يوم من الايام كاعدين ضياء ومريم وحدهم
ضياء : مدتحسين اكو اشياء غريبه دتصير
مريم : اي واحس هالشي متعلق بأهلي
ضياء : شلون؟
مريم : داحلم بأبويه وبـ كل الاحم يكلي نفذي اوامر "قُـربَاْن"
ضياء : حتاننننييي امي تكلي نفذ اوامره
مريم : زين هو منو
ضياء : ماعرف
يمر الوقت وكل واحد يرجع لـ سكنه وينام
"ضياء"
امينه( ام ضياء) : لازم تنفذ اوامر قربان
ضياء : يمه منو قربان
امينه : بمرور الايام رح تعرف
ضياء : ليش انفذ اوامره
امينه : اذا مانفذت اوامره رح ترجع مجرد روح بجسد ميت
ضياء : شلون
امينه : اذا كلت لـ غفران او سيف او جوزيف عن قربان رح يموتون
تروح امي واني الف سؤال براسي واصيحلها وماترد ومكمله طريقها
" سيف "
نايم على جربايتي والعب بالتليفون
بديت اسمع ضياء يهذي وعبالي حرارته مرتفعه
رحت حتى اشوفه وشفته
عيونه بيضه وصايرر نار من الحراره وعركان ويهذي
ضياء : عوفنييي ما انفذ اوامرك
لتخنكني اريد اميي
حاولت اكعده بس ميكعد كمت اسويله كمادات وشويه تحسنت حالته وخفت حرارته بس بعده يهذي ويكول
"عوفني"
" بعد ساعتين "
كعد ضياء وهو مخنوق ويتنفس بسرعه
سيف : شبيك ضياء
ضياء : مابيه مابيه
سيف : امشي اخذك للمستشفى
ضياء : لاااااا ماريد مابيه شي
سيف : براحتك
" ثاني يوم "
يتجمعون همه الخمسه بالسكن مال ولد كالعاده بس مريم وضياء مو على بعضهم
جوزيف : شرايكم نروح الغابه؟
سيف وغفران : اييي
جوزيف : مريم وضياء شرايكم
مريم : اي نروح
رحنـا للغابه وبنص الطريق عطلت سيارتنا يم بسطيه صغيره
غفران : خل ننزل نشتري شي ناكله ونرتاح شويه
سيف : يلا
نزلنا ورحنا دنشتري
جانت صاحبة المحل عجوز جبيرة بالعمر ما ضال شي بيها بس شعرها الأبيض الخفيف وتجاعيد وجها مبين عليها اخذت مده طويله تتعارك ويه الزمن خاصتا ملابسها الي جانت بـ الوان باهته جان وجها بشوش ولطيف واستقبلتنا بكل رحابة صدر
اشترينا مي وعصير واشياء ناكلها
سيف : غفران
غفران : نعم
انطاني ورده حمره
سيف : اعرف تحبين الورد
"ابتسمت " غفران : شكرا
جوزيف : سيف تعال نشوف السياره شبيها
سيف : اي جيت
راحو سيف وجوزيف يسوون السياره
ومريم وضياء كاعدين يم المره العجوز
العجوز : وين رايحين
مريم : للغابه
العجوز : لاتروحون
ضياء : ليش؟
العجوز : لاتروحون احسن الكم
ما اهتمينا للموضوع واخذناه بالشقه
ضلينا نحجي ونضحك وياها الى ان
العجوز : عيونكم بيها هواي حجي
مريم : مثل
العجوز : قُـربَاْن
بدا الخوف يظهر على وجه مريم وضياء مجرد ماسمعو اسم "قُـربَاْن"
ضياء : اءء منو قربان
العجوز : هو شيطان طاغي
مريم : وشدخله بينا؟
العجوز : هوه الي سوا الكتاب
مريم "بنبره خوف" : ياكتاب
العجوز : الي عدكم
ضياء : وانتي شلون عرفتي
العجوز : مو مهم
جرت اذننا من ناحية الارقام
العجوز : هاي الارقام والي ديصير كله بسبب اهلكم
لازم تنتبهون منه والا رح يضل يلاحقكم طول حياتكم
مريم : شلون نخلص منه؟
العجوز : الايام رح تعلمكم
بس ديرو بالكم تكولون لاصدقائكم الثلاثه لان رح تدمر حياتهم وحياتكم
سيف : يلا تعالو صلحنا السياره
العجوز "بهمس" : اني حذرتكم انو ماترحون وبعد كيفكم
رحنا للسياره واحنا دنرجف من الخوف ومليون فكره براسنا
مريم
جنت كاعده بالسياره واكل بأظافري من شدة التوتر الي صار عندي وكلام العجوز مجاي يطلع من راسي وفكره تاخذ فكره حسيت انفصلت عن العالم إلى أن قطع صوت جوزيف تفكيري وهو يردد اسمي
جوزيف:مريممم
مريم:هاها
جوزيف:بيج شي؟
مريم:لا ماكو
جوزيف وخر اصابعها
جوزيف:بس رح تأكلين ايدج
مريم:ما جنت ادري
جوزيف:تردين اكل؟
مريم:لا شكرا ما اشتهي
جوزيف:اوكيه
مريم
مع انو الغابه تبعد ساعه عن الجامعه بس ما حسيتها ساعه وكانو سنه جاي تمر علي اني وضياء جنه متوترين ومنعرف شنو نسوي وكل تفكيرنا شنو علاقه أهلنا بقربان واذا هو شيطان ليش ندخل بأمور الشياطين... وصلنا لغابه وجانت الدنيا غروب وبدأ الضلام يطلع بينما يجهزون الخيمات والأمور هاي لمحت ولد يأشر الي يم النهر تجاهلت بس استمر يأشر عبالي يطلب المساعده رحت اله اشوف شنو بيه
_العفو محتاج شي؟
_انتي الشي الوحيد الي نحتاجه
معرف ليش بعد هل الكلمه استمريت احجي والخوف راح وكانو جاي احجي ويه واحد اعرفه
_بس انت منو؟
_مو مهم اني منو بس اني اعرفج
_واشنون تعرفني
_انتي بنت أحمد الي جان محبوبنا
_اشنوننن عرفت ابوي وشنو علاقته بيكمم
_هو اليوم يكلج شنو علاقته بينا
ردت اعرف منه معلومات بعد بس فجأه اختفى وكعدت ادور عليه بس تجي غفران
غفران:مريم شجاي تدورين
مريم:جنت جاي احجي وياه وراح
غفران:هوو منووو
مريم:اصبري اريد اشوف وينه
غفران:مريم ترا بس انتي واكفه هنا محد اكو
مريم:بس...
غفران:تعاي نكعد شغلو النار
رحنا كعدنا يم النار وبدينا ناكل نسيت امر هل الولد بس كل همي اخلص واكول لضياء شنو صار دخلنا لخيمات نستراح وجان ضياء يجي على خيمتي ويامرني اطلع طلعت اشوفه شنو يريد
ضياء:امشي مريم نروح
مريم:وين
ضياء:امشي وياي
ضياء يسحب ايدي وياخذني لقمة الجبل وجان الكتاب بايده بقمة هذا الجبل جان اكو كهف دخلنا لكهف
مريم:ضياء ليش اجينا هنا
ضياء:امي اجت بالحلم ودلتني لهذا المكان
مريم:زين شرح نسوي
ضياء:مادري رح نتظر ونشوف شنو يصير
بينما كاعدين نتظر والخوف يمشي بكل مكان بجسمنا يجي شخص ضخم الجسم مغطي وجه بقبعه على راسه وما جانت ملامحه واضحه بهاي اللحظه حسيت هاي اخر لحظه بحياتي لزم ايدي وايد ضياء وجانت اصابعه طويله سوده واصابعه طويله لدرجه رح توصل لوجهي وجان ملمسها خشن وبارد وبدأ يحجي
_اخيرا شفناكم
ضياء:بس احنه شنو علاقتنا وشتريد منا
_اول شي اعرفكم على نفسي قائد جيش الجن لوحج
مريم:يعني من اتباع قربان؟
لوحج:ابن قربان
جانت الصدمه هنا مو طبيعيه جسمي كش من هل الكلام
ضياء:وشنو المطلوب منا
لوحج:اكو شي لازم تعرفونه
لوحج:ضياء.. انت امك امينه جانت تشتغل ويانه تقدم النا قرابين وتسوي اي شي نريده بس غلطها الوحيد من صارت حامل بيك طلبنا انو تصير حليف النا وهيه سوت نفسها انو موافقه بعد ولادتك اخذتك ورادت تذبك اي مكان لعل احد يجي ياخذك لشدة فعلتها الي خلت الملك قربان يعصب قتلناها بس كدرنا نلكاك ونعقد اتفاق وياك مثل ما جانت امك تسوي ورقم "0"الي ورا اذنك هو يدل على عدد الاشخاص الي يعرفون الكتاب وتحالفو ويانا ومن ابن امينه بدى العدد
ضياء
انصدمت هنا معرفت شنو اسوي بس الي عرفته انو لازم اوافق وافقت بسرعه اصير حليف الهم
ضياء:اريد انضم وياكم
مريم:شبيككك ضياء ممكن يدمر حياتك
ضياء:حياتي مو حياتج
لوحج:مريم مو بس ضياء الوحيد انتي هم
مريم:ليش
لوحج:ابوج احمد جان مشترك ويه امينه وهو ثاني واحد بعدها أكثر وفاء النا بس احمد قبل انو تصيرين حليفه النا وحصناج بطلاسم وهاي من صالحج احنا حته نكدر نخليج تشوفين امج
سكت لوحج لمده قصيره وكمل
وعلى فكره صار مدمن كحول على مود ينسى قربان وموت امج جان واحد من قراراتنا.......
للحكاية بقية ...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!