رواية قصص رومانسيه الفصل الحادي والثلاثون 31 - بقلم الحساب مغلق

اني اريج عمري18 سنه طالبه شكلي عادي مو جميله حيل ولا قبيحه عشت طفوله تخبل لحد الان اشتاق ارجع طفله الوحيده لاهلي اني من جنت اطلع اروح لصديقتي اشوف ابن جيرانه طبعا هو كلش حلو انطيه القلم يعرفكم ع نفسه

هلا حبايب وياكم
محمد عمري 23 سنه شاب متوسط الطول جسم رشيق ابيض شعر اسود ليل لحيه خفيفه عيون كبار صفر مثل ماكالت اريج كلش حلو اني مو يم البنات ومااهتم ابد وانطوائي نوعا ما مااحب اختلط بالعالم اني جيران اريج كبالهم بالضبط جانت كلما تطلع انتبه عليها واظل اباوعلها بس هي ولا يمها ماعرف شنو الخلاني انشد لهاي البنيه رغم شكلها عادي واني شايف هواي بنات يخبلن لكن مااهتم ترجع تكمللكم اريج هاج اروجه القلم احجي..

شوكراا للصاك اي حبايب ارجع اكمللكم كتلكم كلما اروح لصديقتي اشوف محمد بديت انعجب بي احب اشوفه كل يوم بس ماابينله هالشي واظل احجي وي روحي معقوله احبه لالالا بعدني جاهله ويني وين الحب اتملعب بالشارع المهم كبرت صارو اهلي ميخلوني اطلع بس مرات اتحجج واطلع حته اشوف وكلما اسمع صوته لو صوت بابهم او سيارتهم اطفر ركض بلكت اشوفه وجان دائما يفتح ااباب هو ويظل واكف واظل اني اباوعله وهو ينتبه يضحك اني كبل اطب اخجل منه استمر هالحال 3سنوات مجرد نظرات بيناتنه لا كلام ولاشي ابد

بعد مااستمر هالحال اني كمت اتحجج اروحلهم مثلا اطلب منهم قاموس انكليزي لو جاكوج وداءما يطلع هو ع الباب لو مثلا اروح بعاشور اوديلهم هريسه لو شله لو زرده لو اعزم امه ع القرايه هههع و كلما اروح يشاقيني وارجع طايره من الفرح مره بالليل جونه بيت عمي كلت لبنات عمي اريد اشوفه شون شيطلعه هسه اتفقنه انروح نشمر طابوكه ع بابهم ونفلت هههع وبالفعل  شمرنه طابوكه وركض ع البيت وضليت اباوع من الحايط وجان يطلع اني كيفت سويت نفسي دا اذب الزباله تكرمون بالحاويه جان هو ظل ابابهم بعدها اجه يم بابنه جنت لابسه ثوب بنفسجي واسود وشال اجه هو

محمد/هلاو شونج

اريج/زينه وانته

محمد/اليوم طالعه اتخبلين

اريج/ضحكت وخجلت

محمد/اريد كل يوم اشوفج بهذا الثوب يخبل عليج

اريج/ماشي ياله روح ليجي احد

محمد/ماشي باي كبد

اريج/باي

طرت من الفرح والليل كله مانمت وافكر بي ومره دا اقره بالشته بالحديقه ولابسه اتراك سمائي وهو يباوع من السطح مادري بي صديت لكيته ابوجهي يربي عزززه ماانتبهت شكد استحيت ركضت طبيت المهم استمرينه هيج علاقتنه طفوليه وبسيطه الى ان طلب رقمي كتله ماعندي جهاز وخط انطيني رقمك اني اتصل بيك

نطاني رقمه واني ارجف حفظت الرقم بسرعه وشكيته مر اسبوع ومااتصلت بعدها رحنه لبيت عمي اتصلت عليه وجسمي كوله يرجف مادري ليش اول مره اتصل بولد

محمد/الو منو

اريج/ماعرفتني

محمد/لاوالله منو

اريج/اسمع صوتي وفكر

محمد/تكولين منو لو اسده

اريج/اني اريج عابت

محمد/هههع هلاو اروجه معبالي انتي

اريج/مصارلي مجال اتصل

محمد/منيلج هالرقم

اريج/رقم امي

محمد/ها يعني مااتصل

اريج/لا طبعا الا اتصل اني

محمد/ماشي

وظلينه نحجي ساعتين واتشاقينه وكذا

ثاني يوم هم اتصلت وجان بالجامعه كال ارجع كذا ساعه انتظريني اشوفج ..

بعدها بنو بيت كبالنه من الجهه ااثانيه لاخوانه الكبار وصار يوكف وي العمال واشوفه ومرات يوكف اخوه الاكبر منه راحت ايام واجت واني اروح وارجع للمدرسه اشوفه ومرات اشوف اخوه اشو هذا اخو نظرات الي غريبه مااهتميت مره اجونه بيت عمي وطلعت بت عمي تنفظ الفرشه وصاحها اخوه كاللها صيحي اريج اريد احاجيها اجت كلتلي بت عمي كلت شيريد هذا يربي خلي يعرفكم عله نفسه الافندي

هلا حبايب اني حسين مواليد92 طويل رشيق شعري اشكر عيوني خضر ابيض بين قوسين اخبل بس اريج تموت مني ماعرف ليش اني ماحبيتها بس انعجبت بيها وهي اريحيه بشكل جانت مااطيقني ابد دزيت عليها بت عمها صاحتها

اريج/ها حسين شتريد

حسين/اريج احبج

اريج/ضليت فاكه حلكي يا ولك شتحبني

حسين/ليش مستغربه اي احبج

اريج/يربي شسوي شنو يحبني واني احب اخوه وخاف يكله وعباله اني عندي شي وياه

حسين/شبيج اروجه

اريج/شوف حسين اني مااحبك خؤؤش وابتعد عني ماشي لا اكول لابويه

حسين/عادي كليله اكله اني احب بنتك ورايدها وهو ميرفضلي طلب

اريج/يربي شون مصيبه هاي لك بابه اني اكرهك شون تحب وحده اتكرهك شبيك انته  واصلا اني ابن خالتي رايدني وراح يخطبني وازوج

حسين/مو بكيفج اني اوله بيج

اريج/يبؤؤؤؤ انته مو مال واحد يحاجيج دولي للعلم اني وبت عمي شبعناه غلط ومافاد بي 

ضليت ابحيره يربي شون بيه خاف يدري محمد ونخرب اني وياه بعدها قررت اعترف لحسين كلت بلكي يعوفني خابرته كتله شوف حسين اني احب محمد اخوك ولا يمكن احبك ماشي كال اي بس هو ميحبج اني احبج كتله معليك وشمدريك انته كال مثل ماكتلج وانتي بكيفج كتله خلص مالك علاقه بيه بعد وسديت التلفون خابرت محمد بالليل كتله محمد اني خطبني ابن خالتي كال شون وبعدج زغيره ولتوافقين وصار عصبي كتله خلص مااوافق اشو هذا اندار كلامه كام كوه يحجي كتله محمد تحبني كال اي كتله الصراحه انته رايدني لو هيج كال شوفي اريج اني ليش اكلج شي واطلع كدامج جذاب شوفي حياتج ماافيدج يبؤؤ اني متت بلحظتها كتله خلص براحتك وسديت التلفون وظليت ابجي متت من البجي وكلما اطلع اشوفه واسمع صوته اموت من القهر وهو يظل يباوع واني اعوفه وامشي الى ان حاجاني اخوه كال ها شكتلج مو ميحبج كتله انته شتريد مني عوفني بحالي الله يخليك كال احبج وجربيني وراح اسعدج صدكي اني كلت بعناد محمد احاجي اخوه وظليت احجي وي اخوه بس ماوعدته بشي الى ان دره محمد اني عندي علاقه باخوه اتخبل كام كلما يشوفني يكلي خاينه انتي تعرفين شنو انتي خاينه ويباوعلي بحقد وكره

طبعا اني ضليت احاجي بحسين بديت اتعلق بي واتناسه محمد وبديت احبه اجه رمضان واني الليل كله وي حسين سوالف وضحك وهو ماقصر وياي ابد مدللني جان كلما يروح يشتري موطه ايخابرني يكلي خليتلج موطه جوه الباب اطلعي اخذيها لو يدري بيه احب الجبس يجيبلي وياه ومن رحت جبت النتيجه مالتي اجه وراي ويمشي ويسويلي بشري ولج اجت ركض هستوني كاعد من النوم كتله نجحت اطمئن هو كيف حيل يحب اهتم بدراستي و جابلي هديه عباره عن تحفيه عله شكل اميره وبيها نشره كال هاي انتي اميرتي حبيت حسين كدر يكسب كلبي ف مره من المرات كال اريد اشوفج كتله شون كال هيج من الباب ع السريع كتله ماشي لبست حجابي ووكفت يم الباب اجه هو صار قريب حيل عزه اني ارجف ومرتبكه عاد هو فتح الباب وطب يمةة اني متت من الخوف كتله وك اطلع ليجي احد خرب كام حظني وباسني اني من سوه هيج دفعته وصفكته راجدي بكل قوتي كام خله وطلع خابرته ميرد اها ماكتلك اشتريت اني خط وجهاز المهم ظليت اتصل ميرد بعدها اتصل يحجي ثكيل حاولت ارضيه ماقبل كتله انته اثاريتني وميصير هيج اتسوي تدري بيه مااقبل

ضليت احجي وياه كوه رضيته تخرج حسين من كلية الهندسه ولكه شغل بالعماره احنه بالحله راح للعماره يشتغل هناك كل عشرين يوم ينزل اسبوع اتغير حسين بروحته هواي صار ميهتملي ابد كوه يحاجيني حجيت لخالتي كلشي كالت حاجيه وكليله اذا تحبني انطيني عهد بالعباس متعوفني عاد اني حاجيته وكتله انطيني عهد متعوفني كال لا يابه مخبل اني شون انطيج عهد تعرفين هالعهد يكسر الظهر ومندري بالدنيا شتسوي بينه اني ضجت حيل طلعت روحي كتله لعد انطيني وعد شرف كلمة رجال متعوفني كال ميخالف وعد شرف مااعوفج بس هو ظل نفس الاهمال ونفس اطياح الحظ الى ان طكت روحي فتح نت قبل ميروح للشغل حاجيته وظليت اعاتب بي وطلعت كل البكلبي اخر شي كال خلص البينه انتهى يبؤؤؤ اني اتخبلت يربي ليش هيج كتله خلص بس مو من الاخلاق تلعب بمشاعري وتروح واني بت جيرانك وتعرف ابويه شكد يحبك مع الاسف عليك جانت صارت عدك غيره عليه ماتخاف عله اختك كال امشي لج اخلاقي اعله من اخلاقج عفته ورحت ظليت ابجي ادمرت شسويت بروحي وليش حبيته لحسين ليش هيج انعمه عله كلبي

حاولت انتحر بالدوه ماكدرت ظليت ابجي خلص شغله بالعماره رجع وكلما اشوف لو اسمع صوته كلبي ينعصر واموت الف موته الى ان اجه ابويه ااصبح كال لامي معزوم عله مشيه سمعتهم يحجون ماعرفت مشيتهمن سالت امي كالت مشية حسين يبؤؤؤ اني متت من القهر كعدت بجيت لمن مليت قررت انتحر حاولت وماكدرت كلت خلص انته كلشي وشسوي العوض عله الله لكن يحسين مااسامحك ومسلمتك بيد العباس ابو فاضل واجو عزمونه وبكل شجاعه رحت لعرسه ورحت لحنة مرته الحمدلله تلعب النفس وجبيره حته مبينه اكبر منه بس كلبي انكسر طلعت من الحفله ابجي اكول ليش شنو البيها فضله عليه المهم رجعت للبيت واني كلبي مكسور تالي فاتت زفته كبال عيني وشفته لابس القاط وكاشخ حمدت الله وكلت ميخالف شبيدي بعد المهم ازوج وامي راحت اتوديلهم واجب وامه اتسولف عليها تكول فاهيه وكلشي متعرف

وكلشي متعرف جاي متعرف اتسوي ملابس متعرف تغسل ومره كايللها سويلي ريوك جايبتله الجاي عباره عن مي والبيض ممستوي وامطوف بالدهن كايللها بطلت ماريده شيليه ههع ابسط شي الثريد متعرف شنو ثريد لا والتشريب متعرف شونه حار لو بارد اتخيلو الصراحه اني كيفت كلت خليه هاي حوبتي بي الله دزله وحده كلشي متعرف تالي يوم عن يوم ونسمع مرته حامل اني كلش انقهرت وكلت ياله بعد ميفيد وراحت ايام واجت ايام سمعت الطفل مات ابطنها وسوولها عمليه ونزلوه وواصله الموت خطيه انقهرت عليها كلش المهم يوم من ايام سويت فايبر وجان يحاجيني حسين سلم عليه ومعرف شنو كوه احاجيه طبعا من وره خشمي كتله حاب يرجع مثل قبل كتله لا مستحيل تحلم ثانيا انته رجال مزوج مو حرام تخون مرتك مو خطيه كال بس انتي لسه ابالي كتله بس كافي جذب تعبت واني اصدكك واختلقلك الاعذار تالي تفوت زفتك اكبالي ليش

مافكرت بيه مو كد الحب ليش حبيتني ليش جبرتني احبك اصلا جنت اكرهك خليتني احبك وعفتني ليش ثانيا اشبيها زود عني الاخذتها جاي متعرف اتسوي مو حلوه ليش هيج ياريت بدلتني بالاحسن جان ماانقهرت بس خلص الصار صار وانته وابو فاضل معليه بعد كال بس اني احبج وردتج بس امي ماقبلت اخذ وحده ممكمله لسه تدرس انجبرت كتله باوع هالحجج متعبر عليه ماكو ولد ينجبر انته لو صدك اتحبني مجان اتخليت عني بس للاسف ماجنت هيج متوقعه وع العموم اني حبيت غيرك ورجال بالفعل عد كلمته مااتخله عني ارجل منك وحظرته وصرت مااهتمله ابد وحبيت غيره انسان بمعنى الكلمه حبني وعشقني بضمير واخلاص وحاليا اني مخطوبه ووره العيد ازوج

الخلاصه/حبايب نصيحه من اتحبون اختارو الشخص الصح المشاعره صادقه يخاف الله ولاتعتقد تلعب بمشاعر ابنيه وتخلص لا عزيزي اعمل ماشئت ف كما تدين تدان حتى ولو بعد حين حافظو ع التحبوهم حتى اخر نفس والا اتركو الناس بحالها مو سهل كسر الخواطر وكولشي يم الله ميضيع
الموفقيه للجميع
اتمنالكم قراءه ممتعه