رواية كسرة قلب الفصل الحادي عشر 11 - بقلم نور الشمس

راسي حيل وجعني والوجع وصل لعيوني وخلصت يومي بالديوان مارجعت للبيت
صارت المغرب بعد ماگدرت ابقه صارت باذني وشه قويه
وراسي احسه بثگل الدنيا
يمي كرم وعمامه واحمد رجل وفاء اختي
گلتلهم ياهوو سيارته جوه ايده
اخذوني للمستشفى
اخذني فيصل وويانه احمد
دگات گلبي تتسارع وبالي وفكري كله يم عادل
شلون هيج يستغلني انه مو غبي واعرف كلشي بس وي الاحبه تنعمي عيوني وعادل جان الي اكثر من اخوو
ليش الاحبه يجور علي شهامه تعرف الصار كله وتعرف اتفاقنه رغم ماحاجي الاحد حچيتلها تالي همها الناس مو انه كل همها صورتها كدام الناس وعادي عدها اذا متقرب او لا نفس الشي

تذكرت الصبح من دگيت الباب على دجله وگتلها حضري روحچ اوديج
شهامه جانت بالصاله تسمع
جانت عيونها علي تريد تفهم
من القهر البيه گربت عليها

..شيخه تتذكرين  من گتلج جاي توازيني على شي مااحبه صار وتقربت الدجله البارحه
تفاجأت بردها ويوم عن يوم تصدمني 

..مايهمني انت تريد تقنعني مامتقرب لليوم يلله ادري بيك تريد تغثني لو عبالك اغار واكلك اليوم اريدك يمي گتلك اطلك يلله ارجعلك مثل الأول

..انتي ظلي هيچ وكبري راسچ بعد وتنوعي للعالي اكثر ارفعي راسج للسمه لمن تنكسر رگبتج
اذا مصدگه واذا لا هذا الصار تقربت الها وطلعت بنيه

..جنت اخفي نار الغيره اريد احچي وياه كلام حلوو يرجعه الي بس ماادري ليش احجي عكس الأفكر بي
من كال طلعت بنيه انصدمت

..انت تضحك علي دجله شنهي فلمها

..محد مضحوك عليه غيري ..هسه اذا بگلبج حرگه وناويه تتشمتين اتشمتي وارتاحي الي بكلبي اكبر من كسرج غدر صاحب وخذلان حبيب هوه غدرني وانتي خذلتيني رغم جنتي كلشي تعرفين عنادج لهنا وصلنه بس الحمدلله ع الاقل كشفت الخطه ولو متأخر المهم انكشفت وهسه دجله راح اطلگها وانتي من اليوم ام ولدي وبس دروبنه ماتتلاگه بعد

..يحچي بگلب محروگ اول مره احس بي صدگ مكسور جانت بعيونه لمعه وحزن وانكسار
ماحسيت بكلامه ضوجني لان ادري بي يحبني بس بعده مجروح
طلع وظل بالي يمه وفرحت من گال راح يطلگها
طلع واخذها وانه مامصدگه راحت
احس ثگل وانزاح من على متوني
ماضجت من گال تقربت الها لأن انه ابالي ماظال الهسه ضجت من روحي جي ماصدگته ومنعته يوصلها ظل سؤال ابالي يدور ليش طلگها وشلون هيه بنيه وشني الي صار وياه وعادل شبي وشنهي الغدر اليسولف بي هواي حجي بعيونه ماعندي جرأه اسأله مر اليوم انه بحيره وكل الأسئله ادور ابالي ساعه احقد على فهد ساعه اضوج عليه وساعه اتشمت وافرح بحاله وساعه انقهر عليه وودي اروح واسمع همومه مثل مامعودني يحجيلي كلشي ونتناقش انه وياه
ضلمت الدنيا وهوه ماجاي سألت كرار ابني گال ابوي بالديوان وامي كتلها وده مرته يطلكها واكلت گلبي كله منج ومن وراج وازيتي ومافهمتي منه
وليش وشلون وين راح وليش مااجه كلساع تسألني وانه گلبي ماكول
رحت الصگر جان يقره ومن فهد كضه الهسه مايطلع خاف يشوفه يستحي منه
سألته ولك صكر ماناوي تطلع تشوف اخوك لليوم مدري شبي ومارد الهسه مامتعود يظل هيج يوم كامل ماطاب البيت

..تلگينه بالديوان ويمه احد

..روح شوفه

..مااكدر يمه مستحي منه وهوه لو شافني الا يلمحلي

..ولك مو اليوم طلگ مرته راح وداها يريد يطلگ

..عليج الله صدگ تحچين فكه خل تولي بس ليش الخاطرج موو

..لا اكو شي بس مايرضا يحجي

..المهم خلصنه منها بعد شعليج خلي براحته

كاعد نسولف واجه علي ابني

..يمه يمه اخذوو ابوي للمستشفى متخربط

..يمه صخام شبي

..ماادري بس بسرعه طلعوو وكرم راح وياهم ابوي راده وياه

..ظليت حايره شلون اعرف خابرت كرم

..الوو يمه ابوك شلونه

..يمه بعد ما واصلين المستشفى ماادري هوه تعبان من الضهر بس هسه كلش تعب
يلله يمه وصلنه

سديت التليفون ووكلت الابوي امي تسأل عنك
ماحچه شي بس غمض عينه وهوه يفرك بصدره
گال يلله ننزل
عمي كاله اسندك

..لا امشي بعد ماانشليت

عرفنه ابوي عنده شي مو طبعه ينتر ولا طبعه يروح طبيب حته من يتمرض مايحب المستشفى يروح عياده وياخذ علاج بس مبيين اليوم اكو شي مأذي
دخل على شعبة الطوارئ قاس ضغطه جان العالي عشرين والواطي هم عاليه درجته
انطوه علاج كلوله واشرب مي هواي حته ينزل من حجالهم على دكات كلبه حولوه تخطيط.
عمامي انخبصوو وانه من شفتهم هم خفت عليه
وگفت يمه

..بويه بيك شي شنهي اليوجعك

..بعد ابوك لاتخاف سهله
سووله تخطيط ونصحوه يراجع طبيب اختصاص
دكات گلبه مو منتظمه
گال
..يلله يولد انه مااظل هنا اروح للبيت ارتاح مايسوون شي عود اراجع طبيب
طلعنه من المستشفى واخذت علاجي گبل لا نطلع
وصلت البيت امي وشيخه والولد مخبوصين ومن شافوني تلگوني امي اجت حاچتني طمنتها
وعيني على شيخه شمااريد اتجاهلها ومااشوفها بعد حته لاتذلني اكثر عيوني تغدرني وتروح الها
حته خواتي سامعات وجايات يشوفني سلمت ودخلت الغرفتي اشوف الكل بوجوهم اسئله
ويردون جواب بس مالي خلگ
بدلت وتمددت والعلاج بده مفعوله احس راسي احسن ودگات گلبي انتظمت
غمضت عيني حسيت الباب انفتح
مافتحت عيوني مااريد اشوف احد
من عطرها عرفتها هيه
جريت نفس وانه افكر بكل الصار الي حته مااكدر احجي واكول السبب
سمعتها حاچتني

..شني اليوجعك شيخ

..تنهدت كلي موجوع وكلشي بيه يوون حته ترتاحين كلش اعترف محد دمرني غيري انه السبب بكلشي

..شنهي الصار

..يهمج الصار يعني من شوكت صرتي تهتمين اهم شي حجي الناس عندج هسه ارتاحي وسولفي بزود گولي شريجتي اطلگت

..طبعا ارتاح

..الله يديم راحتچ هسه عوفيني انه ارتاح وروحي

..طلعت بدون مااحجي سالت كرم كال الطبيب كله لازم تراجع طبيب اختصاص قلبيه
خواته سألني كتلهن ماادري ماحجالي حالي حالجن

ثاني يوم طلع للديوان بدون ريوگ وعرفت جايته ام دجله تطلب منه من يسألون عمامها مايگلهم السبب المعروف خل يگلهم مرته الاولى خيرتني واختاريتها
وصكر كال فهد صار عصبي كلش عليهه وماقبل گلها مو انه التفرض علي مره حته اكول خيرتني انتن حلنها من يمجن بعيد عني
وطلب من رباب تودي ذهبها وهدومها وعطورها والمكياج كلشي لاتخلي وفلوس الغرفه وغايبها يلحگنها
الهسه انه مامصدگه رغم زعلانين بس هذا هو المهم صفالي
ودن الها الذهب والفلوس وامها متشكره منهن وكايلتلهه وصلن اعتذارنه للشيخ
وخواته ماسئلن دجله خافن اخوهن مايرضا لو دره
وفاء مااهتمت لاضاجت ولافرحت عادي عدها بس رباب وسعاد فرحانات الي حته اكثر مني
مر اسبوع والشيخ يوم عن يوم يتمرض ويذبل وصاير مايتحمل حجايه
وصديقه ابو دعاء وده خبر رافض الخطوبه بنته زغيره صكر فرح بس فهد رجع خطبها من جديد وگله حته لو سنه سنتين المهم النه
ابوها گايله مانختلف انطينه مجال نفكر
بدت امتحانات صگر وگلبي يريد يوگف من الخوف عليه ادعيله من الصبح لليل
بهاي الفتره الشيخ صار ماينشاف مايجي للبيت بس وكت ماينام
صرت اشتاقله واحتاجه اريد نرجع مثل الأول ويوم عن يوم بعد صدمته قويه والهسه مااعرف الشاغله والي خلاه هيج يصير
بيوم اجه تعبان
كلت اروح وراه للغرفه
اجاه اتصال العرفته من عمام دجله
بعدني بالباب وحاجاهم سمعته يكلهم هلا بيكم
يمكن جايينه باجر
بعدني واگفه قريب اله دار وجهه وشافني عيونه بيهن لمعه بس نظرتهن حزينه مو ذاك فهد الوجهه يضحك ويبتسم بحنيه
باوعلي مستنكر جنه يريد يعرف سبب وكفتي

..محتاجه شي تردين مصرف الج للجهال كولي

..بلعت الساني وماحچيت
شفته يفرك بصدره بقوه تذكرت سالفة گلبه هوه ماراجع طبيب
قربت عليه اريد افهم شبي
صاح
اخخخ ويفرك بصدره حيل
من رعبتي صحت بصوت عالي
ولكم تعالوو لحكوو فهد مدري شبي
دقايق والكل يمي حته امي.. وجهه اتغيير وشرايين وجهه بانت يفرك بصدره بقوه ويصيح اخخ
اخذوه اخوانه بسرعه
وانه ظليت والخوف ذابحني
وتندمت على جفاي اله

يتبع ..
حبايب صارت عندي ظروف جبرتني اتاخر ومگدرت اكتب اكثر عذروني باجر اعوضكم 😘