رواية #قصة_هديل الفصل العاشر 10 - بقلم غير معروف

بعد ما اشترينه الذهب والغرفه وكملنه التجهيز سوينه حفله مهر وتلبيس الذهب وايوته بيومهه شطالعه تجنن; لبست 3 فساتين بنفسجي ووردي وجويتي يعني ازرق غامق; وعلاوي اخويه جان لابس قاط نيلي طالعين يخبلون اني لبست فستان قصير اسود واول مره اخلي مكياج فدشي حيل خفيف بس شكد حلو جان ودكينا وركصنا وعلاوي لبسهه الذهب بمساعدتي طبعا عود سويتله تجارب قبل وهم ماعرف يلبسهه 😂😂😂 وخلصت الحفله
وبعدهه هم تحضيرات وهوسه وصلنه للحنه وهوسه العشا مالت الرياجيل الي بالشارع وراهه بيوم اخويه راد حنه ثانيه لاصدقائه وولد المنطقه سووهه بالقاعه وبيومهه احنا رحنا احتفلنا بالحنه مال ايوته ونسه من العمر
واخيراااا اجه يوم العرس سوينه عرسهم بالقاعه ما عزمنا احد بس الكرايب وصديقات امي ومريومه وامهه واخواتهه ما ردنه ولد غربه حتى ناخذ راحتنه اني لبست فستان اوف وايت; وشال بيجي ومطعم بالذهبي وماما لبست كوستم لحد هسه اذكره لونه زيتوني يجنن; وبابا لابس قاط واخواني يخبلون هم لابسين قوط احمد لبس اسود وعلاوي العريس لبس ابيض وبابيون اسود وحذاء وحزام تكرمون اسود طلع يجنن وايوته طالعه برنسس شنو النزاكه شنو الجمال اني بيومهه رحت وياهه للصالون واول مره شالوا شكم شعره من حاجبي لان ماما متقبل بس رتبتهن ام الصالون وخلتلي مكياج خفيف بس الصراحه طلعت مو اني فدشي
الجزء الاهم بالموضوع علاوي حبيبي شنو شطالع فدوه لالله ستره سوده بنطرون جينز وبدي ابيض لابس كجول بس يجنن
اكتمل عدد المعازيم وكلمن كعد بمكانه وقبل ليدخلون العرسان دخلت قبلهم والعرسان يمشون ورايه  واني شايله بأيدي سله بيهه اوراق مال ورد واطشلهم
احلى شي من كامو يركصون سلو خررب اني بس اصور بيهم خبلتهم كله جكجك جكجك بعدين كمنا اني وحمودي نركص وياهم احمد جان يريد يركص ويه مريم بس شيخلصه من امهه ههههه بعدين عفت احمد ورحت لبابا كتله تسمح تركص ويايه هو كام يضحك كتله لتفشلني كدام العالم وكام يركص ويايه حسيت بهذيج اللحظه شعور ما اكدر اوصفه كتله تدري اني شكد احبك وشكد فخوره لان انت ابويه وهو عيونه دمعت اني شفته هيج وشبكته وابجي صارت عيني بعين علي لكيته صافن علينه ومبتسم 😢😢😢 .....منتبهين عليه شكد اصرف دموع 😀😀😀 وجان يخلص السلو وبده الدك والركص الحقيقي ما خلينه ولا واحد بالقاعه كاعد كلهه كومناهه ونشغللهم جوبي وكلهم انطلقو بعدين خلص العرس وزفيناهم للفندق ...ومليوووون مبروك واخير حجايه كالهه علي قبل لا اكله باااي ...هدوله لج قزومتي شطالعه اليوم تخبلين وفوكاهه صايره بطولي بعد ممنوع تلبسين كعب اموت عليج بالفلات وباجر اني اعلمج ع هذا الركص مالتج 😂😂😂