رواية #قصة_هديل الفصل الثالث 3 - بقلم غير معروف

خلصت عطله نص السنه ورجعنا نداوم جنت مشتاقه للدوام وخاصتا لصديقتي مريم احسهه اختي مو صديقتي علاقتنا من صف ثالث ابتدائي اجوي من غير منطقه وسكنو قريب علينه اني حبيتهه وماما تعرفت ع امهه وصارو صديقات ..طبعا امي لازم تسوي بحث عن اي صديقه امشي وياهه منين هاي البنيه وشنو عائلتهم ووووووو لحد ما تعرف كلشي عنهم نبع الحنان حتى محقق كونان ميلحكهه 😂😂

وره مداومت مريم شافتني مو ع بعضي كالت هدوله شبيج احس صاير شي كتلهه لا ماكو شي كالت ولج عليه اني اعرفج من نظرة عينج باوعت بنص عيوني كالت عرفت موضوع علي مو (اني مسولفتلهه قبل المواقف الي صايره بيناتنه )

اني انفجرت بوجهه كتلهه اي علي هذا الي ميستحي الي ماعنده خجل سمعته يحجي ويه وحده وكله حبجيات مكضيهه كالت اي وشعليج ويه وحده ويه عشره عادي ولد حر وما مرتبط شنو الغاثج بالموضوع طبعا مريم تريد تستفزني بكلامهه 😠😠😠 كتلهه شنو بكيفه بنات الناس لعبه كالت هسه الي هامج بنات الناس لو الغيره ماكلتج اكل كتلهه ولي اني اغار ع شنو اغار كالت ولج انتي ولله تحبي ليش متنطي فرصه وهوه ابن عمج وابن خالتج سنه سنتين وتنخطبون شكو بيهه كتلهه لا

انتي تخبلتي رسمي ولج شنو هالحجي بابا احنا بعدنه اطفال مراهقين اني ثاني متوسط وهو خامس اعدادي ياحب يابطيخ كالت احلف وين ما جان هذا علي نصيبج اني شفته هذاك اليوم من طلعنا من المدرسه شلون يباوع عليج روحه معلكه بيج بس انتي ثوله اني صيحت ع مريم كتلهه بعد اذا حجيتي هذا الحجي صدك ازعل وياج وكلمن بدربهه عفتهه ودخلت للصف بس احسهه زعلت مني; لان كامت من يمي وكعدت ثاني رحله كالت لمدرسه الرياضيات ست مداشوف السبوره وظلت وجهه ثكيل

عليه اني ضليت بس الوم ع نفسي😟😟 وبعد يومين يصادف عيد ميلادهه...

وراهه رحت لماما كتلهه ماما مريم باجر عيد ميلادهه واريد اخذلهه هديه وهيه زعلانه مني كالت ولج ليش مريومه ورده شلون تزاعلتن كتلهه بعد صار موقف بيناتنه بس اني اريد هديه حلوه واصالحهه ماما كالت امشي ويايه نروح لسوك محتاجه شغلات وهم نجيب هديه كتلهه عندي هواي واجبات مااكدر .... راحت ماما ويه خالتي لسوك وجابت وياهه ساعتين يخبلن نفس الشكل كالت هاي وحده الج ووحده لمريم وعليهن الاحرف مالتنه.....

داومت ثاني يوم وماشفت مريم; سالت عليهه بنت جوارينهم كالت مريت عليهه وامهه كالت نايمه بالفراش حيل مريضه😟😟 ... خرررب شلون راح اخلص هاليوم بدون مريومتي ماصدكت يخلص الدوام حتى امر عليهه من الباب اسلم عليهه وانطيهه الهديه...

طلعت من الدوام جان بيومهه دوامنا ظهري الدنيا بارده وهوه عالي مشيت ع السريع وصلت لفرعهم دا امشي واحس واحد ورايه يصجم ويذب حجي امشي وهوه ورايه تالي انداريت كتله امشي منا شعندك تفتر ورايه بعدني احجي وما احس الا علي جر الولد ويضرب بي واني اعيط بالشارع اجوي الولد وخروهم والولد راح وعلي استلمني بالشارع يصيح عليه شعندج تفترين بالفروع وعلاكه هدايا بايدج متستحين لج ولله ابطلج من المدرسه تعرفين شنو ابطلج كتله منو يبطلني انت كال اي اني واكسر رجلج كتله اني اخواني ميدخلون بحياتي انوب انت عليه ولله يا الله الشخص الوحيد الي اله كلمه عليه هو بابا افتهمت لولا ....

هذا الحجي ايدي رادت تنشلع كد ما يجر بيهه.....

ديصيح عليه طلعت ام مريم ع الصوت شافتني ابجي تخبلت خاله هدوله شبيج ليش تبجين وانت ولك شتريد منهه كتلهه خاله هذا ابن عمي كالت شبي وياج كتلهه ماكو شي بس اني اجيت اسلم ع مريم وانطيهه الهديه مال عيد ميلادهه كالت فوتي تفضلي كتلهه لاخاله انتي انطيهيا ورجعت بسرعه للبيت وبس ابجي علي جان صاعد دراجه ما اجه ويايه طبيت للبيت ماما واحمد شافوني كالو شبيج كتلهه هذا ابن اختج خلي يعوفني بحالي لا ولله ارتكب بي جريمه كالت منو ياهوه

احجيلي بعدني دا احجيلهم وهو طب للبيت بكل عين صلفه وفوكاهه امي واحمد طبكو وياه احمد يكلي اي وشنو يعني غير اخوج ويخاف عليج اني لو بمكانه نفس الشي اتصرف وياج اني عفتهم وصعدت فوك ولا شافوني لحد ثاني يوم دا اطلع للدوام لكيته منتظرني بالباب كال امشي اني اوصلج اليوم كتله علي رجاءا عوفني البارحه ما حجيت لبابا لتخليني اليوم اوصله كلام رجع جرني من ايدي كتله وخر عوفني كافي من البارحه توجعني من وراك كال تجين لو اكطمهه الج وتالي

وين البسج الحلقه ......

تاااابع اريد ارائكم ولاتنسوووا تعملو vote ❤️