رواية قسور والمهره شامه الفصل الثامن 8 - بقلم أسيل

#الكاتبه
والحجي نفهم بنضراتها مثل ما كالها مهند العزاوي حجتها بعيونها

تعال اگعد مقابيلي
ادري بداخلك ترتاح
من اگبالي تحچيلي
واني اعرف تحس بالويل
گبل ماصيح ياويلي
واريد استوعب الفكره
العلاقه المنتظرها سنين
مرت سالفه وفتره
اريد استوعب الفكره
مصيبه تصير على الخسران
من يحب اليخسره

من سمعت بيه راح يخطبون اله نوران تخربطت كل احوالها تحس بحركه بين ضلوعها فاتت لغرفتهة وبقت صافنه على نفسها ب المرايه اديها المجرحه وجهة التعبان عضام ركبتها اظافرها ملابسها المخربطه ضحكت بأستهزاء على نفسها غسلت وجهة عدلت الأغراض وفات عدي دفعها بره الغرفه وكعت بالكاع تقرب منها ضربها على رأسها بأيده وكال

عدي :نامي باي زريبه لا تشوفيني جهرتج الخايسه

شامه:حاضر بس اشرب الدوه

قبل لا تكمل اي كلمه سد الباب وقفله وكفت والتفت وشافت معاذ و قسور جان قسور يم معاذ يسولف وياه بشغل سمعو كل حجيه نزلت راسها عدلت ثوبها وكامت وبقت واكفه يم الباب وكال

معاذ:ابن الكلب انا اربيه اليوم ورب الكعبة

مشه وسحبه قسور دفعه ليوره وكال

قسور :لا تدخل اي احد يسألك عنها نايمه يم نوار وقبل صلاه الفجر انا هني

مشه سحب ايدها فزت بقه لازم ايدها ما تركها وسحبها بره البيت فتح باب السياره وكالت

شامه:ل... لا لا

صعدها وقفل الباب وصعد بده يسوق الطريق كله ترجف بعد عشر دقايق صار كبال بيت حسام كامت ترجف وكالت وهي تبجي

شامه:لا... لا دخيل ربك ما اشوفه بعد بابا حته من الشباك والنبي ما اريد انهزم بس جنت اطمنه بخير ابوس ايدك لا تأذيهم

جانت ترجف بالكوة تاخذ نفس بقه صافن عليها وعلى خوفها منه وخوفها على أهلها فتح الباب ونزل فتح بابها جانت حته حافيه انطاها سترته جانت لابسه بجامه بس وكال

قسور: لبسيها

شامه:ل.. لا ما اريد

لزم ايدها ولبسها الستره غصب عنها وتتراجف بين اديه وكال

قسور:عندج وقت وياهم لقبل صلاه الفجر وارجعج واذا فكرتي تنهزمين لو اهلج يهزموج نفر ما ابقي حته اختج وبتها اتلفهم وره الشمس

هزت راسها فتح الباب مال كراج ولازمها كل قوته من ايدها وسحبها تباوع على المكان نفس ما تركته السنادين الي زرعتها بنفس المكان كبر الزرع بيها الاضويه الميز دك قسور الباب كل قوته فتحه حسام وابوه يصيح عليه ما يطلع وصار وجه بوجه ويه قسور وباوع على شامه ضحكت وضربته على صدره وكالت

شامه:جنك قرد باللحيه
حسين:ش... شا

ركضت وحضنت ابوها بقت تبجي حضنته كل قوتها وهو هم ركضت صبيحه الي تضحك والدموع تنزل من عينها من شاف رجفتها وضحكتها بين أهلها حس بغصه بقلبه جان يكدر يهدي ابوه وما يوصلون لهل مرحله بس هو زادها بعصبيته لبس حسام حذائه وراد يطلع ركضت بسرعه وسحبته من ياخته راد يوكع وباوع عليها ضحكت وحضنته حس قسور بغيره مو طبيعيه راد يبتعد وصاحت بيه

شامه:ويين عايفني ابقه ما أكدر اتأخر خلي اشبع من وجهك القبيح

مصطفى:شيخ بقيت بالباب استغفر الله تفضل

قسور:يزيد فضلك حجي انا هني باقي بالباب

حسين:ما يصير

قسور:ابو غيداء انا مشكلتي مو وياك ولا يه احد بس ويه حسام ودام ما يحجي القصه ما بينه صلح انا اليوم جبتها بدون علم احد ما يهون علي احرمها من ابوهة وراي حساب ابقيها يمكم كم ساعه واخذها ان شاء الله

حسين:الله يفرح قلبك ابن اصل

مشه قسور وكعد بالسياره ويفكر بحجي حسين من كله الله يفرحك ما يدري بيه حته الفرحه الي رادها كل حياته نحرم منها بقه كاعد بالسياره يباوع على الباب منتظرها تطلع حسب الساعات دقيقه دقيقه بس حته يلمح وجهة... لحد ما طلع خيط الصبح نفتح الباب وطلعت بالكوه مسيطره على نفسها متبجي حضنت أهلها سلمت عليهم وصعدت بالسياره بس مشه شهكت وبقت الدموع تنزل من وجها هو محترك حرك ما يكدر يسوي الها شي ولا يكدر يتصرف بقه بين نارين وكال

قسور :كافي تبجين انا بين فتره وفتره اخذج بدون ما يعرف احد

حاول يهديها زادت بجي مغطيه وجها بيدهة ما حجه شي وصلو للبيت نزل وهي هم نزعت الستره وخلتها على السياره ومشت كال بسرعه

قسور:نامي يم نوال منتظرتج

كملت مشي وهو وراها نفتح الباب كمزت رجعت بخوفه ليوره نضربت بصدر قسور لزم زنودها ضهرها صار على صدره ضغط بأيده كل قوته حس برجفتها اخذ نفس جان نفس عطرها وكال معاذ

معاذ:صعدي خيتي الج الأمان لا تخافي

بقت واكفه رادت تتحرك بس مكدرت قسور لازمها بقوته ما يريد يعوفها كال

معاذ:قسور هد البنيه

حس على نفسه ورجع ليوره وهي فاتت للبيت وصعدت يم نوال دكت الباب على كيف وفتحته بسرعه والابتسامه تارسه وجها فوتتها وسدت الباب وكالت

نوال:فوتي فوتي ارتاحي وانا دقيقه احضر الريوك

شامه:لا.. تريكت.. ويه

نوال:ابوج

هزت براسها ابتسمت نوال وسحبتها وخلتها تكعد على الجربايه وكالت

نوال:ارتاحي غمضي عينج الصبح انا اكعدج زين

شامه:شكرا نوال

نوال:اوف الج عيوني والله انتي خيتي الله يريح قلبج

ابتسمت بوجه نوال تمددت وغمضت عينها وجانت هاي اول مره من أشهر تنام بهل راحه بعد ما كعدت يم ابوها وطمنته على نفسها وحجت ويه غيداء واطمئن عليها مانامو لحد ما طلع الصبح كلهم كاعدين يسولفون بس حسام ما كدر يضحك حاولت تسأله شنو صاير مجاوبها بقه مدنك راسه سكتت منه وبقت بغصتها....

هل مرت أشهر طويله الوجع بقلب قسور زاد كل ميشوفها تنظف تحاول تساعد عدي هو يتخبل ويأذيها زايد كره نفسه وعصبيته ويذكر من جانت تحجي اله عن أحلامها وطموحها وتخلت عن كلشي في سبيل تصير اله وهو الها..... جانت السبحه الي هدتها اله متفارك ايده بكل مجلس وكل مناسبه بأيده ومره من المرات معاذ حجه على السبحه يكله عيب شايل سبحه هيج مخربطه وهو ميقبل يغيرها بس لان هي سوتها غارت من سويره من سوت لفاروق سبحه هي هم سوت خلت خرز صغيره وخرز متوسطه عود فيكه بقه فاروق وساره يضحكون وهي خجلت واخذها قسور وكال الها يومها

قسور:كلشي من ايدج حلو... كلشي تلزميه بايدج حلو حته عينج الي تباع عليه يصير حلو

ابد ما نزلها من ايده من ذاك اليوم... تغيرت فيروزه ويه شامه مكدرت تبقه عصبيه عليها بدت تعاملها احسن شويه تعصب من نوران من تشوفها تعامل شامه مو خوش معامله كامت متخليها تشتغل هواي مرات تبقى تباوع عليها وادير وجهة شامه تستحي منها وتنزل وجها جانت عيونها نفس عيون قسور وتذكر امها كل ماتشوف فيروزه... وكل ما تشوف قسور ونوران يمه تموت الف مره أدير وجها وتروح لغير مكان مرات من تخلي الاكل تلكاه كاعد بس يباوع عليها ومن يشوفهة يدنك راسه..... من تختلي بنفسها تبقى تبجي من قهرها وحياتها الي تغيرت ونكلبت كلاب... جان مولد النبي وكل البيت مجموعين و شامه خلصت ترتيب والاكل جان محد جاي بعد بقت كاعده بالمطبخ فاتت فيروزه وكفت شامه وكالت

فيروزه :بعدج هني

شامه :اسوي شي ناقص شي

فيروزه:هاي الج خذيهم وغيري لبسج أريدج بكامل جمالج

شامه:ها

فيروزه:سمعتي بدون فهاوة خليتلج قطع ذهب البسيهم

اجتي نوال وأخذت شامه صعدت فوك وياها سبحت ولبست الكلبيه جانت خليجيه لون بصلي والتطريز كله ذهبي لبست الذهب شسورت شعرها وعافته نوال الها مفتوح صبغت اظافر ايدها وخلت مكياج الها مقبلت بس نوار كالت الها هذا طلب الحجيه ومحد يكسر كلامها طلعت شون اللعابه الباربي فات معاذ وجان الباب مفتوح و يحجي ويه قسور

معاذ:انا كتلك ناخذ الأرض وخلي واجهتها على النهر الفندق يصير... اللهم صل على سيدنا محمد رسول الله صلى الله عليه وسلم ماشاء الله عين النبي تحرسج

نوال:بربي تلوك لقسور

باعت شامه كدامها وشافت قسور صار عينها بعينه والتفت بسرعه على نوال وهي ترجف وكالت

شامه:مسحي مسحي وجهي ما أكدر

نوال:ابد والله ازعل منج فدوه يرحون عدوينج الج عين الله التحرسج حته ابوي كال عنج مثل الگمر

معاذ:اي والله

وطلعتها بره الغرفه وسدت الباب حته هي هم تتحضر بقت وباوع على جهة وقسور كبالها صار مشت ولزم ايدها فزت ونزلت راسها وكالت

شامه :والنبي وداعه امي ما كلت شي محاجيه

قسور:فاروق اخوها

شامه :ه... ها

قسور:معاذ وهي وكوثر وفاروق يعرفون بالماضي لا تحجين

شامه:اني زوجه اخوك لا تخاف

قسور:مو اخوي

شامه:اخوك مو اخوك اني صرت زوجته

قسور :اش

شامه :تخاف اكمل واكول الي صار؟

قسور:اسكتي كتلج ولا كلمه

شامه :جبان

سحبها بسرعه من ايدها فتح باب غرفته دفعها وقفل الباب مشت بسرعه تريد تفتح الباب لزمها كل قوته وضربها بالحايط توجعت خله ايده على وجهة حته تباوع عليه بقت منزله عينها وكال بعصبيه

👻👻👻👻👻👻👻👻👻👻👻👻👻👻👻👻👻

هلا هلااااااااا شلونكم 🌝

بارت سريع وخفيف 🥺🥺
ان شاء الله يعجبكم 🥺🌝