رواية #قصة_هديل الفصل الرابع عشر 14 - بقلم غير معروف

هديل احجيلي من الاخير اذا ابوج ما وافق تتخلين عني ؟؟؟ كتله علي اني بس الموت يخليني اتخلى عنك بس انت قدر موقفي هذوله اهلي شلون اكسرهم وبقيت ابجي لزم ايدي حيل كلي اني بدونج اموت انتي هم قدري موقفي اني بعد اسبوعين وتطلع الفيزه بالبدايه نعقد مال سيد وبعدين نصدقه بالمحكمه هاي الشغلات كلهه نكملهه باسبوع وراهه نسافر وهناك نسوي العرس اني ظليت ساكته ...
رجعت للبيت احس بروحي واكعه من جبل راسي يريد ينفجر وعيوني مورمه من البجي شافني احمد هديل شكو كتله ماكو شي مريضه اريد انام طبعا اخواني يدرون بيه صارلي فتره ع هالوضع يعرفون ع موضوع علي
كمشني كال هدوله وين هذيج ضحكتج وهذاك صوتج جان مالي البيت شنو هذا حالج شبكته حيل واشهك وابجي كتله احمد ادعيلي اموت هو ظل يسكت بيه واخذني للغرفه واسبوع كامل اني مصخنه كل ميخابر علي اكله بعد ما حاجيتهم بعدني مريضه واطلع حجج اخير شي كلت احاجي امي وشيصير خلي يصير سولفتلهه كلشي وامي شبكتني وظلت تبجي كالت احجي ويه ابوج واشوف
ثاني يوم سمعتهه تحجي وياه كلتله الولد حتى اهله عافهم وما بقه شي ويسافر فدوه لا تكسر كلوبهم بنتك تموت من بعده خلي ياخذهه ويسافر بابا ما رد عليهه
بس سمعته صاح بصوت كلش عالي هديل هديل هديل انزلي اني نزلت ركض واجوي احمد وعلي اخويه وايه كتله هاا بابا واني مدنكه كال رفعي راس وباعيلي ومن يحجي مخنوك خانكته العبره وعيونه بيهن دمعه كال اسمعيني اذا تريدين تذليني وتكسريني وتجلطيني مره ثانيه وتبجين بجنازتي روحي وياه
اني وهوه يحجي هيج تذكرت طفولتي وياه تذكرت دلاله اليه لا حرمني من شي لا اذاني بحرف خلاني دائما فخوره بي مرت كدامي كل لحظاتنه الحلوه

اخذت ايد بابا وبستهه كتله ماعاش الي يذلك ويكسرك وان شاء الله يومي قبل يومك الي تريده يصير وجرالك وصعدت فوك بس شنو احس اذاني انسدن كمت ما اسمع اي شي اخذتني ايه يمهه وتضرب ع وجهي تكلي بس باوعيلي شبكتهه وابجي اريد اتنفس ما اكدر
علي يدك عليه واني ما ارد خابر ع ايه كللهه بس خلي تحجي ويايه يومين يخابر واني ما احجي بعدين ايه ضلت ادك بالباب تلفت اعصابي فتحت الباب اخذت الموبايل منهه وانفجرت بوجه علي كتله شتريد تسمع مني تريد تعرف اني تخليت عنك لولا ....اي تخليت عنك ما اريدك عوفني منك لالله الله ياخذني منكم وترتاحون ظليت احجي اشكال الوان بدون ما ادري بروحي ....وره اسبوع ادك ع علي وكله مغلق وطلع مسافر ...سافر وعافني بقيت بس اني وذكرياتنا ونار الفراك
رجعت للدوام بس شنو اشوف الدنيا كلهه ابيض واسود ما بيهه الوان الخنكه ذابحتني الي يكلي شبيج تهل دموعي ما اصدك تخلص المحاضره واروح لنفس النادي الي جنا نروحله وما اكعد الا ع الميز الي كاتبين اسامينا بي جنت اكعد هناك ساعات اتخيله اتخيل نفسي اسولف تجيني مريم هديل كومي اذكري الله ليش هيج تسوين بروحج بعدج بعز شبابج العمر كله كدامج ومره دتحجي ويايه جانو بالنادي يشغلون اغاني جان تطلع اغنيه (شو سهل الحكي مين الي بيعرف بقلب التاني شوفي )اني سمعتهه وبجيت بجي صدك طلعت بوكتهه
بيوم عيد الحب دك عليه رقم مخفي عرفته علي ما صدكت دك عليه رديت الوووو الوووو علي فدوه احجي بس خلي اسمع صوتك سده وماحجه اي شي .........تااااابع