رواية #قصة_هديل الفصل الحادي عشر 11 - بقلم غير معروف

بده العام الدراسي وهالمره سادس مستقبلي كله يعتمد ع هالسنه واني جنت متأمله اقل شي يطلعلي هندسه لان اني جان حلمي صيدله ...

بس ياسبحان الله اني من دخلت سادس وكلبي مقبوض احجي لامي تكلي هو هذا توتر السادس بهاي الفتره جدو ابو ابويه حيل تمرض وبابا ملتهي وياه دخل بي; مستشفى اسبوعين وعمامي 3 هم ماقصرو بس جدي ما طول وره عطله نص السنه توفه رجال جبير عمره بال90 بس رغم هذا احنا حيل نقهرنه وافتقدناه جان رجال طيب ومتدين; كلش يحبنا وما فديوم اذانه بكلمه كل الناس تحبه😢😢😢😢 ... بابا وعمامي سووله فاتحه ترفع الراس خلصت الفاتحه ع حسب الاصول

(ربي ليشوفكم مكروه ) واني ماما وخالتي بقينا بيت جدي لحد السبعه لان ناس تجي والطبخ مال السبعه .... طول هاي الفتره مال الفاتحه تمارا طلعت روحي تشمر حجي وتصجم واني مطنشتهه اني بيا حال مقهوره ع جدي وهاي بطرانه صدك لو كالو (الناس بالناس والكرعه تمشط بالراس ) 😏😏😏😏

خلصت السبعه ورجعنا للبيت مكسره تكسر من التعب وكومه واجبات وامتحانات فايتتني ارتاحيت يوم واحد ووراهه داومت لكيت مريومه خطيه شكو واجبات عندي كاتبتهن اليه جانت يوميه تروح للصف مالتي وتاخذ الواجب من البنات ... شديت حيلي وحاولت اعوض الي فاتني وامتحنت المواد الي ماجلتهن وراهه بفتره صار الاربعين مال جدو وهم رحنا لبيت جدي سوينه الثواب مال الاربعين والصبح رحنا للمقبره بالبدايه زرنا الامام علي (عليه السلام )

وبعدين رحنا للمقبره كل عائلتنه راحت وتمارا و حيدر لعبو نفسي ماكو هيج عالم ماعدهم ذره احساس احنا بيا حال رايحين نزور ميت وهمه يضحكون ويصنفون وتمارا تشمر حجي وهذا اخوهه يصفن بوجهي ويخربط بالحجي علي تخبل من عنده كتله علي عوفهم لتصير مشكله احتراما لجدي طنشهم هذوله مستهترين خلصنه الاربعين ورجعنا بالرجعه كعدنا اني وايه واخواني وعلي ومصطفى كلنه بالاخير هذوله اجوي كالو هااا العصابه كلهه متجمعه وزايدين نفر يقصدون ع ايه احمد كله حيدوري مكانك كدام حبيبي ما النا خلك تعبانين ...

ما صدكنا نخلص منهم

وره الاربعين ب10 ايام او اقل عماتي فتحن موضوع الورث وطبعا ولا وحده بيهن محتاجه عدهن خير من الله بس عمتنا الجبيره ام اسعد حبابه اما الباقيات الله يعلم بحالهن شنو النفاق شنو الجذب العليهن ماكو احد مثلهن بابا كلهن عيب شتكول علينه الناس وره فتره جامعات عمامي وخابرن ع بابا كلله هسه بسرعه تجي اثاري عالكاتهه بين الاخوان عبالك بريمز مو اخوات راح بابا وحده منا حجايه ومناك حجايه عمي ابو مصطفى وعلي متواكف وياه وساحب علي مسدس بابا ما تحمل خابرونه كالو ابوكم بالمستشفى ضربته جلطه وحالته خطره 😢😢😢😢......

تااااابع