رواية قمع المشاعر الفصل الخامس وسبعون 75 - بقلم Rozaya1122

قمع المشاعر....  الواحد والثلاثون من الجزء الثاني...
للكاتبة زهراء ( روزايه)...

أعاتب من يمر بيّه حنين الصوت
اعاتب ولو يمرني الطيف
يلكـَـــاني هله ويلكـَــاني غايب
مانه من كـَــد لهِْفتي لشوفك
شمع بسكوت ذايب
دكَ عليّه الباب
كـَــلبي . كــَـبل ما جاوب يجاوب
وابتسم لي الدنيه تحله
واحس كل الناس يحبّيب حبايب
وتدري.. من تكبر على اشفافك بَسِمْتك
يكبر ابكـَــلبي الهوى..
ومجبور اعاتب
....

قبس..جنت بين الحلم والحقيقه
بين اغمائي وصحوتي اشوف صورة طفل
كدامه نفسه الجنت اشوفه عشرات المرات باليوم
لان مخليته صورة شاشه ..

اسمع صوت بأذاني كام يتهيألي وهو
يكول ماما!!
اني اقابله بأبتسامه ..

راح عقلي للبعيد وشفت بمنامي
عندي عائله اني وياه نلعب وحدنه
ويجي بشار من الدوام يبوسنه اثنينه
سافر عقلي للخيال واني بعدني فاقده الوعي..

كمت افتح بعيني واسمع صوت يمي يحجون
بس ماافتهم شيكولون كل الي اتذكره
نطقت وكلت ابني!!

خليت ايدي على بطني عبالي
اني بعدني بهذاك اليوم المشوؤم
من اخذوا مني ...

ماافتهمت شحجت ويايه الممرضه بس
مبتسمه بوجهي وخلتلي ابره ومغذي
ورجعت نمت ..

بشرى.. يومين واحنه حلوكنه يابسه
كلوبنه مفرفحه كل اليطلع نساله
يكول تمر ٧٢ ساعه ضبط وتزيل مرحلة
الخطر يله انطمنكم..

من اجينه مفزوعين ورا ساعه اجت سناء
شفت بعينهه الماشفته عند اهلي
دموعهه تنزل والقران الصغير بيدهه..

تبجي وتدعي جان دعائهه ياربي
لاتفجعني بيهه !!

شكد تحبهه وانتشلتهه من الضياع
واهلي واليسمون عمامهه تبرو منهه
وعافوهه وحدهه تعاني..

اموري بيده التفاحه الصغيره مايرضى
يعوفهه ماكلهه ظاله شويه ولازمهه حيل
مستغرب يباوع بالوجوه ..

بشار كاعد ومدنك راسه بصفه ابو سيف
يسولف وياه وهو ساكت ..

شوكت راح تنتهي المصايب موگلوبنه
خلصت وهي بعدهه تطحن برواحنه..

انتهت ال٣ ايام واني ارجع ويه سناء
بليل ويظل بشار وطلع الطبيب طمنه عليهه

كال حاليا عدهه سكر والسيطره علي صعبه
تحت الابر والعلاج يله استقر وهم موبشكل
طبيعي هذا الشي ميخلينه نطمئن ..

السكر صاير عدهه اثر صدمه قويه
الضغط مسيطر علي وگلبهه تمام
بس تبقى عينكم ع السكر وكتب
العلاج وابر انسولين روحوا جيبوهن..

حجيت يعني دكتور هاي راح تظل
طول عمرهه ع الانسولين ماكو علاج
حبوب ليش اله ابر..

ماافتهمني وبشار التفت عليه سكتني
ومشه ويه الطبيب يحجون واني
ركضت للممرضه اريدهه تفوتني..

نقلوهه بغرفه خاصه وطبيت الهه
جانت نايمه جريت الكرسي وكعدت يمهه
شفايفهه يابسه ومتشققه !! عيونهه تعبانه
وفايتات ليجوه!!

حب لو لعنه نزل عليج بشار ماعشتي غير
سنه وحده وتوالت عليج المصايب
كمت بستهه من كصتهه وظليت كاعده
يمهه

شويه وانفتح الباب كمت بسرعه
اريده يبقه يمهه وكفت يم الباب ع جهه
وهو كعد يمهه ع السديه

جر ايدهه المحروكه وباسهه
دنك ع راسهه وظل طابع بوسه
طويله ع كصتهه..

باصبعه الجبير حدد ملامحهه
بس جانت غاطه بنوم عميق
ابد ماكعدت ..

اجت سناء وجايت امير وكلنه كاعدين ننتظرهه
تصحى فوك الساعه يله انتبهت..

جنت كاعده يمهه واموري بحضني
هي فتحت عينهه رمشت اكثر من مره
من فزتهه وصدمتهه عيونهه طلعت ليبرا

وهي فد بجيه وتصيح حرام عليكم
مشكوله ذمتكم حرام عليكم !!

امير فز وهي حاضنته خانتكته
تريد تفوته بنص كلبهه ..

الولد يبجي اريد اخذه منهه
بشار اشرلي عوفيهه خلي
يبجي بس خلي ترتاح..

شفت الولد راح يوكف كلبه مستغرب
وخايف كمت كوه افتح باديهه
وهي سادتهن باحكام ع ظهره

كمت احجي  ولج يمه الولد مات بجي
راح تصير بخوفه موهيج هو الج ابنج
طول العمر بس ع كيفج قبس بنتي!!

سحبته منهه وهي انهارت ماتكدر تفتح عيونهه
منفوخه ووجهه مورم مدري شجاهه
وابنهه يشهك من البجي وهي نفس صوته
نفسهه ينكطع وتشهك شهكه شكبرهه..

سناء طلعت ماتحملت وبشار كام يمهه
حضنهه ويهدي بيهه احس الكلام ضاع
بلسانهه بس تشهك وتفز بحضنه..

اجت الممرضه جيكتهه وكالت تكدرون
اطلعوهه وامير شايلته برا وافتر بي
تخبل بس اوصل للغرفه يدفر
بيه يخاف..

قبس.. روحي احسهه مثل الطير المذبوح
روحي فرفحت واني اشوفه شكبره
وسنه كامله ياظلام سنه واني ماادري
عندي ولد..

لزمت بشار من قميصه حيل واعت بي
ماتخاف ربك ياظالم شنو السويته الك
فهمني ابيش اذيتك ماوكفت بعينك
ايامي وياك!!

شلون انطاك كلبي تحرمني من عنده
سنه بشااار سنه واني اتلوع وحدي
ولك امه سرور وربته وسهرت علي
وهو بالانفاس واني بيد الغربه رحموني..

بشار..ع كيفج راح يوكف كلبج اهدي واسولفلج
اني ماحرمتج منه انتي روحي شلون
احرمج ولج انتي ويه دمي تمشين شلون اذيج
بابنج..

قبس.. شلون مات لعد؟ وشلون اجاك
بشار ارحمني وفهمني !؟

بشار.. خله اصبعه ع شفايفي احسهن
يابسات واصبعه مثل المرهم البارد
ويتحرك عليهن

حجه بصوت قريب ع الهمس كلشي
احجيلج وامير الج والي اطلبي تاخذي
من بين عيوني بس اهدي وع كيفج

هسه راح نطلع وتجين ويايه
وهناك اكعد وافهمج وامير بحضنج
كافي بجي اشو كافي راح يوكف كلبج
من كدما شهكتي..

قبس.. ليش مايريدني!! يعني راح يظل
يخاف مني واني شلون اتحمل!؟

بشار.. لايريدج هسه من انروح للشقه
يريدج
قبس.. ومنو كالك اروح وياك مااريد اشوفك
لاتستغل ضعفي لاتستغل ابني لاتستغلني كافي..

بشار..وين نتفاهم لعد يم سناء عيب
من اخوهه وابني شلون افاركه واحنه
موبلدنه ..

قبس كتلج اني وياج باي قرار تاخذي
كتلج سابقا وهسه هم اعيده عليج
لو ع حساب روحي مااكلج لااا
بس اهدي الله عليج اهدي...

قبس.. سكتت ودرت وجهي عنه
اني بوضع مااعرف اتصرف وبس اريد
ابني النفر من عندي

كمت من السديه وهو لازمني لان دايخه
اريد اوكع امير عند بشرى اجه ابوسيف اخذهه
كدامنه

واني طلعت وياه اجرنه تكسي واخذنه لشقه قريبه
ع بيت سناء ماجرهه ابو سيف لان ماترهم
بالفندق والظاهر تفاهمنه يطول..

طبيت للشقه تلكتني بشرى حضنتني
وتبجي ماانطيت اي ردة فعل حته مابادلتهه
وين جانت عني من انحبست اشهر بالبيت؟؟

اتلفت بالشقه وينه؟؟ ليش مااسمع صوته
تمنيت يركض ويحضن رجليه مثل كل
طفل من يشوف امه..

بشرى.. نام تعب من البجي وحته مااخذ الممه
شمرهه وبس يشهك انكطع كلبه هالطفل

يابنتي لخاطره تفاهموا لخاطر هالملاك
روحه بابو يبجي مايرضى يسكت وهو يصيح
ابااا..

قبس.. اخذيني اله وينه؟
بشرى..  تعالي يابنتي الله يساعد كلبج..

قبس.. اخذتني للغرفه نايمه بنص الجربايه
بحذائه ولازم بيده دب صغير حيل
والدموع يابسه على خده

شمرت نفسي بصفه اشم بعطره
اشم بانفاسه هاي الريحه مشتمتهه
وعبالك موغريبه عليه؟!

بوسته من خده خاف يكعد دار وجهه
انزعج شامر اديه اثنينهم ومفتوحات
تعبان من البجي..

دموعي تنزل وامسح بيهن بسرعه
لزمتني الشهكه شكد مريت بمصايب
بس لاول مره تلزمني هوايه ويتكطع
كلبي

هم اسامحكم ؟؟ شلون اشوف وجوهكم
بسببكم خسرت ابني؟
بسببكم خسرت شبابي وصحتي !!

حطيت راسي ع ايدي وكاتمه دموعي
انتظرك تكعد حبيبي! منز اعتنى بيك
هم سهروا عليك؟ هم صيحوا وتعاجزوا منك

اول ماكلت ماما المن؟ بحضن منو تنام
امك سرور من تنشر ودكول حبيب ماما
طلعت متونسه بامومتهه بابني واني
اعاني المر والغربه..

انفتح الباب عمه بشرى ماتحركت كعدت
يم راسي اني بعدني بحاجبي وملابسي
خلت ايدهه ع راسي تمسح بي
ودكول بشار ماله ذنب بحرمانج من ابنج
اكعدي وتفاهمي وياه..

ماجنت مستعده اسمع اي كلمه
كوه كدرت احجي وكتلهه عوفيني
ارتاح !!

كامت طلعت واني عيوني تحفظ بتفاصيله
حبيبي اكعد كافي نوم خليني اشبع منك
لايوكف كلبي وماشايفتك ..

شويه وكام يفرك بعيونه من كدما بوست
بي انزعج بس فتح عينه شافني
بالاول ساكت وشويه وكام يصرخ
مااعرف شسوي شلته وافتر بي واطبطب
ع ظهره وهو يسحب بنفسه منه مايريدني

مااتحملت حيلي انهد هو يبجي واني ابجي
اريد اسكت مااكدر من كد الحسره
البكلبي من اشهك يرتفع صدري وينكطع نفسي..

لازمته حيل وهو يصرخ بصوت عالي
دموعه تنزل ع خدوده واني اهز بي
اريده يسكت شعور مؤلم ابني مايريدني!!

انفتح الباب بشار اجه يركض ع صوته
اخذه مني وهو يحاجي باباتي حبيبي
منو وياك؟؟ سكت ويباوعلي يمكن يكله
هاي مااريدهه!

واكفه كدامهم ومخليه اديه ع عيوني
وكمت ابجي بحسره حسيت ع ايده
وهو يحضني ويخليني جوه ايده!!

بشار.. لاتبجين مو كطعتي كلبي بدموعج
موهيج ياحبيبتي موهيج !!

هو طفل وماشايفج وانتي صرختي
اول مره وخاف هسه يتعود عليج هو ماشايف
احد حته طلعه ماانطلعه..

قبس.. مسحت دموعي وابتعدت عنه كتله
طبعا مايعرفني يعرف امه سرور
قبس مرت ابو!!

بشار.. لاتحجين هيج سرور عمرهه ماكانت امه
ولا راح تكون ولاسمحتلهه تربي انتي امه
وحبيبة ابو وروحه..

قبس.. اريد ابني اريده يحبني اني مااتحمل
اشوف هيج شوف كلبي ياذيني وعيوني
مااشوف بيهه بشار كله هاي امك

بشار.. تعالي بدلي وكومي اسبحي
ارتاحي وهسه يلتهي بس موبهيج حاله
طبعا يخاف دشوفي حالج شلون تبجين..

قبس.. خليني احضنه!!
بشار.. تقرب عليه وحضني حيل وهو شايله
صار بحضني بس داير وجهه
ع كتف ابو بس كدرت احضنه وهو مأمن بحضن ابوو

بشار.. يله بدلي واسبحي واني راح اظل شايله
حته يلتهي ..
قبس.. مالي گلب يعوفه بس مجبوره اريده
يتعود عليه ولازم بشار يساعدني..

ماعندي ملابس كعدت ع جربايه مختنكه
روحي مثل النار من تشتعل وتبقى جمر
ونرجع نحركهه حته تشتعل مره ثانيه..

اشكي واعاتب ليش ياربي شنو ذنبي
هيج من مكان لمكان !!
اباوع لملابسي صارلي ٣ ايام بيهم
منين اجيب مااطلع واكله لوتنكلب الدنيا

نزلت من الجربايه كعدت بالكاع
ورجعت راسي ع جربايه ومددت رجليه
بالكاع لاحيل عندي ولاگلب بي قوه
يواجه بعد

اكثر مايحرگني شوفة امير
ونفوره مني شسوي هسه بس
يشوفني يبرطم ويبجي وكوه يسكت..

بس انت عندي يا امي بس انته!!
حبني واتمسك بيه لاتعوفني
لا تعذبني مثل اهلك..

انفتح الباب بشار بسرعه سالته
وين امير!؟
جاوبني وهو يتقدم باتجاهي وكعد بالكاع
وثنى ركبته كدامي..

يم بشرى ياكل!! ليش لسه مابدلتي
ومد ايده تلمس خدي درت وجهي
بسرعه ..

بشار.. كومي جبتلج ملابس كومي اسبحي
وتعالي نتغده يله حته تاخذين امير
لان بعد مينام..

قبس.. مثل الطفل ويقنعوا كمت بسرعه
كتله وينهن اكو علاكه ماانتبهت عليهه شالهه
انطانياهه اخذتهه وركضت للحمام

نزعت حجابي وسبحت بسرعه
اريد اطلع اخلي بحضني فتحت العلاكه
ماادري ليش ابتسمت !!

خاولي لفيت شعري بي
تراك شتوي لونه بنفسجي غامق
وجايبه فيت ع قياسي
ابتسمت ع الملابس الداخليه وشلون ضابط القياس
ابو النسوان..

لبست وطلعت الحمام يصير كدام الصاله من
شافتني بشرى كالت نعيما حبيبتي تعالي يم اموري
يموت ع الشعر اكعدي وانطي المشط هسه
يلتهي ..

كيفت من كالت هيج كعدت بالكاع وهو ضام
راسه بحضن بشرى كالتله تعال انمشط لماما شو افتري
افتريت وانطيتهه ظهري

شويه واحس باصابيعه الصغار ولزمته للمشط
بالغلط وعمه دكله اي هيج نمشط لماما
وهو يناغي مااعرف شيحجي بس
گاگا گاگا...

دموعي تنزل بغزاره واني مدنگه
امسح بيهم شعور غريب بداخلي
مؤلم وبنفس الوقت فرحانه !!

اجه بشار كعد كدامي واني مدنگه
وهو يحاجي شتسوي ولك ؟!
وهو يرد علي بعصبيه گاگاگا..

بنفس الوقت ابجي واضحك
صوته يعزف ع كلبي احرك راسي
يكوم يبجي يريد يبقه يمشط..

بشار..لاتتمرضين لمي شعرج وانت تعال
يمي خلي انجيب غده ونجي ..

قبس.. اخذني وياكم خليني اشيله؟!
بشار.. اول شي صفن بوجهي وغمض عيونه
ورجع فتحهن كال امشي البسي يمج ملابس بجنطه
بالغرفه ..

قبس.. ركضت بسرعه للغرفه لكيت
فستان طويل وحجاب بلونه بسرعه
بدلت وطلعت اركض كلشي موفرلي حته حذاء
لبست ووكفت كدامه الهث ..

ابتسم وكال يله امشي جان شايله
طلعت بعدني انزل ع الدرجات
حسيت نفسي محتاجه حمام
وكفت وكتله اوكف هسه اجي..

ركضت للشقه دكيتهه طلعتلي عمه بشرى
بوجهي للحمام ليش هيج حالتي
ماجاي اسيطر ع روحي؟!

غسلت وطلعت لكيته واكف بمكانه
ماحجه شي من نزلنه انطاني امير
ردت اشيله ماقبل ظل يقنع بي وقفل
كام يبجي..

ماكدرت اشيله خاب املي لان مايريدني
ابد ولا حته يباوعلي ويخاف مني
من يشوفني ..

ظليت امشي مدنگه المطعم قريب
دخل بشار حاجاهم وانتظرنه شويه
بين ماجهزوا الاكل ورجعنه بس عيونه
عليه ماتفصلهه غير الرمشه..

رجعنه للشقه حيل مقهوره
اباوع لابني ومااكدر المسه
بس امد ايدي يصرخ ويبجي
كعدنه ناكل وهو بحضن ابو مبين
متعلق بي حيل..

مااكلت غير شويه نفسي مسدوده
كل تصرفاتي الي اسويهن بس اريد اكسب
ابني ..

كملت الغده وعيني ورا يكوم اباوعله
يكعد اباوعله عيوني شابحه مثل
الغركان وينتظر واحد ينقذه..

ورا الغده كعدت بصفه العب بشعره
يصيح بسرعه احاجي يدير وجهه
بعصبيه بگلبي كلت مثل ابوك!!

رفعت راسي شفته يباوعلي
ركزت شويه بعيونه وكتله احجولي
شصار ابني شلون كالو مات وشلون وصل الكم؟!

بده بسولفلي بالتفاصيل كامله
اخاف اعيط واضرب نفسي
اخاف على نفسية امير بس كلبي
ينزف دم وعيوني مثل الجمر
ينزل دمعهن..

من وصل لبرائته كتله اوكف لاتحجي
مااريد اسمع اي كلمه لا اريد تبرير منك
ولامن اي شخص الي قرابه بي..

صدكت والماصدكت ماتهمني
طلعت برائتي واله لااا ماتهمني
الي يهمني شي واحد هو ابني!!

اذا تحبني يابشار اطلكني !!
موتريد اسامحك طلكني...

بشار.. هز راسه بموافقه كتلج اهم شي
راحتج واذا هالشي يريحج انفذه الج
بس موهسه منا لمن يتعود عليج امير
وتكدرين وحدج حته مااتعبين وياه..

قبس.. سكتت ودنكت بس ماكدرت شكد ماامثل
ماكدرت شلون هيج انظلمت من وحده غريبه
عمري ماسمعتهه كلمه ؟!

اني شنو دخلني بعداوته ويه ميامين اني شنو
ذنبي وادفع الثمن ؟! ماكدرت اظل كاعده
لا ابني يريدني ولا اكدر المسه..

ركضت للغرفه واني ابجي مافرحانه ابد
ببرائتي بالعكس زاد عليه الهم لان من شخص
ماتوقعته ولا عندي اذيه اله جان ضني فرح
طلعت اسراء..

شتتحمل ياكلبي بعد
هم اكو مصايب تنزل عليك
وبعدك صابر وتحبه !!

مر اليوم كامل واني اتودد واتوسل
احاجي بدموعي قبل الساني
وامير متخبل من عندي بس يشوفني
يبجي ويخاف..

لان عطت اول مره ومن اشوفه اصرخ
صارت بي خوفه وحسب كلامهم
مامتعود يشوف شكل جديد..

عمه بشرى حجتلي كلشي واني ساكته
امير بحضنهه واني العب بشعره
وهي تحجيلي عرفت سرور من النوع
التصيد بالماء العكر ورادت ابني يتمم زواجهه..

ماناقشت ولا انطيت ردة فعل
بس اسمع كلشي برد اتجاهم
لا اريدهم ولا اسامحهم بس انت
يابشار لو اسيطر ع ضعفي..

معقوله احبك لدرجه الهيام
من  اكعد وحدي اكول مااريده
ومااريد اشوفه واقوي بنفسي
وبس اشوفه كدامي كلشي يتبخر ويصير
سراب..

ضعيفه كدامه حيل لان الانسان الوحيد
الحسيت بامان وياه
الوحيد الحبني بعيوبي واني حبيته
وجمعت كل انواع الحب وسلمته اله

بشار جان طالع شويه واجه جنت افتر بالغرفه
وامير نايم طب باسه وطلع كال نامي لتظلين كاعده..

ماحاجيته طلع وسد الباب واني كعدت
يم راس امير واباوعله فجأه فتح عيونه
ومنا طافي الضوه بس ضوه خافت
وشافني وحدي يمه ..

فز فزه كلت راح يوكف كلبه
بجه وماكدر ياخذ النفس بس حلكه مفتوح
وشفايفه صارت زرگ

تخبلت شلته وركضت ليبرا اصيح بشار
جان مدد بالصاله كمز ع صوتي واخذه مني
وعمه بشرى تنفخ بوجهه وتقره ايات
يله اخذ نفس وطلع صوت البجيه..

اني من خوفي عبالي مات
حشكت نفسي بالزاويه واني واكفه
ايدي بين رجليه وحانيه ظهري مثل
التتالم بس المي بكلبي..

ظل يبجي انطاه لعمه واجه عليه سحبني
من ايدي ومسح ع راسي وهو يكلي
لاتخافين لان فز بظلام
هزيت راسي لااا لان شافني خاف من عندي؟!

بشار.. موكتلج ماطالع ابد وهو هيج طبعه
من اطلعه يخلصهه بجي لاتقلقين هسه يتعود

قبس.. اباوع بالفراغ واهز براسي بعد مااتحمل
اريد الحمام سحبت ايدي وركضت للحمام
شلون بيه ولج قبس هيج حالتج صرتي حته
ماتسيطرين ع نفسج اذا ابقه ثواني
افشل نفسي..

غسلت وطلعت لكيته شايله ويضحك
يدغدغ بي من بطنه مثل ابو مبين
يغار من بطنه ..

تقرب عليه وكال تعالي للغرفه
طبيت وياه نومه بالنص وهو بالجانب الثاني
واشرلي نامي بصفه خلي يتعود عليج
ترى هو عنيد ع امه!!

باوعتله بطرف عيني ونمت ع الحافه مال الجربايه
منطيني ظهره ويلعب بلحية ابو واني
بنت البطه السوده ..

خنكتني العبره بس مانزلت دمعتي
مااعرف يا الهي اعاتب لو اشكرك
على رجعته..

مايرضه ينام فوك الساعه وهو
بس يتحرك وساعه يون وساعه
يسكت..

خليت ايدي ع شعره وقربت راسي
يمه اجت ابالي اغنيه يفتحهه
سيوفي دائما كمت اغني بيهه بهدوء..

نني نني يله نني على صوتي واني
بغني نامي نامي يايماما واسريرك مستنى..

هدء وهو يباوع بوجهي واني اغني
بهدوء انطيته الممه لزمهه وبده يغفى
يفتح عيونه ويرجع يغمضهن لحدما غط بالنوم..

واني بعدنه صافنه علي والعب بشعره
حسيت على ايد بشار وهو يخليهه بشعري
بسرعه فزيت بس ماشالهه ظل مستمر..

غمضت عيوني جنت محتاجه امان!!
محتاجه حنان ويغمرني بداخله
ردت اشطب هذا اليوم مومن ضمن الزعل..

اكو مسافه بيناتنه حسيت على ايده
تخلت ع خصري ورفعني ردت اوكع
على امير بس هو سندني وحولني بصفه..

ردت ابتعد بس ماانكر جنت رايدته
جنت محتاجته بس هاي الايام
اريد اخزن لايام الجفاء القادمه..

ظليت ساكنه بحضنه قرب شفايفه
ع ركبتي وباسني بهدوء
بلحظه كام يبوس بشغف يتنقل من مكان
لمكان وعبالك عنده وليمه !!

اريد ارفع ايدي وابادله بس للاسف
ماكدرت ادري جاي يحس احساس
موحلو وعبالك نايم ويه خشبه..

حاول بكل الطرق يخليني اندمج وياه
بس تعجبت ع نفسي شلون هيج جامده
شلون راحت مشاعري واللهفه..

ابتعد عني وماحجه اي شي بس
ايده بشعره جنت نايمه ع ظهري لزمني من زندي
وخلاني اندار علي وايده جوه راسي..

واخذ شفايفي ببوسه شبه عنيفه
حسيتهه حركت مشاعري المكبوته
والمختبئه تحت انقاض الالم..

لزمته من ركبته وبادلته البوسه
هنا حسيت بشار القديم الجان يذوب
قبلي بده يفقد السيطره واندمجنه اثنينه ..

بعد فراق طويل وبعد معاناة
رغم زعلي وجنت حاسه بالي اسوي
بس جنت اكول اخر ايام وراهه يحرم عليج..

ماادري شصابني واني بحضنه احتاجيت
الحمام ردت اسيطر بكل قوتي ماكدرت
دفعته حيل وكمت اركض اريد اطلع..

بس للاسف جان ابشع شي مريت بي
بعد ولادتي فتح الضوه عباله بيه شي
وهو كام وياي واني بنص الغرفه
ماطلعت مالحكت وادررت ع نفسي..

هاي نفسي وروحي التحملت اشكال كرهتهه
كرهت نفسي صارت الدنيا بكد حبة
العدس بعيني..

اريد اطلع مااكدر لان تراكي مبين
ونزلت بالكاع وهو واكف كدامي
ماكدرت ارفع راسي بوجهه..

حركت رجليه بخجل ودموعي احسهن
حركن خدي هوايه عليه هذا العذاب هوايه!!

اريد اطلع واني مدنگه سحبني من ايدي
حيل وحضني دفعته حيل بقوتي
ماابتعد ايده حاوطتني بقوه وضاغط ع راسي
لصدره واني دموعي تنزل من الخجل..

ابتعد شويه اني بسرعه ركضت للحمام وظليت
كاعده ماكدر اطلع ولاجايبه ملابس
واريد اطلع انظف مكاني موقف يدك موبراسي
بكلبي لحدالان..

دك الباب وهو يكلي لاتتمرضين قبس هاج
البسي واطلعي لايكعد امير ..

مديت ايدي اخت الملابس لبست وطلعت
هو ماموجود بسرعه اخذت وصله ومنظف
ونظفت الغرفه ورشيت عطر ورحت تمددت بصف
امير..

اداري بدموعي وشلون اخلي عيني
بعينه خجلانه حيل ومشمئزه من
نفسي..

شويه واحس ع اقدامه تتجه للجربايه ايده
تخلت ع زندي ورفعني من الجربايه شالني
ونزلني بالكاع..

مدد رجليه وخلاني بحضنه مثل قبل
من جنت اخاف وتهيج عندي النفسيه
هيج ينومني لان اكله ارتاح..

وفعلا ارتاحيت راسي ع صدره
والهدوء سيد الموقف بس ايده
مره بشعري ومره ينزلهه على وجهي
باصبعه الابهام يحركهه ع شفايفي
لحدماغفيت..

كعدت الصبح واني ع نفس النومه وهو
مرجع ظهره ع الجربايه شصار بي تكسر
مامتحرك ابد باوعتله غافي ركزت بملامحه
جنت اتهرب منه

نزلت عيني ع ركبته انتبهت على شي
يم نحره مثل العقده مال الخياط
عقدت حواجبي باستغراب واني
بحضنه مديت ايدي على ازرار قميصه
فتحت اول وحده فز ..

ظليت اباوع بعينه وايدي كملت عملهه
افتح بيهن بالسره عيونه انتهت ذبلن
نفسه صار عالي ابتسامه ع وجهي نفس لهفته
واكثر من. جنت اسويله هاي الحركه..

جان يكلي اصابيعج لاتخليهن يطخن
صدري احسهن يلامسن اقصى شعيره
احساس بداخلي..

فتحت القميص ونزلت عيني ع صدره
شهكت وخليت ايدي ع حلكي بفزع..
وحجيت بخوف شنو هاي بشار شبي صدرك؟!

بشار.. لزم ايدي عوفج من صدري
اني موكايلج هاي الحركه توترني بديتي
بيهه كمليهه!!

قبس.. جريت ايدي وتلمست باصبعي السبابه
الجرح ع طوله من نحره لحد بطنه
وخط احمر صاير..

بعد ماكدر يقاوم ميل راسه ع ركبتي
ودفن راسهه يم اذني وكال شيلي ايدج!!

قبس.. ماشلتهه بس جاوبته بهمس شنو
هاي مسويه عملية شنو؟!

بشار.. زرعولي كلب ثاني لان ذاك
امتلىء بحبج وعوزي واحد جديد..

قبس.. بشاااار عملية شنو لو قصدك
كلب ثاني لسرور موانت متزوج اثنين مايكفي
واحد..

بشار.. اتمنى اكدر اعاقبج مثل قبل
جان هسه عرفت شلون ابدي وشلون انتهي..

قبس.. احجي عقوبتك قسمهه بالتساوي
انت رجال لازم تعدل بين نسوانك..

بشار.. رفع راسه وكال سويت عمليه فتح قلب
وشرحلي احس كلبي راد يطلع من مكانه
اريد احضنه بس اكتفيت الحمدلله ع السلامه

بس جذب روحي مفرفحه علي كمت من حضنه
وهو يصيح هاي ليش هيج لاتصيرين جبانه
كملي البديتي بي..

كمت كعدت امير كعد زين هم ركض لابو
بس اهون بشار بدل وطلع كال راح احجز ع باجر
لازم نرجع..

ماقبلت ارجع ليا قهر وليا ضيم
بس جان كلامه منطقي ابني شلون اعوفه
هنا اني وعدتج انفذ كل طلباتج وعند وعدي

اخذني لسناء سلمت عليهه وتشكرت
منهه بجينه اني وياهه وودعتهه
بشار انطاهه حساب كل المصرف الصرفته
عليه وماقبلت بس توسلتلهه وكتلهه لخاطري
يله اخذته..

وثاني يوم طلعنه للمطار ورجعت برجلي
لبغداد اجيت لتركيا وحيده رجعت ابني
بحضني بس شلون راح اواجه الكل
وشلون اشوفهم ماادري..

بعدنه ماصعدنه وخابر ع امه بس كالهه
يمه احنه راجعين خابري سرور تجي يمكم
وقبس وامير ويايه...

.
.
يتبببببببع. . ... احبكم...

البارت هديه للحلوه Anwarsunlight