رفعت حاجبها وهي تطالعه ركض لها
بسرعه وهجم عليها اختطف الجوال
من ايدها بصدمه لفه عليه وعقد حواجبه وهو يطالع بالرقم رفع عيونه
لها بنظرات شرسه وحاده طالعته بقهر
شد بقبضه ايده ع جواله وبايده الثانيه مسكها
من عضدها وضغط بقوه ومن بين اسنانه : انـ..تي تبيني اقـ..تلك
رفعت حاجبها بقهر وبسخريه: شفت كيف !مو انت الوحيد اللي تقدر تهددني !! حتى انا اهددك فيهم ! بيوم من الايام اذا انت فكرت انك تقلب اهلي علي صدقني راح اكون اسرع منك واقلب اهلك عليك انت بالذات !
رفع حاجبه باستحقار يطالعها : تهدديني ؟
ابتسمت بسخريه : قلت لك بالصريح ! اهددك
تبيني اقول لهم ابشر من عيني ذي قبل ذي ماراح اقصر !
تأوهت بهاللحظه من الالم لما مسك كفها اليسار اللي تعورها وضغط عليها
رفع حاجبه وقرب منها وانفاسه تلفح وجهها وخصلات شعرها: انتي فكري بس ! مجرد تفكير انك تخطين هالخطوه وتهدديني فيهم وتقولين لهم ! والله اول ضحاياي هو ابوك !!
ناظرته بنظرات تحدي من بين قهرها : وانت اول
واحد بتكون حديث هالامه اذا فكرت تأذي اهلي !!
ضحك بسخريه : اذا انك م تقوين حتى تفكين نفسك من بين ايديني ! ف كيف بتحمين اهلك مني ؟
تنقلت نظراتها بين عيونه بسخريه من وسط المها : لاتستهين فيني !! والا صدقني اني اخرب حياه كل شخص قريب منك واولهم ؟ حبيبتك وصايـ..
بس صرخت بقوه من الالم لما ضغط ع ايدها !! م قدرت حتى تتوازن بوقفتها تتلوى وبصراخ وهي تحاول تفك ايدها منه !!
سيف بسخريه وهو ثابت بمكانه بكل برود
يطالعها : شفتي كيف انك ضعيفه ؟
رفعت عيونها اللي لمعت بدموعها بحقد فيه من
بين المها وهي محنيه ظهرها !
صد وضحك بسخريه بس جمد وتلاشت ضحكته
واختفت بوسع عيونه بكل صدمة !! كانت امه منيره ع الخط !!! لاشعورياً ترك ايد ميهاف وهو يطالع بجواله بعدم استيعاب !! كان بس موجود رقم !! دق عليها بدون م يحس !! رفع جواله لاذنه بسرعه : الوووو !! يمه !!
ام صقر بصدمه : وش مزين بالبنيه انت!!
رفع عيونه لميهاف اللي ماسكه ايدها وعافسه وجهها بألم وتطالعه !!
سيف بارتباك : مافهمـ..ت ؟ وش سمعتي ؟
عقدت ميهاف حواجبها باستغراب !
ام صقر بحده ونرفزه : وين ساكنين انتم !
سيف باستغراب : ليش ؟
ام صقر بعصبيه : انطق !! وينكم فيه !
سيف : بالفندق
ام صقر بعصبيه : هين ي سيف ترسل لي اسمه والله لو اشوفك مسوي فيها شي وقتها تحرم تطب البيت !
ضحك بعدم استيعاب : دقـ..
قاطعته بعصبيه : اصصصص ولاكلمه !!
وقفلت بوجهه رمى جواله ع الارض وهو يغلي انفجر بعصبيه بوجهها ارتعبت ورجعت ع ورا
سيف بقهر عض ع شفته وهو ينتفض من العصبيه
: طيب يا ميهاف تعتقدي اني راح ارحمك بعد م تروح هي
رمشت بسرعه بعدم استيعاب : مافهمت ؟
سيف بقهر رفع حاجبه : مافهمتي اها حلو ..
خافت بهاللحظه لما مشى لها ! مشت بسرعه
ودخلت للغرفه بلحظه ماهي بتقفل الباب بس
كان اسرع منها ودفه ودخل ابتعدت ع ورا
بارتباك وهي تطالعه : قـ..ول لي شسـ..ويت ؟
سيف : قولي وش اللي ماسويتيه ؟
عقدت حواجبها باستغراب بلحظه م مسك ايدها شهقت من قوه الالم !
رفعت عيونها بترجي ومن بين المها : لاتكفى لاتعورني تكـ..فى
غرس ايده بشعرها من ورا وقربها لوجهه وعيونه
بعيونها بتشديد من بين اسنانه بتهديد : والله
ي مهياف لو ادري بس انك نطقتي بحرف واحد لأمي منيره ماراح ارحمك ..
عقدت حواجبها بارتباك !
سيف بحده : بتجي وبتسألك اذا انا سويت لك شي!
ماعلى لسانك الا هالجمله وقتها ! انا زعلته وضايقته بكلام ماله داعي وهو تنرفز !! اذا بتسألك اني مديت ايدي عليك!! قولي حشى
مامد ايده ولارفعها بوجهي حتى !
شهقت بدهشه بوسع عيونها : تخسى تبيني اكذب !!
شد بقوه ع شعرها تأوهت من الالم مسكت ايده : خلاص خلاص فك شعري بقول لها !
سيف بهمس : واذا سمعت غير هالكلام وش بيصير ؟
طالعت فيه بارتباك : وش بيـ..صير ؟
سيف : بطريقه ثانيه راح أادبك ! ف لاتلعبين بالنار ي ميهاف لانها هي اللي بتحرقك !
ارتكزت عيونها بعيونه بهاللحظه افلت ايده من شعرها
ولف وطلع وارسل اللوكيشن ورقم الجناح لأمه منيره !
اما ميهاف اللي بالغرفه وهي تمسح ع شعرها من الالم وبغيض وقهر : كسر ايد يارب
وعقدت حواجبها باستغراب بلحظه م استوعبت : كأنه يقول امي منيره بتجي !!
رفعت حاجبها بدهشه : اوووف لايكون سمعت شي !!
هزت راسها : لا احسن خليها تسمع ي غبيه حتى يفكونك منه ! هذا الحل الوحيد ! ي انا ي انت ي سيف برا هاللعبه !
بعد ساعه !
رن الجرس قام سيف بتنهد مشى وفتح الباب وزفر بتهيأ اللي بيصير دخلت ام صقر بعصاتها بقهر : وش صاير !
عقد سيف حواجبه قفل الباب ولف عليها : وعليكم السلام
ام صقر بعصبيه : وينها ميهاف ! وينها ؟
ميهاف بغصه طلعت من الغرفه : هنـ..ـا ي خاله ..
عقد سيف حواجبه من شكلها !! كان شعرها مبعثر حتى انها ماسكه ايدها اليسار وضامته لبطنها وبدموعها وحالها المبهذل شهقت ام صقر لما شافتها بهالشكل !
اما سيف براكين تتفجر بداخله وبوجهه اللي حمر من العصبيه
مشت لها ام صقر بسرعه وضمتها بخوف وبكت ميهاف بحضنها !
لفت ام صقر ع سيف وبعصبيه : والله ي سيف مالها قعده عندك !!
طالعها بصدمه
الا بميهاف ابتسمت له
بس تلاشت ابتسامتها لما لفت ام صقر عليها
وهي تمسح ع شعرها وبحنيه وخوف : بس ي يمهه بـس!
ميهاف بضيق : تكفـ..ين لاتخليني معه
ام صقر : لاتخافين ي يمه
دفنت ميهاف وجهها بعبايه ام صقر وهي تتصنع البكى والشهقات !
اما ام صقر طالعت بسيف بنظره اخيره وبعصبيه !
لفت واخذت ميهاف ودخلتها معها للغرفه !
بهاللحظه تنهد سيف بهدوء مشى وقعد ع الكنب
وابتسم بكل سخريه يعرف ومتيقن لو تلف وتدور وتعطي كل اللي وراها وقدامها ! ماراح احد يفكها منه !
حتى وان كان اهله غمض عيونه واستند براسه ع
ورا وتكتف منتظرها تخلص تفليماتها لأم صقر !!
_
ام صقر وهي تمسح ع شعر ميهاف اللي قاعده
بجنبها ع طرف السرير : تكلمي ي يمه
ميهاف وهي ماسكه المنديل وهي تتصنع البكى بضيق ومنزله راسها وشعرها منسدل ع وجهها : عذبـ..ني !
رفعت ايدها ولفت تطالع بأم صقر : شوفي شسوى
ف ايدي !
شهقت ام صقر ضربت ايدها ع صدرها بدهشه : ي مال كسر اليد ! ي عساه م يربح هو اللي ضربتس !
هزت راسها بغصهه : ايـ..ـه !
ام صقر بصدمه : سيف ؟ سيف ماغيره يضربتس ؟ وين غدى عقله مقصوف هالرقبه !!
صدت ميهاف ونزلت راسها وهي تشهق : ابـ..ـي اهلي حرمنـ..ي منهم
ضمتها ام صقر لحضنها : خلاص ي قلب خالتس
خلاص والله لاينوخذ حقتس من هالـ.. استغفر الله ياربي
بتنهد نطقت وهي تمسح ع شعرها : قولي لي ي بنيتي وش صاير بينكم ؟ توكم معاريس م كملتو اسبوع
رفعت ميهاف راسها وهي تطالع بأم صقر اللي نطقت : قولي ي يمه والله ماهو لامس شعره من شعرتس دامتس عندي !
زفرت ميهاف وبنفسها : هاذي فرصتك ! تكلمي وافضحيه
همست : هو تزوجني ... وبدت تقول لها بوسط استماع ام صقر لها بكل صدمه !!
_
" بهاللحظه رفع سيف راسه وفتح عيونه ع صوت ام صقر بعصبيه وبنبره حااده لما دخلت الصاله : وناااااايم ؟ يااامال اللي مانيب قايلته ..
عقد حواجبه وهو يطالعها بكل برود !
ام صقر بعصبيه وهي مو مستوعبه ! : اااانت ي سيف ي تربيه غاليه الله يرحمها يطلع منك كل هذا !!
رفع حاجبه ببرود : خلصت فضفضه هي لك؟
ام صقر بصراخ ضربت بعصاها بالارض : لا تعصب فيني ي سيف !!
هالضعيفه تسوي كل هذا فيها عشان وش هو عشان شي مالها ذنب فيه لاهي ولااهلها ؟
عقد حواجبه واستعدل بجلسته باهتمام
ام صقر بعصبيه : امك رحمه الله عليها عند ربك ادع لها وتصدق عنها !! حتى وان كان قلبها
مع هالضعيفه !! هذا ربك اللي مقدره اذا انك تبي
امك ؟؟ كان م خليتها بعد سواتك وانحشت وين غدى عقلك ؟
جمد بهاللحظه هالكلمه كانت مثل الخنجر انغرس بقلبه
ام صقر بعصبيه :طلقها طلقها الحين ...
بس فز بهاللحظه وفتح عيونه بسرعه وهو يطالع حوله بنظرات سريعه وتنهد وتنفس الصعداء ان كل اللي صار كان حلم !
ارتخت اكتافه وبصدره اللي يعلى ويهبط
وبدقات قلبه السريعه ! ضغط بايده ع جبينه
م حس الا بأم صقر اللي دخلت : لاحول ولاقوه الا بالله
رفع عيونه لها بهاللحظه بنظرات ترقب لما قعدت جنبه!
لف عليها
ام صقر بنظرات عتب وقهر : وراه معذب الضعيفه عشان بس انها طلبت تروح لاهلها
وانك معصب باللي سواه ابوك تقوم تحط حرتك فيها ؟
زاد من تعقيده حواجبه استعدل بظهره بعدم استيعاب : قالت لك هالكلام؟
ام صقر باستغراب : ليه فيه حتسي غيره؟ اهرج
صد وتنهد : لا بس هي عصبتني وماقدرت اتحكم باعصابي !
ام صقر بعصبيه : وتروح تضربها بغيت تكسر ايدها زفر : بالغلط
ام صقر بعصبيه : حتى عذرك مثل وجهك البنيه مالها قعده عندك بعد اللي سويته ..
لف عليها بسرعه !!
ام صقر بحده : لاتبقق عيونك فيني !
انثبر وافرش لك فرشه ع الارض ونام !! انا مانيب مخليتها عند واحدن عقله ماهو براسه !
بمرح عندها !
رفع حاجبه بدهشه : كيـ..
قاطعته : اص ولاكلمه ! احمد ربك واشكره اني
هديتها ولاشيشت راسها عليك !!
صد وغمض عيونه وزفر بزفره عميقه !
قامت ام صقر ع حيلها بعصاتها: لاشوفك ي سيف متعرض للبنيه انت سامعني !
فتح عيونه ورفع ايده وهو ماسك ذقنه ويطالع
بالارض بتفكير : طيب !
ام صقر بتنهد مشت متوجهه للغرفه : الله يصلحكم ويهديكم اعوذ بالله منك ي ابليس
اما سيف رجع شعره ع ورا اخذ باكيت الدخان
من ع الطاوله وطلع زقاره ورفعه لترتكز بين شفايفه
وولعها
_
" بعد ساعتين "
من بعد م نامت ام صقر اما ميهاف بجنبها ع السرير
وحاطه راسها ع ذراعها وتفكر باللي سوته! وكيف برده فعل سيف لما كلمته ام صقر م سمعت له صوت واستغربت
انه كان هادي ولاعصب حتى تحس انه هالهدوء
قبل العاصفه بس فجأه حست بأيد تغرس
بكتفها لفت بسرعه الا حط ايده ع فمها وبنظرات عيونه
لها بحده هز راسه بمعنى قومي معي !!
بلعت ريقها من نظراته وهي بتلف بس شد سيف بايده ع فمها وسحبها قامت معه وقلبها
مثل الطبول م توقعت حركته ابداً !
طلعها معه وقفل باب
الغرفه ع ام صقر وسحبها لبسها عبايتها بوسط صدمتها
مسكها معه وفتح باب الجناح وطلعها معه للغرفه اللي قبال
جناحهم بعد م حجزها قبل ساعه فتح الباب ودفها لداخل
ودخل بعدها وقفل الباب ولف عليها
بهاللحظه تجمعت كل الافكار السوداويه ببالها
لما يتقدم بكل بطئ لها و رفع
تيي شيرته ونزله رماه بالارض ليتعرى فيه جسمه
العلوي وعيونه بعيونها : سألتيني وش بيصير ؟ واضح ان يقتلك الفضول
ارتعبت بهلع !!!!
رجعت ع ورا برجفه وضحت بين خطواتها
ورجولها م تقوى ع الوقوف !! الا هالشي!! هو كابوس بالنسبه لهااا !! ضربت رجولها
بديكور السرير لفت ع ورا بخوف وبلحظه
م لفت عليه شهقت لما قرب عليها بسرعه
مثل البرق !!
رجفه بكل خليه بجسمها
بهاللحظه نطقت وبالقوه يوضح صوتها من بين
دقات قلبها السريعه اللي مثل الطبول !!
وبنظرات ترجي بين دموعها : تكفـ..ـى اترجـ..
رفع حاجبه بكل برود : الحين تترجين ؟ وخفتي وين لسانك وتمثيلك اللي قبل كم ساعه؟
ضحك بسخريه : برافو عليك ينخاف منك كيف
تتصنعين البكى لدرجه اشك بمصداقيتك!! مسكها من فكها وسحبها وقربها له وبكل خباثه
نطق : قـلت لك لا تلعبين بالنار ! بس م سمعتيني ..
بلعت ريقها وهي تحس بالمراره تتذوقها لما انهارت بلحظه ما رماها ع السرير وبلمحه البصر وجهه بوجهها !
لاشعوريا حست وكأنه شيطان بإبتسامته الخبيثه !
_
" نايف "
دخل لغرفته بهاللحظه ودق عليها بكل لهفه وشوق
بلحظه م شافت بيادر رقمه ابتسمت ردت بهمس
: الو
نايف وهو ينزل جزماته وانتم بكرامه : حي من
سمع هالصوت !!
بيادر بحيا ابتسمت : الله يحييك
نايف بعتب: وينك م دقيتي اليوم ولاصحيتني !!
بيادر وهي تفك شعرها واستندت ع حايط السرير بتنهد : والله م فضيت ابد ! معليش بكره اقومك
ضحك : وتوعديني بعد ؟؟ انسي بعد سحبتك علي مستحيل اثق فيك
ضحكت : والله نسيتك !
نايف : بس انا م قد نسيتك طول يومي وانتي ع بالي
ابتسمت : خلاص عاد !
قعد ع طرف السرير وتنهد : ااي هاتي لي اخبارك هاليومين مشتاق لك وانتي قاطعه عني لاحس ولاخبر الا موجوده ، بنام ،بطلع ، بعدين اكلمك !
ابتسمت : طيب خلاص بقول لك
انسدح واستند براسه ع المخده : يالله صجي راسي بسوالفك لين م انام
اتسعت ابتسامتها وبدت تسولف له !
_
" سيف وميهاف "
بلحظه م ابتعد عنها بوسط انهيارها والشهقات تآخذ مخارج حروفها : الله لايبيحـ..ك
رفع حاجبه بكل برود يطالعها : اتوقع انك عرفتي مع مين تلعبين ي ميهاف احمد !
رفعت نفسها من ع صدر السرير وهي تمسح دموعها
بعنف وعشوائيه وهي تطالعه بكل حقد وكراهيه !! قامت ومشت وهي بتحط الطرحه ع وجهها وتطلع بس مسكها من خصرها ولفها عليه وبكل تشديد : بتطلعين من هنا ! والصبح اذا قامت امي منيره وكلمتك
قولي اني مابي اتطلق منه وانه كان سوء تفاهم وانحل سامعتني !
من بين دموعها بنظرات حاده !
سيف بحده : سمعتيني ؟
هزت راسها وهي تحترق من داخلها لفت بسرعه وطلعت ..
بلحظه م شافها طلعت اتسعت ابتسامته !
مشى بكل برود اخذ تي شيرته من ع الارض
ولبسه وهو يستذكر كيف خوفها وهلعها وهي
ترتجف بالسرير من بين شهقاتها وبكاها !
كان مقصده بس يخوفها ! يبيها تعيش بهالرعب
حتى تتوب انها تعانده وتحاول تكسر كلمته !
ضحك بزياده لما تذكر كيف انه بس نطق لها
لما قرب منها وهو يتلذذ بشوفته لدموعها وبكاها
وعيونها اللي مالت للاحمرار
" بتبقين ملك لي والعب فيك بين كفوف ايديني "
وقام عنها ! بكل تفكيرها انه بيلمسها كانت خدعه
منه !! بس حتى يعيشها بدوامه سوداويه بالخوف
والهلع والرعب والكآبه !
طلع من الغرفه ورجع للجناح وهو بيدخل للصاله
وصل لمسامعه صوت شهقاتها المكبوته
وهي بالحمام !
ابتسسم ومشى وانسدح ع الكنب ..
" بيت احمد ابو ميهاف "
ام ميهاف وهي ع السجاده بالصاله ورافعه كفوفها تدعي لبنتها ومن بين دموعها ! كانت فقيده تحس البيت اظلم بدونها استودعتها لربها وسلمت رفعت
سجادتها وهي تستغفر الله همست بقلق : ااهه ي ميهاف اهه ماعاد لك صوت ! عسى مافيك شي ي بنيتي يارب
استودعتك اياها فاحفظها بحفظك ي خير الحافظين !
_
" الصباح "
" بيت مضاوي ام بندر "
بعد م اتصل عليها اخوها محسن " ابو عبدالعزيز"
وخبرها انه بعد الفطور بيجي يتقهوى عندها ويبيها بموضوع بينها وبينه بس ! انقبض قلبها بخوف بهاللحظه !
لو كان واحد غير محسن يبيها كانت ارتاحت ! بس الا
محسن انسان شديد وصارم !! وهذا اللي اشغل بالها !
_
" بالفندق "
ام صقر بلحظه م دخلت الحمام قام سيف بهاللحظه
وتوجه للغرفه بظل غياب ام صقر ! لقى ميهاف قاعده ع السرير وحاضنه مخدتها بلحظه م رفعت عيونها لتلتقي بعيونه ارتبكت ! مشى لها وزاد خوفها
مسكها بهدوء وحنيه ووقفها وحاوط بايده ع خصرها ورصها
له بخفيف ورفع ايده وشال خصلات شعرها عن وجهها
وهمس بتأنيب ونبره دافيه بنظراته الهاديه : ع اللي صار البارحه ! سامحـيني موب بإيدي ..
وهي تنتفض بين ايدينه بوسط صدمتها واستغرابها باللي يقوله
مسح بايده ع خدها : م كنت واعي باللي قلته وسويته ! مابـ..يك تعيشين بخوف معي ! كنت مقهور باللي صار
لي الفتره اللي راحت! بس انتي زدتيها علي
رمشت بسرعه بعدم تصديق همست بنبره مرعوبه : سيـ..ف ؟
عض ع شفته ونزل عيونه بتعب يرمش ببطئ !
ميهاف بارتباك : مو طبـ..يعي انت!
رفع عيونه ببطئ وبذبول ارتكز بايده ع رقبتها وهمس ببحه وتعب : سامحـ..يني
شكت بهاللحظه انه سكران !
لما قرب وهو بيضمها .. .
بس ابتعدت ع ورا وهي
عاقده حواجبها تطالعه باستغراب من حالته ! : بعد عني واضح انك سكران ومـ..
انقطع صوتها لما حط ايده ع فمها : اششش
اللي صار البارحه اطويه وانسيه خلينا باليوم
تعبان ي ميهاف م نمت الليل كلـه تكفين لاتخـ..ليني
رمشت بسرعه بعدم تصديق!
ام صقر بابتسامه وهي ع الباب تسمعه
همست : يالله يارب تحفظهم ولاتوريني فيهم مكروه وتجعل عمرهم مديد ع طاعتك ومع بعض ي حي ي قيوم
نزل ايده بكل هدوء ومشى بوسط استغرابها فيه
بلحظه م طلع من الباب الا صادف ام صقر واقفه
بابتسامه ربتت ع كتفه : ايه ي يمه هذا الحتسي
الزين اللي يفتح النفس مع هالصبح ! اخيراً طخيت ادري فيك م تسويها تربيه غاليه الله يرحمها ويغمد روحها الجنه
ابتسم بهدوء اما ميهاف بلحظه استوعبت كل اللي سواه
مشت بسرعه بكل صدمه لما وصلت لهم
لفت ام صقر وبحنيه وعفويه ابتسامتها : ااي هذاكم اش زينكم ! اصبرو ع المره والحلوه ! هاذي هي الدنيا
لازم احد يشد والثاني يرخي ماهو كل شي طلاق ..
لفت ميهاف ع سيف بوسع عيونها تطالعه !
اما هو منتبه لنظراتها ومتجاهلها وهو يطالع بأم صقر ومبتسم : ان شاءالله اليوم بوديها لاهلها !
لفت ميهاف ع ام صقر : لااااا لاتصدقينه !
ضحكت ام صقر : عاد انتي لاتتدلعين ! خلاص ي يمه الحمدلله ارتحت الحين اقدر اتوكل ع بيتي
سيف بابتسامه : تعبتك معي اعذريني
ام صقر : لاتتعودونها بس !
سيف : ابشري
ميهاف بصدمه : بتروحين اخذيني مستحيل اقعد معه !
ام صقر بضحك : ي عوابتس طيحي الشر اللي براستس ي يمه !
سيف : تبيني اوصلك ؟
ام صقر : لالا ي وليدي السايق تحت معلمته من البارحه يجيني الصبح ! هذا هو يدقدق مزعجني الله يفنخ راسه ..
ابتسم لما مشت ام صقر للصاله واخذت عبايتها وتلبسها
جت بتلحقها ميهاف بقهر بس مسكها لفت عليه
همس : بتعانديني ؟
طالعته بحقد !! : خبيث
رفع سيف عيونه لام صقر اللي تودعهم : الله الله لاشوف هالزعل مره ثانيه !! وتحصنو وانا امكم زين كود ان احدن ناظلكم ! يالله يوم الخميس والا الجمعه سيرو علي !
ابتسم سيف ومشى لها باس راسها وابتعد : ابشري
ام صقر : فآمان الله ي يمه
وطلعت قفل سيف الباب ولف ع ميهاف والبرود مكتسي ملامحه وابتسامه خبيثه مرتسمه ع ثغره :
ليه تشقين نفسك من البدايه ؟
صدت عنه ودخلت للغرفه شالت المفرش وهي بتنسدح
ع السرير لما شافت جوالها يرن بس هالمره برقم
غريب وقفل بسرعه ورسايل كثيره توصل ع جوالها
عقدت حواجبها باستغراب قعدت ع طرف السرير
وفتحت جوالها جمدت بصدمه
بلحظه دخول سيف رفعت عيونها له ووجهها مخطوف لونه نزلت الجوال بسرعه
بهاللحظه شك مشى لها ارتبكت هي اكثر حطت جوالها بجنب فخذها وهي تطالع فيه
للحظه م قرب منها زاد خوفها وتوترها ..
فتح درج الكوميدينا بوسط نظراتها فيه
طلع محفظته ورفع سماعه التلفون واتصل
ع الريسبشن يطلب فطور !
قفل السماعه وطلع
للصاله !
بهاللحظه هي تنهدت براحه اكثر
مسكت جوالها بسرعه وهي مو مستوعبه كميه
هالرسايل اللي وصلت لها !! فتحتها وبدأت تقرأ
ضاق صدرها اكثر قفلته وغمضت عيونها
وزفرت بضيق !
_
" بيت مضاوي ام بندر "
بالمجلس بعد م رحبت بأخوها ابو عبدالعزيز
وقعدو
مضاوي : تقهوى وانا اختك ! هاذي الساعه المباركه تو مانور البيت !! وراه ماتبي تفطر عندنا مع عيال اوخيتك !
ابو عبدالعزيز : كثر الله خيرك بطلع ع الشركه وافطر
هناك مع عيال اخوانك
ابتسمت : اهاا بالعافيه اجل !
نزل ابو عبدالعزيز القهوه واستعدل بجلسته : اسمعيني ي مضاوي
طالعته بارتباك : سم
ابو عبدالعزيز : انتي ماشاءلله عيالك كبرو وصارو رياجيل
وبناتك حريم البيت مامنهم تقصير من غير شر وانتي ماعليك زود وانا اخوك صغيره وتوك شباب
ضحكت مضاوي : وين شباب لاتبالغ ياخوي !
ابو عبدالعزيز : والله اللي يشوفك يعطي انك اخت بناتك موب امهم ! المهم وانا اخوك ! في واحد طلب ايدك مني
وانا جيت بس حتى اعطيك العلم ! ولا ابي رايك هالحين !! لا عقب اسبوع ردي لي خبر لافكرتي زين
طالعته بارتباك وهي مو مستوعبه !
قام ابو عبدالعزيز وقامت معه !
ابو عبدالعزيز : مثل م قلت لك وانا اخوك الرجال كفو وسألت عنه وعمره ٤٦ ومطلق وماعنده ذريه ! وهو ساكن هنا انا والله اشوفه كفو ورجال ابن رجال!
انتي فكري وشاوري عيالك معك وصدقيني ماهم ظالمينك بعد وفاه المرحوم
اومئت براسها
ابو عبدالعزيز : يالله مع السلامه
مضاوي : فآمان لله !
طلع بهاللحظه هي زفرت بصدمه وعدم استيعاب !!
_
" بالفندق "
بعد ساعه من الوضع هي بالغرفه وهو بالصاله !
بلحظه م فتح الباب ودخل عليها رفعت عيونها له
سيف : البسي عبايتك ولمي اغراضك
استعدلت بجلستها بإهتمام وبفرحه انه بيقول برجعك لأهلك!! الا قطع عليها : بنروح للبيت !
لحظتها تناثرت امالها وبخيبه ارتخت اكتافها قامت واخذت عبايتها وبدت تجمع اغراضها ونزلو وركبو
السياره لفت عليه بتفكير : بيت والا شقه !
رفع حاجبه ولف عليها ابتسم : وش ودك يكون؟
ارتبكت من لمحت ابتسامته صدت : اي شي ! مايهمني اصلاً
صد وضحك وحرك السياره لفت تطالعه باستغراب : وش اللي يضحك ؟
سيف بضحك : شايله هم تنظيفه ؟
شهقت : انظف !
وهو يطقطق باصابعه ع الدريكسون بكل برود
ويطالع بالطريق : لايكون حاطه ببالك اني بجيب
لك خدم وحشم
ولف وبتشديد : ي مدام ميهاف !
طالعته بغيض وصدت !! اتسعت ابتسامته ولف بعيونه للطريق !
_
" تركي "
طلع من البيت بتنهد ركب سيارته وهو يطالع بالدريكسون
بعمق تفكير !! كل حياته توقفت من بعد م تركته !
رفع عيونه للشارع ! لذاك المكان بالتحديد ! بلحظه م طلعت من العماره وهي تطالع فيه ! عجز ينسى نظراتها له ! غمض عيونه وزفر بضيق هز راسه يحاول
يشتت هالافكار عن باله وشغل سيارته وحرك متوجه للشركه اللي ناوي فيها يبتدي بحياته من الصفر ويكون
نفسه وكله ارتباك وتوتر لأول مقابله !!
_
" وصايف "
فتحت امها الباب ومشت لها وهي تهزها بخفيف : يمه وصايف !! قومي يالله انزلي افطري ابوك
يبيك !
تنهدت بكسل وبصوت كله نعاس : شوي
ام وصايف : لا الحين يبيك يالله ي يمه لايعصب
زفرت بزفره عميقه وبهمس : طـ..يب
_
" بيت ابو صقر "
نزل الوليد وهو يلبس ساعته
ام صقر : ع وين ع وين ؟
وقف ولف عليهم : ي هلا ي صباح الخير ي المزيونه
ام صقر : اخلص وين ؟
تنهد الوليد : طيب ربع ابتسامه ع الاقل ! المهم
بطلع مع غيث ولد العمه " ولد مضاوي " عازمني
ع الفطور احم
ام صقر : اها طيب توقّعو مع الخط !
الوليد : ابشري
باس راسها وطلع ونزلت بيادر وهي شايله كتبها بيسارها وكوب كوفي : صباح الخير
ام صقر : صباح النور يمه هاه بتروحين لجامعتس؟
بيادر : ايه يالله لا اتأخر مع السلامه
ام صقر : فآمان لله
طلعت بيادر ،
مشت ام صقر بتنهد وقعدت ع الكنب : يالله تحفظهم يارب وتيسر لهم امورهم ي حي ياقيوم
_
" سيف وميهاف "
بعد م وصل للبيت سحب فرامل وطفو السياره
رفعت عيونها للبيت كانت فله صغيره بوسط حي راقي
لفت عليه : هذا بيـ..تنا ؟
لف عليها ورفع حاجبه وابتسم : قصدك بيتي ! مافيه شي يجمعنا !
ولعت بقهر بهاللحظه !
اما هو ببرود فتح الباب
ونزل ونزل شنطتها وشنطته نزلت وراه ودخلو وعيونها تتنقل بانبهار وجمال بالحديقه الصغيره فتح الباب
ودخل ودخلت من وراه نزلت النقاب وهي تدور بعيونها بالمكان بعدم استيعاب !
تركت شنطتها وجوالها ع الطاوله اللي بالممر ودخلت للصاله
اما هو نزل الشنط بيدخل بس وقف من جوالها اللي يدق
بس ع الصامت !
عقد حواجبه مشى ومسكه استغرب
انه رقم غريب ودولي بعد !!
رفعه ورد بلحظه م وصل
لمسامعه صوت رجولي بحت : ميهاف !
بلحظه رجوع ميهاف اللي تسمرت بمكانها لما شافت جوالها ع اذنه ..
لف عليها ورفع حاجبه باستغراب !
بهتت ملامحها من الصدمه وارتبكت بخوف !! نزل الجوال ع الطاوله ومر من جنبها توسعت
عيونها بدهشه من رده فعله !!
وقف ولف عليها: بنام وقوميني ع صلاه الظهر
ومشى وصعد لفوق
رمشت بصدمه وعدم استيعاب من رده فعله ! مشت بسرعه واختطفت جوالها بتوتر
فتحته شافت سجل المكالمات من هالرقم الغريب !
انقبض قلبها بخوف همست برعب : لاوالله بموت ع ايدينه !
ضربت ايدها ع الطاوله : اوووف !!
_
" الوليد وغيث "
بالسياره
غيث بحلطمه : يالله وليدوه وتراب !!
الوليد : خله بس احنا الشباب !
غيث بقهر : امي والله ودها بهالجمعه خلنا نروح ونشوفه ونحجزه اذا كبير !!
تنهد الوليد : خلاص ي تبن !!
غيث : نحجزه خميس وجمعه وسبت !
الوليد بدهشه : ثلاث ايام ي الظالم !!
غيث : ي غبي انا شايف الطقس كله امطار
بهالايام ! خلنا ع شبه الحطب وطبل وعود وقعده بنحجز لنا مخيم لحالنا احنا ي الشباب بعيد عن الحريم والرياجيل يالله عاد !!
الوليد وهو بدأ يتحمس : ودبابات !!
غيث بضحك : تم والله لاجيب الهايلكس ونطعس بعد ! امرني !
الوليد : ي لبى قلبك تم..
_
" الساعه ١٢:٤٠ منتصف الليل "
بالصاله متلحفه ميهاف بالفراش وبجنبها الشمعه
طافي عليهم الكهرب لشغل بالصيانه بهالحي !
قام سيف رفعت عيونها بدهشه : وين بتروح ؟
وقف ولف عليها : بصعد انام !
رفعت نفسها من ع الكنب بخوف : وين ؟ والكهربا
طافيه
سيف بلامبالاه : من متى انام انا والنور شغال ؟
ولف بيمشي لما قامت ميهاف بخوف : طيب اتصل عليهم خلهم يشغلونه
لف عليها بتأفف : وش هالدلع !!!
كشرت : اي دلع !! والله ماقدر انام ببيت جديد
وبغرفه جديده وظلام !! خير م تعودت ع الاقل !
سيف : ليه بينام معك جني مثلاً ؟
ميهاف بقهر : سيف !!
ضحك وصد وهو يصعد الدرج : طيب تعالي نامي معي !
ردت بقهر وصوت عالي : تخسى !!
تجاهلها بضحك وصعد لفوق ودخل لغرفته فز قلبها لما سمعت صوت باب غرفته لما قفله ! نطقت بخوف : ذا بينام
صدق !! لفت وهي بترجع للكنب وتتلحف وتحاول تستقوي
: لاتخافين ي يالخبله ! وش هالمصاخه تخافين من ظلام؟
وهي بتنسدح شهقت لما سمعت صوت ضربه قويه !! م حست بنفسها الا هي تركض وتصعد الدرج وقلبها مثل الطبول ..
" سيف "
وهو منسدح وتوه تلحف قطع عليه دخولها المفاجئ وهي تلهث وانفاسها سريعه !
ضحك بكل برود : بتنامين ع اي جهه !
تنرفزت بهاللحظه من ثقته انها بتنام معه!! سيف : قفلي الباب وراك وتعالي
بحلقت عيونها فيه
سيف : اخلصي والله مو مسوي لك شي !
ميهاف بشك : اكيد ؟
ابتسم وبعد الفراش لها بجنبه : تعالي
رجعت ع ورا بهاللحظه بشك وتردد تصرفاته
غريبه !كيف يضحك ويبتسم ولاكأن فيه شي !! وهو بغى يموتها البارحه من عصبيته ! شكت
ان فيه انفصام ! مستحيل اللي قاعد يسويه !
لفت بتطلع بس جمدت بمكانها بتفكير !
وبنفسها : مين هو حتى تخافين منه ي ميهاف ؟
لفت بشجاعه ومشت لعنده وقعدت ع طرف السرير : بعد !! بيني وبينك مخده !
عقد حواجبه باستغراب : نعم ؟
تكتفت : سمعتني ! بيني وبينك مخده ! والا بتلصق فيني بعد !
رفع حاجبه وميل شفايفه : حسافه كأنك تقرين افكاري انا ماقدر ابعد عنك مارتاح الا اذا كنتي بجنبي
كشرت بوجهه : تطقطق !
صد وضحك وانسدح ع ظهره : اعطيك ع قد جوك
بعدت الفراش وانسدحت لف سيف : طفيتي الشموع !
شهقت ولفت عليه : لا
طالعها بطرف عين : انا مدري كيف اهلك يعتمدون عليك
قام ونزل اما هي بتلف وبتنسدح ع المخده الا قطع عليها رنين جواله ع الطاوله اللي قدامها
عقدت حواجبها باستغراب رفعت راسها طالعت بالجوال
ثم طالعت بالباب بتتأكد اذا هو فيه او لا
مسكت جواله ورفعته الا عقدت حواجبها بصدمه
من المتصل !! كان دكتور ياسر !
رمشت بعدم استيعاب وش جاب رقمه له وليه يتصل فيه بهالوقت
استوعبت ان سيف بيجي نزلت جواله بمكانه ورجعت
حطت راسها ع الافكار بهاللحظه ابحرت بتفكير
ببحر من الافكار بشك واستغراب ! هالانسان
غامض ! وغموضه مرعبها ! تصرفاته معها
يشككها ! مره مثل الملاك ومرات مثل الشيطان !
توقعت انه بيهينها ويذلها مثل بدايه وجوده بالعماره !
بس انصدمت من افعاله الهاديه وكأنه يحبك شي من تحت لتحت !
دخل ومشى وانسدح ع السرير بجنبها اما هي تغلي بداخلها تبي تعرف السبب اللي يخليه يتواصل معه !
لفت عليه : سيف
اما هو مغمض عيونه وحاط ايده تحت رقبته ووجهه للسقف !
ميهاف بتردد : ابـ..ـي اروح لأهـ..لي
سيف ببرود : بعدين
ميهاف بحلطمه : ليه بعدين ؟ متى بالضبط ؟ والله يتصلون ولا اقدر ارد عليهم حرام عليك خلني ع الاقل اطمنهم علي ليه كذا !!
فتح عيونه ولف عليها ببرود نطق : تبيني اكنسلها بعد !
كشرت بوجهه !! لف براسه للسقف وغمض عيونه وتنهد : نامي!
استهاضت بغضب لفت وسحبت الفراش وغطت فيه نفسها بقهر !
_
"بعد يومين من الاحداث "
ك حال ميهاف وسيف بالغموض اللي بينهم كل واحد يخفيه عن الثاني الا انهم مستمرين بإغاضه بعض ومناقرات
ك شيء روتيني !
" يوم الخميس "
حجز غيث والوليد المخيم واتفقو مع الشباب ودفعو
تكاليفه وخبرو اهاليهم
_
" سيف وميهاف "
الساعه ٧:٢٤ ص
سيف وهو واقف ع باب المطبخ : اخلصي !
ميهاف وهي تصب القهوه بالدله بتأفف : ليش مستعجل!
سيف : احسبي حساب الفطور هناك
سكرت الدله وحطتها بالسله
مشى سيف وبعدها عن السله : خليها بقفلها انا روحي البسي عبايتك تنهدت ومشت بسرعه للصاله واخذت عبايتها من ع الكنب ولبستها واخذت جوالها واغراضها وحطتها بالشنطه
طلع من المطبخ وهو شايل السله وطلعو حطهم
بالسياره ورا وركبو !
_
" بقروب بنات العايله "
اللي حماسهم طاغي ع حماس الشباب من خبروهم وهم لهم يومين يوزعون الاغراض بينهم من حلويات
وفطاير ومشروبات والخ والخ
بدو العوايل يتوجهون للمخيم ! كل واحد من الشباب مع عايلته الى م وصلو بالتدريج للمخيم طبعاً مخيم
الرجال كان بعيد شوي عن مخيم الحريم ونفس الشي
الشباب حتى كلهم ياخذون راحتهم ! بدو ينزلون
الاغراض من العزبه و اغراض الشوي والقدور وكل شي
اما البنات بدو يتفقدون المخيم وينزلون فرشهم معهم
كان البرد ببداياته بهالموسم ! و الخدم ينقلون الاغراض للمطبخ الخارجي بزاويه المخيم
ام صقر وهي توجه الخدم : مليكه اشبكِ الغاز بنسوي الفطور ..
_
" سيف وميهاف "
لفت ميهاف : اقول سيف خالتك بتجي ؟
عقد حواجبه وهو يسوق لف عليها : ليه براسك حرش ؟
كشرت : لا خير !! بس حبيتها والله
تنهد ولف للطريق : مدري
ميلت شفايفها بتفكير وصدت !
لبعد م وصلو سحب فرامل ولف عليها : عاد اعقلي
لا اشوفك منهبله
طالعت فيه بتكشير ! ثم صدت وفتحت الباب ونزلت
نزل من بعدها ونزل الاغراض واخذوها الخدامات ونقلوها لداخل المخيم
استقبلتها ام صقر بتهليل واستبشار وسلمت ع الحريم
والبنات بعده قعدت مع البنات اللي بدو يشبون النار ويصورون سنابات بضحك وهستره م قدرت ريهام
تشب النار عريب بضحك لفت ع ميهاف : صوري سناب شفيك عادي
لاتستحين
ارتبكت ميهاف : هلا ! لا م احب اصور
ريهام بتأفف رمت الولع : اوووف !!
ام نايف : وينه نايف !! خلوه هو اللي يشبهه وش يعرفكن انتن !!
ابتسمت بيادر لاشعورياً من طرى اسمه !
ريم: بنات عطوني سناباتكم ترا غيرت حسابي القديم
انحذف !
لفت عريب ع ميهاف : الا مهوفه عطيني سنابك
اميره : اي ي قلبي خلينا نضيفك اذا م تبين عادي
ميهاف بارتباك : هلا ! لا مو من جوي السناب حملته وحذفته
عريب : والله يجنن !
ريم : اي والله يونسني
ابتسمت بتوتر وصدت فتحت شنطتها بتحط جوالها صامت
بس عقدت حواجبها جوالها مو فيه ارتبكت بتوتر لفت
حولها تدوره م حصلته همست : متأكده اني حاطته هنا
الا ام بندر جايه وهي تأشر بالجوال : ي بنات ذا جوال مين لقاه واحد من البزران طايح بالتراب
ريم : يمه مين بالله بيشيل ذا!
اميره : حتى الخدم م ياخذونه
بهتت ملامح ميهاف من الصدمه !! وهي بداخلها تدعي ان سيف م يدق وتنفضح!! الا فجأه يرن جوالها ! انقلب وجهها !!
أم بندر : يدق
ريم : ردي !
ام بندر : هاه !! وش ارد مهبوله انا ؟ بعدين رقم
مافيه اسم !
قفلته ام بندر !! بهاللحظه تنهدت ميهاف براحه وباقي فيها الارتباك !
ميهاف بارتباك ! تشجعت بتنطق الا سبقتها
بيادر : الا والله ي عميمه يمكن حق حارس المخيم ..
طاح منه يوم يشيك ع المخيم !!
البنات بتأييد : اي صح !
توهقت ميهاف بهاللحظه !!
ريم : خلاص يمه عطيه واحد من البزران خليه يعطيه بندر والا اي واحد يرجعه للحارس !
توسعت عيون ميهاف بصدمه !! لفت ع ام بندر : اي والله شكله تسذا
وراحت !
ارتبكت ميهاف بهاللحظه وعيونها ع ام بندر
اللي عطت الجوال لواحد من البزران وارسلته
لفت ميهاف بربكه ع عريب : جوالي شحنه خلص عطيني بدق ع سيف ي قلبي
مدت عريب جوالها لها : خذي
اخذته ميهاف وقامت وراحت لورا الخيمه وهي تدق
عليه بارتباك وبتأفف : ررررد !! اوووف
_
" الشباب "
نايف وهو ماسك الولع : وخر انا بشبه !
غيث : انقلع عن وجهي
شبّت والله اسأل الشباب ! بس من شافت وجهك
طفت !
نايف : واضح ! ي حمار ذا سمر يعني يبي لك تنفخ فيه لين م تشب ! مو عشان حطيت كم منديل
يعني بتشب وخر لا اكوفنك
ابتعد غيث بطرف عين : يالله ورني شطارتك
بلحظه م قعد سيف واخذ دله القهوه قطع عليه رنين جواله تنهد : ياليل توي م قعدت زين !
صقر بضحك : قوم المدام تحتاجك !
طلع سيف جواله من جيبه وعقد حواجبه : عريب !
صقر وهو يختطف الدله من سيف : يمكن امي تبي شي
سيف باستغراب
رد : الو
وصل لمسامعه صوتها بنبره ارتباك : اوف مابغيت ترد
عقد حواجبه باستغراب : موب ذا جوال عريب ؟
ميهاف بتوتر : ادري انه جوالها اخذته حتى ادق عليك منه ..
قام سيف وابتعد عن الرجال باستغراب : شفيك ؟؟
ميهاف بنفس واحد وبسرعه تتكلم : اسمع جوالي طاح مني واخذه واحد من البزران ووداه لعندكم يحسبه جوال
العامل حق المخيم بيعطيه الحين لواحد منكم بسرعه اخذه
منه لايضيع جوالي والله ياويلك ي سيف !
رفع حاجبه :دقيقه دقيقه ! اي بزر ؟
ميهاف بتأفف وفيها الصيحه : والله مدري
شوف اي بزر يجي عندكم اكيد معه الجوال بسرعه
تنهد :طيب
قفل الجوال ورجع لعند الشباب
نايف باستغراب : حق مين ؟
مقرن : امي عطتني اياه تقول حق العامل !
لمح سيف الجوال اخذه من نايف : عطني شكله
حقه برجعه له !
عطاه نايف بلامبالاه ورجع يشب النار من جديد
اخذه سيف وطلع ودق عليها حتى تطلع له ورا المخيم
وهو واقف ويضرب الجوال بكفه بإنتظار جت : هاه وينه !
لف عليها بنظرات ازدراء : كيف طاح منك ؟
ميهاف :مدري جت عمتك وسألت جوال مين
قاطعها سيف : وليه م قلتي انه جوالك !
سكتت وهي تطالعه!!
ضحك : اها متفشله يعني !
كشرت بحلطمه : ومين قال لك اني متفشله؟ لاخير ! اصلاً كنت بتكلم وبقول انه حقي
وارخت صوتها بتنهد : بس م عطوني فرصه انطق
رفع حاجبه : متأكده ؟
طالعته بحقد : ااي ! ترا عادي باخذه الحين
واطلع قدامهم !
ضحك : احلفي !
ميهاف بقهر : شتبي انت مني شتبي ؟
سيف وهو يبي يغيضها : طيب ارجعي للمخيم وبرسل الجوال مع واحد من البزران يعطيك ..
طيرت عيونها فيه بصدمه : هااااه !!
سيف : مو تقولين ان عادي م يهمك لو تطلعينه قدامهم يالله انا بجرب !
كشرت بقهر ومدت بتاخذ الجوال الا ابعد ايده وهز
راسه بنفي : لا مستحيل
عصبت وحمقت : سيف لاتعصبني !! مو وقته
العناد !! شوف عاندني بالبيت قد راحتك بس هنا ؟ لا تفشلني قدامهم !
سيف بضحك : يعني تتفشلين بالجوال ذا ؟
ميهاف ب كبرياء وقفت : لا طبعاً
سيف : اجل يالله ادخلي بعد شوي بيجيبه لك
ضربت رجلها بالارض بقهر وهي فيها الصيحه : سيف لا تقهرني شوف صح انك م تطيقني ولا انا اطيقك ! بس قدام الناس المفروض تبين لهم غير هالشي !! بيتمسخرون علي والله ! اذا مو قدامي اكيد من وراي ! مو حلوه بحقي !! انا اقدر ارقعها واقول انها
حقت اتصال !! بس ليه كل هذا !! غيرت نبرتها للاستعطاف ونظراتها بترجي: سيف !! تكفى عطني وخلني ارجع !! حطه بجيبه بعناد ومشى : ادخلي قلت
عصبت وارتفع ضغطها وهي بتصارخ بس مسكت اعصابها خوف من احد يسمعها تنرفزت وهي تغلي ودمها يفور !! همست بغيض : الله ينكد عليك مثل م نكدت علي !!! اوووف !! شسوي انا شسوي !! لفت ومشت ورجعت لداخل قعدت بجنب عريب
اميره : يالله مين بتسوي شاهي كرك مدري حليب كرك
ريهام : وخري ي قلبي خلي السنعه تسنعكم بس هاتو الهيل والحليب والزعفران وابشرو بسعدكم ! انا بنت مضاوي
ام بندر بضحك : كفو ي يمه تسنعي قدامهم كود يخطبونتس وافتك منتس ..
شهقت ريهام : احححح قويه ي يمه !
البنات بضحك عليها !! الا قطع عليهم واحد من البزران تو داخل المخيم
وينادي : ميهااااف !! ميهااااااااف !
سكتو البنات بهاللحظه والحريم ولفو عليه !
ارتبكت ميهاف بإحراج وقلبها مثل الطبول !! وهي تشوف انظارهم عليها لما قرب البزر وعطاها الجوال اخذته منه بوسع عيونها بصدمه هي تقلب الجوال بايدها بعدم استيعاب !
رفعت عيونها للبزر اللي نطق : عطاني اياه سيف يقول حقتس نسيتيه بالسياره
ابتسمت ميهاف بارتباك : اهاا
ريم وهي تغمز ل اميره بهمس : ايفون سبعه الاسود !
اميره : وبلس بعد ! الله الله ربي يهنيهم
ريم :عقبالي
طالعت بالجوال وهي مو مستوعبه باللي يصير
من حولها وكأنها بعالم ثاني !! بشعور الارتباك رفعت عيونها شافت الكل يطالعها
نزلت الجوال ع جنب وابتسمت لهم بمجامله
وصدت واختفت ابتسامتها بتفكير
وبنفسها : ياربي وش هالانسان مدري اكرهه
زياده والا اكون ع كرهي له من قبل !! جنني بتصرفاته ! بفقد عقلي بسببه !! زفرت بزفره عميقه !
قطعت عريب حبل افكارها
: الا ميهاف وش فيها ايدك منتفخه ملاحظتها من اليوم بس نسيت اسألك؟
لفت عليها ميهاف ثم نزلت عيونها تطالع
بايدها اللي خفت بكثير عن اول
ورفعت عيونها لها بابتسامه : ضرب باب الغرفه ع كف ايدي لما الدريشه كانت مفتوحه ودف الباب من قوه
الهوا !
عريب بتألم : احححح كمديها بمويه دافيه حتى ترتخي الاعصاب
ميهاف : ااي بسويها ان شاء الله لارجعت للبيت
ام نايف : يالله ي بنات حطو السفره
ولفت تنادي وحده من الخدم : مليكه تعالي حطي الاكواب والصحون ..
" الرجال "
غيث وهو يتلحف بفروته من البرد : ياخي اخلص شبها !! نفخها نايف بقوه الى م ابتعد لما شبت ابتسم
بخبث ولف ع غيث : شوف تعلم كيف يشبونها !
ابو عبدالعزيز : اقول مشعل صب لي حليب بالزنجبيل
خلنا نتدفى !
ابو نايف : الا ي صقر وينه ابوك وراه م جاء !
لف الوليد ع صقر اللي نطق : مدري والله ! شكله
مو مشتهي !
لف عليه سيف بهمس : داري اني بجي عشان كذا
م جاء !!
لف صقر عليه : هاه ؟؟ خير لاعاد مو كذا
ابتسم سيف وصد : واضح الكذب من عيونك اصلاً
تفشل صقر وهمس :لاتلومه ي سيف ! تعرف عاد الوضع انت ! اصبر عليه شوي ! مصيره بيعرف انه غلطان ..
سيف ببرود رفع الفنجال لشفايفه : م يهمني اصلاً
صقر بحمق : طيب قدّر وضعي وانا اواسيك !
صد واخذ فنجاله بغيض من سيف !
_
بعد م افطرو الشباب والرجال تجمعو حول شبه النار
الوليد وهو يغمز لغيث اللي ابتسم !
صقر : وش بينكم ؟؟ نايف : شسالفه !!
صقر : يغمزون لبعض اكيد مخططين لشي ؟
قام الوليد ومسك ذراع غيث وقومه معه
ونطق : ياخي ملاقيف شدخلكم !!
غيث : سالفه بين الوزير والامير ..
م كمل جملته الا نايف رفع يده وضربه: نعنبو حكيك فارق ي السامج مغبر !!
غيث بضحك : استانس لاشفتك منغث !
الوليد وهو يسحبه : امش امش !
مشو وابتعدو عن الرجال وطلعو من المخيم
مشعل : مو متطمن لهم !
بندر : ولاانا !
ماهي دقيقتين الا داخله دينتين " دنه مثل الشاحنه الصغيره "
مليانه كلها دبابات دنه لعند قسم الحريم
اللي البنات فزو من اماكنهم بحماس هجمو ع الدبابات وبوسط
سناباتهم يصورون بحماس وضحك !!
اما ميهاف ابتسمت وهي تطالع هسترة البنات
ودها انها تهستر معهم ! بس صعبه من ثاني
لقاء لها فيهم ومادخلت بجوهم !! ارتعشت من
قوه البرد دخلت لعند الحريم داخل الخيمه
وقعدت عندهم
_
" الرجال "
غيث وهو يختطف له دباب : يالله
الوليد بحماس ركب دبابه وشغله وغمز بهمس :خلنا نفحط قدام البنات !
وطلعو برا المخيم بسرعه جنونيه !!
ركب طلال الدباب وركب وراه مشعل
طلال : تمسك ترا لو صار فيك شي مالي شغل!
مشعل : ي رجااال ادعس بس !!
طلال بضحك : تمممم !!! ولحقوهم
_
" الحريم "
ام بندر : بشويش ي بنات !وشو له تركبونه !وش خليتن للعيال بالله؟
ريهام :خلينا نتونس
ام بندر وهي تسد خشمها بطرحتها عن ريحه البنزين : بالله تعرفن تسوقونه حتى تركبنه ؟؟
اميره : ماعليك سنعه انا !
مناهل وهي تركب ورا اميره
بحماس : يالله دوسس ع الدواسه
اميره : طيب احفظي السنابه اللي بتصورينها وارسليها
لي !
مناهل : من عيوني
_
" الحريم "
ام نايف وام عبدالعزيز واقفين عند الخيمه ويطالعن بالبنات بضحك !
ام نايف : والله مايدرن الله وين حاطهن !
ام عبدالعزيز بضحك : والله بيغبرن علينا
ام صقر : ماعليه خلوهم يتونسن م ساقن السيارات
خلوهم يسوقون الدبابات ع الاقل
ام نايف بضحك : صدقتي والله
_
" البنات "
ريهام بحماس دعست ع الدواسه
ودعس بقوه معها محد انتبه من البنات معها
كانت بتلف بالدريكسون بس م قدرت من ثقل الدبابه
وهي داعسه ولانها اول مره تركب توهقت لما
حست انها فقدت السيطره عليها صرخت
وهي مو قادره تتحكم فيها لفو عليها البنات
صرخو وهي داعسه بقوه للخيمه اللي فيها
الحريم وضربت فيها بقوه !
اعتلى صوت صراخ الحريم بهلع
فكت ريهام ايدها عن الدبابه اللي استقرت برا الخيمه
ونزلت بسرعه بخوف !! ركضو البنات لعند خيمه الحريم
بصدمة جمدو برعب لما شافو ام صقر وهي ماسكه ميهاف
اللي حاطه ايدها ع ظهرها ومنحنيه بألم قوي ضرب الدباب فيها من وراها والحريم متجمعين عليها
من قوه الالم انفجرت بالبكا !
ام صقر بصراخ : دقي ع سيف ي بيادر خليه
ياخذها للمستشفى !
ام عبدالعزيز بخوف : لاتحركين ظهرتس لاتحركينه يمه
ام نايف : الله يقلعها هالدبابات ماجابت الا الشلل !
_
" مخيم الرجال "
الشباب والرجال باستغراب من صراخ
الحريم !!
ماهي اقل من دقيقه الا ب مقرن اللي يركض بسرعه لهم بخوف : سيف سيسف حرمتك صدمها الدباب من ظهرها ..
انصدم سيف وفز من مكانه بسرعه ..
" الشباب "
وهم يسرعون بالدبااب ويدعسون قدام الناس
بوسط الزحمه !
الا بسياره شباب هايلكس بأغاني مهسترين
فتح الشباك واحد فيهم وهو يكلم غيث بحماس : ادعس
لف عليه غيث وضحك ثم صد !!
الشاب اللي بسياره الهايلكس : نتسابق ؟
لف عليه غيث باستغراب م سمعه : هاااه ؟
رفع الشاب صوته : اقولك نتسابق ؟
ضحك غيث وغمز : تم !!
ولف بلحظه م ضرب الشخص بوري سيارته
الا انطلقو بسرعه جنونيه ..
مخيم الحريم "
ام صقر وهي تبعد شعر ميهاف عن وجهها
بخوف وماسكه ايدها : لاتحركين ظهرتس اصبري ي يمه بيجي سيف !!
اما ميهاف بدون وعي مو حاسه فيهم ومنحنيه
وبوجهها ع الارض وتشهق ببكى من قوه الضربه
تحس ظهرها انقص نصفين !!
ريهام بخوف وهي عند طرف الخيمه منخرشه
بارتباك : بنـ..ـات فيها شي؟ تكفـ..ون قولوا مافيها
شي !
ام نايف بعتب : الله يصلحتس ع كبر الحوش مالقيتي الا هالخيمه !
ريهام بخوف وبصوت باكي : والله م قدرت اتحكم فيها مشت بسرعه
ياااربي خذوها ع المستشفى اي شي !! تكفون
ام بندر بتأفف وعصبيه : اقلعو هالبلا عنا لاشوفها !! انا بس لو ادري مين جايبها لا اقص رقبته قص !!
ميهاف صرخت بألم لما شد ظهرها بقوه وزاد بكاها !!
خافو البنات ! والحريم توترو بهلع !
ام صقر بعصبيه : بيادر وصمخ دقي عليه !! بيادر بارتباك : م يرد يمه !!
ام صقر بعصبيه : هاتي عبايتي هاتيها !!
_
" سيف "
بلحظه م وصل لمخيم الحريم بارتباك وضح ع ملامح وجهه طلع جواله بسرعه واتصل ع بيادر
لقاه مشغول تنرفز بعصبيه صرخ بصوت عالي : الطريق !!!
بلحظه م سمعن البنات صوته انتشرو بسرعه
للخيمتين الباقيات ودخلو !!
ام بندر بخوف : ادخل ادخل
دخل بسرعه للمخيم اشرت له ام بندر : هنا هنا !
مشى بسرعه بارتباك دخل الخيمه بخوف : شفيها؟؟؟ شصاير؟؟
الا بهاللحظه جمد لما شافها ببطنها
ع فخوذها ودافنه وجهها بالارض وبصوت بكاها
العالي بنحيب تتقطع من الالم !
مشى لها بسرعه وجثى ع رُكبه قبالها بنبره خوف : ميهاف !! م ردت عليه من شهقاتها بألم!
لف ع امه وام بندر : خلوني معها شوي !
تفهموه وطلعو لف عليها ابعد شعرها عن وجهها ورقبتها مسك وجهها ورفعها
بهاللحظه صرخت لما تحركت بألم قوي
قرب لها بزياده وهي متمسكه بايده اللي ع وجهها من بين دموعها وبشهقه : ماقـ..در اتحرك ..
سيف وهو يهديها حط اصابعه ع رقبتها يتحسس دقات قلبها اللي تنبض بقوه توسعت عيونه بصدمه رفع راسه وبصراخ هستيري : هاتو عبايتها !!
لف عليها بهاللحظه وصدره يعلى ويهبط بسرعه :اخذي نفس !
التفت حوله اختظف علبه المنديل وهو يهفها
قدام وجهها حتى تتنفس لف بعصبيه
وبصراخ : وين عبايتها ؟
دخلت ام صقر بعبايتها بخوف : هاذي هي
سيف باستعجال : لبسيها وانا بروح اجيب
السياره !
ترك ايدها و قام وطلع بسرعه بإستعجال
البنات بخوف من صراخه ولما طلع بسرعه !! ريهام ببكى : بنات لايكون صار فيها شي !
اميره : خلاص اسكتي مو وقتك ان شاء الله خير
مناهل بخوف : لايكون انشلت !!
ريم : فال الله ولافالك مو لهالدرجه !!
"بالخيمه الثانيه"
ام صقر وهي تلبس ميهاف عبايتها وتسمي عليها وتهديها
مسكت شعرها ورفعته عن وجهها وربطته
اما هي بعالم ثاني من المها !!
دخل سيف السياره لداخل المخيم ووقفها
بجنب الخيمه بالضبط نزل وفتح الباب قدام
ورجع المقعد الامامي ع ورا كله ! مشى ودخل
للخيمه بعد م لفت ام صقر الطرحه وهي بتلبسها النقاب !
قاطعها سيف لما نزل مستواه لمستوى ميهاف بخوف : لالا لاتلبسينها مو قادره تتنفس هي
مسك ايدها وهمس وهو يطالعها : تقدرين توقفين ؟
رفعت عيونها اللي غرقانه بالدموع وبرجفه صوتها : مـ..دري !
سيف بهدوء حتى يطمنها : طيب اوقفي معي !
نزلت راسها وبدموعها تنهمر وهي راصه ع اسنانها تحاول تكبح الالم بداخلها
قرب منها زياده بيشيلها هزت راسها بنفي وقاطعته وبالقوه يوضح صوتها : لـ..لا
جمد وهو يطالعها : طيب قومي بشويش
بلعت ريقها برجفه خوف من الالم يرجع لها !
ببطئ وهي توقف بخفيف معه كل م يشد عليها الالم
وتصرخ يجمد بمكانه بدون م يحركها لكم ثانيه ! حتى
م تنشد عندها الاعصاب والفقرات !! لف ع ام صقر : يمه خلي بيادر تحط شنطتها بالسياره
اذا ماعليك امر !!
ام صقر : طيب ي يمه بس انتبه عليها !
لف ع ميهاف اللي منزله راسها وتحاول تاخذ اكسجين
وبرعشه ايدينها وهي متمسكه بذراعيه ومستنده
بكل قوتها عليه بدون حيله !
سيف وهو يطالعها بخوف : ارفعي راسك وطالعيني !
رفعت راسها ببطئ بلعت ريقها وهي بدت تدوخ ..
سيف : تمسكي فيني لين م نوصل للسياره
شد عليها بيمشيها معه
فتحت فمها بتنطق بدت تأسرها الدوخه
حطت راسها ع صدره وهمست بصوت خفيف وشدت ع ايدينه : وقـ..ف
جمد بهاللحظه وهو يحس بأنفاسها تلفح صدره
نزل راسه بخوف بقرب لها : فيـ..ك شي ؟
بهاللحظه م وعى الا هي ترتخى بكل جسمها عليه
مسكها بسرعه بصدمه
وبخوف وهو ضامها لصدره ويناديها بهلع وبصراخ : ميهاااف !! ميهااف؟؟؟ م تحمل حس ان قلبها توقف بهاللحظه شالها بسرعه وطلع من الخيمه ..
شهق الكل وهي مثل الميته شايلها ..
ركض بسرعه وقعدها بالمقعد اللي قدام وسدحها ع ورا رجع ع ورا ودقات قلبه مثل الطبل سكر الباب
وهو بيلف بيتوجه للباب بيركب الا قاطعته
ام صقر بخوف : ووقف وقف ي يمه بروح معك خلني البس عبايتي
سيف باستعجال متوجه للباب : لا م يمدي انتظرك بطمنك عليها بعدين
ركب وسكر الباب ودعس بسيارته بسرعه
لدرجه انتشر الغبار والتراب من بعد م دعس !
وهو يلف عليها كل ثانيتين يراقب اذا صدرها يعلى
بمعنى تتنفس او لا
وهو بانفاسه المتسارعه
ومسرع !!
_
" مخيم الرجال "
بلحظه م شافوه طلع من المخيم بسيارته مسرع
فزو بخوف !!
صقر : شفيه ؟؟
ابو نايف : شفيه مسرعع ؟؟
ابو عبدالعزيز : مجنون هالولد وش هالسرعه لا يبتلي الناس بجنونه !! طلع صقر جواله وابتعد عن الرجال واتصل ع امه
بقلق وخوف !!
اللي ردت : هاه وش بغيت انت بعد !
صقر بقلق : شفيها زوجته ؟
ام صقر تنهدت بضيق : شكلها دايخه الضعيفه !! وبنبره عصبيه : ااخخ بس لو ادري من هالحمار
اللي جايب هالبلا والله لامصع اذانيه
صقر : هي طاحت من الدباب ؟
ام صقر : لا والله المسكينه كانت قاعده معنا بالخيمه وكافيه خيرها وشرها مير وحده من البنات مهبولتن
مرموعه صدمت بالدباب
بالخيمه وجت بظهرها
رفع حاجبه صقر بدهشه : اوووف قويه زين والله ان كان ظهرها سلم !
ام صقر بتنهيده : والله مشغولن بالي عليها الله يستر بس
_
" بالمستشفى "
بعد م وصل سحب فرامل بقوه ونزل عند باب الطوارئ اشر للممرضتين يجون له بسرير !!
توجهو له بسرعه بلحظتها دخل ايده من تحت ركبها
وايده الثانيه ع ظهرها وشالها وسدحها ع السرير
وتوجهو فيها الممرضتين لداخل اما هو ركب سيارته
ووقفها بأول موقف ونزل شماغه وعقاله وطاقيته ونزل بسرعه
توجه للمستشفى ودخل كان دكتور قسم الطوارئ
واقف يفحصها : شفيها ؟
سيف من وراه دخل ومن بين انفاسه السريعه : صدمها الدباب ع ظهرها
ومشى ومسك معصم ايدها يتحسس نبضها ثم رفع
عيونه للدكتور : فاقده وعيها ودقات قلبها ضعيفه !
التفت للممرضه : قيسي ضغطها بسرعه وبعدها
ننقلها لقسم الاشعه !
الدكتور باستغراب عقد حواجبه : انت دكتور ؟
رفع سيف عيونه : ايه دكتور جراحه مخ واعصاب
رفع الدكتور حاجبه بدهشه : ماشاء الله !
صد عنه سيف وهو ماله خلق له ونطق للممرضه
باستعجال : بسرعه اخلصي ليش واقفه !! تحركت الممرضه بارتباك وبدت تقيس ضغطها
طلع الدكتور وبعده الممرضه بعد م قاست ضغطها وكان
منخفض سكر سيف الستاره ولف عليها ماهي ثواني
الا تأن بخفيف حط ايده ع جبينها
وهو فوقها : ميهاف !
فتحت عيونها ببطئ وابتسمت من لمحته
عقد حواجبه من ابتسامتها!
همس : ميهاف ؟ واعيه فيني !
هي تمتم بكلمات قرب زياده وميل
راسه بحيث اذنه قريبه منها حتى يسمعها
اللى م وضح له كلمتها اللي ترددها رفع راسه بهدوء
ولف وهو يطالعها ! بلحظتها غمضت عيونها
وتلاشت ابتسامتها
وزفرت بزفره عميقه !
اما سيف استقام بظهره وابعد ايده عن جبينها
ومسك حديده السرير وصد وميل شفايفه
بانتظار الممرضه !
فتحت عيونها ميهاف ورمشت ببطئ وهي تطالعه
مررت بنظراتها لايده وهو يطقطق باصابعه بالحديده
نطقت وببحه صوتها بخفيف : سـ..يف؟
رفع حاجبه ولف عليها : هلا
رفعت عيونها واستدارت بنظراتها حولها ثم لفت
عليه واستقرت عيونها بعيونه وبعدم استيعاب : وينـ..ـي فيه ؟
مرر بلسانه ع شفته السفليه وتنهد : بالمستشفى !
عقدت حواجبها من الالم بأسفل ظهرها
بلحظه م تحركت
حط ايده ع كتفها من فوق : لاتتحركين !! وابعد ايده : انتظري لين م ياخذوك لقسم الاشعه!!
همست بنبره بكى والخوف بعيونها: ماقـ..در اتحرك يعني؟
صد بتنهد : انتظري
غمضت عيونها ورفعت ايدها تغطي عيونها بتعب!
نزل راسه وهو عاض طرف شفته بتفكير !
قطع حبل افكاره دخول الممرضه وهي تدف
الكرسي المتحرك رفع عيونه سيف لها ! ثم لف ع ميهاف
اللي نزلت ايدها عن عيونها نزل سيف الحديده
ومسك ايدها بايده اليمين وايده الثانيه ع كتفها من ورا
: قومي معي بشويش !
هزت راسها بضعف وخوف : مابـ..ـ..ـي اتحرك يعـ..ور
قرب سيف : ماراح يوجعك يالله !
طالعته برجى وبخوف ! نزلت عيونها واخذت نفس عميق
ورفعت نفسها بس شهقت من الالم !!
وقف بهاللحظه : اثبتي لاتتحركين لحتى م ترتخي الاعصاب !
وهي شاده ع ايده بقوه وتطالعه اخذت تتنفس
قد م تقدر !! سيف : يالله !
تحركت بشويش ووقفت ! وع هالحال لين م قدرت تقوم رغم الالم وقعدها ع الكرسي المتحرك !
ابعد الممرضه : انا بدفها ! بس دليني ع قسم الاشعه!
هزت راسها بطواعيه وطلعت قدامهم !
اما ميهاف رمت الطرحه ع وجهها ودفها لحد م وصلها لقسم الاشعه دخلت الممرضه معها اما هو وقف
برا !
" الشباب "
سحب غيث فرامل ووقف جنبه الهايلكس
رفع صاحب الهايلكس ايده وضحك بوجه غيث
ثم حرك ! لف غيث بدبابه الا الوليد مر من جنبه
: امش امش فيه بنات هناك !
طلال راح لعندهم
غيث بضحك دعس وسبق الوليد اللي لحقه
_
" بعد ساعتين "
دخل الدكتور لغرفه ميهاف اللي سيف
قاعد ع الكرسي وحاط رجل ع رجل وايده
عند شفايفه رفع عيونه بلحظه دخول الدكتور
قام !
الدكتور: السلام عليكم
سيف : وعليكم السلام
الدكتور وهو يقلب بالاشعه رفع عيونه لسيف اللي عاقد حواجبه وعيونه ع الاشعه بترقب
الدكتور : الحمد لله مجرد كدمات للعمود الفقري يعني ان شاءالله مع الكريمات الموضعيه
ومساج من ثاني اسبوع راح ترتخي الاعصاب ! مافيه اي خطوره الحمدلله
تنهد سيف براحه : الحمدلله
اما هي زفرت وتنفست الصعداء من بعد ما سمعته وهي تحمدالله وتشكره !
الدكتور : محتاجه هي راحه ولاتجهد نفسها
اتوقع الممرضه اعطتها ابره مهدئه للألام !
عقد سيف حواجبه : لا !
الدكتور : مو مشكله بتعطيها الحين وبعدها تقدر تطلع للبيت ! م تشوف شر عن اذنك
سيف بتنهد : اذنك معك !
طلع الدكتور نزلت ميهاف الطرحه عن وجهها
بخوف :وش ابرته ؟؟؟ لف عليها باستغراب : ابره ! مهدئ والا م سمعتيه يعني؟
ميهاف بربكه : لالا مابي
سيف : بتاخذينها وغصبن عنك!!
سكتت وهي تطالعه بغيض وخوف الى م دخلت الممرضه وبالقوه عطت ميهاف الابره من جنبها اليسار وسيف ماسكها حست الالام بدت تهدأ
وتخف عن اول كتبو لها خروج وطلعت للبيت ترتاح!
_
" المغرب "
بعد م وصل سيف للمخيم سحب فرامل
ولف عليها : اخذتي ادويتك !
لفت عليه وهمست : ايه !
سيف : ترا لو صار فيك شي مالي شغل! انتي
اللي بغيتي ترجعين !
صدت بعناد وكبرياء : مافيني الا العافيه !
فتحت الباب ونزلت بهدوء ودخلت للمخيم
بعد م رحبو فيها كان عندهم علم بجيتهم لان سيف طمن امه عن وضعها وخبرها انهم بيجون !
قعدو البنات والحريم بالحوش وشابين النار
وتوهم مسووين قهوتهم والشاهي ومجهزين حلاهم و الفطاير !
قعدت ميهاف ع الكرسي الارضي واستندت بظهرها
عليه واندمجت معهم !
اما سيف رجع للرجال وقعد معهم !
_
بعد سوالف وضحك ولا كأن شي صار عكر مزاجهم
اليوم الصبح ابداً !! قامو البنات يرقصون ويستهبلون
اما الحريم بدو يسوون العشا
اما الشباب اللي يلعب بلوت واللي يدندن بالعود ويغني
واللي يسولف واللي طربان ويسوي القهوه !
بعدها تعشو وخلصو ورجعو لوضعهم !
ع الساعه ١ ونص الليل!
_
قام سيف وطلع من المخيم وابتعد عن المكان بظلمه الليل والمكان من حوله طلع جواله وفتحه و ابتسم
بسخريه ع رسايل التهديد اللي توصله م وعى بهاللحظه الا بشي حاد
على رقبته وبنفس الحده ع جنبه اليمين توسعت عيونه بصدمه من سمع
هالصوت !!! _
-
عبدالعزيز ولد محسن " عم سيف" "
وهو يمشي بالبر رافع جواله لفوق يدور شبكه
ومندمج قطع عليه صراخها الهستيري
لف ع مكان الصوت وضيق عيونه بتدقيق
لما شاف وحده بعبايتها تحاول تفلت نفسها من
الشخص اللي يسحبها لداخل المخيم وهي تصارخ وتترجى احد يفكها منه بلحظه م سحبها بهمجيه
لداخل وانقطعت عبايتها انفجرت بصراخ اعلى نزل عبدالعزيز جواله بسرعه وركض لها !!
-
سيف !
لف بسرعه ع صوت ضحكه
صقر اللي نزل السكين :ماهقيتك خوااف !
ضربه سيف ع ايده : لاحول الله يارب
صقر : وش قاعد تسوي هنا لحالك ؟
تنهد سيف ودخل جواله بجيب جكيته : اتمشى
صقر بتنهد : اهاا اجل اخليك تبحر ف الافكار
والهواجيس وانا اخوك
سيف : فارق بس !
ضحك صقر ولف ومشى متوجه للمخيم !
اما سيف مشى وقعد ع اعلى التله وطلع جواله
فتحه وع الالبوم الخاص فيه وبأمه !
قعد يقلب بالصور بهالوقت الا تمر عليه
اسوء لحظاته وهو يتذكر مبسمها وضحكتها وحتى صوتها اللي م تفارق ذهنه!
نزل راسه بلحظه م اجتمعت الدموع بمحاجر عيونه بأدق تفاصيل ذيك العمليه تمر ع مخيلته مثل الفيديو
رفع باطنه كفه وحطه ع عينه وجبينه بذاك الصداع
اللي يجتاح مقدمه راسه بشعور الضيقه يخقنه اكثر واكثر !! شعور الشوق موجع لمن تحت التراب !! ويوجع اكثر اذا حسيت بالذنب انك سبب بموته !!
_
" عبدالعزيز "
بفزعه وهو يفور ودمه يغلي ركض لها
بسرعه م حس الشخص الا هو مندفع ع ورا
بقوه بعيد عنها مسك ايدها وسحبها وراها
تخبت بهاللحظه وراه تحتمي فيه نزلت راسها
وبرجفه ايدينها تقفل عبايتها تحاول تستر نفسها وتعدل نقابها وهي بكل خليه بجسمها يرجف برعب!
الشخص بهمجيه وبجنون م يشوف دربه : مين انت؟؟
عبدالعزيز : ااانت اللي مين ؟؟ شايفها بهيمه عندك تسحبها بهالشكل ؟
الشخص بعصبيه وهو يغلي : كيفي
زوجتي وكيفـ..
قاطعته البنت بخوف والشهقات تاخذ مخرج حروفها : يكـ..ذب مو زوجي والله يكذب ..
لف عبدالعزيز بعيونه عليها يسمعها الا بهاللحظه
صرخت : اااانتبه !!
لف عبدالعزيز بسرعه الا بهذاك الشخص يضربه
بلكمه قويه ببطنه
انحنى عبدالعزيز من قوه الالم م حس الا بالبنت ترجع ع ورا بخوف ترتجف
لما الشخص قرب منها انفجرت ببكى : فكني منك !! ماااابيك افهم..
مسكها شهقت بقوه برعب !!
بهاللحظه هالشخص م حس الا بضربه
قويه ع راسه ومسكه عبدالعزيز وحذفه ع الارض
وطلع فوقه وضربه بأقوى م عنده من قوه عصبيته ..
رفع عيونه عبدالعزيز وهو يتنفس بسرعه
بوسع عيونه صرخ لما انحاشت : ههييييه وين بتروحين بهالوقت !! قام بسرعه ولحقها ..
_
" سيف "
وهو يمشي بدون نفس وضايق صدره والصداع
يأسر راسه بقوه مر ع مخيم الحريم
بطريقه متوجه لسيارته قطع عليه صوتها : سيف !
عقد حواجبه ولف الا بميهاف حاطه الطرحه ع راسها ومتلحفه ببطانيه خفيفه واقفه عند باب المخيم
عقدت حواجبها باستغراب من حالته :ع وين؟
غمض عيونه ورفع ايده وضغط ع جبينه وهمس بتنهد : برجع للبيت ..
مشت له لما حست بميلان جسمه ومسكته بخوف : شفيك ؟
فتح عيونه بتعب ولف يطالعها وهو يرمش ببطئ : مافيه شـ..ـي !
طالعته من فوق لتحت وبتشكيك : وش هو مافيك شي !! ليش حالتك كذا!
رفع حاجبه بوسط تعبه وبالقوه واقف ع رجوله
يحس نفسه بدأ يتخدر من قوه صداعه : ليـ..ـه ؟
طالعته باستغراب : لاترد علي بسؤال ! جاوبني
شفيك؟
مسك ايدها اللي ع عضده ونزلها وصد : مافيه شي
ومشى بس مسكته ووقفت قدامه بسرعه : كيف بتروح للبيت وانت حتى م توقف ع رجولك !
رفع حاجبه : شدخلك !! كشرت بغيض : ادري ان مالي دخل فيك بس
بس بالله بهالشكل تبي توصل للبيت ؟؟ اذا ماهمك نفسك ! فكر ع الاقل بالناس اللي ممكن
تبتلي فيهم وانت تسوق !! وليش بالله بترجع للبيت ؟
نام هنا واذا مره مره مو مرتاح نام بسيارتك يعنـ..
اختفى صوتها لما حط اصابعه ع شفايفها
وبتعب : ميهاف !! اسكـ..تي والله زاد صداعي
من كلامك
وقفت وهي ترمش بسرعه بعدم استيعاب من حركته !! نزل ايده وهمس بنبره وضح فيها التعب وهو يرمش
ببطئ: مالك شغل فيني ! اسوي اللي اسويه
لاتتدخلين
تركها وصد وتوجه لسيارته اما هي تنرفزت بهاللحظه بقهر لفت بسرعه ودخلت لداخل المخيم !
اما سيف بهاللحظه نزل راسه ع الدريكسون
وغمض عيونه وزفر بزفره عميقه بتعب
بأقل من دقيقه م وعى الا بباب المقعد اللي جنبه انفتح
رفع راسه باستغراب ولف الا بميهاف ركبت وسكرت
الباب وتكتفت ! عقد حواجبه بعدم استيعاب !
صد بتأفف : انزلي
ميهاف بعناد بدون م تلف عليه : لا
لف عليها بنظره اخيره طالعها ثم صد مافيه حيل يتهاوش معها حرك السياره متوجه للبيت !
_
" عبدالعزيز " تارك وراه الشخص يأن بدوخه
من الضربه
وهى يلحقها ويناديها : ههيييه يااااابنت ؟؟ مجنونه انتي !! هييييهه وقفي !!
اما هي تركض قد م تقدر وتتعثر بين التراب وعبايتها
بس الخوف اللي بقلبها اقوى من انها تستسلم وتيأس طاحت ع وجهها لما تعثرت بعبايتها بلحظه م وصل لها عبدالعزيز
جمد لما انفجرت ببكى !!
_
" سيف "
بعد م وصل للبيت سحب فرامل ونزل ونزلت بعده
مشى وفتح الباب بإرهااق ميت تعب مافيه القوه والحيله بخطوات بائسه
وبعدم اتزان صعد لفوق
اما هي قفلت الباب فصخت عبايتها وعلقتها ولحقته
للحظه م وصل لغرفته ودخل رمى نفسه ع السرير ودفن وجهه بالمخده
دخلت ميهاف لعنده وقعدت ع طرف السرير حس بحركتها لف بوجهه وهو يرمش ببطئ وهمس : عطـ..يني الحبوب اللي بالـ..درج !
عقدت حواجبها باستغراب لفت ع يمينها وفتحت الدرج طلعت الحبوب ولفت عليه : هاذي تقـ..
م كملت كلمتها اخذه وطلع حبتين
واكلهم استغربت اكثر ! وهي بتقوم مسكها من ايدها وهمس : خليـ..ك
جمد الدم فيهاااا!!!
بهاللحظه طالعته بصدمه وبعد استيعاب
من طلبه !! غمض عيونه وزفر زفره عميقه ثم
اردف بهمس : سكري الشبابيك والسـ..تاره
واطـ..لعي
عقدت حواجبها باستغراب صدت باستحقار
قامت وع حيلها بسبب الم ظهرها اللي انشد
من الحركه قفلت الدريشه والستاير وطلعت
وسكرت الباب ! توجهت لغرفتها دخلت وانسدحت
ع السرير تحس بألم أسفل ظهرها انسدحت ع جنبها وايدها تحت خدها تنهدت بتفكير وشك لما خطر
ببالها الدكتور ياسر واتصاله ب سيف !! بدت تفكر ب هم وش علاقتهم ببعض !! هالهدوء
اللي هو فيه وراه مصيبه اكيد!! زفرت وبدأ
النوم يسحبها لعالمه !
" عبدالعزيز "
وهو واقف وله ساعه يحاول فيها بس م تقدر
تتكلم من شهقاتها وبكاها !
تنهد : ي بنت الحلال تكلمي قولي وين اهلك !
انا بنفسي بوصلك لهم !
رفعت عيونها اللي غرقانه بالدموع له ثم نزلت
راسها واجهشت بالبكا بزياده
عقد حواجبه باستغراب انها طالعته ثم بكت : فيه شي قولي لي مين هالحيوان اذا تبين اوديك لمركز الشرطه
رفعت عيونها له بسرعه بخوف !! انتبه لنظرات الخوف بعيونها نطق : تطمني مقصدي
انك تشتكين عليه يعني !
هزت راسها بضعف من بين شهقاتها : مابـ..ـي
زفر بضياع : طيب وين اهلك ؟؟
قوست ثغرها بغصه : ميـ..تين !
عقد حواجبه بصدمه ! بلع ريقه بارتباك حك
حاجبه بتوتر : معليش ! الله يرحمهم ويغفر لهم يارب
قامت ع حيلها وهي تحاول تستر نفسها بعبايتها
برعشه ايدينها
ابتعد عبدالعزيز ع ورا : طيب وين تبيني اوصلك؟
اما هي عيونها بالارض وتحاول حتى انها تستر
ايدينها وتتعفف وبهمس ونبره خوف : الله يعافيك
ابـ..
قطع عليها صراخه الهستيري هالشخص
مثل المجنون لما رجع لها : ي الحيوانة ومسويه نفسك عفيفه !!! هذا حبيبك اجل هااااه !!!
رجعت ع ورا بخطوه رعب !! لف عبدالعزيز عليه بقهر يستوطن قلبه : اااانت تبي واحد يكوفنك !!!
شهقت بشهقه قويه اقشعر جسمها
برعب وخوف لما شافت مع هالشخص
سكين انفجرت ببكى وترجي بنحيب : رجيتك تكفى لاتسوي شي !!
فجأة هالشخص تهجم بلمح البصر ع عبدالعزيز
اللي ماقدر يتحرك بلحظتها ويلحق ع نفسه !!!!!
_
" مخيم الحريم "
البنات وهم حاطين فرشتهم برا بعد م نامو البزران والحريم
وتو حطو قهوتهم والحلا بهدوء المكان
بلحظتها قطع ع بيادر رنين جوالها رفعته شافت رقمه
ابتسمت وقامت وابتعدت عن المكان
وهمست : هلا والله
نايف بتنهد : اخخ ع هالصوت
ضحكت بحيا
نايف : اطلعي واخذي الغرض اللي عند باب المخيم ..
عقدت حواجبها باستغراب : اي غرض؟
نايف : انتي بس اطلعي واخذيه باب المخيم
اللي ورا
تنهدت : اوك دقايق !
قفلت الخط ولبست طرحتها ومشت وطلعت لفت ع يمينها لقت بوكس ابتسمت بخجل اخذته ودخلت
ماهي دقيقه الا دق : اخذتيه ؟
ضحكت بحيا : اايه بس وش مناسبته ؟
ابتسم : تذكرين هاليوم كم تاريخه ؟
عقدت حواجبها باستغراب !
نايف : بتاريخ هاليوم كملنا سنتين مع بعض !
توسعت عيونها بدهشه : صدق؟؟
نايف: شدعوه انا المتحمس اللي احسب!! بيادر : والله م انتبهت !
نايف : لاتفتحينها الا اذا رجعتي للبيت طيب؟
ابتسمت : اوك
نايف : يالله بقفل بروح اقعد مع الشباب
بيادر : طيب انتبه ع نفسك !
نايف : وانتي بعد
قفل ورجع للشباب !
اما هي دخلت للخيمه وحطت البوكس بشنطه ملابسها ورجعت للبنات!
_
" عبدالعزيز "
ابتعد ع ورا بهاللحظه تعثر الشخص وطاح ع وجهه
البنت برجفه : تكفـ..ـى خذ منه السكين تكفـ..ى
هجم عليه عبدالعزيز بسرعه وسحب منه السكين رماها بعيد ومسك هالشخص ولفه عليه عقد حواجبه انه
بدون حركه !! ابتعد بشويش ع ورا !
البنت بخوف : شفـ..يه ؟؟ قرب عبدالعزيز وضربه ع وجهه بخفيف ! : شكل اغمى عليه !!
زفرت براحه : حسبالي مـ..ـات
قام عبدالعزيز ولف عليها بنبره حاده : امشي قدامي بسرعه !
رجعت ع ورا بخوف !
عبدالعزيز : والله العظيم اقسم باللي احل القسم اني ماراح اقرب منك ولاراح اسوي شي !! اخلصي بوصلك
لسيارتي اقعدي فيها وانا عاد بقعد مع اهلي شوي
وبعدها اوديك لاهلك
هزت راسها بخوف : لا مابـ..ـي
قاطعها بحده : تبينه يقوم ويفضح فينا ؟؟؟ طالعت بالشخص بارتباك ثم رفعت عيونها لعبدالعزيز
اللي اردف : يابنت الحلال لاتجيبين ع راسي وعلى راسك المشاكل ! بسرعه يالله !!
البنت بتردد !
عبدالعزيز بتشديد : يالله !!
تنهدت بخوف ومشت لحظتها مشى معها متوجه لسيارته بعد م وصل فتح لها الباب اللي ورا : ادخلي واقعدي وانتبهي ان احد يشوفك !
هزت راسها بخوف ركبت وقفل الباب ورجع للشباب ..
_
" الصباح "
الحريم اللي يجهزون الفطور
والشباب اللي نصهم نايمين والنص الثاني يلعبون فيفا داخل الخيمه !
ماهي دقايق الا وصلت سياره سيف ! نزلت منها ميهاف
ودخلت مخيم الحريم !
وسيف لعند الرجال
رحبو فيها وهي بتساعد ام صقر بس منعتها وطردتها عشان ظهرها ووقفت تسولف معها .. بهاللحظه
قطع عليهم دخخول ام وصايف وبناتها !
لفت ميهاف ع ورا بلحظه م انصدمت ام صقر بوجودهم!
عقدت ميهاف حواجبها بعدم استيعاب ! لفت ع ام صقر : انتي عازمتهم ؟
ام صقر بصدمه :لا والله م عزمت !
لفت ميهاف بقهر عضت ع طرف شفتها
وبنفسها : ناوينها هوشه!!
ابتسمت ميهاف لما اقبلت ام وصايف بعد م سلمت
ع الموجودين سلمت ع ميهاف وبعدها ام صقر !
وصدت ميهاف ولاسلمت ع العنود ووصايف
ام صقر ببشاشه : حي الله ام وصايف
ام وصايف بابتسامه : والله مابغيت اجي بس
سيف دق علي واصر الا اجي واجيب البنات معي !
لفت ميهاف عليها بهاللحظه بصدمه
ام صقر : انتي صادزه ؟ ماشاءالله زين م سوى
خلانا نشوفكم حياكم تعالو ي بنات وراه
مستحين !
دخلو للخيمه وقعدو بوسط استغراب البنات من جيتهم !
_
" ع الساعه ١١ الصبح بعد م افطرو ودخلو
الحريم داخل مع البنات بسوالف وضحك !
قطع عليهم صراخ وهواش برا بالحوش !
صنمو وسكتو باستغراب الكل يطالع بالثاني !
بلحظه م اعتلى صوت ميهاف !
قامو الحريم وفزوا من اماكنهم البنات وطلعو للحوش !
وصايف بقهر : شتبين مني انتي كافيه خيري
وشري وناشبه لي !
رفعت ميهاف حاجبها بسخريه : لا والله بريئه !! انا عارفه م جيتي الا انك ناويتها هوشه !! وصايف بغبنه : خير !! زودتيها !!
ميهاف بحده : اسمعيني زين انا م تعديت حدودي
احتراماً لأمك بس انتي مصختيها بكل مره تجين
تلمحين سيف وسيف وسيف !! اذا تبينه
هالكثر قولي لي اخطبك له !
جمدت وصايف بغصه بهاللحظه بالدموع
اللي امتلت بمحاجر عيونها !
نطقت : تبين تتبلين علي مثل ذيك المره
لفت ميهاف بضحك : اتبلى عليك ؟
رفعت ميهاف ايدها بوجه وصايف وبتهديد : ابتعدي عني روحي
لمي نفسك وتعففي عن مطارده رجالي اذا مايبيـ..
الا بصوت حاد من وراها : ميهااااااااف !!
جمدت بهاللحظه !! والبنات دخلو بسرعه
للخيمه ! صدت وصايف وحطت طرحتها ع راسها
وهي بعبايتها !
لفت ميهاف بصدمه لما شافته بلمح البصر قرب وكان بوجهها
وايدها معلقه بالهواء مسك ايدها بقوه ونزلها بنبره
حاده وبتشديد : محارمي !! مين م يكونون ما تتعدين بحرف واحد عليهم ! تحشمينهم غصب !! وتذكري انتي ولاشي بالنسبه لي اذا بقارنك فيهم عندي !!!
نشف الدم بعروقها .. سمعت شهقه البنات و والحريم !!
امتلت عيونها بالدموع بغصه !!
سيف بعصبيه :لمي اغراضك واطلعي !
دامك م حشمتيهم ف مالك قعده بينهم !! طالعته بغبنه وبداخلها براكين تفجرت بقهر ! وكأن كلامه مثل السكين انغرس بقلبها ! سحبت ايدها من ايده
وتوجهت للخيمه بسرعه ودخلت ابتعدو البنات عن باب الخيمه اخذت عبايتها وهي تلبسها برجفه بوسط انظار الحريم والبنات لها
ماهي الا دقايق ومقرن داخل : ميهاف !
لفت ميهاف عليه مشى لها مقرن ومد لها جوال الكشاف : سيف يقول اخذي جوالك وعطينه جواله الايفون !
بهتت ملامحها بصدمة
بدهشه الكل !!!
#يتـــــــــــــــــــــــــــبع....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!