رواية قسور والمهره شامه الفصل الخامس عشر 15 - بقلم أسيل

قسور:لا تخليني اخرب الطلعه ونرجع للبيت واسبوع ما اخليج تتحركين تره بالكوه لازم نفسي منج

ضحكته مثل الطفل وباوعت ليكدام بأس ايدي اكثر من مره احس بفراشات ترست بطني وصلنه للبحيره باوعت عليه ما ردت انزل حسيت بوجع بقلبي فتح الباب مفتوح واشر الي انزل ترددت بس لزم ايدي ونزلت مشينه وجانت كبال البحيره فراش وريوك والجاي على الفحم جان فاروق موجود ضحك وكال

فاروق : اخيرا طيور الحب فدواااتكم وانا صرت المرسل مالتكم بعد تأمرون بشي
قسور :عاشت ايدك
فاروق:لا تسون شي عيب

ضحكت وقسور هم استأذن فاروق وراح كعدنه نزعت الحجاب والعبايه وكال بسرعه

قسور:لبسي شي

_على شنو محد يكدر يفوت هنا انت كلت هل شي وسيجت أرضك وفاروق غلق الباب

قسور:اغار عليج من ضوه الشمس

تقربت منه وبست شفته خله ايده على خاصرتي وسحبني لحضنه مخلي الي كل ريوك احبه و الي جنت مشتهيته صبيت جاي وكعدنه ناكل سحب قسور ملف وكتله

_حته هنا شغلك مو اتفقنه ماكو شغل واحنه طالعين سويه

قسور:اي اتفقنه بس هذا مو شغل هذا حلمج

_مافهمت شنو يعني

قسور :افتحي الملف

فتحته هاي ورقه تحويل ملكيه بأسمي ارض بمنطقه ***** الف متر باوعت عليه ابتسم واني صافنه بوجهة كلبت بالملف تصاميم لميتم وحديقه كبال البحيره الي راح يصير سياج كبالها وبنايه مرسم كبال البحيره والجام كبار كلبت الملف وبيه صور للتصميم البنايه مال ميتم على شكل كوخ ضحكت ما كدرت اسيطر على دموعي مره كتله حلمي اسوي ميتم وبيه مرسم وأريد شكل البنايه كوخ مثل مال الكارتون احسه دافي و صدك بيه حنيه للأطفال اليتامى والنهايه اكو ورقه انطاني قلم ايدي ترجف اخذت القلم صار صدره على ضهري وكال وين أوقع وقعت واخذ الملف وكال

قسور:اول مكان شفتج بيه هنا راح أحقق الج كل احلامج بس اصبري عليه هل ارض ابوي سجلها بأسمي وانا كتله اريدها بأسمج وراح اسوي هيج مشروع بيها وكال هو داعمني هو وأمي

التفت عليه وخليت شفتي فوك شفته وبسته سحبني اكثر لحضنه كعدت بحضنه وضهري على صدره ومخلي ايده على خاصرتي وكلت اله

_ابد لا تبتعد عني ممكن

قسور:وياج لأخر يوم بعمري

_ربي يطيل عمرك اريد اشوف كوثر دائما اسئل عليها بس ماكو بالي يمها

قسور:أن... أن شاء الله هسه كملي أكل وخلي اخذج للصايغ

_شسوي هناك

قسور:اخذلج محبس

_لعد هذا الي بيدي شنو

قسور : لا هاي مو مني

_لا حبي ما اريد

قسور :مو بكيفج حبيبه قلبي

طبعا اخذني غصب لأبو الذهب اشترالي محبس ويه الحلقه وسوارات سته وكلادات اثنين وتراجي واخذلي حجول طبعا شنو بالكوه اخذ وهو يخزرني واخذ لعمه فيروزه محبس و نوال هم سوار خلاني اختار على ذوقي ألهم بقينه نفتر بالمكان وشوفني كل مكان حلو ويحبه خلصت اليوم ضحك و ونسه اليوم اسعد يوم بحياتي بقينه نسولف على كلشي حلو صار شوفني مكان شغله يجننن الشوارع المطاعم تعشينه كباب جنت مشتهيه حجز الطابق مال عوائل كامل حته ياخذ راحته واني هم وكال الي قسور واني دا اسوي اله لكمه بأيدي

قسور:شناويه تسمين المكان

_يَم (احد الأسماء المعروفه باللغه العربيه بس غير مستخدم لانه اسم علم ويعني البحر أو النهر العظيم ذكر في القرأن سبع مرات

قسور:الله احلى أسم

باوعت عليه مديت ايدي ضحك ولزمها اكل اللكمة وباس ايدي وكال

قسور: عسى الله يطيل عمرج ونشيب سوه من عمري على عمرج يالغاليه

_اسم الله شهل فال تريد تحرك قلبي والله اموت وراك شهر ما أطول وراك موتني ولا تعوفني بوحدي ما أكدر أفكر أجر نفس بوحدي

قسور:اسم الله على قلبج عمرنا طويل ان شاء الله ونشوف جهال جهالنا

كملنه عشى وكلت لقسور ناخذ حلويات للأشتر لان راح الكاه كاعد باب غرفتي مطرود لو مسوي مشكله ومكتول من معاذ ورجعنه للبيت هلكانه تعب تلكتنه عمه فيروزه بست راسها واجتي نوال كعدت يمنه شوفتهم الذهب وفرحت عمه بيه وكالت

فيروزه :عاد اليشهد الله كل الخير شفناه على وجهج انتي ونوال ورزق وليداتي زاد وتستاهلن هل دلال

_والله يا عمه الخير خيرج فدوه لوجهج الحلو عاد هذا قسور جابه الج وهذا لنوال

طلعت المحبس ولبسته بأصبعها طارت فرح بيه مع ان هي عدها ماشاء الله تبارك الله قيامه ذهب بس فرحت لان تذكرناها والسور لبسته بأيد نوال ضحكت وكالت

نوال:الله يطول بعمركم ويسعدكم ونشوف جهال جهالكم

فيروزه:يا بعد هلي يارب ترسون هل بيت أحفاد وافرح بيكم

سلمت على عمو ضرغام ومعاذ وقسور كاعد ضحك بس شافني والأشتر بحضنه نسخه منه جان برجله لزكه جروح وكلت

_حبيبي اخذت الكيك
الأشتر:ايييي اكلته
_بالعافيه عليك منو جارحك
الأشتر :هذا كواد دفعني وكع اني

أشر على ابوه انتهينه من الضحك اني وعمو وقسور اختنكت من الضحك والله سوالف قسور علمه على هل حجي وصعدت فوك للغرفه اريد ارتاح سبحت وطلعت دك تليفوني غيداء جاوبتها

غيداء:ولج يلعااااررر

_شكوووو شكو خبصتيني

غيداء:ضل بالي ليش متجاوبين

_جنت بموعد غرامي ويه حبيبي

وضحك قسور و وكفت عدل عزه صرت بكد النمله جنت احجي بدلع شكد فشله منه وكال

قسور:شونج اخت الغاليه

غيداء :قلبيييي بخير يا قلب قلبي

ضحك قسور وفات للحمام حجيت الها الصار وكتلها بعدين احجي التفاصيل لان هلكانه تعب عدلت الأغراض وخليت الملف على مكتبي جنت لابس شورت عريض فوك ركبتي بشويه وتي شيرت من قسور لان ملابس النوم الي جايبيها الي كلش مستوره والعكس صحيح المهم مشطت شعري طلع قسور لابس بس بجامته ارتبكت ورجعت شعري ليوره جان ينشف بشعره وطلع جسمه يجنن وكتله ب ارتباك

_البس ش... شي

خله ايده على خاصرتي وشالني بأيد وحده وشمرني على الجربايه ضحكت باسني من ركبتي واخذ نفس وكال

قسور :مثل العافيه شنو مستحيه مني

ضحكت و سحبته لصدري وبقيت حاضنته غمضت عيني وبقيت احرك ايدي بخصل شعره وبعد ما حسيت بشي ولا أريد بعد احس بشي الدنيا حلت بعيني الإنسان الي احبه واريده يمي...

#قسور

جانت نايمه بحضني بدت ايامنه تحلو والايام  الي راحت بس مشاكل وقهر  بيني وبينها تتعوض ضحكتها رجعت تارسه وجهة تصرفاتها رجعت نفس ما هي يوم وره يوم احس بفرحتي وضحكتي تزيد وياها نايمه بحظني اباوع على ملامحها وجها تفاصيل عيونها وخشمها رموشها بشرتها وعطر بشرتها جنها بشره جهال ناعمه ايدها واصابيعها الي احبها رجعت نفس ما هي بقيت صافن بوجهة وهي نايمه بين ايدي تحركت بتضايق خليت ايدي على وجهة حركتها فزت دفعتني بسرعه وكعدت تباوع بالغرفه وكامت تبجي خلت ايدها على وجهة كعدت كبالها وكلت الها

_اش أش انا هنا شبيج هدي نفسج

شامه :جا.. جان هنا شفته واكف يضحك سنونه دم بيها دم

_منو

شامه:ع.. عدي

سحبتها لصدري حركت ايدي على ضهرها ترجف غمضت عينها ونامت بين ايدي بجت هواي لحد ما هدت هاي مرت اسابيع بلمحه رمش شامه رجعت ترسم وتخطط للمكان ودائما اخذ رأيها بكل شي اريد اسويه للمكان ضحكتها ترست البيت وحته امي رجعت الها الضحكه والسوالف بالبيت نترس سعاده وفرح مره ثانيه جانت بالمطبخ واكفه الدنيا ليل هلهلت امي وصاح

معاذ:ها يمه راح تزوجين قسور

شامه:فال الله ولا فالك لا اجي ابقك بعينك

ضحكت من صدك من رجفه صوتها وجانت ماده راسها وباوعت عليه وكالت

شامه:شو تضحك بس لا راضي على هل شي عمو ترضى ترضى بهل شي ما مقصره وياه حته الليل يخليني انام بالكاع وما ينطيني غطه

_اني ولج اني

ضرغام:ها ولك ها بنت العز تنومها بالكاع

_بويه والله جذابه

ضرغام :ما اصدك بيه لا بنيتي ما اخلي ياخذ

وضحكت تحرك ب حواجبها متشمته بيه واشرت الي بالسجين تذبحني ضحكت طفله والنبي طفله شكد احبها يا الله وامي تضحك هي ونوال وكال ابويه

ضرغام :ولج نور عيوني شصاير هل تهلهلين

اجتي مشت هي ونوال كعدت ترف بصفي وحضنت ايدي باوعت عليها كرصت خدها صار احمر وكلت الها

_شكو شصاير

شامه:تجيب الي همبرغر اذا حجيت

_رجعنه لهل اكل تعرفين بيه راح يأذيج والبارحه اكلتي بيتزا مدري شون قنعتو معاذ

شامه:هو قشمرنه

_والله انتو الي قشمرتو اخوي بس مع هذا عيوني الج اجيب الج بس هل مره

شامه :أحب

وضحكت الحقيره ما تكملها تحرك بقلبي وكالت امي

فيروزه :أبشرك يا معاذ

معاذ :خيرج يمه راح تزوجيني

نوال:والنبي اموت نفسي

فيروزه :يمه اسم الله عليج وعلى حفيدي الي ابطنج

معاذ :هااا

_يا الله الله يبشرج بالخير شون شون مو كالو بعد ماكو شصار

ضرغام :الهم صل على محمد سيدنا وحبيبنا وشفيعنا

معاذ:شون بس مصارت ما سوينه العمليه مو كلتي

نوار:هديه من الله والله وتعديت مرحله الخطر مال اجهاض والله ما جنت اعرف ورب الكعبه البارحه عرفت رحت انا وامي كتلك مراجعه واليوم تأكدت ما صدكت اله اخذت سونر سمعت قلبه يدك

نزل معاذ راسه وبجه بويه هز قلبي هاي اول مره اشوفه يبجي كبالي ضحك ابويه وعيونه دمعت كام معاذ وحضن نوال وباس راسها  وره الأشتر صار عدها ضعف الولاده جانت كلش صعبه وره فتره عرفو ما يصير عدهم بعد طفل حمدو الله على الأشتر بس هل طفل اجه معجزه

ضرغام:بنتي الله يحفظه ويجي لهل دنيا بخير وسلامه ويترس النه البيت فرح

_مبروك يالغالي يتربى بعزكم

شامه :هسه بعد ممنوع عليج الحركه تبقين مرتاحه مبروك عليكم تستاهلون كل خير والأشتر اني اعتني بيه

جان خبر كلش حلو الكاع ما لمت معاذ يحبها وما يكدر بلاه شامه كاعده بصفي تباوع عليهم مبتسمه حاضنه ايدي تقربت منها وشاورتها

_نحاول نصنع اليوم طفل

باوعت عليه بصدمه ضحكت وهي صارت حمره عظت زندي وكامت مني راحت للمطبخ واني بقيت اضحك رفعت راسي وشفت امي تباوع علي وكالت

فيروزه :وينك من هل زمان من هل ضحكه انا ضلمتك وضلمتها يمه سامحني

_استغفر الله يمه شتحجين حقج على راسي شما كلتي وسويتي وحجيتي انا راضي وتعرفين بيه ما اسوي شي اذا ما متأكد منه صحيح

فيروزه :الله يرضى عليكم

ضرغام:انا اعرف قلبها يسع الدنيا هل تصوبيت بدالها وخذيتها حلالي

ضحكت بمستحه امي بعد كل هل عمر ما شفت غير الحب بنظرات ابوي وامي يتعاركون يزعلون يتمالخون بالنهايه يرجعون يحبون بعض ما تغيرت نظراتهم وحبهم لبعض زاد

#الكاتبه

وبين كسره قلبها وعتاب عيونها دنكت راسها وتهدمت كل أحلامها وكالت بينها وبين ضله

عكب كل هذا التعب طحت من عيوني
كرهتك من صدك مو كلمه لسان
بعد ما اريد اشوفك حته بالطيف

مرت ٣ أشهر متروسه فرح وسعاده نبدي من غيداء اخت شامه صارت حامل بالطفل الثاني وهل شي فرح شامه كلش راح تصير خاله ل أثنين فاروق وساره تزوجو زواج سريع بدون حفله ما قبلو احترام لقسور واهلة ما رضت فيروزه وهم هم سوو عرس صغير بينهم وبين الاهل وحلفت تعوضهم فيروزه بس تطلع السنه تسويلهم عرس يحجون الكل بيهم... معاذ يخاف على نوال من الهوة كل أسبوع رايح مجيك عليها ويخلي امه وابوه يدعون الها والأشتر بين عائله نوال و شامه والطفل الي ابطن نوال جان بخير وصحته زينه مهتمه باكلها وفيتاميناتها بطنها كبرت ومعاذ يشاقه وياها ويكملها صرتي جنج دعبله وهي تتعارك وياه....

اما شامه وقسور الي بنو الهم حياة واحلام وحياة جديده بنو الهم مستقبل متروس حب وحياه واحلام بينهم هم الاثنين شامه ال صار محور حياتها قسور حب حياتها وسعادتها أمانها حبيب قلبها رجل أحلامها وقسور الي كل أحلامه صارت بيها شامه واول مره يحب احد بهل طريقه عسى ما تطلب منه شي ما يكول الها لا رأسا ينفذه الها يحبها مثل الطفل قصه حب مثاليه حياه سعيده بس الحياه متمشي على وتيره وحده ما تترك شخص بحاله بعد ما تستنزف كل طاقته بعد ما تستنزف كل دموعه وضحكته بعد ما تترك بيه أثر يبقه بقلبه طول عمره هاي الحياة  ما تركه اله بعد ما تتأكد هي هدت كل حيله هي هاي الحياه....

جانت شامه تصب جاي بالمطبخ فاتت نوران و بان يم باب المطبخ بقو واكفات انتظرو شامه تنتبه عليهم جانو مختفين بس هل مره رجعو بشي جديد وكالت

نوران :ياااا ماتت صار والله لو تدري شامه هيج ضامين عليها من زمان زين هسه هم مجتمعين بالاستقبال علمود هل شي

بان:أييي الديره كلها عرفت بيهم ماتت امها وهي من غبنها على الي صار بأمها ما كدرت تتحمل وماتت وراها

شامه:ها شصاير شنو منو مات

بان :شامه ها بنتي لا لا هيج

شامه :احجولي

نوران :اول وتالي راح تعرف الي صار توفت

🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

من هسه تحظرو 😄

والله ما انزل البارت الجديد اذا ما أقل شي٣٠ لايك او تصويت ضالميني والله وحلفت بس يصير اكثر من٣٠ انزل بارت جديد يعني تشوفون البارت اكثر من ميه شخص 🥺🥺🥺

خلصت الايام الحلوة 😂😂😂😂😂😂😂