رواية كسرة قلب الفصل العاشر 10 - بقلم نور الشمس

شني هاي شلون صار هيچ
كومي عدلي روحچ وحاجيني
انتي شني اخوچ شسوه بيه انه وين من هالدوامه
انتي بنيه سالفة ابن عمج والثار شني احچي
شفتها تبچي دنگت راسها
لزمتها من شعرها احچي

..ماعليه انه والله مظلومه  ومالي علاقه بكلشي

هاي فكرة عادل وامي ماقبلت تكسر خاطره باخر ايامه

..هذا كله اعرفه انتي شني قصتج

..انطيني مجال احجي عوف شعري يوجعني والله

..هديتها احچي ..افرك بوجهي واسمعها

..اني من الزغر الأبن عمي وبت عمي العادل

..اهز برجلي وجاوبتها اي كملي

..من كبر عادل مرت عمي ماقبلت وزوجت بتها من جان عادل بالعسكريه يداوم اجه لكاها متزوجه لأن هوه جندي وماعنده شي وذاك الخطبها تاجر مفروشات
لكاها متزوجه اتخبل كسر بيت عمي تكسر حته طگ عمي
من درو ولد عمي طاگ ابوهم اجوو عاركوه طگ ابن عمي بسجينه الي هوه خطيبي بس مامات بقه عدل
ابن عمي الثاني ساعده وعمي نصحه يجي هنا يمكم حته محد يندله ورادو يخلصون من المشاكل بعدونه
وهاي السنين كلها بقيت ماانخطبت اصلا لان مااطلع ومحد شايفني من تمرض عادل اجه عمي وجايب وياه عمي وولده حته يعتذرون منه وراد يرجع يخطبني الابنه الي هوه متزوج ومخلف بس زوجته ماتت بأنفجار قبل سنه وراد مني ارجع من جديد
فرحت وحسيت حب حياتي رجعلي بس عادل كايلهم عاقده و جبرني عليك وكال انسي مثل ماحرموني احرمه منج

..احس اطرافي ترجف وراسي انشنط وبده الوجع يذبحني

يعني هوه يريدج گبل جنتو تحبون

..اي

..ورجع كبل فتره رايدج وعادل جذب عليه وخرب حياتي بس حته ينتقم من عمه وولده

..بجيت وماجاوبت

..احچي كولي جذب اخوي وصديقي يخليني بهذا الموقف ليش يصفي ثاره بيه يعني
معناها عمج وولده من اجوو انتي گايله الهم وحجيهم صح

..خليت ايدي على وجهيي اي

..وخري ايدچ مااطگج بس احجيلي ليش ماگتيلي من حچيت وياج وحدنه

..والله عادل گال اسمع كلشي واذبحج وامي كالت لاترفضين خلي يموت مرتاح

..يموت مرتاح وكسرج وكسرني ليش انه شني ذنبي انتي شني ذنبج ليش ماخله ابن عمج يتزوجج ليش هذا الحقد واذا ماتزوج اخته معقوله عادل هيج اناني
شلون جان مصاحبني اسنين شلون ذب روحه ع الموت مرتين ابدالي

..هوه من يتذكرهم يتخبل يحبها هواي وروحه جانت بيها بس حرمني قبل لايحرمهم

..انتي بعدج رايدته ليش خليتيني اتقربلج

..ماانكر بالبدايه جنت كارهتك وشفتك تحب شيخه وبديت اخبث عليها حته تسوي مشاكل وياي وانت تطردني بس بعدين حبيتك واقتنعت بعيشتي
منو يگول ابن عمي يريدني بعد

..وبعد هذا حجيج عبالج ابقيج على ذمتي ليش كسرتي نفسج ليش ماحافظتي على روحج وكايلتلي حان انه ساعدتج

..بس هسه انه اريدك واخلصلك والله وانسه كلشي وابدي وياك من جديد

..ماينفع بعد

..ليش تكسرني

..الكسر گلبي وكلبج وكلب شيخه اخوج انه حالي اتعس من حالچن
گومي هسه روحي غسلي انه طالع ومن باجر اوديج العمامج
خليتها تبجي وطلعت
اخذت هدومي وغسلت
احس راسي ذبحني
طلعت للمطبخ اريد گهوه راسي يريد يطگ
شفت شيخه اجت للمطبخ طلعت بدون مااحاچيها
ولاهيه حاجتني
رحت اريد انام مااگدر
صار الصبح دكيت الباب عليها
فتحته

..لمي غراضچ اوديچ

..مااريد شي مثل ماطبيت اطلع

..كلشي يوصل وراج
لاول مره ينكسر خاطري عليها حسيتها ضحيه بس مو بيدي مااتقبلها بعد خاصتا وره مااكتشفت هيه ابن عمها رايدته وبينهم حب گبل وهسه مقتنعه بي والفتره معينه متجدده مشاعر الحب عدها بس شافتني بديل وفرصه الها تبني بيت واستقرار
المشكله انه من البدايه مامقتنع بفكرة الزواج شي اجنبرت عليه الجبرني صاحبي ومواقفه وياي والخوه بينه بس مجنت ادري صاحبي اناني وتفكيره بنفسه مااتصور هوه مرتاح بعد ماكسر گلوبنه احنه التلاثه صدمتي بي اقوه من كلشي
اخذتها الامها وحجيت كلشي وعاتبتها
مارفعت راسها
گتلها ماجنت اتصور من عادل مو انه الينضحك علي
صاحبي فضلته على روحي طلع مو صادق وياي بتكم عدكم وحگها يوصلها
رجعت بوجهي للديوان جانت الكل متجمعه حته انمشي
الولد بالشقه مدافعين وابن ابو حيدر طايح وجار صاحبه عليه بس هوه مجلب بلجرف وذاك الولد مسيس يعتبر الحگ علينه ولازم نمشي
گوه رحت بالمشيه وحجيت وفصلونه انتهت اطلابه ورجعت
بس احس روحي اختنگت وضاع عليه النفس
يتبع ..

التكمله باجر هاي الاهل الفضول هههههه