رواية #قصة_هديل الفصل الثاني عشر 12 - بقلم غير معروف

خابرونه كالو ابوكم ضربته جلطه وبالمستشفى ماما كامت تعيط واحنا نبجي ما اعرف شنو الحاله الي رحنا بيهه للمستشفى لكينا عمتي ام اسعد وعمامي هناك حجولنه شنو صار وشلون عمي تعارك ويه ابويه ..ابويه هو اكبر واحد بالعائله يعني كلش صعبه علي شلون عمي سحب مسدس بوجهه ما اعرف بس كل الاعرفه عماتي كلشي يطلع منهن يعني حتى سوالف سحر عدهن ....بقينا بالمستشفى لحد ثاني يوم الصبح وعلي ومصطفى ولد عمي وخالتي امهم ويانه وماعافونا ....الصبح يلا خلونه الاطباء نشوفه كالو ممنوع تحجون وياه بس تشوفو دخلنا شفنا اني من الباب وطلعت بره ابجي واصرخ ع منظر بابا وشلونه حلكه معوج وبلكوه يحجي ما انسه منظره ابد بيومهه تمنيت اخنك عمي ع الشي الي سواه....وره 4 ايام طلعنا بابا من المستشفى علي يدك عليه ما اكدر اجاوبه هوسه وناس طابه طالعه علينه وحالت بابا تكسر الكلب واني لا ادري بمدرسه ولا واجبات مرت فتره تقريبا شهرين وعطلت لان بدت فتره المراجعه بابا شويه تحسنت حالته بده حلكه يرجع كام يكدر يحجي ويانه بيوم من الايام اني اكعد من ساعه 7 اراجع واقره دا انزل من الدرج سمعت بابا وماما ديتريكون بالمطبخ وبابا يكل لامي شفتي شلون الله يحبني يا امال همزين ربج منطيت بنتي الهم الله نقذني منهم حتى قبل لتصير الخطوبه امي كلتله مشكلتك انت واخوك شي وهديل وعلي شي ثاني ليش بسبب هالخلاف تكسرون كلوبهم وانت تدري شلون واحد رايد الثاني; بابا صار عصبي وظل يصيح ع امي شلون يعني تريدني اني اروح واعتذر منهم واذل نفسي علمود بنتج باجر عكبه تنساه ويجيهه نصيب غيره طول ما خشمي يشتم الهوه هديل متصير الهم ...وانتي بعد مستحيل اطبين لبيتهم بحجه اختج حتى اختج تكطعين علاقتج بيهه ماما كلتله كلشي يجرالك بس هدي نفسك
اني سمعته هيج يحجي وتخبلت ضليت ابجي لحد الليل اجتي امي كالت كولي يالله صلي ركعتين واطلبي من ربج يصلح حالهم كمت صليت ودعيت ربي بس اريد عيني تغمض وانام ما اكدر علي خابرني سمع صوتي ابجي تخبل كال احجيلي لتضمين عليه حجيتله كلشي كتله علي تره هيج الحجي كال يمعوده هاااي لان بعده الموضوع جديد هسه تشوفين بمرور المده يتصالحون وكلشي يرجع مثل الاول انتي بس ديري بالج ع دراستج ومابقه شي للامتحانات كتله ماشي
علي طول فتره الامتحانات جان واكف ويايه ومساندني ويشجعني بس اني جانت نفسيتي مدمره خلصت الامتحانات ونجحت بس معدلي ميجيب لا صيدله ولاهندسه اهلي كالو عيدي تحسين معدل بس اني ماجان الي واهس كتلهم اقدم ع الكليه واي شي يطلع الحمدلله

طول فتره العطله جنت ما اشوف علي هوايه بس مرات من اروح لمريم نتشاوف بالطريق ونسولف جنت يوميه اكول بلكي باجر يتغير الوضع بس يوم عن يوم جان يتغير للاسوء حتى خالتي متجينا ولا احنا نروحلهه واذا ردنا نتشاوف نتفق نروح نزور للامام الكاظم عليه السلام لو نتفق نتشاوف بيت اهل امي ...حياتنا انكلبت راسا ع عقب مثل ميكولون ....راحت ضحكه قبل وونسه قبل ما دامتلنه
;قدمت ع الكليه وطلعلي علوم حاسبات الشي الوحيد; الجان حلو بالقبول مالتي اني وعلي نفس الجامعه يعني راح اكدر اشوفه يوميه واحجي ويا;وعلي هاي السنه الاخيره بالكليه راح يتخرج وابقى اداوم وحدي
بده الدوام وسجلنه بالخط سويه اني ومريم ...مريم طلع قبولهه بنفس الجامعه بس غير كليه ....
اول ما وصلت للجامعه لكيت علي منتظرني شكد جنت مشتاقتله ماصدكت شفته وبيومهه خلصناهه بس سوالف اني وياه حتى ولا رحت للقسم ولا شفته
ثاني يوم دوام اخذني وياه للكليه مالته وعرفني ع الكروب مالتهم 4 ولد و3 بنات كلهم حبابين ورحبوا بيه .... واخيرا شفت سجى هيه من شافتني وعلي لازم ايدي صوتهه صار بي رجفه; خرررررب بكلبي كلت معقوله اني جنت اغار من هاي جنهه مومياء وتتنعوص وعدهه حاله قبل كل كلمه لازم تكول امممممممم .....هسه مرات من اشوف فديوات حيدر دعدوعه اذكرهه اممممم الك ونه ....تاااابع