رواية قسور والمهره شامه الفصل التاسع والعشرون 29 - بقلم أسيل

قسور : بنيتي اريدج تسمعيني لآخر كلمه اكولها الج.. بيوم طلاكج من المرحوم عدي انا من اخذتج حرمه و بعيد عن عشكي وحبي الج انا من اخذتج جنت خايف عليج وخايف اخسرج وره ما حجه حسام القصه ما كدرت اعوفج ولا افاركج تكدرين تكولين انانيه انا حبيتج واول مره بحياتي هيج اعشك وحده طفله ومخبله اخذت روحي وعقلي بنفس الاسبوع الي تطلكتي بيه اجه حسام و وياه رساله التهديد جايه لأبوج وبيها طلقه رايدين تبتعدين عني حته ياخذوج بسهوله وكلت لأبوج يخليج حرمه الي وراح تبقين امانه بركبتي ليوم الدين خفت اخسرج وخفت تتوجعين من حجي الناس وره طلاكج وخفت يصير بيج شي بسببي لهذا انا جبرتج على هل زواج وما ردت واحد ثاني يمسج و اعرف هواي صار بحياتج بسببي وهذا شي منتهين منه بس انا راح اعوضج والله وهسه تشوفين العمر كله كبالنه بس خليج وياي خليج سند الي واصبري عليه شوي واعوضج والله

_اوووه اصبرلك عمر واذا ما كفه اصبرلك عمرين

كلامه رجف قلبي نسيت وين كاعده وخليت راسي على صدره ابتسمت كلش فرحت من كل قلبي فرحت...... وهاي صارت الدنيا ثلج من البروده وقسور جان طالع كال دقايق وارجع وهاي صار ساعه بره ضل بالي علي نزلت على أطراف أصابعي واشوف معاذ وحسام سويه كاعدين الوقت متأخر وكال

معاذ:لا تبقه ادخن انا اخوي واعرف ما يرتاح قلبه اذا ما يحجيه لك راد يكسر قلبه بأعز شي اله بهل دنيه مخبل والله راح يورط نفسه

حسام:معاذ اخوي انت والله من خوفي على الشيخ يروح يموت الرجال بأيده و ينسجن شنسوي وفاروق يكول خلي يبرد قلبه

معاذ :شفت حالته بمخزن الفرس ماكدرنه نسيطر عليه شنسوي اله

مشيت بسرعه شافوني كام حسام ومعاذ طلعت بره البيت وهم يردون يحجون وياي لابسه شي خفيف فتت لمخزن الفرس واشوف قسور راكع على صدر الرجال وبوكسيات على وجهة المتروس دم لزم صبعه وكسره فزيت من عيطه الرجال قسور ايده متروسه دم ضرب راس الرجال بالكاع وصاح بيه فاقد اعصابه ونفسه

قسور:ولك احجي

مشيت اله ايدي وجسمي يرجف سحبته من ايده باوع عليه و صاح وهو يسحب ايده

قسور:طلعوها منا شجابج

_ق.. قسور

قسور:اطلعي اخذوها منا

بس لزمته صاح بيه اطلع وسحب ايده رجعت وكعت بالكاع التفت قسور الي مشه بسرعه فزيت جسمي كله رجف ركع بصفي بجيت مكدرت اصبر نفسي لزم ايدي نجرحت جرح صغير بس هو ايده كلهه دم مسح ايده ورفع راسي وكال

قسور:بنيتي

_عوفه

قسور :هذا

كمت بالكوه اخذ نفس حظني قسور خليت راسي يم قلبه وبقيت بس ابجي ما اعرف بهل مواقف بس ابجي جبانه و ما اريد يصير شي بسببي من وره عصبيته وكال

قسور :فاروق سلمه للمخفر وفهمهم السالفه

فاروق :من عيوني

قسور:واذا طلعوه بواسطه طلقه براسه وانهي الموضوع

ضحك فاروق ما اعرف يشاقه لو شنو وكفني قسور رجعنه للغرفه لازمته كل قوتي فات سبح و وره شويه طلع مشه كعد بصفي لزم ايدي وباسها الي جان بيها جرح وكال

قسور:الله يكص ايدي ان شاء الله على هل سوايه

_أسم الله عليك شهل حجي شنو هل فال ليش هيج تحجي

قسور :اذيتج مو

_لا و.. والله

تمدد بصفي وخله راسه على صدري بأس صدري من يم قلبي واخذ نفس وأيده على خاصرتي جانت يحركها على كيف باوعت على ايده والجروح الي بيها وصايره بيها كدمات زركه لزمت ايده تحركت وتوجعت راد يوخر راسه بس سحبته وكلت اله

_لا خليك خليك هيج

قسور:مو متوجعه عمري

_لا والله ابد هيج مرتاحه

قسور :بويه الله يحبج وانتي تعبانه جان ما خليتج تتحركين والكعبه

ضحكت وهو هم بست راسه وبقيت العب بشعره واحرك بأصابيعي على ايده المتجرحه كتله

_عقمتها

قسور:احس ابالج شي كولي

_لا م.. ماكو

قسور:تعرفيني ببنيتي

_كوثر

قسور :الله يرحمها ويغفر الها شبيها

_من نرجع للبيت اشوفك شدازه الي قبل لا تنتحر فديو بس مكدرت اشوفه ورساله تعتذر بيها وتسلم عليكم وعلى البنات وشون وكفتو الها وهذا طلبها

قسور :فديو شنو

_مصورينها وهم يعتدون عليها وهددوها اذا مينامون وياها مره ثانيه راح ينشرون الفديو هل انتحرت هي

قسور :ولد الكلب منو جان ويه عدي والله لاشرب من دمه سهلة اله اخذ بثاري وثارها

#قسور

هاي مرن علينه عشر ايام بيت المزرعه اجتي امي يمنه والبنات داير مدايرها يضحكن ويسولفن رجعت براء لبغداد بعد مفاتحها حسام بموضوع الزواج الكاع ما واسعته وهي هم فرحانه من كل قلبها رجعنه انا والولد نسولف طبيعي طلبت السماح من اخوي معاذ بعد الي سويته بيه هو و فاروق بقو يضحكون كانو مصاير شي هذا الي فرحني ما شايلين بقلبهم على.... أما حبيبه قلبي شامه صايره عدها خوفه مو طبيعيه مني ومن أي صوت عالي مرات بالشغل واني اشتغل بالبيت اعصب وصوتي يصير عالي من احجي و من اباوع عليها اشوف ايدها ترجف ومرات عيونها ادمع حاولت أكثر من مره افهمها مستحيل بيوم ائذيها لو ارجع اكسر قلبها هذا هو اتفقت وياها بعد مستحيل اعوفها لو ابتعد عنها لو بيوم من الايام راح اسوي شي يأذيها هواي حجينه بالموضوع بس هي بعد عدها رده فعل واحسها خايفه مني.... وهاي كاعد منتضرها و طلعت من الحمام ابتسمت بس شفتها فتحت ايدي واشرت الها تجي بحظني كاعد على الجربايه مشت لابسه ثوب اسود دلع وكصير فوك ركبتها وشعرها مهدود ورطب كعدت بحظني سحبتها وحظنتها كل قوتي بست ركبتها ضحكت باوعت بوجهة مابيها غلط كلت

_ماكو اي غلط ماكو اي شي غلط بيج كلشي حلو بيج حته عصبيتج كامله الأوصاف بس الكمال ل الله ولج تعرفين شكد احبج

شامه: ممممم لا ما اعرف كولي شكد

_بكد رحمه الله وبكد صبر أيوب هيج احبج

شامه :الله لا يحرمني منك كلشي بيك احبه فدوه انا اروح الك

خلت ايدها على وجهي وشفتها فوك شفتي باستني على كيف عبالها راح اعوفها والله ما عفتها لحد ما أخذت الي رايده منها رأسها على صدري رفعت راسها بقت تباوع عليه وكالت

شامه :شبيك هلكد شايل هم وحزن بقلبك بعدك زعلان مني

_لا يعمري مابيه شي ليش وج ازعل من بنيتي

شامه :بلي بيك شي حبيبي احجيلي

_خايف عليج

شامه :شكو ليش وثانيا واثقه ما يصير شي وانت يمي

_ان شاء الله يارب شامه

شامه :كول عيوني

_ابوي تصورينه راح وبعده زعلان مني؟

بقت تباوع عليه لفت الجرجف على صدرها وكعدت تباوع عليه بأستغراب تعدلت وكعدت شعرها على ضهرها و خصل شعرها صايره على مناطق صدرها وجتفها شفتها مورمه حلوة بشكل مبالغ بيه بحيث بس ضوه الحمام الاصفر يعكس عليها جسمها صاير مثل لون العسل نازكه وكلها انوثه ما أكدر امل منها بقيت كاعد صافن بتفاصيل جمالها

شامه :ليش تحجي هيج ليش هل موضوع براسك

_لان ما أكدر أشيل كلامه من راسي من جبت مكسوره الركبه حرمه ثانيه الي احس كلامه هيج واجع قلبي ليومي هذا ما يطلع من راسي

شامه :تره دزيت الك رساله وفهمتك الموضوع قبل لا ارجع لبغداد و حجيت ويه عمو ضرغام الف رحمه على روحه بيومها تمنيت ما دزيت الك هل رساله

_يا رساله

شامه :هاي شنو لو ما مجاوبني بيها وكايلي ما ادخل بشي عائلي وما اسوي مشاكل ثانيه

_ش.. شنو اني هيج كايل الج

شامه :اي قبل لا تجي انت لبغداد ونتشاوف دزيتها الك

_نوران الساقطه... هي الي جانت لازمه تليفوني لا والله يا شامه مو اني الي حاجي هيج

شامه :يعني ما شفت الرساله

_لا والله

نحنت وفتحت المجر طلعت تليفونها وبدت تكلب بيه وانطتني التليفون وصدك هذا رقمي جان ورسائلنه انا وياها من رقمي بديت اقره

شامه( مرحبا قسور اسفه لان زعجتك بهل وقت ما اريد أطول عليك بالحجي اني قبل لا ارجع لبغداد كعدت حجيت ويه عمو ضرغام بدون ماتدري انت واني مو قصدي اسوي شي من وراك او اخليك تنقهر بسببي بس حجيت ويه عمو ضرغام وكتله انت سويت هيج وتزوجت نوران لان اني جنت ما اخليك تتقرب مني ولأن جنت انام بمكان وانت بمكان وكذلك لان تحديتك واعرف بيك مجنون وعصبي واستغليت هل شي لنفسي من قليت الأدب وهذا اكثر شي نادمه عليه واتمنى لو يرجع هل يوم و أكدر اعيد تصرفي وكلامي الي كلته... المهم طلبت من عمو ضرغام ما يزعل منك تعرف شكال وربي الفخر الي شفته بعيون ابوك خلاني اتندم بكل لحظه تصرفت بسوء وياك تعرف شكال وكتها هذا وليدي قسور فرحتي ونظر عيني هذا عكازتي بالكبر هو الي من يوم يومه رافع راسي سئلته اذا بعده شايل بقلبه وعلى هل كلام الي كاله من اخذت نوران ضرب رجله والاوف طلعت من نص قلبه وكال قسور وليدي طلعت مني عساني ميت ولا كاسر قلبه بهل كلام والله ما طالعه من كل قلبي والله حجيتها من قهرتي وهسه من فهمت الموضوع نغبنت اكثر هذا وليدي وانا راضي عليه دنيه وآخره هذا الي صار وحقك اذا تزعل مني بس ردت افهم عمو الموضوع حته يرتاح ضميري وداعه ماما ما كلت ولا زيدت كلمه مني حته لا تبقه شايل بقلبك وما اريد ابقه احس بذنب)

جانت نوران دازه الها (ما اسمح بعد الج تدخلين بأمور اهلي فهمتي ولا تراسليني بعد)

شامه(مو قصدي)

نوران (ولي وبعد لا تحجين وياي لو ويه اهلي بموضوعنا)

شامه (أسفه)

باوعت عليها وشفت التاريخ قبل وفاة ابوي بعشرين يوم وجعني قلبي خليت ايدي على رأسها وسحبتها بست شفتها كعدتها بحظني وحظنتها كل قوتي ابتسمت لأول مره قلبي يرتاح.... نمنه وهي بحظني طلع الصبح لبست جينز بلوز وفاتت للغرفه كلت الها تصعد الريوك ناكل سوه وحدنه خلت الاكل على الطبله كبال الشباك خليت عطر عدلت شعري بأيدي عافت الاكل واجتي خلت وجها يم ركبتي رفعت رجلها حته توصل الي انحنيت الها وحظنتني شون الطفله وكلت الها وانا احط ايدي على خاصرتها

_حبيبه قلبي انتي خلي اخلص شغل ونروح نسافر بس انا وياج

شامه :وين وين نسافر

_من اخلص شغل هل اسبوع اكلج مفاجئه

شامه :حبيبي تعرف ماعندي صبر حبااااب وين وين لبغداد

_لا دوله انتي تحبيها ذكرتيني حبيبيه اريد الرساله و اريد الفديو مال المرحومه

شامه :ي قلبي على لابتوب مالتي ثواني راح أرسله الك

رسلته وكعدنه ناكل وصلني وره شويه الفديو و الرساله قريتها مودي هذا عدي يصيح محمد من صغره بأسم مودي استغربت من هل اسم وشمعرف كوثر بيه شغلت الفديو وكلبت التليفون حته ما اشوف شي وتتأذى كوثر حرام عليه بس ضحك مودي عرفته محمد....

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

هلا هلا حبيباتي 😍🥺 بمناسبه وصول القصه مالتي لرقم مميز وحلو حبيت انشر الكم بارت جديد اتمنى تستمتعون بيه وابشركم مبقه شي وتخلص القصه وحتخلصون مني 😂😂