رواية كسرة قلب الفصل الثاني والأربعون 42 - بقلم نور الشمس

..مثل متكول المبدعه نازك الي يغلس يدخل الجنه 😂😂

التأخير بسبب النت كلش مو شي يمي
❤❤❤❤

..حگك انه غلطان بس نيتي بيضه الله يشهد
والموضوع مو مثل مافاهمه اهدأ لاتفضحنه اذا مو الخاطري الخاطر بنت اختك
شفته يريد يدفعني لزمت ايده اعرفك ماترضا بالموزين الهذا عاذرك.. انه اعرفك واعرف اليرضيك بس انت مع الأسف ماتعرفني صار اربع اسنين وياك اكوو يوم شفت عليه شي مو زين ؟
ع العموم نهاية الاسبوع اروح الهلي واجيكم انه وهلي

..ليش كرم ليش مامتوقع هالشي ومنك انت بالذات

..هوه شني الليش ماسويت شي يغضب الله ولاعباده گتلك حگك وتانوني نهاية الاسبوع انه واهلي يمكم
بعدني احاجي جرها من ايدها حيل ومشه انتبهت للطلاب قليل الي شافوو معدودين ع الاصابع لان اصلا احنه ابتعدنه رحنه بمكان قليل بي طلاب
بس اكيد ماينضم شي كلها راح تعرف انه وبراق مو زملاء اخوه مانتفارك ابد سالفتنه وضحكتنه واكلتنه وشربتنه
ماهمني تصير لو لا هسه اليهمني صحبتي وياه
رجعت امشي بخيبه على كيف وايدي اتفحص بيها شفتي الي حسيتها انجرحت
اجوني جماعتي حسن والولد ذولي صدقانه اثنينه
نظراتهم مو حلوه الي جانت بين ضايجين مني وعليه
حسن گال ليش كرم ليش تخلي براق بهالموقف
بنص الكافتريا وقيس گام يصيح ابن الشيوخ الخابصينه بي وباخلاقه وشهامته ولد وبنات خبصتونه بي شوفو ويامن مكبل ويمشي وعايش احلى رومانسه وي عرض صاحبه
كامله براق يغلط عليه ويريد يتضارب وياه
كله لو بيك خير روح عاركه اله مو الي شوفه ويامن يتمشه هسه
روح تلكاه بقسم التقنيه الطبيه

والكل يعرف بنت اخته هنا اداوم
اجه وطلب محد منه يلحگه تالي طلع من الدوام هوه وياهه بعد ماتضاربتوو

..رفعت راسي وانه صاير نار صار گبالي قيس سوالي نفس التحيه اشرلي بأصابعه وياهن غمزلي بطرف عينه
ركضت عليه بسرعه ضربته بعينه الغمز بيها وجريته من ياخته قربته حيل عليه
چنت ضاغط على سنوني واحس شرايين وجهي وايديني طالعه
حاجيته بصوت ناصي وجماعتي يحاولون يفكونه مني

..ولك قيس وحق الله لو انه نذل مثلك جا هسه افتح بلوتوث للكل وأنقل صورك الهم ياعار عبالك حاذفهن صورك ومأمن اگدر هسه انشرهن
بس انه مو ناقص مثلك مهما جبرتنه المواقف نلتقي ومهما تكون انت نذل  ابقه انه كرم ابن فهد وتبقه أنت ابن غفار الي من دون اهله وعمامه ساكن الملاهي
وكلمن يعمل بأصله
وراح أعوفك هسه الخاطر صاحبي مراد الي هوه ابن عمك وجاري بالسكن وهوه الي لگالي البيت ولأن اهله ماعايفيني الهذا اليوم الي همه عمامك يانذل لعيونهم راح اعوفك واذا تعرضتلي بعد وحق الله امردك مرد واشوفك الأمهات شتجيب
دفعته حيل طيحته للگاع
ومشيت وانه ابالي لازم افهم براق اليوم مااخلي ينام وهوه زعلان وماخذ موقف مني
مشيت سريع فتحت اول دگمه من قميصي احس روحي اختنگت 
اجه وراي حسن والولد صاحني حسن اوگف كرم
هاك اخذ هذا المي
..اخذت بطل الماي شربته منه شويه وفرغت الباقي على راسي
اريد اعصابي تبرد

..شباب من رخصتكم انه طالع اريد ارتاح
رحت للبيت وماگدامي حل ثاني خابرت ابوي

..الوو

..هلا بويه هلا بالغالي شلونك كرم اخبارك

..جريت نفس الحمدلله يابه انت شلونك

..بخير جنك تريد تحچي گول يبوك اسمعك محتاج شي رايد شي

..يابه انه اريدك تخطبلي البنيه الرايدها گلبي

..ياويل گلبي وياهي هاي سعيدة الحظ الگلبك نگاها
كرم حبييب انه وياك ان شاءالله التريده يجرالك بس يابوك الزواج مو هيج ردت حبيت وبس ادري غير اعرفها بنت ياهوو خوالها منين اهلها من ياعمام طيبين يستاهلون النسب لا
غير نفهم نعرفهم مو مال تليفون بيك جيه تعال ونتفاهم وانه بنفسي اسأل عنهم

..انت شتعرف عني انه اختار مو زينين بالعكس ناس اطياب وخوالها تعرفهم براق خالها والباقين بالخارج امها موجوده واخ اصغر منها بس ابوها الصراحه ماشايفه ولاسائل عنه اسأل وان شاءالله خير

..الله كريم ان شاءالله تعال انت حته نفهم منك وحته اقرر بموضوع علي وزهراء بت عمك

..ان شاءالله خير يومين وانه يمكم..سلملي على امي والولد ..
سديته وانه مرتاح
ظل براق لازم اشوفلي صرفه وياه
نمت الضهر تعبان صار العصر اخذت سيارتي وتوجهت البيته
اتصلت بي اكثر من مره مايرد
دگيت الباب محد طلع يمكن امه ماموجوده بس هوه بالبيت متأكد
دكيت لمن مليت
فتحت سيارتي وگعدت بيها وانه عازم مااتحرك الا وبايس راسه
رجعت اتصل مارد وديتله رسائل

..براق وحق الله رايدها بالحلال وهاي اول مره اتشجع واحاجيها وماردت منها بس كلمه وحده موافقه حته اودي اهلي لا متواعدين ولا من السوالف الي ابالك انت تعرفني انه مال هيج دروب
رسلتهه قراها وماجاوب

رجعت كتبتله ابقه اقره واسكت وحق الخالقك مااتحرك منا وهاي ظلتي للصبح اباب بيتك منا لمن تگلي انه راضي عنك واعرفك وانت اخوي ومحد يغيرنه

شفت الشاشه جاي يحاول يكتب طوول وماكو رساله بس محاولات اتخيلي يكتب ويمسح لان مايجيني شي منه
ظليت متاني شويه وكتب كرم روح الخاطر الله تره منطقتنه لايغرك امانها بالليل الها ناسها تخوف وبيها احزاب وعصابات وتصفيات بعد الدنيا مو كلش امان روح وانه مثل ماانه راضي عنك بس روح

..لاتسويها ضلمه علي كلشي ماببها جنها العافيه يوميه انه بيها بعدين خايف علي انت اطلعلي اشوفك وعود بيتني يمك كتلك ماروح وغلاة ابوي وانت تعرف غلاته

..ظليت متاني رد ماكوو شگد عنيد الخاطر الله شويه وانفتحت الباب اشرلي انزل بس وجهه مثل ماهوه زعلان وضايج ويبيين على ملامحه بسرعه
براق طويل ابيض لحيه خفيفه سوده وشعر عالي اسود فاحم حواجبه مقوسه وعيونه كبار سود ملامحه كلش حلوه وروحه بعد احلى ولو ضاج بياض عينه يتحول خطوط حمر وحواحبه ينعگدن

نزلت حضنته وبست راسه
..براق لاتحچي شي اعرف كل التگوله حقك بس وحق الله وحق حيلي الي يغنيني عن الكل عرضك هوه عرضي وسترك ستري وكل الي صار بي غلط مني بس مو مقصود ولا بي شي يضرك البنيه ردتها على سنة الله ورسوله ولأن انت صاحبي ماردت احرجك او انت تتحرج مني ردت افهم منها حته اذا ماكو امل ماافتح الموضوع واذا اكوو احرگ الدنيا منا لمن تصيرلي

..كرم انت تدري شني مكانة ارجوان عندي تدري ماكو فرق هواي بيناتنه بس اعتبرها بنت النه حالها حال امها ولأن ادري مستحيل تصير قسمه بينكم من هسه اگلك اذا تحبني ابعد عنها والغي فكرة زواجها من بالك وانه اقنع امها تنقلها الغير كليه

..اوگف اوگف اذا التحچي صحيح هالمره انه ازعل منك ليش ماكو قسمه بيناتنه ليش هيج احكمت
انه رايدها ومااعوفها ابد بس انت اوگف وياي

..اعرف اهلك واعرف تفكيرهم ماتصير صدگني

..بس گلي ليش وحته لو اعرف هم مستحيل اعوفها

..تعال ادخل للبيت اقفل سيارتك وبات هنا واني اگُلك ليش وراح أگُلك الشي الي محد يعرفه غير القليل القليل من الي يعرفونه

فهد..

بعد ماشفت احوال علي متخربطه وحسيته حته بدراسته مايركز صحت شيخه حته افهم منها

..ام كرم علي من يمته رايدها

..زهوره تقصد

..اي زهراء بت عمه من شوكت رايدها

..من زمان اول ماكبرت انتبه الها بس جنت اضحك عليه لو گالي بس هسه تسودن عليها وانت هم شلعت گلبه كله لو اي لو لا

..والله ياشيخه تمنيت ولدي كلهم مايخذون منهم بس هنه بنات اخوي حبابات ويحبني ويحبنج اعرفهن حنينات ومرت فيصل الجبيره هم خوش مره ادميه وحملت رجلها رغم الضره ومرورتها

..اي حبابه ام حوراء والنعم منها بس هيه ماتحبه لو تحبه جا مصبرت

..ضحكت ماتبطل سوالفها .كتلها وشلون عرفتي ماتحبه بكيفج تحكمين بعدين انه شلي بيهم يحبون لا انه احچي بصوره عامه

.لا مو انت تكول ادميه حملت رجلها رغم مرورة الضره يعني عندك.هاي السالفه قياس لا مو قياس مالها غرض بس هيه ماتحبه لو تحبه مثل مااحبك جا اندار فجها مثلي

..من سمعتها ضحكت بصوت عالي مابيه اداري بعد ولچ انه احچي بصوره عامه ولا يهمج مايحبون لاهوه يحبها ولاهيه تحبه هاي الخلفه المخلفينها هيج صارت من عركهم وكرهم. ..واثنينهم مو اوادم بعد امر خدمه
ناسيه شي منا منا

.. حيل ضجت واحس روحي نار صرت عبالك يبسمرني جاوبته لا ماناسيه وعود ابنك شقررت هسه تخطبها لا

..اي نسيت السالفه والله التهينه نقيس حب فيصل ومرته اي اضحكي عاد سبينه العنب الاسود لو طلعنه من المله من كلنه صبرت
ع العموم انه جنت متردد اريد اشوف كرم بعده يعاني لو مستقر وابالي اريح واحد منهم احسن مالاثنين يتعلعلون حته لو كرم بعده هم علي ماله ذنب ولا بت عمه الها
والحمدلله كرم هم خابرني اليوم يريدله بنيه وياه بس يجي واعرف اهلها واسأل عنهم ويصير خير
هسه صيحيلي علي خل اكله انه موافق وانتي باجر روحيلهم وشوفيهن والعقد والمشيه على جية كرم والزواج بعد التخرج هذا العندي

شيخه ..

طلعت وانه طايره من الفرح وديت علي الأبوو وهوه حس بالموافقه من شاف وجهي بس جان مامصدك ويريدني اوضحله اكثر
كتله فوت وافهم ومن طلع يضحك وفرحان خبرت امي وهيه هلهلتله بصوت ناصي
وبلغنه صگر ومرته والكل جان فرحان رحنه ثاني يوم انه وامي وخطبناها وامها كالت تكبعنها وتاخذنها وين تلكه احسن من عمامها وعلي واخلاقه وجماله وين تلكه احسن منه وهيه اصلا جانت عارفه بتها هم رايدته رجعنه فرحانين
يومين واجه كرم وحجه الأبوو كلشي وفاء يمنه وكل ماتصير فرحه تتسودن اضنها كرهت الاعراس كلها بس هيه ابد مااتجاوزت عليه وصگر مامهتم الها يطب ويطلع ولايرفع عينه عليها جنها ماموجوده
بيوم المشيه العصر
كشخوو وبدلوو مر شريط حياتي كبال عيني من وعيت على فهد وشفته مهتملي ويحبني ويسمعني كلام حلوو من صرت اروح ع النهر ويجي ويشوفني ومن خطبني وتزوجت وحته بعد الزواج حبنه كبر الولاداتي بيهم واحد واحد العمرهم وهمه اول ايام بمدارسهم الحد زواج ابوهم ووكفتهم وياي
اباوعلهم كرم
ماخذ هواي من ملامح ابوو جرة عيونه بالطول ورموشهن الكثيفه ولونهن على صفار شعره الي لونه بالشمس ينطي على جوزي فاتح احنه نسمي تمري وهوه يضحك يكول شعري املح لاهو اشگر لاهوو اسود خشمه طويل حلوو بالطرف اكوو كسره بين خشمه وهوه زغير صگر يقهره يكله خشمك بي نهر وهوه چان يضوج ويتعاركون وهسه اكثر شي يحبه بشكله هذا النهر هههه ضحكت وانه اباوعله واقره ايات لحيته الخفيفه ولون بشرته الحنطيه وي القاط اللابسه طالع يخبل عبالك هوه العريس بطول فهد ونفس الهيبه من واگف يمه
وعيني على علي الي بياضه صافي عليه وينطي على حمار وجهه مورد شعره اسود وعيونه جوزي لابس قاط نيلي وصگر الي يوم عن يوم ملامحه تحله ويصير نسخه من فهد ويمكن احلى بعد
كرار جسمه ضخم عظمه خشن اسمر ومملوح
اتنوعلهم واحصنهم بايات الله من عيون الناس واولهم انه فرحتي بيهم غير واليوم يلله حسيت همه كبروو وتعبي ماراح بيهم بلاش
بخرتهم وكرم بيده يوخر الدخان

..يمه شني السالفه سويتيها مدخنه اختنگت

صكر ضحك كال اي يمه استلمي منا ورايح هاي رابع سنه بالكليه وبعدله سنه تطبيق والساته الي يباشر بيها مدري ياسنه المهم يجيج يگلج هالاشياء مضره بالصحه وهايه الخرافات بطليها ويعددلج مضار الدخان وبشني تسبب جان يحجي ويقلد طريقة كرم ضحكنه كلنه وجاوبه كرم

..وانت حظرتك تستهزأ عود
فهد كلهم امشونه ودار عليه ام كرم بس تطلع مشية الزلم والغربه يرحون اوديلچ ابو شاهين يجيبجن حته نعقد وبس احنه موجودين

..ان شاءالله

كرم ..

طلعنه واحنه فرحانين رحنه مشي البيت عمي كلنه عمام وشكم واحد غريب من صدقان ابوي شي روتيني واصلا مايحتاجله بس انه بوكتها عرفت ابوي شيفكر راد يبيين الهم اجه يخطب منهم حالهم حال الغربه وكلشي سواه مايبيين انو همه اهل وعمام شوكت ينسه ابوي ماادري
اعتقد همه هم حسوو بالمشيه فاجئنه عمي من كال التردونها الكم
والأزغر منها الكرم
عيني صارت بعين ابوي متفاجأ وابوي ماحچه اشرلي بعيونه احجي

كتله عمي مشكور وماتقصر انه مااريد ليش اظلمها وياي دراستي وانه ووضعي مامفكر بزواج باوعت العمي محمد الردتها راحت وهاي خل تتوكل مااوكف وحده انه منا لمن تتحسن ظروفي اجيناكم على وحده والثانيه لو ردناها مو بعيده وندريكم ماتقصرون والنعم منكم
من حجيت هيج وجوهم نگلبت
الزلم هم حاجتهم وكلولهم راحت بعد وكتنه مو وكت كبل الهديه حته المراجع حرمتها الا بموافقة الطرفين خلصت من الموضوع واصلا مااثر بيه
خلصت المشيه واتفقنه على حاضر وغايب وصار وكت العقد عقدوو هوه طببوه على مرته واحنه طلعنه خلصناها تصنيف وضحك
وره يومين رجعت للدوام وابوي كال اسال واشوف
شوكت نخطب ظليت بخوف وقلق حته تركيز بالمواد مااكدر اركز من الي گاله براق والسبب الي يمكن يمنع زواجنه بقيت على علاقتي وي براق والموضوع بعد مافتحناه ابد
وره يومين خابرني ابوي وهوه عصبي ويحچي

.مو منك هاي كرم ابد مو منك ولك مالگيت غير هالناس تختار منهم

..غمضت عيني وحبست النفس عرفته وصل كلشي
يابه على كيفك مو ناس هوه ابوها بعدين ماله علاقه بيهم بس بالأسم

..ولك تريد تجلطني انت ابوها شنو بالاسم ااااببوها اعيد بعد لو فهمت شنو يعني ابوو انه تالي عمري اناسبلي طبال بفرقات موسيقيا ويفتر وره المغنين والكيوليه انت عاقل لو عقلك ضرب

..يابه افهمني منفصلين ابوها وامها من بتهم طفله اصلا ماله علاقه بيها حته ماشايفته

..ميخالف يبقى ابوها وتبقى هيه بنته

..يعني شني

.يعني اتركها

..واذا كتلك مااگدر

..كرم اعقل انت ماتگدر انه هم مااكدر هذا نسيب الي وبالذات نسيبك انت ليش بويه ليش توصلنه الهالحال

..وانه بيدي يابوي شني بيدي حبيتها ومو بس حبيتها انطيت كلمه الخالها والأهلها وكلمتي مااتراجع عنها

سد الخط ابوي عرفته مايريد يغلط عليه او يضوجني بس الظاهر اعصابه تلفت
تركت كلشي الدوام وامتحاناتي وطلعت للبيت
وصلت متأخر الكل يباوعلي بنظرات استفهام حته عمتي وفاء كل شويه تريد تحچي واكو شي يمنعها يمكن ابوي محذرهم
سلمت وگلت الامي اريد ابوي گالت بالغرفه الجوه جاي يصلي جانت صلاة المغرب
طبيت عليه جان يصلي شويه وسلم لم مصلايته

..ياهلا بكرم هيج ماگدرت تظل تعلي صوتك بس بالتليفون على ابوك گلت ماكفاني لازم اروح واگابله واعلي صوتي اكثر

..مو هيچ بويه مو هيچ بس والله ظلم ظلم الي يصير بيها وبيه شعليها بأبوها هيه حته ماشايفته ولايعرف شي عنها امها سألت عنها اكيد شجاوبوك الناس

..مايفيد ابني ابوها يعني اصلها وفصلها

..واذا اخيرك بين دراستي وبينها

..شوف بديت تمسلت خليني محترمك تره اول واحد اطول وياه خلگ هالگد دراستك مستقبلك اذا صرت دكتور الروحك واذا عامل بلديه الروحك انه مااحط بجيبي شي انه العليه اسمك واسمي والعامل حته لو يلم الزبل بس شريف وطييب يرفع راس اهله بالمقابل اذا دكتور وماخذ من اصل كاولي يطيح اسمه واسم اهله وانت بكيفك زواجك منها لو رضاي

..احس روحي اختنگت حيل
عليت صوتي اول مره وحچيت بحرگه
گتله
..وين توصلون وياي بعد شتردون مني تورطت صرت عدكم خو ماتورطت.. تورطت صرت ابن شيوخ ولازم اسكت واسامح وانسى ابن شيوخ لازم اكابر واحط ك
ملح ع الجرح واضحك ومااشكي حبيت وتعبت وگدرت انسى والهسه ماناسي بس اتناسيت نسيت حبها بس ماناسي الجرح
ومن شفت طريقي ورجع گلبي ينبض تمنعوني وترجعون ادوسونه النفس السبب لأن انه ابن شيوخ
السب كان بطرف الساني من شفت عيونه وشلون يتنوعلي سكتت صحت استغفر الله يارب يعني اذا مامكتوبلي راحه المن عايش انه
شفت الكل مجتمعين البيت كله بس كرار وعلي بدوامهم جانوو كل واحد محافظه وصكر ابيته سحبتني امي گالها عوفي خلي بعد شيريد يحجي خل يحچي خلي

طلعت وانه شكو شي كدامي اشمره
وماداومت ثاني يوم ظليت قفلت غرفتي ومانزلت حته صگر شگد حاجاني انزل اله مانزلت
ثاني يوم بالليل اجتني رساله

..انت شكاعد تسوي بروحك وبعمي هاي كلها حته تبينلي انت تكدر تتزوج احسن مني من وحده عدها شهاده ومن بغداد وعود عن حب هم تره مايهمني لاتظل تفكر بلانتقام بهالسوالف وسوي الكالوه عمامي اخذ بتهم احسن عمي يعرف بيك بشنو تفكر وماقبل يخطب الك
ولاتراسلني بس حبيت اگلك عيش حياتك ولادوم تفكر بيه وتريد تسوي مقارنه وتتزوج احسن تره ابني السنة التجي نسجله

قريت الرساله وع اساس انه ناقص عقلي شخط ع الاخر
نزلت بسرعه ادور ابوي وين گاعد
شفته بالصاله

خليت المبايل بيده
بعد شعدكم من قهر وشبيكم من قوه دوسو علي وخلو اليسوه والمايسوه ينصح براسي وخلوو شماتي بعد تفرح ولاتفكر بابنك فكر باسمك وسمعتك بس
كال اشش اسكت ياسمعه محد يدري بالسبب اسكت لاتفضح الناس بس انه وياك ندري شبيك هيج جاي مثل الثور الهايج وصوتك هذا صاير هواي يعله وهواي جاي اسامحك كرم انتبه الروحك
احس النفس ضاگ كتله اقره وشوف شوف اليوين وصلتوني اقره
قره الرساله عيونه لمعت گال هسه شتريد

..اريدها واريدك اريدها الي حبيبه واريد رضاك الي

..هذا هوو الي تريده يجرالك وانه لاتهتملي لو اكدر على زعلك جا طردتك من امس

اسمعوو من يعبر اول دقيقه
كلماته حلوه كلش

يتبع ..