رواية كسرة قلب الفصل الرابع والثلاثون 34 - بقلم نور الشمس

بيومها رجعت للمستشفى وماحجيت شي انتظرت امها تتشافه يلله
جهالها اخذوهم اهل سجاد وهيه بقت وي امها ماگدرت اتركها ولاگدرت اظل يمها الردهه نسائيه وممنوع الدخول لبيت  اكثر احتياجاتهم ورجعت للبيت
بالليل الف فكره براسي واريد بس اخطب وارتاح وابالي اعمام الولد وشلون اتصرف
عمري ٢٣
عمر شاهين سنه ونص تقريبا
الي اعرفه والي مبيين عمرها صغير بس بالضبط شگد مااعرف
رجعت وكل بالي يمها حته اكل مااشتهيت
اجاني شاهين طلعني من الأنه بي
مثل كل مره يشوفني يريد يلعب ويريد اهتمام
اخذته الحضني وانه افكر ابوك شضاملك من ايام مايدري راح ترتاح لو لا
توجهت الربي يارب شاهين اهم شي اذا مابيها خير اله اجعل گلبي يرفضها وعقلي ينساها
الي بعمري اصلا مو ابالهم زواج وبعدهم مامجربين تجربه اولى بس انه ماادري ليش شالع گلبي من وكت احساس بداخلي اريد ارتاح اريد استقر ومتمكن وجاهز من كلشي ليش أتأخر

گلت اخابر كرم احچيله احسن مايسمع بعدين اعتبره صديقي واخوي ويدري مني احسن

..الوو

..هلاابو شاهين

..هلا بيك غالي كرم شلونك خو ماعطلتك عن الدراسه

..لا اصلا ريحتني تعبت وانه اقره همزين خابرت شلونكم انت شخبارك

..الله يوفقك..اخباري انه مخابر حته انطيك اخباري
تعرف العوائل الي اتكفلتهم عائلة ام رضا الي گتلك ابنيه شابه وهيج عمامهم مسوين بيهم

..اي شبيهم

..انه راح اخطبها

..ياهي ام الولد قصدك

..لا حبوبتهم ..جا اكو غيرها تنخطب عدهم شبيك انت الطبيه ثاولتك شوو

..هههه مبارك يخوي والله دايخ بس گلي الشيخ ابو كرم شگال

..ماگال تقريبا موافق بس انه خايف هيه ترفض

..وليش خايف مارضت بنات الحلال هواي اذا ناوي

..مو لو ماهيه ماانوي اصلا

..گول عشگتها ليش تلف وادور

..اي عشگتها وانه شبيدي على گلبي

..الله يجعل بيها الخير الك والشاهين عود تانوني ع العرس

..هيه خل ترضا وزوج اليتانيك انه ادري شكد يطولن امتحاناتك 

..ضحكت عاشت ايدك ع الأجابه الصريحه لاتلف ولاادورر

..اعجبك كروم ..هسه گلي لو رفضت هيه لو عمام ولدها شلون اقنعهم

..الله اذا رادها الك تصير لاتهتم

..الله كريم

سلمت علي ونهيت الاتصال شويه فكري ارتاح
ثاني يوم من الصبح طلعت الهم والطبيب مقرر خروج الامها بعد ما اتحسنت طلب منها الألتزام بالعلاج والأبتعاد عن المواضيع الي توترها وتعصبها وطلب منه نداريها
طلعت وياهم وصلتهم ورجعت تسوگت الهم  ولگيت الجهال وام سجاد ينتظروهم ابيتهم
الحجيه تشكرت مني وهيه مانطقت اي احرف
گتلها يمه يومين ارتاحي وانه جايج اشوفج وعندي موضوع وياج
هلت ورحبت مرن اليومين بثگل بوكتها فهد سائل عليهم والكل گايليه ماكو احسن منهن الأمايه وبنتها بيومها گال استعجل واطلبها الك لاكلشي يصير
رحتلهم العصر وچنت متردد وطالب من الله التوفيق اول مره اختار بكيفي وبرضاي وحته اهلي ماردتهم هسه يجون ردت اكمل كلشي وجيتهم روتينيه تصير
رحتلهم وانه بطبعي مو خجول عادي رحت
سلمت وگلت للحجيه يمه عندي موضوع وياج
گالت يمه كول

..انه يمكن ماتعرفوني ويمكن عرفتوني بعد مااتواصلت وياكم
انه صگر ابن الشيخ زامل امي توفت بولادتي والرباني اخوي ومرته الي هيه امي اعتبرها
متزوج ومطلگ الأسباب معينه عندي ولد عمره سنه وانص تقريبا
شفتها متفاجأه لاتستغربين يمه انه رايد بنتچ على سنة الله ورسوله رايدها الي مره بالحلال يشهد عليه الله هيه وولدها بنص عيني اخليهم بالمقابل اريدها تكون ام الأبني تداري وتخاف الله بي
انه گتلچ كلشي انتي شوفيها وفهميمها انه رايدها مو للشفقه ماخذها اهم شي هاي النقطه

..يمه ياريت تصير من نصيبك الا الله حابها بس هيه ماترضا هواي يخطبوها ماترضا تگول اريد اكبر ولدي

..شوفيها واذا مارضت بوكتها تسمحيلي انه احاجيها
انتظر منچ جواب حجيه سلمت عليها وطلعت ومتأكد هيه سمعتني لأن بيتهم زغير ومابي غير الغرفتين

مرن يومين وماكو جواب ورجعت انه الشغلي اكتشفت شغله لمن درت المؤسسه الفقير يساعد اكثر من الغني يمكن لان يحس بيهم اكثر جانت اكثر المساعدات التجيني من اصحاب الدخل المحدود مثلا اهل الرواتب البسيطه او الكسبه
جنه كل مانتكفل عائله من نشوف فرحتهم هم وينزاح من گلوبنه شگد حلوه الرحمه
وشگد ارتاح من اسمع دعوتهم وصارت حركتنه شبابيه اكثر وحركتها صارت اسرع 
بيوم رجعت متأخر ولكيت البيت مخبوصين وفهد توه طالع
سألتهم شكوو گالوو جواد وعائلته مدعومين بالطريق كبل فتره همه اجوو وراجعين البيتهم مافهمت شكوو بس شفت امي تبچي وتلبس بجواريبها تريد تروح وهيه توصي علي وضرغام ع الجهال
وگالت انت روح يم عمامك واخوك تره حالتهم خطره
رحت بدون وعي صاحتني اتانيها لأن كلهم ابيت عمي ابو كاظم الي هوه مسافه شويه عنه
طلعنه وشاهين ولبوه يبجون ورانه
وصلنه البيتهم جان صياح وهوسه مافهمنه اول ماوصلت الكل حركت السيارات نزلت امي للبيت وانه هم وياهم حركت سيارتي وطلعت فهد ماكوو طالع گبلنه للمستشفى
وصلنه هناك والدنيا مگلوبه الولد ابنهم عايش لأن مخلينه بكرسي خاص ولابس حزام امان مابي شي بس رضوض قليله
مريم ورجلها الي متأذين واثنينهم بصالة العمليات
ساعات واحنه ننتظر
خوف وقلق ورعب اثنينهم شباب جواد الي اهله فرحانين بي من دون اخوانه اتخرج وبتقدير عالي وموظف بشركه حكوميه بنفط البصره
اتزوج واستقر وعنده محمد
ومريم الي تزوجت زواج تقليدي بس ارتاحت واهتمت ابيتها وزوجها وتركت كلشي وره ظهرها
شمعنه الحادث ليش الحادث بالذات الي يخرب سعادتها اول مره افكر بيها مريم جنت احبها حيل واكثر وحده ابنات اخوي تحبني بس من صار عرسها وشفت حال كرم بعدها وهيه مامهتمه ماصرت اشوفها مثل كبل بس هسه اكتشفت بعد غلاها بكلبي مثل ماهوه
وظليت افكر موقفها صح رادت تحمي بيتها وزوجها اتذكر من اجت بعمرة الشيخ جانت حته عينها ماترفعها على كرم جانت صاينه زوجها بوجوده وبغيابه
حاجيتها بعد ماشفته مزعوج
كتلها ليش تتعمدين تغثينه شنو الداعي من جيتج
جاوبتني
عمي والله جواد يحب الشيخ ويحترمه وكل جيه يكلي روحي العمج يوم يومين اله حق عليج حاله حال والدج وانه اتهرب خفت ارفض بعمرته اروح وانه موجوده ابيت عيالي وقريبه عليهم يشك بيه واروح افتح باب على روحي اجيت كوه وعلى عمه عيوني والله اعرف بي يضوج مني ومن جيتي بس مجبوره
تركتها وحسستها مو بس هوه حته انه مزعوج
هذا الشعور ذبحني واحنه ننتظر تطلع من صالة العمليات
فهد شافني من بعيد اجه
همسلي بصوت ناصي

..مااريد كرم يدري

..لاتخاف ابو كرم انه اصلا ماناوي اكول

..اي دير بالك وامك هم بلغها والولد

..صار
طلعت وانه اتصل بيهم
حاجاني علي وبلغته بكلام ابوو كال انه اصلا بلغتهم لحد يگول

طلع الطبيب وكال نجحت العمليه ووقفوو النزف وسيطرو على حالة مريم
ارتاحينه وبقى جواد ساعات وطلع الطبيب وگال ادعوله سوينه العلينه والباقي يم الله
تعب وخوف وقلق مرت علينه الليله چنت طالع بالحديقه بره انه وهواي من ولد عمومتي لان الردهه ممنوع بيها هالكد ناس دگ تليفوني وجانت الحجيه جاوبتها ومو على بالي الموضوع
گالت يمه علمود الشغله الكلفتني بيها تكدر باجر تمر
گلتلها ان شاءالله
وبعدها نسيت والتهيت تلث ايام احنه بالمستشفى واگفين على رجل وحده مستعدين الكلشي
اهله يردون يسفروه نسينه مريم وحالتها لأن وضعها مستقر تفكيرنه كله يم جواد
وره يومين فاق من الغيبوبه وبدت حالته تستقر والنزيف سيطروو عليه اول كلمه نطقها مريم محمد
كالوله الاثنين بخير بقوو ايام بالمستشفى والكل مشغول احنه بيها ماشايفين بيوتنه نغسل ونبدل ونطلع
نسيت الحجيه ومخابرتها مرن عشر ايام واكثر قررولهم خروج وحالتهم جانت صعبه بس مابيهم ذاك الضرر الله قدر ولطف
محمد حاله ابد مايسر خوفه على بنته واضح
وفهد هواي ساعدهم الاثنين
الي صار ومامتوقعينه
واحد من ولد عمامي ناشر ع الفيس منشور قديم بوقت الي جانت حالتهم خطره طالب دعاء الهم
وكرم يوميه يتصل بينه مانگله
بيومها فاتح فيس متاخر لان مايفتح انترنت بوقت امتحاناته
خابرني وصوته يرجف وكأن وعوده وادعائاته كلها كاذبه
رن تليفوني جاوبته
كبل لا اكول الوو گال

..صگر گلي هيه عدله موو؟ زينه تعيش موو ؟تعيش هيه وابنها ؟

..على كيفك كرم منين دريت انت عدله وطلعوو من المستشفى وزينين مابيهم شي عده الرضوض والكسور البسيطه والنزف الي سيطروو عليه بعمليه ماطولت هواي انت شمدريك

..تنهدت مرتاح الف الحمدلله ..قريت منشور رسول وهوه يطلب الدعاء الهم

..يمعود هاي وين صار شگد ماشفت التاريخ انت احنه متعمدين ماكلنالك حته لاتنشغل

..انه بس قريت اول سطر احس روحي طلعت صدك تحچي وين اركز بتاريخ ولك صگر گلبي راد يوگف والله كله جذب صح ناسيها وماافكر بيها ابد والله بس بعد نفس المعزه بكلبي ماكرهها والله الف الحمدلله الي طلعها سلامات هيه ورجلها
امانه سلملي عليها وگلها الحمدلله على سلامتها ومبرية الذمه وادعيلها ربي يوفقها

..يوصل ان شاءالله بس جرلك نفس يمعوود
ماكو شي والله كلهم زينين ايام ويتشافون ان شاءالله

خلصنه من هالسالفه وبدت شغله شغلت فهد واخذت كل وقته وهيه طلابه بين الاخوان وبيها نهاوي
شخص يطلب اخوو وبنت اخوه مخطوبه وتريد تتزوج نهه العم عليها مقابل فلوسه اليطلبها
والأثنين معاندين
وخطيبها رجال غريب مو من العشيره
حاول وياهم فهد بكل طريقه جان اخر انذار الهم
لازم باجر يجتمعون بالبيت ويشوفون حلها
بيومها بالليل الابنيه
الي فاجاتنه جرأتها خلت فهد يطك ايد بايد وهوه محتار
جنت بس انه يمه گاعد گال اذا وصلنه الهذا الحال مصيبه
البنيه مخابره فهد لو تحلها لو باجر اشرد وحته خطيبي مايعرف مكاني لأن رافض الزواج الا تنحل المشكله 
اريد مثل ماخليني سلعه ابيناتهم احيرهم واحير العشيره كلها الي كرهتها وكرهت كل طاريها
جاوبها فهد بهدوء وبينلها كلامها ماهزه بس هوه بالعكس ضاج وحيل أثر بي كلامها
كلها
البنيه التطلع من بيت ابوها شارده تقل قيمتها وحته الرايدج يعوفج وعيب تهددين الزلم انتي مهما كان ابنيه وزينة البنت حياها
راح اعتبر حجيج هذا بساعة حركه وجني ماسامعه
وابوج وعمج باجر عندي موعد وياهم واشوف
واتعلمي الي يطلعله حگ مايضيع حگوك انتي بدل ماجنتي كاسره خاطري وكل همي حالج ماعدتي تهميني وضيعتي حگج بيدج كل اليهمني اسم ابوج والعشيره هسه
ومع الاسف اهلج محتارين بالطلايب وناسين يربون بناتهم

جان رده قوي وهيه ماجاوبت اي كلمه سده
وهوه يگول بعد وين توصل بينه رغم حاجيت البنيه بطريقه تبيين غلطها وردت انطيها درس بس هذا الظلم مرات تصير ردوده عكسيه
وبكد ماحست اهلها ظلموها ناويه تظلمهم وتظلم نفسها للأبد
باچر اذا ماحلوو طلابتهم بينهم انطي الدين الاخوو وغصبا عن الثاني يرجعلياه وخطيبها خل يحظر حته بهذا الاسبوع ياخذها
ثاني يوم كعدوو وصدگ صار مثل ماراد الشيخ
بعدها استقر وضعنه شويه وصار لازم اروح اشوف الحجيه وحوراء بتها
رحتلهم العصر
الجهال تلگوني يركضون وماخذلهم هدايا وحلويات مثل كل مره

..طلعتلي الحجيه سلمت وفرحت بشوفتي كالت يمه شو بطيت علينه بالي يمك وليدي

..الله يسلمج يمه التهيت صارت ظروف عدنه
كعدت وانه منتظر جوابها كتلها كولي حجيه

..يمه هيه رافضه  كتلهه شوفي واحچي وياه هيه خايفه على ولدها

..اي بس انه گتلج بعيوني احطهم ومااقصر عليهم حالهم حال شاهين ابني
بعدني جاي احجي دخلت هيه بعبايتها وحجابها
كالت خويه تعذرني انه ماموافقه ولا اوافق يجوز گبل اول ماحجت امي اكو صار نوع من الموافقه بس هسه لا تعذرني انه اريد اكبر ولدي وانت بكيفك تساعدنه مثل كبل انعم الله تكطع هم الله موجود

..درت وجهي عليها وانه فرحان بشوفتها وبنفس الوقت متفاجأ بحجيها گتلها گعدي وخل افهم ليش واكيد رفضج مايغير شي
بس خل افهم ليش الرفض امچ موجوده يمنه
وهيه تسمع
كعدت يم امها دنكت راسها وهيه تحچي كالت

..اول شي انه زغيره كلش وتزوجت صار عندي رضا وانه بعدني ماداخله ال١٧
زوجي ماقصر وياي الله يرحمه بس جان هوه مضطهد مابيده شي على نفسه ولا اله قيمه يم اهله النتيجه شني هاي احنه مشمورين ومحد دك بابنه بعده يسال عن ولده زوجي يتيم الأم مسلوبه كل حقوقه حته ورث من مات ابو مااجاه لان مقسم البيت بحياته ومسجله بأسم مرته الجبيره الي هيه ام اولاده الكبار
اما ابنه الي من زوجه ثانيه هوه الدفع ثمن نزوة زواجه الثاني وخسر كلشي لا ام ولا اب ولا اخوه حنان
جنت صافن واستمع اريد النتيجه وين الربط
گتلها
..الله يرحمه هذا قدره وولده موجودين ويمكن الله يحبه وصار شهيد راد يعوضه عن كلشي شافه بالدنيا وهديته هيه الاخره
بجت وكملت حچيها
ا..انه مااريد ينعاد وياي كلشي المر الشفته بحياته اكثر من مرورة فقده اشوفه شلون ينقهر وشلون انه منبوذه وحته ولده صاروو ومحد وصله وباركله مااريد ينعاد وياي هذا القهر الي عرفته انت امك هم متوفيه وهم مرت اخوك مربيتك
والله اليعلم شلون حالك بنصهم مااريد ينعاد كلشي
وهم مااريد شخص يشوف روحه اعلى منه خابرتك امي صار شگد هسه يلله تذكرت تجي

..اذا على موضوع يتمي الله شاهد مايوم حسيت روحي يتيم امي راح تعرفينها ماكو احن واطيب من گلبها مفضلتني حته على ولدها
وشي ثاني يمكن تشوفين عمري زغير
بس انه ابن عرب واهلي شيوخ بحكم التجارب والي اسمعه ودواوينه الربتنه وتربيتنه تختلف يزرعون بينه المسؤوليه من وكت عادي اذا بهذا العمر اتزوج يمكن اكون مسؤول اكثر من شخص عمره يتعده ال٢٥ وانه هم خريج وفاهم وفلوسي عندي وخير من الله مو انه سويته لا هذا احنه من زمن اجدادنه بس نحافظ عليه ونزيده ويزيد ابركة الله ورسوله
يعني مو انه الاتاني من احد ينطيني
كل الاريده منچ فرصه انطي الروحج وانطيني
بالنسبه للتأخير الي صار غصبا عني
ابن عمي وبنت اخوي اتعرضوو الحادث وانشغلنه وياهم وهم حقكم انه المفروض انطيكم علم واخابر من الحجيه اعتذر بس الي صار اخذ عقلي
اليوم چني ماسمعت جواب يومين تلاثه وامرلكم واريد جواب نهائي
وانه اترخص حجيه واعذريني الله شاهد مو قصدي استصغركم مقامكم عالي والعالي وجه الكريم
طلعت وانه بين الضايج وفرحان فرحان لأن حسيتها عاقله ويمكن مثلي هيه التجارب المرت بيها كبرتها اكثر من عمرها عجبتني عزة نفسها
ضايج خاف ماتصير وتروح من ايدي ماادري ليش من اتعلق بشخص يروح مني وخوفي يوصلها السره

كرم ..

خلصت امتحاناتي وقبل لا ارجع للبيت عزمنه براق كلنه ولأن انه اندلهم واقرب شي عليه بيته ومنطقته رحتله كبل الشباب
كيفوو هوه امه وتعودت عليهم هاي رابع مره اطب بيتهم اخر مره گعدنه بالمطبخ يمها وحته ساعدتها الحجيه جانت تصب وانه اشيل وياهم واخلي اكل ع الميز وحجيها الحلوو على كلبي مثل العسل
دخلني للخطار وكلي ارتاح غسل وبدل اني طالع بشغله شويه واجي البيت بيتك والحجيه جوه
طلعت اغسل بالمغاسل بره خلصت تغسيل وخليت الخاولي على وجهي انشف
سمعت صوت ناعم انداريت متفاجأ كالت

..منور خالوو الجميل رايدتلي منك خدمه

درت وجهي وبعدت الخاولي بشره حنطيه اقرب للبياض بعيون سود ورموش كثيفه وحواجب سود لابسه جبه حلوه مستوره وحجاب كلش حلوو لايكلها 
ارتبكت ونزلت راسها اسفه والله على بالي خالوو
بقيت على وگفتي والخاولي بيدي وهيه راحت
دخلت امها تطلع بعمر امي شيخه او ازغر گالت
مرحبا اكيد انت صديق بروقي الي يخلص كل وقته وهوه يحجي عنك شلونك عيني شلون الصحه الاهل اني اخته ام ارجوان اخاف معرفتني

..اهلا وسهلا خويه الحمدلله بخير الله يخليچ 
دخلت واني اگول شگد عيب نسيت انه وين لا والبنيه ماخليت بيها شي ماحفظته نسيت انه ابيت صديقي واخوي لا واعييب على صكر وسوالفه
تذكرت اليوم هوه يروح حته يسمع اخر قرار اذا موافقين يودي الاهل ويتزوج مايريد يطوول
وانه لشوكت اظل هيج ماادري بروحي ع لاقل ارسي على ابر لو اشيل الفكره من بالي لو تنبنيلي احلام جديده

لازم بعد اشهر بعطلة اخر السنه اسوي الي كاله صگر ولازم هسه اذب حيلي ع الدراسه واترك كلشي

بيومها كل مااريد انسه شكلها انطبع ابالي بس ماكو شي بنفسي يساعد اتقبل هالفكره
تجي الافكار الموزينه ابالي اكثر
هذا الموضوع شغلني واخذ من وكتي وانه من اضوج اذب حيلي ع الدراسه اكثر هيج متعود
جنت بس اريد اطلع وارجع اقره وحته روحتي الاهلي ماروح هسه
حته براق والولد انتبهولي واتعذرت تعبان واريد ارتاح
بيومها بالليل خابرت صگر

صكر..

مرن تلث ايام وماكو خبر رحتلهم افهم منهم
الحجيه صاحتها
اجت كعدت وگالت اني موافقه بس باقي شي ارد اعرفه
شنوو سبب طلاقك ماحجيت انت

..تنهدت وانه افرك بكصتي ..يعني لازم احجي السبب اذا گتلج سبب متحفظ عليه مااريده ينذكر بس تاكدي ماراح يأثر على حياتنه

..مستحيل وحده تتزوج رجال مطلك وماتعرف الاسباب ممكن هالشي يكون منك واني معرضه للطلاگ بعد الزواج اني ارمله ومامستعده اصير مطلقه

..مقدر حرصچ وخوفج بس السبب مو مني راح احجي بس هاي كدام الحجيه مااريد ينذكر ابد السبب البنيه مارادت تكمل وياي مو انه الشخص الرايدته زواجنه صار بظروف حكمتنه احنه الاثنين وجنه صغار بوكتها وصارت تجربه فاشله ماكدرت تستمر
يعني صعبه اذكرها بس هيه حبت اقاربها وانفصلت واتزوجت ولهنا خلص موضوعنه

انتي اذا مارايده كولي حته اقنعچ
بهيج حاله انتي مامرسيتني على بر گليلي ليش مامتقبلتني حته افهمچ وافهم
اذا على ولدچ الله يشهد اخليهم بعيني ومااقصر عنهم ابد
واذا خايفه من عمامهم انه احلها وياهم وافهم منهم ومااسوي غير اليرضيچ

الحجيه گالت يمه ياعمامهم وديت عليهم وكتلهم جايينه ناس ويردون ياخذونها كالو خل تتزوج بس بشرط ولدهه مالنه غرض بيهم تاخذهم وياها لو انتي تحتارين بيهم خاف رجلها مايريدهم بعد شكم يوم احنه مو مسؤولين
شفتها خزرت امها ماراضيه
جاوبتها اضحك اجت من صالحنه يمه وهسه شنو رأيج

..بكيفكم

..يعني موافقه اودي الأهل
هزت راسها وسكتت

طلعت فرحان وعبالك اول مره اخطب واريد اتزوج لان تعبت وانه احاول وياها يمكن ولان محد ادخل بقراري وكلهم وافقوو بس خواتي واخواني  ماكايل الهم بس فهد وامي وولده
رحت الامي وكتلها ترحون باجر والبنات انه اشوي اگلهن
حاجيت اخواني مارضوو وحجوو هواي ليش ارمله وعدها جهال شموازيك وليش بنات عمك موجودات والكرايب شوداك هيج وضحكن عليك وقشمرنك
ماهمني حجيهم لان همه مو فهد الحمدلله هوه راضي كتلهم انه بلغتكم وابكيفكم تحظرون لو لا
ونفس الشي البنات
وگلتلهن نفس الحچي
مامجبور ابرر الواحد بيهم انه هم كبرت وحالي من حالهم
بس من شفتهم هيچ گلت شني الخله فهد مايحچي يمكن عرفني رايد من صدگ ومايريد يخسرني
رجعت للبيت وكتلهم هيج حجوو اخواني
فهد گال مالك شغل بيهم يجون
شيردون يعني واذا ارمله شني يعني شبيها اهم شي شرفها واخلاقها ومن سالت عنها وجاوبوني والله فرحت الفرحني كمت تعرف انت شتستاهل وياهو اليستاهلك
فرحت حيل بكلامه
وراحن ثاني يوم وامي اتفقت على كلشي كالت ماعدهم اي شروط غير جهالها
فهد گال انت اتزوج اذا رايد هسه وانه ابدي وره اسبوع من عرسك ابنيلك بصف بيتنه حته مرتك تاخذ راحتها هيه وولدها وانت هم تستقر
شاف امي تتنوعلي والدمعه بعينها كالها اليشوفج يكول ابغداد مگعده ماجنه بصفج وحته سياج ماكو ابينكم
خلوهم بالنهار هنا ومن يردون ينامون يرتاحون يرحون هناك
هيچ احسن ضحك كلها وهذا صگر اجته وحدهه ادللة ووكرم هم اكثر وكته بالدوام منا وهيج تتفرغيلي

صگر..
ضحكت شيخ كل هالدلال وتريد بعد خل اگوم احسن تعالوو وياي شاهين ولبوه
اخذتهم وفهد صاح وراي
شسوي طبيعة ابن ادم طماع اتجرب الطمع ان شاءالله

ابتسمت الكلامه
وانه اتخيل حياتي هزيت راسي مااريد اتخيل شي كلما اتخيل يطلع عكس اريد اخليها على الله
اتذكرت انه طلبت من امي احاجيها وهيه رافضه الا بعد العقد وفهد كال باجر انمشي عليهم عقدوو سيد بالمشيه احسن وبعدين رتبو المهر وانيشان وهالسوالف انه مااعرف بيهن
حاجيت الحجيه وگالت يمه هيه ماتريد اي حفله لامهر ولاشي بس بكيفك اذا تريد باجر العقد حته اخذها تذب الاسود اليوم

..براحتج يمه باچر ان شاءالله نعقد
طلعت الهم وانه فرحان صحت يمه يمه

..ها يمه ليش تصييح تعال

..لا استحي من فهد باجر هيه تذب الاسود تروح وانه العصر اعقد مثل ماكال فهد احسن
اريدلي شي حلوو اخذه الها تلبسه ماتريد حفله هيه انتي باجر اختاريلها شي حلوو مااعرف بهالسوالف انه

..من عيوني الصبح اخذلها تدلل انت وياها

ثاني يوم الصبح
طلعت انه للحلاق رتبت نفسي واشتريت الضيافه الي يقدموها وخليتها ابيتهم ماشفتها ابد بس شفت الجهال بوستهم واشوفهم فرحانين ماادري يعرفون او لا
خليت الغراض بالباب وسلمت ع الحجيه ورجعت عندي شغل هواي وابيتنه غده وهوسه
عبالي امي ماصار الها وكت تروح وماردت اسألها خفت احرجها ظل بالي يمها اكيد امها من فككتها محضرتلها شي انه اليوم انطيها اعدادها وره العقد
وشتريد انه حاضر

خلصوو غده وچاي ارتاحوو ساعه وقررنه نطلع طلعت بقاطي وبس امي اشوفها فرحانه الي خواتي فرحانات بس خايفات اكثر ويمكن حقهن ومو حقهن ماردت افكر بشي وهنه اصلا مايحظرن محد يروح بس احنه
رحنه وچان
الي حاظر من اهلها ماكو بس ابن عم ابوها رجال جبير وسجاد صديقي وابوو جيرانهم بس عشرة عمر بينهم
الحد ماطلب الشيخ نعقد انه مامصدگ شلون فهد وافق والله هداه وشلون ربي سهلها
ردد صيغة العقد ورددت وراه وبعدها انه
اتباركولي ربع ساعه وطلعوو وفهد گال شوف مرتك وتعال ورانه
سلم على امها واتشكر وهم حيل فرحت
گالت ارتاح يمه هسه تجيك
رغم بيتهم ضييگ ومكان كلش مو صالح للعيش بس اخواني وعمامي ارتاحوو وحاجو امها بأريحيه
وهيه چانت مامتوقعه تجيهم هالكد جاهه

جنت مرتاح كلش ماكو اي توتر ولاخايف من شي الردته حصلته حلوو هذا الشعور

شويه ودخلت
لابسه فستان ابيض صلوخ ومخليه شال عليه
شعرها على طوله مفتوح
وشايله خصلتين من الجوانب لامه شعرها بيهم
جانت منصيه راسها وعينها بالکاع 
سلمت عليه وظلت واگفه
كمتلها رديت السلام لزمت ايدها گعدتها يمي

..الف مبروك النه

..مبروك

..ليش خايفه تره مااكل حلوين والله
ضحكت ودنگت
بطرف ايدي رفعت راسها
باوعتلها مركز بملامحها
حلوه وكلشي بيها حلوو ملامحها كلها ناعمه مابيها شي يلفت النظر بس كلها حلوه
..ليش ترجفين انه عاذرچ بعدچ ماتعرفيني الايام تبينلج شكد انه رايدج ورايد سعادتج ورايد سعادتي تصير على ايدچ ان شاءالله.. شفتها مرتبكه
حته مااحرجچ اكثر واحرج روحي لان مااتحمل اظل هيج وانتي بهالجمال يمي انه طالع وجبتلچ تليفون حفظت رقمچ بالليل اليوم اتصل بيچ حته تعرفيني اكثر
وهذا اعدادچ وشكد ماتردين بعد انه حاظر وبالخدمه
بستها براسها وطلعت

يتبع ..