رواية قسور والمهره شامه الفصل الثلاثون 30 - بقلم أسيل

الكاتبه :

صفن بوجهة وكال

اعتَابها ويلمٌع دمعهَا واغير الِموضَوع ْ

واعترفت انا الغلَطان دام السالفٌه تصل مدامعهاَ

عيون قسور صارت براسه كلب التليفون حته لا يباع مقطع الفديو ويصير حرام عليها صوت عدي وضحكه عرفه وصوت محمد مو غريب ويكله مودي لحمها طري ويضحكون وهي تبجي كام بسرعه وصاح بعلو صوته معاذ نرعبت شامه وكع الطبله والمواعين بالكاع وفتح الباب طلع معاذ من غرفته و نوال هم بقو يباوعون على شامه عيونها متروسه دموع وكال

قسور:شيل سلاحك ومشي اتصل على فاروق وحسام خلي يجون بسرعه للبيت

معاذ :امرك اخوي بس شصار

فيروزه :يمه شكو

جانت تريد تصعد الدرج ونزل قسور وايده ترجف ضرب الحايط كل قوته يمشي ويرجع بنفس المكان ايده ترجف لزمت ايده شامه وكالت

شامه :أس... أسفه

خله ايده على رأسها وباس كصتها سحبها لصدره ويضرب على كيف على ضهرها وكال

قسور :يا بنت قلبي مو منج عصبي

فيروزه :يمه شنو السالفه احجي

قسور :يمه ابن بان وراه كل مصايب محمد هو الي دفع عدي وشجعه يغتصب.... استغفر الله  خبله وسودنه لعدي

حسام:شنو

قسور:الموضوع بيوم الي اعتدى عدي على كوثر محمد جان وياه و كام يهدد بيها شوف

شوفهم الصور الي دازتها لشامه والرساله ركض حسام و وراه وركض فاروق وصاح قسور بعصبيه بس شافه ما درى عنهم واكفين يم الباب كال

قسور:اوكف

التفت حسام لقسور ودمارات ركبته طالعه من العصبيه مشه قسور ولزم ايد حسام وكال

قسور:محمد ولد عمي وجان يفوت لبيتنه و ويه ابويه وياي جنت مأمنه على بيتنه واهلنا يا حسام اذا احد يحاسبه انا الي راح احاسبه

حسام :لا اني

لزمه قسور ياخته حسام و هم لزم حسام ياخه قسور ركضت شامه وصارت بينهم بعدتهم شهكت وجانت ايدها على صدر قسور مشه معاذ بعد حسام وكال قسور وهو يباوع على حسام بعصبيه

قسور :اذا ما تفكر بأمك وابوك وانت الولد الوحيد الي باقي الهم فكر ببراء المن ل يا زلمه راح تروح من تدخل السجن

حسام :ل.. لا

بقه مرتبك وصفن هو واحد بيهم راح يدخل السجن يا حسام يا قسور ثنينهم محروك قلبهم وضربت شامه صدر قسور باوع عليها وكالت

شامه :واني.... واني.... اني..... منو الي لا تروح اذا تعزني وتحبني لا تروح ابوس ايدك لا ترجع تعوفني ويصير شي بيك خلي يولي

جانت تحجي وأيدها ترجف وتبجي وبالكوه تحجي لزمها قسور من جتفها وكال

قسور :اسئلج بالله هسه اذا رضيتي كوثر تضل مضلومه وراح كل شبابها جوه التراب بسبب هل ساقط وضميرج راح يرتاح ومن تخلين  راسج على المخده ضميرج مرتاح وروح ابوي هسه ارجع للبيت واسوي الي ترديه ومحد يمس شعره من راسه اذا كلتي ارجع للبيت وعوفه وانتي تباعين بعيني

فيروزه :يمه روح الله ومحمد وعلي وياك روح شمعه بيتي واخذ حقها

نوال :ابو ألأشتر لا ترجع للبيت اذا ما أخذت حق كوثر وساعدت الشيخ قسور

نزلت شامه ايدها وخلت راسها على صدر قسور شهكت وكالت بغصه

شامه :حترجع الي مو

قسور:اذا الله راد اي ارجع اله

شامه:اوعدني

قسور:بشنو

شامه :لا توصخ ايدك بيه وسلمه للحكومه

قسور :تأمريني

باست صدره وهو باس راسها ومشه ضرب حسام على ضهره دنك حسام راسه ومشو خلت شامه ايدها على قلبها التفت لفيروزه مشت الها وحظنتها مرت ساعات كلهن كاعدات بالبيت اجتي سويره وصبيحه بس عرفو بالي صار شامه تتصل بقسور وميجاوب روحها لابت عليه تريد تسمع صوته اذا جان بخير خلت راسها بحظن صبيحه لان كام يوجعها وبقت تلعب صبيحه بخصلات شعرها غفت شامه بدون ما تدري الأشتر واكف يباوع عليهم وسمع كل الحجي وفهم الموضوع لان صار واعي ويفهم مو طفل ....

بهل أثناء قسور يصيح على الولد وهم يركضون وره محمد وبقيه الولد الي رادو ياخذون شامه ونوال مهزومين كال للولد لحد يصوبهم ماشايلين اسلحه وصاح بعلو صوته

قسور:لك محمد لو تروح وره الشمس الكفك وادفنك بأديني يا نغل

محمد :اكتل روحي وقبل لا اكتل روحي اكتلك واخلص منك

وميشوف قسور بس حسام لازم بأيده طابوكه بكد جف الايد وشمرها بكل قوته على محمد الي تمدد بالكاع بس نضرب براسه وفاروق كام ما يكدر يركض طك من الضحك على عمله حسام وهو لازم واحد من الولد شبعه رفسات على رأسه وسحله سحل مشه قسور أشر لحسام يرجع ليوره وسحب محمد من ياخته وكعده راسه ينزف دم ركع قسور كباله وكال اله

قسور:بس انطيني سبب واحد على الي سويته وراح اعوفك ليش دفعت عدي على كوثر

محمد: هههه كل ضنك مهتم بعدي لو كوثر انا سويت كل هذا حته شامه تصير الي وراح اخليها تصير الي لو يبقه يوم بعمري راح احرك قلبك وقلبها

معاذ :على جثتي يا ساقط

قسور:خليني اشوفك شون راح تتقرب منها

محمد:عرفت عندك علاقه بيها من جنتو تتشاوفون كبال البحيره كلشي صار الك وانا نحرمت من كل هل ثروه الي ابويه أحق بيها منكم ومن ابوك انا الي حركت قلب ابوك وحركت حصاد الفلاحين ب المزرعه مال تمن و انا الي ورطتك ويوم عدي تزوجها انا الي قريت براسه يزهك عيشتها ويطلكها وما يتقرب منها انا ردتها الي بس انت اخذتها تاخذ كلشي زين الك

قسور:ولك يا كلب يا ساقط اله ادفنك والله اله ادفنك بأيدي ولك ابوك لو عايش اله يتبرى منك ولك بشنو قصرنه وياك

بقه يضرب بيه بدون وعي ركضو الولد لحد ما وخروه محمد يضحك حته يخلي قسور يفور دم بلحظه ما انتبه قسور على سلاحه من وكع بالكاع يريد قسور بس يتحرر من معاذ وفاروق حته يخلص على محمد ثواني محمد اخذ السلاح وجهة على قسور ركض حسام بس وكف كبال قسور ضرب قسور حسام على ضهره برجله وكع وضرب محمد طلقه صارت بصدر قسور وخله قسور ايده على صدره باوع بوجه حسام ومعاذ وكع بالكاع ابتسم لفاروق وباوع على ايده كلها دم ركع بالكاع مثل جبل ونهد  حضنه حسام البقيه صافنين ما يوعون شنو الي صار وكال قسور

قسور :لا تخلونه ينهزم سلموه للواء ليث كولوله قسور يكلك هذا كتالي... شا... شامه أم.. امانه بركبتكم

خله حسام ايده على صدر قسور وصاح بمعاذ يجيب السياره لزم فاروق محمد واشر للولد الي وياهم حته يصعدون البقيه بالسيارات ومعاذ يركض بس يريد يوصل للسياره قلبه راح يوكف والسياره صارت بعيده الثواني صارت سنين على معاذ الي يفكر امه وشامه ونوال ابنه الأشتر الي متعلق بعمه حسام صاح بقسور

حسام :والكعبه اذا عفتنه ورحت.. لا تسويها قسور لخاطر شامه لك تتخبل تتخبل بدونك والله راح تموت اذا عرفت بيك شي والله شكول الها ولك فهمني تموت شون اباع بوجهة

قسور :اذا وصلت للمستشفى و.. بعد ب... بيه نفس.. جيب.. جيبها اسمع.. حته اذا بس.. بس صوتها اسمعه كلها احبها... كلها الشاهد الله طول عمري.. حبيتها وما حبي.. ت غيرها

كح قسور كام ما يكدر يآخذ نفس اجه معاذ بالسياره مثل المخبل يسوق وصاح فاروق عليهم يلحكهم بالمستشفى صعدوه وطار معاذ بالسياره سوه الطريق دقايق

اما بيت ام قسور كاعدين الكل اله شامه نايمه على القنفه يم صبيحه فزت وأيدها على قلبها حست بنغزه سمت بأسم الله والكل سمه بأسم الله من فزت انطتها نوال كلاص مي بللت ريكها وباوعت على الساعه جانت ب الخمسه الفجر خلت ايدها على قلبها فيروزه تصلي ندك الباب ركضت شامه للباب مبتسمه فتحت الباب بس شافت حسام عيونه مورمه وحمره عرفت بيه باجي ملابسه بيها دم رجعت ليوره وكالت

شامه:ق.. قسور...

#شامه

قلبي وجعني من روحه قسور فزيت قلبي ينغز بيه احساس بيه مو طبيعي وجع اكو وجع بصدري  ندك الباب بس فتحته شفت حسام باجي عيونه حمر حسام ما يبجي على شي بسيط شفته بجه بس بموتت اخوه احمد دم ملابسه كلها دم بس كلت قسور تغيرت ملامح وجهة يكلي افهم الموضوع ونزل راسه نكطع نفسي ما أكدر اشوف كلشي ضبابي صار بعيني كمت ما اشوف فتحت عيني بغرفه بيضه يمي نوال وسويره مغذيات بأيدي عرفت بروحي بالمستشفى سحب المغذيات صاحت نوال بيه وشمرت كلشي بالكاع وصحت

_قسور... قسور صار بيه شي مو.. مو صار بيه شي

فاتت غيداء بس شفتها كلهم وجوهم حزينه وبراء هنا تشنج كل جسمي تشنج اريد اصيح ما أكدر مايطلع صوت مني ضربت على صدري كل قوتي اريد قلبي يوكف واموت اريد ارتاح مات.. مات قسور مات الي جنت احسه كل دنيتي ركعت على الجربايه جسمي يوجعني وجع براسي ملفوف بشي صحت بعالي صوتي بأسم قسور طلعت الخنكه الي بصدري طك خشمي دم ركضت غيداء تريد بس تلزمني مكدرت كلشي بيه يكول انهي حياتي واخلص رفعت راسي اريد بس توخر مني مثبتتني بالجربايه هي وبراء يبجون رفعت راسي اشهك اريد اموت

_ما.. ما اريد اعيش مات.. مات كلي ارجع مات وجع قلبي حركلي قلبي

😳😳😳😳😳😳😳😳😳😳😳😳😳😳😳😳😳

البارت القبل الاخير 🥺

أسفه دخلتكم بهل كأبه 😂

ان شاء الله حبيتو هل بارت اللطيف 😂