رواية قسور والمهره شامه الفصل السابع عشر 17 - بقلم أسيل

استغربوا الكل بهل وقت راجع للبيت مشه وشمر الورقه الي لازمها على شامه وما شالتها من الكاع وكال

قسور :ورقه طلاكج والحاظر والغايب يوصل الج وفوكاه زياده ما ينقص درهم

ضرغام :قسووور

قسور :الحرمه الي ما تحترم الشارب بهل بيت

شامه :اي اخيرا حريتي

قاطعته قبل لا يكمل حجيه ضربتها فيروزه على رجلها ضحكت شامه ومصت اصبعها ومدت ايدها على قسور ولزمت الورقه بيدها الثانيه وكالت

شامه :فدوه ناوشني القلم رجلي خدرت من الكعده

فيروزه :شامه بنيتي

شامه :شنو عمتي حبيبي حته اذا خلصت من قسور تره راح اجي ازوركم مستحيل انكر الزاد والملح الي بينه

بقه صافن عليها نقبض صدره وهو يباوع عليها ومن سمع حجيها نغث ابتسمت من شافته مغثوث وكامت اخذت القلم من الميز

نوال :لج شامه الموضوع مابيه رجعه معاذ احجي شي

معاذ :خليهم خليهم براحتهم بس بيوم قسور يصير لغير حرمه ويصير عنده جهال وتجيج شامه تشتكي لو تبجي اطلكج اذا استقبلتيها وانت بيوم الي شامه تصير بحظن غيرك وتحل شعرها بحظن غيرك اتبرى من لساني اذا واساك بكلمه تصرفو براحتكم

ضرب قسور الميز بأيده كل قوته خلت شامه الورقه على الميز وفتحت القلم ايدها ترجف تعرف الموضوع وره التوقيع مابيه اي رجعه بعد وكال

ضرغام :اتبرى منك طول عمري يا قسور طول عمري ما ارضى عليك اذا طلكتها وانتي اذا وقعتي ما الج رده بهل بيت وبيوم الي اموتن بيه ذمه بركبتك يا معاذ اذا خليت واحد بيهم يوكف على كبري

فيروزه :وانا هم معاذ ذمه بركبتك

معاذ :عمركم طويل من عمري على عمركم بس تأمرون امر

قسور :بويه ما اريد حرمه ما متربايه

شامه :تعرف زين متربايه احسن تربيه وما بيوم جذبت لو حاولت اتستر على شي غلط متربايه احسن تربيه بس انت الي ما ترهم الك بنت الأصل بس لخاطرك يا عمو مراح أوقع لان مو اني الي اخليك تغضب مني

شكت الورقه وضربتها على صدره وخلت عينها بعينه وكالت

شامه :لخاطر عيون عمه وعمو ولا ماكو قوه تخليني ابقه مكابله جهرتك

مشت لزمها من زندها كل قوته ضرب ضهرها على الحايط وصاح معاذ بأسم قسور بعلو صوته حس قسور على نفسه رفع إيده وسدها بس حركها غمضت عينها وخلت ايدها على وجهة ضرب الحايط كل قوته اكثر من مره وطلع من البيت اسبوع مراجع للبيت ومن رجع للبيت عرف بيها ما تستقبل اي احد من عائلتها غير صبيحه تشوفها حته اختها متحجي وياها صعد للغرفه وجانت بالحمام تسبح انتضرها لحد ما طلعت ومن شافته دارت وجهة وكانو هوة حز بقلبه هل شي
لزم ايدها سحبت ايدها وباوعت عليه بنضرات ما تتفسر تكرهة اول مره يشوف كل هل كره بعينها ابتسم بقهره وكال

قسور :هيج كرهتيني

ضحكت بأستهزاء وهزت ايدها ومشت كعدت كبال المرايه بقت تمشط شعرها وكال

قسور :شامه كاعد احجي

شامه :مرتك بس بالإسم لان اشمئز منك واكرهك كره مو طبيعي وكل ما تتقرب مني احسك عدي والك ايد بكتله كوثر ما تفرق عنه بشي ثنينكم ميتين بعيني وعن اذنك مشغوله

قسور :شكرآ

مر يومين قسور ينام بره البيت جانت شامه كاعده يم فيروزه تلف دولمه وياها و نوال هم كاعدين بالاستقبال ضرغام يقره قرأن والاشتر بحظن معاذ ويلعب بالتليفون فات قسور وأيده على خصر نوران رفع ضرغام عينه ندارت فيروزه بقت فاكه حلكها سد معاذ التليفون وكال للأشتر يصعد لغرفته هسه راح يلحكه وصعد الأشتر بقو يباوعون كلهم على قسور وكال

قسور :هاي حرمتي نوران شفت اخذ كرايب احسن ما أخذ غريبه على الاقل الكرايب اعرف بيها متربيه كبال عيني وهي راح تخدمني وتسعدني

ضرغام :الله لا يرضى عليك

باوعت بسرعه شامه على ضرغام وجرحت ايدها بالسجينه هل كلمه وجعت قلبها وحست بغصه وكالت

شامه :لا عمو لا تكول هيج الله يخليك

ضرغام:لك ناوي تجلطني ليييش لك ليش من وراي هاي تربايتي انا جنت ازامط بيك وبتربيك هيج سويت لك ليش ليش

شامه :عمو انا سامحه اله وراضيه وما أريده ولا اسمح اله يمسني والله حلل اربع نسوان اله اني اكرهة وما اطيق احمل شي ابطني منه على الاقل نوران وهو يتراهمون سوه لا تزعل مني بس هو مو من ذوقي

كامت شامه ولزمها قسور من ايدها وسحبها كل قوته نضربت بصدره عينها بعينه تتحداه اشتعل نار وكال ودمارات ركبته برزت بالكوه مسيطر على نفسه وياها

قسور :وحق الله يا شامه وحق الكعبه وكتاب الله اذا ما عدلتي اسلوبج مال بنات الشوارع هذا وياي اله اشوه وجهج فهمتي

لزمها كل قوته من وجهة ويصيح عليها بعالي صوته ضحكت نرفزته بالزايد ضربها راشدي فلتت من ايده وتعثرت وضربت راسها بالحايط وكمز معاذ الها وكفت بسرعه وكام يكح ضرغام وفيروز تخربطت صعدت شامه ركض للغرفه وقفلت الباب كصتها تنزف نهارت من البجي بقت يومين ما تطلع من الغرفه ولا تفتح الباب لأحد لأول مره تحس بكل هل وجع وتستلم لكل هل يأس الي ترس قلبها بجت لحد ما فقدت وعيها من ضربها بحيث كعدت الكاع متروسه دم من فشخه راسها جانت كاعده على الجربايه من ندك الباب ما حجت بس كامت شامه وفتحت الباب جانت نوال  حظنتها نوال كل قوتها وكالت

نوار :دخيل ربج كافي وجعتي قلبنه كلنه كافي راح يصير بواحد من الغوالي شي من القهر محد يرضى يكعد على السفره وانتي مو بيها كافي لخاطر عيسى الي ابطني

شامه :ولدد؟؟

نوال:والله ما تكمل البشاره اذا مو انتي موجوده ومعاذ بعده ما يدري صح زعلانه عليه انتي بس لخاطري

شامه :ابد والله زعلي على ابوي وحسام وقسور هم الي جذبو علي

نوال :لخاطري تعالي تعشي ويانه خلي ياكلون الحجاج والله مرضى لا دوه يرضون ولا شي صح انا مناويه الج تكعدين وتشوفين هل مسمومه بس كلشي بدونج مو حلو

شامه :احس بتعب ومالي خلك فدوه

نوال:لا الشيخ ولا ضرغام يتحاجون زعلان الحاج ضرغام دخيلج إلحاج ضرغام تعبان كلش والله

شامه :شبيه؟

نوار:قلبه مو زين وما راضي يسوي العمليه

شامه :ش... شنووو

كامت تبجي نوال فكرت لثواني اذا صار بيه شي وهو زعلان على قسور راح يطك ويموت وكامت شامه بسرعه فتحت الباب ونزلت ركض ما حست بس بأيد احد لازمها ودافعه على الحايط نضربت توجعت رفعت راسها وجان قسور بقت تباوع عليه خافت من نظراته وكال

قسور:وين راكضه

شامه :هد ايدي اريد اشوف عمو ضرغام

قسور:مريض لا تحاولين تغثيه

شامه :اول شي هو ما مغثوث مني ومستحيل اسوي شي يضره ولا اخ وجعتلي ايدي

قسور :لا تفوتين هيج غيري لبسج يمه الولد

انتبهت لابسه ثوب كصير ودلع نزلت نوال وخلت العبايه على جتف شامه ولبستها بسرعه وفاتت للأستقبال سلمت الكل جانو موجودين ابوها و حسام وعمها وفاروق معاذ ومحمد سلمت على الكل باست راس ابوها وحظنته بس حس بهل حظن مو نفس لهفة بنته ولا ثقتها بيه مجرد حظن بارد أشرت لحسام ب أبتسامه حزت بقلبه هاي الي جانت تركض وتحظنه بكل لهفة هيج بردت ومشت لضرغام باست ايده وراسه وكعدت بصفه وهو ضحك وجهة ومن شافتها فيروزه فرفح قلبها وكعدت بصفها وشامه مبتسمه وتضحك وباوعت على ضرغام وكالت اله

شامه:ليش عمو هيج هملت نفسك وليش ما ناوي تسوي العمليه

ضرغام :لا بويه انا عمري خلص ليش اخلي الناس تحتار بيه و ولدي يشيلون ثكلي خلي الله هو الي يقرر اموتن لو ابقه اتوجع

شامه :عموووو شهل حجي ليش تخليني ابجي عمرك طويل ليش ما ناوي تشوف احفادك

قسور :بويه احنه الي صرنه حمل على قلبك

ضرغام :جنت جنك ريشه على قلبي بس بعملتك هاي وزواجك بدون شوري والله كسرت قلبي

نزل قسور راسه وبقه يحرك بالسبحه انتبهت شامه السباحه جديده حز بقلبها شافها تباوع عليه وضم السباحه بجيبه فاتت نوران تتحرك بدلع وكعدت بصف قسور لزك بيه وسلمت تارسه وجهة مكياج التفت شامه لضرغام وكالت

شامه :عمو ليش هيج تحجي وثانيا الله حلل اربع نسوان عمو اذا انا ما راضيته وما أكدر اخلف الله ما اقبل اضلمه وياي وثانيا الشيخ ما يضلم وحده بينه يوم الها ويوم الي

نوران :لا والله عروسه بعدني ناقص تاخذينه اول اسبوع

فيروزه :انجبي اش ولا كلمه يا مكسوره الركبه اذا قسور اخذج تره مراضيه انا عليج وصار الها لسان تحجي بنت الجلبه

شامه :لا يوم لا قلبي حقها خلي هل اسبوع الج والثاني واذا ترضين هم شهر خلي الج حقج بالنهايه جنتي كاتله روحج عليه وهل حقق رغبتج وصرتي اله انا موجوده بغرفتي يا شيخ اي يوم يعجبك تجي وترتاح يمي انا اعرف راحتك بين اديني عين غطه وعين فراش الك يالغالي وتدلل عليه وانا الممنونه

ضرغام :بويه تصالحتو

شامه :اي يا روحي انت من الدنيا منو تتحمل زعله وانتو تدرون هو الهوى الي اتنفسه

ضرغام:شني هاي ما تدخل بعقلي

شامه :اي والله انا الي غلطت بحقه وزعلته مني جنت عصبيه وطلع الحجي مني انا اعتذرت وبست راسه وأيده وهو قلبه جبيره ولو شايل بقلبه بعد عليه بس رضى علي انا اعتذر منه كبال الكل وحقك على راسي شيخ الشيوخ انت

ضرغام :بويه الله يرضى عليكم هذا وليدي ما يكسر قلب أمه وابوه راح تعدل بينهم وبنت الأصل هاي ما تتزعل

نوران :واني

فيروزه :يا بعد روحي الله يهديكم وترسون هل بيت عيال انتي حسج ما ينسمع

شامه :امييين

نوار:لعد ابشركم انا حامل بوليد

معاذ :حلفي

نوار :وداعه الغوالي هذا وليدك عيسى ابطني

نوران :اي اخيرا

قسور :لصمي حلكج لا اكسر سنونج

وبقو يباركون الهم وشامه تضحك والكاع ما لامتهم استأذنت تغير ملابسها وترجع
صعدت للغرفه رادت تسد الباب ونفتح نضربت رجلها وجان قسور سد الباب وكعدت على الجربايه تفرك رجلها تأذت بقه يباوع عليها وهي ملتهية برجلها وكال

قسور:شتردين توصلين اله

شامه :ها

متجاهلته وبارده وياه لزم ايدها وسحبها نضربت بصدره رفعت راسها وكال بعصبيه

قسور:شنو مقصدج بالي سويتي جوه

شامه :ايدييي اذيتني

ضغط اكثر توجعت زياده ونحنت ولزمت ايده وكالت بسرعه

شامه:عمو.. عمو زعلان وتعبان هو وعمه بسببنه... لهذا ما اريد احد يتأذى بسببي اكثر لهذا كتله حته يرضى علينه ويسوي العمليه ولا يعاند لا تجي هنا تره الي كلته جوه تصفيط حجي المهم محد بعد يحس بينه ما نطيق بعض واذا ما تريد ابوك يصير بيه شي سوي نفس الي سويتو لكوثر وعدي واذا ما يعجبك تصرف براحتك وانا ابقه اتصرف هيج احبه لعمو وعمه وما اريد اغثهم اخر عمرهم اللهم طول العمر أن شاء الله

قسور:زين لعد خلينه بهل لعبه لحد ما يصير زين ابوي

🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

برأيكم يستاهل قسور هل شي؟

حلوة حقاره شامه؟

البارت بس يصير فوك ال 30 تصويت لو 30 انزل رأسا بارت جديد 🖤

ان شاء الله يعجبكم هل بارت لان البارت الي وراه 😳😌 حلو

شنو رأيكم راح يصير بيهم سولفولي

حساب الانستا مالتي اتشرف بيكم كلكم صديقاتي وخواتي ❤️👇👇👇

Asell.aso