البارت السادس
" سيف "
وهو يسوق السياره قطع عليه رنين جواله طلعه من جيبهه شاف الرقم غريب !
استنكر الوضع رفعه ورد : الو
السكرتير : السلام عليكم
سيف : وعليكم السلام!
السكرتير : الدكتور سيف المقرن !
سيف باستغراب : ايه ؟
السكرتير : لو سمحت ممكن تتفضل لمستشفى *** المدير يبي يقابلك ..
عقد سيف حواجبه باستنكار من سمع اسم المستشفى : والسبب ؟
السكرتير : راح تفهم كل شي اذا وافقت ع مقابلته!
سيف بتنهد : اوك بكره الصبح ان شاء الله
السكرتير : مو مشكله اللي يريحك ، مع السلامه
وقفل بوسط استنكار سيف اللي لف ع ميهاف
هي المستشفى اللي تكفلو بزراعه القلب لها تنهد وصد ..
_
" سيف وميهاف "
بعد م وصلوا ونزلو للبيت دخل بعد م دخلت
صعد لفوق لغرفته بدل ملابسه وقعد ع طرف السرير ونزل راسه واسنده ع ايده اليسار بألم من الصداع من صحى الصبح وهو ع هالحال !
اما ميهاف بعد م بدلت ولبست بجامه طلعت وهي تتمغط بأريحيه :
يااربي ي حلو الراحه !
وهي متوجهه للدرج بروقاان م تدري وش سببه رغم اللي صار الا انها مستانسه وقفت
قبل م تلف ع الدرج شافته محني ظهره ومغطي
وجهه بكف ايده اليسار عقدت حواجبها باستغراب
مشت له فتحت الباب زياده فتح عيونه ورفع راسه
شافها تطالعه بشك قام ووتوجه للدريشه وقفل الستاير
وظلمت الغرفه شغل التكييف
ميهاف باستغراب : فيك شي ؟
لف وهو متوجه للسرير همس بتعب : ولاشي بس قوميني ع صلاه الظهر
رفعت حاجبها بدهشه : بتنام ؟؟
فتح الدرج طلع الحبوب اخذ حبتين واكلها وانسدح بفراشه حط ذراعه ع عيونه وهمس : مو بيـ..دي
قفلت الباب ومشت لعنده وقعدت ع طرف السرير حس بحركتها بس تجاهل
همست : وش الحبوب اللي تاكلها ؟
همس بدون نفس : بنادول !
ميهاف بشك : بس البنادول م تكون بعلبه كذا؟
م رد عليها من قوه صداعه يحس النبض براسه !
ماهي ثواني الا بإيدها ماسكه ذراعه وابعدتها عن عيونه بلحظه م فتح عيونه يطالعها باستغراب
همست بقلق : شـ..فيك ؟ دايماً تتعب وتاخذ هالحبوب وش هي ؟
ابعد ايدهه وغمص عيونه وهمس : ميـ..هاف مافيني حيل اتكلم اطلعي
طالعته بجديه عاندته بقهر ابعدت الفراش وانسدحت
بجنبه فتح عيونه وابعد ايده ولف عليها باستغراب
همس: شفيه ؟
لفت عليه : مو مرتاحه لحبوبك ذي بنسدح يمكن تموت خلني الحق عليك
صدت وتلحفت بهاللحظه بس شهقت لما حست فيه يلفها عليه ووجهها بوجهه وهو متكي ع ذراعه
اليمين اقشعر جسمها بقوه بإرتباك
وبلعثمه : شفـ..يه ؟
سيف ببحه تعب : ليـ..يه تعانديني ؟
رمشت بسرعه بارتباك : ماعانـ..دك الا لمصلحتـ..ك
ابتسم ببرود ثواني بس تبددت ابتسامته شيء ف شيء وبدأ يحس بالفتور وجسمه يتخدر ويفقد السيطره ع نفسه وعيونه ترمش ببطئ !
قرب زياده بدون م يحس ع نفسه
بهاللحظه انتبهت انه بدأ ينام حطت ايدينها ع صدره وابعدته وسدحته ع ظهره بلحظه م غمض عيونه وبدأ ع ملامحه الارتياح بقت لثواني وهي تطالعه !
حست انه نام بعمق ! لفت بهدوء وفتحت الدرج
وطلعت علبه الدوا بتفكير اخذت اسمه ورجعته للدرج
وقامت ببطئ عن السرير لفت عليه طالعته
لثانيه رفعت حاجبها بأستحقار : اجل تتوقع اني بهتم فيك واخاف
عليك من هالحبوب ؟
لفت بسرعه وبدت تفتش الادراج ماحصلت شي
وقفت وزفرت بزفره عميقه بتفكير وحيره : وين حطه ؟
لفت وتوجهت للدواليب بدت تفتشهم ع امل انها تلقى جوالها !! وهي تفتح الدرج الاخير توسعت
عيونهااا بدهشه لما لقت جوالها
تشققت من الفرحه اخذته بسرعة
قفلت الدرج وقامت طلعت وقفت وطالعته
بنظره اخيره وهي تشوفه نايم بعمق !
ميهاف بحقد وبملامح جديه : صدقني ماراح انسى سواتك فيني ولا اهانتك لي قدام الكل !! طلعت بسرعه ودخلت غرفتها وابتسمت بفرحه
اخيراً بتسمع صوتهم !! طال الشوق والحنين يوجع قلبها
لهم !!
_
" الشركه "
تركي بإستغراب : كيف يعني ؟
المدير : راح تكون فيه شركه مشتركه مع صديقي
ابي انقلك هنا مع الموظفين حتى تبدون شغلكم من الصفر
تركي باستغراب وتخوف : ووظيفتي اللي هنا ؟
المدير : لاتخاف وظيفتك هناك نفسها بس عشان نحتاج
موظفين مستجدين نبي حماسهم وكفائتهم !
تنهد تركي بابتسامه : الله يريحكك ع بالي اني بنفصل
ضحك المدير : لاتقلق شدعوه مكانك محفوظ ع حسب اجتهادك وانتظامك !
تركي بابتسامه : لاتقلق ان شاء الله اكون قدها !
ابتسم المدير : ان شاءلله
وقف : يالله امش معي للشركه حتى تشوف مكان شغلك هناك وتتعرف ع زملائك الجدد
قام معه تركي بإبتسامه : اوكك
وطلعو !
بيت ام سيف "
وهي بالغرفه ومنطويه ع نفسها بخوف وتوتر
قطع عليها طق الباب فز قلبها !!
ونطقت بلعثمه : ميـ..ن ؟
عبدالعزيز : هذا انا عبدالعزيز !
تنهدت بإرتياح من سمعت صوته
عبدالعزيز : اطلعي ابيك بموضوع !
همست برجفه : ابشر ..
قامت ولبست عبايتها وتنقبت وطلعت وهو قاعد
بالصاله اللي قبال الغرفه مشت له بتوتر قعدت
ع الكرسي تنهد عبدالعزيز بهاللحظه : اسمعيـني يـ..
قاطعته : الجوهره ! اسمي الجوهـ..ره
رفع حاجبهه : الجوهـره ؟
ثم تنهد : اوك ي الجوهره شايفه الوضع انتي ! م يسمح اني استضيفك ببيت الرجال اكثر من هاليوم !
نزلت راسها بغصه !! عبدالعزيز : انا وراي اشغال وحياه ! يعني ماعندي وقت ابد اني اقعد اشيل همك وخصوصاً وجودك هنا لحالك
بلعت ريقها بضيق : معـ..ك حق
عبدالعزيز : انتي ادرى بالوضع ذولا اهلك وعمك !
وهم احق فيك ! لو بلغو عني وتورطت ماراح يكون
لي اي حجه لا محرم لك انا ولاشي وانا والله سمعتي وسمعه عايلتي تهمني !! شوفي هالليله اقعدي هنا ! وبكره الصبح عاد اوديك وين م تبين وخلينا ننهي هالسالفه !
ضغطت ع ايدينها بتوتر وبهمس وهي تطالع بالارض : ابشـ..ر ، تبي شي ؟
عبدالعزيز بتنهد : لا
قامت بسرعه ودخلت للغرفه وقفلت الباب بضيق !!
ودها لو تنشق الارض ولا انها ترجع لحياه الجحيم !!
قام عبدالعزيز وزفر بضيق ونزل !
_
" تركي "
بعد م وصلوا للشركه ودخلو
المدير بابتسامه بعد م طلعو من الاصنصير
: عاد شد حيلك بشغلك لاوصيك
تركي : ولايهمك !
المدير منصور : عاد شوي شوي الى م تكون مدير قسم العلاقات
بهالشركه ! عشان كذا ابيك تشد حيلك لين م توصل لهالمنصب ..
تركي بابتسامه : والله كلامك عطاني دفعه معنويه
المدير منصور : تستاهل والله ي تـ..
قطع عليه ابو عبدالعزيز : ي هلا والله تو مانورت الشركه
ابتسم المدير منصور بدهشه : هلا ومسهلا !
سلم عليه منصور وابتعد يعرف ب تركي ع ابو عبدالعزيز
: هذا شريكي وصديقي بالشركه ابو عبدالعزيز محسن المقرن
ابتسم تركي وسلم عليه : هلا والله
ابو عبد العزيز : اخبارك ؟
ابتعد تركي : بخير !
المدير منصور : ذا تركي الموظف الجديد اللي قلت لك عليه
ابوعبدالعزيز : مااااشاءلله ع البركه بشغلك الجديد
تركي : تسلم
قطع عليهم مشعل : ي عم !
وقف بهاللحظه وهو يطالع فيهم : معليش
منصور : هلا بمشعل !
ابتسم مشعل وسلم عليه : هلا فيك اخبارك عساك بخير؟
منصور : بخير دامك بخير ي وليدي هاه اخبار الشغل معك؟
مشعل : والله حلو معي هالايام
تنهد و لف الا ابتسم وسلم ع تركي
ابو عبدالعزيز : ذا الموظف الجديد اللي معك ي مشعل بالقسم ..
مشعل بدهشه لف ع عمه : صدق ؟؟
لف ع تركي بابتسامه : هلاوالله اخبارك
تركي : بخير
ابو عبدالعزيز : خذه معك ي مشعل ووره مكتبه وابدو شغل من الحين !
مشعل : ابششر !
مشى معه تركي ! اما منصور راح مع
ابو عبدالعزيز للمكتب قعد ع الكرسي
وقعد قباله منصور !
ابو عبدالعزيز : ردت علي اختي !
منصور بإهتمام : اي ؟؟ ابتسم ابو عبدالعزيز : ردت بالموافقه !
وتقدر تجي يوم الجمعه تطلب بشكل رسمي !
ابتسم منصور ببشاشه تهلل وجهه : صدق ان شاءالله الجمعه وانا موجود عندهم !
_
" مشعل وتركي "
مشعل بابتسامه : واضح اننا بننكرف !
تركي : ليه ؟
مشعل : والله عاد عمي شوي شديد ! وخصوصاً بالشغل يشد اكثر وبما اننا احنا الاثنين بقسم المحاسبه الماليه خلك متهيأ نفسياً للضغط اللي بنشوفه واليوم بنرتب الملفات
تركي بتنهد : اجل نشمر اكمامنا
مشعل بضحك ربت ع كتفه : شمر يابوي انت شمره
_
" بيت ابو صقر"
ام صقر بحده : كله منتس ي بيادر فشلتينا مع هالبنيه
حمقت بيادر : يمه والله انا اقولكم ياللي شفتهه !! وش دخلني عاد الحين تحطونه ع راسي !!
ام صقر : والله مدري وين اودي وجهي من اخوتس ومرته
بيادر بضجر قامت وصعدت لغرفتها دخلت وهي مطنقره وواصله معها فتحت جوالها دقت على نايف بس م رد !
تنرفزت من الصبح تدق عليه ولايرد !! مو من عوايده !
دخلت الواتس بتشوف اخر ظهور انصدمت انه فاتح رسايلها ولارد !!!
ضحكت بعدم تصديق : لا اول مره
يسفهني !!
انقهرت طلعت وفتحت السناب ماهي ثواني وصلت التحديثات الا هو من دقيقه منزل سنابات فتحتهم سريع
استغربت انه بكوفي يتقهوى
زاد القهر اللي بقلبها : اااهااا !! تتقهوى اجل وتسفهني هين ي نايف !!
قفلت جوالها ورمته ع السرير بعصبيه !
_
"ميهاف "
اخذت جوالها وحطته بالدرج وخبته بين الاغراض
وطلعت نزلت تحت تسوي الغدا بعد الساعه ١٢
صعدت وقومته يصلي ! بالقوه صحى من
نومه وتوضى وصلى ورجع نام من التعب !
استانست انه رجع نام !
ب تتغدا ع راحتها ولايغثها بشيء !
الساعه ٧:٢٤ المغرب "
بالشركه !
بعد م طلعوا مشعل وتركي
تركي وهو يضغط ع اكتافه : والله تكسرت !! مشعل بتنهد :وش هالملفات اعوذ بالله !
شهق تركي اول م دخلو مواقف السيارات : يوه سيارتي بالشركه هناك خليتها
مشعل باستغراب : اجل كيف جيت ؟
تركي : جيت مع المدير منصور !
ابتسم مشعل وفتح سيارته بريموت الاتوماتيكي: امش يالله
عازمك ع القهوه بالبيت وبعده بوصلك لبيتك
تركي باندفاع : لااا مابـ.. قاطعه مشعل باصرار : والله تركب معي وتتقهوى عندي حلفت
تركي بقهر : لا تحلف !
تجاهله مشعل وركب تأفف تركي وركب
-
" بيت ابو صقر "
ام صقر وهي تشرف ع الخدم يجهزون القهوه
والشاهي ويحطونها بالمجلس بعد م خبرها
مشعل ان صديقه بيجي يتقهوى معه !
بعد م وصلو ومشعل ضيّف تركي ع المجلس
قعدو وبدأت تاخذهم السوالف !
اما الوليد طلع بسرعه مع طلال للاستراحه ..
_
" عريب "
اخذت شاور وجففت شعرها لبست وتعطرت اخذت جوالها وهي بتاخذ اللاب بس كشرت
بقهر لما طلع يومض ان شحنه فاضي
تنرفزت بقهر وتذكرت لاب صقر : اكيد مفلله الاخ ! ياربيه مشوار
تنهدت ونزلت
_
" بالمجلس "
مشعل : عن اذنك بروح ابدّل وارجع !
تركي : خذ راحتك !
طلع مشعل ودخل للبيت وصعد لغرفته !
اما تركي قام بعد م حس بالخنقه شوي
صب له فنجال قهوه مشى ولف بيطلع لبرا يشم هوا
م حس الا بكائن يصدم
بصدرع و على صوت صراخها
فتح عيونه ع وسعها انها بنت !!!!
اما عريب بدون وعي صرخت لما انكب فنجال
القهوه ع ذراع ايدها يحرقها من قوه ماهي
حاره ! اما هو متجمد بمكانه بصدمه
رفعت عيونها وهي فيها الصيحه حسبالها
صقر : وججججـ.. بس ضاع صوتها من هول صدمتهاااا !!!
_
" سيف
بعد م صحى اخذ شاور سريع وطلع لبس ثوب
وترك شعره مرفوع ع ورا وتعطر واخذ مفاتيحه طلع
توجه لغرفتها م لقاها ميل شفايفه ونزل : ميهاااف !
وهو نازل لف ع الصاله : ميهاااف ؟؟
عقد حواجبه باستغراب م لقاها لف ع المطبخ ودخل
ب شك : ميهااف ؟
مالها اثر والبيت هادي !!
طلع بسرعه يدورها بكل البيت م لقاهاا !!! انهبل
بهاللحظه !!! الا ع تنبيه رساله بجواله
طلع جواله وهو يتنفس بسرعه ويتلفت حوله
وبصراخ : ميهااااااااااف !!!
نزل عيونه وصدره يعلى ويهبط بسرعه و انصدم لما شاف رسالتها : جا الوقت اللي اعيش فيه حياتي وارجع لحضن اهلي اللي احس فيه بالامان ! وهذا انا بينهم الحين يحتووني ! سوي اللي تبيه واعلى مابخيلك اركبه ! مستحيل ارجع لك ! ولو توصل للمحاكم ! انا مستعده اخلعك !!
نزل جواله ببطئ بدهشة !!
و جن جنونه بعصبيه ودمه يفور !!
_
" بيت ام سيف "
بلحظه م نزلت الجوهره للمطبخ بهدوء البيت وخلوها فيه لحالها
انقبض قلبها بخوف لما انفتح الباب ودخل ابو سيف بلحظتها جمد بمكانه بدهشه !!
-
" سيف "
عض ع شفته بملامح شرسه وهو يغلي من داخله !!! كيف ؟؟؟ كيف تجرأت انها تطلع بدون شوره وتهدده ؟
انحنى واستند بإيدينه ع الطاوله بأنفاسه السريعه ونظراته اللي مثل الشرار
بصدمه وغضب جامح !! وبتهديد : هين ي ميهاف !! والله لاخليك تدفعين
ثمن هاللعانه !! محد بيفكك من ايديني !!
_
" بيت ابو ميهاف "
ميهاف وهي بحضن امها خانتها دموعها بلهفه وشوق لهم !!
ابو ميهاف بخوف : ي يبه قولي لي وش سوا اذا مد يده عليتس علميني والله لاوريه الشغل !
رفعت عيونها بضيق لابوها وببحه : لاتكفـ..ى يبه لاتدخلنا بمشاكل ! خلاص اللي ابـ..يه ورقه طلاقـ..ـي
مسحت امها بايدها ع راس بنتها بخوف : اخخخ والله قلبي كان ناغزني
شكيت من انقطعت اخبارتس وماعاد تدقين ولاتردين ع مكالماتي !
حضنت ميهاف امها زياده بحزن ودفنت وجهها بحجرها
وغمضت عيونها بارتياح : دامـ..ـي معكم انا مرتاحه
تنهد ابوها بضيق وقهر وقام : بطلع اجمع الايجارات
ام ميهاف بهمس : طيب !
قامت ميهاف بتنهد : بدخل انام وارتاح شوي
ام ميهاف بحزن : ارتاحي ي يمه ارتاحي !
لفت ميهاف بتعب ودخلت لغرفتها قفلت الباب واستندت
مررت بنظراتها ع غرفتها الصغيره قوست ثغرها بلهفه
واشتياق ! فقدت احتواء هالغرفه الصغيره لها وامانها !! فقدت الراحه اللي كانت تحس فيه لا نامت ع سريرها !
مشت بخطوات بطيئه وانسدحت ع سريرها
مسحت بإيدها ع مخدتها اللي ي ماا غرقت ب دموعها قبل زواجها من سيف ! تحملت زوايا هالغرفه
شهقاتها وبكاها زفرت بزفره عميقه ! تدري ومتيقنه انه ماراح يسكت ! وبيثور شياطينه ! بس كرامتها فوق كل شي !! وهي الدرع بوجهه غمضت عيونها وانسابت
دمعه بحرقه من محجر عيونها وشقت طريقها لتختفي
بين جذور شعرها بقرب اذنها !
م حست بهاللحظه الا الباب ينفتح مسحت دمعتها بعشوائيه
وبسرعه فتحت عيونها ورفعت راسها ولفت لورا شافت امها واقفه تطالعها بإبتسامه حزن وبعيونها الشوق واللهفه
لضناها ! قامت ميهاف واستعدلت بجلستها رصت رجولها
لصدرها وهي ع السرير وايدينها محاوطه رُكبها
لفت امها وقفلت الباب ومشت وقعدت ع طرف السرير
حطت ايدها ع ايد ميهاف : اشتقتي لغرفتس !
ابتسمت ميهاف بحزن وهي تتنقل بعيونها حول
غرفتها : كثير ! والله !
ام ميهاف : والله البيت من دونتس ي يمه م يسوى فقدناتس !!
ابتسمت ميهاف بضيق : وانا حيل والله!
تنهدت ام ميهاف وسكتت لجزء من الثانيه ! ثم همست بتردد : هو سـ..يف ! قرب منتس ؟ لمستس !
بهتت ملامحها بصدمه !
-
" بيت ام سيف "
رجعت خطوه ع الدرج فوق وهي بكل خليه بجسمها ترجف
ابو صقر بصدمه يطالعها وبداخله الف فكره وفكره !
لوهله حس انه مجنون ويتخيل !! ولو انه
بسم الله جني هالبيت فارقوه الخدم وصار مهجور
من بعد وفاه ام سيف وبقى ع حاله مقفل !! للحظه الجوهره تعثرت رجلها وطاحت ع ورا بخوف وهلع !
بلحظه م شافته دخل قامت بسرعه وهي ترجف وبتلف الا وقفها صوته الجهوري : ووووقفي !!!
جمدت وتسمرت بمكانها بهاللحظه !!
ابو صقر : من انتي ؟
لفت عليه بخوف وهي تطالعه !!
ابو صقر : وش جابك لهنا كيف دخلتي ؟؟!
الجوهره بأرتباك بلعت ريقها وبالقوه يوضح صوتها
:انـ.. سكتت وهي ترجف من الخوف !
مشى ابو صقر لداخل قدام الدرج ووقف وبنبره حاده : تكلمي !! وش دخلك لهالبيت وانا مقفله !!
بلحظه م عبدالعزيز نزل من سيارته وتوجه للبيت
بس حتى يتطمن عليها بخوف لو صار فيها شي يمكن يتورط !!
عقد حواجبه لما شاف الباب مفتوح اجتمعت الافكار السوداويه براسه ركض للبيت بسرعه وخوف
تصلب بمكانه ونشف الدم بعروقه لما
شاف عمه قدامه معطيه مقفاه
رفعت عيونها الجوهره لعبدالعزيز بلحظتها
زاد خوفها !!
_
" بيت ابو صقر "
ب عريب اللي تحس عظامها تتصافق ببعض
من صدمتها وجهها انخطف لونه من فشيلتها
بهالشكل طالعه حتى !!! بلعت ريقها وهي تحس بالمراره
رجعت ع ورا ولحظه م استوعبت لفت بسرعه
وركضت وهي فيها الصيحه من قوه احراجها
ناسيه حتى الم حرقه القهوه بإيدها !!!
اما هو بعدم استيعاب متسمر بمكانه للحظه مو مصدق اللي صار
ماهي دقايق الا دخل مشعل وقف لحظتها باستغراب : شفيك واقف ؟؟
لف عليه تركي لما استوعب وبتوتر: هـ..ـاه ؟ هلا لا بس كنت بطلع شوي اشم هوا
ضحك مشعل : ماراح اخليها بخاطرك امش يالله نقعد بالحديقه !
ابتسم تركي وطلعو وقعدو وبدو يسولفون بإندماج
تركي : اجل انت الكبير ؟
مشعل بضحك : لا انا واخوي التوأم نعتبر اصغر اثنين من بين العيال
رفع حاجبه تركي بدهشه : عندك اخو توأم ؟
مشعل : ايه بس تراه يختلف عني بالشخصيه حيل بس اللهم الشكل نشبه بعض !
تركي بعفويه : ماشاءلله كم عندك غيره؟
مشعل :من امي عندي صقر و الوليد اللي هو توأمي اما من عمتي الله يرحمها عندي اخو اسمه سيف بعرفك عليهم ان شاء الله
تركي وهو ينغزه قلبه : ان شاءلله
_
سيف
م حس الا بجواله يدق بهاللحظه ! رفعه بسرعه الا شاف رقم ابو ميهاف ابتسم
بخبث : تلعبين بالنار ي ميهاف !
رد بكل هدوء : الو !
ابو ميهاف وهو ماسك اعصابه : السلام عليكم
قعد سيف ع طرف الكنب : وعليكم السلام
ابو ميهاف بحده : وش قصتك انت؟؟ وش مسوي ببنتي؟
رفع حاجبه : وش قالت لك !
ابوميهاف بعصبيه : تمنعها عني وعن امها وصلت فيك انك تهين كرامتها !!! ليه وش قالو لك م عندها اهل !! تراها معززه ومكرمه قبل م تاخذها !!
تأفف بعصبيه : اسمعني !! ورقه طلاقها توصلني
اليوم قبل بكره !
ابتسم سيف : ابشر
رفع حاجبه ابوميهاف باستنكار من تجاوبه معه بسرعه قفل وتنهد !!
اما سيف نزل جواله بهدوء ابتسامته : تلعبين بذيلك ي ميهاف ! بس نشوف وش اخرتها
معك !
قام واخذ مفاتيحه وطلع من البيت اتصل ع صقر
ماهي ثواني الا رد : هلا والله ومسهلا الاخ سيف
يتنازل ويدق !
ضحك سيف : من قدك !
صقر باستحقار : لاتنفخ ريشك بس !!
سيف : المهم وينك؟
صقر : ابد والله ادور بالشوارع
سيف : حلو تعال عازمك ع كوفي نقعد فيه شوي
صقر بدهشه رفع حاجبه : تعزمني ؟؟ لالالا انت مو سيف
سيف : اسحب العزيمه يعني ؟
ضحك صقر : لا خلاص جاي م طمعت احد يعزمني الناس مشغوله اليوم !
سيف :طيب شرايك ب كوفي ****
صقر : ي شيخ اي كوفي م يهم حتى لو بالشارع
اهم شي فيه عزيمه !
سيف : خلاص الحقني هناك
صقر : حلو دقايق وانا جاي
سيف : اوك
وقفل
ركب السياره وحرك !
_
" بيت ابو صقر "
قام تركي وقام معه مشعل : ع وين ع وين !
تركي :والله تأخرت وامي تدق بروح اشوف وش تبي
مشعل بتنهد : اذا ع كذا مو مشكله خذ سيارتي وبكره عاد رجعها
تركي بدهشه : نعم ؟؟ لا والله مابـ..
قاطعه مشعل : والله عندي غيرها خذها وبكره رجعها يعني ليه مكبر السالفه؟ تراها م راح تقعد عندك ! بترجعها
عطاه المفتاح : خذ خذ بس وانت ساكت !
تركي : ليه كل هالحوسه بركب مع تاكسي ويوصلني لسيارتي !
مشعل : حتى ولو مافيه تكاسي عندنا ! خذ بس !
تأفف تركي بإستسلام واخذه : بكره كيف برجعها؟
مشعل بضحك : عادي تتدبر ي شيخ
تركي بتنهد : يالله مع السلامه
مشعل : فآمان لله
وطلع !
_
" عريب "
بلحظه م دخلت غرفتها بسرعه قفلت الباب واستندت عليه
حطت ايدها ع صدرها وهي تتنفس بسرعه ووجهها مخطوف
لونه من الفشيله ! : الله ياخذك ي عريب !! الله ياخذك
شافك وانت بهالشكل !! يمه بموت !!!
-
" بالمقهى "
سيف : قول لي اخبار ابوي ؟
صقر بتنهد : ابد بخير بس مختفي اليوم وامس
ماندري عنه بشيء
سيف : هو من بعد اللي صار بأمي مو ع وضعه!
صقر بحزن : الله يرحمها ويغفر لها يارب الا تعال الحين انت بعقلك
عقد سيف حواجبه باستغراب !!
صقر : بالله شلون بتصرف ع زوجتك؟ ياخي لاتقول الفلوس اللي عندي بتكفي حتى ولو ماراح تدوم لطول العمر اشتغل حرام دراستك ال٧ سنوات تروح كذا؟
تنهد سيف : هو انت م تمل من محاضراتك؟
ابتسم صقر بعناد ورجع ع ورا واستند وحط رجل ع رجل : لا !
كشر سيف : جايبك انا هنا حتى تنصح؟
صقر بتنهد : سيف ! لا و الله صدق اتكلم لمتى بتوقف حياتك عشان اللي صار ؟ قول لي ؟ اذا مقصدك ان
المستشفيات ماراح يقبلون فيك بعد الخطأ الطبي !
ف انت غلطان اللي صار ربك كاتبه ومقدره
عملياتك كلها ناجحه ماشاءالله بالعقل بتدمر حياتك عشان هالعمليه بس ؟؟
طالعه سيف بنظرات فارغه وبملامح يطغي عليها الهدوء !
صقر بتنهد قام : بروح للحمام
اومئ سيف براسه راح صقر
مرر سيف لسانه ع شفايفه قرب ورفع كوب القهوه
لشفايفه بهاللحظه قطع عليه صوت اشخاص بالطاوله
اللي جنبه يتكلمون
الشخص ١ : هذا هو !! الشخص ٢ : الا هو اللي اخطأ بعمليه امه توفت من شهر مو قلت لك السالفه اليوم الصبح امداك تنسى !!
الشخص ١ : وش هالصدفه الشينه ذي !!
الشخص ٢ : تخيل بعد سواد الوجه انحاش لبرا
وانقطعت اخباره معقوله م سمعت فيه؟ صارت بلبله بذيك الايام م بقت جريده م نزلت هالخبر!
اما سيف ببرود نزل كوبه بعد م ارتشف رشفه !
الشخص ١ بكراهيه : الله يقطعه وباقي عايش الكلب ليش م سجنوه يحسب ارواح الناس لعبه بين ايدينه ولابعد امه اللي ماتت بسببه !! الله اعلم ان كان هو
متقصدها عشان يحوش ع ورثها !
الشخص ٢رفع جواله بيلقط ل سيف صوره بهاللحظه
الا قام ببرود وتوجه لطاولتهم
ابتسم : مو كأنك مصختها شوي انت وهو ؟
الشخص ٢ : نعممم ؟؟ الشخص ١ : شفيك ي الطيب براسك حرش ؟؟ رفع سيف حاجبه بسخريه : بالضبط هذا اللي ابيه
الشخص ٢ : روح لا اكوفنك هنا ! جاي تهايط ع راسي ي الخايب !
عض سيف ع طرف شفته ودار بعيونه حواليه وهو يهز راسه بهدوء : حلو
بلحظه سريعه مثل لمحه بصر لف على الشخص ومسكه من ياقته بقوه وضرب براسه ع فم الشخص !
جمدوا الناس بحاله صمت مخيفه من الصدمه !
فزع الشخص ١ يحاول يبعد سيف اللي طاح فوق الشخص٢ ويضربه بكل قوته و الشخص ١ ابتعد وسحب السكين
بلحظتها ثاروا اللي بالمقهى بصراخ !
سيف وهو يغلي ويتنفس بسرعه مو واعي بنفسه
وماسك الشخص ٢ من ياقته بقوه بوجهه
اللي مليان دم من قوه الضرب !! اما الموظفين طلعو بصدمه من الصراخ
والازعاج واستغربوا من شافوا الفوضى اللي صارت!!
اما الشخص ٢ دف سيف ع ورا بقوه لين م تعثر وطاح ع الارض
جلس فوقه الشخص٢ وانفه ينزف من الالم من قوه عصبيته حط كل قوته
بسيف يضربه ورا بعض بدون اي رحمه
ولا حتى معطيه مجال انه يدافع عن نفسه !
قامو الناس اللي بالمقهى يحاولون يساعدون سيف
بس رفع الشخص الاول السكين بوجههم وبصراخ
هستيري : اللي يقرب والله لاطعنه والله !! جمدو بمكانهم وهم يشوفون المجزره اللي قاعده تصير !!
بلحظه م طلع صقر من الحمام وانتم بكرامه
وقف ع المغاسل وفتح المويه وهو يغسل ايدينه عقد حواجبه من الصراخ والازعاج اللي يصير
برا ! جمدت ملامحه بخوف
من سمع واحد يصرخ : فكه !!! ياااناس
امسكوه لايطعن الرجال !! ركض صقر بسرعه برا بخوف ووقف من شاف الناس متجمعين التفت حوله م يشوف
سيف ولا حتى يلمحه دف الناس عنه وهو يحاول
يوصل لطاولتهم بخوف قلبه ينتفض
اما سيف بهاللحظه من وسط الم وجهه اللي
تضرر من قوه الضرب وبالقوه رفع ايده
وضرب الشخص ٢ ع رقبته اللي صرخ
من قوة الالم حاول سيف يستغل وجعه ويبعده بهاللحظه بس كان هالشخص٢ اسرع
منه من قوه تهوره وعصبيته مثل البركان رفع راسه مسك كآس الزجاجي من ع الطاوله
ورفعه بلحظه وصول صقر
اللي بهتت ملامحه بهلع وصدمة وعيونه تتنقل بين الشخص٢ وبين سيف اللي غمض عيونه
بتعب وهو يحاول انه يستجمع طاقته !! بس م يقدر
صقر ركض ركض لسيف بصراخ
: ابعد عنه ي الكلب !!!!
بس تسمر بمكانه بسرعه من شاف الشخص١
يشهر السكين بوجهه : والله لو تقرب لاطعنك
والله !!
طالع فيه صقر بصدمه !! رفع عيونه الا
الشخص٢ هجم بايده اللي ماسك فيه الكاس
الزجاجي بقوه وهشمه ع راس سيف
بلحظتها جن جنون صقر
بصراخ هستيري بوسط هلع الناس بصراخ دف صقر الشخص ١
عنه بقوه بلحظتها هجمو عليه الشباب ومسكوه واخذو السكين منه !!!
اما صقر برعب ركض لسيف مسك الشخص٢ وسحبه بعنف وابعده ولف ع اخوه بصدمه والدم يغطي وجهه جلس ع رُكبه وكل خليه بجسمه ترجف من شوفه الدم يغطي
وجهه بنبره الرعب بصوته : سيف تكفى
فتح عيونك هييييه !!! سسسسسيف !!! وبصراخ هستيري مرعوب : سسسسسسيفف !!!
رفع ايده واسنده ع كتفه بسرعه ساعده واحد من الشباب واسنده ع كتفه وطلعو بسرعه
ركبوه السياره وطلعو على المستششفى باستعجال!!
_
" بيت ام سيف "
بلحظتها عقد حواجبه ابو صقر وهو يشوفها تطالع
وراه ! لف ع ورا باستغراب وبلمح البصر سحب نفسه عبدالعزيز ع ورا بجنب الباب وهو يتنفس بسرعه بخوف من ان عمه يلمحه!!
استغرب ولف ع الجوهره اللي ترجف بخوف !! ابو صقر بدهشه : وش جابك لبيتي !
عقدت حواجبها وبالقوه تنطق من الخوف : بيتـ..ك ؟؟
ابو صقر : كيف دخلتي ؟؟؟
الجوهره بخوف : والله م دريت انه بيـ..ـتك
ابوصقر بحده : كيف دخلتي قلت!!
بلعت ريقها بخوف : والله مـ..و قصـ..دي
طلع جواله : مافيه الا الشرطه يتصرفون مع اشكالك
بلحظتها جمد عبدالعزيز بصدمه
اما هي انهارت بخوف وترجي : لالا تكفى
رجيتك لا اترجاااااك استر علي والله والله العظيم عمي بيذبحني ! بيرجعوني لعمي ماابي
تكفى اترجاك والله اتعذب عندهم والله
راضيه تسوي اللي تبيه لو اقعد اخدمك تحت رجلينك والله راضيه بس تكفى لاتبلغ الشرطه بيرجعوني لهم تكفى !! بلحظتها نزل جواله بتأنيب ضمير وشفقه عليها : وش سـوا عمك؟
طالعت فيه الجوهره بخوف : بقـ..ولك بس تكفى حلفتك لا تـ..دق
تنهد ابو صقر : وشهو
بلعت ريقها وهي ترجف وتشهق وعلمته بكل اللي يصير لها باختصار !
اما عبدالعزيز طلع بسرعه وركب سيارته اتصل ع سيف بس م يرد ! تنرفز م لقى نفسه الا شغل سيارته وحرك !!
_
بعد ساعه
" المستشفى "
بعد م طلع سيف وهو متوجه للسياره ووجهه كدمات وطرف شفته مجروح يحس وجهه متجمد م يقدر يغير اتفعالاته حتى من الالم! مسكه صقر بيساعده
سحب ايده سيف : شفيك! ترا اقدر امشي !
صقر بقهر : ناقص انت مشاكل ناقص؟؟
صد سيف وزفر مشى ووقف تاكسي !
لف صقر عليه بدهشه : ليه تركب تاكسي ؟ سيارتي فيه
سيف : بروح للمقهى سيارتي هناك بركبها وبطلع للبيت
صقر : الحمدلله والشكر انا اوصلك !
سيف : لا ارجع للبيت انت
ركب سياره التاكسي تنرفز صقر منه لف وركب سيارته وحرك !!
-
" بيوم جديد "
العصر !
قدام العماره بلحظه م طلع ابو ميهاف الا وقف
لما شاف سياره الشرطه واقفه قبال العماره ونزلو
سألوه : السلام عليكم ي عم
ابو ميهاف : وعليكم السلام والرحمه
الشرطي : بنسألك ي عم تعرف واحد اسمه
احمد * * ! هو ساكن بهالعماره !
عقد حواجبه ابو ميهاف باستغراب : اي هذا انا!
الشرطي : تقدر تتفضل معنا لمركز الشرطه
ابو ميهاف باستغراب : ليه عسى ماشر !! الشرطي :هناك بتفهم كل شي ! تفضل معنا !
ابو ميهاف بشك وقلبه مو متطمن : طيب
ركب معهم !
_
" الساعه ١٢ الليل "
ميهاف باستغراب : طيب وش شغله ذا اللي فجأه !
ام ميهاف بتنهد : والله مدري ي يمه دق وقال
انه ماراح يرجع الليله للبيت لاننتظره عنده كم شغل برا الرياض
ميهاف : م قال لنا عنه طيب ! غريبه
ام ميهاف وهي تتثاوب : من متى ابوك يقول !
قامت ع حيلها : المهم ي يمه نامي وعيني من الله خير
ميهاف بتنهد : ان شاءلله
ام ميهاف : تصبحين ع خير
ميهاف : وانتي من اهله
دخلت امها لغرفتها بقت ميهاف ساعه تقريباً وهي تطالع
بالتلفزيون وتفكيرها كله محصور بسيف ! توقعته
بيقلب الدنيا عليها وبيهددها مثل كل المعتاد ! بس
هالمره هدوءه مخوفها ! تثاوبت بنعاس قامت
دخلت لغرفتها قفلت النور
انسدحت بفراشها ع جنبها اليمين
وتلحفت وبتفكير لمدهه الى م غفت عيونها للنوم!
وعت بإيد تمسح ع خدها بخفيف
توقعته حلم رفعت ايدها بتبعده عن وجهها
بس استقرت ايدها بوسط ايده جمدت
فتحت عيونها برعب وعيونها بوسعها
ع طرف وهي تحس احد وراها لفت ببطئ
م حست الا بسرعه البرق وهي ع ظهرها وهو فوقها ووجهه بوجهها بهتت ملامحها بخوف وصدمة وعيونها تتنقل
بين عيونه !!
قرب وهمس وانفاسه الحاره تلفح وجهها
وخصلات شعرها وابتسامه سخريه بخفه
ترتسم ع ثغره : توقعـتي اني بخليك تلعبين بذيلك ي ميهااف !!
انقبض قلبها بهاللحظه برعب !!
قرب اكثر وهمس ببحه صوته : بخليك تترجيني
ي ميهاف وتبوسين ايدي وجه وقفى اني ارحمك!
بتتمنين الراحه اللي بتختفي من حياتك !!
مسك وجهها ورصه بقبضه ايده : اولها !
وضحك بسخريه واستهزاء : انسي الامان دام ابوك بين زوايا السجن ..
نشفت كل قطرة دم بجسمها
حاولت تخلص نفسها منه والدموع تجمعت بعيونها رفع ايدينها وثبتها ع السرير ع يمينها ويسارها بايدينه
وجهه بوجهها قريب حيل م يفصل بينهم الا مقدار شعره بس !!!
نطقـت بكل رجفه وعيونها متعلقه بعيونه
وبصدمه : ابـ..وي
رفع حاجبه بسخريه وابتسم بخفه : ايه ابوك
ثم ضحك : اووه لايكون م قال لكم ان الشرطه
ساحبينه من قدام العماره !
طالعته بغصه !!
سيف : تذكرتي كلامي لما قلت لاتلعبين بالنار ي ميهاف
وهمس بتشديد : لأنها بتحـرقـــك !
انسابت دمعتها بضعف !
طالعها بشفقه : بشرط واحد راح اطلعه من السجن !
عقدت حواجبها بارتباك وخوف !
رفع ايده ومسح خدها بخفه بابتسامه جانبيه
بسخريه : ترجعين لي بنفسك !
جمدت بهاللحظه !!
سيف بإزدراء : وانتي اللي تقولين لأهلك انك فهمتيني غلط وحسيتي بالندم وبترجعين لي
فتحت عيونها ع وسعها ونطقت بحده :
مسسستححححيـ..
قطع عليها اصبعه ع شفايفها ليسكتها : اشششش !!! هالكلمه بتعرفين معناها زين
مع ابوك ! بيستحيل عليك شوفته !
اجتمع بقلبها مشاعر القهر والحقد والكراهيه !
انسابت دمعتها لتشق طريقها ع حدقه عيونها
بالبركان اللي يتفجر بداخلها وهي تشوف ابتسامته
اللي بكل استهزاء فيها ! قام بكل هدوء وانسدح بجنبها
لفت عليه وهي تحترق من داخل !! حط ايده تحت راسه يطالع بالسقف لوهله ثم لف
عليها بابتسامه : شفيك !!
ميهاف بقرف وقهر : ليت اللي ضربك وسوا كل ذا
اللي بوجهك كان قتلك وريحني منك
صد وضحك : لاتخافين حتى هم الدور جاييهم
قامت ولفت عليه وهي تتنفس بسرعه بعصبيه :وش تبي مني ومن اهلي !! وش تبي ابوي وش ذنبه ي المريض ي المجنون ؟
رفع ايده بيلمس وجهها بابتسامه : ليه زعلانه ذا درس بسـيط لـ..
دفت ايده بقرف عنها وهي تغلي وبتهديد
رفع اصبعها وعيونها بنظرات شرسه فيه : اسمعني !! اهلي خط احمر لا انت ولا عشره من اشكالك يتعدونه
تفهم اهــلي هم ححـ..
رفع ظهره عن السرير
وجـــــهـــــه بــــوجـــــهــــها انـــــقـــــطـــع صـــوتـــهـا
وايــــٰدهـــا مـتجـــمــده بالـــــهـــوا مــسـك فـك وجــهـهـا
وقـــربـها لـه حــيـل وهـمـس بـبـحه صـوتـه الرجولـيـه بـنظـرات
هـاديـه فـيـها : آنـا اهــلـك مــالك احـد غـيـري دآم
ان الـلي بأيـسـر صـدرك يخــصـنـي !
بـلحـظتها تمـردت دمعتـها من عيـونها اللي تـتـلألأ بالدموع بإنـكـسآر وضـعـف !
-
" بيادر "
بقهر سحبت عليه هاليومين وهي ميته
من الغبنه والفضول ليه كان مطنشها
امس ؟؟ حتى انه م كلف ع نفسه انه
يرسل ويسأل عنها !!! شعور يعور ويوجع
قلبها بتغيره المفاجئ!
سحبت مخدتها وانسدحت ونفضت فراشها
بقهر وتلحفت هاليومين هي بنفسيه
زي الزفت مو متقبله احد !! الا قطع عليها رنين جوالها فز قلبها
ولاشعورياً سحبت جوالها بسرعه رفعته
شافت رقمه اجتمعت براسها كل الافكار : معقوله حس ع دمه وندم !! بحنين وشوق ولهفه بداخلها كان كبرياءها فوق
كل شي قفلت الخط بوجهه وقفلت جوالها وحطته
ع الطاوله ورجعت انسدحت : هه يخسى اني ارد عليه !
_
نايف
ابعد الجوال عنه يطالعه باستنكار : قفلت بوجهي !!
ضحك : ي حلوها وياحلو زعلها
رجع اتصل لقاه مقفل تنهد بابتسامه : لو تدرين وش شاغلني بس ! ماراح تلوميني وقتها ي عيون نايف !
نزل من سيارته ودخل للبيت
_
" بيت ام سيف "
الجوهره وهي بالغرفه منطويه بزاويه السرير
تفكيرها كله محصور بالبارحه ! كيف انه
رحمها واشفق عليها وتركها بالبيت بعد م سمع
قصتها ! تنهدت بتنهيده طويله وهي تتذكر عبدالعزيز اللي سحب عليها وتركها ! استسلمت لحزنها
انسدحت وتلحفت بين خيبات امالها والمها
غمضت عيونها وبدا النوم يسحبها لعالمه
_
" تركي "
وهو يسولف مع ميعاد : عاد لو تشوفين القصر
والنعيم !! اوووه شي ثاني والله ماشاءالله
ميعاد بحماس : الله !! وش اسم عايلتهم بالله
يمكن قد سمعت فيه بالجامعه !!
تركي : مدري والله م سألت !
ميعاد : طيب يعني انت وذا مدري مين موظفين بنفس الشركه ؟؟
تركي : بنفس القسم بعد
ميعاد : خله يضبطك ي غبي !
رفع حاجبه باستنكار : لاوالله شقالو لك طماع مو شايف خير !!
تنهدت : شنسوي شايف الديون انت ! واقساط السياره؟؟
زفر بعمق : يفرجها الله
الا ابتسمت ميعاد : الا صدق م دريت عن ذي التعبانه ميهاف قطعها الله من هالارض
انحاشت من زوجها بعد م لهفت فلوسه شكلها !
جمد بهاللحظه وبهتت ملامحه بصدمه بفزه قلبه ع اسمها
: هااااه ؟؟
استعدل بجلسته بعدم استيعاب وبلعثمه
: تطـ.. تطلقت يعنـ..ي ؟
تنهدت وقامت : مدري بس جعلها تتطلق حتى تعرف كيف يكبر راسها وتنفخ ريشها عشان واحد !! وبالاخير طشها شكله يالله تصبح ع خير وراي
دوام وكرف وانت بعد لاتطول عندك دوام !
طلعت وتاركته وراها بوسط دهشته مو مستوعب !!
سيف وميهاف "
بضيقه نزلت راسها وايدها واجهشت بالبكا بهاللحظه !
بتفكيرها بأهلها وكيف حياتها تتدمر
بس بسبب شخص !!! كيف اضعفها !! كيف امتص
قوتها !! كيف هي مهزوزه بسببه !! طاحت دمعتها ع كف ايدها بحاله صمت ببكاها
ماعاد فيها الحيله انها تتحمل كلامه وذله لها بس
عشان قلب عاشت بسببه واحياها !
رفعت عيونها لهه وبهمس وببحه قاتله : ليـ..ـه
تبـ..ـي تقتل فيني الحياه !
عقد حواجبه بهاللحظه وعيونه تتنقل بعيونها!
همست بغصه من بين دموعها : لــيه الرحٰمه منزوعه من قـ..لبك ؟
طالعته بانكسار بعد صمت بينهم اردفت :
اكـ..ره نظرات اللذه بإهانتي وذلّي اللي بعيونـ..ك
اكـ..رها ! اكــرهها
بدأ يرتفع صوتها ويعلى : اكـــــرهـــــا
انفجرت بهاللحظه مثل ثوران البركان
: اااااانت وشش تبـ..ـي مممنني ؟؟ وشششش تتتتتبيي
قامت ووقفت ع حيلها وهي تطالعه بقهر
وصوتها اللي بنبره واطيهه حتى م تقوم امها
بس يعبر عن عصبيتها : ماخليتني اعيش حياتي !! دمرت كل شي فيني !!! كل شي !! تبيني ملك لك !! تبي تتحكم فيني
تمشيني ع هواك !! تبي تستمتع بالذل
والاهانه تبي تشوفني كل ليله ابكي
واتقطع من البكى عشان كلامك الزفت !! عشان ضربك !! عشان جبروتك !! انت وش هو انسان ؟ متأكد انك بشر!! متأكد بين ضلوعك قلب يحس ؟؟؟ انا كل شي خسرته بسببك!! كل شي !! اهلي صديقاتي احلامي
طموحاتي كل شي مابقى لي احد بسببك المصايب تطيح ع راسي ! احس بالضغط كل شي
علي !!! مو انا اللي سرقت قلب امك !! مو أنا ..
قعدت ع طرف السرير وهي تدفه بقهر وعصبيه
: أنت خليتني وحيدة !! كل اللي حولي فكروا فيني بغلط !! انقلبت حياتي لجحيم !! مااابقى لي احد
تضربه بايدينها ع صدره وهي مهزوزه
ودموعها تطيح و وجهها مايل للاحمرار : مابقى لي احد ..
مسك سيف ايدينها وثبتهم
ع صدره وعيونه بعيونها
وهمس ببحه : انا اللي بقيت لك ..
وهي تتكلم بقهر مو مستوعبه نفسها ولاحتى
سمعته : مابقى احد كلهم راحو عني محد بقـ..
سحبها لحضنه بقوه وقاطعها بنبره عاليه يغطي ع صوتها باصرار
وتشديد : اناااا بااااقي !! اناا الوحيد الباقي لك
انقطع صوتها بهاللحظه بضعف يسيطر ع جسمها
انهارت كل قوتها وهي بين ضلوعه
استقرت م حست الا هو منسدح ع ظهره
وهي بحضنه لحفها معه ..
.
يدري انه يقسى عليها ويدري انها م تطيقه ! بس حنينه وشوقه لأمه يعمي عيونه ويحقد بقلبه عليها !
لو رجع فيه الوقت لورا ! كان ممكن امه تعيش
لو م اخذو قلبها !! كان عنده امل ! بس خاب من
درى تدمر كل شي فيه من وفاتها !
غمض عيونه وسحب نفس عميق لداخله وزفر
بزفره طويله وهي تتقلب بمخيلته ذكريات مأساويه!
اما هي بكل انكسار وضعف يسيطر ع جسمها
كل قوتها تبخرت بعصبيتها ع كثر م كانت معصبه بكلامها العشوائي الا انها موطهه صوتها حتى م تسمع امها !!!
غفت عيونها ونامت بتعب وارهاق !
اما هو بقى بتفكيره اللي يحاصره من كل جهه !! رمش ببطئ الى م نام بدون م يحس ع نفسه !!
_
" بيت ابو صقر "
بغرفه صقر
الوليد بدهشه : اااي وش سويت انت؟
صقر وهو يبدل : رفض اني اوديه لسيارته ! سحب علي وركب التاكسي وراح
مشعل :ياخي كأنه شي جديد عليه ! من يومه هذا سيف عنيد !
الوليد : والله قاعد يدمر نفسه يبي له احد يقوم عليه
صقر بتنهد : اخ بس لو ابوي يحن قلبه عليه ويكلمه
مشعل بحزن : م ظنتي والله ! خلاص اللي انكسر م يتصلح
مشعل : شرايك بالله اننا نكلم ابوي ونحاول انه خلاص يرضى ع سيف ويقتنع ان كل اللي صار هو مقدره ربي !
صقر : اقول والله بتلحق سيف لا تكلمت مع ابوي !
_
" ٧:٣٣ الصباح "
عفست وجهها ميهاف بانزعاج من دقت امها للباب : يمه ! ميهاف افتحي الباب تبيتس ام يوسف
فتحت عيونها بخفيف عقدت حواجبها ..
وشهقت بقوه وقامت وفز سيف بهاللحظه!
ميهاف بعيونها ع وسعها تطالعه بصدمه !
ام ميهاف باستغراب من شهقه بنتها : شفيتس ؟؟ لفت ميهاف ع الباب بارتباك : لا ولاشـ..ـي
خلاص روحي بجي انا
ام ميهاف :اسمعي بروح مع محمد بنجيب فطور
روحي اصعدي لام يوسف انتي !
ميهاف بارتباك: طيـ..ب
و لفت ع سيف اللي تنهد يمسح عيونه بايده
اليمين وايده اليسار متكي فيها ع السرير
ميهاف بحقد وهمس : شجابك عندي انت !! ليه قاعد ليه !
رفع عيونه لها وابتسم وهمس ببحه رجوليه : م تبيني !!
كشرت وصدت انتظرت الى م على صوت امها : يالله انا طالعه
ميهاف : طيب
بعد م قفلت امها الباب طلعت ميهاف تأكدت ان امها طلعت
قفلت الباب بعدها ولفت ع سيف اللي طلع من الغرفه
اتكئ ع ايطار الباب وابتسم بخفه : م اشتقتي للشقه فوق ؟ خلينا نفطر هناك!
توسعت حدقه عيونها بدهشه : وش فطوره سيف اطلع !!
عقد حواجبه : افاا ! شفيك؟
مشى لها بكل هدوء وهي رجعت ع ورا وهو كل ماله يتقدم لها ..
استجمعت شجاعتها ووقفت للحظه
م وقف قبالها : انتي لاتعانديني ! ارجعي معي واطلّع ابوك !
اجتمعت الدموع بعيونها بلحظه م ذكر ابوها !
نطقت برجى وغصه نقطه ضعفها اهلها !
: الا هـ..و تكفى ! والله ماله ذنب اهلي وش دخلهم!!
سيف : لاتعادنيني اجل ! خلينا نفطر ونرجع ع البيت
ورفع ايده : بس بالاول بتقولين لهم انك ندمتي
وخلاص تبيني وتبين ترجعين لي
كشرت بضيق !!
سيف : لو انك بقيتي عاقله وقعدتي عنـ..
م كمل جملته حطت ايدها ع شفايفه وبقهر : خلاص اسكت لمتى بتقعد تذلني !!!
ابتسسم ومسك ايدها ونزلها عن شفايفه : م اذلك !
رفعت حاجبها باستنكار : لاوالله ! هذا وش تسميه!!
سيف بضحك : عقاب لعنادك
كشرت بزعل وحلطمه !
ثواني والباب دق !
فز قلبها بخوف لفت ع الباب ثم لفت عليه
وبهمس وهي تدفه : ادخل للغرفه بسرعه
ابعد ايدينها عنه : تراي زوجك ! وين المنكر بالموضوع
نطقت بقهر : تستهبل ادخل بسرعه !!
بس جمدت كل خليه بجسمها ع صوته
لما نطق : مييهاف ؟؟ لفت بفجعه ع الباب : تركي ؟
تركي وهو ع الباب وبتوتر ممزوجه بفرحه من سمع صوتها
: ميهااف ! اسمعيني !
رفع سيف حاجبه بإستنكار من وقاحته!!! لفت ع سيف بإرتباك من رده فعله !!
تركي : بقولك بس هااكلمتين وبمشي !
لفت ومشت للباب وهمست : تكفى مابي مشاكل
روح !
ابتسم ع صوتها ونبرته ! اشتاق له قطعه حنينه
لهالنبره ارتخت اكتافه والشوق مالي قلبه :
بس بقـول اني اشتقت لـك وصدقيني اول م تخلصين عده الطلاق بآخذك ! انتي لي ! مستحيل بياخذك احد غيري !!
نشف الدم بجسمها حست قلبها بيتوقف من صدمتها ومن كلامه !!
تركي : ادري ابوك مو فيه قابلت امك قبل شوي
وعلمتني ! ماقدرت اصبر والله ماقدرت ماعندي رقمك ولاشي حتى ارسل لك واعلمك شكثر فرحتي لما دريت برجعتك ليه تروحين وتخليني ؟؟ انسابت دمعتها بهاللحظه من كلامه ! من نبره صوته اللي وضح فيها الشوق والعتاب حتى !
اما سيف لف ب عيونه لميهاف اللي اجهشت بالبكى عض ع طرف شفته بإستفزاز من وقاحه تركي
مشى بسرعه مسكها ودفها عن الباب وبيفتحه بس لحقت ومسكته من ايده
وسبقته ووقفت قدام الباب بصدمه ووجهها بوجهه بخوف ..
سيف بإزدراء ونرفزه : اذا انـ..
حطت ايدها ع فمه بسرعه وبهمس : اصص !!
تركي : ميهااف ؟
ميهاف بحده : تركي روح مابي مشاكل !
تركي : طيب بس ابـ..
قاطعته بقهر : تركي روح قلت !!!
تنهد وهمس : اوك براحـ..تك بس انا موجـود وبنتظـرك وراح ..
تنرفز سيف بقهر وهو بيدفها بيلحقه
بس مسكته بقوه وهي تترجاه بهمس : مو ناقصه مشاكل تكفى ..
سيف بعصبيه : عاجبك هالمهزله !!
لفت وسحبت المفتاح من الباب ولفها عليه
ميهاف بقهر : تبي تتهاوش انت شايفني رديت عليه؟
سيف : يكفي انك بكيتي عشان هالكلام !!
جمدت بهاللحظه بغصه !!
سيف : انا مو رجال لا سكت عنه دام انه تجرأ ومس عرضي !!
عقدت حواجبها : عرضك ههيييه ! اصحى على نفسك اصحى !! انا مستحيل اكون لك مستحيل اني احبك !
مستحيل ان قلبي يميل لك !! صدقني حتى غيرتك ذي اشمئز منها !!
رفع حاجبه بسخريه !! : نعم؟؟
ميهاف وهي تنتفض بقهر وحقد : انت غلطان !! لاتحسب اني مثل وصايف تملكتها بكم كلمه وبكم فعل لاتحسب اني مثل غباءها وضعفها !! صدقتك وانجرفت وراك ولما شبعت منها دفنتها
ودثرت هالحب اللي اوهمتها فيه !! لو انك تخاف ع عرضك ع قولتك وهمك اهلك والناس اللي لك وتعتبر عرضهم من عرضك ! كان اهتميت فيها وخفت عليها !! والا هي مو من عرضك ي دكتور سيف ؟ لاتتفسلف بكلام انت مو قده ولاقد معناه !
رمت المفتاح قدامه بعصبيه ومشت ودخلت لغرفتها وضربت الباب بقوه !
رفع حاجبه بإستنكار من كلامها ! نزل راسه وابتسم بسخريه : بوريك كيف اني قده ي ميهاف احمد !
لف لعندها وفتح باب غرفتها بينطق بس سكت لما شافها تلبس عبايتها وباستغراب : ع وين؟
لبست عبايتها ولفت طرحتها ثم لفت عليه : ع البيت ! ليه م تبيني ارجع !!
رفع حاجبه باستنكار : تمزحين؟
صدت لما حست دموعها بتخونها اخذت شنطتها وحطت جوالها فيه ولفت وهي بتمشي من جنبه وتطلع بس مسك
ايدها ووقفها رفعت عيونها له بلحظه م نطق : وش اللي غير رايك؟
همست بحرقه : ولاشي
طلعت تنهد دخل اخذ مفاتيحه وجواله وطلعو من العماره مسك سيف ايدهاا !
لفت ميهاف عليه باستغراب
وقف واتسعت ابتسامته رفع ايده يعدل نقابها
ثم رفع عيونه بسخريه لتركي اللي وهو يغلي من القهر والصدمة من بعيد !!!
عقدت حواجبها باستغراب : فيه شي نقابي؟
ضحك وصد : لا
مشى للسياره فتح الباب لها رفعت حاجبها بدهشه
وهي تطالعه : انت فيك شي ؟
ابتسم بهدوء وهز راسه بنفي !
تنهدت ولفت وركبت ! قفل الباب ومشى بكل
برود وعيونه ع تركي م شال نظره عنه فتح باب
السياره وركب وحرك !
وابتسامته م فارقت شفايفه ! وهي تطالعه باستغراب
شفيه يضحك ومروق اقل شي كان يهاوشها ع كلامها
وع اللي صار قبل شوي !! ضيقت عيونها بشك : ليه مبتسم ومروق ؟
بقى ساكت لثانيه ثم
نطق : اسمعيني اعزمي خواتي وامي منيره !
ولف عليها : وخالتي وحريم اعمامي عندنا بالبيت بكره دام انه جمعه !
توسعت حدقة عيونها
بدهشه : نعمممم !!
صد بعيونه للطريق : شفيك ؟
تعدلت بجلستها بصدمه : شلون انت وش قاعد تقول كيف شايف وضعنا ؟
وقف عند الاشاره بعد م صارت حمرا ولف عليها واستند ع ورا وابتسم وهو يطالعها : شفيه وضعنا؟
ميهاف وهي بتنجلط من بروده : سيف لا تخليني استخف بسببك !! ع وشهو اعزمهم !!! المطبخ فاضي !! وماعندي اغراض حلا ولا شي !!! العزيمه ذي يبي لي اسبوع اجهز فيها
انا حتى لبس م عندي !! لاتجلطني !! مو وقته !! ماراح اعزم !
ميل شفايفه ببرود: عادي نمر السوق الحين وتقضي باللي ناقص !
فتحت عيونها ع وسعها : أنت تحسب الموضوع بهالبساطه !!
سيف : ربي م كثر الا محلات الحلويات والفطاير وفيه اسر منتجه !
ميهاف بقهر : وش هالبرود اللي فيك ؟ خلاص اجله خله الجمعه الجايه
صد وطلع جواله : بكون مسافر !
تنحت بعدم استيعاب : مسافر ع وين ؟ وليه ؟ سيف : لاتكثرين اسئله!
كشرت بحلطمه وقهر : لا تعزم ! خله بعدين طيب مو لازم الحين ! تونا متزوجين معاريس م كملنا الا شهر ونص !!
لف عليها وابتسم : عجبتني كلمه متزوجين !
عضت ع طرف شفتها بقهر صدت وهي تغلي !! حرك السياره وهي ساكته وتتأفف !
اما هو كابح
ضحكته عليها من عصبيتها!!
وقف قدام المول عقدت حواجبها ولفت عليه
بحلطمه : انت ليه تعاند !! ليه !!
سيف وهو يشيل جواله ويطلع مفتاح سيارته : انزلي نفطر وبعدها نتسوق
تغيرت نظراتها لاستعطاف ورجا مسكت ايده : سيف ! اترجاك اترجاك اجلها والله العزيمه غلط ! البيت يبي له ترتيب وتنظيف وحلويات وناقصتني مواعين تقديمات !
سيف : ميهاف !
فتحت عيونها بتأمل : لبيه !
سيف : افتحي الباب وانزلي يالله
كشرت بقهر : اووووف !!
لفت وفتحت الباب ونزلت ونزل معها يضحك ..
ماتدري ليه حتى انها تكلمه وهي تكرهه !! ودها لو انها تجيب راسه !بس كرهها له يعمي عيونها وتقلب شياطينها عليه ! تنهدت وهي تطالعه بحقد وهو يمشي
قدامها ! كان فيه مطعم جانبي وقف لف عليها ووقفت هي
سيف : تبينا نفطر هنا
بقت لثواني تطالعه ثم همست بهدوء : اي عادي !
عقد حواجبه من هدوءها م اعطى الموضوع اي اهميه
لف ودخل ودخلت معه قعدو ع الطاوله بالزاويه
بعيد ومغلق بعد م طلبو الفطور وهم يفطرون
قطعت ميهاف حبل
هالصمت بنبره هاديه : سيف !
رفع عيونه لها : هلا !
نزلت الكوب وهمست : ابي اقولك شي !
استند ع ورا : اللي هو ؟
بلعت ريقها ثم نطقت : الكـ..لام اللي قلته بالبيت عن عـ..رضك
سيف : شفيه ؟
نزلت عيونها لجزء من الثانيه بوسط انظاره فيها !
ثم رفعت عيونها له ونطقت ونظراتها تتنقل
بين عيونه : اسـ..فه ع هالكلام ! م كان قصـ..دي
من العصبيه م وعيت بنفسي
رفع حاجبهه لثانيه ! ثم ابتسم وقرب ورفع كوب الشاهي لشفايفه : م يهم كملي فطورك ورانا مشاوير !
تنهدت وكملت فطورها ورجع الصمت يكون سائد
بينهم !
طقت من جديد بنبره هاديه وبارتباك : سيف!
تنهد وضحك : هااه ي ميهاف هاه ! شكلك ماراح
تخليني افطر زي الخلق !
تصنعت الابتسامه :لا شدعوه ! بس ابي اقول شي
سيف : ي كثر اقوالك بهالصبح؟؟
ميهاف بنبره استعطاف وحزن بعيونها : ابـ..وي !
رفع حاجبه وتغيرت ملامحه لجمود : شفيه!
ميهاف بضيق : هو صدق بالسـ..جن ؟ والا انت تكذب علي ؟
طالعها لجزء من الثانيه ثم زفر وهمس : وش مصلحتي من الكذب؟ تبيني اخذك لعنده حتى تتأكدين؟
طالعته بحزن وهمست : لـ..لا ، كيف سجنـ..وه ؟ انت مشتكـ..ـي؟
تنهد ببرود : ميهاف ؟ كملي فطورك
ابعدت صحنها ورجعت ع ورا بهدوء وصدت : مابي
مالي نفس ! خلنا نقوم
تنهد وقام : براحتك
حاسبو وطلعو للمول يتمشون بين محلات الفساتين
والشوز " يكرم القارئ "
دخلو محل فساتين راقي ! بدت تدور لها ع فستان
الى م حصلت لها اثنين كان ع ذوق سيف لها !
م اعطاها مجال حتى انها تمانعه ! غصبها وخلاها
تدخل لغرفه تبديل الملابس وكان المحل مافيه الا هم الاثنين
والبايع !
بلحظه م كان ينتظرها سيف ! قطع عليه رنين جواله
عقد حواجبه وطلع برا المحل ورد ع الرقم الغريب : آلو !
المجهول بصوته الغليظ : سيف عبدالله المقرن !
رفع حاجبه سيف بإستغراب : مين؟!
ضحك بكل برود المجهول : محضر لك مفاجأه بتعجبك!
زاد من تعقيده جواجبه ! لحظتها لف بسرعه ع ورا لما باب المحل قفل وهي داخل جن جنونه ..
ابتسم المجهول وبهدوء وسخريه : باقي م شفت شي ي سيف بن عبدالله !
وقفل الخط بوجهه
ركض سيف بسرعه لباب المحل دخل جواله بجيبه
ورفع ايده يضرب الباب بقوه
وبصراخ هستيري : افتحه !!
" ميهاف "
كانت بغرفه القياس شكت لما سمعت شي يقفل
فتحت الباب وطلت براسها شوي استغربت لما شافت الباب يتقفل وماهي ثواني الا بالباب ينضرب
بقوه شهقت بخوف رجعت ع ورا وقفلت الباب بسرعه
لبست عبايتها وهي ترجف ولبست نقابها
طلعت جوالها من الشنطه دقت عليه
وقتها هو كان يضرب الباب بعصبيه وكل الافكار السوداويه اجتمعت براسه !!
قطع عليه رنين
جواله تجاهله بكل خوف عليها تنرفز من رنين جواله طلعه بيقفله شاف رقمها فتح عيونه بدهشه !! ابتعد ع ورا ورد عليها بسرعه : الوووو !
اول م وصل لها صوته حست بالارتياح لو شيء بسيط وبنبره خوف مرعوبه : سـ..يف !! شصـ..ـاير ؟ انت داخـ..ل ؟
التفت حوله وهو يحاول يفكر ويبي يطمنها : اسمعيني باب المحل قفل بالغلط !
مشى بخطوات سريعه لورا من ممر ضيق : بيفتحه السكيورتي بعد شوي !
شكت بكلامه وبهمس : انت تكذب صح !! انا شفته يقفل الباب بنفسه !! سيف شصاير !
تكفى تكلم!!
سيف بحده وباستعجال : اسمعيني ابقي ف غرفه القياس وقفلي
الباب لين م ينفتح المحل !! لا تقفلين الخط خليك معي !!!
فتح الباب الخلفي ودخل بسرعه وعيونه تتنقل ع غرفه المخزن الواسعه !! وهو بيشغل الانوار الا قطعت عليه : انفتح
عقد حواجبه : وشهو ؟؟ المحل قصدك !!
ميهاف بارتباك : ايه فتح تعال بسرعه ماقدر اطلع لحالي
طلع من غرفه المخزن بسرعه وباستعجال رجع
للمحل ودخل قفل الجوال توجه لصاحب المحل
وهو ينتفض من العصبيه رفع صاحب المحل الجوال له وبارتباك : كلمه !! سحب سيف الجوال منه بعصبيه ورفعه لاذنه
: مين !!!
المجهول : صاحب المحل ماله اي دخل بالموضوع !
فلا تفرد عضلاتك عليه !
سيف وهو يغلي بقهر : مين انت تكلم !!!
المجهول : هالمره كانت بس تعريف بسيط للي بسويه فيك ي سيف بن عبدالله !! صدقني ماراح تتهنى بحياتك !
م امدى سيف ينطق الا قفل المجهول بلحظتها
انفجر سيف بعصبيه رمى الجوال ع الارض
بقوه !!
اما ميهاف طالعه بس جمدت بمكانها لما شافته بحالته الهستيريه من العصبيه ..
ضرب سيف ايده ع طاوله الكاشير وبراسه الف سؤال وسؤال عن هالشخص الغامض !!! لف بنظراته و وقف لما شافها واقفه من بعيد تطالعه
مشى لها مسكها من ايدها وسحبها معه وطلعوا
عقدت حواجبها بخوف وهي تطالعه : شفيه ؟
م لف عليها ولاطالعها : ولاشي
مشو للكراسي ترك ايدها وقعد قعدت بجنبه وهي تطالعه بارتباك !
زفر بعمق حط ايده ع جبينه وتفكيره محصور بهالشخص كيف تجرأ انه يمس حياته ! ويكون له تهديد !!! غمض وتنهد بتنهيده طوويله بوسط نظراتها فيه !
صدت وتنهدت وعيونها تتنقل بين المحلات وبتفكير باللي صار !! مو مصدقه كلامه ان الباب قفل بالغلط !
متأكده ان صاحب المحل قفله ! شافته بعيونها !
_
" بالشركه "
مشعل وهو ع المكتب ويقلب بالملفات بين ايدينه !
على دخول تركي بدون نفس : سلام
مشى وقعد ع الكرسي بتأفف !!
عقد حواجبه مشعل باستغراب :وعليكم السلام ! شفيك ؟
طلع الاوراق من الدرج : ولاشي
مشعل : علينا شوي وبتقلب المكتب فوق وتحت من طنقرتك ! شسالفه شصاير؟
تركي : ولاشي !
قام : بروح اجيب لي كوفي يصحصحني شوي !
مشعل : اي والله ياليت ! لانك كئيب اليوم صراحه ..
تنهد تركي وطلع
_
" بيت ابو صقر "
وهم ع طاوله الطعام يفطرون !
ام صقر : تبيني اصب لك ؟
ابو صقر بسرحان وباله مشغول !
ام صقر :ابو صقر ؟ ي ابو صقر !!
رفع عيونه وهو توه يستوعب : هلا
ام صقر : افا وين سرحت تبيني اصب لك حليب ؟
قام : لا مابـ..ـي!
ام صقر : افااا م افطرت !
ابو صقر : شبعت عليكم بالعافيه !
طلع وصعد لفوق بوسط استغرابهم !!
_
" ميهاف وسيف "
لفت عليه بعد الصمت اللي هم فيه !
همست : نرجع للبيت اذا انك تعبـ..ـان
رفع راسه : لاخلينا نتقضى ونرجع
تنهدت : اجل هالعزيمـ.. قام وقاطعها بحده : ماراح تتأجل اخلصي !
تأففت بقهر وحقد قامت معه يكملون تسوق !!
الساعه ٥ العصر!
بعد م رجعو للبيت !
نزل سيف الاكياس من السياره وهي تساعده
عطاها الاكياس الخفيفه وشال الثقيله عنها بعد م دخلوها
مشت ميهاف بتعب انسدحت ع الكنب وزفرت
: يااااربي
اما هو قفل باب البيت ومشى وقعد ع الكنب
رفع عيونه لميهاف اللي تعبانه بإرهاق من السوق
سيف : خذي جوالي ودقي ع امي منيره
عقدت حواجبها : ليه
سيف بنظرات ازدراء : عشان العزيمه !
تنهدت بضيق اخذت الجوال بقهر بعد م دق عليها وحطه سبيكر
اردت ام صقر : ي هلا والله ومسهلا بوليدي
ابتسمت ميهاف : هاذي انا ميهاف ي خاله !
ام صقر باستغراب : ميهاف ؟؟ هلابتس بنيتي
شخبارتس ؟
ميهاف : بخير والله وانتي ؟ طمنيني عنك وعن البنات!
ام صقر : بخير ي يمه دامتس بخير !
رفعت عيونها تطالع بسيف ثم نطقت : خاله حياك بكره انتي والبنات ع القهوه عندي بالبيت
ام صقر ببشاشه : ماشاء الله توتس ي يمه عروس
وراه مكلفه ع عمرتس بالعزايم
ميهاف بابتسامه وهي ميته قهر بداخلها
: شدعوه نبي نجتمع ونوسع صدرنا
ام صقر : صدقتي والله يازينها اللمه متى ع خير ؟
ميهاف بربكه تلعثمت : مـ.. اشر لها سيف : المغرب !
عقدت حواجبها وهمست : المغرب يقول !! وبققت عيونها ع زله لسانها : المغرب اقصد
ام صقر بضحك : ان شاء الله على خير
اشر لها سيف وبهمس : علميها تعزم خالتي وحريم اعمامي
كشرت ميهاف بغيض وابعدت الجوال وحطت ايدها ع السماعه : ياخي غصب تعزمهم؟؟ خلها مختصره
سيف بعناد : ميهاااف!! تأفف بقهر : طيب اووف !
شالت ايدها عن السماعه : الو خاله !
ام صقر : معك وين غديتي
ميهاف بابتسامه مجامله : معليش الابراج زفت ! الا خاله اذا ماعليك امر ممكن تعزمين خاله سيف
وتعزمين ام بندر وحريم اعمام سيف ! معليش ماعرف اساميهم ولا عندي ارقام لهم !
ام صقر باستغراب : تبين تعزمينهم ي يمه ! تكلفين ع نفستس
لفت ميهاف بغيص تطالع سيف وهمست : سمعت !! تنهدت ولفت : لاشدعوه مافيه كلافه بس ابي اتجمل معهم اعزميهم بالنيابه عني وقولي لهم ماعندي ارقامهم اذا مافيه كلافه ..
ام صقر : ابشري ي يمه م يصير خاطرتس الا طيب ..
ميهاف : تسلمين م تقصرين يالله فآمان لله
ام صقر : بحفظه ي قلبي
وقفلت
لفت عليه بغيض : ارتحت ! اسمع ومالي شغل ماراح استقبلهم بكره الا امي موجوده عندي !
قام واخذ الجوال :جوالك معك دقي عليها واعزميها ..
فتحت عيونها بدهشه انه وافق قامت ولحقته : صدق !
مشى وهي لحفته بس صقعت فيه لما وقف فجأة ..
رجعت ع ورا بخطوه ورفعت راسها باستغراب
ليه فجأه وقف !! نزل راسه وغمض عيونه رفع ايده يضغط ع جبينه !
وانحنى بظهره !
شكت بهاللحظه فيه ! مشت بخطوات هاديه باستغراب
وشك وقفت قباله تطالعه !! ميلت راسها بشك : شفـ..يك؟
حرك راسه يحاول يشتت هالالم فتح عيونه ورفع راسه لها طالعها لجزء من الثانيه صد ومشى بخطوات
بطيئه ! لفت عليه لما تعداها وصعد لفوق
عقدت حواجبها باستغراب : شفيه هذا !! ميلت فمها وهزت اكتافها بعدم مبالاه : وش علي منه انا؟؟ بالطقاق !
مشت واخذت جوالها وقعدت ع الكنب ودقت على امها
_
" ام صقر "
بيادر باستغراب : احس العزيمه وقتها غلط !
عريب : خلوكم من ان وقتها غلط ! انتم تدرون وش صاير بالمخيم لما فشلها سيف قدام الكل !! يعني والله احس صعبه انها تعزمهم وتحط عينها بعينهم !! انا لو منها
عزلت نفسي عن الناس بعد اللي صار !
ام صقر : لا والله وش له تعزل عمرها عشان سالفتن م تسوى اللي صار صار ! وهو حس بغلطه واعتذر للبنيه ترى حياه الزواج ماهي كلها حلوه ! لزوم فيها مراره !
ماش انتي شكلتس من اول ليله بتتطلقين وبترجعين وتدبلين كبدي !
عريب بحلطمه : يوه يمه وراه تتفاولين علي ! شدعوه
بيادر : الله يعينها كيف بتجهز قهوه وعشى ؟
ام صقر : اكيد تبي تعشيهن ! عيب قهوه بس !
بيادر : الله يعين
قامت ام صقر : يالله بروح اوصل للربايع العزيمه ..
عريب : وصلي جعل محدن يوصل غيرتس وصلي
_
" سيف وميهاف "
بعد م قفلت من امها قامت وتنهدت وصعدت لفوق دخلت للحمام وانتم بكرامه ! اخذت شاور سريع
طلعت وهي لابسه الروب وشعرها الطويل المبلول
كله ع كتفها اليسار وقفت ع التسريحه وهي ترطب ايدينها باللوشن مشت فتحت الباب
طلعت لفت وهي بتنزل لتحت حتى تشغل البخور
بس اصطدمت فجأه بصدره وهو صاعد !! رفعت راسها وتعلقت عيونها بعيونه لحظتها فهى فيها
بلعت ريقها بارتباك لفت بسرعه بإنحراج
بس هو مسك ايدها وهمس : دقيقه ميهـ..ـاف
لفت عليه بتوتر وهي تشوفه يتفحصها
بنظراته وكأنه اول مره يشوفها !!
-
"الشركه "
بعد م طلعو تركي ومشعل !
مشعل : م ودك نروح نتغدى بمطعم!
تركي بتعب وبدون نفس: لا والله مو مشتهي شي
بروح انام
مشعل بتنهد : اوك روح يمكن تصحصح شوي
اليوم انت تجيب الكآبه
ابتسم تركي بابتسامه باهته ومشى وركب سيارته وحرك !
اما مشعل بلحظه ماهو فتح باب سيارته
الا قطع عليه رنين جواله طلعه من جيبه شاف رقم الوليد ! ركب سيارته وقفل الباب ورد : الووو
الوليد : حي الله من سمع هالصوت ي هلا ي مرحبا
مشعل : لالالا عندك شي اكيد !!
الوليد : وينك انت؟
مشعل : توي طالع من الشركه ! انت توك قايم هاه؟
الوليد : يس بيبي المهم والله ميت جوع وتوي طلعت من البيت ! اذا انك م تغديت ! امش نتغدى سوا
مشعل بدهشه : اوووه الوليد بن عبدالله يعزمني !! صدمه وش صاير بالدنيا !!
الوليد : يالله اخلص تبي تتغدى معي والالا ؟
مشعل : ماقول لا يالله وين ؟
الوليد : اسمع تعرف مطعمم *** خلنا نروح
نتغدى هناك و ...
_
" سيف وميهاف"
استجمعت شجاعتها من بين توترها : شفيـ..ـه ؟
طالعها لجزء من الثانيه ثم همس : كلمتي امك ؟
عقدت حواجبها وهي تطالعه !! همست : ايـ..ـهه
سيف : بتجي ؟؟
شكت من اسئلته وكأنه يماطل فيها حتى م ترجع !
نطقت : ايه ومن الظهر بعد حتى تساعدني
استند ع الجدار وهو يطالع فيها !
نزلت عيونها لايده اللي ماسك فيها ايدها ثم رفعت
عيونها له بغيض من حركته : تبي شي مو فاضيه انا حتى تطالعني وتخزخزني بهالنظرات!
عقد حواجبه وابتسامه خفيفه ع شفايفه !
تأففت منه وهي بتلف وترجع الا شد ع ايدها اكثر
لفت عليه وهي عاقده حواجبها وبحلطمه : شفيك ؟
همس بهدوء : ابوك
توقف قلبها بهاللحظه بخوف
انخطفت ملامحهااا !! وبرجفه : شفيه ابوي انطق سيف تكفى لا تخوفني !
سيف : مافيه شي ! بس بقولك انه طلع من السجن
ورجع للبيت !
توسعت عيونها بصدمة
تهلل وجهها بإستبشار وفرحه : صدق ؟
ابتسم بتعب وهو يرمش ببطئ : ايه
حطت ايدها ع صدرها : الحمد لله !!
رفع حاجبه : م ودك تضميني ع هالوناسه اللي فيك !
جمدت بهاللحظه وتلاشت ابتسامتها وهي تطالعه !!!
سحبت ايدها بغرابه من تصرفاته وكأنه سكران ! لفت بسرعه ودخلت لغرفتها لبست
بجامه وللحظه اتكئت بايدينها ع التسريحه غمضت عيونها
وزفرت زفره عميقه مو مستوعبه تقلبات !! مزاجه ! بشكوكها ان فيه انفصام ! تصرفاته
مو طبيعيه ! مره يحن ويلين ! وعشرات المرات يقسى عليها!
هزت راسها تحاول تشتت هالافكار عنها
فتحت عيونها مشت وطلعت توقعت بتصادفه بالدرج !
بس م لقته ! تجاهلت هالتفكير ونزلت بسرعه لتحت شالت الاغراض اللي بالممر ودخلتها للمطبخ
صادفته واقف ع الثلاجه تو طلع علبه المويه !
بلحظه م لف عليها وعيونه بعيونها ! شتت نظراتها عنه
ونزلت الاكياس ع الطاوله وفتحتها وبدت تطلع الاغراض
منها وهي حاسه بنظراته فيها بلعت ريقها بارتباك
نزلت عيونها ع بجامتها وهي تشوفها واسعه ومو ماسكه
ع جسمها بس مستغربه نظراته فيها !! اخذت الاجبان ولفت وهي تحطهن بالثلاجه وقفت
تنتظره يبتعد بس كان ثابت بمكانه قدام الثلاجه!
بلعت ريقها : بعـ..د شوي !
ابتسم بابتسامه خفيفه وابتعد هزت راسها بضجر منه
صففت الاجبان بالثلاجه ورجعت تكمل ترتب الاغراض بالمطبخ !
اما هو برحمه منه شال الاغراض اللي بالممر
ونزلهم بالمطبخ وبدأ يفضي الاكياس !
بوسط استغرابها فيه كيف اليوم راضي عليها
وبشك من تصرفاته !
لف عليها وهي ترتب الاغراض بالدواليب
اللي تحت
سيف : وش بتسوين اكل لبكره ؟
ميهاف وهي ترتب : مدري ! امي بتسوي عني الفطاير وانا الحلويات !
لفت عليه بتنهد : بسوي ثلاث اصناف حلا وعاد
الباقي من برا ! وزيد عليهم المقليات وورق العنب بعد !! هم كثااار !
اتكئ ع الطاوله وتكتف : وين تبين تحطينهم ؟
حطت ايدها ع راسها لما استوعبت وبضيق
ونكد : يوه !! ليه تنكد علي ليه !!!
فتحت عيونها بدهشه شهقت : السفره شرينا كل شي الا السفره !!
سيف بإستنكار رفع حاجبه :
سؤال انتي ماتعرفين بالانستغرام شي ؟ مو عندك ؟
ابتسمت بسخريه منه : الا محملته بجوالي الكشاف !
ضحك بعفويه : للحين شايله بقلبك ع سالفه الجوال
صدت بغيض وكملت ترتيب : بالطقاق م همني
سيف : شرايك تطلبين جلسه وتحطينها بالحوش
براا ع الثيل
عقدت حواجبها ولفت عليه : جلسه ؟؟
سيف : لاخلصتي ترتيب وريتك الصور واختاري
هزت اكتافها بتنهد : طيب
صدت اخذت الصحون وفتحت الدولاب اللي فوق رفعت نفسها
تحاول توصل للرف العلوي عضت ع شفتها وهي ممدده ايدينها و بلحظه اقشعر جسمها لما حست بظهرها يطابق ع صدره وبهمس : مشكله
السنافر !
مغصها بطنها!
#يتـــــــــــــــــــــــــــبع....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!