رواية قسور والمهره شامه الفصل التاسع 9 - بقلم أسيل

قسور :اي بسببي بسببي صرتي ا... آله لا عبالج راضي وفرحان اشوفج لغيري وكبال عيني

شامه :تتصور كلامك راح يأثر بشي؟ يعني انت مقتنع تريد تفهمني راح أكدر اغير نظرتي عنك؟ خلي افهمك الواقع اذا بعدك عايش بالخيال.. اني زوجه عدي وطول عمري راح ابقه مذلوله حته لايصير بأهلي شي راح أضل طول عمري كبالك اتحمل وجع قلبي وذله واهانه عدي الي بسببك انت وحسام بنهايه الأمر انت وحسام ظلمتوني وحسام ظلم عدي.... كل أحلامي كلشي ردته بهل دنيا خربتوه الي حته اهلي نحرمت منهم اله اشوفهم بالبوكه انت وانت راح تبدي حياة ورديه ويه حبيبه القلب الاختيار المثالي مو الذليله وانت تعيش بسعاده واني اعيش بحزن نكتب الي طول عمري وهسه ابتعد عني قبل لا اصيح وافضحك كبال الكل

رخى ايده كل الي كالته صحيح رجع بصدمه ليوره بقه صافن عليها لزمت يده الباب رادت تفتحها ضحكت وكالت وهي تلتفت عليه

شامه:تعرف شنو الي يوجع قلبي ؟ من كتلي بنيتي وكتلك ابوي انت متتصور شكد وثقت بيك وانت خنتني اكرهك واكره اليوم الي شفتك بيه والله يلعن اليوم الي وثقت بيك والله ياخذ عمري بعد اذا فكرت احبك او افكر اخليك بدنيتي وها اخذ الي تحبها ولا تلتفت الي ابد

وطلعت من الغرفه كعد على الجربايه بقه اربع ايام مايطلع من غرفته من القهر الي ترس قلبه نوال تصعد الاكل اله ما ياكل شي كلش قليل ومحد يكدر يحجي وياه من عصبيته .....بقه صافن بحجيها مكدر يطلع ويشوفهة بعد كل الي حجته جان خايف وصار الي جان خايف منه كرهتة كلشي بيه يوجعه يصفن ويروح بعيد بتفكيره وترجع خنكته تترس صدره كره القسمه والحب والزواج كره كلشي مر بحياته ومثل مكالها مهند العزاوي

چانت شوفتك نعمه
وكلامك على الگلب نسمه
چنت اتمنى اضل وياك
بس الدنيا للغشمه
مابين الحزن والاه
ماكاره گبل والله
بس گمت اكره القسمه
واذا حبيت غيرك
وانت ما موجود
ثنين عيون تعميلي!!

#شامه

مرت ايام اختفى من كبالي مرات افكر كسرت قلبه بكلامي بس اكول يستاهل هو كسر قلبي وما خله شي بيه ما وجعه... خلصت تعزيل غرفه فيروزه فاتت وشافتني اعدل بالجربايه وكالت الي لأول مره اسمع هل كلمه منها بحيث قلبي وجعني

فيروزه:الله يرضى عليج

دنكت راسي بجيت وطلعت بسرعه ما أكدر كلشي بيه يحركني احس نار شابه بقلبي من يوم الي كلت الكلام كله لقسور ماكو شي ما حجيته بعد بداخلي بس اعرف حركت روحه وروحي بهل كلام عدي صاير عنيف وقاسي بشكل ما ينوصف مشيت للغرفه فتت ولكيته لازم المسدس رجعت ليوره بسرعه وكتله

_ش... شدسوي لي... ليش لازمه

وخلاه بالمجر خفت منه الصراحه ما حجه شي وطلع هاي عدهم عادي هيج الاسلحه اليوم جايه بأن ونوران يتعشون يمنه ومحمد الغثيث ردت اساعدهم مخلتني فيروزه كالت صعدي فوك ارتاح الصراحه استغربت ليش هيج تغيرت وياي معقوله صاير شي لو راح يصير صعدت دكيت باب نوال وفتحته جانت تشسور بشعرها وضحكت اول مشافتني وكالت

نوار:الغاليه تعالي قلبي

_اسفه زعجتج

نوار:ازعل منج والله

فتت كعدت على الجربايه العب ويه الأشتر فدوه شون عيون تسحر قلبي بست عيونه وضحك لزم شعري وبقه يخلي ابطن المكعبات وجانت تباوع عليه نوال وهي تعدل بشعرها وكالت الي

نوال:جنها عيون قسور ماخذ سحر عيونه من عمه

_نوال

نوال:عين نوال

_سالمه عيونج اكولج شفت عدي لازم مسدس واخاف افوت يمه يروح يموتني

نوال:اسم الله عمرج طويل انا اكول لمعاذ ياخذه لا تخافين خليج هنا

_ماشي

بقيت كاعده تمدد الأشتر بصفي واني هم خليت المميه بحلكه ما حسيت على نفسي من غفيت كعدتني نوال فتحت عيني وكالت

نوال :ادري بيج تعبانه بس كومي غسلي وبدلي خلي ننزل سوه ونغيض نوران

_لا قلبي روحي اني باقيه هنا يم الأشتر نايم خطيه

نوال:شهل حجي والله تعصب فيروزه هذا طلبها كومي عندي كلبيه ماروني وربي لا تجلطين بيها نوران

_ليش تكرهين نوران

نوار:لأنها جانت دائما تعيرني ما اخلف وكل ما احبل يموت الطفل بالولاد لو قبل الولاده ومن اجه الأشتر مرتين وكعته ومن منعتها منه كامت تعيرني ما اخلف بس واحد لان حملي ضعيف

_استغفر الله

نوال:كومي يلهههه

كومتني غيرت لبسي وعدلت نفسي خليت شويه مكياج والكلبيه عدله مارونيه وبيها نقشه سوده هديت شعري وعطر ولبست ذهب ونزلت ويه نوال سلمنه على الكل و نوران كاعده رجل على رجل وجنت كاعده قريب من فيروزه كالت

نوران:كومي جيبي مي الي

باوعت الها والقرآن ردت اخربط ملامح وجها بس شفت الولد كلهم فاتو وكمت ولزمتني فيروزه وكالت

فيروزه:لج ام رجلين العوج عدلي اسلوبج ويه جنتي لا والله اكصلج لسانج شوفي لج هي جنتي ما تخصج بشي لا عبالج امج هني واسكتلج

ضرغام:حياكم الله

رد الكل السلام فرح قلبي من فيروزه هيج ردتها وفاتو الولد كلهم وكعدو وكالت

نوران:شفت يا عمي عمه فيروزه تكرهني

ضرغام :شهل كلام

فيروزه:والله يا شيخ الزلم قليله أدب بحق جنتي شامه وزوجه وليدي عدي

عدي :واذا ما قلت الأدب واذا ما غلطت عليها هي كلها على بعضها فصليه كاوليه بنت ملاهي

ضرغام:عدي وليدي

صاح بيه عمي بسرعه وبعلو صوته ردت اكوم ولزمت بيدي فيروزه وكالت

فيروز :هاي مريتك اشلون تحجي هيج

عدي:يا مرتي مو مرتي انتو جبتوها غصب تشمئز حته نفسي اطخها وما اعرف ويه كم واحد نايمه

قسور :يا ابن الكلب

صاح بصوت هز البيت هذا الحجي بالعه الغصه ودموعي تنزل بالكوه اخذ نفس وكلت لفيروزه هاي اول مره تباوع عليه بقهر وغصه وكلت الها

_ابوس رجلج خليني اصعد

عدي :ها شو ادافع عليها

قسور:تحترم الكبار بالبيت لا مو بس رجلك تكوم ما تكدر تحركهن حته يدينك وشرف البنيه ما تمسه قايمه بواجبها وياك باتم شكل

عدي:انا كلت الكم أريدها انا كلت اريد هل ساقطه

ضرغام :انت سكران شارب شي هاي مرتك حرمتك

عدي:مانها حرمتي وما أريدها انا حته ما ماسها ولا داخل عليها انا اريد الثأر من حسام وانتي طالك طالك طالك بالثلاث وحارمه عليه وحسام اخذ الثأر منه

_ل... لا... لا.... ع.. عمو انت.. انت كلت اهلي

كمت بسرعه اهلي لا مستحيل حسام عمه صبيحه... ولزمني محمد ما اعرف ما كدرت اطيق لمساته دفعته ورجعت ليوره وصاح بيه فزيت من صوته

محمد:صوتج ما ينسمع لا تدخلين بخصوص اي موضوع

ضرغام :هدي بنتي

_ر.. راضيه.. راضيه ابقه هنا خدامه والله و.. واذا هاي اقبل اتزوجه م.. مره ثانيه ما احجي ما اكول

محمد: بعد حرم عليج عدي شيخ ضرغام اذا تريد تزوجهة انا أخذها انا اولى بيها

عدي بس طلكني راح للغرفه كل جسمي يرجف بقيت بس ابجي وعمه فيروزه تباوع عليه وباوعت على هل كلب محمد الي يريدني وعينه عليه واني اكرهة اشمئز منه هسه والله اذا ياخذني اسوي شي بنفسي نزلت يم رجل ضرغام كام بسرعه وكفني شهكت وكتله

👻👻👻👻👻👻👻👻👻👻👻👻👻👻👻👻👻

هلا هلاااا بارت خفيف وبالليل هم اكو بارت بس اخلصه 🖤
شوفوني تصويتكم وكلامكم الي يفتح النفس