رواية قلوب يتيمه الفصل السابع عشر 17 - بقلم لينه سعد

قصة #قلوب_يتيمه الجزء السابع عشر
للكاتبة لينه سعد
........
دخلت غرفتي... واني اعرف مستحيل اغير شغليتن كره امي لفيروز الي مااعرف شنو... وليش
والشي الثاني والي معذبني....
مااكدر اغير الي بكلبة اتجاهي

اني اعرف تتصورني مثل اخوهة.....
بس لشوكت........ لشوكت يافيروز تحسين بية
اشوكت اتفرقين بين الخوة..... والحب

.... امي.... وهي هاي المشكلة الي اتواجهني كرهه الي اكبر من اي شي اتخيلة ....  الي خرب هواي شغلات بحياتي

اتمنيت امحي هذا..... اشكد حاولت انسى كرهه لام فيروز... حاولت اخليهة اتحب فيروز... حتى لو قليل
بس الظاهر ماكو اي فايدة

.... اتقدمت من كنتوري.... فتحتة وخرت الملابس وطلعت صورة قديمة.... معقوجة.... ممسوحة معالمة من الزمن الي مر علية

جنت اني واكف وفيروز ونائل
جانت نضرتي مو على الكامرة...... جانت علية...
جنت اضوج احد يوكف يمهة... احترك من تحجي لو تلعب وي نائل
جان نائل كامشة من جتفهة وهي مبتسة وفرحانة
هاي الابتسامة الي ماشفتة بعد ماصارت الحادثه..

اتغيرت هواي.... صارت قاسية... ماله مشاعر
اتذكر من جانت صغيرة
جانت تركض بس الية.....
جانت مااتنام اذا ماتجي بالهول واحجيلة قصة
اتذكر من شفتة اول مرة..... جانت طفلة بالكماط....
اول مرة اشوف عيون زرك.....من حلاة عيونة مديت اصبعي وردت اشلعه...
بس ابوية ضربني... لان اذيتهة... وبقت تبجي
من هذا اليوم واني اتعامل وياهه برقة

...............................................
_وينج... فيروز.... تعالي انزلي لو اله ادكلج طبل يالة اتشرفين
_ها سميرة.... انطيهة مجال... تغسل وتنزل واستلميهة
_شينزلهة اذا مااصيحة.....
حجتة بنترة
_الله اكبر عليج..... مايفيد الحجي اروح انام احسن
_اي والله عمة.. ارتاحي... وخلي هل البلاوي بركبتي..

_لابلاوي ولا قصة....... اني نازلة بدون ماتحجين
.... نزلت فيروز الدرج وهي على هاي القوانة من يوم ما استلمت تربيتهم مرت عمهم
... بس قبل جان تختلف الامور... جانت قسوة وضرب واهانة... اما هسة اكو شي صار منعهة اتمد ايدهة علية

.....
_هسة انضف البيت...
_لا نضيف البيت..... روحي وكلي رسل... ماترضة تاكل اله من ايدج....
حجتة وهي تعوج حلكهة
_ماشي رايحة الهة

..... اتقدمت من غرفة رسل
رسل بنت سميرة.... وهي معوقة... بيهة متلازمه داوون
مااعرف اشلون احجيلكم عن رسل
رب العالمين عاقب سميرة برسل....
وعاقب رسل بان اتصير امه سميرة... سبحانك ربي
رسل احلى شي بيت عمي
بنت طيبة وحساسة... اتضوج من امه لان تتعامل وياهه باحتقار
هي اصغر من نيروز ب٦سنوات
جانت قريبة... مني ومن نيروز... رغم اني اكرة كلشي بيت عمي...
اكره حتى نفسي... بس رسل تختلف...
مرات من اختنك.. اروح احجي وياهه..... شي صافي
شي نظيف...

... دخلت الغرفة.. ولكيتة كاعدة.. حركتة قليلة بالكوة تمشي

_اشلونهة الحلوة..... ابتسمت
_هلا فيرووو...
جوعانة.... ومااريد اكل امي اخاف منه
_ههههه حقج اتخافين منه... غووول الله وكيلج
... بدت تضحك
_يلة حبيبتي هسة اسويلج

..... رحت صبيت الهة بماعون..... وجان يدخل نائل

.... نائل النسخة الثانية من والدي.. يشبهة هواي. بس هو الي يضحكنه بالبيت اسبورت وطيب ومعلي باي هوسة اتصير... يعني الحمد لله مالكيت متاعب من اولا سميرة
بس هي سميرة تكفي وتكفي

_الله يساعدك
_اشلونج فيرروو..

مشيت واني اكلهة
_الحمد لله لحد هسة

_ههههععع الله يستر من العصر...
... اخذت الماعون.. ورحت لغرفة رسل
_يلة حبيبتي.. جبت الاكل
_لا فيرووو... اريد لعابتي..
_وين الكاهة.....
_امي خلتهة فوك الكنتور.... ماتقبل اتنزلة اتكول انتي مو زعطوطة
_معليج بامج هسة انزلهة.....

.... اتقدمت من الكنتور.... مديت ايدي... جان طرف اللعابة طالع بس مكدرت الووحة
وفجئ..... حسيت نفسي ارتفعت..... واني انهز من فوك حسيت نفسي اريد اطير شي حلو.... ضحكت..
نزلت راسي لكيت نائل كامشني من رجلية وصعدني...

_يلة ولج صايرة اشثكلج....
اااخخخخ يمة ظهري
... اما اني جنت اضحك بقوة... على حجايتة ورسل اتعيط وتضحك... وتكلة
_حتى اني صعدني.....
... كمشت لللعابة وكتلة يلة نزلي....
نزلني... واني بديت اضرب بي... واجر شعرة..
_انت مخبل ولك اذا وكعت وانكسرت منو الية
_امي..... ههههههههه
اداريج خوش مداراه
_اي بية الخير

...... بهاي الاثناء... انتبهت على الباب... وجان واكف رائد
جانت نظرتة خزرة... وعاقد حاجبة
اتقدم من الباب.... وحاط ايدة بجيب بجامتة
وحجة بعصبية

_شنو هذا التصرف..... موعيب. انتي شكبرج
شنو يشيلج من رجليج
وانت مو عيب عليك... تتصرف هيج تصرف

.... االتفت نائل لفيروز... وغمز الهة
والتفت لرائد وكال بابتسامة
_يعني لو انت اتشيلة يصير حلال
_شنو هذا حجيك.... متستحي...

.... اتقدمت فيروز من رائد وكمشتة من جتفة  وحجت بدلع
_لتخاف هو اخوية الجبير...
ليروح بالك لبعيد

.. التفت رائد الة... وعيونة تلمع وهو يباوع لعيونهة الي ميكدر يتحكم بانفعالة... مكدر يتحكم بانفاسة الي تطلع بقوة

ظل يباوع لشفايفة وهي تنطق الكلمات ببطىء..
جان ذايب بين هاي الشفايف... كانما هو واكف بين هاي الشفايف وهي ادهسة
.. جانت جسمة يهتز كانما صاعقة كهرباية صعقتة
والرعشة اتسربت بكل انحاء جسمة

... دارت وجهة وابتعدت وبيدة الماعون... واتقربت من رسل وهي اتوكلهة بالخاشوكه لكمة ورة الثانية
اما هو ظل متسمر بمكانة....
ميعرف اشوكت تنتهي هاي الدوامة....
ميعرف اشوكت اتحس بي.....
... التفت على نائل الي جان ماخذ وضعية المراقبة وهو يبتسم... وهو يشوف اخوة الجبير ذايب...
بوحدة متحس بي
ويغار علية حتى من ظلال المكان الي واكفة بي

......................................... ً............

طلعت من قاعة المحاضرة وهي تركض بعد ما حست بالانحراج من دكتور المادة الي جان يشرحلهم الدرس
... وصلت لاحد المصاطب.. الي جانت متعودة تكعد بيهة هي وصديقاته
شمرت كتبة..... وكعدت وخلت ايدهة ايدهة على وجهة...
وبدت ادموعه تنزل
جان كلبة ضعيف.... ضعيف لدرجة ذكر اسمة يحسسة بضياعهة
هي حبتة من جانت طفلة... اول مافتحت عينة وهي اتشوفه شايلة ويعتني بية
جان قريب منة.... حتى اقرب من فيروز الي حاولت متحسسهة بغياب امهة

تذكر من جانت تنام بحضنة وهي صغيرة...
وبيبتهة متقبل وتجرهه من ايدهة... وتكول الهة
_عيب كبرتي.... ميصير تنامين يمة
_ليش اني احب انام يمة.... اني احبة
_ههههههه ولج شتحبينة..... بعدج صغيرة
_لا اني احبة وراح اتزوجة
_هههههه ياااافلشجج يانيروز.... ولج اشلون عرفتي الزواج
لا رائدد مو الج لفيروز

..... اتذكر هاي الكلمات الي جنت اني وبيبيتي نحجي بيهة اتذكر من حجتة هاي الكلمة بيومة..
ظليت ابجي واعيط... واكول لا ماايتزوج فيروز...
رائد يتزوجني
وضلت بيبتي تضحك.... وتضحك بقوة.... وهي اتحاول اتراضيني وتكول
_يلة عود ازوجج نائل
_لا خلي يولي نائل مااحبة..... اني اتزوج رائد

..... من هذاك اليوم.... وبيبيتي تعرف اني احب رائد.... احبة لدرجة مااتخيل يومي بدونة....
وكبرت واني على حبة ويوم ورة يوم يكبر

حتى من ينزل للجيش... اضل ادعيلة يرجع بالسلامه

... بس رغم هذا واني اعرف هو ميحبني ولا فكر بية بيوم... اني اعرف المن يريد
وهذا الشي الي يموتني باليوم الف مرة
مااعرف ليش هيج اتورطت
اشلون احب واحد يحب اختي.... وانوبة اضوج من اشوفه يريد يتقربلهة ويحاول يجاملة 

.... رفعت راسي... وبديت امسح ادموعي....
وشفت شهلاء ورفل جايات علية وهنة مذهولات من الي صار
_هاااا حبيبتي..... اشلونج
_زينة ليضل بالكم
_ولج يازينة شوفي وجج..... كافي نيروز... كافي تاذين نفسج
انتي اتعرفين ميحبج.... ليش ماتعوفينة
... باوعت الة... وهزيت راسي
ليش هي متدري اشكد حاولت ابعدة عن بالي...
اشكد عانيت.... بس كلبي ميكدر... ميعرف ينبض الة اله

اتذكر بيوم بيبيتي كالت....
انتي مثل بوج.... من يحب يحب بكل قوة ومايعوف الي يحبة بسهولة
... جنت اتمنى هاي الوراثة موارثتهه منه
جنت اتمنى اشلع كلبي وابدلة

_لج نيروز ماشفتي اشسويتي بدكتور رشاد... صار اصفر اول مرة ينحط بهيج موقف
الله يعينج... شنو باجر منتظرج
.... كمت واني نفسي لعبانه من كلشي
_شيصير خلي يصير.... خلي يرسبني او مايدخلني محاضراتة
_ولج هو مايعرف طبعنة... قبل ٣اشهر من اجة وهو مثل الطاووس يمشي عبالك ملك محد مثلة
... بس ليضل بالج احنى وياج
_الله كريم بنات يلة اروح للبيت اتي تعبانه مااكدر اكمل
_ماشي الله وياج
......................................................... 

_هااا يمة صلاح......
اشوكت اطلع من المستشفى
... حجتة ام صلاح وهي تعبانة من كعدة المستشفى

_لتخافين يوم ان شاء الله ايام واطلعج...
_اي والله ترة لعبت نفسي.... واني احس نفسي زينه
وشتاقيت لسيف
_ان شاء الله ترجعين وتشبعين منة شوف

.... جان صلاح واكف يم شباك الغرفة ومخلي ايدة بجيب بنطرونه وهو يباوع على الساحة الي كدام غرفة المستشفى
جان براسة شي ويفكر.... جانت افكارة هواي ويريد تضبط خطتهه

_اشبك صلاح اكو شي.... خواتك بيهن شي
... التفت صلاح وهو ياباوع على امه
_لا يوم ليش تحجين هيج
_اشو احس بيك.... اكو شي بالك شاغلك.... شنو الشغل بي شي
_لا يوم بس انس اكول من اطلعين من المشفى يرادلج ممرضة يمج
_ممرضة؟؟؟
ليش قابل اشبية
_يحتاج الج ابر.. وعناية خاصة انتي مسوية عملية وعملية قلب يعني صعبة
_حتى لو ابني خواتك بالبيت مو جودات
_لا خواتي ميفدنج......
... رجع يباوع على الشباك... وهو صافن وكال
_يحتاجلج.. ممرضة متمرنة على هيج اشياء
يتبع