رواية قسور والمهره شامه الفصل الثالث عشر 13 - بقلم أسيل

نسمع صوتها من المطبخ تغسل ايدها وطلعت بس شافت امي بقت صافنه بوجه امي و بجت بحسره وامي هم وكالت

صبيحه :حنينه والله حنينه الأخت... وعلى غفله ويا اختنه وتفاركينه... وجانت كبل تنشد علينه خويه والله وتفاركينه يبنت امي شعلينه وتفاركينه وعلى كعداتج الحلوة والله وما نسينه.... وعشرتج حلو موش شينه...ومثلج حنينه ما لكينه... فراكج يبنت امي شسوه بينه... توادعينه.... والأخت غير اختها شعدها... سوده... سوده عليه فاركيتج كل هل سنين وما تلاكينه.. علي ضيم وعلي هل ما اجيتج.. عمت عين الدنيا الفركتنه اوووي وعلى غفله المصايب دخلت النه على غفله وين جانت مضمومه النه.....

جانت تنعي يابه صوتها مرد قلبي انا اول مره اسمع صوتها بحيث طلعت بره اخذت جكاره من ابوي ودخنتهة كلنه الزلم وكفنه بره التفت على الباب وشفت امي وصبيحه متشابكات ويبجن وشامه تبجي مثل الطفله وياهم وتمسح بدموعها التفت وبقت تباوع عليه اخذت نفس من الجكاره تكره الجكاير جانت دائما تحذرني اذا اشرب تزعل نقهرت بقت تباوع عليه كح مصطفى وخله حسام ايده على ضهره وكال

مصطفى:الف هلا وغلا

ضرغام:غالي ابو حسام جايين نطلب السماح منكم

حسين:استغفر الله شيخ

اجتي غيداء وكالت نتفضل كاعدات النسوان وحد واحنه بالاستقبال فاتت شامه قدمت الجاي النه صارت كبالي اخذت الجاي وعيني عليها وهي ما رفعت عينها من الصينيه اخذته ومشت دفعت حسام من ابوها وكعدت يمه وكال

حسام:يمه تعالي اخذي هل فاره من يم الزلم

فوتت اصبعها بخاصرته فز وضحك وسحبها ابوها بحظنها وكال

حسين :ما يكبرون لج عيب بابا

مصطفى:من هم صغار هذا طبعهم

بقو يسولفون وانا عيني على شامه وهي بحضن ابوها طفله كبالي والله غرت من ابوها ونظراته وضحكتها وهي بحضن ابوها تمنيت انا مكانه وره شويه فاتن النسوان وشامه كامت تسولف ويه امي الي الكاع ما وسعتها وهي يم ام حسام صار وكت العشى وما قبلت صبيحه ولا مصطفى نطلع من البيت وكامو البنات كلهم سوو عشى ونسمع ضحكهن سحبني حسين على صفحه وكال

حسين:شامه

_اعرف امانه يمي والله

حسين :مو هيج قصدي بس تره بنتي والله مثل المرايه

_استغفر الله عمي كفيلك الله لو شاك ذره بأخلاق شامه ما جانت صارت الي بس انا مراقبها واعرفها زين بنتك مثل الماي وهل انا ردتها حلالي

حسين: راح تهتم بيهة

_والله ابطن عيني امانه بركبتي

حسين :الله يرضى عليك

فات وبقيت بالباب واكف شغلت جكاره ثانيه واباوع كبالي كراجهم وحديقتهم جبيره عايف السياره بره الهوه بارد اخذت نفس وما حسيت بس شامه بصفي باوعت الي بطرف عينها وكالت

شامه:منتظريك على الأكل جوه وأريد السويج اخذ جاكيتي نسيته بالسياره

انطيتها السويج جارحه ايدها لزمت ايدها وسحبتها بسرعه مشت واني فتت كعدنه نضحك ماشاء الله السفره من الطول للطول ناصبيها مناقصها اي شي تبارك الله وأم حسام تشيل اكل وتخلي كدام امي وامي تكلها كافي طفت الكهرباء وكامت غيداء وسويره يخلن شموع ولالة شغلنها بين ماتجي الكهرباء بالي يم شامه شعدها بقت بره ضليت الوب ما كدرت اسكت وكلت

_شامه متاكل

غيداء:عزااااا

حسين: ياااا لحكي صعدي الها

_شكو
حسام :تخاف من الضلمه

رادت تكوم غيداء أشرت الها و كلت

_لا هي بره انا رايح الها

كمت طلعت بره ماهي البنيه ماكو مشيت بره الشارع ضلمه ضويت على سيارتي كاعده على ركبتها بالكاع ومغمضه عينها وتحسب مشيت ركعت يمها بعدها تحسب خليت ايدي على وجها فتحت عينها بالكوه تاخذ نفس صايره ثلج السويج بيدها أخذته فتحت الباب مال سياره وصعدتها شغلت الضوه اخذت سترتها وخليته على جتفها ترجف كلت

_بردانه

شامه:ل... لا

_هدي الحين تجي الكهرباء على العموم تكدرين تاخذين تليفونج واي غرض تردينه الألوان اوراقج

شامه: ليش

_شنو مناويه تكملين دراستج؟

شامه:انتهت هل سنه وما لحكت على الامتحانات اصلا

_ي بس انا أجلتها الج الامتحانات على الدور الثاني

اجتي الكهرباء دفعتني ايدها بعدها ترجف ونزلت من السياره مشت التفت الي وكالت

شامه:لا تظن بتصرفاتك هاي ترجع لقلبي ولا تصور اشكرك لان اني وصلت بسببك لهل مرحله

_اي بس اني اشكرج لان رجعتي ضحكه امي وأم حسام ورجعتيهن حبايب

تعصبت نرفزتها وفاتت للبيت كعدنه طول الكعده ايدها ترجف و غيداء تسولف وياها كالت لصبيحه راح تأخذ أغراضها من الغرفه وهاي مر اليوم بهدوء اخذت أغراضها بجنطه سحبتها منها بقت حاظنه اختها وكالت الها هم تجي تشوفها سلمت على الكل وكالت امي لصبيحه باجر تجي تتريك يمها وحلفتها تجي وصلنه للبيت صعدت جنطتها فاتت للحمام وأخذت ملابسها وره شويه طلعت تنشف بشعرها لابسه ثوب ردان كطن فوك ركبتها ابيض رفعت ايدها تنشف شعرها كل رجليها طلعت مثل الكطن ورديه نوب حسيت بحراره درت وجهي و فتت سبحت وطلعت لكيتها لازمه المكص ودايره ضهرها تريد أن تكص شعرها ما منتبهة الي مشيت وكلت الها

_لا تكصيه

ورأسا كصت منه أربع أصابع وهي تباع بعيني وكالت

شامه: انا ما كتلك لا ادخن

سحبت المكص من ايدها جرحت ايدي شمرته بالكاع بقت تباوع على أيدي لزمتها بقوه من ايدها وكالت

شامه:شس... ويت ها هسه احلى هيج

_شامه لا تتحديني شامه لا تخليني اندم على شي اسويه بلحظه عصبيه كافي الي بقلبي كافي

شامه :شسوي هل مره تدفني لان بعد ميفيد قلبي وكسرته بقه بس تذبحني وترتاح

النار شابه بصدري منها وهي تعاند وتحرك بيه وتتحداني وتعرف بيه مخبل شلتها وشمرتها على الجربايه صارت جوايه ثبتت ايدها على الجربايه كل قوتي بقت تباوع بوجهي واني شفتها مرجفه قلبي صافن عليها وكالت وهي مبتسمه

شامه :ها راح تنام وياي غصب هم راح تخلف بوعدك

_لا روحي ما انام بس ما كتلج ما اضوك الي يعجبني بيج

لزكت شفتي بشفتها بقت تتحرك وانا طلعت ضيم قلبي بشفتها والله أطيب من العسل قلبي يرجف سحبتها وكعدتها بحظني ايدي على خاصرتها والثانيه على ضهرها صرت انا وياها صدر بصدر أكلت شفتها بقت تضرب على صدري بتعدت بدت بالكوه تاخذ نفس خلت ايدها على خدي ترجف بين ايدي شفتي بعدها يم شفتها واحس بنفسها وكالت بالكوه

شامه:عمه... عمه.. صبيحه و فيروزه... كآلو... كآلو اكص ه... هلكد لا.. ن ت.. تعبانه الأطراف و.. وميطول

_لا تسوين شي انا ما راضي عليه وكتلج شعرج مثل حزن الليالي لا تكصينه انا احبنه طويل

بست شفتها على كيف غمضت عينها ونزلت الدموع رخيت ايدي ابتعدت تمددت رجلها ورديه سحبت الغطه شهكت كمت اخذت المخده والغطه تمددت على الكرويته وره شويه حسيتها نامت كمت غطيتها زين عدلت شعرها وخرته من وجهها شفايفها مورمه انا اموت عليها مو بس احبها....

#الكاتبه

يكللها انا شفت بعيونج امان هل سلمت أمري
عيونج يل خذت بالي وخذتني كلي
والله جنج مرايه وحيل شايف روحي بيج....

مرت ايام عدي بعده بغداد وشامه بدت تتعود على الوضع شويه شويه رجعت برامجها تحجي ويه غيداء اختها كل يوم صديقاتها دزو الها كل المحاظرات الي فاتت عليها وتخبلو لان تزوجت ومكالت ألهم جانت يم صبيحه هي وفيروزه ردت روحها وصارت تضحك للهوى الدنيا بجفة وشامه بجفه ما تخليها اطخ العوده ومدللتها رجعت للجناح فاتت لكت قسوار متمدد على الجربايه باوع عليها وكلبت عينها ضحك وفاتت تغسل وطلعت شالت شعرها فتحت المجر وخلت رام يم أغراضه وكالت

شامه :بدون زحمه موجود هنا أغراض أريدها تنطبع لان ما أكدر اقراها على اللابتوب وما اندل مكتبه اروح الها

قسور:تأمريني اليوم بالليل اجيبهم الج محتاجه شي ثاني

شامه :الله لا يعوزني عليك وهاي فلوس لتخاف ما بايكتهم اخذتهم من بابا

فتحت المحفظه وطلعت فلوس لزمت محفظه قسور وما حست بس لازم ايدها وساحب الفلوس وشامر محفظته بالكاع ورجع الفلوس بمحفظتها صاير ضهرها على صدره ودارها عليه بلعت ريكها وكال

قسور:ناقص تكولين مو رجال عليه

شامه:ل... لا

قسور:هل مره فوتتهة الج يا شامه عيب هل تصرفات ثاني مره اكسرلج راسج فهمتي لا تخليني حته احرمج من شوفه اهلج اياج ثم اياج اطلبين فلوس من احد غيري تجين الي تفتحين محفظتي تاخذين فلوس واذا ما كفنج تفتحين الخزانه الرقم 33994 وأخذي الي رايدته ما احاسبج عندي فلوس وخير من الله لا تاخذين ولا تسوين هل حركه مره ثانيه مو قسور الي تصرف عليه مره لو ياخذ منها فلوس فهمتي

شامه:قسور.. قس

قسور:فهمتي؟

شامه:ايدي ابوس ايدك وجعتني

رخى ايده بسرعه وعيونها دمعت لزمت ايدها راد يلزمها فزت وعافته ومشت راحت لغرفه المكتب بقت صافنه مغيرين ترتيب الغرفه ومخلي مكتب الها يم الشباك وعليها أغراضها مرتبه جانت مخليتهم بصندوك بزاويه وعلى طبله مسوي الها مكتب نفس الصوره الي شوفتها اله ونشرتها على حسابها وكاتبه يومها قررت انفذ هل مكتب الي بموافقه الحكومه على ذوقي اخيرا....
وجانت قاصدته ب الحكومه نقهرت ودارت وجها نضربت بصدره ما وخرت راسها تقربت اكثر تفاجئ على رده فعلها وكالت بغصه

شامه:م... ما طلبت من.. منه هو الي كل.. كل مره يخلي فلوس ب.. بمحفظتي استحي... اطلب منه ولا.. بعمري طالبه فلوس

قسور:ولا اريدج اطلبين انا كل يوم راح اخلي الج فلوس شكد تكفيج بالأسبوع 200 الف زين

شامه:ها

قسور :300 الف

شامه :ليش هيج

قسور:كولي شكد تكفيج وانا حاظر عسى ما مليون ب الاسبوع بس كوولي رقم

شامه:ليش سويت هيج ليش المكتب

قسور:شنو ليش مو جنتي تردين هل مكتب

شامه:لا تسوي شي ما اريد اي شي من.. ك

لزم ايدها توجعت خله خاولي بيه ثلج لزم ايدها الثانيه وخلاها تلزم الخاولي باس كصتها وطلع بقت صافنه اخذ المحفظه والاغراض وطلع بقت كاعده بغرفتها ما نزلت حتى تعشت سوت نفسها نايمه وهو جان حته مراجع للبيت نقهرت بقت تكلب بتليفونها وفاتت على حسابه ضايفته جان منزل كم صوره وصوره جديده شافت سبحتها لازمها سمعت صوت سيارات وعرفته اجه وره شويه صعد فات الغرفه وسد الباب وخله الملف الها على الميزه وجيس على الجربايه فات غسل وجهة غير لبسه هي باقيه كاعده بالفراش تباوع عليه وهو يتحرك بالغرفه وخله ملفاته أوراقه على الميز اتصل بفاروق وكال اله

قسور:حضر روحك باجر رايحين للمجلس نخلص الي بديناه... لا ما احتاج احد بس انت... لا ما يجي معاذ كتله يبقه بالبيت نشاوف باجر الصبح مع السلامه

سد التليفون وخلاه على الشحن ندك الباب وكال

قسور:ستري نفسج

نوال:هاي انا شيخ

قسور:فوتي حبيبه

فاتت نوال وصينيه الاكل بيدها وخلتها على الميز وكالت

نوار:ما تعشيتو

قسور:ليش تعبتي نفسج مشكوره بس والله مالي نفس اكل

نوار:هاي شنو لا انت الك نفس ولا هي تره بعدكم عرسان من اولها هيج مكدرين وانتي لا تبقين بالفراش كومي خليج بحيلج تره بنات الديره كلهن عينهن على قسور والله يطكج بحرمه ثانيه

شامه :حقه ياخذ اني ما ساعدته بشي يا قلبي بالعافيه عليه

نوال:اي اذا هيج نوران الباجر جايه خليك هنا

أبتسم قسور وطلعت نوار وهي تضحك باوع عليها وكعد على الكرويته تمددت وانطته ضهرها وكال

قسور:ليش ما اكلتي

ما حجت وياه حس بوجع بصدره من كلامها والي تسويه وما اطيق حته تباوع بوجهة ميدري هي محروك قلبها منه ومتريد ترجع تفكر بيه تخاف يكسر قلبها مره ثانيه ورجع كال

قسور:مو احجي وياج ليش ما اكلت

شامه:مجوعانه

قسور:اخذجج لطبيب

شامه:لا ما اريد

قسور:كومي اكلي شي لا تبقين جوعانه

شامه :مجوعانه

قسور:شنو رايدته شتريدين اسوي الج شنو الي يريح قلبج

شامه:تعبانه اريد انام ما محتاجه شي

قسور:ماجنت أتصور انا هيج رخيص بعينج بس انا راح اريحج من جهرتي

كام اخذ أغراضه وطلع واسبوع كامل قسور ما يرجع للبيت يكللهم شغل وملتهي وهو جذب بس حته لا ينقهر من تصرفات شامه مايكدر يتحمل تصرفها سافر ابو شامه وغيداء رجعو لبغداد وشامه ما تطلع من غرفتها ماطول قسور مو بالبيت مرات تنزل تاكل لكمه وتصعد رجع عدي للبيت وحالته مستهتره بحيث حته ضرب نوال مثل الي صاير بعقله حته فيروزه ما كدرت عليه جانت شامه كاعد تمشط بشعرها وضفرته لابسه ثوب ابيض وبيه ورد سمائي نزلت شامه تشوف فيروزه وفاتت لغرفه فيروزه ومشت شامه باست ايدها وراسها وكالت

فيروزه الله يرضى عليج بنيتي بنيتي وينه قسور ليش صار اله عشر ايام بره البيت متزاعلين

شامه:لا عمه بس يمكن شغل

وندفع الباب مفتوح وجان عدي رجعت شامه ليوره نوال جانت بيت أهلها و ضرغام ومعاذ طالعين بره البيت وجان المسدس بحظنه ومسح وجها وخشمه جان ضعفان وهالات سوده جوه عينه وكالت

فيروزه:يمه شبيك دك الباب حبيبت قلبي شامه خلي شي على جسمج

عدي:مو هي الكحبه نفسها جانت مرتي

فيروزه:احترم نفسك ولك

صاحت بيه بعصبيه مشت رادت تدفعه بس هو دفعها بره وكعت ب الكاع فزت شامه من شافتها بالكاع مشت وصاح على شامه وخله السلاح عليها وكال بعصبيه وأيده ترجف

عدي:رجعي بنت الكلب

نضربت شامه بالحايط من الخوف وكال

عدي :خلي حسام يجي لا افرغ المسدس براسها والله

فيروزه:يمه ولك استهدي بالرحمن

عدي:كلت خلي يجي حسام

وضرب طلقه وكعت شامه بالكاع اجتي بيها يم جتفها جرحتها ترجف جانت  نجرحت جرح عميق بالكوه تاخذ نفس بقت تبجي ومنزله راسها وكالت

فيروزه :يمه يمه البنيه ولك عدي عوفه هسه هسه اخليه يجي

شامه:لا... لا.. لا عمه لا..

شمر عدي النفاضه عليها ونضربت براسها  مامنتبهة عليه كامت تبجي وما حست بس قسور فايت ياخذ نفس بالكوه وأشر عدي بالسلاح على قسور وكفت شامه هو يباع عليها مشت وصاح

عدي : كتلج رجعي

قسور:تخبلت انت شسوي شرايد نزل السلاح من ايدك

عدي :جيبو حسام

قسور:ولك ابن الكلب شارب مخدرات

وضربه على وجهة كل قوته فزت شامه وسحبت قسور وكفها وراه وكال

قسور:مابيج شي

شامه:لا تجيب... حسا.. م

قسور:هدي مابيج شي ما يجي وداعتج

عدي:والله اكتلكم كله من وراه من وراه خسرت خسرت كلشي من وراه

جان يصيح مشه قسور ولزم عدي من ياخته برزت دمارات ركبته من العصبيه بالكوة مسيطر على نفسه وكله

قسور :يا ساقط يا ما متربي يا ابن الزنا انت تعرف شسويت حسبالك ما اعرف والله لو يكتلك حسام بالقندره ما ألومه وحك اللله ما ألومه طبك مرض يله شوفني رجولتك شسوي تستقوي على نسوان وعلى امك الي ربتك خلي بس يدرون شسويت والله لا يدفنوك وانت عايش ولك خليت راسنه بالتراب احنه الماقصرنه وياك بشي وامي

خله المسدس على قسور الي جان واكف بين شامه وبين عدي وصاحت

شامه:لا... لا لا عدي اني

التفت قسور على شامه صوت طلقه قسور صافن على شامه وصدى صيحه فيروزه ترست البيت كله وكعت شامه بالكاع جسمها يرجف......

🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

هلااااا هلاهل حمبياتي شوفو دا أطول الكم ب البارت 😭 هذاك البارت تفاعلكم من صدك قهرني 💔😓 بس يله هاي لهل بنوتات الي من صدك افتقدهم من ما اشوف تعليقهم او تصويتهم

شكرا لان كل مره تعليقاتكم تسعد قلبي 😻😻😻