رواية قصص رومانسيه الفصل الخامس والثلاثون 35 - بقلم الحساب مغلق

للكاتبه Noor flower

قصتي ‏بدت من اني بطن امي
اني اسمي زمن
احجي قصتي وأبدا قبل لا انولد
امي شابه كلش جميله ورشيقه وعليها جسم ممشوق
كانت يتيمه بس عندها اخو وحيد خالي ستار
امي اسمها امنه امي ازوجت ابن عمتها
الي هو والدي كان شاب وسيم كان جندي بالجيش العراقي
أهل أبوي ناس فقره ع كل حالهم يعني ع كد الاكل شغل جدي يبيع جكاير يعني عنده بسطه
وعنده اربع بنات وولد ........ وهو والدي
بيبيتي. كانت رايده بت اخواها أمنه الى محمد.
كانت امي عمرها ١٤ سنه
حضر جهاز العرس وازوجت امي ع ابويه
كأنو ابويه عمره ٢٠ سنه وامي ١٤
كانت امي قاصر يعني ماكو عقد محكمه
عقد سيد
احنا مجتمعنا هذه عقد سيد ومشى الحال
كانت احلا سنين عمر امي............... ابويه يحب امي للدرجه
يجي بااجازه ويروح
رغم كانت ام أبوي عمت امي ...........لكن كانت قاسيه
وشريره وداىما تذمر وتحجي واطلع مشاكل من جوه الگاع
بس امي صابره ....... لان لا عندها احد تشتكيله
وتتحمل لان ابويه كلش زين وياها
سنه سنتين امي حبلت بيه ٤ اشهر
جابو ابويه شهيد
امي كصت شعرها الى ابويه
وترملت وهي شابه
جدو سوه معامله الشهيد
افلوس وأبيت وسياره
طمعو بالفلوس ونكرو امي كانت زوجته
بكل الطرق امي حاولت لكن همه نكرو زواج امي ع الفلوس
وطردوها

امي وره خمس شهور امي جابتني رجعت حجت وياهم
كالت اني كلشي مااريد بس هاي بتكم لحمكم
ابد ولا اتحرك للهم ساكن
طردو امي
امي سجلتني باسم خالي وزوجته
خالي وضعه موزين عنده ٣ جهال وغرفه وهول بقت امي متحمله الذله والمرار
امي بعدهي شابه وجميله
صار عمري خمس سنوات
عندي ذاكره بس مو قويه. بس اذكر كنت ابقى يم اولاد خالي وامي اتروح اتبيع بالسوك كان عدها بسطه مال بخور وشغلات أعشاب كان قريب علينه سوگ شعبي
فكانو يضربوني وياخذون الأكل مني
وفد يوم رجعت امي لكت ابن خالي ضارب عيني بالخاشوكه مال الاكل و٤ اخيطات
طبعا امي حظنتي وظلت تبجي وادعي ع جدو وبيبتي
وتبجي
مرت خالي ماعجبها الوضع كالت اذا تردين آخذي بتج وياج هم نزل وهم يدبج ع السطع
امي شافت الظيم والضلايم
كان الكل طامع باامي رغم هي لابسه اسود بأسود
ولا فد يوم شفت امي فرحانه وتضحك كله تبجي اني وياها انام باب المطبخ
وانكوم من الغبشه
لان خالي يكعد غبشه يشتغل عماله
استمر حالنا ماتكدر امي حتى ادخلني مدرسه
كان اكبال بسطيه امي امراه معيديه اتبيع
گيمر العرب ولبن وحليب يعني هاي شغلتهم
كان يجي زوجها الصبح ينزلها بالبيكم مالته
ويرجع الظهرر ياخذها
كان عيني ع امي
كم مره يحجي وامي ترفض
لكن بعد ماشدت مرت خالي ويه امي
امي قررت اي واحد يجي تقبل بيه
وهذه المعيد يلح ع امي
كان اسمه ابو رزاق حجي دوحي
كان دائما يدز مرته ع امي حتى تقنعها بزواج من دوحي
ومرت يجي يحجي لامي اسويلج واسويلج وأخلي بتج عندك واامن مستقبلها
طبعا امي كانت تتمنى يصير عندي اخوه وأخوات ويانا
كانت اتكول
يمه مااريد اتعيشين بالحياه وحيده.
اريد اخوه وأخوات تره ذوله عزوه
امي اشويه لانت كالت انطوني فرصه افكر كأني حجي دوحي رجل عمره خمسين او اكثر كان صاحب حلال يعني جاموس وهو معيدي بس كان يعيش في بغداد منطقه اسمه الفضيله
امي كالت أنطوني مهله افكر بالموضوع
رجعت امي كالت الخالي
خالي كالها انتي بعد بكيفج هاي حياتك بس لاتنسين هذول معدان غير طبعنا
ناس عدهم حلال.
امي ردت ع خالي كالت باجر اروح العيالي
تقصد جدو وبيبتي الي طردوها قبل عشر سنوات
رحنه اني وامي طبعا اني افتهم ودخلت مدرسه بس عن كبر
يعني الي بعمري بالثالث والرابع
اذا كنت ذكيه رغم كوه أقره بس اتعلَّم من امي
امي شاطره
بكلشي بس ماعدها حظ
امي دورت العنوان وراحت
بيت جبير وبيه محل
دخلت ع المحل بيه رجل عمتي
شاف امي فز وسلم ودخلها عليهم
كان بالبيت جدو وبيبتي وعمتي وأولادها
هما شافو امي وصار الحجي ع امي

انتي لمن جايه ظلو يصيحون عليها وهي تبجي كالت اني مااريد شي بس هاي بتكم حرام عليكم ع مود الفلوس هيج تتبرون
جدو ساكت بس ادموعه تنزل
لكن بيبي وعمتي
يصيحون يابت هاي الي تبلينه بيها
يالله طلعي
وطردو امي
امي حظنتني وظلت تبجي وتدعي ربي العالمين ياخذ حقه وحقي
ذاك اليوم امي رجعت مكسورة مهضومه حست ان الدنيا وكفت بيها
بالليل كاعده اصلي وتبجي فزيت لكيتها ع السجاده
رحت يمها حظنتها
كالت يمه زمن هسه انت تفهمين شنو راح احجي
وصدكي هذه الي أسويها ع مودج وع مود يكون عندج اخ او اخت
وابد مااعوفج ولا أتخلى. عنج
اني بس اباوع بعيونها
كتلها ماما اني نعسانه
رحنه نمنه
وره يومين شفت اجه حجي دوحي وياه رياجيل خطبو امي
وره تقريبا شهر. امي ازوجت اني بقيت يم بيت خالي لمده اسبوع
وبعدين امي اجت اخذتني
عاد اهنا بدا حياه جديده متعبه لامي كان بيت ابو رزاق او حجي دوحي
كلش جبير عنده ولد اكبار مزوجين وعنده بنات هم مزوجات أولاده الي مزوجين وياهم بالبيت
كان عدهم جواميس هواي
امي عدها غرفه معزوله عن البيت
اني وياها بالغرفه
كانت حياه امي عباره عن ركضه من الفجر الى الساعه ١٢ بالليل اتنام
مرت الحجي وهي رسميه كانت شريره ومعاديه امي
ودائما للسانها يذب
حجي أشكال وألوان
لكن امي كانت صبوره وكانت مدلله الحجي كلش حصه الحب كانت لامي
وره سنه زواج امي حبلت وجابت امين
صار عمر امين سنتين جابت مراد
الحمد الله امي كانت كلش فرحانه صار عندي اثنين اخوه اني كملت ثالث متوسط وردت ادخل معهد معلمات
زوج امي عارض كعدت بالبيت
كنت اساعد امي بالشغل وبتربيه اخواني
زوجت زوج امي كبرت بعد ماتكدر تطلع اتبيع الگيمر
الحجي جبر امي هي الي تطلع يوميه الصبح اتبيع الگيمر
بعد امي مجبوره اسوي كلشي
كانت تطلع الصبح ترجع ع ال١١ تكون باعت كل الگيمر
استمر هذه إلحاله للحد ماصار عمري ١٨ سنه اخواني دخلو مدارس اني كبرت وصرت شابه
وملامحي جميله
كان عند الحجي ابن مزوج لكن كان عيني عليه
طبعا كأنو كلهم مايشتغلون كلمن حلاله والنسوان هي الي تشتغل اتبيع الكيمر واللبن
لكن اني هذه منذر كان يلاحقني وين مااروح
امي من مصرف البيت جمعت كم فلس
بنت ويه غرفتها غرفه ثانيه وهول وملحقتها
صار عدنه بيت اصغير لكن معزول شويه
استمرت الحياه يوم حلو ويوم مر ومرات هدوء ومرات مشاكل
اشوف امي يوم ع يوم تذبل وتتعب كان عليها اهواي شغل وهي متحمله ع مودي اني بالذات
صرت اني أقوم بكل اعمال امي واساعدها
كان يجون عليه خطابه لكن معدان واني ارفض
ومرات هذه منذر واكفلي بالصغيره والجبيره
وهو مزوج اقربائهم وهي ويانا بالبيت
امي صار بيه مرض المفاصل ماتكدر تطلع تمشي اتبيع
وهمه عيشتهم ع البيع
لحد مااجت رسميه وكالت لامي خلي بتج اتبيع كيمر شنو شغلها اهنا
امي رفضت لكن صار صياح ومشاكل وزوج امي طبگ ويه مرته. شفت امي مقهورة وتبجي
اني كتلها ميخالف ماما
اني اكدر أبيع. اتعلَّم. وأبيع
رفضت بلاول لكن اني لحيت عليها

علمتني الطريقه وبديت أبيع الگيمر
اول يوم طلعت امي وياي
كانت تكعد يم فرن للصمون وتعلمت هذه الكار
استمريت أبيع الكيمر

كنت اكعد باب الفرن وابيع كان الجميع يشتري مني اني لبقه واضحك واسولف
صاحب الفرن حجي فنجان إنسان طيب وحنون وكان يوميه اني وياه نتريك مني الكيمر ومنه الصمون وجاي
استمر الحال كان هو حاميني من عيون الناس الي يضنون بيه سوء او غير تفكير
يوميه اجي أبيع كل الكيمر واللبن
حتى بدا يزيدون الكميه الي أبيعها
اتعلَّم هذه الكار لكني قويه ومحافضه ع روحي
وكان الي حصه من البيع
جمعت مبلغ زين خلال سنه
كان عامل بالفرن اسمه محمد يحاول يتقرب منه
ويريد يحجي وياي اني ماانطي مجال
ابد
الناس تنظر اليه بعين المعيديه الي ماتفتهم شي
لكن اني كنت مثقفه اقراء واكتب وأحب اطلع
كان حجي فنجان يحجيلي قصص طبعا هو هواي يحجي
بس اني اتعودت عليها
كان عندي معاميل يشترون مني ناس كلش راقيين من ظمنهم حجيه يوميه تشتري مني ربع كيلو
وتبقى كاعده اسولف الي ع حياتها وع اابنها وبتها

حجي اشو ام حمزه ماكو صار يوميه
بويه يكولون بيه جلطه خطيه ونايمه
يااا حجي خطيه
لو ماعيب جان رحت زرتها وسالت عليها
روحي بويه خوش ناس همه عائله معروفه
سلملي وتعالي
صدك حجي يعني مو زحمه
لأبويه زياره المريض رحمه
خوش اخلص البيع وأمر عليها
كان بيت ام حمزه نهايه الفرع الثاني مال الفرن
خلص الكيمر الي عندي وأمنت الأغراض عند الحجي ورحت
اول مره أسويها بس الحجيه صديقتي صااار سنه
ومريضه
دكيت الباب طلع ولد شاب هيبه الجمال والطول والهيبه
نعم اختي اتفضلي
هذه بيت ام حمزه.
اي نعم اختي. شرايده
اريد أشوفها
كللها زمن
صار هسه أكلها
دخل اشويه ورجع كال اتفضلي اختي
دخلت البيت يخبل من اثاث ومن ديكورات بس البيت فارغ
الولد يمشي واني ورآه
دخلت غرفتها كانت كاعده ع الجربايه
هلا يمه كل الهلا صارت زحمه
لا حجيه والله بالي يمج وحبيت ازورج
كل الهلا
كعدت يمها وبدا اسولف ع مرضها
اشويه وقدملي الولد كلاصً عصير
ظليت اشويه وطلعت قبل لا طلع كالت يمه زمن اريد يوميه ربع كيمر

انتي اجيبه اني مابيه حيّل
واني انطيج افلوسه مرتين
طبعا اني كيفت
هم أبيع كيمر وهم اباوع ع هاي الجهره الي اتخبل
رادت اتوصلني ماخليتها
صاحت يومه حمزه تعال وصل زمن
عرفت اسمه حمزه
طبعا عبالك عمري ماشيفه شباب
كان رزن وابد ماباوع شكلي

اني ظليت اتخيل وأحلم
ضليت يوميه اجيب گيمر للحجيه
هو يفتحلي الباب ويأخذه. مرات الحجيه نايمه
ومرات الحجيه تاخذه مني وهي تتوجه ع عكازه
واني أظل اعيوني تلصلص منا ومنا
بلكي اشوفه
ماكو
اتعودت اضم حصه الحجيه ام حمزه
رحت ادك الباب. طلع حمزه
كلبي من اشوفه يطير من الفرحه الله ع طوله
ومن اشوفه يطير الحجي مني الساني
اني كنت ادخل بالطرمه وانزل الصينيه وانطيه الكيمر
يوم ع يوم
بدا يحجي وأظل اشويه اسولف
هو ولا مهتم بيه بس هيج سوالف ع الكيمر وللبن
لكن اني اجيب السوالف من جوه الكاع
هو كلش محترم ومؤدب
أني سألته ع الحجيه كال امي تعبانه ويرادلها مداراه وراحت يم اختي لان امي سوت عمليه للرجليها
صرت اعشق حمزه بس اريد يوميه اشوفه
كان هذه محمد العامل يراقبني.
من أبيع للبيت الحجيه
ويكلي شعدج ترحين اهلج موكالولج اهنا اكعدي بيعي
وانت شعليك اخاف انت ابن عمي لو كراييي وماادري خليك بحالك احسلك
انت بس اقبلي واني أصير كلشي
باوعتله من فوك لليجوه ياأخي انت ماتنجرع
أجدال داىما ويه محمد
لكن محمد كان حاقد وشرير ماكنت اعرف راح يضملي شي

خلصت الكيمر مثل كل مره واني ظامه لحمزه الكيمر مالته من اخلص امر انطيه
دكيت الباب طلع
هلو زمان اجيتي بوگتج
صباح الخير الحجيه شلونها.
الحمد الله احسن وهسه تمشي ان شالله اسبوع الأخ تجي
صدك الحمد الله وضليت اماطل بالحجي حتى ابقى مده أطول اتفرج عليه وع جماله
وهو كاعد ع الكرسي ويسولف وياي
بهاي للحظه مااحس ال الباب ندفر الباب وماشوف. ال حجي دوحي واثنين من ولده منذر وراهي كبل رمو ليفوك
هو فز كبل منذر جرني من شعري. وكالو لحمزه احنا كوام
اني لزمت أيد منذر خير اشبيكم
كبل هذه دُفر بيه وطلعوني من بيت حمزه وظل زوج امي يحجي وياه ويصيح اني بعد صعدوني بالبيكم ويفشر منذر عليه وع امي
اشويه واجه رجل امي هم ينعل تفل عليه. وكال ساقطه ناقصه
يابه غير اريد اعرف شكو شبيكم
يوميه ادخلين بهذه البيت انت وهذه الولد
والله عمي أبيع الهم. منذر كبل بوكس ع حلكي
حلكي يجري دم وابجي محد يصدك

اني حمزه عمري ٣٢ معيد بالجامعه التكنلوجيه
اعيش ويه والدتي وعندي اخت مزوجه
احنا ناس مستورين وماعدنه اي مشاكل ولا انحب المشاكل
اني عندي علاقه ويه طالبه بالكليه دائما اشتري من هاي المعيديه كيمر وتجي البنيه وتطلع باادب صح هي تحجي هواي بس مؤدبه وبعدين هي معيديه منو يباوع لشكله
دخلو علينه اَهلها واني داشتري گيمر وكبّل هددوني لو اجيب عمامي لو يگتلوني
اتصل بعمي. كتله عمي هيج وهيج الشغله
عمي كال المعدان مخابيل وكلشي يسون
شنو تنصحني عمي
اروح لبيت عمك ونجيك العصر وونحجي

وصلت للبيت ويسحبون بيه. امي لكيتها بالباب
تبجي واخواني يمها ونسوان ولد رسميه ملتمات
كلهن ورسميه فرحانه. دخلون سحل من شعري وادفر ومسبه وغلط
كال لامي خليها بلحضيره مال الجواميس. واكطعي عليها الزاد
امي تتوسل بالحجي فدوه حجي
كتله يمه اني شمسويه. ليش هيج وياي
أخذوني.... وذبوني يم الهوايش
وكمت املخ بروحي وابجي. واعيط واصيح
محد بحالي

بالليل واجتني امي وشبكتني وجابتلي مي
يمه شكو فدوه. .... اني كلشي مامسويه
اعرف يمه انتي تربيتي
لعد يمه ليش هيج وياي
يمه هذه محمد. اجه حجه عليج وهاي مرت منذر كالت اي هي اسولفلي اسرارها وعده علاقه بالولد
ياااا يمه اني ماحجيه ويه اي احد ناس ابيعلهم وهذه كل الي صار
يمه هاي الي ماعدها والي
يمه الله والينا حظنتي وظلت تبجي واني ابجي
صاح عليها رجلها امينه شعدج يم هاي .... الگ.......
امي كالت بنتي مو گ... بتي اشرف من الشرف
واسمع ينعل بيها ويضرب بيها ويكولها تره اطردج انت وبنتج وأخذ ولدي
امي بس تبجي لاحول ولا قوه
بقيت ع الحال اسبوع. الى ان اسمع هوسه وناس
اجه الود. حمزه دفع فصل ١٠ ملايين ويعقد عليه
هو يصحح الغلطة كدام الناس
اجه الولد عقد عليه
واتفقو ثاني يوم يجي عمه يأخذني
بإصخام الوجه باي وجه اقابلهم هو والحجيه
امي سلمت عليه كالت راح يجي الرجال ياخذج للبيت الولد
يمه شلون لااعرفهم لا يعرفوني شلون فدوه
امي بس تبجي
كتله يمه بالخانه مالتي اني مجمعه ٥٠٠ انطينياهن
امي راحت اجيبهن
اني فكرت من اطلع منا اشرد اروح لأي مكان

امي انطتني الفلوس
وكال يمه زمن صيري قويه بلكي الله يهدي الولد وتبقين عده
اني ساكته وادموعي تجري ابجي ع امي لو ع حظي لو ع سمعتي الي خربوها
حالي يبجي الحجر حزن وألم وقهر ومجهول
اجوي عليه اثنين رياجيل كعدو وإجت امي انطتني العبايه والربطه واجيت يمهم سلمو واخذو ورحت
أخذوني للبيت ام حمزه
دخلو وكالولي تعالي ورآنا
لكيت عدهم ناس وخطار وشفت الحجيه والله من الخجل مااكدر أصد عليها
كالو ادخلي دخلولي بالهول
وظلو يحجون ويكلون هيج سوه وهيج
واني مثل الأطرش بالزفه .........
كاعده ومتلفلفه بالعبايه والربطه وأبدا مااتحركت من مكاني
ناس بدا اتروح بقت بس ابنيه هي واطفاله
والحجيه وحمزه .........،،.
اجت عليه البنيه كالت شنو اسمج
زمن
تعالي عيني تعالي
كالت شوفي من وراج صار الي صار راح تبقين اهنا كم يوم ويرجعج اخًويه منين اجيتي كافي علينه دفعه ١٠ ملايين

ومامسوح تكمشين اي شي من البيت
وراح ادليج وين اتنامين .... ودير بالج ايشوفج حمزه تره كلش شايل عليج
اني من سمعت هذه الحجي اخاف جنت مرعوبه وخايفه صرت بالزايد
كتلها اي
كالت لاتكولين اي كولي نعم
نعم
أخذتني للغرفه الي مخصصينه الي غرفه حلوه بيها جربايه نَفَر وكنتور ابو خانه وميز حلووو غرفه اتخبل
طبعا اني كلشي ماعندي بطرك عبايه حمره وربطه جربه كنت البسهن للشغل
ومن ذاك اليوم ابد لا بدلت ولا سبحت
كعدت ع الجربايه واني مستحيه مدري خايفه
كمت ابجي ومخليه ايدي ع وجي
اسمع حمزه يغلط وينعل بيه ويصيح المعدان
مسويها فلم عليه
واني ابجي ياااارب خلصني من هاي المحنه
اشويه انفتح الباب عليه. الحجيه ام حمزه كوه تمشي المراءه هسه طالعه من عمليه وأجاتها هاي المصيبه .......
دخلت عليه بس وجه معقج ومكلوب
ياستار ياربي
هااا لعبتيها صحيح بت المعدان

طبعا اني اهنا خفت وكبّل كتلها خاله والي مالي دخل بالي صار شي غصب عليه
لا غصب ولا هم يحزنون شوفي اهنا تبقين شهر وترجعين
والفلوس الخلف بالله .........
خاله اذا تردين هسه اروح والله وبعد ابد مااشوفون وجي
بجيت بكل حركه ودنكت ع رجلها. كالت اطلعي روحي ويه كوثر ادليج ع البيت......... كتلها صار
لفلفت روحي بالعبايه
صاحت انزعي هاي العبايه تقبض الروح بيها
طلعت بطرك. دشداشتي
كالت هذه المطبخ وهاي الأدوات وهذه الشكر والشاي.
ودخلتني ع غرفه الحجيه طبعا غرفت الحجيه اعرفها
المهم فرتني ع البيت
طبعا اني ولا مركزه ع شي أكلها اي بس بالي ولا يمها
هي كانت مسويه عشى مكليه عروك وكبه ولوبيا مسويه صينيتين صينيه جبيره وصينيين اصغيره
كالت شيلي الصينيه الجبيره خذيها يم امي .......
شلتها ورحت بغرفه الحجيه خليتها بالكاع.
وإجت البنيه صاحت عليه الحجيه كوثر
كالت انطني افرغ اكل لامي بالماعون
اتعشو واني مامديت ايدي .... استحي والله عيني ماشلتها من الكاع
كالت كوثر مدي ايدج وأكلي انتي من الظهر مامكله شي
اشرت كتلها شبعانه مديت ايدي ع ألمي وشربت
محد لح عليه ...... خلصو عشه كالت تعالي انغسل المواعين
رحت وياها
ظلت تحجي كالت آكلي لاتستحين وإذا سمعتي حجي من حمزه لو امي لا اجاوبين همه طيبين وهسه هذا المشكله والمصيبه الي همه بيها مو اشويه
اني دمعت اعيوني وكتله والله اني مالي دخل
اني حالي حالهم ...... كالت ليش غير همه اهلج
بجيت وكمت اشهك
كالت كافي كافي بجي .... انتي عندج اهدوم غير الي لابستهم
اشرت براسي. يعني لا
كالت وجه عيني بيه ريحه اهدومج
شوفي اني عندي دشداشه روحي أكو حمام فوك محد يستعمله روحي بيه
راحت للغرفه طلعت دشداشه كودري مشجره ماروني
كالت اغسلي ملابسج الداخليه وشريهم بالحمام
لحد مانطلع للسوك واشتريلج ملابس
اني بس أحرك راسي
اخذت الدشداشه وصعدت ورآها دخلت الحمام
صار ٨ ايام مامخليه مي ع راسي
ظليت كاعده جوه الدوش نص ساعه ابجي ونفس الوقت مرتاحه ع ألمي الحار
خلصت لبست الدشادشه جوه الرگبه ونص أردن اني عمري كله ملابسه هيج استحي مشطت شعري سويته كصيبه كان شعري طويل واسود بقيت كاعده ع بآيات الدرج الي ع البيتونه استحي انزل .....
تقريبا نص ساعه صعدت كوثر بالعافيه. هاي ليش اتاخرت ولويش اهنا كاعده
مااا استحي اني ملابسه هيج ملابس
زمن والله العظيم ا حلوووه لعد جنتي ملفلفه بالربطه والملابس الي تلعب النفس ....
استحيت من كلامها
كالت يالله يالله انزلي امي وحدها
اني راح يجي عليه مصطفى وأروح
نزلت واني الملم بروحي واباوع اخاف احد يباوع عليه .......
اكعدي اشبيج اهنا بالهول ظليت امبسمره وكاعده هدوء كلش اشويه طلعت كوثر وسلمت عليه
كالت زمن اجه زوجي وراح اروح باجر اجي اني واولادي
روحي يم امي نامي لاتخافين تتحملي.
حسيت كلامه قواني هي كانت كلش حبابه وياي
طلعت وسدت الباب
اني كاعده ع القنفه ..... واحجي ويه روحي يااارب ساعدني حنن گلوب البشر عليه انت تعرف بحالي
اشويه واشوف الحجيه ام حمزه طلعت تتوجه ع العكازه مالته شافتني جفلت
ياااا بت المعدان
اي خاله اني زمن
هااا سبحتي وذبيتي وصاختك كتلها اي
مو كلام احس خناجر
طلعت كبل قفلت الباب وره بتها
كالت جيبلي كلاصً مي
رحت للمطبخ جبت اكلاص وعدهم براد جبت منه مي
دخلت للغرفه مال الحجيه
هاج خاله ألمي ..... انطني هذيج سلته الدواء
اي خاله هاج .........
شربت دواء كالت زمن جيبي هذاك المندر واهنا

نامي اني هم كله اي وحاضر
فرشت الفراش الي ونمت بس أبدا ماغمضت عيني
بس ابجي بسكوت وادوموعي تجري افكر وين جانتلي هاي المصيبه
امي شلون حالها وإخوتي ..........
ماحس ال صوت الديج اصيح فزيت طبعا اني معلمه اكعد من الصبح

رحت للحمام وبعدين رحت ع المطبخ فتحت الثلاجة لان احس روحي ميته جوع طلعت خبز وطماطيه واكل بسرعه اخاف احد يجي
مااشوف ال واحد اكبالي يباوع عليه
اني كبل غصيت بالكمه وحشرت بالعومي غير اريد اتنفس
هو بلاول ماعرفني بعدين ركز برطم ودار وجه وراح
بس اني احس الدنيا صارت بزف أبره ركضت ع ألمي وشربت اشاهدت نسيت حمزه ومصيبتي
كبل طفرت ع الغرفه مال الحجيه وكعدت ع الفراش
جاي امدد شفتها فزت
كالت انتي انتي
هاااا حجيه اني كاعده
كالت انطيني العكازه اني طفرت كومته ورحت وياها للحمام
كالت خلي القوري ع النار
خليته وحضرت الريوك طكيت البيض وجبته الها
كالت اتريكي وياي مايصير اظلين بلا اكل
اني هم اتريكت وشربت جاي
ظلت اسولف ع الطلايب والفصول وكله هذه حرام بشرع الله
اي مافتحتها حلكي بكلمه بس اكول حقهم ...........
ناس تحتهم مصيبه لاعلى البال والى ع الخاطر
خلصنه ريوك شلت الصينيه وطلعت بالباب واشوف حمزه يسويله ريوك اني بصينيتي رجعت للغرفه
وظليت كاعده كالت هااا شكو
كتله بعد اشويه وأروح اخاف من حمزه
دنكت وسكتت
كل اشويه اباوع من الباب ...... شفته طلع باوعت ع الساعه ٧:١٥
الحمد الله ماكو احد بالبيت بس اني والحجيه
كمت اتفرج ع البيت حلوووو أحب بيتهم. جنت أتمنى ادخل بيه واني عروس ام البيت
بس همه وين واني وين كله يصيحون بت المعدان
اووف ياااارب
دخلت غسلت مواعين الريوك رحت ع الحجيه سألتها. اكدر اطبخ
صدك تعرفين
اي خاله كلشي اعرف اطبخ وأخبز
زين اكو أفخاذ طلعيهم ونكعيهن وسويهم تشريب وياه تمن شعريه
اي صار. طبعا من كالت سوي. احس روحي ردت
كمت سويت مثل ماكالت ورجعت عزلت ومسحت الميوزه والجام
صاحت عليه تعالي انطيني الدواء انطيتها
طبخت وكملت وادعي رب العالمين الطبخ يعجبهم
صارت ب١٢ الحجيه كالت صبيلي غداء صبيت واني اقراءه آيات
وديته الها كالت تعالي آكلي. كتله اكل بالمطبخ
اكلت واشوفها خلصت التشريب كله واني منتظره تحجي اتكول طيب مو طيب ولاحجت كلمه
بس كالت لاتخافين مواعين وصخه
كتله حاضر
خلصت الشغل واني عجبتني الدشداشه الي جوه الركبه والنص اردان كانت عدهم مرايه بالمدخل كل شويه واباوع ع روحي
واشوف وجي بعده مزورك من كتل المعدان
حتى اني هم اصيحهم المعدان
وره الضهر الباب أندك طلعت الحجيه وفتح الباب
كوثر وياها اولادها
سلمت ع أمها
هلو زمن شلونج
الحمد الله
الله هذوله اولادج الله يخليهم اي علا وعلاء اولادي
طبعا كلش حلوين ومحبوبين الولد ٦ سنوات والبنيه ٧
سلمت ع أمها وصاحت عليه تعالي زمن
شوفي شنو جبتلج
جايبه ملابس الي ودشاديش كلش حلوات
كالت زمن هذوله نصهم مالتي روحي صعديهم بالغرفه مالتج وتعالي
اني مثل ماكالت صعدت فوك
وشفت الملابس حلوه وبيها اتركسود حلو وملابس داخليه
نزلت لكيت كوثر أصب اكل الها وأولادها.
اكلت .........الله هاي شنو الاكل الطيب ماشالله نفسج بلاكل كلش طيبه
كلمه طيبه بحقي ..... كتلها شكرا
فرحت هواي
كالت سوي جاي وتعالي نشرب يم امي
سويت وجبته يم الحجيه
كالت اكعدي
كالت زمن امي اتريد تحجي وياج
نعم
كالت شوفي احنا ماعدنه ذنب وصار الي صار
دفعنه افلوس اهواي وسمعتنه خربت حتى بيتنا عرضناه للبيع من وراج
اني كاطعتها ،،،،، والله خاله اني مالي دخل ولا اعرف
شوفي تعرفين ماتعرفين هو صار الي صار
بس اني يابت الناس تبقين اهنا ٣ اشهر وارجعح لاهلج
احنا سوينه الي رادوه وشئ صار غصبن عليه بعد ورطه ويه المعدان
خاله تره اني مو معيديه وهذوله مو اهلي
يااا شلون بالله
وحجيت القصه مالتي

تقريبا شهر لكو بيت بغير منطقه شالو واني وياهم البيت كله ع راسي وحمزه من يشوفني يتفل بالكاع
ويظل يفشر عليه
اني كمت أتهرب منه يعني اذا هو موجود مااخليه يشوفني
البيت كان مو كلش جبير بيه غرفتين فوك وغرفه وهول واستقبال جوه وبيه بلكونه كان طراز حديث
الحجيه تحجي ودردم ع البيت وهو هم كله هذه يحسسوني بالذنب اني شعليه
هالمره اني رتبت البيت وعزلت تقريبا اسبوع
كل شي سويته
واطبخ وأسبح الحجيه
اشوف الحجيه كامت تتود الي
صحتها بدا ترجع الها وتجي بتهم تبقى يومين واتروح ال حمزه يشوف العمى ومايشوفني
الحجيه
زمن تعالي هااا خاله اليوم اخذج اشتريلج اهدوم
صدك خاله
اي صدك كملي غداج من وكت وانروح الظهرقبل جيت حمزه
اي صار
فرحه الحمد الله اكسب العجوز بلكي ربي يلطف بحالي
طبعا اني من كثر مايصدني حمزه مشاعري بدا تتغير
صرت أتهرب منه
رحنه للسوك واشترتلي ملابس وشغلات وملابس طلعه كالت ذبي العبايه عود من ترجعين لاهلج لبسيها
كسرت واهسي بهاي الحجايه
رجعنه واني مقهوره يعني هم ارجع لبيت دوحي
بعدين كلت كافي خلي لي يصير يصير متت والله العظيم واحد يذبني ع الاخ
اخذت الملابس صعدتهم فوك طبعا الحمام واحد فوك بين غرفتي وغرفت حمزه
صعدت سبحت والبست اترك يخبل وردي. وسويت كصيبه هنديه
وكاعده اغسل الهدوم
مااحس ال دخل الحمام
واتنحنح كال اريد ادخل الحمام
اي هسه اطلع
طلعت وهو دخل
يسبح ًاني كمت اصنط من وره الباب اشلون يسبح
وافكررر. هو كبل طلع شافني واني بعد ياكاع انشكي وبلعيني. باوع عليه وكال شلون اخلاق بعد لاتستخدمين هذه الحمام اكو واحد جوه
كتله اي ونزلت
مشت الأيام
اتعودت ع البيت وحبيته
والحجيه اتعودت عليه والله فتح عليهم طلع ورث جدهم وحصلو ب١٠٠ مليون خير
حتى الحجيه اتكله هاي كصتها خير علينه
صار شهرين ونص
كالت الحجيه زمن يمه عدلي روحج سوي من هاي النسوان أسويها
ليش خاله
والله يازمن شين الي تعرفه احس من زين الي ماتعرفه يعني شنو بلكي حمزه مايطلكج واتظلين يمنه
طبعا قصدها اخدم ولو بيني وبين نفسي ياريت
وبهذه الحجي انطتني الضوء الأخضر
اني احبه حب وهو بكد هذه الحب كره الي .....شلون احلها
شلت همي بكلبي وكلت استحمل
خلص ال٣ اشهر
واجه يوم يفل العقد ويطلك
ذاك اليوم كال لامه يمه راح اطلكها هاي جبل ع كلبي ..................
طبعا الحجي اني اسمعه بس احس روحي اتريد تطلع وكلبي من الساعه يريد يطلع
امه صاحته ودخلو للغرفه مالتهم طلع باوع عليه وتفل بوجي ..... مسحت وجه واستغفرت ربي
اني هم قررت اخلص نفسي
دخلت عليها
كتله خاله انتي ماقصرتي والي سويته محد مسويه بس اني اريد اروح
كالت ووين اتولين عدة احد
كتله لا اروح لاهلي البيت جدي غصبا عليهم
باوعت عليه بتعجب كالت انتي مو حجيت اهلج مايعترفون بيج
رجعت حجيت القصه كلها من جديد ......... سبحان الله لمن تحجي للواحد يكرهك حتى لو صدك حجيك مايصدك
لو تحجي للواحد يحبك حتى لو جذب يصدكك
اشو اني احجي وهي ادموعها أصب وتبجي
يامغير الأحوال من حال الى حال
كالت شوفي زمن. اذا أوديج لاهلج بس انتي تندليهم ؟
لا مااندل من عمري عشر سنوات بعد ماشفته
امج تندلهم ؟
اي اني يمكن تندلهم
زمن العصر انروح لامج ناخذ العنوان
صدك خاله لا لا والله من الفرحه حظنتها بدون شعور
هي ظلت تظحك اي صدك
اني فرحانه اشوف امي گلبي يوجعني ع شوفتها
كملت شغل اجه حمزه صبيت غداء طبعا فرحانه اني وملايانه طاقه
خليت الغداء ودرت وجي ورحت
كال...... هاي انتي وين لمي
اشرت بيدي بلاحجي ع الميز اكو بطل ميز
مو احجي وياج اريد دولكه مي بارد
رحت جبت دولكه وكلاص وخليتهم يمه
وهو يباوع بطرف عين
اني هزيت ايدي وطلعت
ظل يحجي ويلغي عليه اني اباوع عليه وآهز ايدي اج صار العصر اجرت تكسي ام حمزه
ورحنه للفضيله
كالت اني ابقى بالتكسي وانتي أنزلي جيبي العنوان
اني لابسه نفنوف طويل وربطه مرهمته وياه وصحيح اشتغل بالبيت بس مرتاحه بشرتي وشكلي متغرين
دكيت الباب فتحو
رحت ع امي شافتني
يمه بنتي اني هم حظنتها اخواني اجوني حضنوني
اجت رسميه هاااااا بت امينه صارت مراه
اني مراه غصبن ع الاكل
ياااا وللسانها طايل
حجيت لامي بسرعه كتله تره الحجيه
وياي واني مستعجله
هاااا يمه خير اشبيج
يمه اريد عنوان أهل ابويه
شنو أهل أبوج شنو صار ليش امي ب حيره واستغراب
يمه فدوه اروحلج اريد العنوان وخلص
والحجيه بالتكسي
انطتني العنوان اخذت وطلعت امي وياي طلعت وسلمت ع الحجيه تتفضلو مايصير تبقين بالسياره
لاعيني ام زمن احنا مستعجلين
سلمت ع امي. وابد ماحجيت وياها ع أيه موضوع
اخذت العنوان ورجعنا للبيت
اني فرحانه بداخلي لكن احسن گلبي اتكطع ع امي
بس خلي اجرب وادور ع اهلي تعبت من بت المعيدي
واني مو معيديه ولا بتهم لكن نصيبي ونصيب امي
هيج قدر ينكتب علينا

خلصت ال٣ اشهر والحجيه أشوفها اتعلقت بيه اني احترمها واعزها وهي اتعاملني معامله مثل بتها
قررت اتروح اتدور ع اهلي. حتى ارجع لهم
اخذنه تكسي ورحنه كأنو بمنطقه النهروان
اهواي ظلينه نفتر ونسأل عليهم
الى ان وصلنه للهم
من بقايا ذاكرتي هيج عدهم محل
طبعا البيت دبل فاليوم وأسواق اتخبل دخلت الحجيه. ع ابو المحل وسلمت
هذه ابو المحل صافن بوجي ويباوع عليه
يااا هذه شبيه شو الحجيه كالت خاله اكدر اكعد
اي حجيه اتفضل وهذه يصد عليه وعيونه بيهن حجي
انطاني مي
وكال حجيه اتفضلي مضيعه احد كالت اي يمه
واشوف اشويه وإجت للمحل مراه جبيره ورجال جبير وبنات واشو ذوله يباعون عليه
المراه كالت خاله هاي بتج
بلا تفاهم
الحجيه ردت اي يمه ليش
خاله هاي البنيه تشبه اختي كلش عبالك هي
الحجيه كالت اريد اليوم اظيفكم
كل الهلا
دخلونا جوه بس العيون اتريد تطلع عليه شنو الفلم مااعرف معقوله عرفوني
دخلنه ماشالله البيت يخبل واهنا
شفت بيبيتي نايمه ع الفراش وماتتحرك ابد
دخلنه ضيفونه وقدمونه جاي وياه حلويات
كالت المراه آمنين أنتم
الحجيه كالت اني راح احجي المن جايه وعدكم الرد
كالت اتفضلي
كالت عدكم اخووو قبل شهيد
كبل طفرت المراءه اي خيه
وعنده زوجه وابنيه
بس الطمع عمانه. وطردناهم
أتعرف عليهم شي
كالت اي انت شصيرين منه كالت اني اخته وهاي امي اشرت عليها وابويه مات وذمم علينه انرجع حلال البنت اني ولدي اثنين بسياره ماتو وامي انشلت وماتتحرك هذه البيت بيته امي وابويه كالو هذه حلال بت محمد
الحجيه كالت احجيلي كل القصه حتى ادليكم عليها
حجيت القصه شلون امي ازوجت ابويه بعقد سيد بس نكرو العقد
الحجيه جرت نفس كالت صدك حجي زمن
صاحت المراه وهي عمتي
اي زمن اسمها زمن
فدوه اروحلج دليني عليهم
اشرت عليه وكالت هاي زمن
طبعا عمتي دنكت ع رجلي
وهاي العجوز الي هي بيبيتي ظلت تتحرك مكانها ....... صارت هوسه وعياط
اني شكد مافرحت وأحس روحي من الفرح طايره
بس عيوني أصب من الحقد عليهم.
اني بلا شعور كمت وصحت ليش هيج ع الفلوس ضيعتو امي واني اني ضعت كبل غمى عليه فزيت ..،،،،، لكيت روحي نايمه ع القنفه والكل. داير مدايري والحجيه ام حمزه يمه زمن اشبيج احس روحي ذابيه مااسيطر ع حالي ابجي ع حياتي
جابولي عصير شربت
رغم اول مره اشوفهم بس حسيت اهلي من صدك
كعدت الحجيه ام حمزه كالت يمه زمن ريه الله بييضه وهذوله اهلج والحمد الله والشكر
كعدنه وبدا ام حمزه تحجي قصتي الي ابسببها اني عدهم والمشكله
بس كالت هاي مرت ابني حمزه
هو حمزه مايطيقني ابد ولا يشوفني
عمتي اخت ابويه كالت شنو تردون احنه حاضرين واني مااعرف شكلج وانتي الج قصر بالجنه
ظلينه عدهم للعصر بعد الكل عندي غربه مالحكت أتعرف عَلَيهِم وكالت لخالتي ام حمزه معزومين الجمعه التجي انتي وزوج زمن راح ادز ع كل اخواتي
كالت ان شالله. طلعنه اني وعمتي
عمتي تحجي وتحمد بيهم اشلون ناس ماشالله
اني الطريق كله فرحانه لان مطلعت جذابه وهسه خلصت من كلمه بت المعدان
دخلنه تلبيت كبل فتح الباب حمزه
سلم ع امه والبسني. كال وين يمه ظل بالي موبيلج
قافل ليش
ياااا يمه عندي شغله خلصته ا
اني هم عندي شغله
كول يمه شنو اني عفتهم يحجون وصعدت ع الدرج بس اتعمدت اصنت عليهم
كال اريد اخطب رنا كافي منتظر هاي المده احبها يمه
اي يوم المنى
الحمد الله بس اني باجر اطلك بت المعدان واخلص منها

يمه حمزه انت تأخذ احجايتي لو لا
اي يمه اكيد
لااطلك زمن يمه ابنيه بت حلال وخادمتنه
يمه انت أشفتي منها وبعدين اني أحب وحده ومتفقين ع الزواج صار سنتين
يمه فكر ياابني وردت عليه مااطلك زمن. خليها تبقى اذا اتحبني
لا يمه اني احبج والله بس ياامي اني هاي البنيه انفرضت عليه فرض ومن ورآها. بعنه بيتنه
يمه شنو انت مجلب بالهلسالفه الكشره يمه البنيه من دخلت علينه الخير اجانه
ههههه انتي هيج تحجين مااصدك
اسمع كلمه مالها ثاني زمن تبقى بهذه البيت وإذا اتريد تزوج بغير مكان ازوج
ليش يمه شنو الي صار ع مود هاي المعيديه
لا تحجي كافي تره اني تعبانه وصحتي موزينه
حجايه منا حجايه منا زعل وطلع حمزه
ياااا كلها من ورآه صارت المشكله
صحيح اني أحب حمزه بس هو حقه اني انفرضت عليه
لازم احجي ويه الحجيه
نزلت كتله خاله ليش هيج ويه حمزه تره هو معذور
يحب البنيه ومتفقين بعد مايصير توكفين بطريقهم
كالت. زمن انتي لاتدخلين بهاي السوالف
سكتت ودرت وجي عليها
كتلها اني اريد اطلگ
هااا زمن ليش هيج تحجين
اي خاله حمزه مايريدني شنو اني ماعندي كرامه ماعندي گلب
اني هم بشر ياخاله وبجيت
كالت كومي كومي اليوم عود احنا فرحانيين احميزه خرب علينا
سوينه جاي وجيبي كعك خلينه نأكل
اني ب دنيا ثانيه دنيا حمزه وزواجه ودنيا الناس الي هسه عرفتهم
يومين حمزه ماكو يم اخته كاعد
اجت كوثر كالت لامها يمه مايصير توكفين بوجه خطيه وبعدين قابل هو ابنيه واجبريه ع زمن
كان اكو انتفاق وخلص
حسيت نفسي لعنه وين ماتروح أصير مشاكل
الحجيه هم اتحب حمزه ابنها الوحيد
كوثر قنعت أمها ع ان تخطب الى البنيه الي يريدها
أقنعت
رجع حمزه فرحان راح يخطب بعد
واني أظل مثل بيت الوقف لا والله
قررت اطلك منه قبل لايخطب
صعد فوك صعدت ورآه
كتله اريد احجي وياك
كال خير
كتله اذا انت متريدني اني مثل وأكثر
واليوم قبل باجر اريد اطلك
كال يالله
اذا تردين هسه اني اطلكج انتي نذير شؤم من عرفتج لليوم وحياتي خربت وآخر شي امي تطردني من وراج شنو شنو سويتليها
طبعا مو حجي خناجر بلكلب
طلكني كال انتي طالق طالق
رغم العذاب والحاله الي كنت بيها بس كنت احس زوجته رغم ماكو اي شي ابينا
بس من طلكني حسيت روحي مذبوحه
رحت للغرفتي وكمت ابجي حيّل
هو طبك الغرفه عليه
سمعت صوت امه زمن تعالي نزلت عيوني مورمه وابجي
كالت تعالي قيسي الظغط طبعا صاعد فول
اشوف المره مدري شنو صار بيها
اتخربطت بيدي
صحت حمزه امك
نزل لاكها بحظني مغمى عليه
للمستشفى كبل
خطيه جلطه ثانيه
بس هالمره قويه
هو ظل يعيط ويبجي واني ابجي بس بسكوت
اشويه وإجت كوثر وضلت تبجي
محد دخل عليها اثنينهم يبجون
بيتوها اني حمزه وكوثر مانمنه ابد ليل كله كاعدين
الصبح طلعوها من العنايه الى الردهه بس بعدهي نايمه
ظلو. يبجون عليها اولادها واني اواسيهم
كانت طيبه وياي وعاملتني احسن معامله صحت اشويه وكالت اني مابيه شي
الحمد الله بدات ترجع صحتها وتحجي بس بصعوبه
كالت زمن ابقي يمي
وانتم روحو
همه اتعجبو
بس كوثر عادي عدها لان تعرف أمها تعزني
كالت زمن دير بالج ع امي
كتلها بعيوني
طبعا حمزه ماقبل يروح بقينه اثنينه
هو مكابلني واني مكابلته
كل اشويه وعيني بعينه
اكو سرير يم سرير امه كال نامي انتي
اني انام ع الكرسي
طبعا اني ولا اهتم وقت الحب مال حمزه راح
كتله اوك
هو ماعجبه الوضع
اني لفيت راسي ونمت
صاحت اهااا
كبل فزيت ع صوتها كتلها هااا خاله
عدلي المخده ظهري كأم يوجعني من النوم اي خاله
راح أفرج ضهرج
كمت أفرج ظهره وهو يباوع
عليه مستغرب
كتله روح نام اني راح ابقى صاحيه
نامي ع السرير
تقريبا بالاربعه الفجر معين نمت ع الكرسي واني كاعده
مااحس ال زمن زمن
اول مره ينطق اسمي بعد المشكله الي صارت
هاااا كومي نامي ع السرير
والحجيه هم كومي نامي
لو روحي للبيت اني زينه روحو للبيت
كتله لا اني ابات هو خلي يروح
اداهرنا اثنينه منويبقى
بقينه تقريبا ٤ طلعت للبيت. واني اهتميت بيها
كمت الحظ حمزه يراقبني من بعيد
طبعا اني هسه طليقته بس امه ماتعرف بالموضوع
بيت عمتي خابرو ع العزيمه يوم الجمعه
كتلهم مريضه .......
ثاني يوم عمتي وزوجها وابنها اجونه يشوفو عمتي
عمتي زينه بس لازم تبقى مرتاحه وبلا تعبدواجهاد
اني استقبلتهم ........ دخلو ورحبت بيهم عمتي جبته للهول وسلمت
سالو ع حمزه وين زوجك ؟

عمتي يمه زمن صحي للرجلج
هااا بتردد اي عمه وبين نفسي شلون هاي الورطه
صعت للدرج واني كلبي مقبوظ شلون راح احجي وياه
دكيت الباب ماكو فتحت الباب نايم
ع الجربايه كان بس بالشورت
اول مره اشوفه حلوووو الله الله والله احبك اشبيك وياي بالله هسه اخنكه وبيني نفسي اكول ياااا اتخبلتي زمن
المهم صحت بصوت عالي حمزه حمزه
هاااا وهو نايم اجوي خطار وأمك أتريد اسلم عليهم
روحي هسه انزل
طلعت بس صاررر عندي احساس نار يااارب شسوي احبه موبيدي
عمه هسه جاي
سويت جاي. وكيك ويظلون يحجون تقريبا ساعه نزل حمزه
هو مايعرف منو ذول ولمن جايين
سلم ورحب بس بعيونه حيره ......
عمتي كالت يمه حمزه هاي عمت زوجتك
وهذه زوج عمتها وهذه ابن عمتها
كال قصدج طليقتي ......
شنو كلهم اصحو شنو
طبعا اني انقهرت كلهم درو
اي اني طلكتها قبل اسبوع وخلص خلي ياخذوها وياهم
يااااا يمه شتحجي انت
اي
امه ظلت ادك ع اخدودها ياااااا
عمتي كالت صدك ام حمزه خالتي خيه مااعرف وعلمي علمج
ابن عمتي شاب يعني يتقدر ٢٨ هيج مااعرف عمره الحقيقي بس شاب حلووو ومرتب وعيونه كحل صح صوت زمن صدك هالحجي
مااصوف إحساسي خفت والله
كتلهم اي صحيح
كال يالله لمي هدومج وتعالي. وعمتي كالت ليش يمه اطلكها بدر منه شي موزين
هو شاف الدنيا انكلبت اتعجب
كال اني أصلا مامزوجها زمن طوك حديد ودخل رگبتي وهسه اريد اخلص منه
عمتي كبل وكفت كالت يالله امشي
طلعوني بطرك الدشادشه
حتى ربطه ماعلى راسي
الحجيه ام حمزه ياااااا ياااااا خلي نتفاهم
أخذوني ورحت من مكان لمكان
وهم عالم جديد تعالي اتكيفي بيه
الطريق كله ابجي
ابجي ع حمزه صدك انكطع حبل الأمل
خمس اشهر ايام حلوووووه وياهم والحجيه
كانت تعاملني مثل بتها وأكثر
الطريق كله عمتي تحجي ع امي .... اني اسمع بس بالي وكلبي بغير مكان
وصلنه البتهم كالت يمه هذه بيتج واحنا خطار بيه
بيبيتي تفهم بس ماتحجي بقيت كاعده غريبه بنصهم
كالت زمن يمه ارتاحي اليوم وكافي بجي باجر ادز ع عماتج ويجن يشوفنج وأريد احجي الي بكلبي وشايلته من اسنين
ان شالله
صاحت تقى الي هي بت عمتي تقريبا ١٧ كالت اخذيهن للغرفه مالتجن
صعدتني
غرفه جبيره بيه ٣ جرابي
كالت اتفضلي وظلت اسولف هواي كالت انت بت خالي حلوووه كلش
كتله انت هم حلوه
تعرفين انتي اشبيه خالتي الصغيره عبالك توم طالعه لستراليا أصير عمتج
عندكم صور
اي خلي اجيب الالبوم
ظلينه نتفرج الصورر عماتي حلوات وامورهم مرتبه وعدله
وطلعتلي صوره عمتي سلامه تشبهني بالظبط
كالت تقى .... خليني اخذلج صوره ودزها للخالتي بستراليا
طبعا اهنا انتبهت موبيالي ماكو نسيته عد بيت حمزه
ظجت شلون اسال عليهم واطمن
ولا اكدر احجي واكول
كتله خلي اشوف صورتي.
هههه بابا راحت صورتج لستراليا
انطتني اتراك لبسته وبقيت بالغرفه
اجوي اخواته اصغر مني ١٥ ١٤
أعمارهن وخلو بيه وطلينه نسولف ع الدراسه.
والوقت فات تقى كالت نامي ع جرباتي
طبعا العشه صعدو فوك الي
ماقبلت عمتي انزل كالت خليها ع راحتها
عمتي حسب حجي تقى عدها ٣ ولد و٣ بنات
اثنين من ولدها ماتو وبَقى بس فرأس الشاب الي كان كاعد للاسواق اول مااجينه والي اجه ويه امه وابوه وجابني
وتقى ورسل وطيبه هن بنات عمتي
تقى حجت كل المواضيع بلاختصار وعرفت فرأس كان يحب ابنيه معلمه وعاقدين بعد بس الزواج بس
ميته بحادث سياره خطيه ومتأثر بيه
هو مدرس انكليزي وعنده هوايه يعزف ع العود
صبح الصبح اني متعلمه اكعد الغبشه

( في بيت حمزه )
من طلعنه الحجيه ظلت ادك ع صدرها
ليش يمه هيج اسوي
يااااا
وكبل تعبت حمزه حاااار باامه خابر اخته هي وزوجها
ورجعوها للطبيب
بقو لليل كله بالمستشفى
وكوثر اتلوم بحمزه
ليش ياول ابنيه جنه ورد وحبابه هيج بكل سهوله أذبها ع الاقل بطريقه محترمه اتعوفها احنا مو اتفقنه بطريقه محترمه
سويتها فضايح خطيه وهاي امي بعد الشر لو تطلع من هاي الازمه لو لا بسببك
كوثر رحمه لله اني مو ناقص حكم منج
اني هسه بحالي امي
اي يعني لعد اكلها كوثر وحمزه بعدهم بالمستشفى

‎
اني متعوده اكعد غبشه كمت اتكلب
نزلت من الدرج صاله جبيره شفت عمتي جاي اتبدل للبيبيتي
نزلت كاله اساعدج
فتحت عيونها
لا عمه اخاف تعب
لا ليش عمه هاي ام ابويه ..... بس انتي علميني
كالت ياريت اساعديني انسبحها اليوم يجون عماتج
اي صار
شلناها ودخلناها الحمام بيبي كانت بس عظام بس هي واعيه
اني سبحتها وعمتي أصب مي
وخلصناها وبدلنه فراشها ونامت بس اتباوع عليه وتبجي وتهز برأسها
كتله عمه اشبيها. كالت عمه امي كاتلها الندم وفرحانه بيج
اني هم فرحانه
صدك زمن فرحانه
اي والله حسيت عندي أهل
كبل حضنتي وكامت تبجي
كالت زمن اريد تحجيلي الموضوع مالج خلي شوف اني البارحه ماسالتج كلت خلي ترتاح...... ياموضوع
انتي ورجلج اعرف الشغله صارت ترهيم بس احجيلي
حجيت الها كلشي بس ماكتله اني احبه
بس كتله هو ماوصالني ولا متقرب عليه
اي الحمد الله
حتى عده مايجوز عليج
اليوم يجون عماتج يردون يشوفنج
اني هم اريد اشوفهن وأتعرف عليهن خلصت عمري وحيده وماعدنه احد اني وامي
جرت حسره وراحت للمطبخ
اسوي ريوك شلون واحد. يتهرب من واحد
كعدت زوج عمتي ابو فرأس رجال جبير سلم عليه ورحب بيه وكال اي واحد يصرح كولي
كتله اشكرك عمو مثل ماحضرت الريوك عمتي
نزل فرأس من غرفته امبدل ومعطر
اجت عيني بعينه گبل دنكت
صباح الخير
كلهم صباح النور
زمن ان شالله ارتاحيت يمنه اعرف الي صار مو حلووو ونتمنى نتعارف أكثر بظرف أفضل بس الزمن
عجيب
هاي موانتي زمن ع الزمن هذاك ضكحت كعدنه اترينكه سوه ع صينيه اني كلش مستحيه واكل ع كيف
وعمتي اتكلي آكلي. لاتستحين كلمن راح ع شغله رجل عمتي فتح المحل وفراس طلع الشغله

كعدت البنات متأخرات
جهزو غدا مال خطار
تقريبا ب١١ اجت وحده من عماتي سهاد كبل حظنتي وكامت اتعيط وتبجي بس تغلط ع امي
اني كتله اكعد. اني مسامح لأحد يحجي ع امي
امي شكم مره اجتكم وحجت وياكم عليه
لكن أنتن عمتكم الفلوس
عمتي سهاد صاحت والله مو اني اشرت ع بيبي كله من وره هذه العجوز
عمتي الجبيره كالت كافي
كالت لا ليش كافي خلي احجي

كالت لا ليش كافي خلي احجي
والله احنا مالتنه دخل امي وهاي عمتج وأشرت ع

وأشرت ع عمتي ام فرأس
هاي وياها
عمتي كالت أوكفي اشبيج المهم اطالبن ابينهم
اني ظليت فاكه حلكي شنو اني شنً هافكر الي وبن مااروح تطالب بيه الناس

صافنه عمتي ام فرأس
زمن زمن اشبيج
مابيه عمه بس هذه الطلايب والحجي مايفيد شوفي كدام عمتج وهاي البنات
البيت هذه الج بيه نص
اني ذبيت عليه اهواي وبينته ورتبته الج نصه عدل حصه جدج وبيبيتج
وقبل جدك مايستلم الراتب كان يذبه بالصرف
وصارن كم فلس بس رجعن لامي
امي لمن اتمرضت دورت عليج وع امج بس ماكو رحنه سألنا ع خالج جيرانه القديمين مايعرفون بس كالو امج ازوجت وخالج طلع الاْردن
وين منو محد يعرف ...... للحد ماربج جابج
اني كمت ابجي كتلهم مااريد فلوس لو بيت
اريد أهل اريد اسم ابويه
كمت ابجي وكلهم ظلو يبجون عليه
كالت انخلي محامي. وعقد امج موجود خالتي ام فرأس كالت بس امي تنسجن
لا المحامي يحلها
قررو يخلون محامي.

في بيت حمزه
امي اشويه زينه وعت كوه وكلتها كوثر
بس مااصد عليه ولا تباوع. يمه فدوه. احجي وياي
ابد مااصد الي
الدكتور كال ماكو انفعالات ديرو بالكم عليه .....
خلوها بالبيت ترتاح
امي كالت لكوثر ......اخذيني للبيتج مااريد اروح لهناك
صار يمه
امي طلعوها من المستشفى ع بيت كوثر كبل واني رجعت للبيت مقهور وضايج ع امي
دخلت البيت تعبان كلش وأريد بس انام. قفلت البيبان. آباوع ع الميز مال المطبخ موبيايل
أخذته. وشفته صورتي بالشاشة
عرفت موبيل زمن
صار بيه فضول اريد افتحه
بيه احرف سريه شلون افتحه طار النوم من عندي
جبت الابتوب ونقلت كل الي بالموبيل
طبعا شي مو طبيعي حتى وهي تشرب مي ماهذه صوره هههههه وشفت صوري اهواي بس كله من ضهري وصوره هي واني مركبتهم تركيب
ظليت اباوع ع صور زمن. اول مره أشوفها بهيج منظر حلوووو
حلووه زمن والله. صورها اجنن. صحيح كانت طيبه دخلت ع الماسنجر اهواي عدها رسائل وهي بكروب
ماشالله.
فتت ع رسائل الكروب. تحجي هي وصديقتها عليه
اسم صديقتها سهر
سهر احبه موبيدي
اختي اتركيها اذا هو مايحبج كرامتج اهم
اي غير الواحد بيد. هذه كلبي الكلب ابن الكلب. يحبه
واكو اهواي رساىل من هذه النوع
حيّل انقهرت ع زمن كنت قاسي وياها كانت اتحبني لكن اذا كنت اعذبها
كعدت ع الجربايه ظايج ومقهور النوم طاررر فتحت ع روحي باب
اتصل بكوثر سالت ع امي
كالت الحمد الله اكلت ونامت زينه
كوثر
نعم
اكلج زمن شلونها
شنو يعني شلونها سمراء
لا بلا شقه
شنو حمزه شنو بلا شقه اسال سوْال افهمه مو الغاز
قصدي هي طيبه وحبابه واني كنت قاسي وياها
اي صحيح وهسه شنو. استجد عيني استاذ حمزه
لا هيج ماكو شي
زين للعد ارتاح وتعال العصر ع امي. بلكي تتصالح وياك
لا ماانتظرللعصر هسه جاي

(في بيت عمتي )
اول مره احس بفرحه الأهل وألمه. والسفه والضحك
خلصنه غداء عمتي سهاد. كالت تعالي اخذج انروح انزور واشتريلج هديه
بنات عمتي هم كالو انروح عمتي كالت خلي فرأس يأخذنا
العصر ورحنه زرنا وأحلا فرحه
اشترولي أشكال وألوان. واشترتلي عمتي تراجي وكلاده بيه أيه الكرسي عجبتني
رجعنه ب١٢ ليل فرحه ماتنوصف ابد ظحك وشقه وتصنيف
وفرحانيين بيه كلش
اول مره احس روحي مثل الناس عندي أهل واقرباء
الف الحمد الله والشكر
عمتي سهاد أخذتني وياها
كالت يومي تبقى يمي
رحت بيت عمتي بااحلى منطقه ببغداد زوجها عنده معارض والله مفضل عليهم. عدها ابنيه مزوجه و٣ اولاد اكبار. استحيت بس هم رحبو بيه. حست روحي بيت عمتي ام فرأس اكثر ارتاحيت اهنا مقيده
ثاني يوم أخذتني عمتي الصالون كصيت شعري كاري. وخصلت طبعا كنت أتمنى أكثر شعري كاريه كنت اسميه كاريج ويضحكون عليه
صرت غير خلقه ورتبت روحي
صرت بت عز من صدك

رحنه للمحامي. كال العقد مال الشيخ موجود
سألتني عمتي كتله مااعرف ال اسال امي
كمانه كلشي بقى بس العقد مال امي
كتلها عمه اريد ارجع للبيت عمتي ام فرأس
رجعتني محد عرفني
الله الله هاي شنو شلون انكلبتي هيج
كالت عمتي فرأس تأخذها باجر لامها. وترجعها وياي اجيب العقد اذا أمها محتفظه بيه
ان شالله بس اروح الصبح ساعتين للمدرسه وارجع
اخذني فرأس بس اني وياه
طبعا هو رزن وكلش مؤدب وابد مايحجي بس يتبسم
اني مااعرف اسكت
احوس احوس بالسياره
كال اشبيج
كتله اريد أغاني ضوجه
كال ماعندي سي دي راح اخليج راديو عادي
كتله اي عادي
اول ماخلها طلعت ع حظي المصخم وين نايم
محمد السالم
كبل كال من طاح حظك
اني ظحكت. كال ليش اظحكين ع حظه كتله هذه يذكرني بحظي المصخم
المهم ظلينه نسولف احس روحي فرحانه
وصلنه للبيت زوج امي الله ينتقم منهم
ديكيت الباب طلع منذر. نعم ساعه بالله عرفني أنصدم من شافني
دخلت ع امي
امي يمه بنتي صلوا ت....... زمن يمه.......اني اخواني احبهم كلش
كتله يمه ابن عمتي بالباب دخلوه
صاحب عليه ودخلوه بالهول وسلمى عليه وصلى يحجون واني يم امي. مامصدكه كل شويه واتبوسني وتلعب بشعري
كتله اريد العقد ابد مااخليج اهنا يمهم
لا يمه زمن اذا انت مرتاحه اني ارتاح
لا يمه اني ماارتاح اذا انتي اهنا
يمه ياخذون ولدي
يمه اخواني اكبار. يجوج والله العظيم بس خلي اظمن حقنه اني وياج
طلعته قديم وأتعبان
اخذنه ورجعنه اني وفراس
مال كنتي اهنا عايشه اي
شفت اهنا هذه العيشه الكسيفه مو بس هاي ركبوني عار وسمعه موحلوه
كال لاتهتمين احنا اهلج وكلشي أن شالله يصحح
كلامه حلو اباوع عليه واتخيله حمزه ليش ياارب ليش موهس انه زوجته وكاعده بصدر مال السياره
كال زمن اتحبين تاكلين ايس كريم
اي ياريت گلبي حااار
اسم الله ع گلبج هسه اوكلج كليو ايس كريم
لا وحده كافي اريد ام الكبوس
ضحك كال تعالي انزلي نأكل بالمحل
لا لا استحي والنَّاس اتباوع عليه
نزلي بالله شنو بس انت تأكلين ايس كريم
نزلت واني مستحيه .... كل الأنظار عليه حسيت روحي مغروره لان طالعه حلوووه
طلبت اثنين ايس كريم جاكلت وفراوله
شعور حلووو طلعه اتخبل
هو يضحك عليه لان استحي
كان فرأس انسان راقي بمعنى الكلمه والطلعه ويااه من العمر

اتعودت ع بيت عمتي والمعامله جاي تمشي رحنه محكمه والقاضي صدر الحكم. حكم بالسجن ع بيبي عشر سنوات بس لان مقعده عفوها من الحكم
ورجع كل افلوس ابويه نص البيت و٣٠ مليون بالبنك باسمي. وصار اسمي زمن محمد الله جنسيه جديده
ذبحو طلي فجران دم
وزعوه طبعا اني ابد مانسيت حمزه. بس شسوي الا تليفون واخابر عليهم ولاني حافظه الأرقام
كتلها عمه خلي انودي لحم للبيت الحجيه اي ليش لا تستأهل والله
اني وفراس اروح
اني اجي وياكم
لا يمه شفتي هذه شنو سوه وحجه اي اعرف بس للخاطر الحجيه اني وفراس انروح وخلص
ابكيفج عمه راحت عمتي وفراس اخذو فخذ للحم وراح
اتمنيت بس اشوفه لو اسمع اخباره
راح تقريبا ساعتين رجعو وعمتي كالت هذه موبيلج والحجيه اسلم عليج وصت بيج
الله يسلمكم اخذت موبيلي فتحته اباوع ع صور حمزه
بس كله ضهره طالع هههه جنت اخاف منه أخذ للوجه
دخلت ع الماسنجر يبوووو شكد رسائل
رديت ع الرساًئل كلهم اصدقائي
الإنترنيت نعمه للناس حياتي اتغيرت للاحسن واشوف كلشي حلووو بنات عمتي مثل اخواتي
عمتي الي بأستراليا ظليت احجي وياها وكالت تعالي يمي
صدك الاهل عزوه وقدر للإنسان
حاولت امتحن خارجي سادس بس صعب صرت غنيه والفلوس شكد حلوووووه الله الله
امي مرات تجي بسه هي اخذت للزياره
شكد الحياه حلوه بس كان ينقصهاالحب
اشوف فرأس ديحاول يتقرب ويتودد الي
بس كلبي يم حمزه اول حب بحياتي
باليل امخليه الموبيل جوه. راسي الضوء انفتح

رسائل شلونج
الرقم بلا اسم
منو
اني مجهول
نعم مجهول شتريد
اسال عليج تسال عليك العافيه
منو حضرتك
اني حمزه
طبعا هي طفرت من الجربايه للحمام ماعرفت شسوي
منو حمزه اشبيج
ظليت بيني وبين نفسي اظحك وابجي اكمز. الناس نايمه
نعم. شتريد
زمن اني أسف ع كل جرح اني جرحتج
طبعا اهنا كمت ابجي
بس اقراءه ماأكتب
زمن اني مااريد شي بس تسامحيني اذا اسامحيني اكتبي اي
اني ولا كتبت شي
هو راح
طبعا فرح ع حزن مامصدكه
كل شويه. اقراءه الرساله
نمت الفجر من الفرح كعدت بالعشره من الفرح اول مره ابقى العشره
عمتي كالت زمن شفتج نايمه كلت اخاف مريضه
لا عمه مابيه شي .........
بس كمت للبيت فريته فر نشاط مو طبيعي
ظليت اليوم كله افكر بحمزه
مارديت ابد
باليل فكرت بعد گلبي ظل يحرك بيه
كتب اي
بسرعه رد يعني سامحتيني
اي
كال اني اشكرج زمن
تدرين امي زعلانه عليه كوه تحجي وياي من وراج
مارديت
كال زمن وياي
كتله اي
انت ماتعرفين بس اي
اي
شوفي اريد احجي وياج تليفون اكدر
راح اتصل عليج
اتصل ورديت عليه الله ياصوته حسيت روحي ذبت مااكدر أسيطر ع أعصابي
راح الكلام مني
غير اريد احجي مااعرف شكول سلم عليه. واني بس أرد كاال احجي خلي اسمع صوتج
كتله شلونج
زمن اريد اشوفج واحجي وياج بموضوع
ياموضوع
من اشوفج احجي بيه
مااكدر استحي من بيت عمتي
زين كولي ع امي مريضه
انت خابر واحجي ويه عمتي
زين اني ادبرها
ظلينه نسولف وعلى المحامي سألته حمزه. خطبت
كال لا
ليش
ظحك كال انخطبت وعرست
لا والله شلون
كالت تعال اخطبني هذه الأسبوع امي اتخربطت ودخلتها مستشفى
كتلها امي مريضه اصبري
كالت لا انت تظحك عليه يابه والله امي مريضه
اشو رجعت الشغل لكيتها لابسه حلقه ومخطوبه بسرعه بسرعه
اهااااا ظلينه نسولف
الى صارت ب١ نمت واني كلبي من الفرح طاير
بقيت اسولف ويه حمزه
حمزه هواي متغير مو حمزه ذاك القاسي المكروه
هذه غير
استمريت ويه حمزه اسبوع محد يعرف
الى ان عمتي كالت اريد احجي وياج بموضوع
خير عمه
اريد اخطبج لفراس
اني ضربتني صاعقه
كالت فرأس ابد مافكر بالزواج بس اشوفه عينه منج وانتي بتنه
ابد ماحجيت
شكول واحجي يااارب ساعدني
نزلت تقى سمعت الحجي
كالت يمه تره زمن اتحب زوجها القديم
يااا زوج
اي الحمد الله الي ابكلبي حجته تقى
الاول
كالت يمه يا. وج هو كال مااريدها
كالت زمن صدك حجي تقى
كتله عمه صدك او جذب اني بعدني مامستعده الى اي شي انطيني فرصه
اي عمه ع راحتج بس فكري احنا اهلج

اني تبسمت وهزيت راسي يعني اي
بس فرأس رجال هيبه ومؤدب وحرمات يتفوت
وحمزه اني مااعرف شنو فلمه صحيح احبه بس منو يكول. هو يريدني اخاف امه أجبرته لان تريدني خدامه
اني تفكير اشوش وظجت حيّل مااريد اضوج عمتي وأكسر كلب فرأس
ربي المدبر
الظهر عمتي اجتني كالت هاي الحجيه اتريدج
تكول اريد اشوفه وهي كلش مريضه تردين ترحين اسلمين عليها
كتلها بكيفج
جرت حسره كالت اي اني وياج انروح اجر تكسي باجر بالاول النهار حتى بس الحجيه بالبيت
كتله ع راحتج
اني باليل كتله باجر نجي الصبح انشوف الحجيه
كال بس الحجيه مارديت بعدني استحي واني بصراحه مااعرف احجي هيج حجي مال حب
كتله لا
ثاني يوم رحنه للبيتهم هو استقبلنه
هو يباوع عليه كال هاي منو زمن هاي شنو. متغيرة
ولا حجيت عمتي سلمت ودخلتني قبله
الحجيه شافتني حظنتي وسلمت عليه
يمه بنتي البيت بعدة اظلم
هو قدم مي وقدم عصير
وابد مانزل عيونه من عليه اني هم اول مره اخلي عيوني بعيونه
يمه الحب يمه كلبي يفرفر
هو عادي كأم يطب منا ويطلع منا
خطيه
كعدنه ساعه وسلمت عليهم وطلعنه
عمتي كالت زمن هذه حمزه مايستحي ومتندم عليج بس ابد مانطيه مراه
هااا يامراه قصدج
انتي.
الا والله عمه بكلبي دخلي يجي هو
رجعنه فرحانيين بيت عمتي حلوه كلش دائما بيه خطار ونسه
وصلني مسج
الله صايره باربي
شكرا
زمن اني اريد ارجعح هو كال هيج لو الدنيا ماوسعتتي من الفرح
اشلون امي كالت تفاتح عمتج
هااا شتكوليين
كتله لخاطر امك مو
كال لا والله اني حسيت بمشاعر من انت نايمه بالمستشفى ويه امي
زمن اني محتاجج
احجي اي شي
ماحجيت بس فرحانه من الفرح اريد اعيط حيييل
وره اسبوع خابرت الحجيه عمتي اتريد ازورنه
حجت ويه عمتي عليه حمزه يريد يرجعني
صااار الموقف صعب هي أتريدني لابنها واني ماصدكت صارت خطبه وشئ الي
كالت حجيه بكيف زمن
اذا قبلت احنا ماعدنه مانع
اتغده وراحت الحجيه
عمتي مااسالتني
اشو خابرني حمزه كال ليش رفضتي كتله محد سألني كال عمتج خابرت. امي انتي رافضه ترجعين
لا بالعكس روح خلي احجي
نزلت لعمتي عمه صدك راده خبر رفض
اي
كافي هذه دره عندج كم فلس ورجعلج
مااريد الفلوس اخذيهن
عمه حبيبتي فرأس مؤدب وأحسن من حمزه
ع راسي فرأس واني هم اموت عليه بس حمزه زوجي واني احبه
يمه شلون بنات صلفات اتكول احبه بوجي
اي احبه ودزي عليهم عليهم خلي يجون اني قابله
سكتت
المهم اجه حمزه خطبني رسمي وازوجت حمزه وعشت احلا ايام حياتي وهسه حامل ست اشهر لان سنتين ماكو طفل
امي دائما ازورني
وعماتي ع طول يجوني خطار وابد ماعافوني والحجيه طايره بيه
فرأس ازوج زميلته مدرسه

خصوصا وره عذابي الله عوضني خير ربي ماتخله عني

مع تحيات ناقله القصهmeme