رواية قصص رومانسيه الفصل الثاني 2 - بقلم الحساب مغلق

بداية القصه
..
احـمد طالب متخرج من الاعداديه ..ينتظر التقديم على كليه
اثناء عطلة الصيـف ...
كان طالع حتى يروح لعرس صديقه ياسر
والتقي ببقية اصدقاءه ودخلو قاعة العرس وشائت الاقدار
وشاف شهد كانت كاعده مباشره كدامه
واحمد مثل ميكولون من اول نظره حب البنيه او انعجب بيها
لكن شهد انتبهت لاحمد ونظراته
لكن ما اهتمت ولا نظرتله
لكن احمد ما يأس
مما جعل صديقه ابراهيم
يجي وويكوله لا تنظر لهذي البنت تعذب نفسك ..هاي ما تجي لدرب العشكـ
ضحك احمد وكاله ..يعني ثكيله ومؤدبه
ابراهيم كال هو وين اكو مؤدبه بهل وكت لكن هاي البنت الي تشوفها
بنت منطقة ياسر وهو كال عنهـا ما يعجبها العجب
أحمد :عجيب امرنا البنت الثكيله والعاقله نكول عنها ما يعجبها العجب
ممكن البنت تربيتها واخلاقها تمنعها عن التعارف او الحب ..
ابراهيم :ههههه احمد انته عايش بزمن قديم كل البنات هسه
اهم شيء بنظرهن الحب او التعارف حتى لو كان
مسيرة الحب فاشله
احمد: لا لا ابراهيم صغرت بنظري يعني انته عندك أخت ..هيج منظورك الـ اختـك ؟
لو بس بنات الناس هيج تكول عنهن
...ابراهيم سكت وقت ثم كاله لاحمد :ممكن البنت ما تحب هل امور صحيح كلامك
احمد راد ينتهي العرس وقلبه بدأ يدك سريع وحس بخوف
انه مراح يشوف شهد
(عجيب امر والشعور الي يحس بيه ممكن يكون حب )
احمد يريد يلفت انتباه شهد ..لكن ما عرف اشلون

انتهــى العرس الكل ودعوا العروسين واثناء وداع احمد لياسر صديقه
..كانت شهد تودع صديقتها زوجة ياسر .نور
واحمد بارك لنور
وطلعت شهد وانظار احمد اتجاه شهد
مشى سريع وطلع من القاعه بأتجاه شهد ..
...
احمد : أنسـه ممكن لحظه ..
شهد : تفضل بس ليش انسه مو اختي !!
احمد : ثكيله على لساني هلكلمه ما كدرت الفظها
شهـد : غريب هل أمر والغريب اكثر وكفتكـ وياي ومناداتك اليه رغم عدم معرفتك بيـه محسبت شنو موقفي
كدام الناس ؟
احمد : والله ما اعرف شكولج حسيت نفسي حموت من شفتج تطلعين
قلبي بدأ يدك سريع واتوترت وردت اموت حسيت اندار بيه الوكت
من طلعتي
شهـد :كلامك بيه عشكـ واني ما احب هل درب سامعته
سامتعه هلكلام هواي وما يمشي عندي !!
روح بعيد ارجوك بعد ولا تقترب
احمـد : اشوف عندج هَم من العشكـ وانتي مبين ما عندج تجارب ليش
ليش تحكمين عليه وعلى العشك بدون متعرفينا ..!!
شهـد : ممكن اكون غلطانه بس اكو الاف القصص الفاشله خلتني احكم
احمد :عوفي المضى وامشي وياي والله ما افكر بشيء مو زين تجاهج
شهـد :شنو اسمـك ؟
احمد : اسمي احمد
شهد: احمد روح حكمتنا التقاليد والعرفان وما اكدر اخون مبادئي وتربيتي على مودك او علمود الحب
احمد :ممكن على الاقل بس وسيله اتواصل بيها وياج حتى لو بس حروف ما رايد اسمع حتى صوتج
حتى لا تفكريين بيه بطريقه سيئه ...

شهد : أحمد بس كافـي نطيتك هواي مجـال روح عوفنـي تعبت اكلمـك
احمـد :سلامتج انسـه
اني كنت ناوي اروح مرايد يجيسج اي تعب
واكيد ما ارضى تجيج حجايه بسببي
...
وعاف شهد وراح ..
وظل احمد يفكر بشهــد ويسهر ليله
وبعد مرور ليالي طويله واحمد همه زاد

.....................................

....

احمد اتصل على ياســر
وسئله عن شهد تكلم وياه عن كل الشوقـ الي بقلبه لشهد وشلون يفكر بيها
لكن ما يعرف شنو اخر هلشعور الي بداخله هل هوه حب ام مجرد اعجـاب
ياسر: احمد كسرت قلبي والله حساعدك بس بشرط تكون نيتك زينه ويه البنيه مو تطلع دتكذب !!
احمـد : من زمان تعرفني ياسر ؟ شوكت لعبت ببنيه او سويت هيج شيء
تتوقع هلشيء مني ..
ياسر : لا بس اني حريص لان تعرف البنيه بنت منطقتي و كلش مقربه من زوجتي
حكلم زوجتـي عن هذا الموضوع عسى شهد تكلمك
احمد : ياسر دنيتي دارت بيه وقلبـي خلص ما اظن حـعيش اكثر اذا مكلمت شهد خايف
خايف لا اسوي شيء مو زين علمود اكلمهـا
ياسر : احمد شبيك ؟ بســك كافي هيج تحبها ممعقوله شبسرعه ؟ لا تحاول تحاجيها احمد
لان البنت عدها اهل ويجوز يصير شيء مو زين بسببك !!
احمـد : احبـها !! ولله ما اعرف مكاعد افهم شيء ...ما اسوي شيء يضرها ..
ياسر : حروح اكلــم زوجتي باي
احمد : الله وياك
...
بعد مرور ايام احمد سمع صوت الهاتف يرن ..
الوو منو؟
شهد :غريب اتصالي ومو على الموعد فكرلك بأسم من الي تعرفهن
وناديني بيه
احمد : لا لا ضنيتي بيه السوء اعرف بنات لكن مو مثل تفكيرج
اني هم عندي خوات..
شهد: ضنيت سوء ..ممكن هلشيء .. انته احرجتني كدام
صديقتي شلون هيج كايــل لصديقك عيب عليك حيصير عليه حجـي بسببك

احمـد :تعبتيني وتعب قلبي والشوق دمرني
واحس الدقيقه من يوم رحت وعفتج صارت سنه
شهد:احمد بسك كافي خايفه
خايفه اتعلق بكلامك اكثر واوكع بلعشكـ وبلنهايه ينكسر قلبي وتوكع سمعتي وتروح محط الرجلين
احمـد :كلشيء يصير بلدنيا بس للتوقعين ممكن اسوي شيء يجيبلج حجايه صدكيني
شهـد :ما اعرف شكولك
احمـد :حثبت كلامي الج حتى لو هلشيء حيأذيني
شهـد :شلون !! حتثبتلي
احمـد :بعد ما تسمعين صوتي ولا اجيب طاريج كدام احد واخلي الحسره بس الي
هوه منو تهمه حسرة غيره

..سد الخط احمد وكعد منصدم من الي سواه
ما فهم الي ديصير وياه ..وشلون يتخذ قرار صعب مثل هذا
لكن من بدأ يفكر بشهد ..تغير
لان كل شيء بعيون احمـد صار شهد وسمعتها وحياة امنه بعيده عن المشاكل

...
شهـد بدت تفكر بأحمد وبكلامه وهامت بيه وبغرامه
وبدت تتصل واحمد ما يرد
وضنونها بدت تكبر وكل يوم تجدد
ما عرفت شنو الحل !!
..
مرت الايــام
واجه وقت دوام الكليـه
واحمد اول يوم اله بلكليه
كان منفرد وكاعد على صفحه مبين عليه التعب والهيام
....لعبت الصدفه دورهــا !!
شهد بنفس كلية احمـد
ومرت شهد وشافت احمد كاعد
وحست بشعور احمد لمن شافها اول مره وشلون حبها
وما بين الخجل والحب وكفت شهد ومتعرف شتسوي

واحمـد انتبه لشهـد ووانصدم
ومن شهد شافت احمد منصدم اتقدمت اله
وكالتله :من كل قلبك عفتني شبيك شو مرتبك ؟
احمـد : تعب قلبي ولكن ما مليت من حبي الج عفتج صحيح لكن ما فكرت انساج
شبيه مرتبك ..ما اعرف هيبة حضورج هزتني يمكن !!
شهـد :هواي حلوات اكو ليش بيهن ما اتعلقت ..ما ظلت هيبه من يوم الرحت
حسيت نفسي ضايعه من فراك شخص ما اعرفه ...
احمـد :ما هم قلبي الجمـال تعلقت بيج من شفتج
احس عندي كلام هواي وياج بس كله من شفتج نسيته
شهـد : مبين عليك الهوى
احمـد :صرتيلي صفنه وصرتيلي جكاره تورثني وتشرب عمري
افكر بيج واغازل بيج ويه نفسـي
شهـد : ضايج مني لان حبيتني !!
احمد : ما ضجت وهسه ها تأكدتي احبج ..بس فات الوكت
شهـد : صحيح فات ميرجع لكـن كل ايامي الفاتت انتظر اتصالك انتظر خبر منك
...من فراكك تأكدت
تأكدت انك تحبني بس ارجوك احس هذا عقاب الي مو تأكيد كافي
كافي فراك
احمـد :شعلت اشموع عمري الج ..وما رايد اتعبج بهذا الدرب
احبج صحيح لكن من حبي الج لازم ما اقترب ,,,
شهــد :احمـد مبين صاير عندك خلك فراك
احمـد :ما تطفى بحياتي الج نار الاشوق ..لكن عوفيني
عوفيني دربي صعب
شهـد : ضروفك اتحملها واداوي اني الجروح ..مالي خلك هجرك

.....
احمـد بدأ يمشي وشهـد صاحت
ما خاف ما خااف لو عرفو احبك يا ابن الناس
تعال الصبر خلـص شنو ما بعد تشتاك
احمد انصدم من الي سوته شهد ورجع وكال لااا شهد لااا
تسوين هيج ..اني من ردت اروح علمودج
صدكيني وعلمود سمعتج لان انتي كنتي تريدين هيج
...
اشتاكلج بلــ لحظه الف مره لا تهزج الضنون
شهد : احمد تعذبنا هواي كافـي خلنا نمشي مسيرة العشاكـ

_____________________________

احمد بعد عناد طويل ويه شهد رفض ان تستمر على هذا النهـج
لان خايف عليها وعلى سمعتها
وشهـد من سمعت كلام احمـد رجعت لعقلها
وفكرت وبلحظات ابتعدت عن احمد
رغم حبهـا الى احمد لكن حست بتأنيب ضمير لان خانت تقالديدها وعاداتها ودينها
وسوت شيء كانت تنصح صديقاتها بعدم عمله وهو الحب

...توصلت شهد لحل يرضي كل شيء بداخلها
.. عادتها وتقاليدها ويرضي ضميرها وقلبها
ما تتواصل ويه احمد وجهاً لوجه لو حتى تعرف بصدق مشاعره واحساسه وان لا تبادر من الاقتراب من عنده
مره ثانيه
رجعت شهد للبيت
وتمر ايام الكليه وهي تشوف احمد وهو يشوفهـا ولكن لا يقتربون من بعض ويتصرفون
مثل الغربه

....
وتنتهي السنه الاولى
احمد تعـب وحس نفسه حيموت اذا ميسمع صوت شهـد
خلص الصبر عنده وكضى عمره بسبب التفكير
حط ايده على الهاتف وبدأ يتصل على شهـد
..بهذيج اللحظات شهد كانت هايمه بلتفكير بأحمد ومن اتصل ردت امهـا
واحمد سد سماعة التلفون سريع ..
وامهـا ضلت مستغربه وكالت لمريم اخت شهـد الكبيره على الاتصال الغريب الوردهم
وشهـد شكـت بلموضوع لكن ما تأكدت
وبعد مرور يومين تكرر الامر مما زاد الاستغراب عند ام شهد
وبعد مرور ايام اتصلت شهـد على احمد ومن رد
..................................................
احمـد : الو
شهـد : ........

احمـد : الوو منوو ؟

شهـد : ما اعرف شكولك

احمـد : هاي وينج !! صار شكد مفتقد سماع صوتج صحيح اتفقنا نتفارك بس مو هيج
ترى قلبـي ما يحتمل صدمات

شهـد : همت بيك احمد ما اعرف شحجي افكر بكل شيء تعلمته وافكر بيك
تعبت والهم زاد عليه

احمد : رغم بعدنا ورغم قلة لقائنا ورغم كلشيء حبينا بعضنا وهمنا بلعشـكـ
تتخيليين هذا شيء عادي ؟ انتي من نصيبي شهد وما تصيرين لغيري !!

شهـد : مدامك تحبني هلكـد شلون تحملت ..ردت اموت اني
ورغم الوعود القطعتها لنفسي ..خنت نفسي وخنت كل شيء بداخلي واتصلت عليك

احمد : لا ظنج دوم يخطأ !! اني اتصلت لكن

شهـد : لكن شنو
احمد : صوت غريب جاوبني وسديت السماعه
شهـد :انته هذا الاتصلت
احمد : اي اني الكنت الاتصل ..ضنيتي حكدر على فراكج ؟
تهزني كل لحظه ذكرياتج كلها وتخليني افكر بلموت
بعدج صعب ..ما كنت اظن العشكـ هيج صعب ضنيته كله افراح وحب
شهـد : لا يهواي لا تخاف تعبنا صحيح لكن
لكن بلنهايه نحصد ثمرة هلصبر لقاء
احمـد : شوكت ما ظن القلب يحمل اكثر هموم
تغربت بكل مكان لان انتي ماكو بجانبي
شهـد : احمد انته الكنت تنصحني بلبعد ليش هلكد ضعفان !! يمكن قصدك تريد فراكـ
احمـد :يبنت الناس ما اكدر على الفراكـ ..تفاركنا وتطشرت اني ودموعي
وما بقى بقلبي بس الحنين
شهـد :الاحظ كلامنا غريب اني مو من طبيعتي احجي هيج
احمـد :هذا العشـكـ يغير كل تفاصيل الانسان مهما تكون صغيره
شهـد : ......
احمـد : ........

بعد مرور وقت
احمـد: السكوت حلو من اسمع صوت انفاسج
شهـد: الاحلى احساس وجوديـي بجانبك ..يا يوم تجمعنا الليالي عندي هواي سوالف وياك
احمـد : مو بعيد الوقت لازم ننتظر هذا حكم القدر
شهـد : اسلمك عمري وحياتي واني مطمئنه
احمـد : ما اريد ازود همج واجرح احساسج بلـ انتظار
شهـد : من كل عقلك تكول هلكلام ..انته هم تحملت الفراكـ
اني مو مهمه انته اهم شيء
اذا طال الفراكـ انته الصبر ..
احمـد : لا تكولين هلكلام ..شنو روحي كدامج كل شيء املكـه يروح فدوه لنظرة عيونج
شهـد : تهت بغرامك وما اعرف اخر هل احساس
دليني على درب بيه اسلم
احمـد : اصيرلج نظر ..بس نحتاج شويه صبر
شهـد : تريدني وياك ؟ احسبني حد الموت
احمـد : احس نفسي اعرفج من زمان واعرف كل تفاصيلج رغم قلة وصغر وقت
شوفتنا لبعضنا
شهـد :هواي اشياء منعرف نفسرها بمشاعرنا بعدنا جديدين على العشكـ
احمـد : كل هذا وجديديين ..خايف من الجاي
شهـد : لا تخاف .. تعرف رغم الاشياء الحزينه الي صارت بينه بس من كلمتك فرح الدنيا كله اجاني
بس اضحكـ مدري شبيه
احمـد : مثلج الفرح بداخلي مينوصف

...................
اجتي مريم اخت شهـد
وبسرعه شهد غلقت سماعة الهاتف وصعدت لغرفتهـا
اجتي مريم .. شهد وينج ؟
شهـد : ها مريم اني بلغرفه
مريم : المن كنتي تكلمين بلتليفون ؟
شهـد : هاا ما كنت اكلم احد ردت ادك على بيت صديقتي بلكليه بس نسيت نمرة تليفونهم
مريم : منو هذا احمد ؟ لا تكذبين سمعت كل الكلام
شهـد : لا تكولين لاحد عليج الله مريم اسكتي
مريم : لا تخافين ما احجي اذا كلتيلي بس اذا محجيتيلي اكول لامي

وبدت شهد تحجي قصتها ويه احمـد بحذافيرها
,,,,,,,,,,,,,
مريم :اذا يحبج ليش ميتقدملج ؟
شهد : من ابويه يسئلع عن شغله شراح يكله ؟؟ بعدني ادرس !!
ابويه مراح يوافق
مريم :بس انتي تفتهمين وتعرفين كلامج وياه غلط حتى لو كان صادق
شهـد كالت بنبرة حزن : مريم يعني انتي ما تعرفين الحب والي يسويه بينا
مريم : شهد ميصير تلتقين بأحمد لا تنسين كلام الناس ميرحم
وعوفيه لحد متتخرجون ويجي يطلب ايدج
شهد: تريديني اصبر سنين طويله بدون ما اكلمه مريم ...ما ضل بعد بلعمر عوفيني
التعب ملئ قلبي من بعد احمد
كضاني العمر لا تحجين هيج دمرني كلامج
مريم : كلامج يخوف شهد اشبيج هيج ضايعه !! بعدج بأول العمر ما كضه شيء
شهد انتبهي لنفسج شوفي شصاير بحالج
الي بلبيت دينتبهون عليـج كنتي انتي الي معيشه البيت بأبتسامه
حتى ابويه مستغرب من بعدج وكعدتج وحدج
شهـد : اندار بيه الوكت مريم وشلون اعوف الوحده واني اشوف بيها احمد
مريم : خليج على هذا تصرفج وحتخسرينا وتخسرين احمـد
شهـد : ليش ؟

مريم : اذا انتبهو الي بلبيت ممكن حيعرفون بمسئلة احمد ويجوز يبطلونج من الكليه !! وهمين
يأذون احمـد
شهد : اذا حبنا اني واحمد شيء غلط شلون اخونا مصطفى يحب بنت مثل ما احمد يحبني ..
مريم : اخوج اذا كلتيله هيج حيموتج تسمعيني ..يعني تتوقعين حيشوف نفسه مثل احمـد اذا عرف
...مو مثل ظنج من يعرف حيتوقع ان احمد كاذب وديلعب عليج
شهد : ليش يعني مراح يثق بأحمد مثل ما اني اثق بيه
يعني لو حبيبته بمكاني .. اووف
مريم : طريقتج واسلوبج متغيرات وصايره اطباعج هجوميه يعني
لا تتسرعين !! وين عقلج فكري قبل ما تصرفين

................
دخل مصطفى اخ شهد ومريم للغرفه

__________________________________

مصطفى :ها ملتمات الحلوات شنو اشو وجهج اصفر شهد اكو شيء ؟
مريم: لا ما بيها شيء بس مريضه
شهـد :ها لا ما بيه شي بس شويه تعبانه
مصطفى :زين شهد لان اريد احاجيج بموضوع بس هسه نزلي على امـي اتريدج وخلي مريم اريدها
شهـد :حاضر حنزل اشوفهـا
..............
وصار الما خطر على بال احـد
ام شهد:بنتي عندي موضوع اريد احاجيج بيه بس ابقي وياي لنهاية الموضوع
ولا تستعجلين
شهـد :سولفي يمــه
ام شهـد :بنتي انتي ما شاء الله كبـرتي وصرتي تفتهمين وعاقله وما شاء الله عليج بلكليه
بس بنتي الى متى حنصبر اكثر البنت اخرتها تزوج
شهـد :اي بس كليتي مهمه ومن اكمل كليه يله حفكر بهـل موضوع
ام شهد :بنتـي اكو من تقدملج وموافق ان تكملين

...
وشهـد وجها بدأ ينطي الوان ومنصدمه ودموعها ملت عيونهـا
ام شهـد : شبيج بنتي شو سكتـي
شهـد : ما ازوج ليش ما تفهموني اريد اكمل ما ازوج
ام شهد :الكليه مو سبب علمود ما تزوجين ياما بنات ازوجن وكملن دراسه
هذا عنادج ميفيدج اصيح اخوج وابوج يكسرون راسج
شهـد :زين مو اني الصغيره يمـه !!شلون تبيعوني بسرعه شنو هيج حملـي عليكم صار ثكيل
ام شهـد :صدك انتي متعرفين تحجين ومتعرفين مصلحتج وين
بس لااا مو صوجج صوج الكبر راسج واخذ رأيج
حتزوجين ورجلج فوك راسج

شهـد :ضلمتوني ومالي بس الله اشكيله الحال علمتوني
علمتوني ما اتكلم واخذ حقي ومن بعتوني تريدوني اسكت

...
بدت دموع شهد وصوتها يعلى واجتي مريم
ومن شافت حالت شهـد انقهرت وبدت تتكلم
مريم :يمه شكو شصاير
ام شهـد :اختج نريد نزوجـها
ومتقبل عيني علمود الكليه ..يكمن نست آخرها تكعد بلبيت
شهد:يمه زين ليش متعونها براحتها وبعدين يجوز يجيها نصيب احسن وهي صغيره
ام شهـد :احنا حنزوج شهد مو لغريب ابن عمهـا ياسين ..شاريها اشو عنده بيت وسياره وراتبه زين
ومعيش اهله احسن عيشه ومو زين حضها كعد وراح تزوج واحد براسه خير
مريم :شهد يحضي شبيج متوافقين ؟هوه اكو احسن من ياسين
مثقف ومرتب و100 بنت تتمناه
...........
وراحت ام شهد وبقت مريم وشهـد
ومريم تكول لشهد :بسج عاد وين حتوصلين ويه هذا شفتي هاي اخرة الحب
وشهد تبجي
.....
دخل مصطفى
مصطفى : هاي شكو شنو هلبجي
مريم:يعني علساس انته متعرف
مصطفى:اي اعرف ..بس شكو ياسين شناقصه حتى معجبـج
شهـد :ما اتزوج ...ما اريد شنو غصب
مصطفى :هههههههه حتزوجين
حتزوجين وما ادوخ نفسي
شهـد : ما ادعي بس اكول شيء واحد ..الله لا يوفق كلمن يظلمني وياخذ حقي منه
والله يسوي بحبيبتك الي سواه بيه
..مصطفى انصدم من كلام شهد وكأن الكلام شلع قلبه من مكانه
وبنفس الوقت تعصب ومكدر يفهم الي صار
ومريم تباوع على شهد وخافت لا احمد يسوي شي لشهد ووكفت كدامها
_____
مصطفى :تدعين عليه شهد ؟لا انتي شغلتج مو خاليه .....يمــه !!
ام شهد :ها مصطفى اشبيك ؟
مصطفى كال الـ أمه على الصار وطلع من الغرفه
ام شهد :انتي تحبين احد عندج علاقه بأحد لان وضعج مو طبيعي احجيلي ؟
مريم :المن تحب يمه بس البنيه تريد تكمل دراستها
ام شهد :اعرف هاي النظره
اختج المن تحب احجي ..مريم مدامنا بعدنـا مادخلين بلموضوع
مريم:ما اعرف اكلج تريد تكمل دراسـه هاي شهد تتوقعين هل امور
ام شهد :لا خليها هيه تجاوبني
شهد :م اريد ازوج وخلـص كافي عوفوني
......................
وبعد محاولات عديده كانت ام شهد حتخلي شهد تبطل من الكليه
ولهذا شهد وافقت على الزواج من ياسين بشرط ان يتم الامـر
بعد التخرج
ولكن هل امر ما كفـى لا ام شهد ولا ياسين
لذا سوه خطوبه في اثناء العطله
.................................................. .................................................. ............
كل هاي الاحداث واحمـد بعيد عن شهـد وعرف من ياسـر شهد انخطبت و
بليوم يلوم نفسه الف مره ويفكر ان حياته انتهت وشهد راحت من ايده
وبليوم الاول من السنه الثانيه بلكليه
بطريق الى الكليه بلشارع شهد تمشي واجه احمد وراهـا
احمـد :ضاع العمر من يوم صرتي بأسم غيري ما اعرف محتار انه بدنيتي
شهـد :شجابرك على هذا القهـر عوفنـي وشوفلك بنت الحلال انتهى موضوعي
احمد :صرتي ويه غيري ومثل ما ارضى هلشيء لنفسي محرضى الج
حعوفج يبنت الناس لكـن لا تعتبرين حبنه شيء حزين لا بلعكـس اصلا احلى تجربه بحياتي
صحيح راح اضـل كل عمري احترك بس شسوي نصيبي هوه اخذ فرحتي
شهـد :لا احمد لاتظـن افكر بيك على انك تجربه حزينه لا انـت احلى حلم متحقق بحياتي
خانتنه الليالي وما جمعتنه صحيح لكـن جمعت قلوبنـا
العمر بعده صغيـر ومو اول المحبين تعصف بينه السوالف وتاخذنه بعيد
وما خلتنه نعترف رغم شوق السنين
احمـد : تذكرين اول نظره جمعتني بغرامج وشلون روحي هامت بيج
جمعت كل حروفي وصحت بيها عليج واحتاريت شكلج وصديتني
وسميتي كلامي صلافة عيـن
شهـد : اي يبن النـاس من شفتكـ حبيتكـ صحيح واحتاجيت هوايه رجاحة ديـن
احمـد :اتعثرت بلشوق وما عرفت اكمل الطريق
شهـد :ضليت بسكوتي وانتظر كلمة احبج لكنك عفتني ومشيت وخليتني وحيده
احمد :بجيت هواي وكتمت كل الكلام الي بصدري هوايه اخاف
شهـد :شبيك تخاف؟
احمد :خفت اكول كلمة محبه وما انطيها حقها
شهد :ردت اكلك احبك بس المستحه كتلني
احمد :اعرف بيج واحساسج يوصلني من دون كلام
افهمج من نظرة العين
شهـد :بسك غزل اخذتنا السوالف بعيد خانتني المشاعر وخلتني ارجع لذيج الايام
احمد :لاتخافين خليج شويه اكثر ملحكين على الوداع والحزن ودموع سنين
شهـد :ما راح انسـاك
احمـد :لازم تنسيني
شهد :شلون
احمد :جربي تذكرين شي مو زين يخصني جربي تكرهيني
شهد :ما شفت منك شي مو زين لا ارجوك كافي ماريدك تتغير وما تبقى
احمد ذاك .لاتجرح احساسي وتزعلني بهذا الكلام

احمد :ما اكدر على زعلج ..بس حظي وياج ما كاعد
شهد :شحيت دموع بغيابكـ لا تظن هل امر سهـل النهـار لبس اسود من يوم
عرفت انك محتصير الـي
احمـد :اريد هذا يومنا يطول رغم اني اكره الوداع الطويل
شهد :لا تزعل يجوز فديوم نلتقي ونرجع احباب
احمد :بعدني وحبقى نفسي ذاك الجنت يهواج مهما مرتنا ضروف

...

...
وبقى شوق احمد لشهد وكلامهم الما يخلص والحب حتى
2003 وليلة سقوط بغداد وكانت هذه الفتره
السنه الثانيه لشهد واحمد
______
في هذه الاحداث سافرت شهد وعائلتهـا مع عائلة ياسين الى خارج العراق لسوء الاوضاع
وشهـد تركت دراستهـا وبعد مرور مده تزوجت ياسين

امـا احمـد استمر بلدراسه واتخـرج رغم الاوضاع الامنيه ولكن مثل بقية العراقييـن
تعايـش مع الامر هو وعائلته
وما بقى اي تواصل بين شهد واحمـد

______________

بعد سفر شهد مع ياسين وعائلتهـا
كان احمد بلعراق متعايش مع الاوضاع الامنيه حتى عام 2007
واقد امسى العراق ومن سكنه على الاوضاع الامنيه غير الامنه وقد اصبح الامر طبيعياً
في تلك الاونه
____________
واحمد كان يحدث والدته .. وهي تكوله ازوج ابني انته كبرت وما شاء الله تخرجت وصرت مهندس كل البنات يتمنن نظره منك
بس أشر واني اجيبلك التريدها
احمد : لا يمه مشى بيه العمر بعد ما رايد زواج
ام احمد :يمه شنو مشه بيك انته بعدك صغير ليش هيج تعذبني يمه مو الحزن مبين بعيونك بسك
تنتظرها عافتك وراحت لغير واحد حضل هيج لطول عمرك تروح تباوع على بيتهم
و بيضة اليوم أحسن من دجاجة باجر الى متى تنتظر
؟
احمد :لا يمه مو برضاتها راحت لا تحجين عليها كانت تحبني ..والحزن متعلمين عليه مو شيء جديد
ومن اروح اشوف بيتهم يجوز تكون رجعت
ام احمد :انته كلتها يمه كانت يعني هسه نستك مرت هواي سنين ..لشوكت تضل مشغول بلتفكير بيها
..البنيه مزوجه ميصير تريد تهجم بيتهـا انسى ابني
..
احمد بدأ يفكر ينسى شهد رغم انه ميكدر
وكل شيء بداخله بدأ يأذيه
وشهد كانت مع ياسين ساكنه في السويد ومر على زواجها مع ياسين
سنتين وكانت الامور طبيعيه بينها وبين ياسين
لان مو ذنب ياسين ان اهلها حكمو عليها بلزواج من عنده
وياسين كان انسان مثقف وشهد عاشت وياه مو بسعاده بس براحه وهي بعيده عن اهلها
الى سنة 2007 ورجعت عائلة شهد الى العراق .لان ما كان عدهم مصدر للرزق
وبعـد رجعتهم بمده احمـد كان ديباوع على البيت مال شهد
ولاحظ انهم رجعو الى بيتهم والفرح ما كان اله حدود بداخله
ظن انه حيشوف شهد
وتمر الايام واحمد يباوع وماكو شهد
لحد ما يوم طلعت مريم اخت شهد واحمد راح سريع صاح عليها
شهد ..
مريم : عفوا منو انته !
احمـد :اسف ما ادري عبالي بنت ثانيه
مريم :الى متى تبطلون هاي المعاكسات متستحي
احمـد :اختي ما معاكسج عبالي بنت اهنا بيتهم اسمها شهد ...
احمد انصدم لان هوه كال اسم شهد كدام البنيه
.....
مريم :هذا بيتنه وشهد اختي انته منو ؟
احمد : ها اني زميل شهد كنت بلكليه
مريم :شنو اسمك انته
احمد :اختي اسمي احمد ...
مريم باوعت بوجه احمد وانصدمت لان بعد كل هاي السنين ورجع احمد يسئل عن شهد
بهذيج اللحظه فكرت بشهد واحمد شكد يحبهـا وداخلها حسدت شهد لان هم تزوجت من ياسين الغنـي
وهم احمد يحبهـا
ومريم ما متزوجه رغم انها اكبر من شهد بسنتين
اما احمد بدأ يفكر ويتذكر انه اخت شهد تعرف بقصة حبهم
.........
مريم :انته احمد اني مريم اخت شهد
احمد :اهلا بيج اختي ... شهد وين تعبت واني ادور عليها
مريم : شهد متزوجه عوفها احمد ولا تسئـل بعد عليها وهي اصلا نستك من زمان وعايشه بسعاده
ويه زوجهــا انته هم انساها
احمـد : شبيها شصار ما تدري بقلبي اشلون مشتعل نار ضاعت ليالينا وضاعت شهد
ونست كل شي بس يالله حسبي الله على الزمن الي جمعنا وفرقنا
الله يسعدها ..زين كدرت تنسى ..واني لحد الان متعذب بحبها
مريم :اليحب ما ينسى وانته صدكـ كنت تحبها
احمد انصدم من كلام مريم لان تكول شهد نسته وشكـ بلـ امر لكن تأكد انها نسته لان مسئلت عليه ابد
وشلون تسئل عنه وهي متزوجه ..عرف ان شهد بعد مترجع اله
وضلـ يباوع لمريم وشلون تتكلم على انه شهـد ما كانت تحبه
وتتلاعب بيه
مريم :اشبيكـ ساكت بســك لا تنوح انته هواي كبرت امشي طريقك ولا ترجع للماضي
احمـد :روحي وعوفيني بحزن قلبي يا عمر هذا شبابي كله راح ويه حب شهد
والنهايه انكتبت انه ما ننجمع ابد
مريم : ليش تضل بحزن الي ينسـاك انساه وكمل مشوارك
هذا الفراكـ لعب براسك وخلاك كبير
لكن اذا حبيت ترجع لصباك
احمد :يا حب بعد تعب قلبي وما اظن يحمل حتى العيشه
اشو كمت اشوف ايامي معدوده ومدري شصار بيه .....
مريم :هذا يسمونه كسران الخواطر والقلب هذا مده ويروح
اذا تريد تنسى مثل ما حبيت لازم تكره
احمـد :بس ماكو حب حقيقي يتحول الى كُره
مريم :حب حقيقي من الطرفين ؟
احمـد : ما اعرف الصدكـ كمت اشكـ لان ممعقوله اختج نستني بهـل سرعه
مريم : يعني لو حتى محبتك بس شي اكيد هي هم تأثرت بس بلنهايه هيه مزوجه وميصير تفكر بشخص غير رجلهـا
وهو انسان غني ومثقف يعني اثنينهن عنده ومعيشها احسن عيشه وهواي
يحبـها..... اتمناله السعاده
احمد :ادعيله تعيش بسعاده ويه غيري شي صعب اتمنى لشي كنت احسه ملكي
ان يكون بسعاده يم غيري بس يالله هي ضاعت من ايدي بعد ميفيد
الاسف ..
مريم : اذا البشر نسوكـ احمد الله مينساك
.....
بدأ كلام مريم واحمدومريم بدت تسحب بأحمد من جهة شهد الى جهتها ..كانت مريم
تعرف تفاصيل احمد وكلشي عنه بسبب كلام شهد الكثير عنه
... رغم ان شهد اختها
لكن صارت انانيه لان شهد امتلكت كلشي وهي ما امتلكت شي
....وبعد حديث طويل لاحمد ومريم
واحمد بدأ كلبه يدك لمريم من كلامهـا ولاحظ انها تعرف بلحب وتحجي
عن الوفى والتضحيه
... مريم استغلت انكسار احمد من شهد وطيبت خاطر احمد بكلامها
وهو كان مشتت الافكار ومعرف شيسوي
واتحول حب شهـد عند احمد الى حقد
...

احمد : شوكت ترجع شهد ؟
مريم :شهد كالت بعد ما ارجع للعراق لان العراق انهدم وراح وبعد ميصير بيه امان
والسويد احلى بهواي وياسين هم شغله اهناك
احمد : حتى على بلدهـا هيج كامت تحجي بدال ما تدعي الاوضاع تتحسن
شهد كالتلي لا تتغير وبلنهايه اني بقيت مثل ما اني
وشهد هيه التغيريت او اني كنت مخدوع بيــها...
يعني شهد حتسكن اهناك ومترجع لو حتى تحسن الوضع
مريم :اي مترجع بعد للعراق .
احمد :زين وانتو حترجعون لو تبقون بلعراق ؟
مريم : لا حنبقى بلعراق منرجع ..اعذرني حروح لان تأخرت ومو حلوه وكفتي وياك هلكد بلشارع النوبه
يشوفنه احد ويوصل الكلام لامي
احمد :تعذرييني اخذني الكلام ونسيت
تفضلي الله وياج
...
وراحت مريم واحمد رجع للبيت وامه اجتي
ام احمد :ها يمه احمد وين جنت يم بيت شهد مو ..الى متى ابني متمل متتعب ترى حتموتني
العالم ديحجون عليه يكولون ليش متزوجين ابنج والجيران يشمتن بيه
احمد : يمه واني شعليه بجيرانه.... هاي حتى ازوج بنيه منهم مو
ام احمد : هوو علينه ..عوف الجيران وين جنت
احمد :يم بيت شهد
ام احمد :اي وكلعاده مموجودين الى متى متمل
احمد : لا راجعين لبيتهم
ام احمد :صدك يمه اي وشصار
______________________
وحجى احمد الأمه على الي صار وامه كالت
ام احمد : زين يمه هاي مريم مزوجه لو لا
احمد : والله يمه ما ادري بس مدامها ساكنه ويه اهلها ممزوجه ليش ؟
ام احمد :ازوجها الك يمه هيه شهد ونستك وعلى كولة ابو المثل
الترك داره قل مقداره
احمد :لا يمه هاي اختها اشلون ازوجها ومنو يكول حترضى بيه
ام احمد : يمه اختها من زوجوهـا الـ ابن خالتها
علمود الغنى وما كان الامر بيدها
يعني هاي همين الشور مو شورها الامر والنهي بيد ابوها
وانته زلمه معدل و100 بنت تتمناك
وعلى كولة ابو المثل إذا كثر مالي كل الناس خلاني

احمد :والله يمه ما اعرف شكولج يعني معقوله اتزوجهـا واعيش عمري وياها
واختها كانت حبيبتي !
ام احمد : ابني ناس تاكل دجاج وناس تتلكى العجاج يعني
هيه اخذت الغنى وعافتك بحسرتك ونستك واختها حسب كلامك بنيه حلوه ومتتخير عن اختها
واحسن من اختها همين ..
واشو هيه مراح ترجع للعراق وين حتشوفها ؟
احمد : عوفيني يمه افكر بلموضوع

-----------------------
وبعد تفكير طويل لاحمد وكلام امه المستمر وافق وراح خطب مريم من اهلـها
وبلتأكيد وافقو
وبعد التقدم لمريم ... راحت مريم وشافت احمد
مريم : غصبوني اهلي عليك ليش تقدمتلي حتى تقهر شهد بس مو
ما تحبني بس انته هيج دمرت مستقبلي حتى تنتقم
احمد :لا تضنين اني افكر بشهد اني نسيتهـا ورايدج يبنت الحلال زوجه
اليه.. جنت محتار بدنيتي وهسه النوبه صرت وياج هم محتار
لا تصيرين مثل اختج ما ترضى بحبي ومن ترضى تروح لغيري
مريم :محتاجه اثق بيك ! بس الضاهر ما عندك صبر على الفراكـ وعلى الانتظار
احمد : لا اكدر اصبر
مريم :ممحتاج تصبر حنطيك قلبي وثقتي وكلشي املكه احمد
لان البراءه مبينه بعيونك .. بس عاد كون ما تطلعني غلطانه

______________________
واكتمل الكلام بين مريم واحمد بلحب والغزل
واحمد بدأ ينسى شهد من صدكـ

اما شهد الي تحب احمد هم كانت تنساه وتتعلق بياسين الي
كان موفر كل شي
..واخيراً خابر مصطفى اخته شهد وكاللها مريم انخطبت
وعرفت شهد انه اسم خطيب مريم اسمه احمد
وشهد فرحت لاختهـا ..لكن معرفت انه خطيب اختـها هوه نفسه حبيبـها

•••••••••••••••

اقترب موعد زواج احمد ومريم وكان خطيبين بقمه السعاده واحمد بدت مشاعره تستقر بحب مريم وماكو اي اثر لشهد فقط ذكريات ماتت
وبيوم مريم جانت معزومه ابيت احمد وام مريم جانت لوحدها وتحاجي شهد
شهد: يمه شلونها مريم ويه خطيبها وشلونه...هو يحبها يخاف عليها ؟
الام: اي يمه شايلها بصلوات والله انطاها خوش زوج بعد صبر تعرفين اختج تاخرت بزواج وفرصها قلت
شهد: هاي فضل دعواتج النا يمه تمنيت اكون موجوده وحضر خطوبتها وساعدكم بتحضيرات الزواج
الام : ميخالف ولايهمج اني هم صورت الخطوبه علمودج هسه ادزلك الفيديو وعرس ان شاء الله تلحكين تجين وتحضرين
دزت الام الفيديو وشهد شافته وشافت احمد كاعد بصف مريم ومصدكت الي دشوفه بعينها وبقت تعيد بمقطع حتى تتاكد وبصدمه سالت امها
شهد: يمه هذا منو الي بصف مريم
الام :هذا احمد خطيبها
هنا شهد انهت مكالمه بسرعه وبدت تبجي لان جرح جان مو سهل عليها بدت تفكر بالي صار وشلون احمد وصل لمريم وخافت على اختها اذا كانت متعرف ويكون احمد مستغلها حتى ينتقم او حتى يوصل الها فقررت تحاجي اختها وتفهم منها
بعد ساعات رجعت مريم وكعدت سولف لامها اشصار بعزومه ابيت احمد وامها بدورها حجتلها شلون خابرت شهد ومفاجاه ان شهد حترجع لعراق لان قرب موعد ولادتها وتريد تولد يم امها وصدمه الاكبر من عرفت امها دزتلها فيديو الخطوبه
مريم صارت بحيره بأمرها وحست اجه يوم الي جانت خايفه منه وراحت خابرت احمد
مريم :الو احمد
احمد :الو مريم وياج
مريم :احمد الحكلي شحسوي
احمد :على كيفج مريم شصار شكو ؟
مريم : احمـد شهد حترجع للعراق لان حتولد اهنا وهمين يمكن عرفت انت حبيبها نفسك الخطبتني
احمد : شلون عرفت ؟
مريم :امي نطتها فيديو الخطوبه
احمد :اي بس ممكن معرفتني واذا اجتي لا تخافين شتكدر تسويلنه اني احبج الج
مريم : بس اني مرايده اخسر اختي اريدك تسوي نفسك متعرف ان شهد اختي واني هم ما اعرف انته احمد حبيبها حتى لا اخسر شهد
احمد :زين هذا خوش اتفاق ..لكن تأكدي لو حتى منجح هذا الامر شهد متكدر تسويلنه شي اني احبج وانتي تحبيني ..اهدئي
مريم : احمد اذا صار الامر وتفاركنه اني احبــك
احمد :لاتحجين هيج ميصير شي واني احبج واسوي المستحيل علمودج
مريم :احس نفسي ضعت ما بينك وبين اختي ما اعرف شسوي
ما كان لازم احبك احمد
احمد :يعني اني شي خطأ مريم ..ليش هيج بديتي تحجين مريم اني احبج ومو من حق شهد تلومج صدكيني هيه عافتني وراحت لغيري يعني مالها حق تحجي عليج انتي حره تحبين الي تريدينه واني الي تقدمتلج انتي ما بادرتي بشي يعني ما غلطانه انتي اني ردتج تصيرين زوجتي وحلالي

مريم :تطمئني بكلامك لكن ..ما اريد اخلي الصوج بيك ..اني هم كنت طرف بلموضوع اني همين بسرعه حبيتك ومحسبت موقف اختي من هذا الحب

احمد :مريم كافي ارجوج ...لا تبتعدين عني بعد ما صرنا قريبين وايام معدوده ونزوج
________
انتهت محادثة مريم واحمد بحزن وقلق من مريم وبعد لحظات

شهد اتصلت بمريم وجتي اللحظه الي ماتمنتها مريم واول مشافت اتصال من شهد نست كل كلام لتفقت عليه هي واحمد

شهد : مريم منين تعرفين خطيبج ؟ شلون تعرفتي عليه ؟
مريم : ما اعرفه هوه تقدملي امه لكتني اله
شهد : يعني متعرفين هذا منو ؟
مريم : شبيج شهد اكو شي ؟ منو قصدج هوه غير احمد خطيبي !
شهد : هذا احمد الكان يحبني واحبه مريم معقوله ما تعرفينه
مريم : ما كنت اعرف صدك تحجين ...
شهد : هذا ممكن يكون مستغلج مريم
مريم : وليش مستغلني ليش متكولين يحبني هوه ما مخليني محتاجه شيء وهواي يحبني
شهـد : لا تنخدعين مريم بعدين تتندمين
مريم : بشنو يخدعني وبعدين اذا هذا حبيبج القديم ..ليش تحجين عليه مو هوه نفسه التكولين عنه خوش ولد وتمدحين بيه شو هسه صار مو زين شنو لان يحبني ؟
شهد : لا مو قصدي مريم اني ما حجيت عليه بسممكن يكون دينتقم مني بزواجه منج او ديريد يوصلني
مريم :كلشي متعلق بيج يعني ابد متفكرين بيه يعني ليش ما تكولين
يحبني
شهد : يعني طلعتيني اني الغلطانه وانتي الي رحتي واخذتي احمد الي جان يحبني
مريم : ما اخذته هوه الخطبني واكلج يحبني ليش متصدكين
شهد :يتممها على خير اختي مبارك عليج ان شاء الله كلامج صدك
مريم :يعني انتي مضايجه لان يحبني
شهد :اني مزوجه وحيجيني طفل ونسيت احمد وما افكر بيه واحب ياسين زوجي
مريم : تدرين شهد اني هم احب احمد وما اكدر اعيش بدونه
احساسه كله الي وما مخليني افتقده كل الوقت وياي
شهد : الله يسعدج ويجعل ايامج كلها افراح

انتهت محادثة مريم وشهد على خيـر وتمنيات شهد لمريم بزواج سعيد لكـن...
شهد متنام ليل وتبقه تفكر شلون حتصرف وشسوي واستمرت بهذا حال لحد ماصار وقت سفرها والرجوع للعراق
رجعت شهد وهي مقنعه نفسها ان احمد ماضي وهي حشوفه مثل اخوها لان هذا حيكون زوج اختها وملازم تكسر قلب اختها وتخليها بهيج موقف خصوصا هي حست بختها وشلون تحب احمد مثل ماهي حبته
وصلت شهد وجان لقاء حزين بعد كل هذا فراق شافت اهلها وحست براحه ونست كل توترها
بيوم الزفه احمد جان متوتر من لقاء وشلون حيشوف شهد وشنو الي حيصير

••••••••••••••••••••

وصلت الزفه وكل متوتر... مريم محتاره
ودشوف اختها بعينها القلق والحزن وبقت عدها فكره مجنونه
انها تلغي الزواج خاطر متكسر بقلب اختها
دخل احمد ويه الزفه وعينه بالكاع مرفعها خايف ليشوف شهد.....
مريم دموعها ملت وجهـا
وشهد ختلت وره امها وعينها على احمد
شلون ديتقدم لاختها حست بلحظتها ان موقف اخف من ماهي توقعته
وان كل شي بالقسمه والله انطاها زوج يحبها
وماقصر وياها وجايها طفل حياخذ كل حبها واهتمامها واختها تستاهل احمد
لان يحبها وخوش ولد وحتأمن عليها وياه.........
_______________________________
احمد ديشوف حزن ودموع مريم وفهم السبب مسح دموعها وكللها

احمد : مريم بسج كافي تهمين تراها دموعج غاليه واني احبج وما اعوفج لاي سبب
مريم : احمد مدامنه بعدنه بداية الطريق ما اريد اكذب عليك وتكون علاقتنه مبنيه على كذبه
احمد : شنو الكذبه مريم شقصدج
مريم :اني خنت كل ثقتك بيه .. ما استحق حبك
احمد :مريم شبيج شدتحجين ..شبيج شصار
مريم :قلبي صاير عليك مثل نار ...اني حجيت على اختي بكلام كدامك
بس حتى تحبني جنت انانيه ..حسدتها بكلشي لان انته حبيتها وردتك بس
الي اني اسفه واتفهمك اذا عفتني ..اختي جانت تحبك ببراءه واني حبيتك بكيــد
احمد : مريم انتي اعترفتي بخطائج وكبرتي بعيني ...واختج مزوجه وصارت لغيري ..بسنا هموم ومعاتب ..خلينا نفرح بزواجنا وعوفينا من المضى
مريم : مالك كل ذنب ليش تعشك وتحب ..وحده باعت اختهـا
احمد :ما اريدج تحجين على نفسج هيج كافي ...وشجابرج على القهر اني مسامحج بس
مريم : شلون اعوف المضى وهو كلساع يدك بابي ويذكرني بأفعالي
احمد : ما ترجع السنين امشي وياي ولا تخافين انتي تغيرتي
يحتاج وكت وتطيب الاجراح هسه تنسين
مريم :هذا مكتوب احمد عوفني وخليني اتعاقب ..بحبك تعذبني اكثر
احمد : ما اعوفج ..مو تواعدنا بلصبر مو تواعدنا ما نعوف بعض ..لا تخونين الميثاق القطعناه
مريم :لا ارجوك بعدني اني ذيج مهما تغيرت الايام ما اخون حبك
وابقى وياك
احمد : عرفتج ما تجرحين احساسي وتبقين وياي بس اذا ناويه الفراك
احسبيني ميت وانتي صرتي دفان
مريم :ما اكدر على بعدك شلون تريدني افكر بفراككـ انته الهوى وانته شمعة دربي
احمد : عذبنا الوكت بسنا هموم ..خلينا ..خلينا نفرح بهذا اليوم حطي ايدج بأيدي وخلينا نمشي لقدرنا
______________________________________________

اقتربت شهد من اختها واحمد وباركتلهم
شهد : الف مبروك
احمد : الله يبارك بيج ...اختـي
شهد: متوقعت اسمعها منك فديوم ..بس احسها صدك هسه مناسبه
انته هسه نفذت وعدك لاختي وبهذا صرت انته صدك اخويه وتستحق اسم الاخ
مريم : عفيه شخلك عدكم لسه ما ضاك مو عيونكم تلمع من تتكلمون والدموع تريد تنزل ...ادري تحبون بعض بس علمودي ساكتين
شهد : مرن ايام العمر ويمكن تناسينا كدام الناس لكن .. صدكي والله هوه مجرد... اخ وبشوفتكم سويه ردت اليه الروح وحبي لاحمد تحول حب اخوي لا اكثر وكل شعور حسيته اختفى من شفتكم سويه
احمد : تغربت شهد واني تعذبت ..والصبر تفرهد مني
واجيت ادور عنها وشفتج ..قلبي دك الج ..وبعدها ما دك لاحد
شلون تريديني افكر بغيرج ..شهد اختي وبس وانتهى البينه من زمان
مريم : ترى الضنون تهزني ..اعذرني ارجوك ..خلص عمري علمودك
وخايفه من الفراك
احمد : مو قصدي الفراك ... قصدي الج اشتاك يبنت الناس عطشان
القلب لسوالف محبتج .... لتضيعيني بمتاهات الصبر تعذبت هواي
لا تخليني اهم اكثر
........................................

كان كلام احمد وشهد انهم اخوه وبس ..ممكن يكون كلامهم مو حقيقي ونابع من القلب ..لكن كان الصح ..شهد تعذبت من كلام احمد وشلون تغزل بأختها كدامها واحمد انجرح قلبه من كال كلمة اختي لشهد ..
لكن احمد كان يحب مريم ايضاً وحبها يزيد بقلبه وشهد تحب ياسين
وشافو كل شيء بلقسمه والنصيب
______________

احمد يلزم ايد مريم ويطلع ويه الزفه
وباله يبدي حياه جديده بحب مريم
وشهد وصلتهم وجانت اكثر وحده فرحانه والهلاهل ماليه الفرح

____________
انتهى الامر بزواج سعيد
..شهد انجبت طفله ورجعت الى السويد
..مصطفى حبيبته انخطبت لغيره
ومن عرف عاف كلشي وسافر

وتنتهي القصه بنهايه سعيده للبعض وتعيسه للبعض