رواية قسور والمهره شامه الفصل الثاني عشر 12 - بقلم أسيل

عافتني ومشت يم الجربايه كعدت وشمرت المخدات على الكاع وغطه هم وكالت

شامه:انت تنام على الكاع اله اذا عادي عدك الضيفه تنام بالكاع

_انتي مو ضيفه انتي من اهل هل بيت بس تكرم عيونج انام بالكاع

شامه :شوف لا انت رجلي ولا انا مرتك كدام الكل اي متزوجين بس بيني وبينك متمس شعره من راسي واذا يعجبك تزوج غيري مايفرق عندي اي شي ما اسمح الك تمس شعره من راسي فهمت لو اعيد

حجت بعصبيه وايدها ترجف مشيت لزمتها ودفعتها على الجربايه صارت جوايه فارت دم تدفع بيه صاحت خليت ايدي على حلكها وثبتتها قربت وجهي يم اذنها وكلت الها

_كلشي اسوي بمزاجي مو انتي الي تختارين وميخالف تدللين ما ادخل عليج اذا هذا قصدج بس انتي مرتي وانا رجلج غصبا عن خشمج اليابس وعلى فكره ملابسي لايكه عليج وشعرج لا تخليه مبلل لا تتمرضين

قربت وجهي يم ركبتها وشعرها جان رطب اخذت نفس احس روحي ردت صارت بلون الدم بين ايدي وما احس غير عاضه ايدي كل قوتها سحبت ايدي وجانت تاخذ نفس بالكوه كعدت وبعدني لازم ايدها سحبتها وصارت بحضني صدرها على صدري تريد تكوم سحبتها اكثر لصدري سحبت البلوز من يم ركبتها وخليت راسي يم ركبتها بستها وعضيتها بشفتي شهكت وكامت ترجف صارت بين ايدي مثل الطفله لفت جسمها وخلت راسها بصدري رجف قلبي على سوايتها هاي جنها تحتمي بيه كمت دفعتها على الجربايه بقت متكوره مثل الطفله وشمرت الخاولي عليها وكلت الها تنشف شعرها ومشيت للحمام اخذت ملابسي وفتت طلعت انشف شعري شامره الخاولي بالكاع ضحكتني مشيت عبالي كاعده بس تقربت لكيتها نايمه سوارات امي بأيدها الناعمه متجرحه ايدها بس مسأله وكت وكلشي يرجع احسن وهل جروح أطيب و الأثر الي تركته بركبتها واضح غطيتها عدل تحركت وهمهمت باسم ابوها فرشت بالكاع ونمت.... فزيت الصبح على دكه الباب فتحت عيني شمرت المخدات مالتي على الفراش فتحت عينها شامه وندك الباب مره ثانيه وشمرت المخده بالكاع ودارت وجها رجعت شمرتها ورجعت الفراش بمكانه وفتحت الباب وجانت نوال وكالت

نوال:شنو هاي مصباح الخير عريسنه ها العروسه بعدها نايمه لعد البورك بالجبن و عرايس الزعتر والخبز نرجعه ويه الي جابوه

ندارت بسرعه شامه بس شافت اختها غيداء فزت وكعدت بقت صافنه شعرها على وجهة وهلهلت سويره كامت بسرعه شامه ورادت توكع لزمتها كعدت بالكاع واني راكع بصفها لازمه ايدي كل قوتها شهكت وكالت

غيداء :عاد اشتاقيت الج

شامه:هاي... انتي

مشت غيداء وحظنت شامه شهكت وبدت تبجي وكفت وكلت الهم

_اخذو راحتكم انا طالع

سحبت غيداء بلوزي من يم ايدي وكالت بعصبيه

غيداء:اعرف كلشي خليك كاعد عندي حجي وياك

وضربت غيداء راس شامه وبقت شامه تباوع عليها بفطاريه واشرت لسويره تسد الباب وتفوت وكالت

غيداء:مخ الفاصوليا تحبين وما تكولين الي اسمع من سويره كلتي معجبه بس مال تحبين وتطلكين مو على أساس فصليه مدري شنو وهل سوالف شو صفيتي للي تحبي يا ناقصه

شامه :ما احبه

سويره :وحق رب الكعبه جذابه تموت عليه كتلج كتلج من تمرضت ورادت تشوفه

شامه :ليش كوثر ماكو

_عن اذنكم

حسيت بغصه و وكفت غيداء كبالي وكالت وهي تمد ايدها ضحكت وسلمت عليها وكالت

غيداء:اخت شامه اكيد حاجيه عني تذكرني مو

_اي صح حاجيه اعرفج زين تشرفت واعرفج من زمان هم

غيداء:يعني تحب اختي هيج السالفه

ونفتح الباب وامي جانت وكالت بعصبيه على البنات

فيروزه:شتسون هنا من مصباحيه الله يمه بسم الله الرحمن الرحيم حور؟

تباع على غيداء وضحكت غيداء وكالت

غيداء :لا اني بنتها شكلج معروف اذكرج بس وييين

فيروزه :يمه غيمه بنيتي

غيداء: مستحيل خاله شكر اوووووي

وحظنت امي وامي هم بقت تبجي شامه مثل الجاهله تباوع عليها وعافو الأغراض كلها بالغرفه ونزلو شامه نازله بملابسي ولازمه ايد غيداء مثل الطفله وطلبت من الي يشتغلن بالمطبخ يسون اكل ريوك وبس شافت ابوي كمزت غيداء وحظنته استحه ابوي وكال

ضرغام :ياهو انتي

فيروزه :الجانت تلبس شماغك وتركظ وراها وعلمتها تكتل معاذ بالعكال

ضرغام :بنت حور غيمه الله بنيتي حظنها وباس راسها

بقو كاعدين يسولفون على ذكرياتهم وفات وره شويه معاذ بقه صافن على غيداء وهي هم وكالت

غيداء :المسلول

معاذ:الحوله

غيداء:خاله شوفييي

وسلمت وبقو يحجون ويضحكون وامي سوت الها سياح و دهن حر وخلت شكر فوكاه وتسمي امي خاله شكر بسبب هل اكله وجانو ياكلون اخر قطعه شكلها شامه حبتها بحيث ما مهتمه ل اي شي تاكل مثل عصفور اللكمه تسويها عبالك مال طيور ومدت ايدها وضربتها غيداء وسحبت السياح من كدامها وكالت

شامه:جوعيه ام نفس الدنيه اكلتي اربع قطع

غيداء:حاسبه الاكل عليه هم بس لا ماكله بيت رجلج

معاذ:اي بيت رجلها هذا

غيداء:لا بيت خالتي هاي شنو خاله احجي تقبلين يعيروني ب الاكل

فيروزه :يمه اكلي بيت اهلج هذا ويا بنيتي شامه هسه اسوي الج

شامه :لا والله ابد اصلا شبعت بس هل جوعيه اكلت كلشي

خليت قطعتي كبالها شلتها هي والماعون اكلت قليل منها وكالت بسرعه

شامه:مايحتاج والله شبعت

_بس لا ما تحبين تاكلين من ماعوني لان اكلت منه

باوعت الي بعصبيه وبالكوة سيطرت على ضحكتي بوجهة وكالت

شامه:ماعندي هل طبع تعرف زين بس حصتك

_اكلت شويه وانا اهتم ب اكلي والغاليه تعرف ما اكل هواي دهون

غيداء:جيبها هاي مو وجه نعمه

رادت تأخذها وشالت الماعون ورجعت ليوره هي كاعد بصفي ودنكت على الماعون حته ما تتقرب منه اختها ضحك ابوي وامي هم وكالت بعصبيه

شامه:ام كرش مخبله عود هاي انتي الجبيره فضحتيني

معاذ:من جانت زعطوطه واكل خبزتها والله تصير قرده وتاخذها من ايدي واذا اكلتها انا بالعكال مال ابوي تشبطني

نوال:اي بردت قلبي

معاذ:ها ولج

_وين عدي

كعدت عدل نزلت الماعون على السفره بقت تفرك بأيدها خايفه وكالت امي

فيروزه :مرمر حوصلتي هل وليد طلع من غبشه الله مدري وين

_يمه هذا دلالج الزايد انا كتلج

باوعت عليه شامه وفاهم نظراتها الي تقربت منها همست يم اذنها

_لا تخافين مخلي الي يراقبه

هزت براسها مثل الطفله خليت اصبعي يم شفتها و وخرت بقايه الشكر نزلت راسها بسرعه و حمدت الله خله ابوي ايده على جتفي وتكرب مني وكال

ضرغام:بويه الله يرضى عليك أكدر اموت وضميري مرتاح وراضي عليك رجعت الضحكه لهل بيت

_استغفر الله بويه عمرك طويل

بست ايده رفعت راسي وتقرب معاذ  منه وكلي

معاذ:شكد انطاك وتتلوك اله انطيني وخلي احب ايدك واتلوك لهل كرعه

وضربه ابوي على راسه وضحكت شامه متشمته بيه شفت ضحكتها حسيت براحه ابتسمت واحس قلبي ارتاح وكمت وكالت

فيروزه :خيرك وين رايح بمصباح عرسك

_يمه اخلص كم شغله

فيروزه:لا خليك

_يمه شامه مشتاقه لخيتها خليهم بوحدهم تشبع عيونها منها وانا بالديوان منتضر الولد حسام وفاروق نكمل كم شغله واذا رجع عدي خلي يهيد ويكعد بالبيت جن طلعاته كثرانه

فيروزه:لا اطلع ابن صبوحه بدون غده حته لاتكول عني بخيله

_يمه حبيبه قلبج ماتحجي هيج تعرف كرمج شنو بس من عيوني

ضرغام:وره الغده نسير على مصطفى ضل بالي عليه

فيروزه :قبل لا ترحون أنطوني خبر

معاذ:ليش

_انا ادخل وين طالع وطاب انا مدخله بيك

معاذ:اي يمه انتي تدخلين بكلشي

_جنك مشتهي كتله بالعكال

ضحكت نوال متشمته بيه وطلعنه اجه حسام بقينه نسولف الولد ثكيل ورزن بشكل مثالي عينه ما حطها بعيني وهو أصغر مني بأربع سنين ومن يحجي راسه منزله وكتله

_حسام انت متضايق لان طلبتك تجي تكعد ويانه

حسام:استغفر الله شيخ ليش هل حجي

_حسام اشوفك مو بواهسك ويانه

حسام :والله يا شيخ مستحي منك

معاذ:هي وعلى شنو تره انت صاحب فضل علينه هل سكتت

حسام:وانتو صاحبين فضل هل حافظتو على خيتي شامه وماكسرتو بيها

_انا كتلك اخليها حرمتي ومحد يمس شعره من راسها

بقينه نسولف هل ساعات مرت علي بالكوه وبالي يمها خلص شحن التليفون ولكيتها حجه اروح اشوفها لو دقايق استأذنت منهم ومشيت شفت سويره وامي يسولفون سلمت وصعدت فوك ردت افوت وطلعت نوال وسلمت عليها وكالت

نوار:خلصنه ترتيب جهازها وغرفتك هم

_عاشت ايدك

نوال :ذكرتني هاي هديه الك من عندي ومن معاذ شي بسيط بس لان ما شفتك لابس انت وياها حلقات

انطتني اياهم ما رضيت بيهم الصراحه بس حلفت تزعل مني إذا ما أخذهم تشكرت منها ولبست الحلقه فتت وشفتها لابسه بجامه عريضه ورديه وبلوز وردي فاتح شعرها مفتوح ونايمه شي بحظنها من تقربت جانت طفله بين ايدها نايمه شعرها مفتوح وصاير على وجها ومخليه ايدها على صدر الطفله وثنينهم نايمين المنظر الي كدامي رجف قلبي اخذت صوره الهم قبل لايطفه تليفوني وخليته على الشحن يم راس شامه بقيت صافن بوجها ملامحها الحلوة يعني لو ما طلكها عدي جان طول عمري اعيش بحسره وقهره خليت ايدي يم شفتها ضلمتها بسببي ونفتح الباب وفاتت غيداء وكالت

غيداء :نامت الفاهيه عود كلت الها لا تخلي دنيا تنام

_بنتج

غيداء:ايييي بس كولش تشبه شامه من جانت بعمرها ونفس ملامحها

_الله يحفظها

غيداء:شكرا تعال نسولف شويه

مشينه وكعدنه بالمكتب بعيد عن شامه بس نكدر نباوع عليها وبقيت اباوع عليها وكالت

غيداء:ليش أخذتوها ليش قبلتو تاخذونها زوجه لعدي حسام مقبل يحجي محد يكول السبب ولا هي وما أتصور ممكن تأذون حسام انتو ربيتو سويه شنو الصار

_الي صار غلطه جبيره ودفعو ذنبها ناس ما الهم دخل ومن ضمنهم شامه ويا غيداء عدي طلكها وحجه هواي حجي ضلم عليها وانا اعرفها زين ماتسوي غلط ولو طالعه من البيت جان بقت طول عمرها تتوجع من حجي الناس وانا رايدها وما اخلي شي يمسها لأنها أقرب من قلبي

غيداء :اي اعرف حجت الي سويره قسور لا توجع قلبها مره ثانيه تره مرت ايام صعبه عليها من هي طفله وطبعها تكابر بس هي أضعف من شعره الراس لهذا هي امانه بركبتك واذا يا شيخ ما تتوالمون عوفها ونسفرها بره العراق نبدي حياة جديده لان تره شامه ما تنسى بسهولة لحد يومنه هذا تفز الليل حلمانه بالي صار

_ليش شنو صار

غيداء:ليش مكايله الك على امي

_الله يرحمها ماتت

غيداء:ماتت بحظنها

بقيت صافن ما جنت اعرف خليت العلبه بأيدها وكلت الها

_من تكعد انطيه الها خليها تلبسه ما يصير متزوجه وايدها فارغه ولا تخافين ما اعوفها وكسر قلبها أجبره ويه الايام

مشيت وهي ورايه باوعت على شامه وطلعت وهل مرت ساعت كلنا كاعدين سويه عدي ما اله نفس عرفت بيه رايح لبغداد ويه صحبانه ضجت يطلع ويفوت بدون ما يخبر احد حجيت ويه ابوي يكلي خليه بعده صغير والله حذرتهم بس ما يسمعون خلصنه غده وشربنه جاي فتت اغسل ايدي وشفت شامه وحسام ضربته على صدره اكثر من مره وكالت

شامه:بس... خليني افهم ليش وصلت نفسك لهل مرحله و وصلتني وياك هسه طبني مرض ابوك وكع مريض بسببك وبابا ساكت ما يحجي اعرفه من يضم شي عليه بابا راضي يعوفني هنا تعرف شنو راضي كاعد اروح من رجال لرجال احس نفسي مثل الكح.

قبل لا تكمل الحجايه سحبتها من ايدها فزت وبقت تباوع عليه وكلت الها بعصبيه

_لسانج صوني هذا اخر تحذير

حسام:عوفها شيخ عوفها

شامه:ليش اطلكني اذا ما سكتت حته اشوف بفراش منو اروح هل مره

راد يضربها حسام وسحبتها بسرعه لصدري ولزمت ايده لحسام وكتله

_ايدك ديربالك وهي بسدري ديربالك والله ادفنك

حسام :شيخ لسانها بله تحجي كبالي اعرفها بس الغريب يصدك بحجيها ويكول رخيصه

شامه :لعد اني شنو هسه من رجال لرجال

_ما لمسج عدي وما نمتو على فراش واحد واذا طخج جان ناوي على ذبحج هاي اول شغله وثاني شي انا مال اطلكج لا تحلمين حته بيها ما تصيرين حرمه احد ثاني وثالث مره اذا سمعت منج كلمه مثل الي كلتيها لحسام

شامه:تكتلني لو اطلكني لو تكتل احد من اهلي .؟

_لا ما اسويهم بس راح

سحبتها بعيد عن حسام شوي وهمست باذنها بعدها قريبه مني احرك اصبعي يم ركبتها وكلت الها

_عقابي وياج يصير بالفراش وانتي جواي وانا متلهف ما تعرفين شكد متلهف اسمعج تغلطين مره ثانيه حته اضوك واروي عطش جسمي بيج اوضحها الج اكثر اسبوع ما اخليج تكومين من الفراش
بستها من ركبتها وفزت وسحبت نفسها وجهة صار احمر دم وكالت لحسام

شامه:هم ما اعوفك

ورجعت بسرعه ضحكت مشينه انا حسام وكتله

_اهلك يدرون راح نسير عليهم

حسام:شيخ البيت بيتك تفوت وتجي بكل وكت

ورجعت انا وياه وفاروق كاعد وراسه مدنكه وكتله

_ها ولك شبيك

فاروق:شيخ ابوك واكف ويه سويره زيد المهر علي

_اي واذا لا تخلينا نطلب وزنها ذهب

فاروق:انا منو الي وين الغاليه تستر عليه

باوعت على شامه تعصر بخدود دنيا ضربت ايدها غيداء وكالت

غيداء:تره ضوجتيها

عيبت الها شامه ورفعت راسها بس صارت عينها بعيني دارت وجها بسرعه فاتت امي ولابسه عبايتها وكلت الها

_ها غاليه وين رايحه

فيروزه :أسير على ابو حسام ليش عندك اعتراض

ضحكت ودرت وجهي وضحك ابوي بس باوعت عليه وكالت

فيروزه :يله كومي انتي الثانيه بدلي وتعالي ويانه نوال انتي هم لا تضلين وحدج بالبيت

وكامت شامه بسرعه فرحانه صعدت وانا وراها اغير لبسي طلعت ملابس الها وفاتت للحمام وره شويه طلعت بثوب ردان بيجي جوه ركبتها وفتت انا غيرت دشداشتي لبست سوده وطلعت وجانت تعدل بشعرها المحبس بيدها ومشت للباب سحبت من خاصرتها وكلت الها

_ها سالمين وين نازله هيج

شامه :شنو عمه كالت تعالي

_بهل لبس؟

شامه:هاي شنو مابيه شي اني هذا لبسي

_خلي شي على نفسج عبايه الولد جوه

شامه: ماكو غريب

_كتلج لبسي شي لا اشكه عليج هسه جسمج مايبان لأحد بره هل غرفه فهمتي انتي صرتي مرت شيخ وكل شينه ترجع علي

تأففت وفتحت الكنتور بقت تكلب وطلعت عبايه ولبستها وخلت حجاب على رأسها ونزلت وراها اني الطريق كله عيني عليها تباوع بره الجامه نضراتها كلها قهر وصلنه للبيت نزلنه وفات ابوي حسام ما قبل يفوت قبله ندك الباب وفتحه ابو غيداء وكالت

صبيحه:منهو

حسام:يمه جايتج حبيبه قليبج

صبيحه :يمه بنيتي مشمشه

حسام :لا يمه الأغلى

💜💜💜💜💜💜🖤🖤🖤🖤🖤🖤💜💜💜💜💜💜🖤🖤🖤🖤🖤🖤💖💖

هاااااا حبيبات قلبي 😙

ان شاء الله تحبون هل بارت ولو التصويت يكسر الواهس المشاهدات البارت فوك الميه والتصوير ١٢ لو ١١

بس يله البنات الي يصوتون ويعلقون ما قصرو ابد وراح انزل كل بارت البنات الي احب تعليقاتهم ومتفاعلات ع القصه 😚💕💖