رواية قسور والمهره شامه الفصل الرابع عشر 14 - بقلم أسيل

صاح قبل الطلقه بثواني عدي بحاله هستريه فاقد نفسنه من المخدرات كام يبجي ويضرب براسه رجع قسور مشه لشامه وخله المسدس بحلكه وصاحت

شامه:لااااااااااا لا

فجر راسه بقه قسور صافن على شامه الي نترست دم ما مستوعب الي صار بس كلها دم خدرت رجله كام ما يكدر يحركها كل الي اباله هي نضربت وفيروزه تصيح وتضرب على وجهة هو لثواني حس خسرها لشامه قلبه نغزه خله ايده على قلبه التفت وشاف عدي بالكاع ومخه مطشر فات فاروق ومعاذ رادت توكع شامه لزمها فاروق وطلعها من الغرفه بسرعه مر اسبوع كامل الدنيا مكلوبه بيت الشيخ والديوان ما اله محط احد يكعد بيه وبالكوه تسترو محد عرف انتحار لو شارب مخدرات وراها سمعه عائلة كامله كالو مات موت الله بس المقربين عرفو الصدك قسور مشايف شامه من الحادث متطلع من الغرفه هذا الي سمعه وما كدر يطمئن عليها اله من راحو الناس وكال فاروق لقسور يروح يرتاح حالته تعبانه كلش استأذن وفات للبيت تلكته غيداء وكالت

غيداء:متقبل حته حسام ينظف الجرح ولا تتحرك من الفراش وما تنام ولا تاكل جانت تريدك وما حجينه الك لان اعرف راح اطلع قهرها بيك لا تصعد هسه الها فوت ارتاح وغسل وبعدين اصعد الحجيه فيروزه وعمه صبيحه يمها

قسور:خير ان شاء الله

فات سبح بغرفه معاذ واخذ منه لبس بقه كاعد على الكرويته نفتح باب الغرفه وفات معاذ باوع بوجه قسور وكذلك قسور وكال

قسور:اعذرني ابن ابوي استأذنت من نوال كلت الها اريح بس اغسل وما قصرت اخذت ملابس منك

معاذ:استغفر الله شتحجي تريد اطلع

قسور:لا لا خليك ضل بالي يم شامه ما شفتها من يوم الحادث

#قسور

تعبان تعب بس الله الي يدري بي وغصه بقلبي حركه وجع وهم ما اعرف شون راح اتحمل منها حجي لو عصبيه لو كلمه تغث بس روحي لايبه عليها طلعت ومشيت للغرفه و جان مفتوح الباب وامي كاعده كبالها وتكلها تشرب مي متقبل متحجي بس تبجي كحيت وفتت التفت عليه كامت امي من الجربايه وانطتني كلاص مي وكالت

فيروزه:يمه البنيه مو بوعيها شربها مي شويه

جانت تباوع عليه وتشهك وجهة اصفر وعيونها بلون الدم هلكد مباجيه جانت لابسه بجامه وبلوز عريض اسود بلوزي لابسته وكعدت كبالها على الجربايه وخليت الكلاص يم حلكها بعدت ايدي وهزت براسها خليته على الطبله البنات كلهم موجودات وكلت الها وقلبي معصور وبالكوه مسيطر على اعصابي وياها

_اذا بقيتي هيج راح ناخذج

قبل لا اكمل الحجي زحفت صوبي كعدت على رجلي بحظني وجهة يم ركبتي واديها على صدري كل جسمي ارتخى ما تصورت هيج راح تسوي دارت غيداء وجها والدموع تنزل من عينها خليت ايدي على ضهرها وسحبتها اكثر ونيمتها بحضني عدل شون الجاهلة أشرت الهم على الغطه ثلج جانت عطرها مثل بودره الجهال جان شعرها رطب غطيتها راسها على جتفي غمضت عينها لازمه تي شرتي كل قوتها بقو كاعدين وره شويه راحو البنات بقت بس غيداء كاعده تباوع عليها وكلت الها على كيف

_لاتخافين عليها

غيداء:نفس حالتها من توفت ماما ما كدرت تاكل ولا تنام ومتقبل حته ابوي يتقرب منها الفرق هسه جانت رايدتك حته تطمئن وهي تغمض عينها هيج واثقه بيك

باوعت عليها تحركت وحست بالوجع ونت وكحت حرارتها مرتفعه وكلت لغيداء

_صيحي حسام بسرعه خلي يجي

كامت غيداء بسرعه خليت ايدي على جتفها حركتها فتحت عينها ولزمت بأيدي وكالت

شامه:و.. وين

_عمري مرايح لمكان بس كعدي عدل خلي اشوف الجرح

هزت براسها خليت ايدي على وجهة بقت تباوع عليه بست كصتها كعدت عدل بقت كاعده كبالي بعدت ردان بلوزها وجان الجرح مضمدته هي فتحت الجرح ملتهب وهاملته وكلت الها

_شوفي ملتهب

رفعت راسي ولكيتها تباوع عليه خلت ايدها على صدري يم قلبي دك الباب حسام كمزت لزمت ايدها بسرعه وكلت اله يفوت جان حسام سلم على شامه خلت راسها على جتفي تباوع عليه كعد يمها شاف الجرح نظفه وضمده الها وكال

حسام:الجرح ملتهب لازم تعقميه كل يوم وتضمديه فهمتي

أشرت اله خله علبه الادويه يم الميز أشر الي وطلع خليتها تنتجي على المخدات وتغطت كعدت كبالها وكلت

_انا هنا... لتخافين

صوتها ميطلع خفت عليها فاتت نوال والاكل بيدها خلت الصينيه وراحت خليتها بحظنها أشرت الي متكدر تاكل تقربت منها خليت ايدي على خدها حركت اصابعي على كيف وكلت

_اكلي لخاطري انا هم جوعان ما اكلت شي من الصبح

سويت الها لكمه و قربتها من شفتها لزمت ايدي عضتها واكلت على عمى عيني ما أكدر اتقبل الاكل اكلت شامه شويه ما كملت حته نص كرصه الخبز شربت مي ورجعت الكلاص شلت الاكل نداريت لكيتها واكفه تباوع عليه رجعت وكلت الها وانا لازم ايدها

_ليش وكفتي

شامه:اجي... وياك

_مرايح لمكان

كعدتها ورجعت غطيتها شغلت اضويه خفيفه وطفيت الاضويه القويه اعرف بيها تخاف من الظلمه تمددت بصفها انطيتها ضهري حته تاخذ راحتها اعرف متقبل اتمدد يمها ارتاحيت شويه من سمعت صوتها وكلت الها

_باقي هنا ارتاحي وأخذي راحتج بالنوم بس تغفين انام بالكاع

تحركت من على كيف وتقربت مني خلت وجها بضهري احس بنفسها الدافي وجسمها حار وكالت

شامه:لا تتركني.. وحد.. ي لا تغيب كل هل.. فتره.... بعد ما اضوجك.. متسمع ص.. صوتي بس

ألتفت عليها وجها صار على صدري اخذت نفس من يم صدري رفعت راسها وصار وجهي بوجهة وكلت

_عفتج مره والله ياخذ عمري إذا عفتج مره ثانيه اله اذا انتي ردتي الفركه...

شامه:ألكاك يمي من.. من...اكعد

_بأذن الله باجر انا اكعدج ريحي يا بنت قلبي

غمضت عينها رفعت ايدها وخلتها على لحيتي وانا بقيت احرك ايدي بخصل شعرها رخت ايدها نامت يابه لو تعرف شكد جنت محتاج اخليها بحظني وبين ايدي خذت كل غضبي نمت وانا مرتاح كعدت الصبح ولكيتها نايمه بين ادي شعرها مغطي نص وجهي مخليه راسها يم ركبتي احس بنفسها الدافي والله الحين راضي اموت وانا مرتاح ضهرها جان طالع مرفوع البلوز غطيتها لاتاخذ برد سحبت نفسي على كيف فتت غسلت وطلعت لكيت غيداء تخلي الاكل على الميز واشرت الي نمشي يم المكتب مشيت وكالت

غيداء:صباح الخير ما ردنه نكعدكم ويانه على الريوك كلنه ترتاح انت وياها خليكم مرتاحين زين

_عاشت ايدكم

غيداء:نامت اكلت شي ما تعبتك وياها

_والله مايحتاج تقلقين هاي أغلى من عيوني تستاهل تعب العمر كله والله

غيداء:الف الحمد لله الله رزقها بواحد أصيل مثلك

_يا غاليه انتي بنت الأصل عشتي

غيداء:اخذو راحتكم اطمن الي جوه ولا تقلق كلهم بخير واني شويه وهم اصعد اشوف اذا محتاجين شي

_سلامه قلبج

مشيت صبيت جاي وخليت حليب وياه خليته على الميز يم راسها وخرت شعرها من وجها وحركت ايدي الساعه ١ الضهر فتحت عينها وخلت ايدها على عينها وكلت

_يله باباتي كومي الساعه وحده

شامه:شويه بعد خليك

_ لا قلبي كومي صبيت الج جاي وحليب دافي يله قبل لا يبرد

سحبتها وكعدتها وخليت مخدات وراها غطت عينها بأيدها وكالت

شامه:توجعني

_هاج شربي هذا وهسه اجيج

فتت للحمام نكعت خاولي صغيره بمي البوري بارد ثلج جان صفطته ومشيت مسحت وجهة وخليته على عيونها والحليب جانت شاربه نصه بس بعده الكوب بيدها ورافعه راسها واني اضغط على الكماده البارده على كيف وكلت الها

_لان منايمه وهواي بجيتي هل ورمت عيونج احسن هسه

هزت راسها وخرت المنشفة فتحت عينها تقربت منها وبست عيونها وبقت تباع عليه رجعت خليتها على عيونها خلصت الحليب أخذته من ايدها خليت الصينيه كدامها وكعدت أكلت ورفعت راسي صافنه على الأكل اعرف بقلبها هواي حجي وانا هم بقلبي هواي حجي بس تعبان ما أكدر حته اتحرك ما الي خلك شربت جاي وهي اكلت لكمه ورجعت ضهرها على المخدات وكلت الها

_راح تبقين معانده

شامه:معدتي والله غاثتني بس.. بس اجوع اكل والله

دك التليفون كمت احجي بالمكتب ورجعت وره شويه لكيتها متمدده على الجربايه بالعكس باوعت عليها أشرت بأيدها اقترب منها تصرفاتها مثل الأطفال تمددت يمها بقيت اباوع بوجها التعبان بس بعده حلو تقربت مني خلت راسها على صدري وغمضت عينها

_كافي نوم ولج

شامه:دخيل الله عوفني هيج مرتاحه ما اريد افكر بشي

_مايصير بنيتي لازم تكعدين تتحركين تشوفين أبوج خطيه يسأل عليج

شامه : تعبانه خلي انام شويه لاخ

بقيت احرك بيدي على رأسها نايمه على صدري لازمها كل قوتي ما تدري شكثر متمني تبقه هيج بين ايدي يا يابه شكد محتاج الها وجنت متمني هل لحظه بس ما تمنيتها بهيج ضروف....

#الكاتبه

ويكللها
اشمنج يريحة هيل
وأشهگج حيل يا حيل
و أضمج عافية ابروحي
يالبروحج سوالف ليل✨

مرت ايام البيت هدئ الناس تجي وتروح رجعت الأمور شبه طبيعيه ما نكول طبيبعه لان مستحيل البيت الي يروح منه احد يرجع طبيعي مرات فيروزه تكعد تبجي ومن تشوفها شامه تصعد وتحبس نفسها بالغرفه حاسه بذنب وشامه تركت السنه مال دراسه حاول قسور يقنعها بس هي رفضت تكمل هل سنه لان تعبت و مرات ياخذها بين فتره وفتره لبيت صبيحه لو صبيحه تجي وتهون على قلب أم قسور محمد كثرت جياته للديوان ما يكدر قسور يحجي شي لان مشايفه مسوي شي اجه اعتذر منه وهاي مرت ايام قسور جان يخلص شغله ويرجع للبيت حته ما يطلع ويه الولد تنتضره شامه وهو هم يريد يرجع بس يشوفها يلكاها واكفه تباوع من الجامه لو تقره كتاب تسأله اذا متعشي لو لا وكل مره يكوللها لا حته ياكلون سويه وهي تنتضره مرات يضحكون ويسولفون بس ضحكتها مو مثل الأول هي حاسه بذنب موتت عدي وهو حاس بسببه مات ويتذكر نغزه كلبه من حس الطلقه ممكن تكتلها هي وره ما يخلصون اكل تنام بحظنه لو يبقون كاعدين يتفرجون تلفزيون وهي بحظنه ما تتحرك لساعات تبقه بحظنه...
تمر ليالي صعبه عليها تفز مرعوبه توخر شي من حظنها ويكعد وياها قسور تبقه تبجي من يسألها تهز راسها ماكو شي اكثر من مره يسألها يريدها تحجي بس تكله حلم مو حلو وهو يعرف بعدها تشوف ذاك اليوم من انتحر كدامها عدي لو من جان يأذيها راد ياخذها لطبيب ما قبلت....
جانت دائما تتواصل وتحجي ويه اختها وابوها وتبتسم وهو جان فرحان من يشوفها مبتسمه جان طالع بشغل قسور وهي نزلت يم فيروزه وجانت نوال كاعده دكت الباب وكالت

شامه:عمه.. أكدر أكعد... يمج

فيروزه :تعالي... تعالي يبعد روحي..

مشت شامه وحظنتها بقت كاعده يمها ويسولفون فرحت شامه لان شافت فيروزه تحجي وياها بطبيعه ما ذابه اللوم عليها وره شويه صعدت لغرفتها من شافو فيروزه نامت غطوها وطلعو فاتت سبحت شامه لبست ثوب كطن اسود جانت بعدها لابسه اسود ما كدرت تنزعه والبيت بعدهم لابسين اسود طلعت من الحمام نشفت شعرها وعافته مفتوح خلت عطر ومرطب لجسمها الثوب جان ويه ركبتها وعريض وردانه ربع دانتيل والصدر دلعه جان الجو دافي بالغرفه الساعه ب 11 بالليل كال الها راح يتعشى ويه الولد بره احتمال يتأخر فتعشت ويه نوال وفيروز مشت شامه للمكتب ابد ما كعدت عليه من سواه الها كعدت لزمت القلم وفتحت الدفتر الي ترسم بيه لأول مره من عافها قسور وتزوجت بعدي ما لزمت قلم ولا رسمت ابد ايدها ترجف كامت ما تكدر ترسم بيها جان الرسم مصدر سعاده الها وفقدت هل مصدر فتحت الدفتر على ورقه جديده وكل ما تريد تجر خط اتنزل القلم متكدر قسور رجع للبيت فات على امه لكاها نايمه صعد للغرفه تصور شامه نايمه فمراد يطلع صوت ويزعجها فتح الباب على كيف اشتم عطرها تارس الغرفه وفات سد الباب جانت ماكو على الجربايه باوع على المكتب ولكاها كاعده بقيه يباوع عليها وهي خايفه ترسم بقه صافن على جسمها وشعرها المفتوح وجمالها اليسحر اقترب منها ما حست بيه جان يتقرب ويبوس جتفها فزت وهو ابتسم وكال

قسور:ترسمين ؟

شامه:ل.. لا ما أكدر ما اعرف ليش بس ما أكدر ارسم ايدي كلها ترجف جان اكثر شي يسعدني وهسه أح.. احس بذنب مو مشكله ااحظرلك اغراضك ه.. هسه

وكفت ب ارتباك بس وكفت سحبها من خاصرتها صارت قريبه منه رفع بأيدها وجهة عينها صارت بعينه حست بربكه مو طبيعيه من نظراته الها وكال وهو مبتسم

قسور:أوووف شكد احب هل عيون لو تدرين

باس عيونها وكصتها يحرك شفته على كيف وأيده الثانيه مثبتها على خاصرتها ويحركها لزمت دشداشته السوده كل قوتها باس خدودها طلع صوت مال بوسه وعظها بطرف شفته ضحكت من حركته وجان متقصد وتقرب من شفتها وكال

قسور:ما اعوفج انتي الي

وباس شفتها بكل رغبه وحب واشتياق ما ابتعد عنها لحد ما ضربته على صدره بالكوه بدت تاخذ نفس ابتسم رادت تبتعد منه وسحبها رجع باسها بقت صافنه عليه ابتعد شويه وكال

قسور:وين تصورين راح ترحين من ايدي اليوم

شامه :الأغر.. الأغراض

ضحك وشالها بكل خفه فزت وضحك مشه بيها للجربايه نزلها على كيف وهو يعرف شنو رايد منها وهي مستحيه وخايفه بنفس الوكت ركع رادت تكوم ثبت ايدها على الجربايه تقرب وهمس بأذنها

قسور:خليج الليلة تصيرين كلج الي

شامه:ل.. ا

ما خلاها تكمل الكلمه باسها رجع باسها من شفتها وما ابتعد منها لحد ما صارت مرته بالكامل حس بنفسه اذاها مكدر يسيطر على نفسه وياها راغبها بكل ذره بيه ورايد بس يطفي النار الي بقلبه واشتياقه كاعد جان لابس بس بجامته ومنطيها ضهره هي جانت نايمه ومغطيها بغطه خفيف باوع عليها نايمه على صدرها وضهرها ورجلها طالعات من الغطه وشعرها منفوش تحركت وتوجعت حس بوجعها باس ضهرها على كيف فتحت عينها لزمت الغطه وسحبته لصدرها حته تغطيه ألتفت عليها ونامت على ضهرها وهو جان منحني خله شفته على عينها وكال

قسور:حقج عليه يا گره عيني موجوعه

شامه :شويه

قسور:هسه احظر الج الحمام دافي يريح جسمج

كام حظر الها الحمام ساعدها تفوت وبقه واكف وهي بعدها لازمه الجرجف ومغطيه جسمها وكالت

شامه :ش.. شنو

قسور:أساعدج

شامه:لا حبيبي شكرا

دفعته وهو بقه يضحك وهي مستحيه منه وقفلت الباب سبحت بمي دافي ريحت جسمها ومتأكده الصبح راح تبين كل الآثار الي تركها قسور ابتسمت من شافت آثار يم عظمه جتفها لبست الروب وطلعت وهي تنشف شعرها مشه وحظنها شالها بكل خفه واخذ نفس من ركبتها وخلاها على الجربايه جان مغير الاغطيه باسها من كصتها وغطاها وكال

قسور:اسبح بسرعه وارجعلج لا تتحركين

أشرت براسها فات سبح وطلع لكاها نايمه نشف شعره زين وطفه الضوه تمدد بصفها تحركت وكالت بصوت طفولي ونعسان

شامه:اريد خبزه وبيها سمسم حاره وكيمر عرب باجر لان مشتهيته حب.. باب (والله هاي هسه كتبتها لان جوعانه 😂)

قسور:بس هذا عيوني الج تأمرين لج انتي كولي واني انفذ

شامه :أحب..

ونامت رادها تكملها بس راحت بسابع نومه ضحك

#شامه

نمت وما حسيت على نفسي من التعب والوجع وربي ذب حركه قلبه بيه فتحت عيني الصبح وهو جان يحرك بأيده بشعري فتحت عيني وهو بوجهي ابتسمت بأس عيوني وخدي ورجع بأس شفتي وكال

قسور:الله يحبني وهل كدرت انام وافتح عيني وانتي يمي وكبال عيني يله يله كومي بسرعه بدلي ماخذج لمكان

_ه.. ها وين

قسور :يله بسرعه كومي

كعدت سحبني حسيت بوجع خله ايده على خاصرتي وراكع كبالي وكال

قسور :ه.. ها خيرج شكو

_لا بس جسمي

ابتسم بغرور عبالك منتصر ضربته على صدره فتت الحمام غسلت وعدلت وجهي لبست تنوره سوده طويله وجانت بيها فتحات من الجانب ليكرا و بدي اسود دلعته دائريه ولبست العبايه فوكاها وعدلت وجهي يمكن رايحين لبيت عمه صبيحه نتريك هناك وهو لبس دشداشه بيضه ولبس الگراب وخله سلاحه سئلته ليش ويكلي مايكدر يطلع بدونه والله اخاف من هل سوالف ولف الغتره على راسه قلبي يريد يطلع من مكانه من شفته خله عطر يم ركبته مشيته و رفعت نفسي اخذت نفس من ركبته وكتله

_احب هذا عطرك ابد لا تغيره

قسور:الج عيوني تدللين غلاي انتي

_تسلملي عيونك

بسته من ركبته لزم ايدي ونزلنه سلمنه على لكل وكال الهم راح نتأخر بالرجعه لا يضل بالهم سألته وين رايحين ما حجه شي وبده يسوق ايدي بأيده جانت اخذت صوره ونزلتها على حسابي وسويت اله تاك باوعت عليه جان مبتسم خليت ايدي على لحيته وحركت اصبعي يم شفته وكال

☀️☀️☀️☀️☀️☀️☀️☀️☀️☀️☀️☀️☀️☀️☀️☀️

استمتعو بهل بارتات اللطيفه 🙂😂
وشكرا ع تصويتكم وتعليقاتكم وان شاء الله انزلب اقرب وقت