" بيت ابو صقر "
بلحظه دخول صقر : السلام عليكم ي قوم !
مشعل والوليد وهم يلعبون فيفا بدون م يلفون عليه
: وعليكم السلام !
ومن وراهم منيره " ام صقر " وبيادر وعريب قاعدين يتقهوون !
دخل صقر للصاله : ماشاء الله ادخل اطلع وانتم ع قهوتكم !
بيادر بضحك : شدعوه حرام عليك قهوتنا بس بعد العشا والعصر !
قعد صقر ع الارض معهم واخذ الفنجال ورفعه لامه : صبي لي جعل محد يصب غيرك ي ام صقر انتي !
اخذت ام صقر الفنجال منه بعتب : استغفر ربك
وش هالحكي الماصخ ! وهالدعا الشين !
صقر بتكشير لف ع خواته : بالله وش يرضيها امكم؟
عريب بضحك : ولاشي ام صقر مو من نوع هالحريم
اللي يحبون الغزل !
صقر : وش نسوي ؟
رفعت ايدها عريب : ابد لاتمدح ولاتتغزل !
لف مشعل عليهم : اقول صقير توب انك تمدح امـ..
الا مسكه الوليد من شعره ولفه ع التلفزيون : العب وخلك من سوالفهم
مشعل : فك شعري تعبت على م سويته والا
والله اقوم ولا العب معك !
فكه الوليد ومسح ع راسه : معليش اسف ي شعوله ، العب خلني اكسر راسك !
مشعل : هه تبطي عظم
لف صقر ع امه بتنهد :وين ابوي ؟
بيادر : سافر
شهق صقر : تمزحين !
ام صقر وهي تصب لصقر
قهوه : راح ياخذ عمره وبيعتمر عن ام سيف رحمه الله عليها !
صقر بتنهد اخذ الفنجال ونزله جمع كفوفه ويفركهم ببعض
بارتباك !
ام صقر : الا صدق وراه راجع بدري ! م رحت لسيف !
صقر بارتباك : الا رحت و ..
قاطعته عريب : بالله خله يجي دام ابوي مسافر وبيطول بياخذ
اسبوع والا اسبوعين ماهو راجع خله يجي ينام عندنا
ام صقر : بي اسكتي خليه يكمل !
عريب بحلطمه : طيب تفضل كمل
نزل صقر راسه وهو يحك حاجبه بطرف اصبعه
بارتباك : عشـ..ـان
ام صقر بشك ع اعصابها : تكلم فيه شي !!
رفع صقر وتنهد وبنفس واحد نطق : رحت له عشان اكون الشاهد ع زواجه وقال لي
اقولكم انه تزوج الرجال !
جمدوا بصدمة
لفو الوليد ومشعل بفدعة !!
بيادر بصدمه : بس ام وصايف م طرت لنا شي ؟؟
هز صقر راسه ب لا : مو وصايف وحده غيرها
ام صقر بصدمه حطت ايدها ع صدره : هالولد
وش مهول فيه !! وانت ليه م تكلمت هاه !
وش زواجه صاحي هو ؟ وين غدى عقله ؟ وامه متوفيه م كملت شهر حتى !
صقر : والله عاد تعرفينه عنيد
عريب بعدم استيعاب : ومين ذي البنت ؟
صقر : م شفت الا ابوها شايب عمره بين الخمسين والستين
شكله ماعنده الا ولده الصغير ع ١١ سنه يمكن وبنته ذي اسمها ميهاف البنت اتوقع !
ام صقر : ي وجه الله ! مدري افرح والا ازعل
صقر بضحك : كلهم !
ضربته امه بالعصا : والله لو احلف انك انت اللي مشجعه
شهق صقر:انا ؟
صقر : عز الله في هاذي ظلمتيني ! والله مادريت
الا لما رحت له
ضربت ام صقر العصا ع الارض : وانت ان كان
فيك خير دقيت علي وعلمتني انا اللي اروح وامصعه من اذانيه هالداج !
الوليد : دقيقه يعني هو خلاص تزوج ؟ خلاص خلاص ؟
لف صقر عليه بنظرات ازدراء : لا قاعد ينتظرك !
الوليد بتقليد لامه ضرب صدره : يااااوجه الله ي ام صقر تزوج سيف بدون علمتس !
لفت عليه ام صقر بنظرات حاده : انت ان ما سكت لاكسر بهالعصا ع راسك
بيادر بخوف :وابوي وش بيقول ؟
صقر بتنهد اخذ فنجاله يتقهوى : والله عاد قلت له وقال م يهمني !
ام صقر بقهر ضربت بايدها ع رجلها : اخخخ ي حره قليبي هالولد بيجلطني
صقر : والله ي حره قليبي انا ! اعرس هو وانا باقي ما اعرست
ام صقر بنظرات حاده : والله انت اللي يبي لي اهبدك ! نعنبو دارك مشفوح ع العرس !
مشعل : يمه ي قلبي انتي خلوه ع راحته يمكن تزوج عشان يرتاح ويستقر ! يكفي اللي صار فيه بالشهور اللي
راحت !
ام صقر : بس انا ما رادته عن العرس ؟ هذا ولدي فرحانه له مير مو بهالطريقه ولا بهالوقت الله يصلحه! ليه
م حنا اهله حتى يعلمنا ! زعلت عليه مانيب راضيه
الوليد : هه هيهات هيهات ي اماه هذا سيف الحب اللي براسه م ينطحن وانتي عارفته زين
ام صقر بتنهد : ي قليبي بس والله مدري ابارك له والا ازعل
عليه !
عريب : خير الامور اوسطها ي ام صقر
ام صقر بتكدر : و وصايف وامها ؟ ي عزتي لهم بس خله يوريني وجهه بكره اذا م ذبجته بهالعصا م اكون
منيره!! بنت ابوي الله يستر من هالزواج ماش واضح انه فيه شي مانيب مرتاحه !
_
" فندق نارسيس "
عند ميهاف بتسحب شنطتها م قدرت من ثقلها وقفت وتنهدت : ياربي ي ثقلها
ميلت شفايفها بتفكير : انا ليه اشيله؟ دقيقه
وش هالغباء اللي فيك ي مهياف ! انتي شاقيه عمرك ليه؟
هو المفروض يشيلها عنك ي بقره الحمدلله والشكر م مسكتي وصيه امك الرجال ع م تعودينه !
ابعدت ايدينها من الشنطه : تعوذي من ابليس وخليه يشيلها !
اخذت نفس عميق وزفرت ومشت للغرفه فتحته بهدوء
شافته بالسرير وماسك جواله يطقطق بايده اليمين
وايده اليسار ورا راسه
ميهاف بهمس : سيف !
سيف وهو يطقطق بجواله : هممم
قربت لعند السرير : شـ..يل الشنطه ثقيله
رفع حاجبه نزل جواله ع صدره ولف عليها : نعم ؟
ميهاف بنفسها : نعامه ترفسك قل امين !
تنهدت وهمست : كفراتها شكلها خربانه والا انا عادي اسحبها ماعندي حركات الدلع الماصخه
رفع جواله وكمل يطقطق : تحملي كلمتك
طالعته بقهر ضربت برجلها ع الارض : بلااا منتك ي شيخ
قلعتك !
ولفت وطلعت
سيف بحده : وش هو !
تجاهلته وطلعت للصاله فتحت الشنطه
تدور لها بجامه الا دخل هو وتوجه لها تجاهلته
بعناد مسك اذنها ورفعها له قامت
بتألم وهي عافسه وجهها : اذني اذني عورتني
وهو كابح ابتسامته ع شكلها ومستقصد النبره
الحاده بصوته : قلتي قلعتك والا انا غلطان؟
غمضت عيونها من الالم : لا مو غلطان
سيف : اها متزوج لي بزر انا حتى اسحبك من اذانيك ! يعني اربيك من جد وجديد !
فتحت عيونها ولفت عليه بحقد : مانيب بزر !! كلمه وطلعت عاد لا تقف عليها ولاتدقق ! مررها
بمرور الكرام !
سيف : انا وش قلت لك من البدايه ! ان هالليله
ابيها تمر بهدوء وبدون مشاكل ! وانتي واضح
ان نفسيتك متحمسه لهوشه !
غمضت عيونها بتأفف : لا !
سيف : وتصرفاتك ؟
ميهاف وهي كابحه الالم : انت تنرفزني وانا
تعبانه ولا اتحمل ! فكني خلني البس !
قرب وبهمس وهو مبتسم وهي مغمضه عيونها
: قولي اسفه التوبه !
فتحت عيونها بس تلاشت ابتسامه سيف بسرعه
وهو يتصنع الجديه بملامحه ويمثل العصبيه : قولي !!
همست بقهر : مابي !! فكها وقعد ع طرف الكنب يطالعها
اما هي قعدت ع الارض
تدور لها بجامه وهي متجاهلته !
سيف : الله ! كل هالملابس شاريتهم باسبوع !
رفعت عيونها بغيض : اااي !
ونزلت عيونها تدور لها بجامه بوسط م هي تنبش
عقدت حواجبها من قماش الحرير الابيض طلعته
وفكته من كيسه وطلعته وهي تقلبه بين ايدينها باستغراب
: وشهو ذا ! طلعت القطعه الثانيه مجرد م رفعته الا
شهقت وتلون وجهها نزلته بسرعة ..
وحطته وراها رفعت عيونها له بسرعه بخوف انه ممكن شافه لما شافت ابتسامته عرفت انه انتبه ودرى
نزلت وجهها اللي احمّر من الفشيله
ميهاف وهي تنبش بالشنطه بقهر تتحلطم مع نفسها : الله لايوفق عدوك ي ساره الله لايهينه وش هالسخافه ذي !!! اووف
رفعت عيونها له وبقهر : ياخي شتبي ! روح نام ليه قاعد فوق راسي !
سيف وهو مو قادر يكبح ابتسامته : لهالدرجه مقطعك الحيا ي البريئه !
نزلت راسها وبقهر تدور البجامه : اي مقطعني شعندك !
سيف وهو يغيضها : حتى وان لبستي كل قمصان النوم م راح تغريني ولافكرت اشوفك بهالنظره !
رفعت عيونها بنظراتها الحاده فيه : تخسى اني اغريك ! يع ! حومه كبد
قام وهو يتثاوب : نامي بكره والا بعده بنزور اهلي
ومشى ووقفت بدهشه : لااااااا مااابي !!
تجاهلها ودخل للغرفه ينام بوسط دهشتها !
رجعت لشنطتها بتأفف ولقت لها بجامه طلعتها وقفلت الشنطه ودخلت للحمام بدلت وطلعت وهي تزفر براحه : يمه ي الراحه !
نزلت فستانها ع الكنب ودخلت للمطبخ سوت لها كابتشينو وطلعت فتحت الشباك ووقفت تطالع بالرياض وسماها بس تنكدت لما تذكرت تركي !!
-
" الصباح الساعه ٨:٣٤ "
قام سيف بتثاوب طلع من الغرفه وهو عاقد حواجبه بانزعاج من النور دخل الحمام وانتم بكرامه غسل وجهه وطلع ومشى للصاله يدورها !
شافها تتهاوش مع
الشنطه تحاول تسحبها وتبعدها عن الممر
تنهد : يالله صباح الخير ! فيك فرط حركه انتي ؟
رفعت عيونها له : بسم لله !
عقد حواجبه : م نمتي !
نزلت راسها وهي تدف شنطتها وتبعد شي بسيط : لا
سيف بتنهد مشى اخذ شماغه وطاقيته
وعقاله : اشوف وجهك باهت!
تجاهلته !
سيف : اسمعيني !
ميهاف وهي تدف شنطتها : هممم
سيف : طالعيني !
رفعت راسها وبتأفف : وش هو بعد !
سيف : بطلع انا لأهلي بفطر عندهم والريسبشن طلبت منهم الفطور بعد شوي بيجيبونه افطري
ولا تنتظريني ً!
نزلت راسها وكملت تدف بشنطتها : اخر همي
افكر اني انتظرك !
تجاهلها ودخل للغرفه لبس ثوبه ونسف الشماغ وتعطر
اخذ مفاتيحه وجواله وطلع من الغرفه وهو بيطلع
الا وقفته ميهاف : دقيقه
لف عليها !
ميهاف : شرايك بالله انك تنزلني عند اهلي ع دربك وانـ..
قاطعها : لا
وطلع من دون م يعطيها فرصه حتى تكمل كلامها
بهاللحظه انفجرت بعصبيه وقهر : مرض يمرضك !!! مريض مريض !! اوووف!!
دفت الشنطه وقعدت ع الكنب وهي تغلي من الغبنه !
_
اما سيف نزل وركب سيارته حرك متوجه لهم
لبعد م وصل نزل من السياره اخذ نفس عميق
وهو يطالع بالبيت ! تنهد بكل هدوء ومشى دق
الجرس ماهي الا ثواني و فتحت له الخدامه دخل
سيف وهو يطالع حوله خبره صقر امس انه علمهم ومتحلفه فيه امه منيره ! دخل لعندهم وهم ع الطاوله يفطرون : السلام عليكم !
غصت ام صقر من شافته
فزت عريب وعطت امها المويه وهي تكح شربت المويه
وابعدتها قامت بصدمه انه جاء بهالوقت ! ابتسم سيف
ومشى لها : بسم الله عليك
قرب بيبوس راسها بس دفته ومسكت عصاتها : روح الله لايبارك ف عدوك وش مهبهب فيه انت هاه !
رفعت عصاتها وضربته ع رجله : صاحي ؟ مهبول ؟
صقر بخبث : احسن اضربيه ي ام صقر اضربيه !
ابتعد سيف ع ورا بضحك : شفيك يمه معصبه !
ام صقر : تتزوج ؟ تتزوج ؟؟
مسكها سيف وباس راسها وابتعد ومسك عصاتها : افا المفروض تباركين لي !
الوليد : ع انك تتزوج فجأه بدون علمنا!
لف عليه سيف : ليه مين بيتزوج انا والا انت !
الوليد : وجع م تعطي فرصه اني ارد
ام صقر بعصبيه : وشوله هالزواج ليه مين هي هالبنت ؟
تنهد سيف ومشى وقعد ع الكرسي : خلينا لا افطرنا قلت لك بعدها
تنهدت ام صقر وقعدت : اي افطر افطر مير والله اني مانيب فاكتك ي سيف !!هين
ابتسم وبدأ يفطر معهم ! بعد م خلصو فطور قامو للصاله وقعدو
ام صقر بعتب : هاه تكلم
تنهد سيف وتكلم
سيف بعد م كمل : وابد جازت لي البنت باخلاقها مدح لي خويي اهلها وتزوجت !
بيادر : بس ؟
عريب : ووصايف طيب ؟؟ طالعها سيف لجزء من الثانيه ثم صد لام صقر
اللي نطقت : وعاد وش ترجع له البنت !
سيف : تطمني أجودية لاتخافين ماهي ساحرتني
ولاشي !
ام صقر وهي ماسكه عصاتها : وش سحره نعنبو دارك ! ماقلته مير اني خفت ! وانت وشو له تعرس الحين ! مالقيت الا هالوقت ! صاحي ؟
سيف : ابي ارتاح واستقر !
مشعل : من حقك والله
عقد سيف حواجبه والتفت حوله : وين ابوي ؟
عريب لاشعورياً نطقت : سافر ياخذ عمره عن عمتي غاليه الله يرحمها ..
بهاللحظه كلهم لفو عليها !
تجهم تعابير سيف وكأنه تجددت جروحه بهاللحظه نزل راسه كأنه يعدل كبك كمه وهو بغصه لذكراها !
ام صقر وهي مطيره عيونها ب عريب اللي قمطت العافيه وهمست : م كان قصـ..دي !
هز راسه صقر بتأفف من تهور اخته ولف ع سيف
يحاول يضيع الموضوع : اي وين العروس !!
رفع سيف عيونه واستعدل بقعدته : ف الفندق
ام صقر بعتب : تترك البنيه لحالها بالفندق ي المجنون وبصباحيه زواجها ! وين عقلك ؟
سيف بتصريف : نايمه وبعدين جيت اسلم عليك ..
ام صقر : مابي سلامك كانك تترك الضعيفه لحالها
سيف : طيب ابشري
بيادر بابتسامه : ومتى بتجيبها حتى نشوفها ونتعرف عليها!
سيف : مدري اخاف مو جاهزين انتم !
ام صقر بتنهد : هو والله ماحنا بجاهزين ولا هو الوقت المناسب ! مير ي يمه جيبها باكر بنجهز الحلويات وبنسوي عزيمه لاعمامك وعمتك ! بنفرح فيك انت اول ولد تعرس ! ماحنا محسسين البنيه انها دخيله علينا
لفت عريب بدهشه : بكره يمه حرام عليك م تجهزنا !
لفت ام صقر : اصصص ولاكلمه عندتس يومتس كله
حومي بالسوق وتجهزي
صقر : والرياجيل ؟
ام صقر بسخريه : لايكون تبيني اقعد عند الرياجيل واقهويهم
لك ي ولد ابوك ؟
الوليد بضحك : اوووف والله لو انك تسكت وتحفظ كرامتك
ابرك لك !
صقر : كل تبن انت
ولف ع امه : لايعني ابوي موب فيه !
الوليد : بالله بيهم ابوي زواج سيف ؟ والله ماطق له ولا لزواجه خبر !
لفوا كلهم عليه !! مشعل بهمس : م تثمن كلامك ي حمار ليه !
عض ع شفته سيف ثم اردف : لا يمه لاتضغطـ.. بس قاطعته : اصص ولاكلمه فوق انك معرس بدون علمي تبيني بعد م استانس فيك ! هي عزيمه هنا بالبيت
وبس اقاربك ي يمه محدن غريب اخوانك فيه بيقومون بالرجال وحنا لاتشيل همنا بنتصرف
تنهد باستسلام : طيب
ام صقر : يالله قوم ورح لزوجتك بدال م انت مقابل وجهي قم يالله
قام بضحك : ابشري
ام صقر : وقول لها باكر تجي بدري وترا غرفتك موجوده حتى ترتاح هي فيها قبل م يجون المعازيم ..
اومئ سيف براسه بطواعيه ودعهم وطلع ..
.
بعد م مر اليوم بكامله ! بين سيف وميهاف بدون
اي احداث هي متنرفزه ومعصبه منه انه سفها
الصبح ولا وداها لاهلها ! بقت تطنشه بدون اي كلام واحتكاك فيه ! وهو م عطاها اي اهميه غير انه خبرها بعزيمه بكره وسكت !
_
" الساعه ٢:٢٤ بعد منتصف الليل "
قاعده ع طرف الكنب وضامه رجولها لها وحاطه
ايدها تحت راسها وهي تطالع بالارض بسرحان
جفى النوم لعيونها م نامت لها يومين بعدم استقرار وشهيتها مسدوده لدرجه بان التعب ع وجهها اللي ذبل
وبهت !
طلع سيف من الغرفه متوجه للمطبخ بظنه انها نايمه عشان تريح نفسها لعزيمه بكره اول م دخل للصاله
لمحها جالسه ومنطويه ع نفسها بزاويه الكنب
رفع حاجبه بدهشه : م نمتي !!
رفعت عيونها له ثم سفهته بقهر !
سيف : اكلمك انا !
ميهاف : مالك دخل فيني !
سيف : م تهميني بس شايفه وجهك كيف صاير وعيونك هالحمر ! بتفجعين الناس بكره وش بيقولون عن زوجه سيف ! جنيه وجابها لنا !
م عطته وجه ولا لفت عليه !
سيف بتنهد : بتعاندين يعني !
ميهاف بدون اي رد ولا اعتبار !
سيف بتوعد : طيب بكيفك !
دخل للمطبخ اما هي نزلت راسها ع ذراعها ع طرف الكنب وتنهدت بضيقه صدر طلع سيف وهو شايل
كاس عصير البرتقال قعد قدامها : اخذيه !
طالعت بالكاس ثم رفعت عيونها له : مابي
وصدت !
سيف : بتعانديني يعني !
ميهاف : مابي !
سيف بنبره حاده : اقسم بالله لو م شربتيه بنفسك لا اشربك غصب !! وش هالدلع !!
لفت عليه بحقد وتكشير :م اتدلع !
قام : يعني تبيني اشربك غصب واوصخ ملابسك !
طالعته بنظرات شك بس لما قرب تأففت : خلاص اووف
اخذته من ايده وبدت تشرب اشر لها : اشربيه كله !
طالعته بغيض وكملت تشربه بعد م خلصت الكاس
اخذه من ايدها وحطه ع الطاوله ولف يطالعها بابتسامه
عقدت حواجبها من ابتسامته : شفيك تبتسم ؟
سيف : ولاشي
بعد ١٠ دقايق بدأت تتثاوب عقدت حواجبها من الخمول اللي صابها ! صدت وتأففت وبدأ يزيد الخمول والفتور بجسمها
وتحس نفسها مخدره وتتثاقل حتى لا رمشت ببطئ !
قامت بس قام هو قبلها ووقف قبالها لاشعورياً حست بالدوخه والدنيا تدور فيها تمسكت بذراع سيف رفعت
راسها له وهي تشوفه اثنين غمضت عيونها بانزعاج
وهمست وبالقوه يوضح صوتها : وش صـ..ـار فينـ..ـي ؟
م حست الا وهي تضعف اكثر واكثر وتدوخ وجسمها متخدر وبدون اي قوه طاحت براسها ع صدره
وهمست بضعف : سـ..يف؟
تنهد وميلها وشالها وهو يطالع فيها : شسوي حديتني ع كذا ! الله يعيني بكره كيف بقومك !
توجه فيها للغرفه ونزلها ع السرير ولحفها
طلع للصاله انسدح ع الكنب وحط ايده على راسه يطالع بالسقف زفر بزفره عميقه وهو يرمش
ببطئ كيف انه تهور وتزوجها بسرعه ! وش
ناوي لها ولابوها ! غمض عيونه وشيء فشيء
غفى لاشعورياً !
_
"بيوم جديد "
كان صدمه كل اقاربه ب زواجه المفاجئ م توصف !
واللي زاد من هول صدمتهم زواجه السريع وامه ما كملت حتى شهر من وفاتها !!
وكيف ام صقر تسوي عزيمه بهالوقت ! كثر القيل والقال بخصوص
هالشي ! اما ام وصايف لما وصل لها الخبر كذبته
وهي مصره ان سيف ولد اختها م يسويها !
كله بكوم ! وصدمه وصايف بكوم !! اللي حست الدنيا اسودّت بعيونها ! كذبت الخبر ولاصدقت
وهي تترجى امها انها تدق ع سيف وتتأكد ! بس م رد ! انطوت ع نفسها بالغرفه وهي تشهق ونحيب
ع قسوه قلبه وخيانته لها بعد حب ٨ سنين !!
_
" الساعه ٤:١٥ العصر فندق نارسيس "
بين اصابعه زقارته نفث الدخان بتأفف دفن زقارته بالصحن وقام مشى وفتح الباب ودخل اتكئ ع طرف السرير مسكها ولفها
عليه : ميهاف !! هيه !! قومي تأخرتي !
كشرت بانزعاج : همممم
لفت للجهه الثانيه وانسدحت ع بطنها وهي حاضنه
الفراش : فكنـ..ـي خلنـ..ي انام اوف !
مسكها بقله صبر ولفها عليه : ي المجنونه الساعه ٥ العصر !
متى يمديك تتجهزين ونروح ؟؟
حطت ذراعها ع عيونها وبصوت ناعس : مو لازم اروح بـ..كره
رفع حاجبه بدهشه : لا والله ! الناس ع كيفك مدام ميهاف يأجلونه لبكرا عشان سواد عيونك !
قوست ثغرها بتأفف وحضنت المخده ودفنت وجهها : ياااربي
انت ليه كذا معي ليه مناشبني ليه !!
عقد حواجبه : الحين اللي عطيته لك منوم والا مخدرات شفيها مشاعرك تهيجت !! قومي والا والله اسحبك معي للحمام غصب !
تجاهلته بنعاس غفت تأفف بهاللحظه مسكها من خصرها وقومها من ع السرير ومشى فيها وهي تتحلطم ومو متوازنه بمشيتها دخل الحمام وانتم بكرامه
وقفها ع المغسله وفتح المويه نزل عيونه وهي بحضنه حاطه راسها ع صدره ومغمضه عيونها باقي متخدره
: ارفعي راسك !!
فتحت عيونها بخفيف ! ورجعت غمضتهم تنرفز هو بهاللحظه اخذ المويه بايده ورشه ع وجهها شهقت
واستعدلت بوقفتها
سيف : مو هذا اللي تبينه !! اخلصي
فكها واستندت بايدينها ع المغسله وطلع هو
ولف عليها : روحي صلي وبعدها تجهزي مابقى
شي بعد المغرب بنمشي !
رفعت عيونها له بنعاس : كم السـ..ـاعه ؟
سيف : خمس العصر !
توسعت عيونها بدهشه : كيف !!!
ضحك وطلع وهي بوسط صدمتها ..
غسلت وجهها وتوضت وطلعت اخذت عبايتها
ولفت طرحتها فرشت سجادتها وصلت وهي تستغفر الله ع جمعها
للصلوات اما سيف طلع يجيب ثوبه وشماغه
من الكواي ! بعد م دخل كانت هي مخلصه
صلاتها ورافعه السجاده طالعت فيه بتكشير : وانت ليه م قومتني ع الصلاه ؟
سيف ببرود نزل ثوبه وشماغه ع الكنب :قومتك وعجزت
ميهاف بتأنيب : ياربي توب علي اوف اول مره احس بكسل وخمول عجزت اقوم
سيف : واضح للحين الخمول فيك
قعد ع الكنب بتنهد : المهم طلبت لك بلاك كوفي واسبريسو !
عقدت حواجبها وقعدت بفهاوه : نعم ؟
سيف : حتى تصحصحين !
ميهاف : ممنوعه انا من القهوه الا شي بسيط !
سيف بتنهد فتح الكبك عن كمه ونزله ع الطاوله : انا ابخص منك بهالامور وبعدين طلبت اصغر كوب !
تنهدت وقامت ..
سيف : بتتروشين والا ادخل انا ؟
كشرت : لا بدخل انا
دخلت للحمام وانتم بكرامه واخذت شاور ع السريع
لبست الروب واخذت المنشفه وهي تجفف شعرها
طلعت من الحمام الا بسيف توه اخذ الصحن اللي فيه
كوب بلاك كوفي واسبريسو من القرسون دخل وقفل الباب
لف عليها : بسرعه اخلصي وش هالفهاوه اللي فيك !
مشت بتكشير عطاها الكوب طالعت فيه باستغراب
مشت وقعدت قدام شنطتها ونزلت الكوب بجنبها وفتحت الشنطه بهاللحظه ثبتت بمكانها تطالع بتفكير وتنحت !
اما سيف قاعد ع طرف الكنب يطالعها ويشرب ! : شفيك !
رفعت ميهاف عيونها له : متورطه !
عقد حواجبه
نزلت عيونها ع الملابس : شلبس ؟ شسوي ؟ مكياجي شعري ؟ نزلت راسها ع الملابس بتأفف : اوف منك اوف
رجع ع ورا وببرود ابتسم : كشختك اللي امس عيديها اليوم
رفعت راسها له بغيض : هه كوميدي ! موب انا اللي زينت نفسي !!
حط رجل ع رجل ورفع الكوب لشفايفه : عاد ماعرف صالونات ولا اموركم ي الحريم
قوست بثغرها ب هم : ولا انا !
سيف : اللي سوت لك امس خليها تسوي لك اليوم !
طالعته بتكشير : لاوالله شايف الناس فاضيه لي !
سيف ببرود : براحتك بس بعد المغرب بنمشي !
ميهاف بقلق : هم كثار اقاربك اللي بيجون ؟
سيف : مدري والله عن امي مين عزمت
عقدت حواجبها بصدمه
سيف : زوجه ابوي بس بحسبه امي هي
تنهدت : اهاا
نزلت راسها بحلطمه : انا ليش قاعده اسولف معك
قامت واخذت جوالها ودقت ع ساره اللي برحابه صدر فزعت وطلبت بس عنوان الفندق تنهدت ميهاف براحه
ونزلت الجوال وهي شاقه الابتسامه وجهها : يالله
بسرعه تروش والبس واطلع بتجي خويتي تسوي لي مكياجي
قام ورفع حاجبه :بس لاشوفك لابسه هذاك العقد حتى م تصيحين لاجيتي بتفكينه
كشرت بغيض ضحك ودخل للحمام ..
الساعه 5:50 قريب المغرب"
بعد م وصلت ساره وسوت لها المكياج
واستشورت شعر ميهاف وخلته ستريت
حتى يوضح طوله ولمعانه الاسود خلته
مسدول ع ظهرها وطلعت وتركتها تلبس ..
اما سيف نزل للوبي الفندق ويتقهوى لحد
م تخلص ميهاف
_
" بيت ابو صقر"
بالتجهيزات من حلويات وموالح وكيكه طبعاً كله جاهز لضيق الوقت ! وبدا الخدم يرتبون صواني القهوه والفناجيل بالصالتين الكباار ! هذا غير المجلس
اللي ورا عشان البنات يقعدون فيه براحه !
كل هذا تحت اشراف ام صقر اللي ورا الخدم
تراقبهم وتآمرهم اما عريب وبيادر بدو يتجهزون
وعند الشباب صقر والوليد ومشعل جهزو مجلس
الرجال الكبير وحطو البخور وشغلو المكيفات
ورجع كل واحد لغرفته حتى يلبس
_
" فندق نارسيس "
بعد م طلعت ميهاف ساره بحماس : عطيني لفه اشوف !
لفت ميهاف لفه كامله ووقفت بارتباك : هاه شرايك؟
حطت ساره ايدها ع قلبها : عجيب عجيب وهه
ي قلبي تجننين ! والله بتغطين ع الحضور كلهم !
قوست ثغرها ميهاف : مابي اغطي عليهم بس هو اني اكون بمستواهم ؟ هذا يرضيني
ضحكت ساره وضمتها : شدعوه ي خبله خليك واثقه
ميهاف بتنهد : ثقتي صاكه السقف بس شسوي اول مره اجيهم مرتبكه !
ابتعدت ساره وعطتها الشنطه الصغيره اللي تنمسك باليد
: خذي ذي تناسب مع الفستان يالله انا برجع دق الزوج المصون يقول فارس ازعجه
ابتسمت ميهاف : مشكوره والله من دونك ضايعه
ابتسمت ساره : عاد انتي ي بقره تعلمي المكياج
شوي وشوي لين م تحترفين !
ميهاف بتنهد : ان شاءالله ..
ساره : ترا بالشنطه فيه الباودر و الروج حطيه هناك
اومئت ميهاف براسها
لبست ساره عبايتها : امك بتكون هناك !
جمدت ميهاف بهاللحظه ! ابتسمت بارتباك
: هاه ! دقيت عليها وقالت لا ماتقدر مو فاضيه
ساره: اها عادي تكفين انتي
باستها : يالله مع السلامه ي عروس
ابتسمت ميهاف وطلعت ساره !
ارسلت ميهاف ل سيف انها خلصت !
ماهي الل دقايق وفتح باب الجناح وهي قاعده ع الكنب
تربط الشوز وشعرها بنعومته مثل الحرير
منسدل ع وجهها دخل سيف بلحظه م رفعت راسها
له قفل سيف الباب عاقد حواجبه مشى بخطوات هاديه : اوقفي اشوف !
كشرت وسفهته : مو لازم تشوف
م كملت كلامها الا هو ساحبها وموقفها ويتفحصها بنظراته
من ساسها لراسها !!
اما ميهاف صاده بتهرب من عيونه
ميل شفايفه : موب شين
لفت عليه بنظرات حقد : نعم !
ترك سيف ايدها : شفيك ! تنتظريني امدحك ؟
صدت بتكشير : م اهتميت لا لك ولا لمدحك !
مشت واخذت عبايتها
سيف : بتقعدين كل مره تطلبين خويتك تجي
تزينك ي البزر ! م تعرفين تعتمدين ع نفسك !
لفت عليه بنظرات حقد : نعم !!
ابتسم سيف وهو يغيضها : ماشاءلله وش هالكعب !
لو تلبسين متر صدقيني ماراح تطولين بتبقين نتفه
رفعت حاجبها بسخريه تطالعه من فوق لتحت : والله مو ذنبي اذا انك عامود كهرباء وتشوف الناس سنافر
صدت بهاللحظه رفع حاجبه بدهشه من كلامها
تجاهلها ودخل للغرفه اخذ عطره وتعطر فيه ..
فتح الدرج اخذ العلبه الصغيره وطلع : اخذتي معك لبس !
ميهاف وهي تعدل طرحتها باستغراب لفت عليه : لبس ؟
سيف : ايه بجامه اي شي ؟
ميهاف بقلق : ليه م راح نرجع ؟
سيف : مدري بس انا اقول احتياط
تنهدت : طيب
سيف : شنطتي الصغيره بالغرفه افتحيها وحطي لك
بجامه اي شي قبل م اخذها
تنهدت وهي بتمشي مسك ايدها اليسار
عقدت حواجبها وكف ايدها بين كفوفه لما طلع الدبله ودخلها باصبعها رفعت عيونها له باستغراب !
سيف ببرود : ترى اللي هناك دقيقين واكيد بيراقبون اكثر
عشان زواجنا السريع ف احسن شي تلبسينه بس قدامهم مظهر
طالعته بجمود ثم صدت ولفت دخلت للغرفه طلعت بجامتها من الدولاب اللي رتبت فيه بجايمها فتحت الشنطه الصغيره
وحطت بجامتها ع جنب بين ملابسه قفلتها وطلعت
هو دخل اخذ الشنطه وطلع وهي تلبس نقابها : خلصتي !
ميهاف بدون نفس : ايه
وهو بيقفل النور انتبه لجوالها ع الطاوله : نسيتي جوالك
لفت وطالعت بالطاوله ثم لفت عليه : لا مابيه ليش يحشرني بشنطتي !
رفع حاجبه : وانا كيف بدق عليك ؟
ميهاف بنرفزه : ليش تدق موجوده انا ببيتكم ماراح انحاش !
سيف بابتسامه : لايكون عشان انه كشاف ومستحيه تشيلينه
قدامهم !
كشرت بغيض وقهر : مافكرت بهالشي مريض
مشت واخذته بعناد وحطته بالشنطه بوسط ابتسامته وطلعو
ركبو السياره وحرك بعد م وصلو وهم بالسياره
ارتبكت اكثر وزاد توترها وهي تطالع بالبيت بانواره وبفخامته !!
سيف وهو يطالع بالدريكسون : ميهاف !
م كانت معه من توترها تطالع بالخدم م حست الا بقبضه ايده القويه مسكها من وجهها ولفها عليه وعيونه بعيونها
بنبره حاده وبملامحه الجديه وبنبرته المرعبه بتهديد : والله ياميهاف لو ادري انك ناطقه بحرف واحد عن زواجنا وعن وفاه امي وقلبها
اللي بين ضلوعك صدقيني لاقلب حياتك جحيم وتشوين بناره
جمدت برعب !
بهاللحظه بهتت ملامحها من الصدمه وبرعب بقلبها اللي يرجف كيف تغير بين ثانيتين لشخص ثاني ابداً م تعرفه !
سيف بتشديد ع كلامه رفع حاجبه : فهمتي !
اومئت براسها وصدت بكل شعور بقلبها وبغصه
تجمعت الدموع بعيونها رفعت ايدها ومسحت دموعها
بطبطبه حتى م يخرب مكياجها واخذت نفس عميق
سحبته لداخل جوفها وبثباث بنفسها : انتبهي ي ميهاف انك تضعفين قدامه وقدام كلامه ! انتهبي !!
فتح الباب ونزل وفتحت هي بابها ونزلت بكل هدوء
زفرت بزفره عميقه مشت وراه بهاللحظه وقف ومد ايده لها طالعت بايده ثم رفعت عيونها له بقرف
رفع حاجبه : قلت لك احنا قدامهم بمظهر ومن وراهم لا !
صدت بقهر عضت ع طرف شفتها بغصه ! مسكت ايده
وهي مغبونه من داخلها فوق توترها زادها زياده !
ممشو !
_
عريب وهي متوجه للباب بعد م كانت تراقبهم من الدريشه : وصلو المعاريس وصلو !
ام صقر : افتحي لهم الباب
ولفت تنادي : كاميليا !! كااميليا وصمخ هاتي
البخور بسرعه !!
ركضت لها كاميليا بالمبخره مسكتها ام صقر بلحظه
م فتحت عريب الباب بابتسامه وترحيب : ي هلا والله تو ما نور المكان
سلمت ع سيف ثم ابتعدت وسلمت ع ميهاف
نزل عيونه سيف لايده وهو يحس برعشه ايدها
بين ايده بربكه من توترها حتى اطراف اصابعها ثلجه
رفع عيونه لام صقر اللي جت واستقبلتهم باالبخور
بتهلل وبشاشه : حي الله سيف وعروسته تو مانور بيتي واستهل اسفرت وانورت بعيالي
سلم سيف عليها وباس راسها
سحبت ميهاف ايدها من ايده وسلمت ع ام صقر وباست راسها ورجعت ع ورا وقلبها طبول من توترها !
قربت بيادر بابتسامه : هلا والله
سلما عليهم وابتعدت
مسكت ام صقر ايد ميهاف: تعالي ي مه شفيتس مستحيه
البيت بيتس حياتس
ابتسمت ميهاف بابتسامه باهته وهي بتهمس
بس قاطعتها ام صقر : يمه بيادر خذيها لغرفه سيف خليها ترتاح وتنزل عبايتها وترتب نفسها ع م يجون المعازيم
بيادر : ابشري تعالي معي
تركتها ام سيف وصعدت ميهاف معها لفوق وهي
بقمه الحيا وفوق كل هذا كلامه ضيق صدرها
تحسها كاتمه الغصه بداخلها وتبين عكس اللي بجوفها
فتحت بيادر الغرفه : ادخلي حياك تراها تعتبر غرفتك مثل ماهي غرفه سيف
ابتسمت ميهاف وبهمس من بين رجفتها : مشكـ..وره
بيادر : العفو ولو اخذي راحتك وان بغيتي شي ناديني
اومئت ميهاف براسها وطلعت بيادر مجرد م قفلت الباب
نزلت ميهاف نقابها ومشت بسرعه فتحت الدريشه
وهي تاخذ شهيق وزفير مخنوقه م حست الا بالباب ينفتح
لفت بدموعها دخل عاقد حواجبه من حالتها جمد !
قفل الباب اما هي صدت ومسحت دموعها بهدوء
م حب انه يسألها ويحقق معها خلاها ع راحتها
نزل الشنطه ع الارض
سيف بهدوء مشى لها بوسط نظراتها فيه
بقهر مسك ايدها وحط اصابعه ع معصمها
لعروقها يتحسس نبضها اللي ينبض بسرعه
وباضطراب رفع عيونه
بتنهد : لاتشربين قهوه يكفي القهوه
اللي شربتيها بالفندق ! وانتبهي تاكلين شي
دسم وادويتك تراها بالشنطه خذي بالاول مهدئ قبل م تنزلين ! لان النبضات مـ..
سحبت ايدها من ايده بقرف : سبحان لله
الحين اهتميت !
رفع حاجبه : مو اهتمام بس اخاف تطيحين عليهم وتبلشينهم فيك ويكثر القيل والقال !
طالعته بحقد !
سيف : ليه كل هالتوتر ! كلهم من جنسك والله لو انك داخله ع مجلس رجال؟
تكتفت بقهر : كيفي ! حتى بمشاعري تبي تتحكم !
ابتسم : تبينا نتهاوش ؟
ميهاف بنظرات اشمئزاز : متناقض كل مره لك شخصيه اشك ان فيك انفصام !!
صد للدريشه : ادري مـ.. اختفى صوته من شاف السياره اللي وقفت
بالحديقه ضيق عيونه بتدقيق لما من شاف نزول ثلاث حريم ومعهم طفل تأكد بهاللحظه تأفف : ياربي وش جابهم !
لف عليها بوسط نظراتها باستغراب فيه
: اسمعيني بتقعدين عاقله هاديه لاشوف حركات التكشير وامسكِ لسانك ياويلك ي ميهاف لو تفشليني قدام جماعتي !
رفعت حاجبها بسخريه ابتسمت وهي بااقيه
متكتفه : ليه لهالدرجه خايف اني م اكون قد المقام !
طالعها لجزء من الثانيه ثم تجاهلها وطلع ركب الاصنصير
اللي نزل بالقرب من قسم المطبخ وطلع من ورا حتى م يصادف
خالته ام وصايف وبناتها !
_
عريب بصدمه : يمه جت ام وصايف !
ام صقر بفزه من مكانها بقلق : افتحي افتحي الباب يارب سترك عاد الضعيفه معصبه اكيد يالله تعدي هالليله ع خير !
بيادر : ي خوفي بس انهم جايين وهم براسهم شر
عريب : م توقعت يجون
فتحو لهم الباب دخلو واستقبلوهم احسن استقبال
ام صقر بابتسامه من ربكتها : حيا الله ام وصايف نورتي وانا اختس
تعالي ي وصايف ي يمه انتي ضمتها وهي تشوف عيونها حمر بس متماسكه ضيفتهم كلهم لداخل بوسط هدوؤهم
وهذا اللي اربك ام صقر زياده !
بدو يجون المعازيم ويزدحم المكان من الحريم والبنات
اما ميهاف واقفه فوق من بعيد تطالعهم وهي تحس قلبها بيطلع من صدرها من قوه الخوف !
ام صقر بهمس : يمه ي عريب روحي نادي مرت اخوتس
وينها ابطت !
وهي بتقوم عريب الا بهاللحظه صمت الكل من
بعد الازعاج وانقطع اصواتهم وانظارهم كلها ع الدرج
وهي تنزل بكل هدوء وعيونها بالارض وشعرها الاسود منسدل ع وجهها
قامت ام وصايف بهاللحظه
كانت جميله باطلالتها وملفته للانتباه
كانت بارتباك وتوتر تعد الدرج لحد م وصلت
لهم اخذت نفس عميق ورفعت عيونها لتلقي بعيونهم
بهاللحظه الكل مابينهم همس
- ماشاءلله تبارك الله - من وين طاح ع هالزين؟
- والله ان سيف طاح ولااحدن سمى عليه -
معقوله ذي حرم سيف ؟
ام صقر بدهشه لفت ع بناتها بوسع عيونها مصدومه !
هي لمحت عيونها بالنقاب حلوه بس م توقعتها بهالجمال
لفت ع ميهاف اللي وقفت بمكانها بدون اي حركه مرتبكه ضايعه وعيونها تدور حول الحاضرين بضياع !
فزت ام صقر بابتسامه : ااااي هاااذي هي مرت ولدي
وقفت جنب ميهاف وهي حاطه ايدها ع ظهرها : سلمي عليهم ي يمه تقدمت لهم وبدت
تسلم ع الحريم
ام صقر وهي معها
وبدت تعرفها ع اقارب سيف
بيادر بدهشه : ماشاءالله
عريب بانبهار : والله انا مدري اخق ع الشعر والا الجسم والا وش هو !
شهقت عريب : بتسلم ع ام وصايف وبناتها !
بيادر بقلق : الله يستر
كان انظار الكل بهاللحظه ع ام وصايف ووصايف وميهاف
وكأن ما في المكان احد غيرهم بيشوفون كيف رده فعلهم !
ام صقر بارتباك ابتسمت : هاذي ي يمه خاله سيف
ام وصايف !
سلمت عليها ام وصايف بابتسامه : مبروك ي يمه ي سعد ولد اختي رحمه الله عليها فيك !
ميهاف بابتسامه وبحه : الله يبارك فيك
ام صقر بتأنيب ضمير : وهاذي وصايف والعنود
قربت ميهاف وسلمت عليها وصايف وهي
بداخلها تتقطع الف قطعه وبصوت مخنوق : الف مبـ..روك
ميهاف بابتسامه ابتعدت : الله يبارك فيك
وسلمت ع العنود اللي م شالت عيونها عنها !
مسكت ام صقر ايد ميهاف وسحبتها لصدر المجلس
وقعدو وبدو يسولفون ويعتلي اصواتهم اما ميهاف بايدها فنجالها كل م رفعت عيونها الا صادفتهم يطالعون فيها
ويتهامسون لا من بنات ولا من حريم ! تتوتر اكثر وتنزل راسها
بعد ساعه التهو الناس قامت ام صقر
لعند الخدم ماهي الا دقايق وقعدت
جنبها حرمه لفت ميهاف لما كلمتها : مساء الخير
ميهاف باستغراب : مساء النور
الحرمه : وين هي حرم سيف ؟
رفعت حاجبها ميهاف بسخريه : باقي م نزلت !
الحرمه بتنهد صدت تطالع بوصايف : ي حسرتي بس على وصايف ..
عقدت حواجبها ميهاف باستغراب : وصايف ؟
الحرمه وهي تأشر بعيونها : اي هذيك اللي لابسه اسود هي بنت خالته ! يحبون بعض من ٨ سنين وخطبها ومن تالي سحب عليها هالرياجيل خونه
لفت ميهاف بصدمه تطالع وصايف ..
-
"الرجال "
بعد م سلمو عليه اعمامه قعد بصدر المجلس
ابو نايف باستغراب : وش قصه زواجك السريع
ي سيف ؟
رفع سيف عيونه له : ليه عسى ماشر شكله م سرك خبر زواجي
الوليد وهو يصب القهوه لاعمامه ويطالع ب سيف !
ابو نايف وهو يرفع فنجاله لفمه : لا حشى فرحت لك كأنك بحسبه ولدي نايف بس مستغربين !
ابو عبدالعزيز بصرامه كعادته نزل فنجاله
ع الارض : وانت راضي بهالزواج ؟ و بهالوقت
وابوك حتى مو فيه !
لف عليه سيف ببرود بوسط نظرات الكل فيه : ايه راضي دام انه ماهو حرام ولا يغضب الله !
طالع فيه ابو عبد العزيز بحزم ثم صد عن سيف
اللي قام واستأذنهم وطلع للحديقه وقف واخذ نفس
عميق سحبه لجوفه وزفر بهدوء
تنهد وتوجه للقصر من جهه المطبخ يبي امه منيره
يبي يتطمن ع الوضع !
_
" ميهاف"
وهي تطالع بوصايف بصدمه رمشت بعدم استيعاب باللي قالته لها الحرمه !
لفت عليها الحرمه باستغراب : الا صدق اول مره اشوفك انا ! انتي من جماعه ام صقر ؟
لفت ميهاف بابتسامه : انا حرم سيف ي خاله !
جمدت الحرمه بصدمه ! لفت ميهاف ونزلت
فنجالها ع الطاوله وقامت بكل هدوء وطلعت من الصاله
توجهت لجهه الحمامات وانتم بكرامه
بعد م دلتها بيادر عليه دخلت لقسم المغاسل وقفت
واستندت بايدينها ع المغسله وهي منزله راسها بتنهد
بوسط دقات قلبها السريعه : ياربي متى تخلص هالعزيمه
تعبـ..ت
الا بدخول ام صقر اللي قاطعتها : شفيتس ي يمه !
استعدلت ميهاف بوقفتها بابتسامه : مافيني شي
حطت ام صقر ايدها ع ظهر ميهاف وهي تمسح ع شعرها
: اسمعيني ي يمه قدام الحريم لاتحنين ظهرتس وكتوفتس شفيتس كلهن يطالعنتس قبل شوي تعبانه انتي ماعليه تحملي قدامهم اهم شي رزه البنت وخليتس مبتسمه لاتكشرين وان
كنتي تعبانه تحملي كلها ساعتين وبيروحون
طالعتها ميهاف باستغراب !
ام صقر : وابد بجلستس م تنطوين بزاويه الكنب كأنتس خايفه ! رزي عميرتس وحطي رجل
ع رجل ابيهن يمدحن فيتس ولايشوفون عليتس لو هالكبر
ابتسمت ميهاف بابتسامه باهته : ابشري !
ام صقر : يالله لاتطولين يمه
وطلعت للصاله اما سيف اللي واقف يطالعها ومتكتف وهو كابح ضحكته من وصايا امه منيره فيها
طبعاً جهه المغاسل جنب المطبخ عشان كذا انتبه لها سيف
اخذت نفس عميق وعدلت شعرها ولفت بتمشي بس وقفت لما شافته واقف ع باب المطبخ داخل يضحك ! شب القهر بداخلها من ضحكته اشر لها سيف بمعنى تعالي
ابيك ! طالعت بغيض وسفهته بتطلع بس سيف بحده : ميهاااف !
وقفت ولفت عليه اشر بعيونه بمعنى الحقيني تأففت ولحقته
للحديقه اللى م وصلت له وقفت قباله وتكتفت
بغيض : شتبي ؟؟
لف عليها وقرب بس رجعت ع ورا بصدمه :شفيك ؟
عقد حواجبه : كيف الوضع داخل ؟
ميهاف بتأفف :
تطمن عاقله وماسكه اعصابي لانفجر فيهم واحرقهم
ضحك : لهالدرجه امي منيره نرفزتك بوصاياها؟
رفعت حاجبها باستغراب : لا
تنهد : م علينا قولي لي مين اللي جايين ؟
تكتفت : ابد اقاربك ماعرف اساميهن بس زوجات اعمامك
سيف بشك : وخـ..
بس سبقته وهي عارفه وش بيسأل عنه بس تستغبي : اااي خالتك بعد!
استعدل سيف بوقفته باهتمام للي بتقوله !! كملت ميهاف وهي تتصنع النسيان : تجنن تجنن اتوقع اسمها يوه مدري نسيت اسمها ينادونها بـاسم بنتها نسيـ..
سيف لاشعورياً نطق : ام وصايف !
صفقت بايدها : ااااي هذا هي ! حبيتها
سيف بشك واستغراب : اول م سلمت عليك شقالت لك ؟
ميهاف بدلع وبحه : قالت ي سعد ولد اختي الله يرحمها فيك والله طاح ولاحدن سمى عليه ي بختنا وي بخت عايلتنا
ف بنت مثلك
رفع حاجبه سيف : ميهاف ! ترا اتكلم جد وش قالت !
ميهاف بتأفف : شفيك قالت لي كذا واذا مو مصدق اسأل خالتي ام صقر!
رفعت حاجبها وهي مستقصده تذكرها بابتسامه : ااي بنتها وصايف تجنن ماشاء الله ع جمالها سوالفها حلوه
م تنمل
سيف بدهشه : قاعده تسولفين معها ؟
ميهاف بدلع : اايه اصلاً هم قعدوني جنبهم وطول الجلسه سوالف معهم
سيف بشك : وش قالو لك !
ميهاف بعناد : يوه تأخرت موصيتني خالتي ام صقر م اطول يالله بعدين اشوفك
راحت بسرعه اما هو جا بيمسكها ويناديها : ميهااااف !! ميـ..
بس دخلت المطبخ
تأفف سيف بقهر وتفكير : الله ياخذ شياطينك
كان نطقتي لو بكلمه بس حتى اعرف وش قالو !!
" وصايف وهي واقفه ومتمسكه بايدينها اللي ترجف بالمغسله
وجنبها العنود اللي تهديها : ي مجنونه
قوي نفسك مين هو حتى تنزل دموعك !!
وصايف بغصه وهي منزله راسها وبحرقه : ماقـ..در ي العنود ماقـ..در قلبي يحترق ! كيف باعني وباع سنيني
والعشره اللي بيننا وتزوج ! ليتني م جيت
رفعت راسها تطالع باختها العنود بقهر من بين دموعها : كله منك انتي غصبتيني ع الجيه !!
العنود بحده : اااي غصب تجين وترفعين راسك اخلصي مسحي دموعك واطلعي
_
طلعت ميهاف للصاله وقفت واخذت من الخدامه كاس العصير وهي تدور بعيونها بابتسامه لفت لما شافت وصايف والعنود جايين ! مشت ميهاف
ووقفت قبالهم بابتسامه تسلم عليهم ثم بخبث كبت ميهاف العصير ع فستانها طيحت الكاس رجعت ع ورا وشهقت ببكى متصنع :ليش كبيتيه علي شسويت لك !!
سكت الكل ولفو بانظارهم عليها !! ميهاف بتمثيل بالبكا : حرام عليك فوق م انك تسبيني وتسبين اهلي وتقذفين بشرفي عشان اختك ، شسويت ؟ مو ذنبي اذا سيف تركها وتزوجني
العنود و وصايف بصدمه يطالعونها !! م حست ميهاف الا ب ام صقر تسحبها وتبعدها
عنهم طالعت ب وصايف والعنود بنظرات عتب : الله يهديكم بس !
لفت ع ميهاف : اصعدي ي يمه فوق !
لفت ميهاف ع وصايف اللي نطقت بقهر : حسبي الله ونعم الوكيل فيك !
تجاهلتها ميهاف وصعدت لفوق وهي مبتسمه
بخبث !
اما ام وصايف اللي جت جنبهم وبهمس وهي متفشله وبحده : البسن عباياتكن يالله امشن !! طلعو العنود ووصايف عند الباب وهم يلبسون عباياتهم
العنود بقهر لفت ع امها : يمه اقسم بالله انها
هي اللي تبلت علي !
ام وصايف بحده : اصصص ولاكلمه انا داريه
م اصريتو تحضرون العزيمه الا عشان ناويين
لشي ! حسبي الله الله لايبارك فيكن من بنات فشلتوني وطيحتو وجهي قدام المعازيم !
العنود بقهر : يمـ.. قاطعتها ام وصايف بحده : اطلعي قدامي يالله وخذي ولدك اخلصي !!
تأففت العنود مسكت ولدها وطلعو ولحقتها وصايف اللي كابحه دموعها بغصه !
جت ام صقر تودعهم : اعذريني ي ام وصايف
بس ليتك م جبتي البنات
تنهدت ام وصايف بحسره : معذوره وانا اختك انا م كان ودي انهم يجون بس عاندو الا بيحضرون العزيمه الشكوى لله وين بودي وجهي عن هالحريم !
ربتت ام صقر ع كتفها : لاتضيقين صدرك ي
ام وصايف تصير بكل العوايل هالسوالف ومير
بينسونها الناس ! والله يفرح قلبك وقلب وصايف
بالرجل الصالح يارب
ام وصايف بتنهد : امين يالله مع السلامه
ام صقر بتكدر خاطر : فآمان لله
طلعت وقفلت الباب ام صقر ولفت وتنهدت !
صعدت فوق عند ميهاف اللي واقفه ع الدريشه
ومتكتفه تطالع بوصايف وامها واختها وهم راكبين
السياره الى م حركت واختفت عن انظارها زفرت
بعمق : ماكـ..
قطع عليها الباب لما دق وانفتح لفت شافت
ام صقر داخله قفلت الباب ومشت قعدت ع طرف
السرير واشرت بايدها لميهاف بمعنى تعالي اقعدي جنبي مشت لها ميهاف وقعدت جنبها
ام صقر: قولي لي ي يمه وش صار !
صدت ميهاف وهي تضغط بكفوفها : قعدت تتحسب
علي واني سراقه الرياجيل ودمرت حياه اختها وقذفتني بشرفي قالت اكيد اني اهدد سيف بشي عشان كذا تزوجني !
حطت ام صقر ايدها ع ظهر ميهاف : بس ي يمه كان م كبرتي الموضوع كان سكتي عنها وعلمتيني وانا اتصرف
ميهاف وعيونها بالارض : م قدرت
ام صقر بتنهد : الله يعين يالله ي يمه انزلي للمعازيم ولاكأن شي صار !
لفت ميهاف : خاله ! اذا ماعليك امر مابي سيف يدري باللي صار !
ابتسمت ام صقر : ولايهمتس ي يمه ماهو بداري
ابتسمت قامت ام صقر وطلعت معها ميهاف ونزلوا ..
نزلت للمعازيم مع ام صقر اللي م شالو انظارهم
عنها بعد اللي صار !! قعدت جنب الخاله ام صقر وكملو سوالف
وقعده ولا كأن صار شي !!
-
" الرجال "
نايف : الا صقير متى ناوي تعرس انت بعد !
رفع صقر عيونه لنايف بنظرات حاده : م ودك تنكتم قاعد تجرح مشاعري ع فكره !
نايف بضحك : ماعليك ان شاء الله زواجي وزواجك
بنفس الليله !
رفع صقر حاجبه : تخسى ! هذا اللي ناقص !
طلال بضحك : بشويش عليه !
نايف : ليه موب عاجبك ؟ موب قد المقام؟
مشعل : افا نايف الا قد المقامات وزياده !
ابو عبدالعزيز : والله ي نايف لا اجزمت بالزواج !
ابشر ببنت الحلال !
لف نايف بصدمه ع عمه : هاه ؟؟ لالا ماعندي
نيه للزواج اصلاً كنت امزح
بندر بضحك ضربه ع كتفه وهمس : عشان الحب هاه!
دفه نايف ولف بهمس : كل تبن لحد يسمعك!
بندر بغمزه : قول لصقر انك تحب اخته بيادر يالله خل نفجرها اكشن دام البدايه من سيف
نايف بقهر : ترى اتوطاك !!
بندر بضحك لف بس انتبه لنظرات خاله ابو عبدالعزيز الحاده فيهم ! " طبعاً ام بندر تصير اخت ابو عبدالعزيز وابو صقر وابو نايف يعني الموجودين كله خواله وعيالهم "
قام مشعل يصب القهوه لاعمامه من جديد ..
بعد م ضيفو المعازيم للعشا وعلى الساعه ١١ ونص بدو يروحون
عند ام صقر وهي واقفه ع الباب تودع حريم اعمام سيف
ووراها بيادر !
اما ميهاف قاعده بالصاله ومعها عريب اللي نزلت الكعب
وتمددت بتعب : ياربي تعورت !
طالعتها ميهاف بابتسامه دخلت ام صقر
وقعدت ع الكنب ع حيلها وزفرت : يالله يارب رحمتك رجيلاتي يبي لهن من يمرخهن بزيت زيتون !
عريب بضحك : هذا وانتي م تلبسين كعب !
صقر بتنحنح : فيه احد ؟
فزت ميهاف وجت جلست على الكنب اللي صاد شوي
ام صقر : ماعليتس ي يمه كان قعدتي بمكانتس ماهو
بداخل !
بيادر : ااي فيه لاتدخل !
عريب : روح من جهه المطبخ واصعد الاصنصير من هناك
تنهد : طيب
وهو بيطلع الا صادف سيف بوجهه : شجايبك ؟
طالعه صقر بطرف عين : كل تبن !
سيف وهو يبي يغيضه : زوجتي داخل عاد لادخلت تنحنح !
دفه صقر وطلع ضحك سيف ودخل : السلام عليكم
الكل : وعليكم السلام!
رفعت ميهاف عيونها له وهمست : ياليل
مشى سيف وقعد جنبها ارتبكت بهاللحظه وهو ملاصق فخذه بفخذها
ام صقر بابتسامه : ماشاءلله تبارك الله ربي م يفرقكم
قولو امين !
توسعت عيون ميهاف بصدمه شهقت ولاشعورياً نطقت : لا استغفري !
لف سيف عليها بهاللحظه بصدمه !! ام صقر وبناتها بعدم استيعاب يطالعونها !
لفت ميهاف لسيف اللي انحنى بظهره وهو صاد
عن امه منيره وخواته حتى م يشوفون نظراته الحاده فيها
همس من بين اسنانه : رقعيها يالله !
طالعت فيه بارتباك وقهر رفعت عيونها لأم صقر
اللي تطالعها بصدمه
ابتسمت ميهاف وحطت رجل ع رجل : شدعوه ي خاله خفتي قلت هالكلمه بس عشان اخوف سيف ..
لفت بنظراتها ع سيف اللي اعتدل بجلسته وهو يطالع
فيها اتسعت ابتسامتها وهي تغيضه : تعرفينه يحب هالدعوه ولايصبر عني ف قلت بجلطه
رفع حاجبه سيف بدهشه من كلامها !
ضحكت ميهاف : شفيك منصدم؟ عادي خالتي
بحسبه امي وامك مابيننا هالحيا !
همس بتوعد : هين ي ميهاف
ولف ع ام صقر اللي ضحكت : ي شطنتسس ( شيطنتك ) بغى يغدي قلبه قلت اكيد وراهم بلا والا غاصبتس سيف او اهلتس ع الزواج
ابتسمت ميهاف بقهر : لا شدعوه
قام سيف : يالله
ام صقر : وين وين ؟
سيف : بنمشي !
قامت ميهاف معه
مسكت ام صقر عصاتها ووقفت : والله ي سيف لو
اشوفك طالع من هالباب مرتن ثانيه م استقبلك هاه !
غرفتك جاهزه فوق روحو ريحو فيها ! وين تسرون بهالوقت !
سيف بتنهد : ابشري ولايهمك
لف ع ميهاف اللي تطالعه بدهشه تهمس: لا وين نقعد هـ..
قرب سيف بهمس : انتي انكتمي وامشي قدامي بعرف كيف اتصرف معك ..
طالعته بغيض ولفت ومشت بابتسامه
: تصبحون ع خير
الكل : وانتي من اهله
وهو وراها وطلعو وهم صاعدين
مسك ايدها بقوه وسحبها معه تعورت من قبضه ايده بس م قدرت تنطق بشيء حتى م ينفجر فيها فتح
الباب ودفها ودخل وراها وقفل الباب : شسوي فيك؟
لفت عليه بنظرات براءه : شسويت !
رفع حاجبه وهو يمشي لها ارتبكت ورجعت ع ورا : لا والله تستغبين ع راسي !
وقفت وتكتفت : تكلم!
لما مسكها من عضدها شهقت بألم عيونها بعيونه : وش هالترقيعه الزفته ذي ؟
ابتسمت : افا زعلت منها ؟ مو انت تقول لي خليك عاقله قدامهم ! هذاني انا مؤدبه وابين للكل اني الزوجه الصالحه اللي ميته ع زوجها ومطيعه له ..
رفع حاجبه : بالله ؟
هزت راسها بإيه !
مرر بلسانه ع شفايفه ونزل ايده : مو مشكله ي ميهاف سوي اللي تبينه وخذي راحتك بهالوقت لأن بعدين هالحب
اللي براسك اذا م طحنته م اكون سيف !
رفعت حاجبها بسخريه ورفعت عيونها لايدها وهي تمسح ع كتفه ثم لفت بعيونها عليه وهمست ببحه وثقه : واذا هالقسوه اللي فيك م لينته ! م اكون انا ميهاف !
ابتسم : الايام بيننا وبذكرك بكلامي
ابتسمت بعناد اما هو نزل شماغه وبعثر شعره الكثيف بايده متوجه للسرير
ميهاف بشهقه : لايكون بتنام هنا
لف عليها طالعها بنظرات ازدراء : وين تبيني انام مدام ميهاف ؟
ميهاف : مابيك تنام جنبي !
مسكها سيف ولفها ع ورا : شايفه هذيك الزاويه ؟ افرشي فراشك فيها ونامي وانتي ساكته ..
لفت عليه بنظرات غيض وقهر !!
ابتسم بكل برود وصد وهو يفتح ازارير
ثوبه بلحظتها تنرفزت لفت وتوجهت للتسريحه
قعدت ونزلت الشوز وهي تنزل اكسسواراتها
وتطالعه بالمرايه اللي عاكسته قعد ع طرف السرير
طالعها ابعدت عيونها وقامت فتحت الشنطه
واخذت بجامتها والغسول واخذت المناديل ودخلت للحمام
وقفلت الباب بقوه تعبيراً عن عصبيتها ضحك على حركاتها !
بعد م لبست بجامتها غسلت وجهها بالغسول
اللي جابته معها رفعت راسها للمرايه وهي تطالع
بنفسها وبقطرات المويه اللي تنزل من ع وجهها ابتسمت: اجل بتقلب حياتي وتشويني بناره ؟ هين ي سيف !!
استقامت بوقفتها و اخذت الفستان ومشت وهي تمسح وجهها
بالمناديل وفتحت الباب وقفت لما شافته واقف على الباب تجاهلته ومرت من جنبه دخل ببرود بدون اي اهتمام
علقت الفستان بالدولاب ولفت واقفه تطالع بالسرير !
اخذت المخده ومشت وحطتها ع الارض وتوجهت لقسم
الدولاب وهي تدور لها فراش فتحت الدولاب لقت فراش اخذته وطلعت صادفته طالع من الحمام عاقد حواجبه باللي معها !! سفهته ومشت وفرشته بالارض
وانسدحت ! ابتسم بكل هدوء قفل النور وانسدح بالسرير
حط ذراعه ع عيونه وابتسم وهو يبي ينرفزها : شاطره انك سمعتي الكلام ولا ناشبتيني بالسرير !
عضت على طرف شفتها بنرفزه تعوذت من ابليس وغمضت عيونها وسفهته !
نام هو بدون م يحس من التعب ! اما هي ما قدرت تنام تغلي من القهر وتفكيرها محصور
باللي صار لها طول هاليومين !!
كيف تغيرت حياتها فجأه !! كيف انقلبت كل الموازين!
بدال م يكون اسمها مرتبط بإسم تركي ! صار لسيف !
غمضت عيونها وانسابت دمعه من محاجر عيونها بحقد مسحتها بعنف واخذت نفس عميق فتحت عيونها
و لفت له وهمست بقهر تبي تتأكد انه نايم او لا : سيف !
م رد عليها !
همست بصوت اعلى : سيف !!
وقتها تأكدت انه نايم
اما سيف عقد حواجبه بانزعاج بالكابوس اللي هو فيه !
وانفاسه تزيد وتزيد !
بالحلم " لقى نفسه بوسط مقبره وبالتحديد قدام قبرها وبالظلام
بس م يدري كيف انه يشوف قبرها و يسمع همساتها وانينها من حوله : هالبـ..نت بتقـ..تلك ي سـ..يف هالبـ..نت
شـ..ر لك قـ..وم
و بصراخ عالي : هالبـــنـــت شـيــطــان"
فتح عيونه بسرعة الا
بميهاف وجهها بوجهه م حست الا وهي بظهرها بقوه ع السرير وهو فوقها مسكها بقبضه ايده اللي كأنها من فولاذ يعتصر فيها وجهها
وعيونه مثل الشرار بعيونها ومن بين انفاسه السريعه اللي يلفح بوجهها من قوه قربه لها : وش كنتي بتسوين !! جمد الدم بعروقها بنظرات عيونها السريعه
بخوف تتنقل بين عيونه اللي بنظرات شرسه وهي تسمع صوته مثل الفحيح
وصدره يعلى ويهبط وهو يرص بإيده لدرجه
تحس فكها بينكسر من قوه قبضته!
نطق : وش كنـ..تي بتسوين؟
اما هي نست نفسها قدامه باضطراب دقات قلبها
وعيونها اللي تلمع من الدموع !
نطقت والشهقات تأخذ مخارج حروفها : كـ..نت بـ..شوف شفـ..يك
قاطعها باندفاع بنبره حاده وهو ويزيد من قربه ومن نظراته : تكـذبـين !! بلحظه بدمعتها ع طرف عينها همست بالرجفه
اللي وضحت بنبره صوتها وهي تتقطع من الالم
اللي بفكها من قبضته وبالقوه تنطق : احـ..لف لك ان ماكنـ..ت بسـ..وي شـ..
حط طرف اصبعه الابهام ع فمها ورفع حاجبه
وبهمس ينطق : اش لاتحلفـين بالكذب والا محد بيفكك مني !!
اختفى صوتها بعيونها اللي غرقت بالدموع من خوفها منه وهي تحس جسمه ملاصق لجسمها وهو فوقها
ووجهه بوجهها مايفصل بينهم الا شعره بس !
غمضت عيونها بقوه وهي كاتمه انفاسها بداخلها
من قوه قربه !! وانسابت دمعتها لتشق طريقها ع
خدها من وسط رعبها وهي مهزوزه !! فتحت عيونها
عليه لما دفن وجهه بالمخده وخده ملاصق خدها
وذقنه ع كتفها وجسمه باقي ع جسمها
وصل لمسامعها زفرته العميقه !! خفف من قبضه ايده ع فكها وكأن قوته تلاشت بهاللحظه !
اما هي متجمده بمكانها وتطالعه بطرف عيونها م تقدر تلف بوجهها عليه ! بس جمدت لما سمعت نبره السخريه بصوته وهو لاف ومستند ع المخده ويطالعها
م ابتعد حتى عنها : لهالدرجه واضح الخوف فيك
وهمس بتشديد : من دقـــات قـلــبـها !
لفت عليه بجمود وصدت بسرعه من قرب وجهها بوجهه
وهي تطالع بالسقف بفراغ وكل مشاعر الحقد والكراهيه توسطت بقلبها ! اما هو رفع جسمه عن جسمها لف
وانسدح ع ظهره بجنبها وهو يطالع بالسقف !
م حس الا هي فازه من مكانها تغلي بقهر ولفت عليه
وبحقد : انت فيك شي مريض ؟
حرك عيونه لها ببرود يطالعها !
ميهاف وهي تتنفس بسرعه لفت بكامل جسمها عليه
واستعدلت بجلستها وهي تطالعه بحقد : بلحظه كنت بتموتني مثل المجنون ! وبثانيتين بس تضحك وتبتسم !
رفعت ايدها لجنب راسها وهزتها بمعنى مجنون :
عقلك فيه شي ؟
اما هو مكتفي بالصمت ويطالعها !
قامت وهي بتلف م حست الا بايده اللي محاوطه خصرها
لفها عليه وسحبها لصدره و وجهها بوجهه بوسط
صدمتها من حركته وهو ماسك ايدينها من ورا
ومثبتها بحضنه بقوه !
قربها لشفايفه الي ارتسمت عليه ابتسامه جانبيه بسخريه لف بهدوء واقترب من اذنها وهمس بكلمات
خلت كل خلية بجسمها توقف ووسعت عيونها لآخر شي بصدمه ..
ابعدت راسها والتقت عيونها اللي مبققتها فيه
بصدمه !!
طالعها ببرود وابتسامه السخريه مرتسمه ع ثغره ! دفت ايده بقهر وهي تنتفض من العصبيه والصدمه وقامت عنه اخذت المخده
ورجعت لمكانها انسدحت بالارض وغطت وجهها
باللحاف وهي مو مستوعبه اللي قاله !!
اما هو تنهد ببرود يطالع بالسقف !
" وصايف "
بالغرفه ومنطويه ع نفسها بزاويه الكنب
ودمعتها تحرق خدها وبقهر نطقت : حسبي الله عليها !! شسويت لها !! الله يحرق قلوبهم مثل م حرقو قلبي !!
نزلت راسها ع رُكبها : اووف !!
_
" الصباح "
الساعه ٨ الصبح ! "
الكل ع طاوله الطعام يفطرون !
اما مشعل وصقر والوليد
يفطرون بمجلس الرجال اللي برا عشان زوجه سيف !
ام صقر : عاد ي يمه اقعدو وتغدو معنا !
سيف : ودي بس بنروح لاهلها !
لفت ميهاف عليه بهاللحظه بصدمه وبداخلها فرحه الدنيا كلها مو سايعتها من سمعته !
ام صقر بتنهد : الشكوى لله المره الثانيه بتتغدون عندنا !
ابتسم سيف : ابشري ..
بعد م خلصو وقامو اخذت ميهاف عبايتها ولبستها
وعدلت نقابها اخذت شنطتها ودعتهم معه لف سيف
الا بهاللحظه انفتح الباب ! جمد الكل
من دخول ابو صقر : مااااشاءالله !! وبوسط بيتي بعد !!
رجعت ميهاف ل ورا سيف بخوف بوسط صدمه الباقين !
ام صقر : استهدى بالله ي ابو سـ..
قاطعها بصراخ وعصبيه : انتي اص ولا كلمه !! مابي اسمع حسك !!
لف سيف ع ميهاف :اطلعي للسياره !
ميهاف بخوف : بس انـ.. قاطعها بعصبيه : اطلعي قلت !!
ارتبكت من عصبيته ومشت وهي بتطلع الا استوقفها ابو صقر اللي يطالعها بسخريه : ذي مرتك وين وين خليك ! هاللي مستانسه فيه ماهو رجال حسافه الشنب عليه !
عقدت ميهاف حواجبها بصدمه !! لفت ع سيف اللي يطالع ابوه بصدمه
ابو صقر : مستانسه فيه وهو بنفسه اللي قتل امه ..
الا قطع عليه صوت سيف بنبره عاليه : خلاص !!
ابو صقر : لايكون الضعيفه ماتدري بسواد فعلتك!!
تجاهله سيف وهو يغلي من القهر بلحظه م لفت ميهاف بتمشي الا ب ابو صقر وقف بوجه سيف ! وقف سيف
بهاللحظه يطالعه عقد سيف حواجبه باستغراب ! وقفت ميهاف وهي تطالعه بعدم استيعاب !
ابو صقر لاشعورياً رفع ايده وصفق سيف بكف
من قوته لف وجهه ع الجهه الثانيه بوسط شهقه الكل بصدمة !!
بلحظه دخول صقر
واخوانه جمدوا بمكانهم !!!!
اما ميهاف توسعت عيونها باللي صار !!!
اما ام صقر اللي تطالع وهي مابين صدمه وقهر !
سيف اللي غمض عيونه وهو يحس بحراره
الكف تحرق خده ! فتح عيونه بهدوء ولف لابوه
طالعه بنظرات مابين عتب وبقهر ! لف عنه وطلع
بخطوات واسعه وسريعه دف صقر عن طريقه
اللي حاول يمسكه وطلع ! لحقته ميهاف
ابتعدوا صقر والوليد و مشعل عن الباب طلعت ميهاف
بهدوء وهي مرتبكه وبنفس الوقت مو مستوعبه اللي صار
ركبت السياره وهي تستودع نفسها حتى م ينفجر فيها
شغل سيارته وحرك بسرعه جنونيه !!
_
صقر بصدمه : يبـ..ـه ؟ شسـ..ويت انت ؟
لف عليه ابوه وبصراخ : انت شغلك عندي لا تحسب اني بسكت عن سواياك !!
عقد مشعل حواجبه : ليه ؟
ابو صقر بعصبيه : مستانسين وطايرين فيه
ومسويه له عزيمه ومضيفينه هو ومرته بدون علمي!! ليه موب رجال البيت انا لا مت وصرت تحت التراب
وقتها سوو اللي تبونه !
شهق مشعل : بسم لله عليك من بعد عمر طويل !
صقر : يـبه سوي اللي تبيه فيه ! بس مو قدام زوجته !! محد يرضاها !
ام صقر بعصبيه : تمد يدك ع رجال بطول وعرض !! م استحيت من نفسك وانت تضربه !! لفو كلهم عليها !!
ام صقر بعصبيه : وقدام زوجته !! ترضى ان عمي
رحمه الله عليه يضربك قدامي ترضى عندك كلام امسكه لحاله مو قدامها وش هالحتسي تقول لها زوجتس ماهو رجال وحسافه الشنب عليه؟
الوليد بصدمه : قاله ؟
صقر بدهشه م قدر ينطق !!
ابو صقر بعصبيه : اااي ماهو رجال !!
مشعل بتأفف : الله يهديك ي يبه انت وش سويت !
ابو صقر بعصبيه : ماانتم عيالي باللي سويتوه !! عمتكم م كملت شهر متوفيه وانتم عزايم وعشى ومستانسين وش هالقلوب اللي فيكم!!
ام صقر : وانت الصادق وش هالقلب اللي فيك انت ولدك من دمك ولحمك تسوي به هالسواه!!
ابو صقر بعصبيه : ادري كل هالتدبير من تحت راسك بس والله ي منيره لو اشوفك عاصيتني وكاسره كلمتي هالبيت يتعذرك وقتها !!! جمدو بصدمة !!!
_
بعد م وصل الفندق سحب فرامل وفتح الباب ونزل
اما هي تنهدت براحه ان م صار فيهم شي من قوه سرعته وتهوره الجنوني وهو يسوق !! فتحت الباب ونزلت
وصعدوا لفوق بعد م دخلو الجناح قفلت الباب من وراه
تنهدت لما دخل هو غرفته نزلت عبايتها وقعدت بالصاله
نص ساعه وكلمة ابو سيف للحين تدور براسها " هو قتل امه "
عجزت تستوعب اللي صار ! قامت وتوجهت للغرفه
م تدري ليه جازفت بنفسها فتحت الباب بس صرخت بصدمة !!!!
لما ضرب بالفازه
الطويله نص الجدار اللي بقرب الباب والنص الثاني
ع يدها وتهشم وتناثر بالارض !
بلحظه م لف عليها لما صرخت وعيونه بعيونها بنظراته الشرسه مشى لها بخطوات سريعه مو واعي على بنفسه من قوه عصبيته ..
اما هي منزله راسها بألم بايدها من قوه ضربه
الفازه !! م حست الا بقبضه ايده كأنها من فولاذ مسكها من عضدها وسحبها ورصها ع الجدار
و وجهه بوجهها وهو يتنفس بسرعه لدرجه عروق جبينه و رقبته برزت باحمرار ومن بين اسنانه
شهقت لما مسك وجهها ويرص عليها وانفاسه الحاره مثل حراره النار اللي شابه بجوفه : صـدقيني كل اللي صار راح اطلعه من عيونك
انتي وابوك ! لا اسوّد حياتك وحياه اهلك !!
دفها وابتعد وبصراخ : أطلعي لا اشوف وجهك اليوم !
اما هي نزلت راسها وبشهقات خفيفه متسارعه مثل نبضات قلبها اللي انقبض بخوف رفعت ايدها وحطته ع يسار صدرها ودموعها تنزل ع الارض صد وهو يتنفس بسرعه غمض عيونه اما هي
سحبت نفسها بخطوات بطيئه لبرا الغرفه
برعشه ايدها فتحت شنطتها اللي ع الكنب طلعت ادويتها بسرعه واكلتها بوسط قلبها اللي تحسه
بيطلع من صدرها من قوه اضطراب نبضاته والمه
_
" الساعه ٢:٣٢ بعد منتصف الليل "
بهدوء وسكون بالجناح من بعد اللي صار الصبح محد قابل الثاني اما هي
م قدرت حتى تحرك كف ايدها اليسار ! وهذا اللي خلاها تخاف بس م قدرت تطلب منه
ياخذها ع المستشفى خايفه انه ينفجر فيها واقوى من الصبح
بزاويه الكنب قاعده وضامه رجولها لصدرها وهي تطالع
بكف ايدها باللون الازرق ع موف وكدمات ومعصمها
منتفخ كانت الفازه قويه بضربتها ع ايدها ! نزلت دمعتها من قوه الالم ! وهي تحس انها بتموت من وجعها قامت ودخلت المطبخ
تبي اي شي يسكن الامها لما هو فتح باب الغرفه وطلع لمحته متوجه لعندها للمطبخ لفت بسرعه وخبت ايدها وراها ع دخوله شافها وهي تخبي ايدها
رفع حاجبه بشك : وش ورا ظهرك ؟
طالعته بارتباك :ولاشـ..ـي !
قرب نطقت : خلاص م كفاك اللي سويته فيك حيل بعد !
وقف بوجهها رصت نفسها ع الدولاب دخل ايده ورا ظهرها يبي يطلع اللي معها عضت ع شفتها من قوه الالم نزلت راسها تكبح المها وصرخت من العوار اللي زاد لما ضغط ع ايدها يظن ان معها شي !
سحب ايدها بلحظه م طاحت عيونه ع كف ايدها جمد بصدمة من لونها والكدمات وكيف منتفخه
رفع عيونه لها بخوف : شفيها ايدك ؟
زاد بكاها بحرقه من الالم مسك ذقنها بايده ورفع وجهها له بخوف : تكلمـ..
اختفى صوته من شاف عيونها الغرقانه بالدموع !!
سحبت ايدها ودفته بحقد طلعت متوجهه للغرفه وهي تمسح عيونها ودموعها !
تكره نظرات الشفقه بعيون اي شخص عليها! وخصوصاً قدامه ! م تحب تبين ضعفها اياً كان !
بس كان اسرع منها سحبها ووقفها ووقف قدامها بخوف : شفيه ؟
نطقت بنبره حاده مثل نظراتها: شتبي ؟
سيف : لاترفعين صوتك لاتردين علي بسؤال ! جاوبي شصاير بيدك!
رفعتت حاجبها باستنكار : لا والله ؟ بريء م تدري
شسويت ؟
قطب حواجبه زياده باستغراب !!
ميهاف بسخريه : خلك ع برائتك اجل !
ولفت بتمشي بس وقفت من قبضه ايده اللي حاوط
فيه معصمها اليمين رفعت عيونها له بنظرات استحقار : لا اكسر ايدي الثانيه بعد وارتاح !
زفر بعصبيه ترك ايدها ومشت ودخلت للغرفه
تنقل بنظراته من حوله بحيره !! م يذكر انه
مسك ايدها ولا ضربها ولا ضغط حتى عليها ؟؟ كان صاد لما رمى الفازه وراه م انتبه ابداً انه ضرب جزء منه ع ايدها !!
تنهد اخذ جواله ومفاتيح السياره وطلع
اما هي دخلت وقفلت الباب ووقفت ع الدريشه
وهي كابحه غصتها ودموعها ! بقهر الدنيا كله بقلبها
_
" بعد نص ساعه "
دخل سيف للشقه وبايده كيس من الصيدليه فيه
كريمات للكدمات ومسكن الم
دخل بهدوء للغرفه لقاها
ع طرف السرير معطيته ظهرها تلمس طرف ايدها
المتورمه مشى بخطوات هاديه وقعد جنبها
تجاهلته بكراهيه مستوطنه قلبها !
عيونه ع ايدها حست بنظراته وابعدت ايدها عن حضنها
لف بهدوء عليها : من وش هو ذا !! جاوبيني !
نطقت وهي تطالع بالدريشه اللي مطله ع كل الشارع
وببرود : منك !
استعدل بجلسته باهتمام وصدمه : مني ؟
ضحك بسخريه : مستحيل !!
لفت عليه وعيونها بعيونه !
همست باستحقار: مستحيل ؟
سيف : اصدقي ولو لمره بحياتك !
عقدت حواجبها وباندفاع : يعني اكذب ؟
سيف : م استغرب لو انك ضاربه ايدك ومتعمده بهالشي حتى لو اخذتك للمستشفى تبلغين علي اني اضربك واعتدي
عليك !
توسعت حدقه عيونها بكل صدمه فيه !!
نطقت وهي مو مستوعبه : انـ..ت واعي باللي تقوله!!
سيف
ابتسم : ليه لايكون خربت عليك !
ابتسمت بقهر : بالعكس افدتني والله بهالفكره الجباره!! لف بكامل جسمه عليها بسط ايده ع فخذه : عطيني ايدك !
طالعت بايده باشمئزاز ثم رفعت عيونها له : تبي تكسرها بعد ؟ ترا هذا اللي ناقص
تجاهلها ببرود : قلت عطيني ايدك !
تجاهلته وقامت مسكها وسحبها وجلسها وهو محاوط بايده اليسار على خصرها وماسك ايدها
وايده اليمين يتحسس فيها كدمات ايدها اليسار ..
نشف دمها بوسط صدمتها واضطراب دقات قلبها من فعلته !!
رفع عيونه لها..
اما هي ب نظراتها السريعه تتنقل بعيونه !
من بين خصل شعرها اللي ع وجهها !
همس بنبره دافيه : لاتفكرين تعانـديني
وتحاولين تكسرين كلمتي ! اللي اقوله لك تنفذينه بالحرف الواحد ! والا صدقيني بتتعبين
معي !
تجهم تعابير وجهها وبنظرات قرف وقهر طالعته
صدت وهي بتدفه وتقوم بس رصها وثبتها اقوى !! لفت عليه بهاللحظه ولفح خصلات من شعرها الطويل وجهه !! التقت عيونها بنظرات حاده بعيونه !
همست بقرف : فكـ..ني !
نزل راسه وابتسم بعفويه ! ازداد قهرها بهاللحظه
همست بنبره كلها حقد وقهر : فكني !!!
رفع راسه لها وبنظرات بارده : ماراح افكك !
ميهاف بكراهيه : الله ياخذني من بين ايديك وارتاح منك
همس بابتسامه جانبيه : امين !
امعنت نظرها فيه بهاللحظه بكل حقد !! صدت وزفرت بقوه وبتأفف وهي تحاول تمسك اعصابها وهي بحضنه !!
سيف : ميهاف !
لفت عليه وبقهر : نعم !!
رفع حاجبه : وش كنتي تبين البارحه لما جيتي للسرير ؟
رفعت حاجبها ببرود : لما كنت تحلم وتهوجس !! عقد حواجبه !!
ميهاف : لما استخفيت وانجنيت وانقلبت شيطان رجيم!! ميلت راسها وبنظرات ازدراء وكملت :نظرات الرعب اللي فيك م تنوصف !
ضحك بسخريه : نظرات الرعب ليه اخاف منك مثلاً ؟
عدلت راسها وعقدت حواجبها : كنت تردد هالبنت شيطان مين تقصد؟
رفع حاجبه باستغراب : شيطان؟
هزت راسها بإيه !
تهرب من نظراتها بهاللحظه ومسك ايدها اليسار المتورمه
وبدأ يطبطب بالكريم ويمسح باطراف اصابعه بخفه ع ايدها ! اما هي بشك تطالعه ! م تهرب من هالسؤال الا ان فيه سر وكبير وراه !! م حست بالالم كثر م كان تفكيرها محصور ف اللي صار البارحه وبكلام ابوه له انه قتلها !! امور معقده والغاز وراه
اشغل تفكيرها ! لما خلص رفع راسه بعفويه بلحظتها
جمد لما انتبه لنظراتها فيه!!
عقد حواجبه لوهله انتبهت رمشت بسرعه واستوعبت نفسها
سيف : عندك شي بتقولينه؟
نزلت عيونها لجزء من الثانيه ثم رفعت راسها له
وبنظرات اشمئزاز : فكني !!
ابتسم وهو يبي يغيضها : بس انا مرتاح كذا !
تقمصت ملامحها القهر باندفاع : انا مو مرتاحه
سيف ببرود : م يهم
سكتت بوسط نظراتها الحاده فيه !
طالعها لجزء من الثانيه بصمت عميق بينهم ! ثم همس : ليه نظراتك لي كلها حقد وكراهيه ! ولا مره صادفت عيوني
بعيونك بنظرات هاديه !
اتسعت ابتسامته وقرب وهمس بتشديد : والا لأني مو تــركــي ؟!!
ع الوتر الحساس بهاللحظه من بين صدمتها انه نطق اسمه بس سرعان م قربت وميلت راسها ورفعت
حاجبها بسخريه والبرود يكتسي ملامحها وبنفس نبرته
: لأني مو وصــايـــف !
بلحظه جمود بين بعضهم !!!
عقد حواجبه بهاللحظه
باللي نطقته : وصايف ؟
ابتسمت ورفعت ايدها اليمين وهي تغرس اصابعها بين شعره
الكثيف وببحه ودلع تستفزه : اي حبيبي
وصايف افا نسيتها بهالسرعه؟
قوست ثغرها بزعل : والله تبي الصراحه!! وصايف تستاهل احسن منك واحد يحبها ويقدرها ويعزها عن الاهانه اللي عاشتها بسببك!
رفع حاجبه باستنكار : اهانه؟
هزت راسها بالايجاب : اي اهانه شفيك منصدم!
ورفعت عيونها لايدها اللي تلعب فيه بشعره : والله ربي رحمها منك وفكها من شرك ماشاء الله
ونزلت عيونها له وكملت : عقبالي يارب !
عقد حواجبه لجزء من الثانيه وارتسمت ابتسامه
جانبيه ع ثغره بهاللحظه هي طالعته بغرابه من
ابتسامته ! توقعته بينقهر! بيعصب ! الا انه كان مثل الثلج بوجهه براكين من النار شابه بين ضلوعها !
تغيرت نظراته لهدوء وبرود و وجهه بوجهها
رفع حاجبه ونطق : تبينا نشوف الجانب الثاني ؟
عقدت حواجبها بفضول واستغراب !
اردف سيف بسخريه : خلينا نتكلم عن تركي !
اشفق عليه
بهتت ملامحها بوسط صمتها نزلت ايدها
من ع شعره !!
استرسل سيف بخباثه
: ما حس بنفسه انه عشق انسانه دنيئه مثلك ! عيشته بحب وعشق والخ والخ وبالاخير سحبت عليه بكل برود وتزوجت بواحد كل من جنسك يحلمون فيه انا لو مكانه تدرين وش اقل شي اسويه اخرب زواجك بايديني ! اعيشك بين زوايا الخوف لا إنذكر اسمي وسمعتيه صدقيني محظوظه بشخصيته واضح انه ع قد نياته
ومسالم اهنيك ع الدراما اللي سويتيها لما شفتيه
بذيك الليله كنتي تبينين انك ضعيفه وحزينه وانجبرتي
ع زواج من شخص غيره
احمدي ربك اني كنت هادي بهذيك الليله ولاعاندت وكسرت قلبه اكثر واكثر ! وفضحتك بين اهلك !
كمل بنظرات ازدراء واستهزاء : ع مين تحاولين تلعبين ي شاطره ؟ تبين تهدديني بوصايف تفضلي روحي لاهلي تكلمي لكل الملأ ! كلهم يعرفون اني احبها
وخطبتها ومن ثمان سنين والكل يعرف انها لي !
وعقد حواجبه وهمس : بس انتي مين كان يعرف
انك تعيشين قصه حب ومزيفه بعد مع هذا اللي اسمه تركي ؟ اهلك ؟ جيرانك؟ المستأجرين بالعماره؟
اما هي ترص ع اسنانها من الالم اللي بقلبها وبنظرات غل وكراهيه
استرسل سيف ببرود: تبين اني اتفضّل واهون عليك بدايه الموضوع
اروح لأهلك واقدم لهم هالخبر ع طبق من ذهب !
وابشرهم انكم خدعتوني بزوجه خاينه !حست بدموعها انها بتخونها صدت وهي بتقوم بس كان اسرع منها ومسكها من وجهها ولفها عليه
وعيونه بعيونها وانفاسها السريعه تلفح بخصل شعرها ووجهه نطقت قبل م ينطق : ع الاقل م عشت ان ابوي يجافيني ويضربني ويهيني قدام الكل هذا والله اعلم عن امك بعد اذا هي مثله والا لا
هالكلام مثل الصاعقه نزل عليه
بنظرات التمرد بعيونها وهي تطالعه !! نزل راسه وضحك بعفويه قطبت حواجبها من ضحكته ! كانت توقعاتها انه بيضربها ويهينها ! لانها تعرف ان اهله هو خط احمر محد يتعداه اياً من كان !! جمدت للحظه م رفع عيونه لها وابتسامه
جانبيه بسخريه مرتسمه ع ثغره بنظرات
البرود رفع ايده وابعد خصل شعرها عن وجهها
: تبين اخليك تذوقين هالشعور من اهلك؟
رفع عيونه لشعرها الطويل اللي يلعب فيه بين اصابعه
واتسعت ابتسامه اكثر : شرايك اخليها استفتاحيه
ولف بعيونه ف عيونها وكمل : بخيانتك ! صدقيني تتمننين عذابي ولاعذابهم !
تغيرت نظراتها بهاللحظه لقهر وكأنها بدت تغلي بداخلها!
بوسط ابتسامته الساخره وملامحه اللي تقمصها البرود !
عضت ع طرف شفتها بقهر دفته وقامت وتحررت منه
بوسط ابتسامته اللي م اختفت من ع شفايفه
اما هي بملامح غضب : صدقني اذا انك بتسوي
هالشي بتندم وقتها !! رفع حاجبه بنظرات ازدراء : اتحفيني !
ابتسمت بقهر : نشوف وقتها !!
مشت بسرعه وطلعت من الغرفه بتأفف دخلت الصاله وقعدت ع الكنب زفرت بعمق وهي تمسح بخفه ع ايدها
اليسار المتورمه نطقت بقهر : قال اخليك تذوقين هالشعور
قال !! جعلك تذوقه طول عمرك ولاترتاح !
تأففت وارتخت اكتافها بيأس وحلطمه !! انتبهت لجواله ع الطاوله اخذته وفتحته الا فتح
معها ابتسمت بغصه وقهر يحرق قلبها ومن بين
دموعها : اذا م قهرتك وخربت عليك حياتك م اكون ميهاف
_
سيف !
مسح وجهه بكف ايده رفع راسه بهاللحظه
لما سمع صوتها ! عقد حواجبه باستغراب !
قام وطلع وهو يمشي ويحاول يستوعب صوتها
واللي تقوله الا وصل للصاله وجمد بهاللحظه لما شافها رافعه جواله وتكلم فيه وهي تطالعه بقهر : يسلم عليك ي خاله هذا هو توه قام من النوم زاد من تعقيده حواجبه هز براسه بمعنى مين !
ميهاف بحقد : خالتي ام صقر! شفيك منصدم؟
رفع حاجبه بعدم استيعاب !
تنهدت ميهاف بخنقه : خـ..ـالتي ابي اقولك شـ..ـي
تجهم وجهه سيف بهاللحظه مشى لها و هي تخبت
ورا الكنب ونطقت بغصه : داخله ع الله ثم عليك ي
خاله انك ترحميني من سيف !!! سوى لي زراعه
قلب بس م كنت ادري انه قلب امه اللي تبرعوا فيه لي !! بهتت ملامح سيف بهاللحظه
بصدمه !!! ركضت ميهاف بهاللحظه لآخر الصاله
وبكت : تكفين ي خاله تكفين لاتخليني عنده !! غصبني ع الزواج وهددني تكفين تعالي اخذيني اترجاك والله بيقتلني !
جمد سيف بمكانه بدون اي حركه ..
#يتـــــــــــــــــــــــــــبع....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!