رواية قسور والمهره شامه الفصل الثامن عشر 18 - بقلم أسيل

مرت ايام شامه تعتني بنوال لو مرات أدرس الأشتر جانت نوران تتحارش بنوال وتستفز شامه وشامه ما تسكت الها جانت شامه تغسل مواعين ونوال كاعده تغني ضحكت شامه وكالت

شامه :اني كتلج قدم على برنامج مال غنه تربحين والله
نوال :يمه يذبحني معاذ
شامه :يحبج ميكدر
نوران :اي لو يحبج صدك ما يعوفج كل أسبوع
شامه :يابه اوي اوي اوي
نوال :شبيج شبيج شصاير
شامه :اشترررر جم مره كتلك لا تفوت الجلب للمطبخ
الأشتر :ما فات عمه بقه بره
شامه :لا اشتر متشتم هم رجع وصخ

التفت وشافت نوال بالكوه ساده حلكها من الضحكه وباوعت على نوران وكالت وهي مخليه ايدها على حلكها

شامه :اوووه هاي ريحتج مو بقصدي عبالي الجلب فات طلعتي انتي
نوران :اله احجي لقسور هيج تحجين وياي المسربته الساقطه
الأشتر :لا تغلطين اهلج ما ربوج اله اكول لجدو

ركض لجده وهي صعدت فوك وبقت نوال وشامه يضحكن خلصت مواعين شامه وسوت كهوة الها ولنوال خلت نوال ايدها على ايد شامه وكالت

نوال :كاعد يبات يمج
شامه :ما اريد اشوف وجهة قافله الباب
نوال :راح تبقين لعد طول عمرج هيج تصرفين شامه تراه الشيخ يحبج ويموت عليج وانا اعرف زين هو بالنسبه الج مثل الهوة
شامه :جان
قسور :سويلي كهوة

وجهة صار  اصفر وكامت بسرعه وكالت

نوران :مراح تحاجيها
قسور :ما ادخل بسوالف النسوان
نوران :اوف حبيبي
قسور :يله امشي كبالي
نوران :سويلي كهوة
قسور :واديج مكطمه ما تسوين انتي لروحج
شامه :كالت اسوي كهوة كالت اسويلج سم الحسن ان شاء الله لا عادي شيخ اسويلها هسه من عيوني
قسور :سمعتج ولا انتي ما تخدمين هنا
شامه :ماكو فرق خدامه لو اثاث بالبيت متفرق عندي

هذا الحجي هي تسوي كهوة ومنطيه ضهرة لقسور فات للأستقبال وهي صبت اله والها فاتت متباوع بوجهة انطته الكهوة كدرت تشتم عطره حست بغصه اخذ الكهوة شمها وابتسم وخلت نوران رجل على رجل ومدت ايدها حته تاخذ الكهوة مشت شامه وخلت الكهوه على الطبله وكعدت على الكرويته كبال نوران وخلت رجل على رجل ثوبها جان بيه جاكه وخلت رجل على رجل تكشفت زرورها جان ماكو احد بس هم كاعدين ولزمت الفنجان وشربته وتحرك برجلها والحجل يطلع صوت ومبتسمه فارت دم نوران وخلت ايدها على صدر قسور وكالت

نوران : حبيبي تعبان اصعد احظرلك الفراش

شامه:شنو مناوي تجي يمي شيخ
ضرغام :ها مقصر وياج
شامه :يمه حبيب القلب نور البيت هلا والله بيك
قسور :هلا بتاج راسي
ضرغام : شنو الي سمعته
شامه :عمو جنت اسأله إذا راح يجي يمي الليلة وكلي جاي
نوران :مايصير اني بعدني
شامه :واني هم بعدني عروسه وألي حق بيه
ضرغام :بويه تعدل بينهم لو شنو
قسور :اليوم يمج شامه
شامه :لعد اروح احظر نفسي شيخ الشيوخ

غص قسور بالكهوة ونوال تضحك ومشت بدلع يم نوران وخلت الفنجان المكلوب بحظنها وكالت

شامه :اقري الي بختي اعرف بيج تحبين سوالف السحوره والله لاحركج حرك

حجت اخر شي على كيف وضربت خد نوران وصعدت لغرفتها فرشت على الكرويته بالمكتب وتمددت عليها وغمضت عيونها....

#شامه

كلشي بيه يوجع قلبي كلشي صار يخنكني هاي مرت ايام مثل النار بصدري اضحك واسولف ويه الكل بس الي بداخل قلبي الله وحده الي يعلم بيه شنو بعدني ما اريد احجي ولا اتقرب لا من أبويه ولا حسام ولا قسور ما أكدر افكر بألي صار وكوثر توفت ما أكدر استوعب الي صار احس نفسي عايشه بدوامه ما اعرف شنو بدايتها ونهايتها ... هاي  الليل كله ابجي اكعد الصبح مصدعه ما احجي ويه احد وحته غيداء تراسلني ارد عليها بالكوه واتحجج الف حجه حته ما اتناقش وياها وابين الها اني عايشه بتعاسه وبؤس ما ينوصف من يجي قسور اخذ اغراضي وانام بالمكتب وهو بالفراش ابقه كاعده لحد الصبح ومن يطلع كل مره انام بفراشه بمكانه عطره تارس الفراش اشتاق اله هواي بس أكابر اشمر الاغطيه بالكاع وانام بس اجذب على منو اموت الف موته من ينام يمها ومجرد ما افكر هي نايمه على صدر لو بين ايده احترك اريد بس اموت وارتاح من كل هل وجع وكل مره ينام يمها اطلع من غرفتي الكاها كبالي تمشي بلواكه وعود جان يمها ونايم وياها وتعدل بشعرها واجتي امها مرتين وخاله فيروزه تكعد و وره دقيقتين تسوي نفسها نايمه بحيث نخرب ضحك انا ونوال دائما اعتني بنوال واسوي إلها اشياء مفيده الها  ولابنها ما اخليها تتحرك هواي لحد ما يجي معاذ يله اروح لغرفتي وتبدي تعاستي لحد الصبح اليوم نوال راجعه من الطبيبه حست بوجع واخذها معاذ بس الحمد لله ماكو شي وجع طبيعي وجنت بالغرفه ويه فيروزه و نوال جانت تبجي وتخاف يصير بيه شي معاذ ما كدر يبقى بالبيت ف طلعت عمه تصلي الها ركعتين جنت كاعده يمها فكالت

نوران:تعودنه تحبلين ويموتون شنهو الجديد ما يصيرون عندج جهال غير ابنج المجربع كصتج فكر ليش تسوين نفسج ما تعرفين بهل شي طالعه على امج

ماتحملت حجيها فار دمي وكمت غميتها على كصتها كل قوتي الشاهد الله اني فزيت من الصوت ودفعتها بره وكعت بالكاع وكلت الها واني اسد الباب

_قذره ساقطه والله وما يصير الج جاره لا تشوفيني وجهج النكس

بقت فاكه حلكها من الصدمه بالقرآن قهرتني من حجيها ويه نوال فتت واشوف نوال الدموع تنزل من عينها وصايره حمره سديت الباب رفعت راسها كامت تصيح من الضحك مخليه ايدها على بطنها وتضحك نتهت خفت يصير شي بيها فات معاذ على صوتها عباله صاير شي نوب كام يضحك على ضحكها واني هم ضحكت يكلي شكو واني اصلا ما اعرف شبيها شربناها مي وغصت غسلت وجهة بقه مبتسم وباوع عليه وكالي بصوت كله حنيه بحيث من صدك فرحت وحسيت الله يحبني من وكعني بهيج أهل

معاذ:الله يرزقج مثل فرحتها

ابتسمت اله وطلعت من الغرفه صعدت الغرفه جنت امشي بالممر وما اشوف غير قسور عيونه حمره دماراته بارزه بحيث شعره جان مبلل لابس بجامه و تي شيرت طالع من غرفه نوران لزمني من ايدي كل قوته حسيت اظافره فاتت بلحم جلدي وضربني كل قوته راشدي  كمت ما اسمع بس وشه بأذني نشكت شفتي ضربني بالحايط بعده لازم بأيدي كمت ما أكدر اخذ نفس اريد افهم شبيه الدموع تنزل من عيني ما أكدر حته احجي بس عيني بعينه وكال

قسور:أذا سمعتج ماسه نوران لو فاتحه حلكج بكلمه وياها ادفنج اعتذري منها هسه

دفعني يم رجلها وكعت بالكاع بقيت صافنه عليها مسويه نفسها تبجي وركعت كبالها وكالت

نوران :لا لا مو مهم ليش هيج سويت

_أ.. أسف

باوعت عليه نضراته نفس نضراته من اجه لحسام يوم المشكله فتت للغرفه جسمي ثكل وكعت بالكاع ما حسيت على نفسي اله الساعه تسعه ونص بالليل ساعتين ونص اني متخربطه كعدت الكاع و وجهي كلها دم كمت بسرعه حسيت بوجع ابطني يمكن هلكد ما بردت وجنت نايمه بالكاع غسلت وجهي بسرعه خشمي نازف هواي مسحت الدم من ركبتي و صدري لزمت خاولي حته امسح الدم من الكاع قبل لا يفوت احد شفتي مورمه شويه التي شيرت كله دم راح أبدله بس اخلص الكاع ايدي وجسمي يرجفون كل ما فكرت بألي صار قسور.. اني شون حبيته نفتح الباب رفعت بسرعه جان قسور بقيت جامده سد الباب بسرعه يباوع عليه وكتله بسرعه

_ما.. مايبقه أثر راح انظف الكاع .. بعد ما احجي وياها وروح ما.. ما بعد ما اتقرب منها

بس اقترب مني مد ايده الي كلها جروح وضربات جديده وكفت نضربت بالحايط ايدي خليتها كبالي حته احمي نفسي وكتله بسرعه

_أس.. أسفه عدي....

قسور:عدي؟؟

عدي؟ كتله عدي اني شفته بعيني مثل عدي هذا الإنسان الي جانت روحي بيه الإنسان الي حبيته واحبه الإنسان الي جان مثل نسمه الهوى صرت اشوفه مثل عدي...

وبحسره عراقيه

ومن تمر يمك حمامه تذكر كسره جناحي يالجنت نجمه بنص قلبي وتباهيت بنورها بس انطفت

#قسور

جنت اسبح طلعت من الحمام وما اشوف غير نوران كاعده تبجي يابه شكد غثيثه اخذتها بس لان جنت رايد اكسر خشمها لشامه الي  ما تحجي وياي وعايشين كبال الكل احلى علاقه وبيني وبينها غربه من افوت الغرفه تفوت للمكتب تنام بالكاع لو على الكرويته واطفي الضوه تبقي بس ضوه مكتبي مفتوح حته ما اباوع عليها ولحد ما يطلع الصبح ابدل واطلع وهي نايمه ما تحجي ويه حسام ولا ابوها على كد السلام تطمئن عليهم وتسد التليفون وغيداء تتراسل ويايه حته تطمئن على شامه الي ما تجاوبها بين اسبوع واسبوع تحجي وياها وهي كبال الكل تضحك وتسولف وتبين الهم شكد تحبني وتهتم بيه بس بينها وبيني تشوف العمى ولا اكعد اكبالها مغبون ومقهور منها سئلت نوران شبيها وكالت

نوران :ضربتني وهانتني وتكلي بت شوارع  ناقص بس تحجي عليك كبال الكل وتهينك هسه ما تحترمني عادي بس ما اقبل كل مره تهينك انت وتحسسني اني ما ماخذه رجال

كمت ما اشوف هاي صار عدها عادي تتجاوز علي بكل مكان من فوتتها الها اول مره من طالت ايدها علي طلعت من الغرفه صارت كبال وجهي مبتسمه ضربتها فقدت نفسي وياها تباوع بعيني والدموع تنزل من عينها شفتها نجرحت رجعت ضربتها بالحايط وحذرتها ودفعتها وكعت يم رجل نوران احس قلبي راح يوكف حسيت بوجع مو طبيعي بصدري اعتذرت وكامت فاتت للغرفه نزلت جوه ما طلعت من غرفتها اليوم كله سئلت نوال عليها وكتلها نامت راسها يوجعها وضحكت هي ومعاذ وكلت الهم شكو وحجت الي القصه نوال وهي تضحك وشسوت شامه اعتذرت منها على حجي نوران وكالت الها مالها عتب عليه وهاي نوران كل مره يا سامه شامه لو تحجي هيج عليها وشامه ادافع متقبل تسكت صعدت نوران كتلتها كتله والكعبه خليتها تزحف على ركبها اجه محمد خليته ياخذها وكتله خلي يأدبها لا اطلكها وارجعها عليهم لا تجذب وتستغفلني مره ثانيه ضربت الحايط كل قوتي لحد ما خدرت اديناتي فتت لغرفتي قلبي واجعني عليها لكيتها بالكاع لازمه خاولي تمسح دم ملابسها كلها دم مبين نازف خشمها ترجف وتمسح بالدم وتكلي مراح يبقه أثر لزمتها ورجعت نضربت بالحايط وايدها على وجهة تبجي وصاحت الي بأسم عدي بقيت صافن سئلتها عدي نزلت ايدها تباوع برعب  سحبتها لصدري شهكت بست راسها حظنتها كل قوتي اعتذرت منها وطلعت من البيت معاذ يحجي وياي ما كدرت اجاوبه اتصلت بفاروق كتله يتلكاني بالطريق جنت اسوق وكفت السياره ما كدرت اكمل احس ضغط صار بصدري والنار شبت بيه نزلت امشي اريد نفس ما كدرت اخذ نفس اشوف اثنين يمشون كبالي كمت ما أكدر اشوف زين مشيت وركضو الي جانو حسام و فاروق وكعت بالكاع حسام سندني اخذوني للمستشفى وفاروق يسوق بسرعه وصلنه وصاح حسام عليهم كلشي صار اسود فتحت عيني باوعت الدنيا فجر معاذ وحسام وفاروق كاعدين يسولفون ردت اكعد كام حسام بسرعه كال لفاروق يصيحون للدكتور وكال

حسام:يابه شيخ هدي خليك نايم يجي الطبيب يفحصك اول

معاذ:سلامه قلبك

فاروق:شصاير وياك

_شكو؟

حسام :ضغطك معلك للسمه وايدك بيها فصخ اصبعك مخلوع مبين مكسر الحايط يا شيخ

معاذ : طبها مرض اذا غاثتك طلكها وانعل خيرها من شرها

_لا تحجي هيج مو شامه

صحت عليه ونفتح الباب بالكوه بلعت ريكي جانت شامه عيني بعينها صارت وكالت

شامه :كعدت

الجاي بيدها جانت جايبه الهم وخلته على الميز بقيت صافن عليها تقربت مني والدموع تارسه عيونها لزمت ايدي المضمده وباستها ترجف ايدها سحبت ايدها وكال

معاذ:من سمعت بيك بالمستشفى الطريق كله تبجي رادت تجي مشي ما ردت اجيبها ما كلنه ل احد بالبيت بس هي سمعت

فهمت جان قاصد نوران وانا ضنيته قاصد شامه فات الطبيب كعدت وبده يفحصني وكال

الطبيب :اول شي يحتاجلك راحه يا شيخ بعد عن كل الشغل وضغطك تره جابوك بينك وبين الجلطه شعره لا تبقه هيج فهمت وثاني شي اذا تشرب جكاير بطلها مو زينه بحالتك هاي تحتاج هوة نضيف كالو جنت ما تشرب بس الحين تشرب بطلهن واكلك اعتني بيه تعاني من قله تغذيه وجفاف بويه هذا احد غاصبه على شي

معاذ :هو منو يكدر عليه غير هاجم البيت بس ملتهي بالشغل صبح وليل بين يوم ويوم الكاه للساعه خمسه الصبح بالشغل وبعدين يرجع للبيت انا اتلكاه افتح الباب واتستر عليه كبال ابوي

_انا ليش احسكم انتو تفتنون علي ضاميلي عداوه شبيكم حاقدين عليه

ضحكو رفعت عيني صارت بعينها وهي بقت تباوع عليه وصف الي الطبيب ادويه طلعو الولد جابت الممرضه اكل وخلته كبالي وكالت شامه للمرضه تروح هي راح تكمل راحت وسدت الباب بدت تفتح العلب وخلت الخاشوكه كبالي وكالت

شامه :اعتني بنفسك

_حقج عليه

خليت ايدي على وجهة وخرت وجهة بسرعه خايفه جانت وكالت

شامه :اني اعتذر تره من... من ك.. كلت الك عد.. عدي

_أش سدي الموضوع

شامه :اني راح اهتم بالأدويه

فاتت نوران بعبايتها التلمع انا شسويت بحياتي شصخمت روحي كامت شامه بسرعه وكلت الها

_طلعي

نوران :حبيبي

_كتلج اطلعي

صحت عليها طلعتها الممرضه رادت اطلع شامه هم والولد بره جانو وكلت

_لا بقيها يمي

الممرضه :بس الدكتور

_لاااا بقيها كتلج

طلعت الممرضه وهي بقت واكفه أشرت الها تقترب وكعدت يم رجلي اكلت شويه وشربت الدوه ما احب اكل المستشفيات انتظرت المغذي يخلص فاتو الولد وره شويه بقو يسولفون وكال

حسام :حظرتي نفسج بعد شهرين امتحاناتج

شامه :مالي خلك

حسام:شنو يعني هيج احلامج راح تتخلين عنها

شامه :تصور بقت عندي احلام

باوعت عليه ودارت وجهة منه.. وحته وهي قلبها مكسور وخايفه كلماتها تجرح هاي مرت ايام حالة شامه كلش سيئه مرتين ألكاها واكعه بالكاع مغمى عليها متقبل تروح للطبيب بالي كله يمها هي ملتزمه  بالدوه مالتي يوميه تجيبه بوقته رجعت للبيت دكيت باب الغرفه وفتت كاعده على الجربايه وكلت الها

_حظري نفسج

شامه :وين؟

_رايحين للمزرعه نبقه اسبوع

شامه:اخذ نوران ما الي خلك اروح

_ماخذها بس ابوي ما رضى اخذ وحده و ابقي وحده راح تجي سويره ويانه ونوال

🖤🖤🖤🖤🖤🖤🖤🖤🖤🖤🖤🖤🖤🖤🖤🖤
ها كشمشات قلبي 😔 احسكم مو طبيعيني شبيكم منو وياكم 😂

ديله كلت اواسيكم بارت جديد يلعب ستين نفس حته يزيد هرمون الكأبه عدكم
😂😂

حلو تصرفات شامه بس حته تزعج نوران ؟

اخليها تسامحه بسرعه لو تشلع قلبه 😂؟

يله تصويتكم حته انزل بارت جديد 🦋🦋