رواية قلوب يتيمه الفصل الثامن عشر 18 - بقلم لينه سعد

قصة #قلوب_يتيمه الجزء الثامن عشر
للكاتبة لينه سعد
.....................
سديت جنطتي.... من بعد مااخذت فلوس مهرهة وخليتة باحد الجيوب الي موجودة بالجنطة ...
وردت اطلع

_ولك اصيل...... انت شسويت... ولك فضحتني
..... كامت امي تلطم على وجهة من بعد ماعرفت اني رحت وفسخت الخطوبه
... اتقدمت منه وركعت على رجلية وكلت
_ليش يووم...... اني مااحبة مااكدر اعيش ويااهه.. ماكدر اخلف من عدهة...
مااريد اظلمة وياي... ليش متفهميني
_ليش انت مفهمتة.... ليش ماحسيت بيهة وانت كسرتهة..
وهي تتمنى اتسوي كل الي اتريدة

_يووم الله يخليج... لانخليني اتوجع... اني مهدود حيلي
اني احب جوان.... مااكدر بلياهه
ليش متشوفيني اشصار بية
.... ليش متحسين بية
اني الليل ماانام من وراهه

....  وكفت ودفعت ايدي الي جانت كامشتة  وعيونهه مفتوحة وحجت بعصبية
_اصيل... اذا رحت الهة وخطبتة..... اني مو امك
ولاتجي علية وتكول تعالي وياي

.... وكف اصيل وهو يباوع لعيون امة الي كلة تحدي لقرارة
دنك راسة وكال
_يوم رايح اني اخطبهة...
وراح اجي اخذج ونقرة الفاتحة
... سحبت جنطتي وطلعت من الغرفة

.... امي طلعت وراية وهي اتصيح...
_اصيل...... . لاتجيني لعد.... اصيييل
لاتدخل البيت..... مااخليك تزوجهة

.... اصييييييييل......

... طلعت واني ادري العواقب الي راح توكف بطريقي
بس الي اريدة هسة اخذهة وبس
اتصير مرتي
وشيصير خلي يصير

.... التفتت سميرة..  لام اصيل وهي مخروعه من الحجي الي صار
_يمعودين شكو.... منو الي متريديهة
... التفتت ام اصيل لسميرة...
ودخلت لغرفتة
..................................................

..... اندك الباب بهذا اليوم...
اليوم الي راح تتغير كل حيالي بي.... جان الوكت مغربية..  والدنيا حمرة كانما اتسلم وتحاول اتودعني
وتكول هذا اخر يوم راح اتشوفيني بي

... راحت ثريا فتحت الباب....
سمعت صوتة... وهو يسلم على ثريا..
نزلت بسرعه من الدرج... واني فرحانة وكلبي طاير من الفرحة..
شفتة لابس قاط.... وشعرة الي يلمع...
وجان عطرة الي ملة المكان.... ودخل جوة روحي
.. التفتت لامي وهي واكفة
والنار تاكل بكلبة

بدت اتعيط وتكول اله..
_ماعدنة مرة.... انت ليش جلبت... روح اخذ منكم وبيكم
.. اما اصيل جان واكف بدون حركة ولا يعرف الي اتقصدة
بس حس برفضة حس بنترة كلامهة وعصبيتة

.... وهي اتريد تعرف وتكول اله
انت اشلون عرفت عمامة ومنو وصلك الهم
جان وند واكف... وهو يحاول يهدىء بامي...
اما اني جانت دمعاتي تنزل وحدة ورة الثانية..... لان اعرف مراح يتغير شي.... حتى لو عمامي وافقو هي مراح تتنازل

جنت اتمنى هاي الفرحة بان تتم... 
ورغم هذا واعرف امي متقبل
بس اكول يجوز الله يجمعني بي....

.... بس حسيت هسة الموقف يطلب مني شجاعه... وقوة.... واصرار علمود احصل الي اريدة

.... اتقدمت من امي وكلت بكل قوة... وبكل شجاعه وكلت
_امي.... اني احبة..... اني اريدة..
لاتحرميني منة
... اتقدمت واني اكمش ايدهة... واريد احسسة برغبتي
اريدة اتحس بعذابي اذا مااصير زوجته

.... شفتة دفعت ايدي بقوة
_مااقبل...... ولا تحاولين اتاثرين علية.... ترة اني الي اسوي الج
وعمامج... ميهتمون لمصلحتج....
اني ممواقفة ومراح تاخذينة

..... شفتة تحجي بقوة وبعصبية... عرفت ماكو امل.. شفت لازم ادخل بقوة اكثر وكلت

_بس اني مو قاصر.... اني عمري ٢٠سنة واكدر اتزوج
واني اختاريتة وعمامي موافقين...

.... شفت امي انصدمت من حجايتي حسيت بيهة اهتزت وفتحت عينة وهي ممصدكة الي تسمعه
... اتقدمت مني وبدت اعيونة كانماا تتوسل بية
_جوان....
صدكيني راح تتعذبين..... ومحد راح يوكف وراج
جوان... لو اعرف يفيدج مااتركج تتعذبين
اني اريد مصلحتج
الله يخليج افهميني

.... حسيت لاول مرة بضعف امي
حسيت بانهيارهة كدامي وهي اتحاول اتغير الي براسي
بدت ادموعي تنزل بغزارة
_ماما صدكيني مراح يصير الي بالج... وراح الايام تثبتلج
ماما الله يخليج وافقي... وحتى لو صدك الي كلتي خليني اجرب... بس
راح يجي اليوم وتعرفين اصيل
وراح تتراجعين عن كلشي موزين فكرتي بي

.... هزت راسة وهي يائسة من الي اتسمعه
حست ماكو نتيجة بدت ادموعه تجري

.... التفتت على اصيل بغضب... وهي عاقدة حاجبة وكالت
_روحي وياه....
اخذي وروحي.... اني مراح اوافق... ومااريدج بعد ولا اريد اتفكرين بيوم توصلين لهنا ولا تكولين عندي اهل
وخلي هو يفيدج
وحتى عمامج... راح اتشوفين منهم الويل يوم الي تحتاجيهم

_ماما........ بديت اصرخ من سمعت هيج حجيهة باوعت لوند وهو يحاول يهدي امه....
بس ماكو فايدة
جان وند مقتنع باصيل.... بس يبقى االقرار لامي

......................................................

بهاي الليلة مانمت ضليت كاعدة واني ابجي بقوة
ليش ماتكمل وياي... يعني الي حبيتة من كل كلبي وبالاخير راح اخذة اخسر امي واخوية واختي
اخسر اهلي اعز شي عندي
ليش ياربي...... بدت ادموعي تنزل واني افتر بالغرفة مثل وحدة متوجعه والالم ياكل بجسمها
بعد ماراح اصيل... راح اخذ غرفة بفندق علمود يستعد لباجر لعقد المحكمة
امي رفضت اتزوج... وكالت روحي كانما اني ميتة ومااهتم لاي شي
مااريد اعرف مهرج ولا شراح يجيبلج....
خلي ياخذج ابلاش....

.... دخل علية وند وباوع لحالي
_انتي متاكدة تاخذينة ومحد راضي
_ليش محد راضي انت موومقتنع.....
_انتي المهم مصلحتج..... بس اذا الكل رافض يعني اكو شي غلط
.... حطيت ادية على وجي وبديت ابجي...... يعني شنو وند
يعني مراح ارتاح لا اني ماخذتة ولا اني تاركتة

_لتكولين هيج..... اتبعي كلبج..
يلة كافي حجي بعد ماكو فايدة...... بس عندج وقت اتفكرين زين...
يلة اروح والله يشوفلج بي الخير

.... طلع وند وخلة الحيرة بكلبي.... بديت افتر بالغرفه رحت للشباك فتحته بديت اشم الهوة....
واني اباوع على المكان..... ماكدر اعوفة....
لان اذا اعوفه اموت واني حية.... كلشي يمي يذبل
اني مغلطانة.... والي راح يصير هو الصحيح
اني احبة وهو يحبني... لذلك لازم اضحي باحد يااما اهلي لو هو

....................................................

طلعت من المحكمة واني كامشة ايدة..... والفرحة مالية كلبي...
التفتت على وند الي جان يمشي وراية وهو زعلان
رحت الة وكتلة
_وند مهما ان كان انت اخوية واني اختك.... لاتعوفني بهاي فرحتي
انت كلشي الية هسة
.... كمش ايدي وابتسم وكال
_اتمنى الله يسعدج..... وترجعين اتزورينه وانتي فرحانة ولاتخافين امي مراح تكدر تنساج
روحي عيشي حياتج والف مبروك

........ وند من دخل المحكمة مطلب مهر مقدم منة  بس خلى المؤخر بيت باسمي
مع العلم اني جنت رافضة بس شفتة جان مصمم على هذا واصيل مااعترض قبل بهذا

...................................................
ركبت سيارة التكسي
التفتت من جامة السيارة الي ورة وشفت  اعيوني ادور على  وند الي جان مقهور متضايق
واكف ومجتف ايدة وهو يباوع علية
جانت هاي اخر نظرة بيناتنه...... محد وكف وي اختة بكد ماوكف وند وياي
جان حنين كلش.... كلب ابيض صافي

افتقدتة هواي....
ظلت اعيوني اتابعة من جامة السيارة
وهي تبتعد عنة
بدة اشوية اشوية يختفي وبدت دمعات اعيوني تخلص من البجي بهذا اليوم
مااعرف كل بنت صار بية هيج شي.....
لو بس.... اني

رجعت كعدت واني عيوني تجري
جان كاعد بصفي اصيل وهو كامش ايدي ويكول

_راح اصير الج زوجج وحبيبيج واخوج... وكل اهلج
مراح اتشوفين شي مو حلو وياي
رفع ايدي وباسهة

..... رغم ادموعي الي جانت تنزل ابتسمت..... لان حققت حلمي والي هو ان اصير وياه حتى لو بالنار
المهم وياه
ظلت تمشي بينة السيارة
_وين رايحين هسة لاهلك ؟
_لا......
... باوع الية وابتسم.....
_ راح اوفي  النذر الي نذرتة
_يانذر... ؟؟؟
_راح اخذج... لحبيب كلبي والي دوم اشكي همي اله

.... جنت حايرة من يحجي... بس مطمئنه وفرحانة
راح ابدي حياة جديدة
... نزلت من السيارة وبديت امشي وياه وهو كامش ادية... بديت المح الي يقصد علية
جانت قبتين ذهبية.... لونهة صافي... جانت هالة صفاء اتحيط بيهة
بديت ابتسم واني اشوف الامامين كدامي... الي عمري مزايرتة
جنت فرحانة
باوع علية وهو يكول
_هو هذا النذر الي كتلج علية..... بس قبل لا ندخل خلي اناجر غرفة بفندق لاتنسين احنى عرسان وتعبانين
نرتاح وننزل انزور

... هزيت راسي الة واني موافقة على كلشي يكول
دخل اصيل اجر غرفة بالفندق القريب من الامام... ودخلت سبحت وحظرت نفسي للزيارة
ونزلنة... مااريد احجيلكم عن الموقف الي جنت بي من دخلت للامام  مزيج حلو من كل الشاعر
حب... وحزن...  وفرح.... وبديت ادعي اتكون حياتي وي اصيل كلهة افراح ويسعدني وياهه
ويهدي امي الية

... طلعت من الامام وتقريبا جانت الساعه ٢ الظهر..
اخذني اصيل للمطعم.... وكال
_راح نتغدة... وراح ندخل للسوك تشترين النيشان من ملابس وذهب
مااريد اقصر وياج
واذا اتريدين اسوي عرس ماعندي مانع
... جاوبته
_لا كافي اني وياك...... هذا يكفيني مااريد اي شي

.... ابتسم الية وعيونة بيهة حب وحنان وكال
_انتي طيبة جوان..... والله يكدرني واسعدج دووم
بس لازم ندخل للسوك واشتري الج كولشي

... فعلا بعد ماخلصنة غدة... دخلت السوك واشتريت كلشي من ملابس بيت وطلعه.... وملابس داخلية ومكياج... وكلشي يخطر ابال العروسة
ردت اطلع بس شفت اصيل وكف وكال
_اوكفي هسة اجي
... ضليت واكفة... منتظرتة...شفتة طلع من ابو المحل وبيدة علاكة
_هاي شنو اصيل
_بعدين اشوفة الج بالغرفة.... وابتسم

... من بعد ما كملنة مسواك رحنة للغرفة ودخلنة واحنى تعبانين
.... وكفت بمكاني بدون حركة..... ضليت اباوع علية وكلبي يدك بكل قوة....
اول مرة انجمع بي... انجمع باحساس شغلتين والي اتعجبت يصير عندي هيج شي
الخوف..... والحب

اما هو جانت نظرتة تحجي كلشي....
جانت ابتسامة خفيفة على وجة
اتقدم مني بخطوات بطيئة...... وكال بكل عذوبة
_لتخافين مني.... اني زوجج... واقرب شخص الج
مراح اتقرب منج لحد ماانتي تتعودين علية
راح اطلع عندي شغلة ضرورية ... اخذي راحتج اسبحي ونامي...
اقترب مني وكمشني من ذراعي وقرب شفتة من كصتي وباسني بكل شفافية
... جنت واكفة واني جسمي يرجف و متعجبة منه ومن تصرفه
ابتعد عني... التفت الية وكال
اقفلي الباب ولتفتحينة لاحد لحد ماارجع الج

... طلع واني ماادري وين راح
بس الي عرفتة..... اني مرتاحة من تصرفه.. ارتاحيت لان حسسني هو اهم شي عندة اني..
اتقربت من العلاكة الي جان مشتريهة...
جان عندي فضول اشوف شنو الي بيهة
.... اتقربت وفتحتة..... ههههههه اتعجبت...
اشلون ماخطر ابالي اشتري هيج شي

... تركت العلاكة واني مبتسمة ومستعدة لوجود اصيل بحياتي...
يتبع