رواية قسور والمهره شامه الفصل العاشر 10 - بقلم أسيل

_ابوس رجلك لا تكسر قلبي عمو اني ماسويت شي غلط

ضرغام :هدي يا بنت الناس هدي بنتي والله وشاربي ومو زلمه اذا احد تقرب ل اهلج لو حسام انا كتلج وانطيتج الأمان ما كسرتي كلمتج وتحملتي كل هذا الخلاف والحجي من ولدنه واني ما اكسر كلمتي

وكفني مشت ورجعت ليوره لزمتني نوال وكالت

نوال: محمد انت ما تستحي ولك ها شكلك خال عينك على البنت لدرجه اول ما طلكها ردتها الك تستحي على عرضك

محمد :بدل ما تروح لغريب خليها تخدمني وتخدم الحجيه فيروزه ما ترجع هل فصليه احنه اخذنها بدل ما ناخذ الثأر ونعوق ابن الكلب حسام 

لزم قسور محمد من ياخته  وضاربه كله كسر خشم محمد وكعه بالكاع ركض معاذ وبعده من محمد والدم فيض وجه محمد مكدرت اوكف جسمي يرجف  وكعت بالكاع وضرغام بقه صافن على قسور  بالكوه اخذ نفس قسور نوب عيونه كامت تجدح نار دمارات ايده وركبته برزو وكال وهو يصيح بعلو صوته هز البيت هز

قسور:هل بنيه ما تطلع من البيت ومو فصليه انا كلت مو فصليه هل بنيه ما ماخذينها فصليه ودامك عينك عليها يا نكس ما تصير الك وتخدمك لو تخدم احد

فيروزه:يمه هدي نرجعها لهلها ما نكسرها

قسور: ما نكسرها يمه ما نكسرهاااا هل ابنيه ما تطلع من البيت وما تبقه بالحرام انا أخذها وما تطلع وتصير علج بحلك الناس لو على كص ركبتي

ضرغام :تأخذها؟

قسور :اي ابوي بيها شي بيها عيب

ضرغام :انت صاحي على نفسك جانت مرت ابن خالتك

قسور:لعد ترجع لبيت أهلها ونعتذر منهم كبال خلك الله كلهم بخير وإذا اشم احد ماسهم بكلمه احرك البيت على الحجه وأهل الي حجه

بان :حته احنه ما نريدها ردوها لبيت أهلها وما ناخذها حرمه لوليدي كلام عدي صحيح وهي مو بنيه شريفه ما ناخذ ساقطه

ضرغام : بأن لا حول ولا قوة الا بالله العلي العظيم استغفر الله واتوب اليه حرام تحجون شي ما شايفينه بعينكم استحو

قسور :هل بنيه نكسرت واحنه كسرناها بويه

فيروزه : يمه البنيه نحجه عليها بنيه معيوبه وانت الشيخ فكر بيها باجر عكبه

قسور:يمه لا تخليني اتسودن البنيه ما بيها شي لا تخليني تكب براسي وانتي تعرفيني تعرفين وليدج قسور طكه ونص مسودن

فيروزه :يمه وانت شمعرفك عدي ما يكول شي ما متأكد منه

الحجي كله كبالي صار قسور فاير دم مشه ولزمني من ايدي وكفني سحبني بتك ايد كال لنوال تجيب حجاب الي وصعدت بسرعه ونزلت هي هم جانت حاطه حجاب وكال

قسور : يله

فيروزه:كلكم تعالو وياي

وسحبني فتح الباب مال سياره ودفعني صعدت بقيت بس ابجي صعدت نوال وياي وساق السياره بسرعه معاذ وضرغام و فيروزه ورانه جانو ايدي ترجف ولزمت نوال وكلت الها وصوتي بالكوه يطلع مني

_راح ي... يذبحوني اخاف... اخ

نوال:لج يا يكتلوج شبيج لج هدي عزه خشمج ينزف قسور هدي دخيل ربك هدي البنيه حتموت بين ايدي ثلج صارت

قسور:رايحين للمستشفى نتأكد من كلام عدي اذا جانت شريفه لو لا مو يكول ما ماسها ولا داخل عليها... دخل عليج

مكدرت اجاوبه ما اعرف لساني نعكد ندار وصاح بعصبيه ومخليه جنت الكلنس على خشمي والدموع تنزل وصحت لا ما لمسني خايفه خايفه على حسام وعمه صبيحه وصلنه ودخلنه للمستشفى وره شويه فاتت الطبيبه واني لازمه ايد نوال مستحيه والله ما ماره بهل تجربه طول عمري فيروزه فاتت الدكتوره مقبلت بس عصبت فيروزه  وكالت

بان:لا لازم نتأكد بنت بيوت لو مو شريفه هاي الي تتفاخرين بيها وابنج كسر خشم ابني على هل كحبه

الدكتوره سكتت سدت البرده وفتحتها فيروزه وكالت

فيروزه : صوتج ما اسمعه لسانج لميه لا امسح الكاع بيج وما يوكف واحد بوجهي وانتي يله كبالنه فحصيها

شهكت اول مره احس بكل هل ذله طول حياتي محد شاك بيه ولا بشرفي ولا بتربيه ابويه والله محد ماسني غير قسور الي وثقت بيه وهيج جازاني درت وجهي وبدت تفحصني وشوفت لفيروزه برائتي وكالت الها

الدكتوره :هل بنت نظيفه ومحد ماسها من قبل بعدها بنت باكر وجدار رحمها جدا نظيف وممكن من اول دخله متأكده بأذن الله تصير حامل وتجيب الكم أطفال هلكد ما جدار رحمها متكيف ونظيف

وغطتني نوال وضحكت بوجه نوال بس اني احس بذله لدرجه اريد انتحر ب اي طريقه واخلص قلبي نحرك نار شبت بقلبي كعدت بسرعه لبست بسرعه ولفيت الحجاب جسمي يرجف وطلعت وضرغام منزل راسه ومعاذ على جهة واكف وقسور مكدرت اباوع عليهم من المستحه وحجت فيروزه كالت البنيه نظيفه وعدي الساقط حسابه عسير بس اشوفه مشيت و صعدت بالسياره راسي على صدر نوال غمضت عيني بده يسوق هادئ كلش وكلت

_خلي ابالك ما ارضى بيك لو على كص ركبتي موافقه بمحمد اني وما أوافق بيك

قسور:اسكتي

صاح بيه بعلو صوته وكلت اله واني ابجي وجسمي يرجف وصوتي بالكوه يطلع

_عمري وحياتي ما حسيت بهل مذله وهل قله الحيله و عبالك بالعه موس لا أكدر ابلع ريكي ولا شي اتهموني بشرفي واني محد ماسني ولا خليت احد يمسني بطريقه تغضب الله لأن بابا تعبان عليه وماما ما أريدها تزعل..

قسور:كتلج سكتي

_من خليتك تلزم ايدي واحضنك جنت واثقه بيك جنت واثقه ما بيوم تكسر بيه هيج اكرهك عسى الله ياخذني وارتاح منكم

صحت بعالي صوتي وصلنه للبيت نزلت بسرعه وهو يصيح عليه ومشيت وفتت لغرفته حته مباوعت على احد وكع الحجاب بالكاع يلعب باللابتوب سحبتها من كدامه وركعتها بالكاع وكلت اله وكل جسمي يرجف صحت بيه

_اشرف منك وغصبا عليك شريفه ومحد ماسني من قبل مو مثلك مريضه

عدي:تعيريني لان معوق بنت الخره

_انت تعرف عوقك براسك لا ما أعيرك لان متمشي ما فكرت هاي اراده الله لأن كان ممكن يصير بيك شي أكبر او لان سويت شي وعاقبك الله ما فكرت اتوب بدل ما تصير حيوان ... اجيت بعد كل هذا صرت انسان قبيح ومريض نفسي الله انطاك فرص وانت ضليت بحقدك وكرهك وقباحتك ضليت انسان قذر ضربتني هنتني اتهمتني بشرفي عاملتني انكس معامله وبقيت صابره اكول نفسيتك تعبانه بس اخر شي تتهمني بشرفي هاك أقره يا متعلم شوف محد ماس شعره من راسي بس تفكيرك المريض يا طفل يا زعطوط هو الي خلاك تفكر الناس كلها قذره مثلك شوف... شوف هل بيت شوف الناس المهتمه بيك وتحبك ورايدتك وانت تتنعوص مثل النسوان بس شوف حب فيروزه الك ما فرقتك عن ولدها لا والله بالعكس اشوفها عاملتك احسن من ولدها وضرغام الي كل همه تكون سعيد لو اخوانك الي تعاملهم شون أعدائك والله اشفق عليك بعدك طفل تفكير طفل زعطوط

صيحت عليه وطلعت كل الي بقلبي كمت ما اشوف عدل نداريت كلهم موجودين جانو وكلت الهم

_جان المفرض يسمع هل كلا.. م لانه... مو طفل ولا عاله على قلبكم

مكدرت اكمل حجي مشيت نوال تباوع عليه وتبجي فتحت باب غرفتها وما حسيت بنفسي بس على فراشها.....

#قسور

وره هل كلام كل خطواتها ثكيله صارت جان عدي يباوع على الملف مال فحصها وهي فاتت لغرفة نوال ركض معاذ الها رجلها خانتها وكعت بين ايده شالها خلاها بالفراش يومين ما اشوفها بالبيت ولا تطلع من غرفه نوال و معاذ يمي ينام وعدي استمر على نفس طينته ما تغير منه شي بس صار عصبي اكثر امي قافله على فكره زواجي منها متقبل ابوي راضي قنعته البنيه ما راح تخلص وابوي يحبها كلش لشامه فوافق امي رايده الي بنات مدري مين اول شي رادت نوران بس بعدين صحت على نفسها الكل عرف بموضوع الطلاك و عدي ما ماسها ابوها اكثر من مره شفته باب البيت وهي متطلع كلت ل نوار تخليها تحجي وياه شكله يكسر القلب... جنت كاعد بغرفتي ودك التليفون رقم غريب الساعه جانت ب ال١١ بالليل جاوبت وجان حسام كمت ونزلت من الغرفه فاروق جان ويه حسام ومعاذ صحته نزل ويايه بقيت اباوع عليه سلمت وكتله خلي يفوت عيب جاي للديوان وما اسلم عليه كعدنه كلنه وكال

حسام:اريد منك كلمه رجال الي ينحجي هنا ما يطلع منكم

_كول

حسام :كلمه رجال ما تطلع كلمه منكم؟

بعد ٣ ساعات طلعنه واحد يباوع بوجه الثاني وحسام ويانه وكال

حسام:شيخ شامه امانه بركبتك وانت انطيتني كلمه مايصير بيها شي

عفته ومشيت عقلي ما يستوعب الي صار والي سواه حسام وعدي فتت وصارت بوجهي شامه دنكت راسي وانا طول عمري ما دنكته بس خجلان من نفسي وكلت

_خلي ابالج اليوم بالليل راح تصيرين حرمتي

شامه :لو اموت ما اقبل

سحبتها من ايدها كل قوتي وصعدتها لغرفتي سديت الباب ومشيت يم الجامه وفتحت البرده حسام و فاروق ومعاذ واكفين معاذ مخلي ايده على جتف حسام وفزت وكالت

شامه:شيسوي شيسوي لا لا عمو.. عمو كال

_راح توافقين ورجلج فوك راسج

شامه :أوافق بمحمد اي انت.. لا

قبل لا تكمل لزمتها من وجها كل قوتي ودفعتها على الحايط لزمت ايدي بسرعه الي لازم بيها وجها وكلت

💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕