مساؤ.......🌷🌺
قصة #قلوب_يتيمه الجزء الثامن
للكاتبة لينه سعد
................
بديت المح البردة وهي تتحرك ..
جانت نسمات الهوى ...تاخذهة وتجيبة ...
مثل مرجوحة .....
مرة تدخل للغرفة
ومرة تطلع كانما تتحرر من السجن الي محبوسه بي
بدت تتوضح الية الرؤية ...
حسيت بالم براسي حاولت ارفع ايدي....
بس لكيت ايد كامشة ايدي بقوة ....
جانت قبضة قوية
كانما خايف لا انهزم ....
حركت راسي ...ابتعب ....
لكيت ثريا نايمة ...وكامشة ايدي بقوة .
وراسة على جربايتي
وجسمة مايل للكاع ....
شنو الي صار ....؟؟؟؟....وليش ثريا هنا
حررت ايدي من قبضة ثريا ...
واتلمست راسي ...
..اتعجبت ...حسيت راسي مشدود بضماد ...
_شنو هذا؟؟
..شنو الي صار ..؟؟
كعدت واحس جسمي كله متوجع . متكسر
جانت الغرفه باردة
لمحت ثريا ...متجمدة بمكانهة ....
جبت بطانيه وخليته علية بدون مااكعدة
رحت للشباك سديته
التفتت للمراية ....
حطيت ايدي على حلكي ...
من المنظر الي شفت نفسي بي
شفت عيني زركه ...وراسي مشدود
...فزعت ....خفت ....
شنو الي صار ؟؟
وبديت اتذكر ...
اي اتذكر كولش زين
الكلمه الي تسمعينه من شخص تحبينه
هي تكدر ترفعج ليفوك مثل نجمه عالية ....وتكدر اتنزلج لحوة مثل حثاله
اني بهاي اللحظة ...
حسيت بنفسي فقدت كلشي
حسيت بنفسي نكرة
...امي.....
الي هي اقرب شي الية ....
احن شخص بالوجود
اول مرة اشوفه هيج ....
اول مرة احس هذا الاحساس يمه
كانما مو بته
..................
من بعد ماشفت اصيل ....
وعرف اني اشكد رايته ....حسيت بي مراح يتركني
عرفت راح يضل متمسك بية
بس لحد شوكت مااعرف ..
لحد هسة اتذكر ...
مر ٣ايام من بعد ماالتقيت بي.....او وراهه ...
اندك الباب العصر
امي راحت تفتح ....انصدمت من شافته
جنت وراهه ...
اعيونه اتلاكت ......حسيت بالفرحه ..
حسيت الدنيا كله متسعني ..
وحسيت بالخوف
.....
_حجت وياه بالكردي .....
ضل صافن علية ....
التفتت شافتني ...وراهه....
خنزرت علية ...وعاطت بية
تطلب مني اصعد فوك ...
...اتقربت منه ...وكتلة
_ماما ترة هو مايعرف كردي ...
احجيلي واني احجيلة
واسمعي منه ....يجوز اكو حجي مسامعته
ضلت صافنه بوجي ....بس احس بنضراته الي اتغيرت والي لاول مرة اشوف هاي النضرة
اتقدمت ورحت فتحت الباب ....
..ابتسمت اله ابتسامه خفيفية
كانما اكول اله اصبر
فات جوة ...
وكعد اجيت كعدت اكبالة ...وامي بصفي ..
بس جانت ممرتاحه
بدة ينطق كلماته ....
بدة يعزف الحانه الي بس اني احس بية
_اني اعرف اني ممرغوب الج ...
يجوز مو الشخص الي تتمنية لبنتج ...
بس الي اريد اوصل الفكرة الج
اني احبة لجوان
احبة لدرجة اكدر اعوف كلشي علمودة
عندي استعداد ...اترك حياتي الي بغداد
واعيش هنا يمكم
بس انطوني فرصة ....اسئلو علية ...
بس حاولو ...اتعرفوني زين
ترة مرات كردي منكم وبيكم بس ميصون بتكم
ويعذبة
....جان يحجي واحس كل كلمة تطلع من كلبة
حسيت اشكد شاريني
اشكد غالية عندة
كل كلمه وهو يكبر بعيني اكثر
جان يحجي ودكات كلبي اتزيد ......مستحيل الكه واحد يحبني بكد اصيل
..التفتت لامي ....وبديت احجي اله ...
شفت السكون على وجهه
كانما تنتظر اخلص وتبدي هي
...بس اتمنيت ماتبدي
لان اعرف نيته اتجاهه
..التفتت امي لاصيل ....
_يعني تكدر تفتح بيت هنا ....
...باوع علية اصيل ....وهو ميعرف الي يجاوب
التفت اله وكال
_اني صح حالتي المادية ..على كدي
بس اذا هذا الي اتريدينه ....عندي استعداد
اكدر اخذ ورثي
واجي اشتري بيت هنا
اني جنت كاعدة بين نارين ....
كانما اكو تحدي .....ومنو الي راح يفوز بي
...حسيت امي صفنت ...
وباوعت لاصيل وكالت
_ماشي ...اريد افكر وانطيك خبر بعد ٣ايام
...بهاي اللحظة ....ممصدكة الي حجته ...ضليت صافنة ومتلعثمه
مااصدك امي ..اتريد اتفكر يعني اكو امل تقبل
...ضل اصيل صافن ميعرف الي كالته
ومنتظر اترجم الة الحجي
بس من الفرحه ....سكتت ...اريد استوعب
_جوان ....يمعودة امج اشكالت
التفتت اله ..وحجيت كلشي
واني مبتسمه
....شفت الابتسامه على وجه ....
وهو ممصدك ...
...طلع اصيل يم الباب .....
وهو يكول الية
_الدور عليج جوان ......حاولي اتقنعية بعد
وغمز الية
...اني ابتسمت وندكت راسي ...
بس احس نفسي خفيفة ....لدرجه ... احس لاول مرة اني اتحقق حلم حياتي
وهو اتزوج الي احبة
وطلع
ظليت اتابعه لحد مااختفى من يمنه
اروع احساس حسيت بي ...
ان الي اتحبينه يبذل اقصى شي عندة لخاطر يحصل عليج
اتنفست بقوة
ودخلت للبيت ...
شفت امي لابسة ملابسة وتريد تطلع
اتعجبت ...محجت اي شي ...بس جانت مستعجلة
اتريد تطلع بسرعه
_ها ماما وين
_عندي شغلة هسة اجي ....
مباوعت حتى على وجي ....
طلعت بسرعه .....ضليت صافنة ....علية
جانت الفرحة الي بكلبي قادرة اتنسيني اي شي او بالاحرى
تقفل دماغي عن اي استنتاجات
اجة وند ...من المدرسة
وانتضرت امي ترجع ماكو هي ...
لاول مرة مااعرف وين اتروح
صبينه غدة
واني بالي مشغول ...اول مرة تطل ومتكول وين رايحة
جنت اكل وكلبي يدك من الفرح ...
حسيت رتح تتغير حياتي شي جديد ينتظرني
صبيت جاي لوند وكعدت يمه وكتلة
الي صار ...من اجة اصيل مرة ثانية ...وكتلة اريد رأيك
...التفت الية وكال
_جوانا....اني الولد حسيت بي خوش ولد
بس اخذيهة من اخوج الصغير
محد راح يقبل تتزوجينه
_ليش وند .....حجيته واني عيوني تلمع كانما خرب فرحتي بهذا جوابة
_قلة قليلة الي يقبلون ينطون للعرب
وهذولة الي يسوهه بس الي عايشين يمهم ويعرفون طباعهم
احنى نختلف عنهم ...بهواي شغلات
واول المعارضين ...خوالج
...فزيت من حجة هيج ...كانما الفرحة اتلاشت كانما سراب
كل الي جنت احلم بي انمحى
صح ....اي صح احجاية وند ...اول مالعارضين خوالي ...
امي!!!!
_وند الحك امي .....اكيد راحت لخوالي
_شنوووو ؟؟؟
اشمدريج
_وند .....الحكلي عفية ...بدت ادموعي تجري ..
واني اكمش بوند
عندي احساس ...رايحة الهم
بهاي الوكت سمعت اندك الباب راحت ثريا تفتح
وهي فرحانه
طلعت من الهول ...
واشوف خوالي داخلين ثلاثتهم ....وامي وراهم
جانت نضرتهم تختلف ..
بديت ارجع ليورة ...
واني جسمي كله يرتعش ...
ماحجو اي كلمة بس نظراتهم اتزيد من حديتة
طلع وند ...من وراية وهو يرحب بيهم
التفت الية وهو يعرف الي راح يصير
_جوانا روحي صبي جاي من ايدج الحلوة
...حسيت وند يريد يخلصني من الموقف
...رحت للمطبخ ركض واني ايدي على كلبي ونفسي يصعد وينزل ...بسرعه
احس اختنكت ...
جانت ايدي ترتعش ...ماكدر اكمش القوري .وبالي يجيبلي افكار غريبة عجيبة
اجت ثريا ....وكالت
_خوالي يكولون تعالي
...بدت اعيوني تدمع ...حتى ثريا اتعجبت
_ليش تبجين جوانا
...باوعت علية
_لا حبيبتي ...ماكو شي
رحت غسلت وجي .....واخذت نفس واني اكول
....اصيل سوة المستحيل علمودي
يريد يترك اهلة لخاطريى
...لازم اواجهم ...حتى لو جنت اخاف ...لازم اكسر هذا الخوف
انيي ممسوية شي غلط
....بديت امشي واني احس الدنيا بدت تسود بوجي كانما راح اوقع على ورقه اعدامي
اقتربت منهم
واني اشوف اعيونهم الي مركزة بوجي
_السلام عليكم
....جاوبوني بسلام البارد
...التفتت لامي ...وشفته مدنكة راسة ...متباوع علية
رحت كعدت ... واني متوترة وافرك بايدي
بدة خالي الجبير ....يحجي وي امي
اما اني فكاعدة مااعرف شنو الي يصير
وبلحظة سمعت كلمة هزت كياني كله
كلمة مجنت اتصور اسمعه وخاصتا بهذا موقفي
_احنى جاين نخطب جوانا لاحمد
ضلت اعيوني ...تفتر ...
تفتر على امي وعلى خوالي وعلى وند ...
جنت ادور جواب على هذا السؤال
الي سمعته صحيح ...لو اتخيل ...
...باعوت امي الي ....والتفتت لخالي
_كدامكم هاي بتكم ...اخذوهة مالكه احسن من احمد
....لا مستحيل .....لا مااصدك
كمت واني مفزوعه ....بديت احجي ولاول مرة يسمعون صوتي العالي
_شنوووو ماما ....شتكولين ...
شنو يخطبوني لاحمد
واني ....متاخذون رأي
...جاوبني خالي وهو يكول
_مااتصور راح اترفضين ابن خالج ...
حسيت بنفسي اختنكت .. وبدت عيني اتضيك ...
وكتلة
_لا ارفض .....لان مااريدة ولا فديوم فكرت بي كزوج
كام من مكانة واتقرب الية ...وعيونه الي كلهة جمر
_ليش ....لعد منو اتريدين العوربي ...
...التفتت لامي واني مااعرف كلمة اوجهه بحقهة
مااعرف شنو الي اتصرفه
مااعرف اجاوبة
_العربي اذا متريدونه ملازم ....
مااتزوجه ...بس مو اتزوج واحد مااريدة ولا فديوم افكر بي كزوج
مااحس الا اجة كمشني من شعري وبدة يضربني
_ولج هذا ابن خالج ....ياااا......
ولج اترفضينه لخاطر واحد متعرفين هو شنو ماشنو
ولج انتي مامتربية
واختي معرفت اتربيج
...بديت اصرخ علية واكله
_لا ...متربية .....وانتم اتعرفيون بية كلش زين
واني لو اموت مااتزوجه
مااحس الا بدو خوالي كلهم يكتلون ...
اتذكر ضرباتهم ....بوجي وجرتهم لشعري
وحتى داسو ابطني
وبدو يركعون راسي بالكاع
بهاي اللحظة ....
مااحس باي شي
بس اتذكر
صرخات ثريا ....
وايد وند الي اتريد تبعدهم مني
..............
كعدت بالكاع واني منهارة من الي اتذكرتة
مديت ايدي لراسي الي حان يوجعني حيل
...شنو الي سويته
شنو الي اجرمته وهيج يتصرفون وياي
جنت اتمنه ابوية موجود ويشوف اشلون يعاملوني ..
لازم اروح لعمامي
...رحت فتحت الكنتور وطلعت جنطة وكمت الم هدومي ..
بهاي اللحظة كعدت ثريا
_وين رايحة جوانا ....
مسحت ادموعي وجاوبته
_لتخافين حبيبتي اريد ازور عمامي ...
_واني ابقى هنا بوحدي
....رحت حضنته وكتلة
_لا ليش بوحدج ....امي و وند يمج
واني زيارة قصيرة بس ازورهم واجي
.....صار الصبح ونزلت جوة واني شايلة جنطتي ...شفت امي بالمطبخ
_اني اريد اروح لعمامي
...التفتت الية
_والله زين طلع حسج جوانا ..ويلة تروحين تشتكين من خوالج
_مراح اشتكي من خوالي .....
بس اريد رأيهم ...
واني امشي بشور عمامي
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!