الفرحه
اتقدمت وكتله
_والله ....وكلامه ...مراح اخليج اتروحين لغيري
كمشت ايدهة واني صفن على البحر الي بعيونه
على سحر وجهه
الي كله حزن
_جوان اني راح ارجع بعد ....حتى لو اخلص عمري هنا
بي اريد منج ....انتي اتساعديني
...كوليلهم اني اريدة
يجوز .....يحن كلبهم ...ويتحقق حلمنه
...................................
_الووووو
_الووو هلا ام رائد اشلونج
_ولج اشلوني ......ولج مصيبة سراب مصيبة وكعت على روسنه
....جانت تحجي وعيونه متروسه نار وشرارة
_ياستار ياربي اشصار ...يمعودة مابية حيل من الصبح اتفززيني
_ولج اصيل راح يروح من ايدنه .....ولج لاكيله وحدة گ.......
ويريد ياخذة
_شنووووو......
شتكولين سميرة .....يعني ميريدني
_اي ولج ورايح يخطبهة .....
ولج امه كالت الصلح وتريد مااعرف .....
..
اني اليوم هاي ام داوود اله افضحة
اني سويت كلشي كالت علية ...
شربته ...وكلشي ماصار ...
اشو رجع ....وباله يم وحدة
والله عرفتة ....ضال صافن الفترة كله
كلت يجوز كاعد يفكر يتزوج ..
فرحت حييل .....حتى كمت اداري بالاكل وبتنضيف ملابسة
بس طلع ...ابن......... عينه علة وحدة
لا والمصيبة كردية ...يجوز مسويتله سحر ....
...جانت سراب كمشة السماعه
وتبجي بحركه
حاطة ايدهه على حلكهة ....وضامه صرختهه بصدرهه
_ولج وينج مو احجي وياج ......
الوووو.....الوووووو.
...عرفت سميرة سراب متحملت الحجي وسدت السماعه
ركعت السماعه حييل .....وكالت
_والله يااصيل .....اندمك واخليك مثل وصله مسح اذا فكرت تاخذ غير سراب
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!