رواية قسور والمهره شامه الفصل الثامن والعشرون 28 - بقلم أسيل

حس بيها هيج مستحيه من جسمها الي متروس كدمات وجروح لزم علبه الضمادات والادويه أخذها من الممرضه وكالت اله شيسوي يريد سحبها على كيف لحضنه وبقه يحرك ايده على ضهرها عيونه غركت دموع مسحها بدون متحس بيه رفعها على كيف وكعدها على خزانه المغسله وخلاها تنطي ضهرها على المرايه لزم الخاولي ونشف شعرها لزم الشسوار وبقه ينشف بيه مشطه على كيف وهي بقت تباوع عليه ما حجت شي ولا هو مثل الطفله بين اديه وجانت بعدها بملابسهة الداخليه رجع شعرها ليوره جان ميباوع على عيونها ميكدر يخلي عينه بعينها... باس حاجبها المجروح على كيف أخذت نفس بس حست بشفته يم عينها وفتح المرهم مال جروح وخله على كيف يم عينها نزل يم شفتها باسها هم وعقم الجرح وكال

قسور :لا تضنين بيوم أكدر اختار غيرج لو ابدلج بحور العين

رفع راسها وباس جرح ركبتها لزمت بقميصه كل قوتها وعقم الجروح الي يم ركبتها وكمل

قسور :ولا تفكرين احب وحده غيرج لو اخلي وحده على صدري غيرج

باس كل أصابع ايدها واحد وره الثاني وبده يلزك اصابعها بلزكات الجروح وكمل

قسور :ولا تفكرين اخونج لا ويه هل سوسن لو غيرها ما اجذب عليج جانت تحبني بس الشاهد الله علي انا ما مفكر بيها ولا راح افكر بيها لو بغيرها (ماشاء الله سحر شامه قوي شكله اصلي) انتي بس الي أبالي ومو غيرج

نزل يم رجلها باس ركبه رجلها وعقم الجرح ولزكه الها وكال

قسور :انتي اول مره بحياتي واخر وحده وبيوم الي اخونج الج حق تحجين وتسوين الي ترديه وما افتح حلكي وحق الله ما اسوي شي لو كسرتي راسي لأن انتي الي أرغب اكمل كل حياتي وعمري وياها انتي الي اريد من تخنكني الدنيا اجي يمج وانسى كل هموم العالم اريدج وياي بكل خطواتي وتره اعرف انا مقصر وياج بهل ايام الي راحت وتركتج هواي بس والكعبه الشغل تعبني وبعدني عنج

رفع فانيلتها بس شاف خاصرتها وجعه قلبه حرك ايده على كيف تقرب من خاصرتها باسها اكثر من مره خلت أصابع ايدها بين خصلات شعره وقوست ضهرها ابتسم وخله لزكه جانت بارده فزت شامه وكل وهو واكف وكصته على كصتها

قسور :والله لو مو وجع جسمج وهل تعب الي انتي بيه والله لاخليج باجر يكولون الج انتي حامل

كحت واستحت منه باس شفتها على كيف لبسها البجامه والتي شيرت شالها على كيفه وخلاها على الفراش وغطاها زين بقت تباوع عليه وكالت

شامه :شفت.. شفت الصور.. و.. وغرت هواي بجيت

قسور :يا صور

شامه ه.. هيج ولا.. ولا شي

كامت تخربط بالحجي شك اكو موضوع ما يعرفه نزلت راسها رفع راسها وكال

قسور :يا صور كتلج

شامه مالتك انت و.. وسوسن دزوها الي على الانستا ج.. جيب تليفونك اشوفك

بس صار عصبي خافت منه وحجت بسرعه كعد بصفها وانطاها التليفون وكالت

شامه :الباسور ف.. فتحه

قسور : تاريخ اول لقاء النه 9137

شامه :7؟

قسور:عدد الشامات الي بجسمج لا تغيرين الموضوع شوفيني الصور

خجلت بس حست بفرحه وفتحت الحساب مالها المحادثات جانت من حسابات ما معروفه اخذ التليفون وبقه يباوع على الحجي وكف وكال بعصبيه وصوته عالي كال

قسور:ولد الكلب.. لج انتي تصورين ممكن ائذيج بهل طريقه لج حته ما كدرت اكول باللقاء احبج حته لحد يمسج بكلمه بسببي عبالج هين جان علي من صرتي لغيري وتزوجتي هذاك استغفر الله ما تجوز بس الرحمه على الميت ولج كل يوم تشب النار بصدري وامشي مثل المخبل ما اندل طريقي وانتي مصدكه هل حجي

طلع قسور خلت ايدها على ضلعها كامت تبجي وكفت تريد تفتح الباب فات حسام راد يلزمها دفعته وكال

حسام :اهدي هدي نفسج شويه شبيج شكو

شامه:لك.. لك قسور.. عافني عافني رجع عافني رجع تخلى عني ما ما سويت شي والله

توجعت كامت تبجي صاح الطبيب فات بسرعه الطبيب راد يتقرب منها كلبت كل الادويه بالكاع بايدها كحت وخلت ايدها على حلكها جان اكو دم بقت ترجف وصاحت

شامه :عافني رجع عافني قسور كالو راح يرجعون يذبحوني ويذبحون اهلي

رفعت راسها وشافت قسور مشه بسرعه حظنها ضربته على ضهره وكامت تشهك وكال

قسور:وديت الحسابات لفاروق حته يعرف منو ذولي انا كتلج ما اتخلى عنج لو على كص ركبتي

أشر الهم يطلعون رجعها تكعد على الجربايه نكع الخاولي مسح حلكها و وجها وايدها ترجف لزم ايدها وباسها ركع كدامها تبجي بحركه وكال

قسور :خلي هل شي براسج والشاهد الله علي ما اتخلى عنج.. وشوفي محد راح يمس شعره من راسج ما طول انا اجر النفس...

#شامه

طلع الصبح ورحنه لبيت المزرعه طبعا اهلي من عرفو عمه صبيحه وفيروزه تخبلو اهلي رادو يجون ما قبلت ولا قبلت احد يجي براء تتصل بيه تبجي تريد تشوفني ادز الها صور يله ترتاح وعمه صبيحه وفيروزه اله اتصل بهم فديو يله يسكتون من البجي رحنه لبيت المزرعه اني وقسور وحسام هم اجه ومعاذ وسويره وعلاوي ونوال فاروق نزلت جانت الدنيه عصر مليت من الكعده بالغرفه نزلت ولكيت معاذ يبوس راس نوال كحيت واستحه معاذ مشيت وحظنتها ضربتني على ضهري توجعت وكالت

نوال : مسامحتني

_لا ما اسمحج اله تسوين دولمه الي

نوال:ولج عيوني الج والله

_الله عليج بداعه أشتر وعيسى اذا عزيز عليج لا تبقين تفكرين بالموضوع هذا لج اني الي صحت عليج وكتلج ترحين والله لو لازمينه جان هددو الولد بينه والله وما يرجعونه ويحركون قلبنه اسم الله بأشتر لو عيسى فلخاطري انسي الموضوع إذا صدك تحبيني

نوال :عيوني الج

ضحكت وبست خدها وجان يكول قسور وهو واكف ومنتجي على الباب

قسور :لهل سبب اكوللكم انا احبها وما احب غيرها لو اموت

فتح ايده مشيت اله وخليت راسي على صدره بأس راسي وابتسمت ندك الباب ودفعني قسور بالمطبخ وكال

قسور: لحد تتحرك بيكم

شال سلاحه والولد هم بسرعه كل واحد اخذ سلاحه و وكفو يم الباب مفتوح نفتح الباب وبسرعه ركضت لقسور حظنته من ضهرة جان موجه السلاح على الباب والولد هم جان منسمع بس صيحه قسور متجمد بمكانه بسببي جانت براء وصحت بيها واني امشي الها سحبني من ايدي قسور نضربت بصدره بقه يباوع عليه ونزل السلاح وكال بعصبيه

قسور :شنو الي ما مفهوم بحجي من اكلج لا اطلعين مخبله لو جان احد منهم

_لو اموت وياك لو نعيش سوه وكايله الك هل شي

بسته يم شفته رجف جسمه ضحكو الولد ورخى ايده سحبت ايدي ومشيت لبراء حظنتني ضربتها على رأسها تبجي وترجف وكال

حسام :اني مو كتلج لا تجين

جان عصبي التفت عليه ابتسمت وبس كتله (أممممم) ضحك معاذ وكال

معاذ:هاي حبيبه القلب لازم

_كلبه من شوكت ولج والله عرفت عرفت من وصلج للبيت مو بغداد مو مو مو

براء :اش.. مو وكتها

_لا والله عاد هذا وكتها احجي من شوكت

هزيتها من جتفها بس توجعت وحسيت بدوخه مو طبيعيه ما اشوف نفسي غير بحضن قسور واكعه شالني بسرعه ضحكت خلاني على الكرويته و بعد الحجاب من ركبتي وراسي ورفع رأسي أبتسمت واني أباوع بوجهة خايف عليه وكلت

_لا تخاف ضغطي لان ما.. ما اكلت شي

قسور:بنات خفن ايدجن

_تعرف شنو الحلو كل ما اوكع الكاك سند الي

قسور:راح أضل سند الج طول عمري

_أحبك

أبتسم وباس راسي الولد ضحكو وطلعو بره اخذو براء البنات كعد بصفي خليت راسي بحضنه على رجله بقه يلعب بخصلات شعري غمضت عيني وره شويه فزيت بس سمعت صوت وفتحت عيني جانت نوال وكالت

نوال:سوده عليه فززتج

جنت لازمه بأيد قسور خليتها يم وجهي لزمتها كل قوتي كورت جسمي شون الجنين ما حسيت بس ادموعي تنزل حرك ايده على راسي وكال

قسور :حبيبه قلبي حلم مو حلو

مكدرت احجي وره شويه هديت كعدني ومسح دموعي بأيده وخله الغطه على جتفي وكال

قسور :تردين نروح لمكان وحدنه

براء :شتسوون بيه

_مثل الي راح تسوينه انتي وحسام باول يوم زواجكم

راد يضربني حسام على راسي وخليت راسي على صدر قسور وحضني وكال بسرعه وهو يباوع على حسام

قسور:انت بس جرب تمسها وهي بين ايدي

ابتعد ضحكت وطلعت لساني اله خله قسور ايده على شفتي وحركها وكال

قسور:ينراد تأديب لهذا لسانج

_ه.. ها

ابتسم بدينه ناكل وبراء تسولف النه شون زحف الها حسام على الخاص بحجه يسأل عني متنه ضحك فضحته فضيحه وهو مستحي جنه كاعدين نشرب جاي وكال

قسور :شامه بنيتي اريد افاتحج بموضوع

نوال:لا ما ننطي بنيتنه

شامه:اني موافقه وانهزم وياه

ضحكنه بس خله ايده على وجهي وداره جان يحجي بشكل جدي خوفني لزمت ايده وكتله

_صاير شي ه.. ها

قسور:لا تخافين ماكو اي شي كلنه بخير بس اريد اكول الج سالفه ماطول الكل كاعدين هنا

_م.. ماشي

لزم ايدي جان كاعد كبالي عين بعين يباوع علي وكال

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

بارت سريع ان شاء الله يعجبكم وشكرا ع التصويت واعذروني ع التقصير بس شويه تعبانه هل فتره اعوضكم ان شاء الله ل بارت جميل