رواية قصص رومانسيه الفصل الثامن 8 - بقلم الحساب مغلق

اسمي نور عمري 16 حاليا
عايشة وية امي واخواتي
والدي متوفي عددنة 6 نفرات بلبيت

هلو بنات طبعا اليوم حبيت احجيلكم قصتي.
قبل كم سنة اتزوجت بت خالتي ورحنة بسبعتهة عزمونة وهمة ناس غربة فحماها البت خالتي شاف بت خالتي الثانية وهية زغيرة بلخامس ابتدائي بس جان ضخمة ومحجبة وهوة هم ازغير وضل يكول أريد اخطبهة ههههه ويضحكون عليه فكامت بت خالتي دايما تكول عليه ونضحك . فاتت سنوات فد مرة ابيت خالتي كاعدين كتلهن خل نعرف الفيس مالتة اني اذكرتة للولد وبت خالتي النعجب بيهة كبرت وموجودة والولد صار عمرة 19 فراسلتة اني وسلمت عليه بلفيس ماعرف شنو عرفتة بنفسي واحنة وبنت خالتي وخواتي كاعدين ونضحك راسلتة اني كم يوم. وضليت فترة اني احجي ويا ونيتي أريد اجمعهم سوة. فحسابي طار. ورة شهر تقريبا. سويت فيس ومابالي شي دزيتلة رسالة جان هوة يكلي شعجب رجعتي راسلتيني ضلينة علحالة فترة نحجي هيج ك أصدقاء ونضحك ونسولف. ويدز سلام البت خالتي. واني ارجع اردلة السلام منهة. واني هم جنت زغيرة شوية. بس بت خالتي مجانت مهتمتلة. لأن جانت تريد صديق اخوهة. يوم عن يوم اني ويا نسولف ونشاقة ونضحك. وهوة اول ولد اراسلة. ابد محاجية وية ولد. فكمت أحس شي تجاهة كمت اضوج من ميراسلني. وبهاي الفترة هوة هم مثلي يحس يعني بدون ماواحد يكول الواحد. وكام يسوي اني كمت أحب وحدة وماكدر اصارحهة لأن هية خاف تطلع متحبني. وهوة مشايفني. حتة بلصور جان مشايفني. ويوم من الأيام احنة ونتراسل فجأة كال اليوم لازم نحجي كلشي كتلة شنحجي كال اليوم كلشي نحجي بصراحة اني وانتي كتلة ماشي وبدون ماحس كبل كتلة ياسر اني احبك كال اني هم من صدمتي كتلة كول والله جان يكول ههههه والله شبيج كتلة انت مشايفني كال وذا شلون ميكون شكلج احبج. واني مصدومة ماعرف شكول اول مرة يصير هيج شي وياي وجان عمري 14.

كتلة ياسر راح انام هسة كال ماشي نور نامي. اعذروني الاسامي مو حقيقية ماكدر اكولهن. فسد النت وراح وإني من فرحتي ماكدر انام ماعرف شسوي بفراشي واضحك كوة نمت. وصار ثاني يوم ويوم عن يوم نسولف ونضحك ونشاقة فمرة أريد اكلة حبيبي ماعرف شون. فجان اكو لقاء ع كلمة كومة اذا شايفي فكتلة اكلك كال كولي كتلة هلو حبيبي شونك مشتاقتلك كومة شنو يعني كومة هوة يعرفهة ضحك هههههه هلو حبيبتي كومة يعني الأمن والأمان والاستقرار وضحكنة ومن ذاك اليوم بدينة نسولف بحبي وحياتي. وجانت بداية فكال أريد اشوفج وهوة لأن كرايب اقتنعت بلصورة بس كابرت كدامة وكال من حقي اشوفج قابل نبقة هيج فورة كم يوم دزيتلة صورتي تخبل كال تموتين وهوة طبعة ميجامل. فتفقنة اني ويا.  قرب عيد نوروز. وكال خل نشاوف. ف اهلي قررو نروح لجزيرة. فتفقت ويا وجا يوم نوروز وتحضرت وكشخت وطلعنة وصلنة بغداد للعلم اني من ديالى. خابرتة كال وصلنة طبعا جانت اول مرة اخابرة هههه ف شفتة من بعيد هوة يستحي وإني استحي ضل يفتر الجزيرة كلهة وراية ومكدرت أسلم عليه لأن تعرفون أهل وياي. فضاج واني حيل ضجت. والعصر رجعنة متت قهر وهوة ضاج دزلي رسالة من رحعت لأن يكول عمري مالاحك بنية وخليتيني اركض وراج. وممهتمة وكال رجاءا انسيني هواي انذليت ماكدر أكمل وياج....

،
،

راسلتة كتلة شبيك والله مو بيدي كال ليش سويتي هيج وهيج كتلة اعذرني والله كومة مقهورة عليك. حقك بس ماكدرت والله. كال ماشي نور ماشي. يوم يومين تلاثة نسينة الموضوع وكام يكول ليش هيج تخجلين وماباوعتي علية كتلة انت هم تستحي طبعا هوة حيل يستحي. اتطورت علاقتنة شوية بشهر شهرين تلاثة كمت أحبة شوية شوية وهوة كام يكلي العجبني بيج كلامج وطبعج وعقلج عبالك بنية عمرهة جبير عقلج شكبرة هههه وضحكت لأن اني اذكة منة كتلة لتخجلني. بعدين اجة عيد الحب ولتقينة بمول وجابلي دب جبير يجنن. طبعا كلت الأمي اشتريتة اني بس خفت لمن نطلع من المول يكلولي ليش مدفعتي الحساب بس عبرت ههههه طلعت من المول صعدنة سيارة. ومشينة بقة ورانة واكف باوع علية وضحك يمة كلما اتذكر ضحكتة اموت. رجعت للبيت بدلت راسلتة كال طالعة تخبلين هوة جان ضايج لأن الحلاق معزل ومي ماعدهم جان حتة يسبح ضليت اضحك عليه ههههه وبس هوة جان كلش نضيف يومية يسبح كلما احجي ويا يكلي راح اسبح . يوم عن يوم جانت دايما تصير مشاكل بسبب الغيرة. اني كلش أغار حيل.  فتصير مشاكل.  واجة عيد ميلادة. بس ناسية شجبتلة. مرت سنة علة علاقتنة أيام حلوة وأيام مشاكل وزعل اتطورت علاقتنة كمت اموت عليه وهوة هم كام يحبني. درن خواتة بية وتعرفت عليهن وكلش حبني وصارن صديقاتي هنة مزوجات بس ازغار بس بلبداية جانت وحدة ممزوجة بعدين اتزوجت

،
،

اختة انخطبت الابن عمهة هوة جان صديق ياسر كلش علاقتة قوية. ويعرفني اهلة ماعدنة علاقة قوية كلش فحفلة المهر والحنة مال اختة مكدرنة نروح  ....وضجت كلش مرة لخ كالي أريد اشوفج كتلة اشون ماكدر. هوة ضاج. بس خطية ابد مافد يوم طلب مني شي غلط وخوش ولد .بحيث جان ينصحني من الغلط ويخاف علية أكثر من ماما ومنعني من صديقاتي ثنين من خلال سوالفي يمة عليهن كال ذني موخوش وعفتهن. وتعاركنة بوكتهة جنة من نتعارك ورة ساعتين خلال حجينة نتراضة لأن من نتزاعل منعوف بعض ونروح نبقة نحجي اي واوك وهلو ههههههه عبالك زعاطيط. واراضي لو يراضيني كامت تصير مخابرات ابيناتنة وكتلكم كال أريد اشوفج. ف طلعت حجة الدرس وأريد اشوفة. المدرس عمة. ف ابن عمة كال الابو أخت صاحبي تريد تقرة يمك خطية كال عادي. ورحت عليه قرآني فيزياء. اجة ياسر بلبيت ماشفتى. وطلعت من الدرس جانت بت عمي وياي ب الخامس ابتدائي. وكف بصفي بشارع شوية باوع علية ورجعت للبيت هم كلش انقهرت. لاحضو كل لقاء يصير سم جنت حيل انقهر اني حساسة حيل أفكر هواي وبساع ابجي. وهم نسينة الموضوع حيل اتعلقت بي مو شون مجان كمت كومة اغازلة واحسة ابني. وربي. اتفقنة ع لزواج وإني كتلة أعيش وية أهلك هوة كال لا وحدنة. وكال البنية انتي تسميهة والولد أني. كتلة ماشي عمري.  جنت حيل أحبة من يفتح موضوع المستقبل لأن نبقة نتخايل وكال الله بنتي تطلع تشبهج اني حلوة بيضة وعيوني شكر ومناقصني شي لكة بية كل المواصفات الرادهن. وجان يكول بلعرس مطبين للغرفة آلة اني اشيلج واصعدج ههههههه وإني اخجل ابقة اضحك. بس كام يكلي اذا بعد تخجلين مني ازعل. تصوروا كمت أحبة حب يمكن محد حاب مثلي لأن كبرت ويا وعيت ويا. علمني اصير قوية اووف😔وعلمني هواي طرق زينة وجان يتخبل اذا مااصلي

،
،

والله يشهد كمت اموت عليه علاقتنة اتطورت كمت ماستحي منة وكلشي اسولفلة هوة عصبي حيل بس غيرتة مو مثلي مو كلش يغار . جنت دايما اعاتبة اكلة متغازلني هواي يكلي ولاتشبعين غزل ههههههه اني هواي اغازلة وهوة يغازلني بس مو مثلي ف أحس بنقص. جنة نحجي الضهر والمغرب ساعة وبليل ساعتين مرات ساعة لأن ينومني من وكت وذا أريد اتاخر ويا بلوقت نتعارك. يموتني مرة خابرتة عندي خدمة ساعة ونص كتلة ب2  ونص واسدة تخبل كال ماكو تنامين من وكت وكتلة بس اليوم وتعاركنة وكال اذا اصيح بعد اسدة ومارد سدي وماسديتة وتعاندنة. وسدة ويومين ميرد شوفني عذاب هواي تاذيت لأن اموت اذا مااحجي ويا بس رغم عذابة اكوم أحبة اكثر واكثر ويوم عن يوم اتعلق بي وكالي بس تخلصين ثالث اخطبج. ف ورة يومين راسلني وتراضينة وكتلة لسوي هيج بعد. علاقتنة جانت هووواي بيهة مشاكل ويوم عن يوم كام يمل من المشاكل من ورة غيرتي. ويوم من الأيام ردت اختبرة. بتهة البت خالتي راسلتة وضلت تحجي ويا فترة وخاني ورغم دريت اني عود. وكالي حضرتهة وضل يراسلهة وسامحتة لأن أول غلطة. ونسينة السالفة. طلعت سالفة لخ كتلة لتعلق بكروبات للبنات هوة يحب يتفاعل ويحب الفيس فكال نور والله لوخمسين بنية اني ماعندي غيرج. وبلكروب بس تعليقات .كتلة ماكو وضل فترة ميتفاعل وإني واثقة بي يوم من الأيام دخلت بكروب لكيتة ادمن بي وأشكال منشورات وتعليقات وية البنات كلبي راد يوكف ماعرف شكول ومتت بجي كلت ليش جذب عليى ليش. دزيتلة رسايل لليل وفتح....فيس

،

كال شكو هاي شبيج كتلة ليش جذبت علية ليش شسويتلك اني كال هذا الكروب صار اسبوع من دخلت بي ولحو علية جماعتي اصير ادمن بي كال ممسوي شي غلط. وردت اكلج بس ادري بيج مراح ترضين يعني شسوي اني تدرين بية أحب اتفاعل. قابل جاهل اني. هوة عصبي وعنودي وكلمتة وحدة بس جان يحترمني حتة لو زغيرة. وهم سامحتة بس كتلة متبقة ادمن. كال مآشي نزل من الادمنية الصراحة كلش اضوج من الفيس هواي مشاكل بي يضوج. واشك بي وجنت ماخلي يسهر. اضوج. هواي أشك اني رغم أني شكد أثق بي راحت أيام جتي أيام كام يتغير ونقهرت عاتبتة ورجع. مثل قبل حيييل اتعلقت بي كمت اموت ولا اشوفة بعيد عني. ومرة التقينة بيت اختة واخذتلة هدية تيشيرت وسولفنة بوكتهة يم اختى امي وأختي جوة جانن. واحنة فوك. ورجعت البيتنة. فرحانة اول مرة هيج نشاوف. ضلينة أسبوع انسولف بلقاء. وبراحتنة. هوة جان ناسي هديتي مجايبهة ههههه كتلة عادي. ورغم الأيام تمشي وعلاقتنة تمشي بس مشاكل هواي. اهلة وكرايبي كلهة درت انحب بعضنا. وعادي الكل. كيفو بس اكو الاغلبية كرايبة ميحبوني يكرهني وكرايبي بيهن ميردنة البعض. ورة ماصارلنة سنة كتلة اخطبني قابل نبقة هيج وصار حجي وكال بعد سنتين أكون نفسي انتضريني وكتلة ماشي انتضرك العمر كلة. بس كرايبي ضلو يلحون خل يخطبج وإني ماعرف يومية اكلة وهوة كام يضوج. ومرة اتفقنا نلتقي بوكتهة جان يشتغل ابغداد ف أخذ يوم إجازة. وجا لديالى. بوكتهة رحنة علة بت خالتي انشوفهة وهوة جا كعد كدامي أريد اهلهل من الفرحة هلكد مشتاقتلة هههههه. بس اخو بصفة مكدرت اباوع بقينة ساعة ورجعنة اهلة كيفو علية وكالو ناخذهة الياسر وإني كيفت. وهوة هم فرح اهلة حبوني. لأن بعرس بت خالتي برابع ابتدائي جنت هههههه. فمشايفيني من كبرت. يوم من الأيام بنية علقتلة رحتلة خاص كتلة مني هاي كال هذا أخوية مسوي فيس للبنات. وراسلت البنية ومادري شلون صدكت. ورة فترة البنية خليت صورتة شخصية البنية راسلتني كالت هذا حبيبي وإني اكللهة هذا حبيبي وتعاركت وياها. وجتي وحدة لخ علية اتكلي هذا حبيب صديقتي منو انتي. ماعرف شصار بية متت بجي اهلي تخبلو. وهوة يكلي هاي حبيبت أخوية وتريد تخرب وتخبلت. وتعاركنة وجان يعوفني. ومتت قهر وثاني يوم تراسلنة. ورجعلي. وهم سامحتة لو تدرون شكد سامحتة وشون جنت أحبة ماصدكون. حيل تعلقت بي أكثر من الاول كمت أخاف أحد ياخذة مني هواي شبعت بجي من ورا وكبرت قبل عمري. كمت أحس نفسي جبيرة ومالة من الدنيا

تعلقت بي أكثر من الاول بهوواي. كمت أحسة روحي والله  قرب عيد ميلاد ابن اخو. وجانت مرت اخو صديقتي. ف عزمتني وكوة قنعت ماما ورحنة اني وإمي وخواتي ثنين. . كشخت ورحت وركصنة بس بلبداية مشفتة جان ديبدل. ف بعدين نزل وشفتة أحس نفسي أريد اوكع من طولي ماعرف شكول إحساس غريب مسلمت عليه.  ضلينة نضرات. فرحت للغرفة دناخذ صورة اني واختة. فجا وكف يم الباب وكال واللع حلوة وضحكنة. چا دخل هوة وابن عمة جان يكول الأخت ياسر عوفيهم وحدهم وإني استحيت بقينة وحدنة همزين واكف بعيد علية جتي أمة جان يطلع وإني هم طلعت وركصت. فصار المغرب واباوعلة من بعيد. كاعدة علتخم وهوة بلباب ونباوع ع بعض ماريد أذكر اوف إحساس يموت رجعت للبيت المغرب كلش ضجت لأن حتى مسلمت عليه. وراسلتة هوة ضاج كال موفوك متكولين أهم شي شفتك انوب زعلانة وتحجين وإني شنو بيدي بيتنة كلة عالم لأن حفلة. ورة يوم كرايبة كالو علية احلة وحدة طالعة. واني كيفت لأن شوية مغرورة هههههه. وهوة هم تباهة بية كيف .نوب ورة فترة طويلة صار عرس ابن عمي وأمة جتي. وشافتني جنت اركص ورة العرس راسلني ياسر كالي شبيهة امي كتلة خير كال متخبلة عليج وكالت راح اخذلك نور طرت من الفرح كلت راح نزوج الله. ويتحقق حلمي. بس هوة جان ميريد يزوج هسة لأن خلص دراسة وممتعين وكال اني غير أريد شي اعتمد عليه حاولت الكالة تعين ومصارت وحاولت الكالة شغلة بيهة راتب زين وهم مرهمت وحيل تعبت كمت أخاف يعوفني وكتلة اخطبني وهوة عاند كال والله ماكدر هسة.

وكام حيل يضوج من سالفة الخطوبة كام يتغير علية كمت يومية اعاتبة ليش متغير.  وكامت تزيد المشاكل من ورة الغيرة اني حيل أغار ماتحمل شي. كام اذا اعاتبة ميتحمل وبساع نتعارك آخر شي كمت اعوفة واروح في سبيل لتكبر المشكلة واخاف يعوفني دايما جنت  أخاف يعوفني والله. آخر فترة أمة كامت تريدلة غير بنات هم وكلش نقهرت أمة من نوع التشوفهة حلوة تكول اخذهة آلة يعني متثبت علة شي. هاي الايام تمشي وإني كمت أحبة اكثر كومة اغازلة وادللة واخاف عليه من الهوة الطاير. من يتمرض اكعد أصلي وادعي يطيب جنت اقرة قرءان وأهدي ثواب الآية آلة.  صار بية خفقان بسببة لأن چنت من تصير سالفة يبقى كلبي يدك . وارجف ثبتت عندي هاي الحالة.  وآخر فترة كمت هواي ابجي لأن اتغير . وجتي فترة تقريبا شهر كمت مااعرفة مستحيل هوة. كمت اكعد اموت بجي. لأن هيج صار وأسئلة يكلي لا ممتغير اكلة فدوة احجيلي السبب يكول ممتغير كمت أحسة ميعرفني كمت ادلل بي اكول خاف مقصرة اذا يريد ينام عمري غسل وبدل ملابسك. وتغطة زين لتبرد وتتمرض. ومرة تمرض متت قهر عليه أصلي وأدعي.

وجان يتغير ياسر وكمت مااعرفة جنت أحس حبنة ماكو منة جان يحبني حيل وحيل يهتم المشاعري. وحبنة قوي رغم المشاكل.  جان يموت علية قبل كم سنة جان ماكو مجاني فمن ماعندي نت يبقى يدزلي رصيد حتة اشترك واراسلة. كلما أذكر هالايام أبقى ابجي. وتغير حيل حيل كام اذا ازعل ميهتملي . وعادي اذا ميحجي وياي ياربي ياسر شبي. وفد يوم تعاركنة. الضهر. كتلة ترة اعوفك وأول مرة اكلة هلكلمة وهوة كال خل اطلع هسة. كتلة اوك وطلع وبعد مارجع ادزلة رسايل ميرد. يوم يومين ماكو اختة راسلتني كالت ترة عافج. تخبلت تحجي صدك هاي اني جنت هواي أفكر من النوع اليبني مستقبل أشكال حلمت ويا ماكدر اوصف حبي واحلامي آلة. انتو حسو. ابجي اعيط اصيح كومة راسلتة ميرد عشر أيام ماكو متت ومرة راسلني وكالي ماكو قسمة وإني ماكدر ازوج وشوفي حياتج ماكدر ازوجج كتلة ياسر صدك تحجي تخبلت بقيت اكتبلة جرايد وهوة. ضل معاند يعني ب3 ايام أو بسبوع ياسر تغير كليا مو شون مجان. ياربي ليش كتلة انتضرك طول العمر والله وكال ماكدر اربطج وياي كتلة ميخالف. ابقة مازوج والله وإني أخلص دراسة واروح قسم اتعين بي حتة لو اهلي اني مستواي بلمدرسة زين واكون مستقبلي وياك. والله لتعوفني اموت وكال ماكو لازم نتعاوف احسن.  ومارجعلي. وضليت ادزلة رسايل وهوة يقراهن خواتة والكل يكللي عوفي ميفيدج ميريدج. بس اني مصدكت كلت لازم اكو سبب هوة يكلي لا ماكو سبب بس هية ماكو قسمة ابيناتنة
ا

ضليت اركض ورا حتة اعرف السبب وماعرف شسوي صديقاتي كالولي سئلي شيخ أحد. سئلت كالولي. مسويلة سحر وحدة كرايبة. واني تأكدت لأن هنة ميحبني هواي. وبسبوع واحد تغير ونسة السنوات العشناها سوة. ياربي شسوي وسئلت أكثر من واحد وأخذت خيرة هواي. كلهة نفس الحجي. وحجيت وية هواي بلفيس. بيهن كاللي نفكلة السحر ويرجعلج وإني زغيرة وماعرف بهسوالف شافني مقهورة. وضحكن علية. واخذن فلوس مني. واني مادري اسكت من قهري. اخو حاول يرجعنة وحاجا. ومارضة وبغداد حضرتلة مفاجئة بلكت نرجع. وجنت متفقة وية اخو يجيبة البغداد. وجابة بس اني وأهلي وأقاربي متفقين انروح. لمتنزه برأس السنة.  بس وحضرتلة مفاجءة كلش حلوة وحجزت بمطعم وكلت نروح ومناك نأخذ البنات وروح اشوفة. بس اهلي بطلو ورحت وية اقاربي. وبس شفتة من المتنزه. كلمتين ورحت. ونوب بنص العالم كمت ابجي اخو شافني حيل نقهر علية.  وأقاربي تخبلو عبالهم بية شي كبل رجعو لديالى رجعنة ومتت قهر بس ياسر راسلني. وضلينة مثل الأصدقاء. نحجي بس هم رجع. ميراسلني. ويومية داحلم بي راجعلي وهاملة نفسي وحياتي وبالي يمة. وماكدر اعوفة لأن اكول هوة مو بيدة هلشي من صار كلة من ورة المياخفن لله.  والقرءان أمنيتي يرجع ونزوج وداموت الف موتة. عليه.  وشكرا لكل واحد تابع القصة وحس بية.

تمت