رواية #قصة_هديل الفصل التاسع 9 - بقلم غير معروف

داومت بالخامس ورحت بالفرع العلمي ومريم راحت ادبي صح احنا نفس المدرسه ونروح ونرجع سويه بس مو مثل قبل جنا بنفس الرحله كلش ضجت عليهه......
الاوضاع الامنيه بهذيج الفتره تحسنت يعني حالات القتل والخطف والقناص صارت اقل واهلي قررو نروح للشمال بعطله نص السنه اني حاجيت علي كتله قنع اهلك وتعالو ويانه عمي ميحب هيج اجواء مو مثل بابا بالكوه اقتنع خالتي وعلي ومصطفى ظلو ينكون براسه يلا قبل وماما عزمت ايه واهلهه وهم اجوي ويانه السياره مال الشركه نصهه قبطناهه بس شنو هناك الاجواء فدشي يجنن اول مره بحياتي اشوف الثلج وبقينا نلعب بالثلج وصعدنه التلفريك ونطكطك صور وكلساع مسوين زفه لعلاوي وايوته خبلناهم خبال رحنا مولات ومطاعم والعاب وعلي صعدني كل الالعاب الي يخوفن لحد ما انكلبت معدتي كلب; 😂😂😂
واحلى شي امي وخالتي جانو يعرفون بعلاقتنا اني وعلي يعني جنت اطلع وياه كدامهم وبدون ما اخاف لان جنت اعرف احنا ممسوين شي خطا
خلصنا هناك اسبوع مو من العمر كلشي جان حلو
رجعنا وراهه بيومين صادف عيد الحب ما خابر ولا عايدني
اجه ثاني يوم للبيت وجان فدمره فلاونزا ومصخن واني زعلانه لان مخابرني بس من شفته تخبلت  وانطاني باكيت جبير كتله هاي شنو كال بعدين شوفيهه اني راح اروح للدكتور اخذتهه للغرفه ولكيتهه صوره اليه اني وياه اخذناهه واحنا نلعب بالثلج ساحبهه من الكاميرا ومكبرهه وهم بجيت ماكو عيد حب مر علينه بدون ما ابجي لحد ما زماني تحلفلي وشبعني بجي .......خابرته كتله علي هاي شنو تجنن بس وين اضمهه ليشوفوهه كال خليهه بالباكيت وضميهه لجهالنه من يجون للدنيا يشوفوهه 😍😍😍اوووف ياعلي ماكو منك .....خلصت العطله ورجع الدوام واستلمتني مريومه اساله بس هالمره اسالتهه كلهه ع احمد هااا شسوه هناك هم باوع ع البنات خوما يباوع ع اخوات ايه يمه من غيره النسوان 😂😂😂😂 كتلهه اطمئني يموت عليج ولا يباوع وهذا الاملح منو تباوعله خلي يحمد الله لكه وحده مثلج تعبره وهاي تتخبل متقبل اعيب واحجي علي 😁😁
وجان اخلص الخامس وهم انعفيت الحمدلله بس العربي خرررب شكد اضوج منه اجتنا العطله واجتنه تحضيرات عرس
; علاوي وايوته من اول ماعطلت واني اركض وياهم بالذهب وياهم بالغرفه وياهم بالتجهيز والصالون بكلشي وياهم ولله مو لزكه بس همه مجلبين بيه..
علي تمر ايام واني ما شايفته بس ع التلفون ملتهيه لو ويه علاوي وايوته لو بالمحاضرات تعرفون صرت سادس لازم اقره بالعطله ودروس تقويه بس علي جان يجي مرات يوصلني للمدرسين ومن نمشي نسوي الدقيقة; سنه حتى نظل نسولف وعلي يوميه يحسب الايام ويكلي مظل شي العطله الجايه احنا مخطوبين ان شاء الله وتصيرين مرتي 😍😍........تاااااابع