رواية #قصة_هديل الفصل الثامن عشر 18 - بقلم غير معروف

علي بقه بالعمليات 6 ساعات طلع الدكتور كال حالته تعبانه احنا سوينه العلينه شلنا الطحال والكبد عنده متضرر عنده كسور ورضوض بس اكثر شي متضرر بي الانف والجبين صاير عنده تشوه واحنا هسه مكدرنا نسويله شي بس خيطنا لحد ما تستقر حالته بعدهه يرادله جراحه تجميليه

اني واكفه بدون وعلي لزمت الدكتور من ايده فدوه دكتور بس كلي علي يتنفس كال بنتي كولي يا الله وادعيله وماكو داعي كلكم باقين هنا للصبح يلا نخلي بالافاقه وحتى الصبح متكدرون تشوفو محد; يدخله غير بس الكادر الطبي

اني سمعت بي عنده نفس وسجدت شكر لربي بنص المستشفى ميخالف بي تشوه معوق حتى لو يبقه بس النفس احمد الله واشكره بابا كال يلا نروح ايه وحدهه بالبيت احمد ويه مروه بالمستشفى علمود ولادتهه اني كتلهم ما اتحرك منا اذا مو اشوف علي واسمعه ماما كالت اني ابقى ويه اختي وبنتي انتو روحو من رادو يطلعون مصطفى ابن عمي كلهم مو لهنا وكافي شنو يصير بعد اكثر صارلنه 4 سنين ادمرنه دمار شوفو تالي الخلافات وين وصلته اخويه بعمر الورد امدد بين الحياه والموت كافي اذكرو الله جان بابا وعمو كامو يبجون عمي كله اني اسف اني من شفتهم هيج احترك كلبي كتلهم هسه يلا بعديش بعد ما دمرتو عائلتين اخذتو من عدنه 4 سنين كظيناهه هم ونكد وبجي وتالي خاتمه الاربع سنين علي الضحيه

بقينا بالمستشفى لحد ثاني يوم وماقبلو نشوفه لحد ساعه 10 بليل كالو شخص واحد يدخله خالتي كالت انتي ادخلي اني مقبلت وبقيت ابجي كتلهه فوتي شوفي وكليلهه هديل منتظرتك متروح لاي مكان الا وانت وياهه كليله بعد متعوفك للموت تتخلى عن الدنيا كلهه ومتتخلى عنك دخلت خالتي 10 دقايق وطلعوهه تبجي هاا خاله كالت ابني مكسر تكسر حجي ما يكدر يحجي ويصيح اريد مي وما يقبلون ينطو يكولون للصبح يلا ...

امي كالت هديل امشي للبيت غيري ملابس وارتاحي وباجر ارجعي كتلهه مستحيل ما اتحرك اذا ما اشوف علي ياربي شيجيب الصبح اجه الصبح ولساعه 11 انتظر وهم ميقبلون تالي صارت ساعه وحده كالو تكدرون ادخلون وتنطو مي يمه ما صدكت افوت واشوفه دخلت واشوف الرجلين مجبسات ايده لحد الزند مجبسه وجه ماكو كله لافي بالشاش بس عيونه طالعه وماكو عيون بس فدشي مورم واني تخبلت ابجي وابجي وابجي وعلي ما اله صوت من كثرة المهدئات خدران ويصيح من الوجع اجيت

واشوف شفته مفطره من العطش جبت شاش نظيف وابلله واخلي ع شفته فتح عينه شافني هدييييييييل بلكوه يحجي ما مصدكه سمعت صوته بعد عيون هديل وكلبهه اروح سبع فدوات لصوتك يابعد عمري واهلي وعشيرتي كلهه امي وخالتي بس يبجن كتله علاوي حبيبي تسمعني انت يلا صير زين حتى اجي اخطبك هالمره اني اخطبك بس صير زين كلي اني تشوهت بعد شلون تقبلين بيه هوه حجه هيج واني ادك ع نفسي وابجي كتله انت عندي احلى واحد بالدنيا انت حبيبي الاول والاخير لو باقي

منك بس نفس لا سامح الله هم احمد الله واشكره وبعدين رجع نام لحد المغرب كعد هم لكاني يمه باوع عليه شافني كال ولج قزومتي هاي شصاير بيج شلون جايتني هيج وين الاناقه وين الكعب اني مو كايلج العبايه ممنوع بساعتهه يلا انتبهت ع نفسي جايه بالعبايه والنعال مكرم السامع والكفشه شحالهه 3 ايام ما مشطه ..هوه يحجي هيج واني ما مصدكه بروحي حبيبي رجع لوعيه ويحجي يارحمتك ياربي.....

تاااابع