رواية قمع المشاعر الفصل الرابع والعشرون 24 - بقلم Rozaya1122

......قمع المشاعر.... البارت الخامس والعشرون..
للكاتبة زهراء ( روزايه)...

يا ليل هل تسمعني يا ليل لماذا تسألني؟؟
مهلاً يا آلامي توقفي ويا أحزاني أرحلي
فمهما لاحقني خيالها سأنساها
ترى هل سأنساها محال محال محال
أحبكي رغم تعذيبي ستبقين وحدك مليكة قلبي
ورحيقة حياتي إعلمي ياروحي الغالية
أني وضعتك تاجاً على رأسي فأنزلوك 
وزرعتك زهرة في حديقة عمري فأذبلوك
جعلتك شمساً في سماء حياتي فخسفوك
أشعلتك شمعة في مشوار دربي فأطفأوك
كتبتك شعرآ في كتاب حياتي فأحرقوك
وضعتك قارباً يرسوا في بحر عيوني فأغرقوك
تبنيتك طفلة لنفسي لكنهم عني أبعدوك
خطفوك من كل دنياي لكنهم لم يعلموا
أنهم يا جميلتي في قلبي قد نسوك...
...
( بارت مفاجىء لعيونكم الحلوه يا احلى وارق متابعين غلسوا ع السحكات  )

قبس.. مسحت الرساله وانطيت الرقم حظر هاي ساجده اطبل وحدهه سمعت بيه مرتاحه وعندي راتب مايسد حلكهه غير الفلوس

صح بلاول انصدمت بس بعدين ما اهتميت طزز بيهه هو اني شعندي واخاف لاعندي ماضي واخاف انكشف ولا بيوم مشيت بدرب موزين شتريد تسوي خلي تسوي هو الواحد يصدك ساجده هي شلونهه عاد

ولاردت اخرب شعوري الحلو بالتفكير رجعت لفراشي مددت افكر بتصرف بشار ليش هيج سوه رجال واله هيبته شلون هيج ضعف واني بنت عمه وفوكاهه بالمكتب لو واحد جاي ولاگي الباب مقفول جان صارت فضيحه الهه اول مالهه تالي

الانسان من يتعرض لموقف مايفكر بالعواقب بلحظتهه ورا مايمر الوقت يكعد يفكر لو هيج لوهيج؟؟ واني الليل كله افكر لو واحد جاي لو انفضحت حته راسي صدع بيومهه

ثاني يوم رحت للدوام وخاله ام بشار طلعت ويايه راحت لبيت اختهه مسويه عمليه واني وصلني السايق للشركه وقعت ورحت لشغلي..

سناء.. سمعتو الخبر؟؟
قبس.. شنو خير؟؟
.. مبدلين كادر شعبه الصادرات كله لان ذاك اليوم صار غلط واجت لجنه الوزاره وبدلتهم
قبس.. خطيه وين راحو ؟؟
.. محوليهم لغير مكان عقوبه وسمعت من مدير الموارد استاذ حسين يكول استاذ بشار ماقبل ينقلوهم لان بعيده عليهم وداز طلب للوزاره بان يحولهم مسائي احسن ما شامريهم بعيد وكلهم عدهم عوائل

عاليه .. شكد يصير عدنه غلط مونروح للمدير وهو يساعدنه هالمره شعجب وصلت للوزاره
سناء.. الي سمعته بيوم الاجتماع من اجت اللجنه دققت وعادي كايلين هالمره نمشيهه وحاجين ويه استاذ بشار كايلهم اني اتحمل المسوؤليه وحته اذا غرامه ماليه ميخالف لان الموظفين خطيه اغلبهم رواتبهم قليله ومن ضيم گلوبهم متحملين وماكو دائره ماتصير بيهه اغلاط

وعادي امشيهه وكايليله راح نكتب بالتقرير ماكوشي وبهالحجي بس قبل يومين جايه لجنه ثانيه من مكتب الوزير وحته متعارك وياهم المدير ومطردهم لان متعدين على شكم موظف

عاليه.. شكد جانت الشركه هادئه ومايوم صار بيهه هيج هسه المشاكل وحده ورا وحده
سناء.. الحجي بيناتنه الظاهر الي اسمهه ميامين الهه ايد بالسالفه  استاذ حسين ماقبل يحجي بس كال هاي عدهه عداوه ويه المدير وتريد تسقط الشركه حته تصير بمكانه

عاليه.. يابرب..... موكتلجن وراهه سالفه ام اكعيب اذا ماطلعت مفلفله ع المدير اكص اديه اوزعهن بشارع

سناء.. حاصره روحهه بلبنطرون وصايره يوميه تگصر الستره وتمشي تهز حته المتقي ربه ينحرف

قبس.. شفتنهه شلون سوت بينه والمدير هانهه وماتابت اني متحلفه بيهه بس تجي اطيح حظهه وخلي عود يفصلوني
سناء.. هي عدهه غايه ومبينه حقوده كل ما اروح الكاهه يم ام حسن وهاي المره فقيره وجبيره اكيد تسحب منهه حجي وذاك اليوم شفتهه جايبه علاكه ملابس واكل انطتهه لام حسن وكالتلهه امر عليج

عاليه.. ام حسن اقدم وحده بالشركه هسه تزوع الاول والتالي اني مجربتهه مره جبيره وتحب السوالف ع نيتهه اتجيبهه من عگه لمكه

قبس.. بصفي كوب نسكافيه رجعت ظهري ع الكرسي وكمت اشرب الجو بارد حيل ع الاقل يدفي شويه باوعت من البرده الدنيه مغيمه وبيهه مطره همزين لابسه ترانشوز ..

دك تليفوني صوت رساله سحبته فتحتهه من بشار عدلت نفسي وحطيت الكوب ع الميز لازم اتمعن بكلامه

بشار.. قبس الصار البارحه لحظه ضعف بس هالسطر هذا ظليت حايره شجاوبه سكتت وهو هم مادز شي بعد...

خلص الدوام ورجعت للبيت صادف يوم خميس بدلت وصليت اريد امدد اجت ام بشار كعدت يمنه

ام بشار.. اكلجن يوم باجر جمعه وبشار عازم جماعته ماكمتن نظفتن الاستقبال
شجن.. اكيد يباتون
ام بشار .. اي يباتون لعد من محافظات جايين وين يرجعون كومي يمه قبس هاي مرت عمر تشكي من ظهرهه وماامون عليهه انتي بنيتي

قبس.. صدك جذب خاله هسه اكوم البارحه نظفته بس هسه هم ارجعله
ام بشار.. الله يرضى عليج بنتي كامت طلعت حاجيت شجن انتم عزايمكم ماتخلص ؟؟
شجن.. هههه بعدج اشايفه هسه عود قليل جدو يموت ع اللمه يكول لو ما انتم يوميه اعزم

قبس... هاي اول مره عزيمه تخص بشار
شجن.. بشار قليل يتواجد بسبب دوامه وبالسنه مره يعزمهم واصلا هم هيج وقت ياخذون اجازه لان كلهم مهندسين ويوميه يم واحد هسه مو المحافظات وبعدهه هو يروحلهم يجون من البصره واكو من العماره ومن بغداد يوميه يجتمعون ابيت

قبس.. شكد حلو خلي اكوم انظف واذا اجت فاديه كليلهه عليهن العشه واني اغسل مواعين طلعت للاستقبال نظيف عدلت التخم والكوشات مسحت الطبلات وفتحت باكيت كلينس خليته فتحت المبخره شويه وسديته وطلعت...

سوت عشه فاديه واني ساعدتهه خطيه لان تتعب وغسلنه مواعين سوه لاعمر ولا بشار اجو ع العشا حته عمو كام يحجي يكول ظلت حسره بكلبي ينجمعون سوه
خابرو ع بشار كالهم معزوم وعمر بمحلات الخياطه عنده شغل كعدنه شويه يمهم وكل واحد راح لمكانه

ثاني يوم كعدتنه من الصبح هو عشه بس اكلت روسنه ماتريد تقصير لان غربه وعيب اجت هدى يمنه ومرت عمر ماشفنه وجهه حته مانزلت تغدت...

شجن.. جنه كلنه كاعدين بالمطبخ اندك الباب راح ابن هدى فتحه طلعت بنت وائل الصغيره اجت ع ماما كالتلهه بيبي دزتني دكول اريد سجين حاد لان ذبحنه طلي

ام بشار.. هااا اليوم ذابحين طلي شعدكم؟
... عمو غيث راح يتزوج واشترو غرفه وبيبي ناذره تذبح طلي
... هاج السجين لاتتعورين لعد شوماندري كلي لبيبي بيهه الخير...

شجن.. اتمنيت السجين تنغرس بكلبي افتح واسد بعيوني غيث يتزوج!! اريد ابلع الغصه وكفت ابلعومي هيج احس نفسي اشتعلت نار ودموعي كوه مسيطره عليهن

قبس.. انتبهت على شجن الي حالتهه انتهت كتلهه تعالي طلعت حجه اريدهه اخذتهه للغرفه بس سديت الباب كعدت بالكاع وانفجرت بواجي

قفلت الباب لا يجي احد ويشوفهه وهي ادك ع كلبهه وتبجي لج قبس غيث حبيبي اني شلون يروح لغيري امشي اخذيني اله مااخلي يتزوج
قبس.. شكد فاهيه وضعيفه لخاطر محمد انتي ضيعتي من ايدج هو رجال ويكدر ياخذج غصبا عن الكل بس انتي بعتي وتخليتي عنه شتريدين يظل يدك وينوح عليج خلي يشوف حياته موهذا التريدي

شجن.. انتي ماتفهميني اني احبه اموت علي روحي بي بس اني حقيره اني جبانه وكمت ادك ع وجهي لا غيث مايعوفني والله مايتخلى عني هو كال اظل احبج طول العمر

قبس.. كافي ولج تخبلتي منو كالج تعوفي لوكل الناس مثلج مجرد ماواحد يعارض ينهي كلشي جان بطلوا محد يحب انتي غلطتي وتتحملين نتيجه غلطج واقتنعي بلامر مو اليوم باجر بعد سنه غيث يتزوج قابل يظل ينتظر سراب من عندج وانتي شوكت ماخفتي تعوفي اصحي شجن كل انسان يتحمل غلطه

شجن.. لاتحجين هيج شوفي قبس اني ضعيفه وحرامات اصلا اعيش ع شنو عايشه واني اشوف الشفقه بعيون الناس وكل اليفوت من يمي يظل يباوع لرجلي اذا خطب غيث وتزوج المن اعيش هاي روحي العاشت بلقلق والخوف ماريدهه انتحر والله

قبس.. انتحري قابل راح انموت وراج الله يصليج بنار جهنم وتخسرين الدنيا والاخره نبجي عليج ونسكت ونظل كل سنه نزورج وغيث يتزوج ويخلف وانتي انطمي جوه التراب

شجن.. كوميني لفراشي واذا سألت ماما كليلهه نايمه مسحت دموعي والالم ياكل بروحي مثل المنشار يروح ويرجع ع كلبي لحدما يقسمه نصين  لفلفت نفسي بالبطانيه وظليت ابجي مابيدي اي شي اسوي...

قبس.. عفتهه وطلعت اشتغل وياهن شويه واجو باوعت من الشباك شلون قشطه ع عسل كيمر عرب يخبلون وكل الي يفوت اباوع لايده اني وفاديه يطلع متزوج ونكول مايفيد...

هدى للمغرب وراحت اجه رجلهه عليهه وجهالهه وكحين شجن ع نومتهه وصابرين مانزلت وبس اني وفاديه وام بشار كالت راح اروح اصلي حته نجي انصب العشه ..

ظلينه اني وفاديه كاعدين تحجيلي ع خطيب حوراء بنت عمه بشرى ويسوون حفله بعد شهر بس عقدو هسه جان يطب بشار سلم وكلامه موجه لفاديه

بشار.. وين امي؟؟
... تصلي انصب لوبعد
.. اي خلي تكمل وصبو ومن تكملون دكو عليه
فاديه.. ماشي لعد خلي اروح اصلي ورا العشا تصير ثكيله وطلعت بسرعه اعرف غايتهه تعوفنه وحدنه

قبس.. اني جنت كاعده ومرتجيه ع الكاونتر وهو جر كرسي وكعد كال شلونج
... زينه الحمدلله
... هلايام ملتهي بسالفه العقوبه ما اشوفج
.. اي سناء حجتلي وهسه شصار؟؟
.. بعدنه نفس الشي بلكي للاحد اروح للوزاره واشوف
.. الله كريم

بشار.. قبس اريد احجي وياج بموضوع بس يصير وقت ادزلج رساله
قبس.. خير خوماكوشي؟؟
.. لاماكوشي هسه خلي اروح من تكملون صيحوني..

قبس.. طلع بس قلقني احسه حاير ومدري شبي مدري ع سالفه الشركه مدري اكو شي ؟؟ صبينن العشا وماظليت بالمطبخ رحت صليت لميت السجاده وطلعت صاحني جدو وعمو عادل رحت اشوفهم جان يكول جدو

الحجي.. بنتي اليوم اجو ناس عليج ومحاجين عمج عامر من كرايبنه شايفيج بالعرس وهم قبل يومين كرايب الحجيه محاجيهه لان عرفو عدنه بنيه مستحقه زواج شنو رايج

قبس.. ما اعرف جدو وظليت ساكته ياربي شسوي لا بشار جاي يتحرك شمنتظر ولاهو عمو عادل يعني يكدر يكول اريدج لبشار بس الظاهر مايدري بابنه

الحجي .. فكري وتعاي كليله هاهي بنتي عمرج يمشي اتزوجي ارتاحي تعبتي انتي
قبس.. ان شاء الله وكمت من يمهم فكره تاخذني وفكره توديني  بحيث غسلت مواعين العزيمه كلهه وماحسيت ع نفسي وهن المواعين ع فاديه ...

لل١٠ وراحو كالو يباتون يم واحد هم من بغداد وباجر يرجعون مددت بفراشي ردت انام ماكو شكد حاولت عندي ارق لحد ١١ ونص اجتني رساله من عنده تعالي بالحديقه

الجو بارد ثلج لبست قمصله وطلعت لكيته كاعد بالحديقه ولابس تشيرت نص ردن  من يمي جمدت ويدخن

قبس... مابردان لابس هيج
بشار.. تعالي اكعدي كدامي
.. دروح البس شي لاتتمرض
... لا ما اتمرض لان النار الي بداخلي ماتخليني احس

قبس.. ياستار يانار هاي؟؟
بشار.. قبس اسمعيني يجوز هذا الكلام اول مره تسمعي من عندي من توفو اهلج وجيتي يمنه اني جنت بالكليه بس ظليتي ابالي جنت اتمنى لو مكمله حياتج يمنه وكدام عيني حته محد يتجرأ يجيب طاريج بشي موزين

كملتيهخ وانهزمتي وطلعتي متزوجه وعايشه ابيت وحده ساقطه ورجعتي النه وطول هاي المده ماشفت شي عليج بس ياقبس انتي ماتعرفيني لاتشوفيني هيج اني انسان شكاك الى ابعد حد

عبالج دارس ومثقف وهاي السوالف لا الشك الي عندي مدمرني لذلك تشوفيني اغلب الوقت ساكت بس بالحقيقه اني اغلي من الداخل ما اعرف ليش هيج بس يمكن الي شفته بالكليه من عجائب خلاني بهاي الصوره ومرات هو طبع الانسان مايكدر يغيره...

بسالفه شجن اعرفهه واختي بس ظليت ايام اني اكل بروحي واجيب منا واخلي هنا وظليت اراقب بيهه حته بتليفونهه هذا شيسمو شك !! رغم كلبي يكول اختك هاي وحبابه وترباتكم بس يرجع عقلي يسحبني للهاويه بالتفكير...

هسه اني وياج نفس الشي اتقربلج واريدج وكلبي طاك عليج اني اكلج يابنت عمي احبج فوك ماتتصورين

بس الماضي مالتج والتفكير بي هلكني خطابتج كثرت ومالي حق اظل اطرد بيهم واوكف بقسمتج اذا مامصفي نيتي وياج وهسه اريد من عندج تريحيني

لزم ايدي وضغط عليهه باثنين اديه ريحيني ياقبس كولي ماعندي شي بالماضي كولي اني طفله نقيه ومااطبعت باطباع خالاتي كولي اتحملك واظل وياك للاخير لحدما تتاكد وتقتنع

قبس.. اشوف الكدامي شخص ثاني موبس احسه مهموم لا احسه ضايع متناقض شي يريدني وشي لا دمعت عيني وهو يكلي كولي انتي مومثل خالاتج شنو من عار يلاحكني بسببهن

دموعي تجري بقله حيله وماعندي قدره لتقنيع شلون اقنعه وكل الادله ضدي بهاي اللحظه عضيت اصابعي ندم ع هزيمتي بهذاك اليوم الله لاينطيك جدي هيج دمرتني بالحقد جنت ليليله اتخيل انتقم منهن واخرب حياتهم

بشار.. لاتبجين ماكتلج انتي مثلهن بس عيشتج يمهن تجبرني اشك
قبس.. بشار اني والله وروح اهلي واخوتي مايوم سمحت لشاب يحجي وياي ولا سويت علاقه ولا حبيت ولايوم خليت راسي ع مخده وفكرت وعشت احساس الحب اتزوجت واطلكت وماعرف الحب شنو

هسه وياك عرفته عرفت شلون الانسان من يحب وشلون انام واكعد وصورتك ابالي شلون من اتذكر قربك الي يقشعر جسمي هذني كلهن عشتهن وياك ماعندي اي دليل حته اشوفكيا عن حياتي السابقه بس اني كدام رب العالمين جاي احجيلك اني مومثل خالتي وحته مايوم كعدت يمهن سولفتلك الرادن يسونه وانهزمت لساجده واتزوجت

بشار.. راح تتحملين شكي وغيرتي جاي اضغط ع اعصابي ترى مواحبسج ولا اقلل من شأنج وتبقين ع دوامج بس هذا الشك البداخلي على حياتج السابقه انتي بيدج تمحي ...

قبس.. شنو اسوي شبيدي؟؟
بشار.. كله بيدج انتي انتي تكدرين تساعديني وتمحين الشك عني قبس اني اريدج اليوم قبل باجر بس الحرب الجاي اعيشهه ويه نفسي ماتنحمل والله باليوم الي ما اشوفج بي احترك حرك واكول لا احسن خليهه تبعد حته لاتتاذى من عندي وبلحظه الي اشوفج بيهه انسه كلشي واريد اخذج لحضني واني اباوع بعيونج..

قبس.. ادنه عليه ومد ايده ورا راسي وحجه ابد لاتتخيلين بيوم اوتفكرين اني ناوي اضحك عليج لان هاي عيبه عليه انتي عرضي وحته الصار بالمكتب جان لحظه ضعف من كدما افكر اريدهه لا ما اريدهه وما انتبهت ع نفسي شلون ابوسج..

قبس.. ماادري شجاني صدكت كلامه مدري اني داخلي نظيف وعبالي الكل على نياتهم اني تحملت هوايه خلي اتحمله واثبتله اني ماعندي شي ومومثل مايتصور هو

سحبت ايدي الجوه ايده وخليتهه فوكاهه كتله اوعدك ماراح تشوف من عندي اي قصور بشار اني تعبت حيل بحياتي انت مودكول عليه رعنه بس اني من الضيم الشفته ماعندي وسيله ادافع بيهه عن نفسي بس اسلوب الهجوم

لاتاذيني اذا تحبني اني اوعدك اتحمل كلشي واخليك تثق بيه وتنسه كلشي وانت هم اتاكد بنفسك وروح اسال بس اذا ماتحبني وتشوفني مجرد اعجاب او نزوه من هسه عوفني ماعندي گلب اتحمل لاتغدر بيه انت اول حب الي واول مره كلبي يدك بهيج احساس

كملت كلامي وكمت وهو ظل كاعد طبيت ليجوه بدون ما التفت علي بهاي اللحظه احتاجيت ام او اخت احتاجيت شخص يرشدني ينصحني حسيت بنفسي ضايعه ظليت بفراشي حسبه تاخذني وحسبه ترجعني

كعدت الصبح اليوم عطله يصادف سبت بس هو عنده شغل يطلع ماشفته شجن مختاره طريق الهزيمه ومغطيه راسهه ومن صوتهه حاجيتهه مبينه الليل كله  تبجي

اشتغل وفكري كله يم كلامه مال البارحه احبج ومااريدج هذا الفهمته من عنده كلت اكمل الشغل البيدي واروح احاجي عمه بشرى اسولفلهه

تقريبا الساعه ب١١ جانت اندك الباب راحت ام بشار فتحته واني اباوع من المطبخ فاديه بصفي واكفه ومرت عمر يم اهلهه هاي عمتي بسمه وبناتهه ويسحلن بالجنط كل جنطه شكبرهه عبالك مسافرات..

فاديه.. العب !! داكه اقامه عمتج بسومه
قبس.. ولج شوفي كل جنطهن جايباتهه
بسمه.. طبت سلمت وراهه بناتهه سلمنه عليهن طبيعيات حيل واصلا اخذنه بذاك السلام الحلو

رحنه وراهه لكيناهه تبوس بجدو وبيبي وام بشار خزرتنه لان نظرتنه توحي بشي كعدت هي وبناتهه وبدت تلقي علينه اليتمه

بسمه.. يابه البيت انباع وانطوني مهله اشتري ووصيت اخوتي مالكو بيت ع كد فلوسي هسه اني اجيتك تحلي هاي السالفه

الحجي.. يابنتي هله بيج بس حصتج واخذتيهه واني هسه كاعد ويه اخوج حته حصه ماظلت عدنه

بسمه.. مااريد افلوس يابه اريد اكعد يمكم هالاشهر بين مايتخرج امجد هو اخر سنه حته احط بناتي واكعدن مااكدرن افتر بلايجار واني وحدي ولازم قريبه عليكم عاد من يتخرج امجد يكعد ويانه

الحجي.. عين غطه وعين فراش يابويه بناتج هن بناتنه بس خابري عادل وكليله من باب الاصول هذا بيته

بسمه.. التفتت ع ام بشار شدكولين داده خاف ماقابله بس هاي الاشهر
ام بشار.. تحجين صدك ام فرح خيتنه انتي تكاطعت الدنيا البيت بيتج
بسمه.. رحمه الله والديج داده

فاديه.. استلم شوف امي خلصت عمرهه عدهه الناس كلهه زينه راح تموتني
قبس.. اسكتي ولج كلبي كام يوجعني فرح تعيش يمنه واصبح وامسي بوجه

فاديه.. كتلج مرتين باليوم قبل الاكل وبعد الاكل منا وهيج راح اطلعين من مغامره وتفوتين بمغامره اقوى شعبالج هاي فريحه لايغرج الهدوء مالتهه ترى بلاويهه ضامتهه وكعت العازه

قبس.. امشي ما اتحملهه رحنه للغرفه شحطنه شجن كوه من الفراش سولفنالهه بسرعه سالت فاطمه هم
فاديه.. لعد وين يعوفوهه يم ابو البيت ؟؟

شجن.. فاطمه اضوج منهه اعرفهه عينهه ع غيث وهو مره كالي وائل كايله خلي نخطبلك فاطمه وعوف شجن وما استبعد الرسائل هي دازتهن مو فرح بس فرح شالت التهمه عن اختهه

فاديه.. اسمعن هسه راح تجي ماما ودكول سون مجال للبنات لاتقبلن ابد عمه وبناتهه ينامن بالهول اني ما اتحمل لواكه فرح ابد

بعدنه نحجي دخلت ام بشار وحجت المتوقع تعالن سون مكان للبنات وفاديه عاطت بصوت حطيت ايدي ع حلكهه لايسمعوهه

ام بشار.. شوصايره ماتستحين وتعلين صوتج وين ينامن وغراضهن وين يخلنهه هنياله الي يساعد معسر بهاي الايام

فاديه.. ماما انتي ليش هلكد طيبه السوت هيج دكه خطوط شتتوقعين منهه وفوكاهه تريدنهه ويانه تخيلي غراضنه وتليفوناتنه انظل نراقب بيهن ماكو هيج وعمه بسمه تعرف بناتهه كلش زين مامجبورين نتحمل علمود ترضى والله اذا انتي تستحين ماما يجي بشار واكله مايقبل تشاركنه فرح

ام بشار.. الله يهديج لاتحجين كدام عمتج عيب عافتنه وطلعت وقررنه ماندخلهن للغرفه وفاديه بسرعه اتصلت ع بشار وفهمته كالهه من اجي نحجي...

اني دزيت رساله لعمه بشرى كتبتلهه كلشي كاله بشار وانتظرهه تخابرني ماعندي رصيد

للظهر يله دكت عليه حجيتلهه ع عمه بسمه
بشرى.. وين كعدت ؟؟
.. خلت غراضهه بغرفه جدو وبعد سالفه النوم مادري يجوز بالهول خلي يجي عمو وانشوف
بشرى.. شوفي قبوسه عمتج بسمه اطيب وحده وحنينه وفقيره بس هي الله بلاهه بخلفه عايبه من الولد للبنات وشافت الويل من وراهن مو تضوجنهه  واخذي حذر من فرح هي موبنت اختي بس اعرفهه خبيثه

قبس.. تمام.. عمه احجيلي شسوي شفتي حجي بشار؟؟
بشرى.. هاهي جوابج حلو الباقي يمه اذا يريد يخطبج مايريد اقرب قسمه تجيج تزوجي ترى هذا ويه نفسه مامتصالح ويشلع كلبج بعناده خلي يتنازل
اذا اتنازل معناتهه يحبج وغمضي وامشي ورا واتحملي لحدما يتاكد من عندج ...

هسه اريدج تسمعيني سدي من عندي ودزيله رساله كتبيله اني وياك ع الحلوه والمره واتحمل لحدماتثق بيه اثبتلي انت تحبني واخطبني بس خطوبه وكدامك الايام تثبت التريده قبس من هسه انهيهه خليلهه حد لو يخطب لو يعوفج لحال سبيلج خلي يتنازل مثل ما انتي اتنازلتي هو هم يتنازل...

قبس.. سمعت كلام عمه سديته من عدهه شفت الرصيد اريد ادز رساله صفر رصيدي حته ترميشه مابي كلت من يجي بليل احاجي وجه لوجه...

لليل يله اجه بشار وهالمره الكل تعشه سوه ورا العشه حجت عمه بسمه ويه عمو عادل بخصوص البيت وشكد حنين يكلهه اني الاطلع من البيت وانتي تبقين وكامت باسته من راسه

انگلبت الكعده ضحك وسوالف وشقه لان اجو بيت عمو عامر كلهم جنت كاعده ويه البنات مسوين مجموعه وحدنه بس بالي شوكت يرحون واحاجي...

عيني علي شلون يحجي وشلون كاعد ثاني رجله انتبه عليه اشرلي براسه من بعيد تعالي بمعنى تقربي بس ماكدرت اكوم وحدي شاورت فاديه وكمنه كعدنه قريب عليهم..

اثناء ماجان الكل يحجي جان يكول عمو عادل بمناسبه هاي اللمه بعد بس بشرى ماكو اليوم عندي موضوع وياكم كلهه كالت خير ابو بشار

عادل.. ان شاء الله خير والتفت ع جدو يابه اني اليوم اطلب ايد قبس لبشار....

يتببببع .... متابعه ممتعه

جانب من تعليقاتكم الحلوه والي اغلبهه من اقراهه اطلعني من عز ضوجتي احبكم..