تحميل رواية «قصص رومانسيه» PDF

للكاتبه سجى الموسوي

(عائله زينب )

زينب -عمرها19 بنيه حلوه وحبابه وخلوقه ومكسوره 💔☹️(الكسر ينجبر يارب

ام زينب_عمرها 44 هالمره شافت الويل بحياتها😓(الله يفرجها عليها)

لينا ومينا -اخوات زينب توأم عمرهن 14 شاطرات بالمدرسه بس شويه وكحات 😜

مرتضى ومصطفى-اخوان زينب عمرهم 9 سنوات هم توأم هذوله مخبلين الناس بوكاحتهم 😫🤡

(عائله علا)

علا-عمرها 19سنه صديقه زينب مرحه كلش ومتوسطه الجمال اضخم من زينب تحب تحشش وتشاقه هواي (رب اخت لم تلدها امك)❤️

علي:شاب طويل حلوو انيق مهندس معماري اخو علا صديقها موو بس اخوها كلش مهتم بشغله وثكيل لابعد الحدود مداخل قصه حب بحياته (بس قلبه يدك قريبا)😍

اكرم-اخو علا عمره 32 طبيب متزوج طبيبه وياا وعنده 2  اطفال ليان وجعفر

ابو اكرم وام اكرم -ناس طيبين كلش وحبابين الاب محامي الام ربه بيت

سناء-عمرها 31 زوجه اكرم شويه مغروره

عباس: اخو علا الصغير عمره 10 سنوات

ابو سرمد -خال زينب طيوب بس شويه يخاف من مرته 😋😒🐸

ام سرمد _هاي الغاكه الله ليراويكمياها

سرمد--عمره 27 خسيس ونذل ميدرس شي معتمد ع امه

احمد _عمره 24يدرس طب باوكرانيا

بقيه تتعرفون عليهم بالقصه

زينب طالبه من عائله فقيره كلش مرحله اولى كليه اداره واقتصاد  عمرها 19 سنه مچان عندهم معيل ابوها متوفي من هي صغيره وعندها 4 اخوه صغار 2 بنات توأم (لينا ومينا)و2 ولد توأم( مصطفى ومرتضى )الولد عمرهم 9سنوات  والبنات 14سنه  امهم تشتغل بالبيوت تساعد جيرانهم بالتنظيف حتى تحصل كم فلس وزينب حلمها تصير مهندسه معماري بس الضروف اقوى جانت مكدرت تخلي مدرسين طلعت معدل قليل خلاها تروح اداره واقتصاد وكان عندهم خال واحد ابو سرمد حالته الماديه متوسطه بس جان يدفعلهم بس الايجار طبعا من وره ظهر زوجته جانت نحسه حيل وتكره اخته ام زينب كلش وحتى وره وفاة زوج اخته عاشو يمه سنه بيتهم تالي راوتهم الويل اظطرت اخته تترك البيتً

ام زينب؛ خويه ابو سرمد اني هواي زعجتكم وزوجتك حقها متتحملني مره وعندي 5 جهال وانت عندك جهال شوفلنه مكان اجرلنياه واني اشتغل واعيل جهالي انت كفيت ووفيت هوو

اعترض بالبدايه

ابو سرمد: معندج  غيري انتي اخيتي الوحيده

هذا الحجي  دتسمعه النحسه الغاكه 😡😠ام سرمد (كبر شكد مكروهة)جان عنده 2ولد سرمد واحمد

ضلت تكله

آاإم سرمد: خل يطلعوون صارلهم سنه بيتي وكحين جهالها دمروني ميخلون ولدي يدرسون وهوو جذب كلامها

ام زينب :سمعت الكلام الدار بيناتهم. مااريد اسوي مشاكل بعد وسمعت كلامها وانت ممجبور بعد كافي طلب اخوي شوفلنه غرفه اني وجهالي تأوينه هوو بالكوه اقتنع وكلها بشرط ادفعلكم الايجار اني كوه وافقت بكلامه فاجرلهم غرفه بس بعيده عن منطقته حتى يبتعدون  عن الغاكه 😡 المهم طول هالسنوات هو خالهم يدفعلهم الايجار بلا مزوجته تعرف وام زينب تشتغل بالبيوت تساعد الناس لان جانت ممكمله دراسه متزوجه من عمرها 15 سنه وهي كوه مدبره العيشه من شغلها

زينب: طلعت القبولات معدلي ناصي ميوديني حلمي وطموحي هندسه معماري طلعلي اداره واقتصاد انقهرت كلش لان وضعنا المادي ميسمح اخلي مدرسين اوو اشتري ملازم معتمده ع المدرسات بالمدرسه وتدرون التدريس هسه شللون صاير يلعب النفس المهم هو بهاي السنوات هواي تأذيت من الناس يحجون علينا ماعدنا رجال بالبيت اخوتي صغار امي تطلع الصبح ترجع الظهر وانوب تتغده وتصلي وتطلع تجي المغرب تنظف كم بيت بالمنطقه وتساعدهم بالطبخ بس الناس الزينه العندهم اخلاق تشتغل يمهم 

ووخالو الله يحفظه كلي فلوس الخط مالت السياره عليه لتخافين و جابلي موبايل عادي وخط  وجبه رصاصي وشال واحد وجنطه وحذاء وضليت كله بيهن اداوم معندي غيرهم .

😓سلام الله على ابو الحسن من كال (لوو كان الفقر رجل لقتلته).

داومت اول يوم كليه التقيت ببنيه كلش حلووه وحبابه اسمها علا

علا: عمرها 19 سنه كلش حلوه  من عائله غنيه جدا جدا وعندي اخوان 2 اكبر مني اكرم طبيب ومتزوج طبيبه وعنده 2اطفال ولد وبنيه وعلي مهندس معماري عمره 25 سنه ملتهي بشغله وممفكر بشي اسمه زواج وحاير بدوامه وبس مجد بعمله

علا: اول يوم دوام وكعدنا بالقاعه بالستيج بصفي بنيه كلش خايفه وحبابه ومتوسطه الجمال اني احلى منها بهوايه بس هي احسها مكسوره بديت احجي وياها لان اني معندي صديقات وشفتها يمي كاعده

اتقربتلها وانوب انطيتها رقمي كتلها خاف تحتاجين شي هي ابتسمت وانطتني رقمها وضلينه نمشي سوه دائما اكلها نروح للنادي ترفض اكولها  نستنسخ ترفض

زينب : ماعندي فلوس بالجنطه غير 10الاف مااريد اصرفهم الاكل من ارجع اكل والاستنساخ انقل افضل ليش اخسر وامي خطيه ماعندها 😭اخوان 4 عندي غيري شتصير امي وجنت استحي من علا لوو اكلها مااشتهي ومن تستنسخ اكلها اريد ملازمج اخذهن للبيت وارجعهم باجر الج هي عبالها عندي طابعه بالبيت 💔☹️متدري اضل اكتب بايدي الليل كله لحد ماايدي تتعب

زينب_طبعا بحياتنه مشفنا راحه كلها تريد تنهش بلحمنا لان بس مره وجهال هواي اعترضولنه بحياته اسولفلكم مره من المرات  جنت صف رابع اعدادي 😢😓 رحت لبيت مره امي تشتغل يمها (بمكان امي لان مريضه ) فنظفت البيت كله وستوني بالمطبخ دااغسله بالماسحه وع اساس محد بالبيت بس ام جاسم ولدها طالعين الاغم ابنها كاظم راجع من الدوام جان بالثالث كليه وشافني مصعده البجامه لان منكعه ونازعه الحجاب وشو هذا فات للمطبخ فجأة وصارت المصيبه😳😳😭

دخل كاظم الكلب مثل الحيوان واني جنت طفله عمري 15 سنه ودخل للمطبخ ويباوعلي من فوك ليجوه بنظرات خسيسه  عبالك متوحش شاف فريسته  اني بسرعه ركضت نزلت البجامه وغطيت رجليه ولببست حجابي هذا تقرب عليه ولزمني من ايديه وركعني ع الحايط😭😫اني كمت اصيح واصرخ وابجي طفله وادفعه بايديه وهذا يحاول يسوي شي لحد مااجتي امه دفعته وضربته راشدي وطردته

ام جاسم: يمعزه غضب الله عليك ياحقير هاي طفله شتريد منها وحضنت زنوبه كتلهاا يمه سكتي هدئي مسحيها بوجهي هذا مدري شبي تعالي هدئي واوديج لامج

زينب: ميته بچي جنت ووجهي مجرح خرمش وجهي وايديه زرك صارت من جعصهن حيل واني اقاومه وحاجيت ام جاسم خاله وديني لبيتنا مااتحمل ابقة لحد ماهدئت رحت لبيتنا

(طبعا هاي الاحداث قديمه بس تذكرتها لان ﺡـَيآتـِ✿ـْيِہ كلها مأسي☹️وطبعا من ذاك اليوم لليوم من رجعتني خاله ام جاسم لامي وطبيتلها هادئه بعد مطلعت اساعد امي كله ابقه يم اخواني واذا تمرضت متطلع بعد)

نرجع للحاضر

علي _اليوم عندي تخطيط قطعه لازم اسهر للصبح اكمل الخارطه حتى اسلمها للناس باجر

علا-هلاوو علوش ﺡـَبيـِ✿ـَبيْہ شللونك من زمان مراجع من وقت مشتاقتلك يبعد اختك

علي:هلوو علا اي والله الناس مستعجلين يريدون الخريطه باجر لازم اسهر واكملها

علا: الله يوفقك ضلعي😘

علي:ويوفقج ضلعه 😍

علا.باي علاوي حروح ادرس .

يوو اني مامنتبهة لامتحاني شنو ليش ممركزه اهوو منين اعرف امتحاني اووف ايييي خل اخابر زينب مبينه شاطره 😇

زينب :  هَــْ🌺💆ـِْـْْـِلاوّ  هّـْـِــн є ℓ ℓ σ ـُلـْو علا شللونج الامتحان من ص1_ص20

علا-تسلمين زحمتج وتعبتج وياي

زينب_لاا ماكوو زحمه تدللين

مع السلامه

سديت الفون امي كلتلي منوو هاي يمه الخابرتج

زينب :صديقتي بالكليه كاعده يمي وضلينا اني وماما نسولف ع الكليه وع الدراسه وهذا الحجي صار  كم شهر نداوم واني نفس ملابسي😢ماعندي غيرهن بس امي اشترتلي شال ابدل بي 😢ويه الجابه خالوو وخالو ضل مستمر ينطيني فلوس الخط ويجيبلي وياهن رصيد كل شهر وطبعا  ويه فلوس ايجار بيتنا

علا:ضليت ادرس للامتحان وسمعت اكرم وزوجته سناء يتعاركون  لان غرفتهم يم غرفتي تالي طلع وركع الباب

اكرم:ادري بيج طبيبه وكت ماكووو بس اطفالج حقهم عليج لازم تدرسيهم وتهتمين بيهم من همه صغار لسه جايبتلهم خدامه تداريهم شويه فرغي نفسج الهم

سناء: والله عيني ممجبور تزوج طبيبه چان تزوجت ربه بيت تكعد يم جهالك 😏

اكرم :ولج همه هم جهالج شنوو  جهالك 😡😠

علا:اني وعلي طلعنه للصاله الكدام غرفنه دنشوف اكرم وسناء يتعاركون بصوت عالي وامي وابويه صعدو ليفوك

ابو اكرم: باباتي صلو على محمد شنو مشكلتكم اهدؤ

ام اكرم :يمه وليدي شبيك صوتك واصل لسابع جار نصو صوتكم

علا؛ اني وعلي ساكتين متدخلنه نريد نهدئهم ونسكت لان نخاف من رده فعل سناء تسمعنا كلام يقهرنا

اكرم : بابا مااتحمل متهتم سناء لابيه ولا بجهالها حايره بنفسها موتتني

ابو اكرم : وليدي كل مشكله الها حل لعنو الشيطان ساعه غضب

ليان : جدو شبيهم ماما وبابا يصيحون ☹️😓😢👧🏼

ابو اكرم :جدو ماكوو شي روحي نامي يله بنيتي سناء اخذي بنتج وروحي لغرفتج

سناء؛ حاضر عموو تصبحون ع خير كلمنن راح لغرفته علي رجع للخريطه وعلا تدرس امهم راحت تصلي وابو اكرم حاچه ابنه بابا انت ابني العاقل سامحهة هم خطيه حالها حالك متلحك وضلو يسولفون

مرت ايام لاا جديد

بس فِـد مره علا خابرت علي كلتله تعال اخذني من الكليه الخط ميجي

(هلا هلا اجه الحب)❤️

علي:اوك نص ساعه واجيج

( وصل للكليه )

اجه علي للكليه وچنا واكفين اني وعلا

علي:السلام عليكم 

علا وزينب:عليكم السلام

علي :شفت بنيه واكفه يم علا اول مره اشوفها  جان صوتها ناصي هادئه حزينه اشتغل بشركه وجنت ادرس كليه 5 سنوات ومسافر هوايه بس ماكو بنيه جذبتني او ضليت افكر بيها ومااهتم اصلا للبنات بس هاي البنيه غيرررر عن الكل👷🏻👸🏻

زينب:اني المثل وضعيتي وكسري مااباوع لاحد ولا افكر اباوع بس اخو علا كلش انجذبتله من اول مره اشوفه بس بعدين كلت اني شعندي داافكر بي وشغل بالي شجابني لهالسوالف زينب كافي سكتي وركزي بدراستج وبس

چان طموحي وهدفي  بالوقت الحالي اريد اتخرج واشتغل وارفع راس امي ومااخليها تشتغل ببيوت العالم (طبعا طموحي صار هيج وره القبولات لان حلمي چان هندسه😔)(قدر الله وماشاء فعل)

(طبعا زينب كولشي سولفت لعلا ماضمت عنها شي حستها اختها وعرفت ضروفها كلها وبقت وياها ومعافتها يوم چانو عبالك اخوات فعلا كامت تستنسخ 2 نسخ الها ولزينب وره معرفت بيها تاخذهن تكتبهن )

زينب:رفضت لان عزه نفسي مسمحتلي بالبدايه بس علا قنعتني كلتلي انتي تساعديني وتدرسيني وتنطيني محاضرات انتي مدرستي الخصوصي وماشاء الله شطوره واني لمدرستي انطيها ملازم ❤️😃اقتنعت واخيرا حسيتها اختي .

خالو بقه يجينه بين فتره وفتره كل اسبوعين مره تقريبا اتأخر علينا شهر كامل مااجه ضلينا حايرين چان يجيبلنه فلوس الايجار والخط شللون بينا

طلبنا من ابو البيت يأخر الاجار للشهر الجاي والخط اسبوع اتأخرت ماانطيته ضل يلح عليه مااجاوبه علا افتهمت بالسالفه انطت فلوس الخط للسايق (الله يوفقها نقذتني من الفشله)

بهذا الشهر الما اجه  بَـي خالو طلع صايره بي مصيبه 😔(فديتك خالو مقصرت ويانا)

يوم من الايام ام سرمد اكتشفت طول هالسنوات زوجها ينطي الايجار لاخته وتعاركت وياا وضلت تصيح وتتعارك ونرفزته هالغاكه طلع يسوق السياره بسرعه وسوه حادث وصار بي شلل نصفي😔😓

نام بالفراش وابنه صار الحل والشد بيدده سرمد ابو البنات يكله بابا روح لعمتك يلح عليه ميروح لان طالع اغم ع امه الغاكه (عابت الج ولابنج حيوانين كبر حتى كبر😡سوري عصبوني😔) حاير بصديقاته يوميه ويه وحده شكل عنده كلشي مباح ابوو حاجاه عافه وراح لصاحبته 💃

سرمد ؛الو حياتي نسرين اني اليوم يمج حظري نفسج سهره للصبح 👻

نسرين/راقصه تشتغل وبنت ليل والعياذ بالله (الله يبعدنا عن الحرام واولاد الحرام ) 🌚(سرمودي حقير دروح اتزوج بنت عمتك احسلك)

نسرين: اوك حبيبي بس جيبلنا عشه جاهز ماادري شكو مابيه حيل

جنت لابسه سيت احمر قصير وبلا ردن ومخصله شعري برغندي وخاله حمره مات ماروني (دي ليله كلهاا احمر باحمر ربنا يستر حيحصل ايه😁)

سرمد : دخلت لشقه نسرين اشوفها كلها احمر باحمر وشموع حمر دخلت  بستها  وكلت واووو 🍷🚨🚨🚨شنو هالاحمر يخبل (طبعا بييومها جانت تخبل طالعه بالمناسبه شرطت عليها تعيف  شغلها القديم وتبقى بس وياي )(عفيه بالنچر امداك 👐🏻👐🏻🙌🏻صدك راحت رجال الحامض والسماك وبقت رجال بالنعل تنساك فرحان بوحده........... استغفر الله منك لساني )

المهم نرجع

نسرين ؛ استقبلت سرمد بسته وحضنته ردت اخبره بخبر بس انتظر الفرصه المناسبه وهو حيل ضايج چان

سرمد ؛ هاي شلابسه شمسويه يمه شللون جسم يخبل شمسويه اول مره اشوفج هيج تخبلين بعد مااتحمل رحت حضنتهاا لان متفوت تجنن طالعه وبستها وعبالك اول مره اشوفها مووو صارلنه شهرين سوه يمكن حبيتها مادري  🌚(بعد وكت ابن الغاكه)

نسرين؛ سرمودي حبيبي ( تميعي بعد) مشتاقتلك كلش كلش شوو هذا بس كتله هيج كلي امشي كبل للغرفه اي وبده حظني بالبدايه وباسني شوو اني عبالك اول مره وياا وبعدين ،................،،،(مادري شصار خل سرمد يسولفلكم )😜

وكتله اني حامل ولازم نتزوج عذا فرح (كبر)

£نرجع لعلي بيوم الشاف زينب يم علا طبعا هذا الحجي متدري بخالها مريض بعدها 

£

علي:علا منوو البنيه الچانت واكفه يمج

علا؛ زنوبه صديقتي فديتها

علي؛ اغار بس هي تفديهاا واني موو اخوج حبيبج 😢

علا؛ انت حبيبي وروحي وحياتي بعد شتريد

علي؛ بيعيهن عليه هذني سوالفي😂😂اي اختي حبيبتي سولفيلي عن زنوبه 🌚اقصد زينب

علااا؛😳😳😳هاااا هااا شوو زنوبه خيررر خيرر علوشتي شبيك بس لاا حبيت 😜😘❤️وكعدت اغني علاوي رايد رايته عايف بنات ولايته وكلللش

علي؛ مخبله فضحتينا انجبي وسكتي ههههههه صوجي احجي ويه مخابيل مستشفى الرشاد عندهم غرف جديده احجزلج وحده؟!

علا ؛ علوشتي 2 اليه والك 😆😆😆✌🏻🙌🏻

نسرين وسرمد 🌚🌚بعدهم محتفلين بالاحمر (الناس وين وهذوله وين)

زينب ؛ رجعت للبيت لكيت امي الله يحفظها مسويه غده واخواتي دوامهن ظهر واخواني بالبيت راجعين من الدوام صبيت غده واتغدينا الظهر اندكت الباب چان اجانه ولد مااعرفه منوو كال موو بيت ام زينب كتله تفضل خويه بس هوو نظراته سخيفه كلش جانت  كلي يحلوه شسمج كتله تفضل رايد منووو

سرمد ؛اريد عمتي ابويه دزني عليكم ومن وراكم ابويه مشلول

زينب ؛ عزه صخااام كمت ابجي ليش شنو شصار بس منووو انت احمد لوو سرمد طبعا مااعرفهم من طلعنا من بيتهم منشوفهم بس خالوويجي فمعرفته

سرمد ؛ اني سرمد ابن خالج 😒

كرص خدي

سرمد :انتي زينب اكيد صايره مره 😋😙شنو هالجسم وهالشكل

زينب؛الله وياك من تجي امي تجيكم دفعته شنوو هذا مقزز ليش يتجرء يمد ايده عليه وعقده كاظم لسه بيه اووف ياربي لوو ابويه موجود ميصير بيه هيج

سرمد ؛ قبل لاا اروح ابويه دز ايجار الكم وفلوس خط الج واباوعلها بلهفه اريدها اليه 😈👿👽واذا تقبلين بعروضي يحلوه توصلج هالفلوس واذا مقبلتي متوصل بعد واعذر من انذر

زينب ؛ روح مع السلامه وسديت الباب بوجهة شنوو يريد وليش وشبي هذا وخايفه كلش من نظراته وحركاته السخيفه (الچفن موو جنت يم ام الاحمر😡شعندك لاحك الطفله)

سرمد ؛ يمه شنو هاي كبرانه صايره مره ولج اله اخذ الاريده منج لوو اكطع مصرفكم كله 😈وابقو كدو من العالم (دنياا ماترحم)

كلكم تكولون سرمد جان ويه نسرين بليله حمراء شجابه لبيت نور

سرمد؛ رجعت من بيت نسرين فرحان كلتلي حامل ولازم نزوج واني بهالحال لازم ارضي ابويه حتى يقبل يزوجنا فكلت اطلع من نسرين اروح لعمتي حتى يحبني وميرفضلي طلب .

عمه يوميه اجيج بعد فديت عمتي ومنتجاتها 😜نور ماافوتها اخذ الاريده اخذه واذا مقبلت يموتون جوع ( يانذل موو جنت يم هذيج وحامل فوكاها👿)

زينب: بقيت خايفه وابجي وارجف هذا يخوف كلش واني اغلب وقتي بالبيت شسوي يااربي😓😢ياربي انقذني من هالمصايب

رجعت امي سولفتلها ع الصار كامت تدك وتلطم ع خدوها وتصيح ياخويه متستاهل الصارلك وين نروح من بعدك وهذا سرمد  الخسيس مبين ناوي ع مصيبه

ام زينب ؛ يمه منا وهيج تندك الباب لتفتحي بس من اني موجوده

زينب ؛ حاضر ماما تدللين

علي :ضليت هالفتره كلها افكر بزينب وهدوئها وعيونها الحزينه بس هاي علوشه متسولفلي عليها متقبل اكيد وراها قصه لزينب رحت لغرفه علا

علاا؛ عااااا اليوم الظلع الماينشلع يمي اي اخيتي حبيبتي انتي وجايبلج وياي بيتزا اليوم 😋😋🍕🌭

علا؛ ههههههههه من الاخير شرايد مني اليوم علوشتي لان حبيبتك صرت وجايب بيتزا 🤥🤔🙄

علي؛ اي عفيه باختي الثوله شعجب صرتي ذكيه اليوم ام بطن 😜اي سولفيلي عن زينب كل تفاصيلها

لان انتي ممسولفتلي ابد عنهاا

علا: ضليت صافنه ياربي محد يعرف ظروف البنيه بس اني ومااحب احجي لاحد اوووف شسوي .

علوشتي اعذرني مااكدر احجيلك عنها خاف متقبل ومحد يعرف عنها شي  بس اني

علي؛ لاسامح الله بيها شي البنيه موو زين لوو شنو قصتها احجيلي موو ضلعج اني وصدكي اي شي اعرفه مراح يطلع من باب الغرفه

علا: اوك علاوي راح احجيلك كل شي

كملت حجي عن زينب وحياتها وكل شي الاعرفه بس اباوع لعلي انكأب ودموعه  بطرف عينه صارت اول مره اشوفه يبجي بصراحه

علي؛محجيت شي انصدمت واختنكت  وطلعت من الغرفه ودمعتي نزلت حسيت بألمها الشفته بعيونها مبينه مكسوره واتمنيت بلحضتها اكون يمها اواسيها الكسر مالتها اعالجه حسيتهااا غيييير غيررر عن البنات

عباس؛  اجه لعلا هاا ولج منيلج بيتزا انطيني معليه اريد اريد 

علا: يوو شجابك وكتها😟ويه البيتزا

عباس؛ ردتج تقريني عربي مااعرف قواعد واجيت بوكتي😁

ليان وجعفر هم اجو لغرفتها

علا؛ كملت السبحه اكلوو البيتزا مالتي اهئ اهئ 😭😭

علي : سمعت مناكر الجهال طبعا علا ويه الجهال حاسبيها😁رحت للغرفه مالتها

ولكم شبيكم تتناكرون

جعفر: عمو علا عندهاا بيتزا متنطينا

علا:😳😳ولك حجيت شي اني

عباس:اي علوش علا تريدها كلها الها

ليان: عموو لااا محجت شي عمه جذابين هذوله 🤥😶

علا؛ فدوه لبنت اخويه الورده التحجي الحق

ليان: اصير محاميه مثل جدو 😆واخذ حقج

علي وعلا:هههههههههههههه

علي: يمعودين اصلا جايب 4 بيتزا للعشة وكلتلهم لحد يطبخ اليوم

علا والجهال : كاموو يكمزون ويصيحون من الفرح كلهم سوه

علي-ضحك وياهم ونزلو تعشو بس باله كله يم زينب

( ابو سرمد )

ها بابا سرمد رحت لبيت عمتك سولفلي تعال مدام امك نايمه

سرمد: اي بابا رحتلهم وانطيتهم .... وسكت فتره

الاب: بابا كلي شنوو انطيتهم  مو شلعت قلبي

سرمد: انطيتهم خبر انت انشليت وسويت حادث

الاب: شبيك خرعتهم ماانطيتهم الفلوس لعد

سرمد: من رحتلهم عمتي ماكوو بس زينب

وسكتت ضليت افكر بيها اله اخذ الاريده اخذه

بابا شوو هم سكتت شبيك

سرمد؛ اي صرفت نص الفلوس انطيني فلوس وباجر اوديهن العمتي تدلل انت وعمتي ع راسي اثنينكم

الاب: هاي شنو متغير وليدي وصاير عاقل

سرمد: اي بابا اريد اتزوج هم 🌚(اي اتزوج ام  الاحمر ليش لا)

الاب: اي يابه يافرحتي اذا تزوجت قبل مااموت

سرمد : اي لازم منا لاسبوعين نتزوج

(مستعجل قبل لتكبر بطنها😒)

الاب؛بابا غير نسأل ع البنيه نعرف اصلها فصلها

ابن /لااا بابا انت مريض وامي تعبانه اٍْْنـْي  مقتنع بيها وكلش كافي ونكطع مهر واجيبها للبيت حتى عرس مااريد (ماضينا اسود موش ابيض)

زينب :عفت الخط مفتوح نسيته لان دخوليه سرمد صدمتني كلش شوو هالحيوان اجه اتقرب من يمي واني ملابسه لاا حجاب ولا جبه بالبدي والبنطرون عيونه تجدح نار واني من الخوف لزمت الفون شمرته واجه لزمني من ايدي اني كمت اعيط واصيح هذا ناوي مصيبه اكله عيفني الله يخليك عيفني ولا عبالك احجي وياا

علا:اني مسديت الفون لان فجأة سكتت وراها بده صياح عرفت اكو مصيبه تخبلت مااعرف شسوي لازم انقذها ركضت لعلي بخوف وقلق ودموعي تجري كتله بسرعه انزل وياي هيج لتبدل امشي نروح لبيت زينب اني بس البس حجاب وعبايه اجي بملابس البيت بسرعه

علا: فكرت اروح لبيتهم اخذ امها ونروح لبيت خالها لان مااندله وكوه اجتني هالفكره شغلنه وطلعنه سرعه سياره 200

بيت ابو سرمد

الخال: اسمع عياط بنت اختي ومااكدر اكوم شلل بيه ولاا اكدر احجي بس دموعي تنزل  دعيتله بالكسر والموت ولا يسويلها شي

زينب : هذا تــــخــــبـــل راح يدمر حياتي لاازم اسوي شي ومنفعله واصيح ديدفع بيه اٍْْنـْﱡِـّℳέـٍُِِي ارجع ليوره شِفْْـٍــْْْ👀ــٰٰـٰتْ مزهريه جبيره مدري شللون اجتني القوه وشلتها وركعتها براسه خليت دمه يتطشر رحت الخالي حضنته وابجي من الخوف سواء من خوفي الراد يسوي ابنه او من ضربتي اله حضنته وابجي وهو يبجي

علا: رحنا لبيت  زينب كسرنا الباب كتلها خاله بسرعه تعالي ويانه لبيت اخوج ابوو سرمد  زينب مااعرف شبيها الام تخبلت كامت تصيح شبيها بنتي شبيها وتبجي وتكول والجهال  شَللون يبقون وحدهم ك

علا ؛ اني ابقى يمهم اخذي اخويه دلي بيتهم وروحو شوفو شبيها راح أّمُِـٍْـّْწყღწــًٍّـْوٌٍت من الخوف عليها

علي: خاله بسرعه ركبي وياي ودليني بيتهم وعلا تبقى يمهم

سقت بسرعه وطبعا بملابس البيت اني متخبل ع البنيه شصار بيها ووصلنا للبيت 😳😳😳😤وهنا الصدمه

علي؛ كمت اسوق بسرعه وام زينب يمي تبجي الطريق كله ووصلنا للبيت وهنا الصدمه فتحت الباب خاله ودخلنه للبيت مباشره فاتت قبلي وفوتتني للاستقبال لكيت ولد ممدد ولازم راسه ويتنفس كوه ودم يجري من راسه معرفت شسوي كمت اصيح خاله آاإمـ زينب خاله الحكيني

ام زينب؛ دخلت للبيت وفوتت الولد للاستقبال ورحت للعرفه بيها اخويه لكيته حاضن زينب ويبجون ومااعرف شكوو وراها سمعت عياط الولد علي مااعرف ارووح لبنتي واخوي لوو للولد وزينب تبجي وتصيح كتلته كتلته كتلت سرمد واني اصيح عزه شللون كتلتي رحت للولد لكيت ابن اخوي متمدد والولد علي منهار

علي؛ خاله راح اخذه للمستشفى منوو هذا ومنهار جنت

ام زينب؛ وليدي علي هذا ابن اخوي سرمد وزينب تصيح كتلته ومااعرف شنو السالفه

ام سرمد ؛ طبيت للبيت لكيت ولد غريب بيتنا وام زينب وابني متمدد ويجري دمايات كمت اصبح يمه سررمدد يمه متت كتلوك عمتك كتلتك وكام تضرب بام زينب بايدها

اجتي زينب للاستقبال منهاره وبلا حجاب وجبه وتبجي وتصيحً راد ياخذ شرفي وكتلته اي كتلته

علي؛ مااعرف شسوي شفتها منهاره ردت اروح احظنها واخفف المها واريد استرها بالملابس شِفْْـٍــْْْ👀ــٰٰـٰتْ جبه وشال بالكاع رحت انطيتهياا لبستهن وانوب ام سرمد كامت تضرب بيها وتصيح طلعوو برره طلعوو بره

كلت خاله اهدئي راح اخذه بس هدئي خاله ام زينب تعالي وياي انتي وزينب ناخذه للمستشفى

ام سرمد ؛ اخذوني وياكم

علي؛ خاله ابقي احنا ناخذه(لان عرفت اذا اجت تشتكي ع زينب وزينب وامها اذا بقن تكتلهن فاخذتهن ويايه )

ام زينب ؛ ابقي يم اخوي محتاجج واحنا رايحين نودي ليضل بالج وجنت ابجي ميته بجي ع اخويه وابنه وع بنتي حايره هذا الولد منوو وشجابه هم ماادري

علي؛ زينب كعدت يمي بالصدر وخاله خلت راس ابن اخوها بحضنها لازمته بقماش توقف نزفه لان مترهم زينب تلزمه وهو مأذيها

علي: خاله وزينب وسرمد اذا سألوكم كلولهم وكع من الدرج ع الكاع وراسه هيج صار لان تصير فضيحه وسين وجيم ومحاكم وانت تره تنسجن بقضيه محاوله اعتداء ع بنيه 😏

وبين وبين نفسي اريد اكتله شنو يلزمها ويحاول يأذيها😓😓😓

وصلنا للمستشفى ودينا للطوارئ عالجوه وخيطوه وموو كلش متأذي

زينب؛ ادعي ماميت بجاه الله ماميت لان خاف يسجنوني ومابقيت بالبيت لان علي جبرني اروح ويااهم اني وامي يمكن خاف من ام سرمد علينه واني شسوي لعد مابيدي شي ردت احافظ ع شرفي اووف ياربي ساعدني(طبعا بالطريق سولفت لامي وعلي ع الصار كله امي ضلت دموعها تنزل ولازمه راس الحقير ضاغطه عليه حتى ميطلع دم )

صفنت ياربي شنو هذا الولد الحباب  الله يحفظه وكف ويانه وكفه اخو لازم سرمد هيج يوكف ويانه

علا؛ بقيت ساعات وحدي يم الجهال قسم موجودين و2 بعدين رجعو من الدوام وطبعا انصدمو بوجودي ميعرفوني بس ضليت اسولف وياهم وراويتهم صورنه اني وزينب حبوني صبيتلهم اكل المسويته خاله واكلت وياهم طبعا جنت جوعانه وحتى هم ياكلون خطيه يخافون ممتعودين عليه وضليت اخابر بعلي ميجاوب زينب تلفونها ساكت اصلا يمكن انغلق خاله معندي رقمها غير وره ساعات خابرني علي وسولفلي الصار تخبلت عزه ليش هيج صار 😭😭😭

علي؛ علا  ضلت تتصل كومه ومااكدر اجاوبها لحد مادخلنا سرمد للطوارئ اتصلت بيهاا وسولفتلها كلشي الصار

وره شويه اجانه الدكتور كلناله بشر شنو صار بي زين لااا

الدكتور كال ......

‏

الدكتور :المريض خيطنا 8 خياطات وهسه فاقد الوعي نوعا مـِْ♡̨ـِْا لان الضربه قويه براسه وفقد هواي دم نريد واحد يتبرعله

علي؛ شنو فصيله دمه

الدكتور؛ فصيلته Aموجب

علي؛ اني اتبرعله هاي فصيله دمي

الدكتور؛ عاشت ايدك بس شنو يصير منك المريض؟ والشرطه تريد تاخذ افادتكم

علي:اممممم ضليت مااعرف احجي شنو اكله اصير منه كتله وين الشرطه هسه احاجيهم ( معرفت شنو اكله اصير منه( تمنيت اكله ابن خال مرتي😤😭(بده يحبهاا يالله 😍😍💞💋)

زينب وامها؛ كاعدين يسمعون الحجي😢😳

زينب؛ انصدمت شوو هذا الولد وكف ويانه وانوب يتبرع بالدم وانوب يريد يحاجي الشرطه ( انعجبت بي وحسيته هو فارس احلامي بشهامته وغيرته ووكفته ويانه)

زينب ؛ اجو الشرطه حققو كلنالهم وكع من الدرج كالو نطلب افادته بس كللهم الدكتور باجر يصحه واخذوها ع الرغم من الامور هادئه بس اتمنينه ميحجي وضلينه خايفين

رجعنا علي للبيت تقريبا بليل وامي خابرت ام سرمد طمنتها وره معرفت كلشي هي بدت تعتذر وتصيح صخام بوجهي ع الصار ماعرفت اربي ( يالغاكه كله صوجج كبر ماربيتي عدل وحبكت الا ترحين ترحين لاهلج )

طبعا سرمد بقه بالمستشفى وعلي وصلنه طب للبيت شافه ضل فاتح عيونه مصدوم لان احنا بيتنا غرفه جبيره بيها مطبخ صغير وصحيات وهاي الغرفه خالين برده تفصل الغرفه ننام بيها وبيها ملابسنا عن مكان بي فراشات وزوليه ع اساس للخطار

علي؛ هاا علا تجين باجر دوام ( طبعا دخلت مصدوم من الحاله الهمه بيها😤)

علا؛ لاا علوش مااجي خابرت ماما وبابا وكتلهم ع الصار وحبقه هنا اليوم ثلاثاء وباجر منداوم والخميس اوف عدنا قبلو ابقى بس عفيه جيبلي ملابس باجر وياك وغمزتله حتى اقصد يجيب وياا اكل شي وكتله اخابرك عود لان ماعندهم نت بيت ام زينب😭

زينب؛ فرحت بوجود علا  وياي  اخت صارت اليه وبوضع بيتنا وبقت يمي خطيه هي واخوها بملابس البيت من الظهر لسه ربي يوفقهم

❤️ثاني يوم ❤️

زينب ؛ كعدنا الصبح امي مراحت  استحت يمكن من علا  وتعبانه جانت كلش فطالعه الصبح جايبتلنه صمون حار وكيمر ومسويه چاي وباقيه ممتريكه تنتظرنه كعدنا ب8 ونص اني وعلا لكيناها مجهزه صينيه وموديه اخواني للمدرسه وجايه

يوم ليش مرايحه اليوم هي استحت ودنكت

ماما تره علا كلشي تدري

علا؛ خاله اني بنتج ولتستحين مني ويارب بعد متشتغلين  هالشغله وكمت بست راسها وطبعا كلش ارتاحيت بيتهم ناس طيبين وامها حبابه

ام زينب؛ والله تعبانه من شوطه البارحه

علي ؛ رجعت لبيتنا نمت وكعدت الصبح اخذت اجازه يومين ورحت لسرمد بالمستشفى  واخذتله عصير واكل ولكيته صاحي واتفقت وياا ميحجي شي للشرطه تره هو يروح بيها وزينب تطلع منها لانها تدافع عن شرفها

هو اقتنع والشرطه كللهم وكعت سدو القضيه وضليت احجي وياا كتله ميصير تبقى هيج ولازم تتغير ومن هالحجي حتى ينهدي

طلعته لبيتهم وديته وياا فواكه وعصير ودخلته يم امه تشكرت مني وكلتلي هذا تليفون زينب وجنطتها عايفيهن هناا وسلملي عليهها هي وامها وصدك انت شنو تصير منهم خطيبهاا؟!

اني فرحت بيني وبين نفسي ( الله يسمع منج ياريت)💋

خاله لاا صديقه اختي 

آاإمـ سرمد : خاف لافه عليك 😏😒( متغير طبعها الغاكه كبر)

علي؛ خاله شنو كلتي؟؟!!!!!!

انصدمت😐

ام سرمد؛ ماكوو شي خاله مشكور تعبناك

سرمد ؛ تعبتك وياي سلملي ع عمتي وبنتها وتأسفلي منهن

علي ؛غرت  عليها من جاب اسمها هالكلب 

مع السلامه حروح

اخذت جنطتها وموبايلها خليتهن ع قلبي ورحت للمطعم اخذتلهم اكل جاهز وفواكه ورحت للمول جبت ملابس لعلا وزينب والجهال لان دزتلي رساله ع العادي علا وكلتلي وصلتلهم الظهر بيت زينب

دكيت الباب 😍😍❤️

علي ؛ رحت لبيتهم فتحتلي امها الباب وانطيتها الغراض علا اجتني كلتلي فوت للبيت اني استحيت بصراحه افوت خاله كالت فوت وبعدين كتلهم خل يلبسون حجابهم جنت اقصد الحب😍❤️

زينب ؛ سمعت صوته قلبي كام يدك بسرعه اجه محمل اشكال الوان وياا

ام زينب؛ خاله ليش هيج متعب نفسك هاي زحمه عليك ميصير هيج

علي؛ لا خاله انتي مثل امي دخلت بيتهم فرحو الجهال بالملابس وعلا وزينب هم اخذن ملابسهن وطبعا زينب خجلانه كلش واستحت تاكل وامها كذلك كلش استحت

مرت الايام صار يوم السبت العصر رحت جبت علا من بيتهم لان اصرت تبقىً هناك ويوميه كمت الظهر اروحلهم بهالايام

بدت امتحاناتهن مالت نص السنه وبقن هالفتره يمتحنن ماكو شي جديد عدنا

بيت ابو سرمد 😤

سرمد؛ ضليت 10 ايام معزول عن العالم وغالق فوني وحتى نسرين نسيتهااصلا  وضميري انبني ع السويته ولاا اصلي لاا اصوم لاا كملت دراسه حرت بالاشياء الطايح حظها ماسويت شي زين بدنيتي

فتحت جهازي لكيت نسرين خابصه الجو عليه حاركته حرك خابرتها

نسرين؛ هاا وينك ليش هيج عفتني وابني بطنك وضلت تصيح

سرمد ؛ اسكتي سمعي الصار وضلت تبجي انقهرت عليه اني هم انقهرت ع بجيها

وسدت الفون وضليت افكر ابني شللون بي وهاي وحده بنت ليل شللون ازوجها واخلص عمري وياها يارب خلصني من القلق هذا

نسرين ؛ سمعت بالخبر بدلت وطلعت ركض  نزلت من العماره وركض اعبر الشارع مادري بعد شصار

انضربت بالسياره  وناقليها مستشفى وجان اخر واحد متصل بيها هو خابروه تعال للمستشفى صاحبه الفون انظربت بالسياره وحالتها خطره

راح ركض طلع يحبها راح للمشفى دخللها وره 3 ساعات عمليه الطفل راح واتكسرت وظربه براسها حاجته كم كلمه تغير للاحسن النار مترحم 😢😭وماتت

وهو ضل يبجي طبعا ماعندها اهل هو دفنها وهاهيه

وراها ضميره يأنبه ابنه مات اليحبها ماتت ( صح موو زينه) بس يحبهاا

حبس روحه اسبوع بالبيت بده يصلي وراها راح للعمره راد يتغير

وصار ولد ادمي وحباب كلش ورجع يداري ابوه وابوه صار زين

بدت عطله نصف السنه

علا اقترحت ع زينب اقتراح كالت تجين تدرسين عباس بيتنا تدريس خصوصي لان هذا غبي ومحد فارغ يدرسه وحتى هم خاله تكعد بالبيت وانتي مدرسه خصوصي ساعه باليوم ترجعين وياي للبيت وره الدوام تدرسي ويرجعج علي واصعد ويااا من يوصلج

زينب ؛فاجأتيني اسأل امي

علا؛ طبعا هذا الشي اهلي كتلهم بي رحبو بالفكره كلش هم حتى خاله ترتاح وهم مبلغ زين اسبوعي فدد 120 لان مواده صعبه عليها خطيه

وهم  اكدر اساعدها بلا استعطاف

زينب؛ كلت لامي رفضت طبعا وخبرت علا بهالشي ثاني يوم جابت امها واجتي قنعو ماما قبلت 

بيت خالو اجاهم احمد من السفر رجع عنده عطله نص سنه جان مرحله اخيره طب 

احمد؛ رجعت للبيت متلهف كلش صار 8 اشهر  مجاي الهم اشتاقيتلهم كلش  دخلت البيت اصيح اهل البيت وينكم

طلعت الوالده رادت تطير من الفرح بوجودي حضنتني وتبجي كتلهاا وين ابويه سكتت وبجت دخلت لكيت ابويه متمدد ضليت ابجي شبي وليش هيج سولفولي وراها سالت ع سرمد كالو رايح يصلي بالجامع انصدمت سرمد هيج متغير معقوله اباوع صوره معلكه يم ابويه لابس احرام بيت الله ضحكت كلش😂😁😎😅معقوله

يمه شغيره سرمد سولفتله قصته ويه  بنت عمته ضل يبجي خطيه اجه سرمد حظنه احمد وكله يول مشتاقلك شنو هالتغير ولابس اسود!؟ خير شكوو

طبعا اهله ميدرون  بَـßÊـسّ سولفله ع الصار

احمد ؛ بابا ماما سرمد نروح اليوم لبيت عمتي ناخذ عشه جاهز ونروح نفاجأهم

رحبو بالفكره سرمد رفض

احمد؛  يمعود  اكسر كل الحواجز وامشو نروح

طبعا ابوهم صار احسن يحجي بس بالعربانه راحو لبيت عمتهم

احمد دك الباب منوو طلعلعه😍😍وانصدم بيها

‎

احمد؛ رحنا لبيتهم فتحتلي بنوته تخبللل لابسه جبه وشال وردي

كتلها شنو اسمج ماما موجوده

لينا: اي موجودههسه اصيحها

احمد؛ اهلي وراي بقوو ماشافتهم البنيه ومتعرفني منوو لان ردت افاجئ عمتي بجيتنه وحتى اوخر هالحساسيات بيناتنا

ام زينب؛ منووو احمدد يبعد قلب عمتك شللونك مشتاقتلك وليدي فوت يمه فووت هلا بدكتورنا

احمد؛ عمه موو وحدي اهلي وياي

ام زينب؛ هلاا بيهم اهلك واخوي اجاني ياساعه البيضه الاجيتو بيها هلا هلا فوتو

احمد؛ طبينا والكعده حلوو ه كلش انعجبت بام الشال الوردي شوو هاي وره شويه اجتي لابسه اخضر شبسرعه بدلت انوب اجني 2 انحولت 😅😅شوو وحده وردي وحده اخضر ونفس الشي اباوع الولد كذلك بس عجبتني ام الاخضر

'،،،، 😐لاا جديد ... 

بعد مرور شهر

🐸👨🏽‍🚀

مرت الايام بده الدوام داومو بالكليه البنات احمد رجع لاوكرانيا وزينب تدرس عباس وراها كامت تدرس جهال اخو علا اثنينهم زاد المبلغ كلش صارت حالتهم احسن وخالهم رجع يدفع الايجار والخط وزوجته صار حبابه كلش وتجيهم كل فتره كلتلهم عيشو ويانه رفضو وعلي بقيت اشوف زينب يوميه وحبيتها كلش ومصار بيناتنه حجي غير السلام ضليت بشغلي بس من تجي تدرس الجهال بيتنا اشوفها حبيييتها

الطامه الكبرى ،،

وزعو النتائج بكلهن زينه زينب وناجحه بس بواحد ماخذه 4 من 40 😳😳انصدمت شسوي

علا جانت ناجحه ودرجاتها ضعيفه موو هالكد زينب اشطر بس لهالماده اربعه  ضلت مقهوره

طبعا استاذ الماده صغير🐸🐸رجعت للضيم ويدور بنات والظاهر عارف حاله زينب فقيره مرسبها متعمد

زينب؛ رحت للاستاذ لغرفته اني وعلا كتله اني مجاوبه ليش هيج درجتي

الاستاذ؛ عندج مشكله تعالي وحدج موو وياج صديقتج

مرتاح كاعد ع الميز ورجل ع رجل  طلعت علا بقيت وحدي

عندي شرط تقبلين بي الاربعه تصير اربعين 😈👿👺👹

زينب ؛ شنو الشرط استاذ كول

الاستاذ👹: منا من تخلص السنه يوميه تجيني هنا للمكتب فدد ساعه نص ساعه واسد الباب واخذ الاريده منج 😉

زينب؛ شنو شكلت انصدمت 😳

كتله موافقه باجر اجي المهم انجح 😌بس كلي ياوقت اجي بي  باجر واجي😌

الاستاذ؛ ساعه 10 الصبح عندج ريست 😘😍😉😜

زينب ؛ حاضر استاذ تدلل

زينب ؛

طلعت لعلا صايره حمره متت خوف وخجل وطلبه النذل بس شسوي لازم اوكعه حتى ينفصل فقررت افوت ب10 باجر والخط مفتوح وعلا توكف وره الباب وتفتح سبيكر وتجمع العميد ورؤساء القسم

((( عفيه بزنوبه خووووش فكره😍))))

علا؛ راحت لعلي كلتله تخبللل انجن علي؛  والله شريفه وذكيه عرفت شللون راح توكعه اني باجر اروح من الصبح وياج ساعه عشره وعشره هو مفصول عندي دكتور صديقي يدرسكم وراح اتفق وياا وخطه زينب تكمل

بس علا اني احب زينب واريد اتزوجها

علا؛؛ يووم السعد ويوم المنى التزوج بي اصدق صديقه عندي

ثاني يوم

زينب ؛ خايفه قلقه خاف شوو شيصير خليت رصيد كامل طبعا حتى اتصل وخاف متنجح

علي انطاني كاميره صغيره خليتها بالجبه متبين وشي ثالث انطاني تليفون كاميره بايدي 2 تصوير وصوت 3 اشياء حتى ينفصل

ودخلت

الاستاذ ؛ ياهلا بحبيبه قلبي همزين متأخرتي منتظرج اني

قفل الباب وضل يحجي

وضليت اجر منه كلام حتى اوكعه وره ربع ساعه اندكت الباب العميد كله استاذ فلان افتح الباب بسرعه

المهم اخذو لجنه تحقيق وانفصل وطلع مسوي بهواي طالبات هيج

علي  حاجه اهله عالمود زينب اهله وافقو ميلكون مثلهاا راحت امه لام زينب خطوبه نسوان كالتلهم امرها بيد خالها احاجي ونشوف خالها فرح لان عرف الولد نفسه الاجاهم وسرمد ضاج جان عاجبه يتزوجها ويصحح الشي السوى كلش انقهر

بس بعدين كال تستاهل الخير والولد حباب وكف وياي وميعرفني

صارت المشيه بيت خالها وره شهر عقدو ولبست احلى بدله وسوو العقد بيت علا ( لان بيتهم صغير) جانت بس الدكتوره مرت اخوهم معاجبهة الوضع ولا عاجبتها علا

كالتلهم ماابقى بالبيت اريد اطلع من يتزوج علي وطلعو بيت وحدهم واجلو الزواج بعطله اخير السنه عاشو احلى فتره خطوبه

ام زينب بطلت  من شغلها طلعلها ورث من اخوها من ابوها ميدرون بي مسافر اكبر منها هي وابو سرمد فابو سرمد انطاها ورثه هم اشترت بييت يمه قريب واشترت مكينه تشتغل بيها

وره فتره رجع احمد صاير دكتور كلهم اريد اتزوج خطب ام شال الوردي😅ضل يحبها ع الرغم تشبه اختها واقترح ع اخو يخطب اختها التشبهة ويعيشون سوه وفعلا خطبوهن سوه الاخوه

اجت العطله تزوجت زينب وعلي 😍وسوالها احلى زواج ملكي بالقاعه  وبدت مرحله جديده كامت تداوم هي وعلا سوه

💋بعد مرور سنه  💋صار طفل اسمه محمد عند زينب وعلي

بعد مرور سنتين 💋

علا انخطبت لصديق اخوها هم مهندس

بعد مرور 3 سنوات 💋

تزوجو سرمد واحمد مينا ولينا

وعلا جانت حامل وزينب هم حامل

وام زينب اجرت بيتها وكعدت يم اخوها بيته وصار زين زوجته حبابه

وضلت تصرف فلوس الايجار ع ولدها البقو وياها

انتهت...❤️❤️❤️❤️❤️❤️❤️❤️❤️

العبره لكل شخص بالقصه

(عائله زينب) الفقر عمره مجان عيب اهم شي الشرف والعفه والطيبه اذا مشينا صح رب العالمين حيرزقنا بالناس الطيبه مثلنا (سرمد امه) كل شخص يغلط الحلوو الانسان يتعلم من غلطه

( عائله علا) وحتى لوو كان الانسان يملك مال  وغني موو معناها يعوف اخلاقه ويتكبر بالعكس التواضع حلوو

قديماً كان عمري 14 سنة، طالبة أدرس ثاني متوسطة، كنت دائمًا الأولى على مدرستي.

والدي وعمي شيوخ العشيرة مالتنا، كبار كلش بالمحافظة مالتنا اللي هي محافظة الناصرية.

إحنا عايشين بالريف بس أغنياء كلش، عندنا مزارع وحلال.

معروفين جدًا بالمنطقة، والدي معروف باسم أبو علي.

أخوي علي هو الجبير وإيد والدي اليمنى.

أخوي اللي بعده حسن هم هو اللي متابع الحلال كله، وطبعًا إحنا حلالنا أكو ناس لازمته، إحنا ما نشتغل بيه.

وبيتنا أكبر بيت بالمنطقة بعد بيت شيخ العشيرة.

عمي أبو محمد هو أزغر من أبوي بسنة.

عندنا ولد واحد اسمه محمد اللي هو جبير ومدلل أهله، لأن هو الوحيد على خمس بنات من زوجة عمي الثانية.

وأنا طبعًا من أول ما اجيت لدنيا لمحمد، ومحمد إلي وهذا الحكي خاصمينه ومخلصين.

وأنا البنت الوحيدة عند أبوي ومدللة طبعًا، والوحيدة بالعائلة اللي أدرس، لأن بنات عمي بس ابتدائية وتاركات، وأنا محطمة الرقم القياسي وداومت متوسطة بس بعد معاناة.

لكوني المدللة عند والدي، الكل يحسب لي حساب، واللي يريد شيء من والدي يخليني واسطة ويدزني لأبويه الشيخ.

حياتنا كلش حلوة.

أمي المدللة عند والدي، مأخذها من قبل على حب، كانت تشتغل بالمزرعة عند جدي وشايفها أبوي وصايرة القسمة وصار الزواج أمي وأبوي.

بس كان جدي وجدتي مشوفين أمي الضيم لكونها كانت من عائلة فقيرة، بس جدي توفى قبل لا أجي للدنيا.

وجدتي بعدها موجودة لهسه ودائمًا تسمع ماما حكي يغث، وأمي تسكت طبعًا ما تريد مشاكل، وأنا كنت أصد جدتي عن أمي وأحل المشاكل.

وقبل من كنت زغيرة أوصل حكي جدتي على أمي لأبويه، وكان هو يتصرف، وجدتي من ذاك الوقت تكرهني.

مرت سنة، نجحت للثالث متوسط وصار عمري 15 سنة، وكلما تقرب سنة أنا أخاف يجي يوم ويزفوني لمحمد ابن عمي اللي ما أتمنى أشتري أسمع اسمه.

أجه يوم الصبح، خابروا على والدي علمود شغلة مستعجلة، وطلع والدي حتى بدون ريوك.

وخابر على عمي وطلعوا مستعجلين كلش.

أمي: أبو علي ما تتريك؟

أبوي: خابروني على طلابة ومستعجل كلش، خل ألحك على أبو محمد.

أمي: خير إن شاء الله.

علي: يلا جاهز بويه.

أبوي: يلا مشينا شغل السيارة القديمة، لأن ذوله عشائر كلش، وطريق وعر ومحفر.

علي: صار.

راحوا أبوي وعلي وصار الليل وهم ماكو، حتى عمي هم ماكو وياهم هو ومحمد.

رجعوا بليل كلش وهم ميتين تعب.

حضرت لهم الحمام وبعدين كعدوا بالصالة وأنا كاعدة يمهم.

أبوي: والله يا علي بويه سالفة جبيرة وورطة.

علي: البنت تستاهل، هي راحت وي حبيبها برجليها وغلطوا، بعد ليش أهل البنت يريدون فصل؟

أبوي: والله هذا شرف وأنت ما شفت أهل البنت، ناس ريفيين كلش وعدهم الشرف أهم شيء.

علي: إي بس هم يدورون فصوله، خو خلوا البنت تتزوج الولد وخلص، بعد شلكم بالفلوس؟

أبوي: مو قال لهم عمك أبو محمد بس هم همج.

قلنا لهم الولد يزوج البنت وفضوا السالفة.

علي: هسه شراح تسوي؟

أبوي: هم مال فصل ما الهم حق، وثانيًا هي البنت راحت برجلها للولد وغلطوا مع بعض، وهي قابلة محد جبرها ولا هو خاطفها ولا هو مغتصبها.

علي: البنت هسه وين بويه؟

أبوي: يقولون ما نعرف وين شاردة.

أنا أقرا بس أذني عليهم.

صار الصبح وهم راحوا لأهل الولد وقال لهم: أنا أحبها وتحبني وإحنا دوم نلتقي ونطلع والبنت هي دوم تقبل أنا وياها نطلع و... تعرفون بعد.

مرت شهر والسالفة بعدها خبصة، إلى أن أهل البنت لقوا بنتهم وقتلوها للأسف.

وأهل البنت بعدهم متحلفين بالولد، وصارت لهم مشكلة وي أبوي وقالوا لأبوي: أنت هدرت شرفنا وضيعت حقنا، بس من تصير ببناتك راح تحس اللي حسينا بيه إحنا.

وهددوا أبوي قدام الكل.

واجه والدي عصبي كلش ويفكر بكلامهم وتهديدهم.

بس بعدين نسينا السالفة ومرت شهر وشهرين.

أنا وبنات عمي كل فترة عصرية نروح نتمشى بالحدائق أو المزارع ونباوع شلون يحشون الزرع ويلقطون الفواكه.

ومرات نساعدهم على الواهس.

كم مرة ألاحظ شاب يشتغل وياهم يتباوع لنا وخص نص إلي.

كنت مو منتبه له نهائيًا بس صار عندي فضول، لأن يومية ينتظرني من أجي يظل يشتغل بالمكان اللي أنا بيه أوكف وي بنات عمي أبو محمد.

ظل مستمر على هاي الحالة يومية الولد ويظل صافن.

كنت أحسبه من الشباب اللي يتابعون على البنات شيء طبيعي.

بس مرات أقول: هو ما يعرف بيه أنا بنت صاحب عمله، ولازم يخجل من روحه على سوايته ويخون الأمانة.

مرات نطلع نتونس، أفقد أخلي هاتفون بأذني وأظل أستمع للأغاني وأنسى كل شيء بين الورد والزرع، والجو يخبل خريفي، أحس نفسي عايشة فلم هندي.

لحظة...

أنا ما حكيت لكم عن نفسي.

أنا اسمي ريحانة، عمري حاليًا 15 سنة، حلوة كلش، متوسطة الطول والسمن، شعري متوسط، بيضة كلش، عيني جبيرة وسود كلش، مواصفاتي كلش حلوة بحيث من أطلع للمدرسة كلها صافنة بيه.

جماعة بابا دائمًا يتقدمون لي لأولادهم بس والدي يرفض، لأن يقول: محجوزة لابن عمها محمد.

أنا أكتب شعر وأحب الروايات كلش، مدمنة بيه، أحب أستمع للأغاني القديمة كلش، فيروز وأم كلثوم وعبد الحليم... إلخ.

من أسمعهم أتمنى أطير.

أروح لغير عالم.

مرت سنتين ورحت خامس إعدادي وكنت أولى على مدرستي.

كالعادة كنت بالحديقة، صاحت لي وحدة: شلونج يمه.

أنا: هلا خالة.

خالة: هاي البنية تشتغل عدكم وخطية وكعت، تعالي ساعدينا نشيلها.

أنا بدون تفكير رحت وياها لبعيد، طبعًا كنت أتصور قريب بس جاي نمشي بعيد.

كنت ما خايفة لأن ما طلعنا من المزرعة مالتنا وبيها ناس هواي، بعد ليش أخاف؟

قلت لها: وين خالة؟

قالت: يمه ورا شجرة هنا.

عبرت الشجرة.

ما أحس إلا شخص لزمني من ورا خلى شيء على خشمي.

دارت بيه الدنيا، ما قدرت أصيح وكعت بالكاع، لساني صار ثقيل كلش، راسي ظل يدور، ما أقدر أحرك لساني، ما أشوف بس الشخص اللي قلت لكم عنه يباوع لي من قبل.

فقدت ما أحس بنفسي... فقدت من الدنيا كلها.

كعدت ما أقدر أفتح عيني.

لساني ثقيل، كل شيء ما أشوف، عيني مغوشة.

أنا وين؟ مكان ما أعرفه.

بس أسمع: وين نوديها هسه؟

الثاني يقول له: نذبها يم باب أهلها.

فتحت عيني وهجي سمعت، ما أقدر أحكي، طلعوا سادين حلقي، ما أقدر أصرخ.

حسيت حتى إيدي مربطة، ما أقدر أصرخ.

واحد يقول للثاني: هنا نذبها، والمرة فوق راسهم هي اللي تأمر بيهم بس ما أشوف شكلها، يمكن كاعدة على كرسي مدري شنو.

أنا لحظة.

شبيه رجلي تأذيني؟

لحظة أحس أنا متنكعة من جوه.

لحظة أنا شبيه؟ ليش هجي؟

ظليت أبجي وأصرخ حتى يفتحون رباط من حلقي.

ظليت أشيل روحي وأركعها، أريد أحاجيهم.

محد يحاجيني.

أجه ولد شالني وأخذوني للسيارة وخلوني بيها بالكشن اللي ورا.

كعدوا اثنين بالمقدمة.

مشت بينا السيارة هواي وأنا بس أبجي.

بس أنا جاي أنزف، يمكن شيء يوقع مني ما أعرف شنو.

أريد أحاجيهم ما يقبلون.

الولد الزغير ضايج والأكبر منه يصرخ عليه.

أنا ما أعرف شيء، أريد أعرف شبيه؟ شنو جاي يوقع مني؟

ظليت أرفس حيل برجلي، محد يحاجيني.

وقفت السيارة.

نزلوا من السيارة الولد... فتحوا باب اللي ورا جروني كلش وشمروني بالشارع، وشمروا موبايلي وياي وطلعت السيارة مسرعة كلش.

باوعت أنا يم بيتنا... سيارة عمي موجودة.

أنا ما أقدر أتحرك، لا أقدر أصرخ، مربوطة ومسدود حلقي، أباوع نفسي كلي دم.

شسوي وأنا شبيه ما أعرف؟

أريد أحد يساعدني ماكو. ماكو حتى أحد بالشارع، أهلي كاعدين مبين عليهم.

أكيد يدورون عليه، أكيد ينتظروني، شسوي حتى يطلعوا لي؟ مبينة نص الليل لأن ولا واحد بالشارع.

رحت زحف بالگوة أتحرك، جسمي كله يوجعني، وصلت لسيارة ابن عمي، أريد أضربه حتى تظل تطوط، لأن هي بس واحد يضربها تنطي إنذار عالي.

وصلت إلها ضربت حيل، سوت إنذار حيل قوي ومحد أجه.

سويت مرة ثانية.

أجه محمد يركض: ولك منو منو هذا؟

أنا: ظليت أضرب بعد حتى يجي يمي.

أجه محمد اندار على السيارة داير ما داير، شافني مرمية بالشارع مربوطة حيل، الدم بملابسي كلها حتى بالكاع، أجه شالني ودخلني للبيت.

دخلني للبيت من كد ما خايف عليه حتى توتر ما فتح رباط حلقي ولا إيدي ورجلي.

دخلني جوه بساع وهو شايلني ويركض بيه، خاف يشوفني أحد.

دخلني للصالة شفت أمي تبجي ونسوان عمي يهدن بيها، وعمي وزوجاته وأبوي وحسن وعلي كاعدين على جهة.

دخل عليهم محمد شايلني، كلها قامت إلي، شافوني بحال يرثى لها.

خلاني بالكاع. محد فكر يفتحني أو يفتح رباطاتي، كلها بقت صافنة ومصدومة.

أجاني حسن يركض فتح حلقي، وأنا ظليت أصرخ بأعلى صوتي.

أمي أجت تركض وبنات عمي شافوا ملابسي كلها دم.

أبوي أجه يمي هو وعلي مصدومين: وين كنتي وشنو هاي؟

أنا ما أقدر أحكي بس أبجي.

أحكي ولج وين جنتي؟

علي متسودن يمكن لو بيده هسه يرميني.

ما قبلوا ياخذوني للطبيب، شالوني لغرفة أمي فحصتني مرة عمي... قالت: عزه لعزاني ولج شسويتي؟ وظلت تضرب بيه وأمي بس تبجي.

أجوني للغرفة عمي وأبوي.

ولج وين جنتي؟

أنا: بويه والله ما أعرف.

أبوي: أحكي ولج لا أذبحج.

عمي: على كيفك أبو علي.

أنا: والله ما أعرف... وحكيت لهم السالفة بالتفصيل.

علي: أنجبي جلبة ولج جبتي لنا العار، هسه ندفنج ترى.

أنا: بس أصرخ.

عمي: أحكي منو هذا؟

أنا: عمي والله ما أعرفهم، يمكن خطفوني، أجت مرة صاحت لي علمود قالت: ساعديني نشيل وحدة وكعت، ورحت وياها وخلوا شيء على خشمي، كعدت وأنا هجي.

علي: ولج بيش ساعة؟

أنا: يمكن ب5 العصر.

علي: مو قلت لكم كذابة... شوفوا موبايلها مواعدة واحد ب4 العصر وقايله له كلام يخزي.

أنا: لا والله بويه جذب مو أنا.

أبوي: لا حول الله نزلت روسنا.

أمي تصرخ وتبجي وأبوي يغلط عليها.

أجت جدتي قالت: خلصوها قبل الصبح.

لا تسمع الوادم وتنزلون روسكم... وقالت:

تفوعليج من زمان كنتي وكحة، تفو تربية مزارع.

أنا: بيبي والله ما سويت شيء.

عمي: أم محمد تعالي شوفيها وفحصيها.

أم محمد: فحصتها.

عمي: شطلع؟

أم محمد: للأسف البنت...

عمي ضرب الحائط بكل قوته.

علي أتى يمي، كأنه يقول: "منو؟". لزمني من شعري بكل قوته، ما خلى بيه نفس. جرّني ودار بيه الغرفة، ضربني كل ضربة توقّع جبل.

أنا: بس أصرخ، "والله ما أعرف".

علي: احكي، منو هذا ولج؟ شوفي كلامج وياه، ولج هذا موبايلج! ولج انتي بنت شيخ، ولج جبتي لنا العار. وهو يضرب بيه.

فقدت من الضرب، رحت لعالم ما أعرف بيه، ما أدري بيه.

كعدت لقيت كلهم طالعين، أنا محبوسة بالغرفة.

علي: يلّا خل نذبحها!

عمي: أول شيء خل نعرف منو الولد أولا، وبعدين ذبحها.

عمي: هاي حوبة البنت وأهلها اللي ذبحوها بسببي، ما قبلت على فصل، الله طلعها بيه لأن دعوا عليّ هم.

أمي: فدوة أروح لكم، لا!

أنا: ظليت أضرب بالباب، أريد أقول لهم: "ذوله ولد اثنين ويمهم مرة جبيرة". ردت أقول له هيك سمعتهم يحكون، بس محد يجيني.

"بويه افتح لي الباب!"

"يمّه أنا طاهرة!"

"علاوي فدوة تعال، ما تعرف أخلاق أختك انت!"

"حسوني فدوة تعال بس خلّ أحاجيك!"

بقيت الليل كله أتوسل يفتحون الباب، أريد أحاجيهم، وهم يسمعوني طبعًا، وكاعدين بالصالة قريب على الغرفة اللي أنا بيها، بس محد يجي.

أسمع كلامهم، واحد يقول نطلع الرقم، وواحد يقول لا نقتلها.

آخر شيء صحت بأعلى صوتي: "افتحوا الباب، أو أقتل نفسي هسّة!"

أجى عمي ليّ وفتح الباب.

عمي: شتريدين ولج؟ اسكتي لا أدفنج هنا!

أنا: عمي الله يخليك اسمعني، والله ما أعرف شيء. عمي مو أنا، الله يخليك بس اسمعني. أنا من كعدت كنت مخدرة ما أحس بشيء، بس لقيت شباب اثنين وفوق راسهم مرة هي اللي تأمر بيهم. والله عمي ما لي علاقة. عمي كنا بسيارة، واحد قال للثاني: "البنية شنو علاقتها؟ إحنا دمّرنا حياتها". الثاني قال له: "نفس ما دمّرونا دمّرناهم". عمي والله ما لي أي علاقة!

عمي: والرسائل شنو؟ (بصوت عالي)

أنا: والله ما عندي شيء، ولا أعرف بيها أصلاً. من كنت هناك كان عندهم موبايلي.

دخل أبوّي علينا وكان مصدوم، وكعد على الكاع وهو مكسور ظهره ((عمت عيني عليه)).

أبو محمد: إذا صدق كلامها يعني هذا واحد ينتقم منه.

أجى علي يركض هو ومحمد.

علي: لا تصدقها هاي تجذب، وهسّة نقتلها بالشارع قدام الناس ونغسل عارنا.

أنا: وأنا دموعي تصب: "مع الأسف عليك يا أخوي! انت ما تعرف أختك؟ انت كنت سندي بالدنيا، كنت كل شيء أسويه أحسب حسابكم بيه. علي انت حزام ظهري، إذا ما تصدقني تصدق منو؟"

رحت لمحمد: "محمد والله ما سويت شيء ينزل روسكم".

رحت لعمي وأبوّي: نزلت جوه رجلهم: "لا تصدقون الرسائل، أنا طاهرة وشريفة، الله شاهد عليّ. وحتى المرة اللي أخذتني جديدة بالمزرعة، عبالي مشتغلة جديد".

صحت أمي: "ماما وينج؟ والله ما مسوية شيء! حرام عليكم صدقوني، لا تهدرون دمي!"

عمي نزل راسه وطلع هو وعلي.

بقى أبوّي ما يتحرك، نفس اللي متشنج.

أنا: بابا أرجوك اسمعني. أروح لهذا وأتوسل بهذا، محد مصدقني.

عندي ألم حيل قوي، ما أقدر أتحرك بالكوّه. الدم ما ينقطع، أحس راح أموت. أباوع لجسمي كله صار أصفر. أمي تتوسل بيهم ياخذوني للطبيب، ما يقبلون. الدم جاي يطيح عليّ هواي... أباوع لبابا ما يتحرك.

رحت يمه أركض، حركته، حاجيته، ماكو.

صرخت: "بابا حاجيني!"

"بابا فدوة اكعد!"

أجوا إخوتي وعمي ومحمد، شالوه وأخذوه ركض للمستشفى.

كلهم راحوا، بقيت بس أنا بالبيت، مسدود عليّ الباب.

جدتي كاعده بالصالة وتحكي عليّ وتقول: "جبتي لنا العار، الله ينتقم منج! بس خل يجون نذبحج هسّة ونذبج بالمزبلة".

أنا بس أبكي، أريد بابا وينه؟ بس هو يصدقني.

يوم كامل أهلي ماكو، ولا واحد منهم دخل للبيت، كلهم بالمستشفى. جدتي طلعت مدري وين هي.

أدّق بالباب، أصرخ. محمد يفتح لي الباب... دخل علي للصالة أشوفه من شباك الغرفة. أخذ يمكن مستمسكات يمكن وطلع على السريع. ظليت أصرخ ماكو، ما لحقت عليه... خلّى وطلع على السريع.

صار الليل، محد أجى للبيت.

تقريبًا نص الليل هسّة، وأنا بالغرفة متت حر وجوع وعطش، ومحد مر عليّ، يمكن نسوا أنا محبوسة هنا.

صارت هوّسة بالحديقة يمكن، بس محد موجود بالبيت مالنا. صار رمي قوي... البيت انقلب قلاب بالرمي، خفت ولبدت وره الباب. قلت أكيد عرفوا منو سوى بيّ هيك وصارت طلابة.

"يارب خلصني بسلامة ومحد يتأذى، ياربي فدوة أروح لك لا تأذي إخوتي". ظليت أصرخ محد يسمعني.

دخلوا نسوان يصرخون، ما أعرف شكو... ظليت أصرخ محد يحاجيني. أجت مرت عمي فتحت الباب ليّ، وقالت لي: "أبوّج مات يا ريحانة! مات بسببج!"

"لاااا بابا ما يموت! بابا ما يعوفني مات! لا ما يروح قبل لا يعرف براءتي! لاااا ما يروح ويخليني!" ظليت أصرخ، صوتي راح، ما أحس بصوتي، صوت...

أجن عماتي وأمي والنسوان قرايبنا كله التمت. أمي ما تحكي بس تبكي وتصرخ.

"أبوّيه حبيبي راح بسببي". ظليت أبكي وأون، ماكو صوت. النسوان الغرب بس يهدّن بيّ، ما يعرفن سالفتي.

"بعد ما أشوفك يا نور عيني".

سمعت الرمي يمكن جابوا أبوّي وراح ياخذوه.

رحت أركض وأنا حافي، ما لابسة شيء على راسي، لابسة ألوان. رحت يم الزلم، وصلت لتابوت أبوّي، والزلم يمه كله شيوخ وكبار وشبابات.

وصلت يم تابوته، رفعت البطانية. "بابا ماكو! وجهه ماكو! ضحكته ماكو!" الوصلة البيضة مغطيته.

صحت وصوتي ما ينسمع: "بابا اكعد لي! بابا أنا حبيبتك ريحانة!" ظليت أشم بيه بكل قوتي. الزلم كلها ظلت تبكي وياي.

صحت ماكو صوت، أريد صوتي يطلع ماكو.

"بويه رحت مني زعلان! والله أنا بريئة! أنا السبب موتك! فدوة لنعالك كوم لا تخليني، اعرف براءتي وبعدين قرر! والله ما مسوية شيء، هم خطفوني! والله ما أعرفهم! بويه كوم، منو ليّ غيرك؟ منو يطلع حقي غيرك؟"

أجاني علي وسحلني حيل. كنت أحكي لأبوّي نسيت، فوق راسي زلم وشباب، نسيت أنا حجيت كل شيء، نسيت أنا فضحت نفسي. الزلم بقت واحد يباوع للثاني ومصدومين من كلامي.

"أوكف علي اذبحني فدوة، بس خل أحاجي أبوّي! خل أقول له أنا طاهرة مو بيدي والله!" ظل علي يسحل بيّ أكثر وأكثر، دخلني للبيت مقابل النسوان. شمرني وقال لعمتي: "احبسيها بالغرفة هسّة".

حبسوني بالغرفة 3 أيام، ما أعرف بالدنيا، نسوان تدخل وتطلع. كلها عرفت بسالفتي بس قالوا شردت وي واحد ولزموها أهلها وأبوّها مات من القهر والعار. والناس قامت تزود بكيفها.

خلصت الفاتحة وأنا مرت عمي أو بنت عمي تجيب لي أكل أو ماي بدون لحد يعرف، إذا عرفوا يحبسوهن وياي.

مرت أسبوع وما أعرف شنو مصيري.

قرروا بعد فضيحتي بين الناس قتلي وانتهى الموضوع. بس حسن كان وياي ومصدقني، كنا أنا وياه علاقتنا قوية، كنت أحكي له كل شيء.

حسن وكف ضدهم عليّ. قال لهم: "روحوا اذبحوا اللي جاب لكم العار، مو اللي اغتصبوها غصب عليها!"

عمي ضرب حسن راشدي وقال له: "اسكت لا أدفنك وياها!" وصار الصياح والعياط والعرك.

حسن: تريد تصير شيخ؟ أخذ الشيوخة لك بس ابعد عن حياتنا وابعد عن أختي!

علي: انجب ولك، هذا عار لنا. والشيخة أنا آخذها، أنا ابنه الجبير!

حسن: انت هذا اللي هامك الشيخة؟ وأختك وين؟ روح دور على اللي جاب لك العار، لو شيخ صدق مو بس حجي!

أمي بس تبكي، وأنا بس جسد، يا ريت لو أموت وأرتاح. يا ريت أروح لأبوّي وأفهمه إن بنته وحبيبته بريئة.

تعبت، نمت وأنا ما أعرف بنفسي، ما أعرف شنو قرروا عمي وإخواني.

غفيت، حلمت أنا أبكي، ضايعة مكان ما بيه أحد بس صخر، مكان فارغ، شمس تحرق، كنت جوعانة عطشانة تعبانة. شفت شخص بعيد عليّ، أريد أروح يمه، كلما أقرب منه هو يبعد أكثر وأكثر. ظليت أركض وأركض حتى أوصله بدون توقف.

وصلت إله. طلبت منه مساعدة. التفت لي... طلع بابا! أي نعم بابا.

أنا: أريد أتقرب منه وأحضنه بس ما أقدر. "بابا ليش رحت عني؟ بابا أنا بريئة فدوة ارجع لي! ما أقدر بدونك! بابا قول لعلي أنا بريئة، لا تخليه يذبحني! بويه أخاف من الموت والقبر! بويه أنا ما سويت شيء ينزل راسك!"

بابا ابتسم لي وقال: "أعرف ريحانتي". ضحكت فرحت، وأخيرًا بابا صدقني.

أنا: "منو ليّ بعد؟ ارجع لي فدوة لنعالك يا تاج راسي!"

أبويه: "ما أقدر بس راح أظل يمّج دوم". ومسح على راسي وراح.

فزيت عرقانة وأصرخ: "بابااااااااااا!"

أجت أمي وفتحت الباب. "شبيج؟"

قلت لها: "ماما هيك حلمت! ماما وروح أبوّي أنا بريئة!"

أمي: "أعرف يمه بس شسوي؟ ما بيدي شيء. عمّج وعلي راح يتذابحون على الشيخة".

أنا: "ماما خل أحضنج".

حضنت أمي حيل، مشتاقة لها، ظليت أنحب بعلو صوتي.

أجى علي أخذ أمي وطلع وضل يصرخ عليّ. وقال لأمي: "الليلة نذبحها، عرفنا منو الولد. هو خابر علينا بنفس الرقم اللي لقيناه بجهازها، وقال أنا حبيبها وأنا وياها متفقين وهي قابلة باللي صار وأخذتها منه برضاتها".

أنا: علي سد الباب حيل وظليت أصرخ: "علي والله جذب! علي اسمعني يا أخوي يا سندي بعد أبوّي!"

علي كاعد يم الباب ويبكي عليّ وعلى حالتي.

علي: "وحق روح أبوّي جذب! وإذا صدق كلامه ليش شمرني مربّطة يمكم؟"

علي: "هذا اللي قاهرني، خابرني يضحك ويقول متفقين أنا وياها هيك نسوي حتى محد يشك بينا".

أنا: "والله جذب يا أخوي! دوروا على المرة اللي بالمزرعة وتأكدوا!"

علي: "الناس أكلت قلبي، محد قام يتباوع لي من أمشي، كلها تأشر عليّ. انتي فضحتينه وهو هم فضحج. اللي سوّوه بيج عمته له".

"خلص قررت قرار يريحج ويريحنا، وعمي قبل بيه، وحتى حسن قبل. وخلص ماكو رجعة بعد، وبالليل جهزي نفسج". وطلع...

خلص أكيد قرروا يذبحوني. 😞😞😞

بعد ما قال لي علي إنه قرر قرار، وخلص أكيد راح يقتلوني ويشمروني بالزبل.

خلص راحت حياتي وخلصت، خلص انتهت رحلتي بالدنيا. آه يا يمه، بعد ضاعت أحلامي وشبابي. بعد راح أروح للقبر... لا ماكو قبر، راح يذبوني بالزبل. محد يزورني.

"وينك بويه تعال ساعدني! علي لا تقتل أختك! علي أخاف من الموت حرام عليك!"

طلبت من أمي أتوّضى، وفعلاً توضيت وبقيت من الصبح لليل بس أصلي.

"يارب انت تعرف بيّ، يارب لا تحاسبني على شيء ما سويته، يارب سامحني إذا أخذت غيبة أو نافقت، يارب أخذ حقي من اللي ظلمني، يارب أوقف وياي وساعدني".

صار الليل، خلص قرب موتي، خلص راح أودع الحياة.

أجت أمي أنطتني أكل وماي بارد. أنا تريد تشبعني قبل لا أموت، بقيت أضحك. "يمه هاي انتي هيك تسوين؟ شلون قبلتي؟"

أمي حضنتني حيل، وظلت تبكي بأعلى صوتها.

ما أكلت شيء بس شربت ماي قبل لا أموت وتشاهدت.

أجاني علي وأخذني. لبسني عباية رأس مالت أمي. صعدوني سيارة... أخذوني لطريق بعيد ما أعرف وين. طريق فارغ لا شجرة لا بيت لا أضوية بيه.

أنا: علي.

علي: ساكت.

أنا: شلون راح تموتني؟

علي: سكتة.

أنا: علي لا تذبحني، ارميني فدوة. أخاف من السكينة توجع.

علي: سكتة.

أنا: علي فدوة ادفني، خاف تعرف براءتي بعدين حتى تجوني. علي فدوة ارميني رمي موتنسه. علي تذكر من كنا زغار من بابا يذبح خروف قدامنا ونظل نبكي أسبوع عليه لأن نقول خطية ذبحوه هيك وما ناكل من اللحم مالته؟ علي أنا بريئة ما أعرفهم. علي والله كنت مخدرة... وحق المنية اللي بيها أنا. علي لا تنسوني وأخذوا حقي من اللي ظلموني. علي أحبك يا أخوي دير بالك على أمي، روحي راح تظل يمكم دوم.

دير بالك على حسن ما ودعته يا علي، بوس لي راس جدتي وخليها تسامحني.

علي ظل يبكي بكل قوته، ما تحمل كلامي وأنا أبكي حيل.

علي: أحبك يا أخوي يا نظر عيني.

وصلنا بيت عادي كلش بس جبير، يمكن مبني من طين مدري طابوق عادي مفطر.

نزل علي وعمي.

علي فتح لي الباب ونزلني، ظليت أصرخ كلش، صرت جبانة كلش.

علي: لااا فدوة علي، ما أريد أموت، علي حرام عليك.

خليني خدامة عندك بس لا تذبحني، ما أريد أموت.

علي دك الهورن، طلع له واحد شكله يخوف كلش ضخم.

مبين هو هذا اللي راح يقتلني.

فدوة عمو لا تذبحني، ما سويت شي والله حرام عليكم.

روحي برقبتكم ما أسامحكم ليوم الدين.

لا تتهمون شرفي حرام عليكم، ربي يتولاكم.

علي أحلفك بحليب أمي لا تفرط بيّ.

علي ظل يحكي ويا الرجال ودخلوني جوه.

دخلوني غصب، رحت للموت برجليّ، تعرفون لولا شعوري شنو، بالقوة يسحلون بيّ.

لأن ما أريد أموت... دخلوني غصب داخل غرفة بيها رجال واحد جبير، دخلنا عليه أنا وعمي وعلي والرجال اللي طلع لنا بالباب... قعدوني.

قال: هاي العروس.

لحظة، عروس منو؟

علي: أي شيخنا، اعقد وخلص.

أنا: يعقد لمن؟

علي: اششش.

الشيخ ظل يقرا آيات وسور ويسأل علي والرجال.

وأنا ما أعرف شي، يمكن علي وكيلي بس على شنو؟

خلصوا وراح الرجال الشيخ.

علي: يله رايحين إحنا.

أنا: وين علي؟

عمي: بويه، أنتِ تزوجتِ هسه وذوله أهلج هسه، بعد هاي حياتج.. وهذا الرجال طلبج لأخوه الزغير وما قبل نسوي شي ثاني إلج... يقصد يذبحني.

أنا: تزوجت؟

علي: أي، ويله مع السلامة، دبري نفسج وراح نقول للناس ريحانة ماتت، بعد ولا تسوين شي يغضب عيالج ترى هم يقتلونج أقسم بالله.

أنا تقريبًا نفس اللي غرقان ولقى شي يمسك بيه.

ما صدقت اللي سمعته، الحمد لله ما متت.

بس أنا وين هسه وبيت منو ما أعرف.

قلت له: عمو والله أنا ما سويت شي.

الرجال: مو مهم، المهم ما أريدك تموتين وأكسب بيج أجر.

أنا: الله يخليك أنتَ أنقذت حياتي.

الرجال: ادخلي جوه.

أخذني الرجال جوه وأباوع على البيت نصه طين نص بلوك، بيت جبير يمكن بيه 20 غرفة.

بيت مو مرتب، كل شي بيه وصخ مو مرتب، كل شي بيه مشمور.

دخلنا جوه صالة جبيرة كلش.

بيها كومة نسوان.

بيها صراخ رجال وبيها نسوان كومة وجهال كومة.

دخلت أبكي، الدموع تصب.

كلها قامت لي متعجبة مني ومن شكلي، عبالك جنية دخلت عليهم.

النسوان يتباوعن من فوق لجوه... ولد زغار من 20 سنة لجوه بس صافنين عليّ.

دخلت يا ريت ما دخلت، بيت هوسة بيه 100 نفر.

أنا الدمع يصب، اجتني مرة ودخلتني بالغرفة.

دخلتني غرفة بيها كنتور قديم كلش طلاقتين.

لا سرير لا شي.

الغرفة ماكلها العنكبوت.

بيها تلفزيون قديم كلش، بيها مراية معلقة بالحايط.

سبحان الله من حياة لحياة، بس الحمد لله ربي ما قصر وساعدني.

آآآخ يا بويه شوف ريحانتك وين صارت هسه.

المرة قالت لي: لا تخافين حبيبتي أنتِ، هذا بيتج بعد وإحنا أخواتج هنا، أنا هم انظلمت نفسج بس الله عوضني بيهم وراح تتعودين.

ظليت أبكي حيل وأنا شبكتها حيل وهي ما قصرت وياي وهدتني المرة.

سمعت صراخ وواحد يضرب ويكسر مواعين.

أنا خفت وسديت أذني، منو هذا؟ وظليت أبكي بزيادة.

أسمع صراخ وتكسير مواعين والناس كلها بس تهدي وماكو، وهذا اللي يكفر استغفر الله، هذا اللي يدعي عليه بالموت.

لحظة منو هذا؟

أكيد طفل.

بس لا لحظة هذا صوت رجال جبير.

خفت كلش من الصريخ، ظليت أبكي.

محد يجي لي، ظليت سادة أذني... ما أعرف أحد، خايفة من الصريخ.. خايفة من الغرفة مفطرة بيها جرابيع، فوق كل بريعص شكبره يمكن عمره قرن.

أباوع للمراية اللي يمكن صار لها عشرين سنة محد منظفها.

بعد الصراخ زاد العرك والتكسير.

انعطر باب غرفتي، واحد دفعه كلش بكل قوته.

صرخت بأعلى صوتي.

دخل عليّ شاب وسكاني يلهث ويبكي، قمزت على طولي وظليت أصرخ: منو هذا؟ شتريد؟

أنتِ شتريدين وش تسوين بغرفتي؟ اطلعي يا وصخة.

شنووووو؟

هذا شاب ثلاثيني بس وصخ مو مرتب، يحكي عبالك طفل، يحكي عبالك مو صاحي.

ظليت أصرخ: منو أنتَ اطلع.

اجتني نفس المرة اللي أخذتني مساع للغرفة، عرفت اسمها جميلة... لا تخافين ما يأذيج، بس ابن رجلي أخذ منه ألعابه مالته وظل يصرخ لأن ضاج.

لعبة شنو وهو شكبره؟

طلعته من الغرفة بعد ما ضحكت عليه وقالت له:

جميلة: حبيبي علوش تعال وياي. باجر نروح للسوق وأجيب لك أحلى من هاي السيارة.

هاي وصخة وبيها كوخى.

علوش: هئ هئ هئ راح يجيبوا لي سيارة، وطلع فرحان ويضحك.

أنا: منو هذا؟ وأنا أبكي.

جميلة قعدتني وقعدت يمي: هذا زوجج.

أنا: زوجي؟ لااا فدوة أرجوكِ أخذيني منا.

جميلة: لا تخافين ما يأذي والله بس عقله طفولي.

ريحانة اسمج مووو؟

أنا: أي.

جميلة: احمدي ربج إنكِ ما متِ، وهنا راح تتعودي.

وعلوش ما يأذي بس اضحكي عليه بكلمة يسكت ويفرح.

أنا: ليش هيج شكله يخوف ووصخ؟

جميلة: اش لا تسمعج عمتي.. هو ما يقبل يسبح.

أنا ظليت أبكي.

بقيت يومين، هسه يوميه نفس الأسطوانة ونفس المشاكل والتكسير، ما أطلع من الغرفة أخاف، ولا أقدر آكل منظر الحشرات وأبو بريص يقزز.

اجت جميلة جابت لي جنطة جبيرة.

أنا: شنو هاي؟

جميلة: هاي من أخوكِ دزها لكِ وي رجلي أبو جاسم.

أنا: منو أخوي؟ أكيد حسن.

جميلة: لا قال علي.

أنا ظليت أبكي، شبكت الجنطة على الرغم هي حديدة وقماش بس بيها ريحة إخوتي.

فتحت الجنطة وجميلة يمي.

جنطة جبيرة مالت سفر.

لقيت بيها ملابسي ولقيت بيها أغراض مال بيت، عطور وملابسي.

لقيت جنطة زغيرة بيها كل ذهبي.

لقيت بيها مبلغ مال جبير كلش.

عمت عيني يا أخوي يا علي، ظلمتك عبالي تذبحني بس الحمد لله قلبك بعده عليّ.

خليت أغراضي بالجنطة لأن ماكو مكان أضمهن بيه.

سمعت صراخ: ما تطلع ست الحسن لو تريد إحنا نخدمها إن شاء الله.

طلعت جميلة تركض لها.

وتهدي بيها.

عمه بعدهي البنية ما تعرف شي وهي مدلالة ما تعرف حتى تلزم المكنسة.

منو هاي وش تريد مني؟

طلعت هاي الأم الجبيرة من قد جدتي اسمها أم شهاب، كل شي بيدها. وأولادها وراها مثل السيف.

وظلت تتعالى الأصوات: خل تطلع تشتغل حالها حالكم، زين منا ولفيناها... هي مو رادت تنذبح مثل الخروف؟

سمعت كلامها ظليت أبكي بزيادة.

طلعت من الغرفة قلت لها: جدة والله ما مسوية شي هم اغتصبوني، وأبكي وأعيط.

الجدة: خلص ماكو حجي بعد، شغلج حالج حالهم خوش لولا؟

أنا: حاضر.

بقيت أفتر وراهن، كل شي ما أعرف.

بيت جبير وقديم يدخلن الغرفة ويطلعن من الغرفة ويدلن بيّ ويعرفني على البيت والغرف.

وراح أحكي لكم عائلة أبو شهاب هسه.

هم طبعًا الجدة عرفتوها أم شهاب والجد متوفي قبل سنتين.

أبو جاسم اللي تلقاني بالباب، هو متزوج اثنين، زوجته الأولى خيرية اللي هي بنت عمه وعدها ولد اثنين و4 بنات.

الثانية جميلة اللي حكيت لكم عنها حبابة كلش، هم طلعت نفس قصتي وحسب ما تقول بريئة وأخذوها للستر، عندها اثنين ولد.

الثاني أبو سعاد متزوج، زوجته فاطمة وعدها بس أربع بنات.

الشاب المريض علوش اللي غرفته أنا قاعدة بيها هسه.

عدهم ولد ما شفته طالب كلية وغرفته مسدودة محد يدخل بيها.

بنت عدهم أرملة. أم أحمد وعدها ولد اثنين وبنات 2.

بنتهم الثانية جيرانهم كلش عندها بس بنية وولد.

أكيد تخربطتوا بس حتعرفونهم بعدين أكيد.

دخلتني خيرية للمطبخ.

ظليت بس أباوع عليه، ما تخيلت هيج أصير أو هيج أكون.

مطبخ قديم كلش ماكو معلق ولا شي.

مجرد طباخ وكاونتر بسيط.

مخلين جدور على الغاز عبالك جدور طبخ عرس.

البيت هوسة ماكو صمت.

طفل يبكي، طفل يلعب، طفل يكسر وهذا علوش المريض وياهم.

بنت خيرية الجبيرة منى. وبنت سعاد طلعوا من عمري، بنات حلوات بس العوز والفقر مبهذلهم.

ظليت وياهن وين ما يرحن أدخل وياهن ويعلمن بيّ ويعودني على كل شي.

صار أسبوع تعودت على البيت وكل ساعة تكب مشكلة.

الجدة مرة متعصبة كلش، كل ساعة تدور على وحدة بينا.

قعدت وي سعاد ومنى.

أنا: علوش شبيه هيج؟

سعاد: ولج هذا بعهد قبل طلع مظاهرة. وي جماعته وسجنوهم وعذبوهم وكهرباء وفقد عقله.

أنا: ياااا خطية.

بس أنا ما كنت أتقرب منه أبد على الرغم ما بيه أذية بس اللي يتحارش وياه يأذيه.

رحت لغرفتي شفت ألعاب مشمورة بكل مكان، رحت لميتهم وخليتهم بالسلة.

وطلعت لبره أجيب المكنسة حتى أكنس الغرفة.

وأسمع لك لصراخ: منو أخذ أغراضي؟

هاااا منووووو قولوا هسه؟

ابن جميلة: ذيج خذتهن، ويأشر عليّ.

أنا ما كنت منتبهة طبعًا والحوش محد بيه، كلها تشتغل وملتهية بالبيت.

اجاني شخص من ورا ظهري شمرني للقاع، ظل يملش بشعري ظليت أصرخ محد يسمعني.

صرخت بكل قوتي، هو ضخم وطويل، صعد فوقاي بحيث قمت ما أقدر أتنفس ولا أقدر أحكي ويضرب بيّ بكل قوته، اجوا البيت كلهم فزعوا عليّ وبالقوة خلصوني منه.

دخلوني للصالة خشمي ينزف.

ما أقدر أتحرك، شعري مكفش ويشربن بيّ ماي البنات.

كنت أبكي بكل قوتي.

أول مرة هيج تصير بيّ... يا ربي شنو الذنب اللي سويته وهيج تجازيني؟

علوش: هئ هئ اجا سجاد اجا سجاد ويقمز ويركض فرحان.

أنا: عظامي كلها توجعني، روح الله لا يوفقك.

جدة: مو قلنا لكِ لا تلزمين أغراضه؟

أنا: لقيت الغرفة هوسة.

جدة: بعد لا تسوينه.

وإذا سويتها بعد محد يساعدج ويشيلج منه ترى.

أنا بوضعية يرثى لها وهاي تصرخ عليّ ما ترحم العجوزة.

لو غيرهم هسه ركض للمستشفى.

دخلت للغرفة أبكي، بدلت ثوبي ورتبت شعري وردت أطلع سمعت صوت أول مرة أسمع بيه والعالم كله فرحانة وتسلم وهذا اللي يقول هذا ليّ وهذا اللي يقول ليّ.

هذا ابنهم أبو الكلية جاي من الأقسام مالته اللي ببغداد وجايب لكل وحدة شال ومختلف الألوان وطبعًا كل وحدة تريد اللون اللي يعجبها وكبت عندهن.

ما طلعت بقيت جوه ما ردت يشوفني بهالحالة ويقول: هاي اللي اغتصبوها وجابوها لنا.

حضروا الغدا وما طلعت.

الجدة: ما تطلع أم المشاكل.

خيرية: عوفيها عمه أكيد خجلانة من سجاد.

سجاد: منو قصدج يم؟

الجدة: بعدين أحكي لك يمه ارتاح... وبعدين منين مستحية هي هاي تعرف خجل صخام من ورا عملتها وي أهلها، الشيوخ اللي نزلت راسهم بالقاع تنازلوا حتى عن الشيخة بعد الفضيحة.

وحته شالوه لغير محافظه من وراء العار الي إجاهم.

لحظة شنو تحكي؟

منو الي راح لغير محافظه؟

منو الي تنازل عن الشيخة؟

ضليت ابجي واصرخ.

كل هذا يصير بأهلي وين راحوا بعد؟

وين أشوفهم بعد؟

منو إلي بهالدنيا يا ربي؟

أهلي راحوا وين؟

آه يا يمه وينك؟

ليش ما تجين لبنتك؟

ضليت ابجي لمن فقدت وعيي، بهاي اللحظة تمنيت الموت صدق.

بعد ما فقدت، أجوا العائلة كلهم فوق راسي.

سجاد: خل نأخذها للمستشفى.

الجدة: هسه تكعد لا تخاف.

جميلة: تضرب بيه.

خيرية: ترش عليه ماي وماكو.

أم سعاد: تضرب بيه بكل قوتها.

حسيت إني بعالم محد بيه وظلمة.

كعدت وأشوف الوجوه كلها تباوعلي، وشخص رافع رجلي لفوق.

انتبهت على نفسي، هاي شنو؟

جميلة: لا تخافين، ضغطك نزل ونريد نصعده لكِ.

كعدت على حيلي، طلبت ماي وجابوا لي الجهال، صرت أحسن.

الجدة: لا تتعايرين، إحنا انطيناك مجال هواي ترى.

وبعد ماكو ميوعة، وتلزمين البيت حالك حال باقي النسوان، مفهوم لو لا؟

أني: إن شاء الله.

خلوا علي تنظيف البيت.

بقيت 24 ساعة بس أنظف، واحتار منين أبدي، من زبل الجهاز أو من بيت دجاج، أو للحوش، أو الغرف.

أفتر البيت كله على طول اليوم وما ألحق.

نظفت وكعدت يم خيرية وكتلها:

أني: خيرية ليش هيك بيتكم هووسة؟

خيرية: والله ريحانة مهما ننظف أم شهاب ما يعجبها شي، وتقلد حتى ما تنطينا واهس ولا تخلينا نسوي شي على راحتنا، ملينا منها، قررنا ما ندخل ونسوي الي أمرت بيه فقط.

هنا انا ضليت أفكر بكلام خيرية.

صار الظهر كلها نامت بغرفها، قررت أدخل للاستقبال، لقيت طويل كلش وجبير بس هووسة، وبيه تحف هواي وورد هواي داير ما داير، وبيه السجاد من هذا القديم، وهووسة بيه ألوان هواي يعني مو لون واحد.

فكرت قلت خل أبدي بيها.

دخلت لفيت شعري ولفيت شالي، شلت كل المدات وخليتهن بالحوش، وسحبت الصوندة وشغلت الماطور ودخلته بالاستقبال وغسلتها غسل، وطبعًا هاي التحف وقديمة كلهن شلتهن وشمرتهن بالسطلة، حتى الورد يلعب النفس وموديله قديم وبيه تراب، والتحف قديمات كلش.

يمكن مالت عرس أم شهاب، وبالزاوية مالت الحايط هم ورد سحبته بالعصا ونزلتهن.

غسلت الاستقبال كله وشغلت المراوح حتى تنشف الأرضية.

مسحت المعرض ونزلت البرادي مالت الشبابيك وشمرتهن بالحوش.

غيرت موقع المعرض خليته بنهاية الاستقبال كلش ورتبت بس تلفزيون والستلايت والكتب الي مخليهن.

رحت بالحمام مالتهم غسلت البرادي كلهم.

وغسلت المدات الي هم مدات قديمة كلش مثل الصوف أو مدري شيسموهن، وخليتهن فوق الطشت حتى ينشفن من الماي بعدين أعلكهن على الحايط.

وأكيد ما راح أكدر أشيلهن وحدي.

نزلت الصور الي مخليهن بالاستقبال ومسحتهم ورجعتهم مكانهم.

شريت البرادي على الأحبال فعلًا طلع لونهم الأصلي.

سمعت صوت سجاد.

طبعًا سجاد أبد ما تواجهت وياه أبد أبد، حتى ما انتبهت لشكله أو مواصفاته.

لمن سمعت صوته رأسًا نزلت ثوبي ولفيت شالي وضليت واقفة.

أجاني لقاني وحدي بالاستقبال.

سجاد: شجاي تسوين وحدك؟

أني: منزلة راسي... كنت أرتب الاستقبال.

سجاد: طلعت حتى أروح للحمام، سمعت صوت بالاستقبال، دخلت لها لقيت البنية ريحانة وحدها بالاستقبال وجاي تنظف وحدها، وعاشت إيدها فعلًا مرتبتها غير الي كان قبل، كانت هووسة حتى التحف المكسورة ما تقبل أمي نشمرها.

خل أحجيلكم عني لأن ما تعرفتوا علي.

أني سجاد عمري 26 سنة، طبعًا متأخر كم سنة، هسه أني مرحلة أخيرة كلية قانون ببغداد، الصغير عند أمي ومدلل طبعًا.

كنت مرتبط ويا زميلة وياي، بس طلبت زواج وأني ظروفي ما تساعد وبالقوة أدبر كروتي للزواج فعافتني وتزوجت.

الله يوفقها.

بس تركت جرح بقلبي كلش قوي.

أهلي ناس فقراء كلش وبرقبتهم 100 نفر، وشفتوا عائلتي أنتم بعد.

من رجعت من الأقسام فجأة سمعت قصة هاي البنية من أخو أبو جاسم وحجالي قصتها.

أبد ما تصادفنا أنا وياها... من تشوفني ما تلاقيني أبد ولا تلاقي أي شاب عندنا تخجل من ظلها.

يا ترى صحيح الي صاير وياها؟

معقولة هي شردت وي واحد حسب ما سمعنا بسالفة بنت الشيخ أبو علي؟

وطبعًا الناس تزود بالحكي حتى لو أي بنت مظلومة.

لمن رحت يمها للاستقبال أول مرة أنتبه عليها وشفتها.

ما شاء الله أول مرة أشوف بجمالها بنزاكتها، صدق بنت خير وبنت شيوخ.

على الرغم كانت تنظف وحدها ومبين عليها التعب بس ملاك، معقولة هيك يصير وياها؟

بقيت صافن عليها، ما معقولة بنت بهيك هدوء وجمال وثقل تغلط هيك غلطة.

من رحت يمها لقيتها تنظف ويمكن محتاجة مساعدة.

سجاد: محتاجة شي؟

ريحانة: مدنكة لا شكرًا.

سجاد: شتسوين؟

ريحانة: لا ضايجة وأجيت أرتب الاستقبال.

سجاد: عاشت إيدك خوش مرتبة.

وبوحدك هم.

طبعًا أني خفت يدخل علي أحد ويلقانا وحدنا وهم تصير لي مشكلة فوق هاي مشكلتي.

ضليت قلقة كلش.

سجاد: شفت ريحانة متوترة كلش وعرفت بيها مني خايفة وتريد تطلع.

سجاد: أوك راح أطلع وراح أنشر السجادات على الحبل.

ريحانة: انتبهت عليه وكتله أوك مشكور.

طبعًا أول مرة أنتبه عليه وأشوف شكله.

طويل، وجهه حنطي، عنده عضلات يختلف عن أهله نهائيًا نهائيًا، شكله كلش حلو.

بس دنكت رأسا ما قدرت انتبه عليه أكثر وهو بقى ينشر السجادات وأني رحت للمطبخ.

بعد ما كملت الاستقبال وسجاد ساعدني وخلى السجاد على الحبل.

دخلت المطبخ.

حرت منين أبدي بيه، الطباخ أسود من الدهن... الكاونتر حتى أسود ونصه دهن... المفرغة هم سوداء.

المواعين شمر شمر ماكو شي عدهم اسمه تستطير، وحتى من يسطرن النسوان تجي الجهال وتخربه.

المواعين مو ترتيب كل قسم وحده لا عدهم شي فوق شي.

احتاريت شسوي.

دخلت غرفة جهال خيرية لقيت ابنها بسوم نايم.

أني: بسوم بسوم اكعد.

بسوم: ها؟

أني: اكعد أدزك للدكان.

هو: كعد بساع وفرح عبالك دازته للمول لو للأمم المتحدة... شنو تريدين يا كرفس ههههع.

أني: صدق ضحكت عليه، قلت له جيب لي فلاش وكلور ومنظف دهون وزاهي و...

هو: شنو ذني؟

طلبت منه ورقة وكتبت كل الي أحتاجه.

طبعًا انطيته 25 لأن ما عندي صرف وأخوي علي دز لي فلوس خطية وي الشنطة.

راح بسوم وجاب لي أغراض وطبعًا مشتري له كم شغلة.

على الرغم شكد محتاجين بس الأطفال عينهم مليانة.

قلت له ذني الباقي لك والباقي للجهال اشتروا حلويات، لأن شفته شكد كان فرحان بالجبس ماله الي سعره ما يتجاوز ربع دينار.

جاب لي الأغراض والمنظفات وخلطت نفس أمي قبل، بديت بالطباخ وجلف وجلف ونقعته، علمًا أروح أفرك الكاونتر ورحت رتبت المواعين وخليت الصحون وحدهن والخاشوق والسكاكين بالمجر وحدهن، الأكواب بمجر وحده.

حتى ما تصير هووسة.

شفت علب السكر والملح والبهارات، طلعت قواطي حليب أو شيش مالت طرشي.

وما ينعرف الملح من السكر.

صحت لبسوم مرة ثانية وطلبت منه يجيب لي علب مطبخ سكرية وعلب خاصة للمطبخ بس قال:

بسوم: ما يبيعون هيك لأن ما تمشي عندهم، قولي لعمي سجاد يجيب لك من بغداد عندهم أغراض حلوة هواي.

ضحكت عليه... بس أني شلون أطلب منه مستحيل.

رتبت المطبخ وصدق طلع وجهه ثاني له.

بس ردت أجيب علب صغيرة... ردت حافظات... ردت هواي أشياء للمطبخ نفس مالت أهلي... وأني عندي فلوس هواي.

صار العصر وكله ضلت تكعد وتتدخل للمطبخ وتتفاجأ من الترتيب.

رحت حتى أجيب ملابسي وأدخل أسبح.

دخلت للحمام... يبوووووو صرخت بأعلى صوتي.

أجى عمي أبو جاسم فد رجال محترم كلش بس دوم ضايج، خطية يطلع الصبح يجي العصر على مود ينطي لهاي الناس الكومة الي عنده أكل.

أبو جاسم: شكو؟

أني: تمساح بالحمام.

أبو جاسم وسجاد: شنو تمساح؟

أني: والله جربوع بس عبالك تمساح جبير.

أبو جاسم: هههههه دخل للحمام وطلعه إلي.

وسجاد وخيرية والنسوان بس يضحكن علي.

طبعًا ما أحجيلكم عن زوجي علوش صار زين تعود علي، بس كلما أنظف الغرفة أشبع كتل وتفلات منه.

أجوا بسوم وبيده علاكة شكبرها وبيه حلويات بـ 15 ألف والجهال كلهم تلقوه شنو هذا شنو هذا.

بسوم: من كرفس هاي الفلوس، قالت حلويات لكم.

أبو جاسم: بوية شنو هاي إلي؟

ولك بسوم منو قال لك تأخذ عمه بعينك هسه أجيك بصوندة.

أني: يعني أنت معتبرني غريبة عمو؟

أبو جاسم: لا أنتي بعد بنتنا بس ما أريدهم يتعودون يمدون إيدهم بسرعة هيك.

سبحان الله قبل بابا من يروح يسافر أو يأخذنا سفرات أو أدز وي أخواني يجيبوا لي حلويات علاكة صغيرة كلش ما تتجاوز 40 أو 50، هسه بسوم راح جاب لإخوانه علاكة تكفي عشيرة بـ 15 ألف... الحمد لله على كل شي.

سوينا عشى وطبعًا عشاهم دوم بسيط وعلى كدهم بس مرتاحين ودوم ضحك وسوالف، بس دوم تخربها الجدة حتى لو ما عندها شي، ما تحب الكناين يضحكن ويشاقن سوه.

رحت أجمع مواعين العشاء سمعت أبو جاسم وسجاد يحجون.

أبو جاسم: والله سجاد ما أعز عليك عندي بس 30 ألف أخذهن لك.

سجاد: لا انطيني بس 10 وخلي الباقي لك مصرف.

أبو جاسم: منين أدبر يعني شسالفة؟

سجاد: أشوف لك شغلة وأخذ وياي منا خبز وتمن وسكر وربك يدبرها.

معقولة خطية كروة ما عندهم؟

ضليت أمشي سويت نفسي عادي صحت جميلة.

أني: جميلة والله بصدفة هيك سمعتهم...

جميلة: أي خطية دوم هيك ويشتغل هناك حمال أو خباز أو أي شغلة يلقاها.

أني: عفوًا بيني وبينك راح أنطيك 250 وأنطيهن له.

جميلة: ههههه وراح يقبل هو على أساس؟

أني: لا لا تقولين له مني حاولي قولي له ذني عندك ضامتيهن شي.

جميلة: وج هو يعرف بيه ما عندي.

أني: فدوة حاولي.

جميلة: خوش خية أشوف.

انطيت المبلغ لجميلة وانطيته له وهو ما يعرف مني، قالت له مال جارتنا أم مصطفى ضامتيهن عندي خاف يأخذهن زوجها منهن.

خطية قبل بيهن وفرح كلش.

وقال لها: بس اشتغل أرجعهن قبل لا تطلبهن منك هي.

جميلة: لا هي قالت ما أريدهن هسه كلش.

سجاد: لا كل شي يصير وتتفاشلين وياها خطية.

قبل لا يروح سجاد، انطيت جميلة ورقة وكتبت بيها أغراض أحتاجها مثل شامبو اسم العطر مالي المفضل صابون أغراض للمطبخ أغراض لغرفتي وجه مخدة وشرشف وهواي أشياء. وانطيته فلوسهن وياهن وخطية ما قبل يأخذ فلوس مني كلش لأن عنده هو عود 250، بس جبرته وأخذهن من جميلة وطبعًا أنا ما أحكي وياه نهائيًا.

لأن فعلًا ما عندي شيء بغرفتي وفارغة بس كنتور، وبس أفتحه تجيني الضربة من كل مكان من علوش.

راح سجاد لبغداد وأخذ وياه الورقة.

طلعوا الجهال العصرية للشارع يلعبون كالعادة، وصار المغرب.

أجوا الجهال:

"بويه بويه، الحك الحك!"

"اندعم اندعم!"

وراحوا أبو جاسم وأبو سعاد يتراكضون.

"منو الي اندعم؟ منو؟"

أجوا الجهال يفزعون البيت وصراخ:

"بويه اندعم اندعم!"

"منو؟"

أجت النسوان كلها تتراكض وأني من ضمنهم طبعًا.

طلع أبو جاسم وأبو سعاد ركض للشارع، والناس كلها التمت طبعًا.

جدتي طلعت بره وأجت تصرخ:

"مات الولد مات!"

ضلت النسوان تبجي:

"منو ومنو؟"

جدتي:

"ولجن بسوم مات! ولجن شسوي بيجن اليوم؟"

خيرية ضلت تصرخ وراحت ركض للشارع بدون حجاب ولا نعال تكرمون.

انصدمت صدمة كبيرة، مساع كان فرحان بالجبس والحلويات مالته.

دخلوا بسوم للحوش وكان أبو جاسم شايله ويبجي.

ضلينا كل إحنا نبجي وياه.

كانت صدمة بالنسبة إليه، كان هو كوميدي ويضحك على أتفه سبب ويسميني كرفس.

الجدة:

"يمه أبو جاسم، وين أبو سعاد أخوك؟"

أبو جاسم:

"أخذوا علوش."

البيت كله انصدم وسألوا نفس السؤال:

"ليش ليش؟"

أبو جاسم:

"مو هم بالحادث وحالته هم تعبانة وأخذوه ركض للمستشفى."

معقولة هجي بيت يروحون منه اثنين بنفس الوقت؟

صار الصياح وصارت فاتحة بسوم خطية، وأني صدق تأثرت بيه.

وعلوش بالإنعاش، الضربة صارت بنص راسه وعنده نزيف براسه.

خلصت 3 أيام بعد البجي والتعب والصدمة، خسرنا وردة من بيتنا.

كعدنا بالصالة كل إحنا وسجاد طبعًا موجود وكلش متأثر بوفاة بسوم.

الجدة:

"كومي سوي جاي."

أني:

"إن شاء الله."

الجدة:

"كومي يا وجه الفكر، من دخلتي بيتنا نفقدوا منه اثنين. وجهج وجه بومة."

أبو جاسم:

"يمه اسكتي."

خيرية وجميلة والبنات سكتة.

سجاد باوعلي بنظرة عطف ودنّق راسه.

أني ما قاومت، رأسًا الدموع نزلت وحدة. دخلت المطبخ وأبجي، تأثرت بكلمة جدتي كلش، كلمتها سكين بقلبي. أني شنو ذنبي؟ هم يركضون ورا السيارة ورجعت عليهم سريعة وضربتهم.

ضليت أبجي، انحرمت من شبابي وطفولتي، من أهلي، من أمي.

"وينج يا يمه وينج؟ شوفي بنتج."

دخل عليه سجاد:

"لا تضوجين خويه."

أني مسحت دموعي وسويت نفسي أسوي بالجاي.

سجاد:

"أمي طيبة بس مقهورة، واعذريها."

أني:

"لا عادي، مثل أمي."

صار العشاء، وجهزت العشاء وحدي، ما خلت وحدة تشتغل وياي، وكل ساعة تطلب مني أنظف شيء أو أغسل الفرش وحدي، ما تخلي وحدة تساعدني.

وصار أسبوع تهين بيه إهانات وتغلط عليه قدام الكل.

طبعًا الكل ما قابلة عليها بس محد يكدر يوكف ضدها.

علوش تحسن وضعه بس عنده كسر بالحوض وبرجله وبركبته، بعد ما يكدر يتحرك منا لهناك.

جابوا علوش بعد مرور أسبوعين وخلوه بالغرف اللي أنام بيها.

وكالتلي الجدة:

"إحنا لفيناج من الشارع وردنا بيج أجر، وهسه هذا زوجج شما يريد تسويله، وحتى أنتِ تسبحينه وتبدلين إله، وبعد هو ما يكدر يقوم، أنتِ تنظفين جوّاه. وإذا ما قابلة بهالوضع نوديج لأهلج وخليهم يكتلونج أحسن."

أني مدنّقة:

"وحاضر."

جابوا لي علوش اللي هو اسمه علاء طبعًا، ما يتحرك ولا يكدر يمشي، بس يتأمر عليه ويغلط، وحتى بالليل ما أشوف النوم.

كلما أغفى صاح بأعلى صوته:

"أريد ماي، قومي!"

سجاد خلص دوام الكلية وتخرج وكعد بالبيت، تعرفون ماكو تعيين ولا شيء. بالبداية ما قصر وياي وضل هو يسبحه ويبدل إله وينظفه، بس أني عليّ طلباته.

مرت شهرين شفت نجوم الظهر، ما ألحق من تنظيف البيت من علاء وطلباته. جدتي شدت وياي كلش، ووين الشغلة الصعبة تطلبها مني، وحتى خيرية وجميلة ارتاحن من وراي شايلة كل الشغل.

كاعدين كل إحنا بالصالة بالليل، أجاني أبو جاسم.

"بويه ريحانة."

أني:

"نعم عمو."

أبو جاسم:

"أخوج علي انطاني غراض إلج."

فرحت كلش مو على مود الأغراض، على مود أخوي وأهلي ما ناسيني.

فتحت الأغراض قدامهم حتى أفتخر قدامهم أهلي ما ناسيني.

فتحت أول جنطة أنواع الحلويات والكرزات اللي أحبهن.

فتحت الجنطة الثانية بيها ملابس إليه مال بيت.

لقيت ظرف بيه كومة فلوس، فتحتهن قدامهم وخاصة قدام الجدة حتى تشوف أني بنت ناس عفتهم، وضليت أبجي ودخلت لغرفتي.

اشتاقيت لأهلي، مشتاقة لقبل جمعتنا وحسن ينصب عليّ. يا ربي شنو سويت حتى هجي عاقبتني؟

متت من الألم والشوق، أريد حضن أمي اللي ما يتعوض، أريد أخوي علي.

أجاني سجاد وجابلي الأغراض، وكالي:

"لا تضوجين، الله يفرجها عليج وخاصة إذا كنتي مظلومة."

رفعت عيني بعينه:

"والله يا سجاد أني مظلومة، والله."

سجاد باوعلي وراح عني، حسيت من نظراته مو مصدقني.

شفت باكيت بجنطة:

"شنو هذا؟"

فتحته. طلع جهاز آيفون اللي كنت قبل أريد أشتريه وصارت المشكلة.

فتحته، فرحت بيه كلش، بس شنو الفايدة؟ لا عندي أحد أراسله ولا عندي بيه واهس، وهم بس سجاد عنده جهاز جامعي ومن يدق كلها تكمز وتفرح ويصير إنذار.

وجهاز أبو جاسم هم عادي كلش.

فرحت بالملابس والأغراض، وزعت الحلويات للكل وفرحوا بيها كلش.

رحت لأبو جاسم كتله:

"عمو هذا الظرف إلك."

أبو جاسم:

"شبيه بويه؟"

وخليت وطلعت.

ورا ثواني أجه وراي أبو جاسم:

"مع الأسف عليج يا عمي، أني ما محتاج وعندي نعمة. وهاي الفلوس إلج."

أني:

"عمي أني مو محتاجة، عندي أنتم ما مقصرين وياي وهنه مبلغ ما يسوى."

أبو جاسم:

"بويه خليه إلج، مشكورة يا بنت الأصول."

كانوا الكل كاعدين ومتعجبين من موقفي.

أني:

"أنتم صرتوا أهلي بس أطلب منكم طلب."

أبو سعاد:

"تفضلي خويه أو بويه بكيفج."

أني:

"أريد حقي وبرائتي فدوه، أطلبكم لا تفشلوني."

كلها بقت صافنة على موقفي، كنت أحجي ودموعي تنزل.

"عمو أبو سجاد، أني انظلمت وانحرمت من أهلي، أريد حقي وأني اللي آخذه، أريد نفس ما ظلمني أريد أعذبه. أرجوكم اسمعوني، أهلي ما سمعوني، أطلب منكم تسمعوني أنتم."

سجاد:

"وياج خويه."

أبو سجاد أبو سعاد:

"تدللين عمي، الله كريم إذا إلج حق ربج يطلعه."

اطمأنيت من كلامهم.

كنت أغسل مواعين العشاء وسمعت.

سجاد:

"والله يا أبو سعاد أريدلي شغلة مال تعيين، ماكو جذب، حتى موبايل مثل الأوادم وشباب ما عندي."

رحت ركض لغرفتي وسجاد وأبو سعاد صافنين عليّ.

أني:

"سجاد."

سجاد:

"نعم."

أني:

"أطلب منك طلب ولا تفشلني."

سجاد:

"قولي."

أني:

"قول تم."

سجاد:

"تم."

"هذا إلك ولا ترجعه، أني ما أحتاجه، مني إلك."

وكنت مبتسمة كلش.

سجاد انصدم:

"منين لج هذا؟"

أني:

"من علي أخوي."

سجاد:

"ما عبالي هجي سالفة، والله ما أحتاجه هذا إلج."

ضليت ساعة أتوسل بيه. ورحت لجدتي قنعتها تقنع سجاد ياخذه، وفرحت من موقفي وقنعته إلا قبل.

سجاد:

"صدق حسيت ريحانة مظلومة، وجهها وبراءة وجهها مو مال وحدة تغلط. بنت خير وشبعانة كلشي تنطيه ومو إلها."

فلوس اللي عندها كلهن اشترت بيهم للبيت أثاث وفرن كهربائي، اشترت سبلت للصالة، اشترت معلق للمطبخ ومواعين وشغلات هوواي.

حتى أمي اللي ما يعجبها العجب كبرت بعينها كلش.

علاقتها قويت وي أمي كلش.

مرت شهر وعلوش تعب كلش، ضل بس يصرخ يريد يقوم ما يكدر، نفسيته تعبت.

كعدنا الصبح على صوت ريحانة.

ريحانه:

"كعدت الصبح كالعادة، جهزت الريوك وأنتظر بس تكعد خيرية حتى تخبز لأن أني ما أعرف أخبز. رحت للغرفة أشوف خاف علوش كعد بس لقيت وجه أصفر ويخوف، حاجيته حاجيته ماكو. صرخت بأعلى صوتي."

سجاد:

"نمت أفكر بريحانة وشلون نساعدها إذا هي حسب ما تقول ما أعرف منو اللي اغتصبني. شلون أطلع حقها وأني ما أعرف شيء عنه. فكرت بجمال هاي البنية اللي انظلمت بشبابها، اللي ضاع وي علوش. ما تستاهل هاي البنية، شكلها ما يتوصف من تباوعلي تخطف روحي، نفسها حلوة مؤدبة وثقيلة تخجل من كلشي. بس حرام أفكر بيها، لا لا مهما يكون زوجة أخوي. غفيت على طيفها وخيالها ونمت. كعدت الصبح على صراخ ريحانة. رحت ركض لغرفتها وأجوا أهلي كلهم وراي. ضليت أصرخ، كلها التمت عليّ. أجه سجاد أولهم، شاف وجه علوش ضل يحرك بيه يسمع النبض ماكو."

سجاد:

"لا حول ولا قوة إلا بالله."

أني:

"شبيه؟"

سجاد:

"توفى."

ونزل راسه وضل يبجي.

البيت كلهم أجوا شافوا سجاد يبجي وعرفوا أنو توفى علوش.

ضليت بزاوية بوحدي ما أكدر أتحرك، لا أبجي، مصدومة، كل ساعة أشوف موت شخص قدام عيني.

أجت الجدة ضلت تبجي على ابنها وتصرخ:

"يمه علاء اكعد، يمه يبعد أمك اكعدلي، ذني ألعابك هنا، قوم يمه."

وتبجي.

أول مرة أشوف جدتي هجي متأثرة وتبجي ومكسورة.

لحظة باوعتلي وفزت على حيلها، أجت يمي لزمتني من شعري:

"ولج شسويتي بيه؟ قولي اليوم أموتج! قتلتِ ابني مو حتى تخلصين منه؟ أني أذبحج اليوم."

قامت تجر بيه كل قوتها، أبو سعاد يحاول يخلصني منها ماكو.

شبعتني كتل وغلط:

"أنتِ ذبحتيَه، أنتِ يا بنت الشوارع. مو إحنا لفيناج يا...".

كلام بذيء جدًا.

كلها بقت مصدومة من كلام أم شهاب.

شالوا علوش على الرغم كان مو صاحي بس تعودت عليه خطية ويكسر القلب، ضليت أبجي على مبكاهم.

خلصت الفاتحة والبيت كله حزن بحزن.

كل ما أطلع أشبع غلط.

لحظة، أني علوش مات، شنو مصيري بعد؟ منو إلي؟ أكيد بعد ما إلي مكان بالبيت.

لبست ملابس سود وشال أسود.

رحت يم سجاد.

سجاد:

"نعم ريحانة."

أني:

"أريد رقم علي أرجوك."

سجاد:

"منو أخوج؟"

أني:

"إي."

سجاد:

"محتاجة شيء؟"

أني:

"بعد علاء ومات منو إلي؟ خل يجي ياخذني حتى لو يقتلني أني قابلة."

سجاد:

"مع الأسف عليج، إحنا وين رحنا؟ أنتِ بعد هذا بيتج."

أني:

"لا جدتي تكرهني، بعد ما إلي أحد، أرجوك ساعدني أريد أهلي."

سجاد:

"أتمنى أطلب منها تبقى للأبد عندنا، تعودت عليها وعلى كلامها الهادئ، على قناعتها، على الثقل والجمال اللي شايلته، على النزاكة. أتمنى أطلب منها تبقى يمي للأبد."

مرت شهر، وحالة أمي تحسنت شوي.

ريحانه:

"سجاد من أخذ الجهاز لهسه بس يلعب بيه وصار عنده فيس وطاك عيني للسقف."

طلع سجاد للمحل. أجاه اتصال ماسنجر.

رحت يمه أشوف منو.

مكتوب "ستار ستار العميد".

شفت مخلي صورة على الفيس مالته يمكن بكربلاء بين الإمامين، ركزت على الصورة.

"لا لا!"

صرخت بأعلى صوتي.

أجوا النسوان كلهم إلي:

"هو هذا هو!"

خيرية:

"منو؟"

سعاد ومنى.

منو؟

اجه سجاد سمعني اصرخ، هو هذا! رحت لاكيته واركض، انقطع الاتصال.

سجاد: منو؟ شبيج؟

أني: سجاد افتح رمز جهازك، اجاك اتصال، منو هذا الولد؟

سجاد: شسمه؟ وينه؟

أني: انطيني الموبايل.

فتحته، دخلت على الماسنجر، لكيت اسمه هذا، هذا!

سجاد: شبيه؟

خيرية: عزه، البنت تخبلت!

الجدة: شبيج ولج؟

أني: سجاد، هو هذا الولد الي أخذني واغتصبني!

سجاد: ريحانه شبيج تخبلتي؟ هذا الولد وياي وأعرفه، ما يأذي نملة.

أني: سجاد والله هو، حتى وياه واحد بسيارة وشمروني بالباب. من كعدت لكيته ما قابل على الي وياه ويحجي عليه لأن هيجي سوى بيه، وكال للبنية ما إلها ذنب. سجاد والله هو هذا، فدوة أخذني إله أرجوك، هسه هسه. يا رب ما قصرت، وصلتني إله.

سجاد: لحظة ريحانه، ما أصدق كلامج. ذوله ناس معروفين. كعدي واخذي نفس خل أفتهم منج.

أني: حجيت إله القصة كلها، وكأن العائلة كلها كاعدة.

سجاد: شلون شكله الي وياه؟

ريحانه: ما أكدر أوصفه، بس من أشوفه أعرفه.

أبو جاسم: خوش، خل نسوي طريقة نجيبه هو وأخوته هنا، أو نروح إلهم، أو نجيب صورهم، المهم نشوف.

ريحانه: رحت يم جدتي. فدوة جدة ساعديني خل آخذ حقي، أرجوك أنتي دبري إلنا حل، الله يخليج.

الجدة: بتوتر مدري والله.

أني: طلعوا برائتي، ما تخسرون شئ الله يخليكم.

مرت أسبوع وإحنا نحاول وماكو. نريد طريقة ماكو.

آخر شئ جدتي كالت: خل سجاد يدلينا بيتهم وكأنما أني وياج نمشي وتعبت وندك بابهم. عود أرتاح لأن عندي سكر وأنتي لازم تكوني مغطية وجهج.

سجاد: بس هم سمعت قبل فترة كتلوا بنتهم لقضية شرف وكالوا أكو شيخ ما أخذ حقهم من أهل الولد ولا أخذ فصل وكتلوها لأن هي غلطانة وطالعة وياه بقناعتهم.

أبو جاسم: إي سمعت، ويمكن الشيخ أبو ريحانه الله يرحمه.

أني: شنو؟ معقولة؟

سجاد: شنو؟

أني: إي سمعت أبوي يحجي وكال لأخوي علي إنو هي طالعة وياه بكيفها وغلطانين سوة، لذلك مالهم حق عند أهل الولد ولا فصل. طلبوا يتزوجون ما قبلوا أهل البنت وكتلوها.

أبو سعاد: أنتي شلج علاقة بالموضوع؟

أني: وره أسبوع اجه أبوي ضايج وكال مهددينا وكالوا إله تشوفها ببنتك نفس ما طلعت حق بتنا.

أبو جاسم: هنا مربط الفرس. هاي هيه انحلت السالفة. سالفتج يمي يبنيتي بعد.

معقولة طلع حقي؟ معقولة ربي راح يساعدني؟

طلع أبو جاسم العصر وما اجه وتأخر كلش. كنت أنتظره على جمر. بقينا ننتظره أني وسجاد. اجه بـ الواحدة تقريبًا.

لاكيته أركض ما أحس بنفسي.

أني: طمني عمو شسويت؟

أبو جاسم: خابرت أخوج علي وعمج وفهمتهم وباجر يجونا ونفهم السالفة عدل ونتأكد.

معقولة أهلي يجون هنا باجر؟ لا مو معقولة.

ضليت ليلي كله كاعدة ما نمت بس أتقلب. صار الصبح والظهر والعصر، اندك الباب. كلبي ظل يرجف ما أكدر أقاوِم. شبعت بجي وجميلة تبجي وياي.

جميلة: ربج ما قصر وياج، راح يطلع حقج. أني مت ومحد عرف أني مظلومة.

اجوا علي وعمي. ما أردت أطلع عليهم لمن تطلع برائتي ويعرفون حقيقتي.

سجاد: ساعدني هواي وما قصر وياي أبد. وكف وياي بكل لحظة بلحظة. مرات أنتبه عليه شكله متعوب وحزين، بس سبحان ربي الي خلق طوله وعيونه، أخجل حتى أباوع بيهن.

دخلوا وتناقشوا، وسجاد وأبو سعاد وأبو جاسم وياهم. أتفاهموا كلش وراح يروحون لأهل الولد ويأخذوني وياهم حتى أتعرف عليه.

مرت أسبوع واليوم يصادف أروح وي عمي أبو محمد وعلي وأبو جاسم وطلبت سجاد يروح وياي.

رحت لابدة وره أبو جاسم وسيارته وما قبلت أسلم على علي وعمي لمن يعرفون حقيقتي.

دخلنا للبيت فجأة عليهم. ويانا كم رجال معروفين وزلم كبارية. دخلنا عليهم. لقينا هواي كاعدين بالصالة ناس عشاير وأصحاب حلال. دخلت عليهم ضليت أتصفن بالوجوه.

اجه رجال جبير: عمي وين داخلين البيت بيه حرمة؟

أني: صحت هذا هذا عمي أبو جاسم هذااا! ضليت أصرخ كل قوتي. البيت كله فزع على صوتي.

اجه الولد الثاني الي شفته على الماسنجر، إي هو هذا سجاد هذا!

نزلت للكاع أبجي، أتذكر حياتي والي سوى بيه. ضليت أبجي بحركة ودمع.

ليش سويت بيه هيجي؟ شنو ذنبي أني؟ حرمتني طفولتي. شلون سمحتلك نفسك؟ أني من كد بناتك. رحت يمه تعرف أبوي مات بسببك لولا؟ تعرف أني رادوا يكتلوني لو ما عمي أبو جاسم؟ تعرف شصار بيه؟ لزمني العار. ليش دمرت حياتي؟ ما فكرت شلون تقابل ربك؟ شلون أنطاك كلبك دمرت حياتي ومستقبلي وأحلامي. أني انكسرت حتى أهلي ذبوني ومامروا عليه، ظلوا بس يدزولي فلوس. ما أردت فلوس منهم، ردت بس يصدقون بيه، ما سمعوني حتى، ما ثقوا بيه. أبوي راح بسببكم. أني مو مثل بنتك الي كتلتها أنت، أني شريفة. أنتم أخذتوني غدر، بتكم هي مو شريفة وراحت برجلها للزلم وللونسة.

رحت يم عمي: قبل تتمنى أتزوج ابنك وهسه ذبيتني.

علي: كنت حزام ظهري وهسه بعتني وأنطيتني لناس ما أعرفهم ودزيتلي كم فلس عبالك أفرح بيهن. ردت شوفتك بس، ردت حضن أمي بس...

التَمّوا الزلم على الولد وأخوه وخابروا الشرطة واجت أخذتهم واعترفوا أنهم ينتقمون من أبوي لأن ما أخذ فصل من أهل الولد. علمود فلوس دمروا حياتي وأخذوا شرفي.

رجعت وي أبو جاسم وسجاد راسي مرفوع. كلها تلكتني فرحانة: عالخير عالخير.

لاكتني الجدة بست أيدها وشبكتها حيل وباركتلي من كل كلبها. وكالت: الله يرضى عنج يا شريفة، ظلمتج سامحيني.

وظلت تبجي. أنتي ما قصرتي صدك بنت شيوخ ومرباية، ما سمعت أحجاية مو حلوة منج. وباستني من كصتي.

كلها ظلت تبوس بيه وفرحانين. حتى الجهال الي ما يعرفون السالفة يكولون مبروك يا كرفس.

سجاد: يباوعلي من بعيد ويبتسم. عيونه تكولي مبروك، عيونه تكول كلام هواي. ما أريد أرفع عيني منه بس الخجل وعيوني تفضحني يجبرني أدنك.

أبو جاسم: ريحانه علي يصيحج ويكول خلي تجهز نفسها.

أني: المن؟

أبو جاسم: بحزن ترحين وياه، هو طلب هالشئ مني.

أني: لا ما أريد أروح.

بعد ما دز أخوي علي عمو أبو جاسم علمود أجهز نفسي. على كد ما كنت فرحانة إنو طلعت برائتي وعرفوا حقيقة شرفي، كنت أبجي من الفرحة. من راد أخوي علي أروح وياه، على كد ما كانت فرحتي ما شايلتني بس كنت ضايجة لأن أهلي باعوني بيوم وطردوني من بيتهم. ليش ما ساعدوني وطلعوا برائتي؟ تعودت على بيتي الجديد، تعودت حتى على شغلي، تعودت حتى على كلشي بيهم صاروا جزء من حياتي.

وفعلًا رحت بدلت. طلعت لقيت أهل البيت كلهم منتظريني وضايجين كلش، والي يبجي والي يبجي من فرحته اليه.

رحت بوست راس جدتي وخليت بأيدها كل الفلوس الي عندي تقريبًا 3 ملايين ونص، وما قبلت تاخذهن بالبداية بس لحيت عليها وقبلت. جنطة ملابسي والعطورات ومستلزمات البنات كتلتهم وزعنها بينكم للبنات.

سجاد: متطرف هناك بوحده ويباوعلي بنظرة حزن وفرح اليه.

سجاد: خل أحجيلكم عن حياتي الجديدة وي ريحانه ووضعنا بالبيت وشلون تبدلت حياتي وياها. بعد وفاة علوش أخويه صار البيت حزن بحزن. البيت وحش عليه بعدما كان فرح وضحك وشقة. ريحانه كانت قمة فرحتي بالبيت. من أشوفها أشوف ملاك كدامي يمشي. كمت أتخيلها فرحتي بالبيت. كنت أشوفها بكلبي مو بعيني. كلشي عدها مو إلها وحتى روحها إذا نطلبها تنطيه. أي شئ يدزوه إلها تشتري بيه للبيت. بنزاكتها خلت لمسة بالبيت، ترتيب ونزاكة حتى عودت نسوانا على النزاكة. المطبخ من واحد يدخل إله ترد روحها. الصالة نازكة ومرتبة. الاستقبال حتى من أدخل إله أحس براحة وهدوء من كد النظافة. بفراكها راح أحس بضيق وتعب، تعودت عليها بالبيت. بس ليش هيجي تعودت عليها؟ بس الله يوفقها لأن طلعت نفس ما توقعت بريئة.

ريحانه: طلعت لأخويه علي وعمي لاكيتهم. أخوي علي لاكاني وهو يبجي وشبكني حيل. وشبكته بكل قوتي. ضليت أبجي بكل صوتي وأنحب. البيت كلهم ظلوا يبجون على موقفي. ظل علي يبوسني براسي ويشبكني. الحمدلله رجعت لأخوتي وحضنهم.

أني: أمي وحسن وين؟

علي: كدامك ينتظروج.

بوست عمي وهم باسني بكصتي. وودعت العائلة وطلعت. باوعت لسجاد ودعته وودعني وودعت الشخص الي كان مثل أبويه عمو أبو جاسم. طلعت من البيت بس أحس شئ بقى عدهم، ما أعرف شنو. يمكن تعودت على حياتهم وحبهم اليه. بس بقى شئ أريده...

صعدنا سيارة والجهال بالشارع ودعوني. طلعنا من الناصرية كلها ومن ريحة مدينتي بيه أب. طلعنا لبغداد ووره 3 ساعات وصلنا. ما أندل شئ بيها أبد. وصلنا للمحافظة وعبرناها. طلعنا للأطراف وصلنا للمزارع. دخلنا للمزرعة جبيرة كلش بيها بوابة جبيرة حيل. يمكن إذا أظل بيه 5 ساعات أمشي إله أوصل للبيت مالتنا. ووصلنا للبيت جان جبير كلش وضخم. المزارع داير ماداير عليه والعمال والزرع كلش بيه حلو.

وصلنا، أخوي علي كالي: هذا بيتنا ريحانه. وهذا الي بصفه بيت عمج أبو محمد. وهاي المزرعة إلنا الجديدة. وذاك البيت فارغ طبعًا ما نحتاجه.

وصلنا للبيت، وكفت السيارة ونزلنا. دخلت للبيت... كان البيت ضخم كلش. لاكتني ماما. أوووف يا أمي. متغيرة كلش. التعب ماكلها أكل. شصاير بحالها... عمت عيني يا أمي يا عزيزتي ويا روحي. رحت إلها ركض شبكتها بكل قوتي وأني أبجي والعبرة خنكتني. انفجرت بجي مال 5 أشهر كان بصدري. أمي هسه حضنها مال أحد يفرغ بيه الحزن. آه يا ماما مشتاقة لكلشي بيج، مشتاقة لعطرج. وينك يا بابا؟ مشتاقة لعطرك والطولك. ضليت أبجي.

أني: أخوي حسوني وين؟

أمي: يمه خجلان منج، محد كال إلنا وين مكانج ولا تعرف عنج شئ.

أني: أني بخير وراح أحجيلج شصار وياي. بس عائلتي زينة وما قصروا وياي والي تزوجته مريض وتوفى. وعلي ما قصر وياي كلش، شهر يدزلي مبلغ وأغراض.

أمي: معقولة؟

أني: إي يمه.

أمي: كلبه حنين على أبوه يمه.

أني: يمه أريد حسن فدوة.

أمي: كال ما أكدر أتواجه وياها لأن ما ساعدتها.

أني: لا يمه الحمدلله طلع حقي وبعد كم يوم المحكمة مالتهم وراح أروح وأطالب بحقي بأقسى عقوبة عليهم.

رحت لجدتي، حضنتها وشبكتها وكمنا نبجي اثنينه. كتلتها: عبالي بس أنتي عصبية وفلك، طلعن كل العجايز فلم مو بس أنتي. وظلوا الكل يضحكون.

اجوا عمي ونسوانه وسلمت عليهم وبناته، كنت مشتاقة إلهم كلهم. أني أنتظر حسن على نار. طلبت من علي يجيبلي حسن فورًا، وفعلًا وره ساعتين جابه اليه. أول ما شفته رحت إله ركض وحضنته كل قوتي. وضلينه اثنينه نبجي.

حسن: سامحيني يا خيتي ما ساعدتج، سامحيني ما كدرت أندل مكانج. وظل يحضن بيه كل قوته.

بقينا للصبح أني وحسن وأمي وعلي نحجي، مرة نضحك مرة نبجي على المواقف الي صارت وياي. صارت بـ 5 الصبح ردنا ننام ما كدرت أنام، محتاجة شئ ما أعرف شنو. ضليت بس أتقلب ما أكدر أنام.

ريحانه: حاولت أنام ما كدرت، ضليت بس أتقلب بالفراش ما جاني النوم. تعودت على ذاك فراشي وريحة التراب بليل. مفتقدة شئ مهم بس ما أعرف شنو هو.

سجاد: وره ما راحت ريحانه ضليت أفتر بالبيت. حسيت شئ فقدته جبير. ضليت الليل كله ما نايم بس أتقلب بفراشي. ردت أطمئن عليها بس شلون أوصل إلها. أكيد ريحانه هسه طيف وراح. مشتاق إلها كلش.

طلعت للحوش بليل اجتني جميلة.

جميلة: مو بس أنت مفتقد ذاك الشئ كل إحنا مفتقدينه.

سجاد: ما فهمت.

جميلة: لا فهمت خويه سجودي. وراحت.

سجاد: دنكت بس شنو قصد جميلة؟

معقولة مبين عليه بس أني نفسي ما أعرف شنو السالفة.

معقولة أني أحب ريحانة؟ لا مستحيل بس فاقدها.

حتى بالليل محد تعشى، قبل كانت لمساتها بالعشا وشقاها وي الجهال والبنات إله طعم خاص تجبر الشخص حتى يأكل.

حلوياتها اللي تسويها بالليل وطعمها.

ابتسامتها... مشيتها... كلشي بيها حلو.

مرات من تأكل أظل أصفن بيها لا إراديًا، أشوف بيها كلشي حلو.

ما بيها شي عادي... من تضحك أحس ترد الروح إلي.

حتى من أجي تعبان من الشغل أشوفها وتتلكاني بكلاص ماي وتبتسم ابتسامة عفوية بوجهي وخفيفة أنسى كل التعب والضيم مالت الشغل، أنسى كل ألمي.

شقد شايلة جمال وحسن لخاطر الله.

ظليت مكسور على الرغم صار إلها يوم من راحت.

كعدنا الصبح النسوان تشتغل، صاحتلي أم سعاد للريوك.

لا ما اشتهي أكل.

أم سعاد: طلع البيت كله ضايج اليوم؟

باوعت إلها ورحت عنها، عرفت شنو تقصد.

ريحانة: كعدت الصبح بوحدي ما سمعت صوت صياح الديك ولا دجاج ولا سمعت صوت الجهال يتعاركون ولا سمعت صوت خبز أم سعاد ولا سمعت صوت عياط جدتي على مسلم ابن خيرية اللي وكح كلش.

كعدت لقيت نفسي مثلجة من السبلت ومكان غير مكاني، لقيتها بـ 11 الصبح.

طلعت لقيت إخوتي وأمي.

صباح الخير.

هم: صباح الخيرات يا وردة.

بعد وكت راح نتغدى هسه.

أني: البارحة ما نمت مستغربة المكان.

علي: تعودتي على الطليان والهوش مو؟

أني: لا ما عندهم حيوانات بس دجاج وديج.

أهلي: ضحكوا عليه.

أني: علي أريد موبايل.

علي: موبايلج وين؟

أني: أنطيه هدية.

علي: لمن؟

أني: لسجاد؟ لأن ساعدني هواي وما قصر وياي.

علي: يستاهل، إن شاء الله الخميس اتفقنا أني وأمي نعزمهم كلهم.

أني: صدق... طرت من الفرح.

راح أشوف البنات.

أني: كلهم يجون؟

علي: أي طبعًا.

ظليت صافنة وأفكر منين لهم سيارة خطية وشلون يجون حتى كروة ما عنده أبو جاسم.

علي: ريحونة لا تصفنين... راح أدز لهم سيارة وعلى حسابي.

أي الحمد لله... رحت حبيت علي ورحت لغرفتي فرحانة كلش، بعد 3 أيام بس شيخلصهن إلي، شلون بيّ.

ومرّن 3 أيام بس مثل الحمل على قلبي، بالكوة عبرن، أحسب يوم يوم.

أني وأمي جهزنا الاستقبال والغرف الزايدة لأن علي كال راح أعطلهم كم يوم يمنا هنا يتونسون وأطلعهم.

ودز لهم علي سيارة كبيرة تجيبهم وجهز ذبايح لهم، وأني وأمي ونسوان عمي وبنات عمي سوينا أشهى الأكلات ومن غير الجاهز اللي جبناه.

أخيرًا صارت بـ 12 الظهر، وعلي خابرهم دخلوا بغداد.

آه يا قلبي أخيرًا!

رحت لبست فستان كلش حلو ورتبت نفسي، طبعًا ما أخلي مكياج نهائيًا أني.

تلقاهم علي وحسن وعمي بالباب ودخلوا كلهم، رحت طايرة من سمعت أمي وجدتي ونسوان عمي يرحبون بنسوانهم.

رحت ركض تلقيتهم وبوستهم كلهم.

أني: وين عمي أبو جاسم وأبو سعاد وين سجاد؟

خيرية: كلهم جايين لا تخافين.

سعاد ومنى: أي أجو كلهم.

وخطية اكو واحد كان ينتظر لحظة لحظة حتى نجي وفرحان كلش.

منو؟

لبست شالي ودخلت للاستقبال ورحت سلمت عليهم.

وتلقوني وباسوني... وصلت يم سجاد ما بوسته طبعًا، من بعيد سلمت عليه.

آه من شفته أحس الروح ردتلي، أحس مضيعة ولف ولقيته.

سجاد: آه يا يمه شفتها وقلبي وكف، يمه شطالعة فدوة لكلشي بيها، ما تحملت نظرت إلها نظرة شوق وفرح.

ريحانة: طلعت حتى أجهز الغدا.

جهزنا غدا كلش ضخم والجهال عبالهم أرجع وياهم.

وفرحانين بيّ وبالألعاب اللي بالحديقة.

والبنات يردن بس يصير العصر حتى يطلعن للحديقة لأن شمس الظهر.

بعد ما كملنا غدا وجدتي وأم شهاب صفن سوية ههههه.

والبقية نسوان سوّه.

وبنات عمي وي منى وسعاد سوّه.

أني أريد شخص أحكي وياه بس مو ذوله لا...

طلعت سعاد تغسل... واجتني.

سعاد: ريحانة.

أني: نعم.

سعاد: سجاد خطية صار إله ساعة ينتظر أحد يجيه ويحاجيه... كالي صيحيلي ريحانة.

قلبي وكف وظل يدق حيل حيل.

أني: شيريد؟

سعاد: روحي شو فيه.

لبست شالي ورحت يمه... شفته واقف يم الحديقة من بعيد.

طلعت إله بس أحس قلبي راح يطلع من مكانه من قد ما يضرب سريع.

شافني وظل يتقدم جوه الحديقة يريدني أروح وراه خاف أحد يشوفنا.

رحت يمه.

نعم سجاد وأني مدنقة.

سجاد: الج وحشة.

أني: مدنقة سكتة.

سجاد: ليش خجلانة مني... شنو أول مرة تشوفيني؟

أني: لا بس خاف أحد يشوفني.

رفعت راسي باوعت لعيونه... عيونه تجدح شوك ولهفة وحمر، باوعت إلهن وأحس ذبت، ما أقدر أحكي تخربطت، ظليت أحكي كلمة وأنسى ثلاثة.

باوعت لعينه فقدت ما ردت أشيل عيني منه.

سجاد: باوعت بعين ريحانة وهاي أول مرة أركز بيها هيجي، عافية عين عندها، عافية شفايف، عافية طول وجسم عبالك عصفورة جوايه.

تمنيت آخذها بحضني وما أهدها أبد أبد.

تمنيت آخذها إلي وأغطيها من الشمس ومن أهلها حتى.

سجاد: مرتاحة؟ شخبارك وي أهلج؟

أني: الحمد لله مرتاحة بس مفتقدتكم كلش.

سجاد: مشتاق للعب مالتج وي الجهال.

أني: هههههههه.

سجاد: اشتريتي جهاز؟

أني: أي.

سجاد: أوك دزيلي رقمج وي عبود بعد شوي حتى نبقى نتواصل ع الفايبر.

أني: أوك... واستأذنت منه ورحت.

سجاد: من دخلت لبيتهم حسيت شقد انظلمت ريحانة ويانا، بالنسبة إلها حياتنا كانت عقاب إلها.

شلون بعد ترجع لنا ريحانة وهيه رجعت للعز والدلال وهذا البيت اللي ما وصل 0% من بيتنا.

لازم أشيل هاي الفكرة من بالي أبد.

بقينا عندهم 3 أيام بس عشنا أحلى أيام وياهم، بالليل ياخذنا حسن ونطلع ما نرجع إلا بـ 4 الصبح.

العصرية نروح نتمشى بالحدائق والبساتين وطبعًا ريحانة ويانا... وأحاول أسرق نظرات منها بقد ما أقدر بس حزين أني وأيست بعد... لأن ريحانة مو مستوانا أبد.

بلحظة اللي كنا عندهم.

أجوهم شيوخ وأهل الولد اللي اغتصب ريحانة وطلبوا إيد ريحانة للزواج من الولد وشتريد ينفذون والمقابل يطلع ابنهم وتتنازل عن للدعوة.

وطلبوا الستر لريحانة ولابنهم.

وكالوا بعد ولدنا غلط ونريد نصلح غلطهم أحسن ما البنت تبقى طول عمرها بدون زواج.

أني ما تحملت: لا ألف واحد يتمناها وما راحت برجلها الكم، أنتم أخذتوها غدر.

أني دمي فار، تمنيت أخنقكم وأقتلهم كلكم، خفت أهل ريحانة يوافقون.

وطبعًا عمها كان مبين عليه الرضا هو وعلي.

ريحانة: عشت أحلى ثلاث أيام بحياتي وي عائلتي الأولى والثانية... سجاد يمي ويومية أشوفه ونتبادل بس نظرات أني وياه بس هو يحاول يسرق مني النظرات من أباوع إله يسوي نفسه ما منتبه إلي، ليش بس هو متغير عليّ حتى أبد ما يتقرب مني ولا يحاول يحكي وياي ليش؟

بعدين آخر يوم عندنا أجو أهل الولد اللي اغتصبني، أجو لنا يطلبون إيدي ويصلحون غلطهم مقابل تخلص السالفة بستر ولدهم وبدون مشاكل.

طبعًا ما أحجيلكم على حالتي بهذا اليوم، تمنيت أطلع عليهم وأرزلهم بس كان علي قدام عيني.

طبعًا علي كان يشوف هالشي صح وراد يضمن مستقبلي لأن كان يحسب بعد فضيحتي محد يتقدملي.

بس أني هسه ببغداد محد يعرف ظرفي أو اللي صار ويانا.

بعد ما طلعوا الزلم أجه علي وأنطى خبر لأمي وضلوا محتارين.

وطبعًا علي كان مقتنع بس كال شرط تصير يمنا ونعطيهم هذا البيت اللي يمنا الفارغ.

علي كان مقرر هذا الشي ويتمنى يصير من زمان.

معقولة راح ترجع مأساتي... ظليت أبكي ما عرفت شسوي.

بعد ما راحوا الزلم دخلت عليهم.

وكانوا كاعدين علي وحسن وعمي وسجاد وأبو جاسم وأبو سعاد... دخلت عليهم وأني حالتي بس أبكي.

أني: ليش علي هيجي تقرر عني أنت؟ كافي دمرت حياتي قبل وما صدقت بيّ وذبيتني قبل بس ربك وكفلي لأن مظلومة وشريفة وأنطاني لعائلة زينة.

شتريد هم بعد تدمرني يا علي مو؟

علي: ريحانة شبيج كافي.

عمي: ادخلي جوه بعدين نتفاهم.

حسن: ما تحمل البجي مالتي، خله طلع... أعرفه ما يقدر يتحمل هيجي مواقف.

أني: لا ما أدخل جوه إذا تردون تتخلصون مني بس...

باجر أرجع وي أبو جاسم حتى لو أبقى عندهم خادمة عادي ولا أعيش لحظة وي الشخص اللي دمر حياتي.

أبو جاسم: بويه بعدهم ما مقررين هم لا تبكين.

سجاد: ما يحكي شي بس مدنق.

سجاد: اجت ريحونة تبكي وعيونها حمر وتعاتب أخوها، تمنيت أفجر القاع من القهر، شفتها تبكي وتتألم بس ما أقدر أسوي شي... شبيدي عليها.

أني تعبان هلكان فلس ماكو بجيبي حتى لو أطلبها منو يقبل بيّ؟

بعد هذا العز اللي عندهم اللي شفته بعيني منو يقبل بيّ؟

ريحانة: شلون يردون يجمعوني وي شخص دمر حياتي؟ معقولة أهلي هيجي رخصوا بحياتي؟

كل ساعة يشمروني شمرة.

بعد الليل صاحوا لي علي وأمي بالغرفة وحدنا.

علي: ريحانة بس فهميني بدون صياح.

أني: شنو علي؟

علي: احنا نريد نضمن حياتج يا خيتي.

أني: بس أنتم دمرتوها من زوجتوني لمخبل.

علي: بس كنتي مرتاحة وياهم.

أني: ربك هو هداهم عليّ لو غيرهم جان حتى هسه متزوجة وعندي جهال من هذا المخبل.

لو غير أبو جاسم هسه أني بحال الضيم.

بس ربك فزعلي يا علي مو أنت... إنما أنت ذبيتني وشمرتني وما اجيت سألت عني... توديلي ملايين تتصور هاي تملي عيني؟ لا بس ردتكم أنتم حرمتني حتى من أمي.

علي: هيجي كنتي شايلة حقد عليّ وكلام قاسي.

أني: لا مو حقد هاي الحقيقة.

أنت وعمك دمرتوا حياتي. قبل عمي كان يتوسل علمود ياخذني لمحمد.

وين محمد اللي كان رايدني إله ويتلوق إلي هسه شفته؟ لا اجاني حتى بالجذب ما سلم عليّ.

علي كافي حرام عليك خلي الله بين عينك.

علي: هيجي كلامج إلي... يعني أني لو ما مخلي عيني بعين الله جان هسه ذبحتج على العار اللي صار بينا.

ما شفتي شنو شفنا ورا ما رحتي تمرمرنا، انفضحنا لمن شلنا وبعنا كلشي هناك، خلينا حلالنا وبيتزا وكاعنا...

خلص إذا تهمج سمعتنا وافقي على هذا الولد حسام واسترى على نفسج.

أني: الله كريم علي، الله كريم وطلعت منهم.

ريحانة: خلص بعد ما طلعت من علي ما أعرف شسوي، انسدت الدنيا بوجهي وين أروح؟ ما بيّ بجي بعد حتى عيوني نشفت، ليش هيجي أتعذب؟ شنو سويت من كارثة بحياتي حتى هيجي أتعاقب؟

رحت للحديقة مشيت ما أعرف رجلي وين تأخذني من القهر اللي بصدري، ظليت أمشي وأمشي آخر شي تعبت، كعدت بالقاع بين الحشيش والزرع.

شسوي وين أروح؟ ما أقدر أتزوجه، أريد أعذبه نفس ما عذبني، شلون أخليه يتهنى ويعيش وما يتعاقب وهو من يتزوجني مو ميت عليّ إنما يريد يخلص نفسه من السجن والمحكمة.

أني قلبي ظل يدق لشخص ما كنت متوقعته نهائيًا... من أشوفه أنسى كلشي يمي أو قريب عليّ...

من أشوفه قلبي ما أقدر أتحكم بيه أحس بيه راح يطلع من صدري من أشوفه ويروح عني أحس روحي تروح وياه... ما تبقى يمي، ليش هيجي يا ربي؟

ليش راح أنحرم منه؟ ليش أنحرم منه؟ ما أقدر على الرغم ما حاكي وياي ولا بينا شي لا اتصال لا وعد لا كلام... نظرات بالسرقة كنت أسرقها منه.

حتى هو باجر يروح منه هو وأهله وبعد وين أشوفه؟ بعد وين أشوف طوله وعيونه؟ وين أشوف قلبي اللي راح يروح وياه هو؟

آخ ما عندي فرحة بحياتي، ما عندي لا أمل ولا واهس ولا فرحة.

ظليت أفكر فكرة تأخذني وفكرة تجيبني، آخر شي قررت أموت وأرتاح من هاي الدنيا، تعبت، علي لو قاتلني بيده وأني مظلومة أفضل إلي لا أتعاقب ولا شي.

إنما هسه راح أنتحر بيدي، خلص أريد بابا.

آخ وينك يا نظر عيني يا أبويه يا روحي، أني محتاجتك تعال ساعدني، ساعد ريحانتك تعبت كلش.

هس توني ارتاحيت وفرحت، ليش يا ربي توه دك قلبي وضل ينبض بالحب؟ يابوووويه اريدك يمي هسه فدوووه تعال بس احضني فدووه لعينك، أريدك، محتاجتك.

ضليت أنحب وأبكي بكل عبره.

متت يا ربي ساعدني، ما أريد حياتي بعد، أخذني يمك يا ربي، أخذني يم أبويه خل أرتاح، تعبت من دنيتي.

ضليت أبكي بحرقة وألم، ما قدرت أسكت، ضليت أشهق بعبره.

أحس شخص وراي، منوووو؟

ضليت متجمدة، خفت يكون حيوان أو حرامي أو شخص هم يدمر حياتي نفس ما دمرها حسام وأخوه.

ما قدرت أتحرك، ضليت أبكي بزيادة ما أقدر أتحرك.

صحت وضميت راسي جوه إيدي ورجلي:

لا تتقرب مني أرجوك، ابعد عني. لا تلمسني أرجوك.

لا لا أرجوك لا تتقرب مني.

بس حسيت إنه هو شخص ولازم لايت بيده، ومصوب اللايت عليه.

منووو هذا اللي إجه يمي؟ وخر عني، لا تتقرب لي أرجوك.

ضليت أصرخ بس منو يسمعني بهالليل وأنا بعدت كلش عن البيوت.

سجاد: إحنه باجر نروح لأهلنا ويمكن هذا آخر لقاء بيني وبين ريحانة، بعد ما أشوفها لأن هاي الدعوة كانت لأن قدرنه بتهم وحافظنه عليها... بعد ما أشوفها.

طلعت بره أتمشى، اسودّت الدنيا بعيني.

وين أشوفها؟ خلص يمكن ضاع كل شي... راحت من إيدي.

وين أدورها وأشوف معانيها بعد؟ كانت قمر يمشي قبالي بعز النهار... أوف شكد شايل حب إلها بس الله يعلم بيه.

أتمنى أضمها بنص صدري، لا أخاف عليها حتى من نفسي.

وين لقيتج يا ريحانة؟ منين طلعتي إليه؟ ضليت أمشي وما أعرف وين رجلي تاخذني... أمشي وأتعثر بنص الليل، لا أنا اللي أندل دربي ولا أنا أدور على شيء... ولا أعرف نهايتي.

ليش هيجي يصير ويّايه؟ ريحانة أمشي وقلبي يدور على ريحانة.

ضليت أمشي ما أعرف وين خطواتي... أسمع عتاب وبكي، منووو هنا؟

ضليت أحكي منووو هنا منوووو؟

ما حد يجاوب.

تقربت، سمعت كل العتاب... وحدة يائسة من حياتها تريد الموت، وحدة مضيفة ولف وتريده.

بنت فاقدة أب وتريده لأن بعازته... بنت انظلمت مرة وراح تنظلم مرة ثانية... عرفتها منووو.

هاي ريحانتي، هي إيه هي تبكي وتصرخ بحركة.

ما قدرت أتقدم إلها، ضليت أسمع عتابها.

ردتها تبكي وتفرغ الحزن اللي بقلبها.

ردتها تشكي لربها حتى يساعدها.

لحظة، ريحانة تقول توه قلبي قام ينبض بالحب، شنو قصدها؟ منو اللي حبته؟ معقولة بهذا الأسبوع اللي إجت بيه لأهلها حبت شخص هنا؟

ريحانة حست بيه، ضلت تصرخ بعلو صوتها، تصورتني شخص غريب وأريد أغتصبها أو أخطفها.

روح وخر منا لا تتقرب مني لا أرجوك، ضلت تعيط وتصرخ بألم وقهر.

سجاد: ريحانة شبيج؟ هاي أنا.

ريحانة: سجاد؟ فزت من مكانها وإجت يمي وحضنتني بكل قوتها.

إجت إليه ركض، ريحانة حضنتني بكل قوتها من كد الخوف والألم اللي بيها... آخ يا حضنها يرد الروح.

يشبع العطشان، آخ قلبي طفر من مكانه يريد يروح لقلبها ويحضنها حيل بعد.

أريد أني أحضنها بكل قوتي وأعصرها على صدري أقوى منها... رفعت راسها بيدي وخليت إيدي على خدها الناعم.

سجاد: شبيج ريحانة؟ اهدي.

ريحانة: سجاد لا تروح، أخذوني وياكم.

سجاد: شجابج هنا؟

ريحانة: مثل ما إجيت أنت. نفس ما جابتك رجلك أنا هم جابتني رجلي.

سجاد: ليش هيجي حالتج؟

ريحانة: علي قرر زواجي من حسام.

سجاد ما أريد أتزوج فدوووه، ما أريد أنظلم بعد.

سجاد: كانت ظلمة، ما أشوف شيء من ريحانة بس صوتها وعطرها اللي أخذ روحي، ودلي ينعاد نفس الشيء وتحضني بعد.

سجاد: شنو بيدي عليك؟ أكيد ما يقبلون أهلك.

ريحانة: خل إنهزم منا. أخذني وياك سجاد... ما أريد أهلي، تعبوني هواااي.

سجاد: ريحانة... منو هذا اللي قلبك يدق إله؟ خل يتقدملك وأكيد أخوك علي يفرح.

ريحانة: شلون سمعتني؟

سجاد: صدفة وأنا أعتذر.

ريحانة: لا، شخص حبيته بوقت غلط وظروف غلط.

سجاد: طلعت ريحانة مرتبطة، آه خلص بعد راحت كل أحلامي.

ريحانة: سجاد يمكن ما حاس بحبي ولا يحبني، أكيد مرتبط بس ما حد يعرف بيه.

من إجاني وحضنته حسيت كل همومي طارت وي حضنه، أحس حزني وألمي كلهم طاروا.

أتمنى أحضنه دووم هيجي... حضنه طلع عافيتي، وصلت لحد صدره ما ألوح راسه، هو رفع راسي وحاجاني.

ما قبل أحضنه بعد، يمكن خجلان أو ما يريد شيء مني.

أو حبه لحبيبته وفي لدرجة ما تقبل حضني.

رجعنا أنا وسجاد نتمشى، ماكو فايدة أعترف إله بعد، هو واضح إنه هو مرتبط، ليش أفشل نفسي وياه.

سجاد: رجعنا نتمشى، ما قدرت أحكي لها اللي بقلبي بعد، البنية مرتبطة شنو يفيد حبي إلها.

ريحانة: ضلينا نمشي ونتعثر أو الصخور، وألزم إيد سجاد من أتعثر، إيده أمان بالنسبة إلي، تمنيت هاي اللحظة ما تنتهي للأبد.

سجاد: بعد أكيد ما نشاوف.

ريحانة: إي.

سجاد: راح أشتاق لك.

ريحانة: أنا أكثر راح أشتاق لكم كلكم.

سجاد: راسليني مو تقطعين.

ريحانة: إي أكيد.

سجاد: ممكن سؤال بس خاص؟

ريحانة: تفضل.

سجاد: اللي تحبينه يستاهلك؟

ريحانة: وقفت... لا ما يستاهلني، هو أحسن مني.

سجاد: ليش؟

ريحانة: أنا وحدة كل شيء صار وياي وعلي عار، وهو ما يفكر بيه لأن أنا مو... وثانياً هو مرتبط.

سجاد: ليش تحبينه إذا مرتبط؟

ريحانة: قلبي مو بيدي يا سجاد. بس هو يستاهل أفضل مني، بنت ناس ومعروفة.

سجاد: خليت إيدي على حلقها... اشششش. لا تحجين هيجي، أنت أشرف من بنت البيوت، أنت ما كنتي ببالك، هالشي صار غصب عنك، أنت طاهرة وبنت شيوخ.

ريحانة: دنقت وطاحت دمعتي بسكوت.

سجاد: وقعت دمعة ريحانة على خدها الناعم وضلت دمعتها تضوي وي القمر. ما قامت نفسي، تقربت منها، طبعت على خدها الناعم اللي يلمع وي القمر، طبعت إلها بوسة خفيفة فوق دمعتها.

ريحانة: سجاد تقرب مني، نفسه صار وي نفسي، طبع إلي بوسة بخدي، بوسة خفيفة وشفته على خدي. نستني العالم، ضليت مثل مصدومة بسبب هاي القبلة.

ضل قلبي يدق بلهفة، أحبك يا سجاد لو تعرف حبك بالنسبة لي. أتمنى تبادلني نفس الشعور، لكنت أسعد وحدة بالعالم. سجاد حب حياتي اللي أول حب جربته بحياتي. سجاد مجرد قبلة ترك أثر بقلبي جبير، ما قدرت أقاومه، استسلمت إله... حبه أكبر من القبلة هاي. أتمنى أبقى طول عمري جوه حضنه. تمنيت هاللحظة ما تروح، أبقى يمه طول عمري ولازمة إيده، صحيت على نفسي لما تراجع سجاد.

سجاد: أنا آسف ريحانة، مو قصدي. بس ما قدرت أخلي دمعة تطيح منك بعد. ما قاومت أشوفها، مسحتها بشفتي، أريد كل دموعك وتعبك يجن إلي.

ريحانة: سجاد لا تقطع وياي... ولا تنساني، وإن شاء الله تتهنى باللي تحبه وتصير من نصيبك. ودعته ومشيت عنه... وقلبي مكسور على فراقه. رجلي تاخذني لقدام بس قلبي يرجع بيه لوره.

سجاد: ضليت ما مستوعب، ما انتبهت لكلام ريحانة، بس انتبهت لعيونها وشفها وطولها، أتمنى أحضنها، أريد أشم عطرها، أريدها، أريدها. لحظة شنو قالت ريحانة؟ شنو البنت اللي أحبها شنو تصير نصيبي؟ ردت ألحق عليها ما قدرت. راحت وما فهمت كلامها... لحظة يمكن تتصور أنا مرتبط؟ أكيد لا، أنا ما مرتبط، لا ريحانة وقفي خل أفهم قصدك.

صار الفجر، جهزنا أغراضنا. والنسوان طلعت كلهم. إجت السيارة توادعنا العائلتين. ضليت أباوع وين ريحانة؟ معقولة نايمة؟

ريحانة: بعد ما ودعت الكل جوه وودعت الجدة والنسوان والجهال... وطبعاً كانوا محملين أغراض وهدايا، ما قدرت أطلع، قلبي ما يطيقني أشوف سجاد، ما أقدر أودعه. قاومت قد ما قدرت، ما قدرت، ما قدرت، نزلت ركض طلعت لبره، شفته واقف ومضيع شيء وينتظره. ضليت أباوع عليه وقلبي ممرود، أوف يا سجاد ما قدرت ما أشوفك. حتى من حاجيته وكت له أنت مرتبط وتصير من نصيبك، ضل ساكت لأن يعرف بيه أعرف بموضوعه. كله صعدت بالسيارة والجهال ونأشر الهم بالسيارة. الزلم بعدهم ما صاعدين... ضلت عيني على سجاد وشوفته.

سجاد: وأخيراً طلعت ريحانة، كنت منتظر تطلع وأخيراً إي إجت. ما قدرت أروح أحاجيها من أهلها، أريد أحاجيها أنا ما مرتبط. ضلوا الزلم يحجون.

علي: إحنه بعد نتخابر ونتفق.

أبو جاسم: والله ما قصرت يا كريم، ما أعرف شلون أشكرك.

علي: هذا قليل بحقكم... وأحسن ما نجيب واحد غريب، أنتم أولى. وأصحاب أمانة.

طبعاً الكل محد يعرف شنو الموضوع بس همه. كلنا توادعنا وصعدنا سيارة... وضلت عيني على ريحانة. وأنا هم ضلت عيني على سجاد وراحوا وراح قلبي وياهم.

بعد ما راحوا روحي راحت وياهم... وقلبي راح وراء سيارتهم. عشت أحلى ثلاثة أيام بوجودهم. كانوا عائلتي الثانية... أحس براحة من أشوف بتواجدهم وياي. يومية نطلع العصر للمزرعة، أشوفه قدامي... شحلات ذيج أيامي اللي راحت... شحلات نظرته إلي وشوفته وطوله. رجعت لغرفتي مسودة الدنيا بوجهي... شأسوي بعد؟ راحت فرحتي وراح أملي، راحوا عائلتي الثانية، بعد يمكن صعب نتواجه. سجاد مرتبط وأكيد يحبها لحبيبته، مبين من نظرته إلي من جبت طاريها. كانت عينه تلمع بعيني من جبت طاريها. آخ يا حبي إله. منو يساعدني بعد؟ منو؟ ما حد إلي أصارحه بحبي لسجاد. طلعت من غرفتي. رحت أمشي خطواتي بالكوّه تمشي، ما أعرف وين تاخذني، أريد أمشي لطريق ما أعرف وينه... ما بيه نهاية. أريد أروح لغير هذا العالم... ما لي بيه أحد. رحت للحديقة، موبايلي بيدي، دقيت على حسن.

حسن: ألوو.

أنا: أنا بالحديقة اطلع لي.

حسن: شكو شبيج ولج؟

أنا: مختنقة وأريدك.

حسن: جاي.

إجه حسن يركض هو بس لابس شورت: شكو ولج احجي؟ منو وياج؟ قاعدة من الصبح شعندج؟

أنا: أصلاً ما نمت.

حسن: شبيج ريحونة احجي.

أنا: حسن مختنقة.

حسن: أعرف شبيج يا خيتي.

أنا: شبيه ما فهمت.

حسن: أنا مو غبي، فهمت عيونج. بس ما أعرف شكولج... تعرفين صعبة على الأخو يشوف أخته تحب وقدام عينه، بس أنت انظلمت هواي وإحنه مقصرين وياج... بس هالمرة ما أخليهم يزوجوج، والله أقتله بيدي لحسام وأدخل مؤبد للسجن ولا أقبل، بس أنا ردت بيت أبو جاسم يروحون وبعدين أتصرف. لا تضوحين كرفسة.

أنا: (ضحكة خفيفة) شكد أحب هالكلمة.

حسن: ليش؟

أنا: كان بسوم يسميني هيجي الله يرحمه.

حسن: دخلي هسه والله كريم... وعندي لك بشارة.

أنا: شنو الله عليك؟

حسن: خل أتأكد من علي وأقولك روحي نامي هسه. هسه بـ 5 الفجر.

ريحانة: رحت دخلت لغرفتي وألف فكرة تجي ببالي، شنو المفاجأة؟ وصحيح سمعت أبو جاسم يتشكر من علي علمود ساعده بس بشنووو؟ ضليت أفكر بحسام مرة، علي مرة، سجاد مرة، حسن. أوف منين أجيبها منين أوديها؟ آخر شيء غفيت على خيال سجاد وجماله وطوله... على نظرته وعيونه. لزمت خدي وتذكرت قبلته... هنا الله ما أنسى هاللحظة بحياتي. غفيت وأنا لازمة خدي وأضحك وحدي على طيفه وضحكته، آه أحبه... شكد أموت على طيفه وضحكته. قعدت الصبح لقيته بـ 10، نزلت ركض ركض.

أنا: يمه وين حسن؟

أمي: صباح النور.

أنا: هههه سوري... وين حسن؟

أمي: راح يباشر بعد بالجامعة.

وراح يقدم اسمه وياه.

أنا: صدق يمه؟

أمي: إي يمه صدقي.

أنا: معقولة يمه، وأخيرًا راح أداوم كلية.

أمي: يله تعالي جهزي وياي الغدا.

أنا: تدللين أحلى أم بالدنيا.

بس حرامات هي هاي طلعت البشارة، أمداااااني.

حضرت الغدا وي أمي وصارت بالواحدة، ننتظر يجيون.

مالي واهس بعد عرفت شنو البشارة، هي دوامي بالكلية وتقديمي.

اجوا إخوتي، تجمعنا عالغدا.

علي: حسن بعد إجه دوامك ولازم نلقى أحد مكانك يلزم المزارع ويشرف عليها.

حسن: إي سمعتك البارحة، وخوش اقتراح.

ريحانة: حسن باوعلي وغمزلي. (تتساءل): شبيك؟

حسن: اسمعي.

علي: إي ريحانة تدرين بالموضوع.

أنا: لا شنوو؟ (بدهشة).

علي: حسون راح يداوم بعد.

أنا: إي.

علي: ونريد شخص يلزم المزارع.

أنا: (بدهشة) إي وشنو؟

علي: طلبنا من أبو جاسم يجي هو وأبو سعاد يلزمون المزرعة، ويديرونها هما، ولهم راتب طبعًا.

أنا: صدق؟ (بدهشة).

علي: إي شبيج.

ريحانة: قلبي طار من مكانه بهذا الخبر بس ما سمعت جابوا طاري سجاد.

أنا: علي وشلون يجيون هنا؟

علي: قررنا نعطيهم البيت الفارغ، وهم يقسمونه بينهم بكيفهم، بعد يردون يأجرون بعيد بكيفهم بعد.

أنا: صدق تحكي علي، الله عليك.

أمي: ثكلي ولج.

أنا: شبيج يمه، ذوله أهلي ترى.

حسن: بعد شتردين عيني، أهلج اجوا يمك.

أنا: طيب وسجاد ما يجي لو شنو؟

علي: سجاد جا مو منو العائلة شنو، أكيد وياهم.

وراح أخليه على الحسابات.

معقولة؟ (بدهشة).

ما مصدقة اللي يصير، يعني حلمي تحقق بس شنو فايدة راح يجي هنا وقلبي ينجرح بزيادة وراح أشوفه حتى من يتزوج حبيبته ويجيبها يمي.

مر أسبوع وأنا أنتظر لحظة لحظة شوكت يجيون. حسب ما سمعت راح يرتبون أمورهم هناك ويجيون وينتقلون لهنا، مر أسبوعين وكلشي ماكو.

وقرب موعد محكمة حسام الولد اللي اغتصبني وطلبوا أجي ضروري.

طبعًا جهزت نفسي ورحت للمحكمة وياي علي وحسن.

طلبوني للقاضي ودخلت عليهم ويم القاضي والشهود.

لقيته وانكسر قلبي، تذكرت هو سبب مأساتي وحزني.

طلب مني القاضي أحكي.

تشجعت وحكيت كلشي بقلبي وأنا أأشر عليه وأبكي.

حضرة القاضي هذا الولد اللي قدامك دمر حياتي وكسر شبابي، بسببه كنت راح أموت وأندفن جوه التراب بس لو ما ربي جان هسه أنا ميتة. راح أقول لك بابا واعتبرني بنتك، أنا بابا مات بسببه بسبب اغتصابه لي. أنا تزوجت واحد مجنون حتى يغطون على عاري، تقبل بنتك هجي يصير بيها، شراح تسوي؟ بي أنا شنو تشوفني قدامك، هذا أريدك تعذبه مثل ما عذبني أرجوك ساعدني.

هو طلب مني الزواج مقابل أتنازل عنه، وخايفة أهلي يجبروني عليه. أرجوك سيدي عذبه واعتبرني بنتك، هذا الولد اغتصبني وما رحم بي وذباني بنص الشارع وخلى ناس تتفرج علي.

راح أطلع بس سلمت قضيتي بيد الله وبيدك وأنت بعد وأمانتك وأمانة الله والرسول، كنت أحكي والدموع تصب، كنت أتذكر كل حالة سيئة عشتها وياه.

القاضي: دنق راسه وتأثر بكلامي كلش ورفع الجلسة وأجل الحكم بعد أسبوع.

رجعت لبيتنا كنت فرحانة كلش لأن حكيت كلشي للقاضي وأباوع من السيارة لقيت هووسة وسيارات حمل يم بيتنا، شنووو شكو؟

علي: إي الحمد لله وصلوا.

حسن: إي.

أنا: منو؟

علي: أبو جاسم وعائلته.

نزلنا من السيارة رحت ركض لجوه لقيت البنات كلهم سلمت عليهم، والنسوان وين الزلم؟

سعاد: يحملون الأغراض بالبيت.

ولج ما تجين تسلمين... منو؟

هههههه أم شهاب، هلا. رحت لها بوستها، ودخلت يم جدتي بعد طنجرة ولقيت غطاها هنه.

رحت للبيت أبد ما شايفته، جبير وبيه غرف هواي يتلائم الهم طبعًا. هو كان قبل منزل للعمال اللي يشتغلون بالمزارع، كل اثنين بغرفة.

بس هسه رتبه حسن الهم وصار بيت كامل ومتلائم وي عائلتهم كلش.

لحظة وين سجاد؟

ظليت أباوع ماكو، صار الظهر وصبوا الغدا وماكو سجاد، يمكن ما جاي بس منو اللي أسأله؟

سعاد: ها وعينها على الباب؟

أنا: باوعيلي ولج، وين سجاد؟

سعاد: مدري.

أشووو عبر علي من يمّنا واثنينهم يوزعون ابتسامات. تعالي ولج شكو؟

سعاد: ماكو شي شبيج؟

أنا: علينا مو هههه.

سعاد: مثلج أنتِ وسجاد.

أنا: شنو أنا وسجاد؟

سعاد: معجبين ببعض بس أحنا مطورين.

أنا: هههه. شلون مطورين؟

سعاد: اتصال وحب بينا.

أنا: عززززه ومحد يقلي، هههه أنا الكم.

سعاد: سجاد نزل يشوف جماعته ويجي.

إي الحمد لله.

أووف سعاد وعلي ارتبطوا وأنا بعدني يربي.

صار لي سنة بس نظرات والنوب طلع مرتبط، هههه أمده حظ.

صار الليل، شوكت يجي سجاد وأشوفه؟

تعشينا وكملنا وهو هم ماكو ياربي.

صارت بالـ 12 هم ماكو. قعدت بالحديقة أنتظر ورحت يم بيت أبو جاسم ردت أساعدهم بالأغراض ما قبلوا.

ظلوا يرتبون بالبيت والجهال فرحانة بالبيت والحديقة، طلعت منهم رحت قعدت بالحديقة أنتظر سجاد.

منو هنا ورا الحديقة؟ هههه سعاد وعلي خاتلين هناك ويتبادلون الحب والغزل.

أووف هسه أنا هذا حظي قعدت مقابلهم.

رحت غيرت مكاني شفت سجاد إجه من بعيد.

رحت يمه أتقرب، إي هو سجاد يا ربي وأخيرًا شفتك.

ظل يمشي سجاد، أشووو جاي يخابر ويضحك.

هاي شنو، يمشي على البطيء ويخابر ويضحك ومرتاح.

لو صدق يحبني جان إجه ركض لي ولا طلع ولا هجي ردة فعله. أووف هذا تعبي راح ببلاش وحبي إلها هجي طلع.

شفت شلون يمشي ولا همّ بي.

رجعت رحت ركض لغرفتي ما ردت أسمعه من يخابر. أكيد يخابر حبيبته، وأكيد إذا أتقرب منه يقول لي كلميها أو سلمي عليها.

رجعت لغرفتي صدق يئست من كلشي بعد.

شفته بعيني بعد، ما يفيد حب وتعب لو هجي تسوي ياريت ما جاي يمي وباقي بعيد أحسن لي ولك.

بعد ما صار الليل كنت أنتظر سجاد بلهفة وشوق.

إجه سجاد يخابر وفرحان ما منتبه لي حتى. تقرب مني كلش وهو يتصل ويسولف وفرحان، أكيد يخابر حبيبته.

أوووف يا قلبي ياريت ما جيت يمي يا سجاد. أكيد راح تتزوجها وتقعد يمي، وتجرحني وتكسر قلبي فوق ما هو مكسور يا سجاد.

تقرب مني.

سجاد: (للموبايل) لحظة لحظة.

شلونج ريحانة، شخبارج؟

أنا: الحمد لله زينة أنت شلونك؟

سجاد: اتصلت هواي عليج ماكو.

أنا: إي مالي خلق وقافلة خطي.

سجاد: من رخصتج عندي اتصال مهم.

راح سجاد وهو يسولف ورجع يضحك.

رجعت للحديقة أبكي، على حظي وقسمتي. هذا الشي مو من صالحي. جيت سجاد يمي راح تكسرني أكثر وأكثر. خلص بعد قررت ما أطلع للبَرّه، ولا أتواجه وياه نهائيًا. راح أحاول أنساه نهائيًا من يطلع سجاد للشغل مالتّه أروح يم البنات وأشوفهم.

مرت أسبوع وأنا أحاول أنسى سجاد بقد ما أقدر، أبد لا أطلع بره ولا أتواجه وياه والبنات والنسوان هن يجن يمنا أغلب الأوقات.

بيت أبو جاسم كملوا بيتهم واستقروا بيه وباشروا بالشغل وعلاقتنا بيهم قوية.

علاقة منى وعلي تطورت وعلي فاتح أمي بموضوعها وأبد ما عارضت.

بس عمي أبو محمد عارض الموضوع لأن يريدهم لبناته.

بس بعدين الحمد لله، قنعوا وعلي فهم عمي إنّو بناته ما له رغبة فيهن أبد.

راحوا أهلي طلبوا سعاد منى لأخوي علي، وتمت الخطوبة وطبعًا بيت أبو جاسم فرحانين كلش على خطوبة علي لبنتهم.

واتفقوا الزواج بعد كم شهر.

إجه موعد دوامي وطلعت جامعة المستنصرية.

طبعًا بعيدة علينا هي، وحسن هم يا هي قسم أخير.

بعد يومين لدوامي وكنت فرحانة كلش، بنفس الوقت قلبي مكسور.

وطلعنا أنا وعلي وسعاد، لأسواق بغداد وللمنصور، دخلنا كل الأسواق وعلي أخذنا كل الأماكن الحلوة والمتنزه وتعشينا مطعم، وتسوقنا كل اللي نريده. وسعاد اشترت بدلة للعقد، وأنا اشتريت بدلة وردي وسخ قصيرة من جوه كلوشة.

وسعاد اشترت الذهب مالت العرس.

وسوينا حفلة صغيرة مالت عقد بين العائلتين وكنت أتهرب من سجاد قد ما أقدر.

صار شهر أبد ما متواجهة وياه.

صارت الحفلة واجن نسوان عمي وبنات عمي وأحنا العائلتين بس وعائلة أبو جاسم.

وكل أحنا بدلنا.

لبست بدلتي ومكياج خفيف وفتحت شعري أسود طويل ورسمت عيني كحل، صدق طلعت أختلف عن كل مرة. انتبهت لروحي بالمراية. ما يفيد هذا جمالي بشي، أنا موو. أنا مكسورة حتى محد يدق بابي. أنا لا أنحب ولا راح أحب. حقه سجاد ما يحبني وأنا يعرف قصتي. يعرف أنا مغتصبة؟ ضحكت على نفسي وأحلامي. أنا هم مالي حق أحلم حتى. أنا مو نفس باقي البنات.

نزلت من الدرج والألف فكرة ببالي. مكسورة.

مو ببالي أي شي حتى ما أنتبه على شي، نزلت عالدرج أركض راح يقطعون الكيك وأنا بعدني.

أووف تأخرت رحت أركض.

ما منتبهة على الدرج، اندعمت بشخص، اه اندعمت بسجاد.

آخ وجعتني.

راسي ضرب بصدره رفعت راسي.

سجاد: (متفاجئًا) اسم الله. (وعيني بعينها).

سجاد: بعد ما اجينا للمزرعة هنا واستقرينا هنا الحمد لله اشتغلنا هنا. وأمورنا تعدلت، سعاد انخطبت لعلي كان خبر لنا وفرحة لنا، لأن ما نلقى نفس أخلاقه وابن شيوخ ومتربي وراح تعيش أختي أميرة بهالقصر.

صار شهر هنا ما مرة صادفت ريحانة، قلبي مكسور عليها ليش هجي تسوي بيها. معقولة هذا من حبها للولد اللي تحبه؟

أنا من رجعت أول ما دخلنا للبيت نزلت يم صديقي لأن تزوج ورحت للعرس مالته.

من رجعت لقيت ريحانة تنتظر بره كنت أحكي وي صديقي ونضحك على العريس، لأن مرتبك وخايف وزوجته أطول منه هههه.

شفت ريحانة قبالي بس ما ردت أبين لها أنا أحبها وهي تحب غيري.

سلمت عليها ودخلت لجوه. كنت مشتاق لها كلش تمنيت ألاقيها وأحضنها كل قوتي. أتمنى أشمها، أتمنى وأتمنى.

ريحانة حلم قلبي، حلم عمري، بس البنت مو لي.

صار شهر ما شفتها أبد كنت أدور عليها بكل الوجوه. بس ألقاها بقلبي بروحي حتى لو ما هي قدام عيني.

بس أنا مو مناسب لها. أكيد حبت من مستواها وأنا مجرد عامل عندهم، وأشتغل بحلالهم.

صارت خطوبة علي وسعاد.

رحت أجيب أوراق من غرفة علي. رحت مستعجل أعرف محد بالبيت، كلهن هناك ببيتنا. دخلت عادي وماخذ راحتي. دخلت مستعجل علي قال: "اخذ راحتك البيت فارغ."

دخلت مستعجل الولد ينتظرني.

اندعمت بشخص لقيتها ريحانة، صار راسها على صدري. صارت بحضني، آآآوف ما مصدق.

شنو هاي! رفعت راسها صارت قريبة.

عيني بعينها، قريبة علي، نفسها يمي.

عينها تجنن وراسمتها، شفتها من هنا ناقصة ومن هنا مخلية لون لها. يا ربي وين أنا، بحلم لو علم؟

رجعت لوره، شفت طولها وجمالها. ولج شنو هاي شطالعة، تريدين تموتيني فوق ما أنا ميت هسه.

كلشي بيها حلو، شطالعة مو طبيعية.

سجاد: شنو طالعة اليوم؟

ريحانة: تأخرت.

سجاد: لحظة.

ريحانة: شنو؟

سجاد: ليش تتهربين مني؟ أنا ضايقتج بشي قولي لي.

ريحانة: لا خويه.

سجاد: (مستغربًا) خويه؟

أنا: شبيك استغربت؟

خل أروح وإن شاء الله يوم إلك خويه.

سجاد: هههههه يوم إلي وي منو؟

أنا: 😒😒😒 وي حبيبتك لعد منو؟

سجاد: ههه وين هي حبيبتي وهي تحب واحد ثاني.

أنا: تحب واحد ثاني؟!

سجاد: إي تحب ثاني.

ريحانة: لعد ليش تخابرها إذا تحب واحد ثاني؟

سجاد: ما خابرته أني، وبعدين أنتي ثاني مرة تكوليلي أنت تحب وحدة... منو كالج أنتي؟

ريحانة: محد كالي بس أنت مبين تحب وحدة ومتعلق بيها وعينك تلمع من أجيب اسمها.

سجاد: ما تلمع عيني إلا من أشوف حبيبتي صحيح.

ريحانة: إي يعني عندك حبيبة.

سجاد: عندي حبيبة بس هي تحب واحد ثاني وما تحبني ومتعلقة بيه حتى عافتني، بقت شهر ما تقبل تشوفني وتتهرب مني بسبب حبيبها هذا.

أجيت من الناصرية لبغداد على مودها، على مود أشتغل عند أهلها، أحبها، تعرفين شنو يعني أحبها!

لزمتها من خصرها وخليتها على الحايط.

ولج ريحانة من أنتي على ذمة أخوي أني أحبج. ولج أنتي ما تحسين أني مجنون بيج؟ أحبج صار لي كومة ليش ما حسيتي بيه؟ كله حست بس أنتي لا، ليش ما عندج قلب يحس؟ بس رجعتي هنا وللعز نسيتي حبي إلج قبل ولهفتي ونظراتج إلي قبل وين راحن؟ على مود العز اللي رجعتي إله قبل عفتيني مو؟

ريحانة: أنت تحبني أني؟

سجاد: إي أحبج أنتي أكيد.

ريحانة: يعني قبل كنت تقصد عليه؟

سجاد: إي بس أنتي ثولة.

ريحانة: ما صدق سجاد.

سجاد: ليش؟

ريحانة: صار لي أحبك كومة وأنت ما حسيت بيه، شلون تريد أني أحس بيك؟

سجاد: معقولة يا قلبي لو أني بحلم؟

ريحانة: لا بحقيقة بس أخاف يطلع حلم هذا.

سجاد: لا مو حلم وهسه راح أثبت لج هالشي.

ريحانة: شلون؟

ريحانة: بعد ما اعترفنا لبعض أني وسجاد على حبنا حسيت نفسي بحلم وما أقدر أصحى منه، أريد أبقى يم سجاد طول عمري. بقينا نتعاتب أكثر وأكثر. أعتقد هذا حلم وسجاد راد يثبت لي.

سجاد: لا تخافين راح أثبت لج هذا مو حلم.

تقربت من نور كل القرب حسيت بنفسها يصعد أقوى وأقوى يا محلاتها حبيبتي، أخ شوفتها ترد روحي. خليت خشمي على رقبتها ضليت أشم بيها بكل قوتي، ريحانة ذابت بين أيدي.

تقربت منها وخليت شفتي على شفتها وضليت آخذ العسل منها. آه وين كنت عنه؟ ما كنت أصدق أني بحلم لو بعلم.

ضليت آكل بشفتها وما أحس بنفسي أبدًا. ما أقدر أوخر عنها، ريحانة خلت إيدها على رقبتي وضلت تتجاوب وياي.

يوم ما ينّوصف. أحبها، أشمها، أحضنها، ما أشبع منها.

سجاد: آكل بيها ولج أنتي شطالعة تسودنين.

ريحانة: ولك شسويت بيه أني ذبت. سجاد أني ما مصدقة راح أموت، أني أسعد وحدة هسه يله خل أروق هسه راح تبدي الحفلة.

سجاد: إي وين تروحين وشعرج صار كفشة ههههه.

ريحانة: راح أروح أضبط نفسي وأروح.

سجاد: بس بوسة وحدة ولج.

ريحانة: كافي خل أروح.

سجاد: ما مصدق والله أحبج. ودعتها بقبلة على خدها وراحت.

ريحانة: أني ضبطت نفسي من جديد. لقيت الناس محتفلة ومخلصة ههههه وملبسين حلقات.

أمي: أمي وين كنتي ولج؟

أنا: رحت نزلت ووقعت من الدرج.

جدتي: صار بيج شيء؟

أنا: لا ماما.

الجدة أم شهاب: ولج شطالعة تخبلين يا رب تطلعين من نصيبه.

أنا: منو؟

الجدة: تعرفين يمه.

أنا خجلت وعرفت قصدها.

منى: قصدها سجاد يا فقيرة ما تعرفين.

أنا: ولج انجبي.

خيرية وجميلة وأم سعاد وأختهم خولة: آمين يا رب.

وهنه يضحكن.

طبعًا نسوان عمي يباوّعن ويتشاوّرن يمه خير شعدهن ذني لمن يسوّلفن هيجي ويتصالحن ويتشاوّرن سوية؟ يعني الموضوع خطر كلش وأكو مصيبة.

لزمت قلبي بيدي بس لا شافوني وي سجاد؟

بعد ما شفت نسوان عمي يتشاوّرن خمشني قلبي. أكيد وراهن مصيبة، هنه شرايج بعد ودوم يتعاركن بس بالمشاكل مالت غيرهن يتصادقن، شكو شبيهن؟

بس لا شافني، شلون بيه راح أطيح بمصيبة وسجاد يروح بيها أكيد.

شسوي يا ربي لو اضطر الأمر أروح أتوسّل بيهن حتى ما ينطن خبر لأحد. وتضيع حياتي هالمرة أتزوج منو؟

سويت نفسي أسولف وي البنات بس بالي يمهن. رحت افتريت قعدت قريب عليهن. أسمع كلمة و10 لا.

إي صايرة حلوة.

مو أمس قلت لج.

إي صحيح بس اليوم أحلى.

يا خية بس بنت أخوي أحلى.

خية هو ذوقه صعب يشلع القلب.

إي ولج هي هاي بس أنتي تشلعين القلب.

بس تعتقدين محمد يوافق؟

هو مو يقول بنت حلوة؟

إي هاي هي هاي حلوة، شفتي النزاكة والترتيب اليوم.

إي صح حلوة وصغيرة خوش بنية.

ريحانة: قلبي يمه قلبي، عزّة لعزاني راح ترجع لي مصيبة محمد، ذني خلني أبالهن يا بويه الحقي لي. وين أنطي وجهي بعد، أخلص من مصيبة أوقع بمصيبة ثانية.

شسوي؟ ما إلي غير حسن. بس خل أنتظر تخلص الحفلة وأروح أحجي وياه.

بعد ساعتين والنسوان بعد تجمّعن فشلون يقومن؟ آه قلبي كون أشوف سجودي هسه وأباوع لعيونه وقلبه.

أخ قلبي، حبه عذاب صار لي كل يوم أقول راح أفرح ونفس العذاب يرجع لي. بس خل أحجي وي حسن وهو يحجي وي محمد حتى يسد الموضوع من يمه أفضل شيء.

خلصت الحفلة رجعنا للبيت وعلي كان طاير من الفرح أول مرة أشوفه هيجي بهالحالة. ربي يسعده.

طبعًا كل شيء صار ربي قاسم لعلي وسعاد ينجمعون سوية من خلالي ههههنن. سبحانك ربي كل شيء يصير إلك بيه حكمة.

وقاسم أني أحب سجاد. وقاسم رزق عائلة أبو جاسم عندنا. رجعت وألف فكرة ببالي شسوي.

لبست ملابس عادية نزلت ركض ركض حسن حسن وينك؟

طلعت للحوش لقيت حسن وي سجاد. يمه قلبي يدق يدق. فدوة لقلبه ولوكفته طالع يجنن حسن ضايع يمه. يمه كون أحضنه هسه.

حسن: خير شبيه مخفوقة؟

أنا: لا ماكو شيء.

حسن: منّا أسمع الركض عالدرج.

أنا: ههه ماكو شيء.

سجاد: مبتسم ومدنق طبعًا ويخزرني بطرف عينه ويضحك.

سجاد: كنت واقف وي حسن نحكي منّا ومنّا شنو هاي الركض عالدرج؟ عرفتها ريحانة، عقلها عقل طفل بس ظروفها كبّرتها مية سنة لقدام.

أجت تركض للحوش ما تدري بيه موجود بصوت عالي خمش قلبي خمش حسن حسن.

فدوة لهالصوت اللي أموت عليه. مساع اللي كان ضايع بحلقي هههههه. شفتها قلبي طار فدوة لهالشوفة فدوة هالعينين غزال مو بنت. ملاك على الأرض.

حسن: روحي بعدين نحكي أوك.

أنا: أوكي راح أروح أتمشى هناك أني.

حسن: مو تبعدين بالج.

أنا: إي طبعًا.

ضليت أمشي فرحانة بس بنفس الوقت ضايجة راح تجيني بعد مصيبة، شلون حالة هاي.

ضليت أمشي وأتمشى مرة أركض مرة أسوي نفس الهنديات عود مطر وكذاااا 😂😂😂😂 بس هي شمس تسمط سمط هههههههه. مرة أركض ورا فراشة.

أحم أحم. أول مرة أشوف فراشة تركض ورا فراشة.

أنا: سجاد؟

سجاد: إي سجاد يا عيون سجاد. أنتي شسوين بقلبي يا ظالمة؟ حبج دمار إلي حتى النوم والراحة طارن مني من شفتج لهسه.

ريحانة: سجاد أحبك.

سجاد: تقربت منها وأني هم أحبج.

ريحانة: خايفة.

سجاد: منين؟

ريحانة: يفرقنا القدر مثل ما جمعنا. أني تعيسة ما عندي حظ بكل شيء.

سجاد: لا بعد أنتي إلي وأني إلج انتهى النقاش.

ريحانة: يا ريت يا سجاد.

سجاد: اقعدي.

ريحانة: وين أقعد؟

سجاد: بحضني ههههه.

أنا: 😒😒😒.

سجاد: اقعدي بالقاع خل نحكي.

أنا: أوك.

سجاد: الأسبوع الجاي تداومين مو؟

أنا: إي ليش؟

سجاد: اسمعي مكياج ماكو. لبس ضيق ماكو. ضحك ماكو. جماعات وكروبات ماكو... إلخ. إذا تحبين سجاد حافظي عليه وحافظي على نفسج. وخليني بين عيونج.

ريحانة: سجاد أني عيني مليانة بيك وماتريد شيء غيرك بعد. أريدك أنت وبس ربي عوضني بيك. اليوم أحلى يوم بحياتي من اعترفت إلي. سجاد أنت عيوني اللي أشوف بيهن. عسى ربي لا يحرمني منك. خليت إيدي بإيده وكتله لا تعوفني انطيني وعد لأن تعلقت بيك وأملي صار بيك ما تعرف سعادتي اليوم بيك بس فرحتي ما كملت للأسف.

سجاد: شكو قلبي؟

ريحانة: دنقت وأني ضايجة.

سجاد: شبيهج أحجي؟

ريحانة: اليوم سمعت نسوان عمي يحجن بموضوعي على مود محمد.

سجاد: أستغفر الله نطلع من شيء نطب بشيء. شنو هذا الحظ الأقشر؟ شمسوي أني ربي هيجي يعاقبني.

أنا: سجاد انتظر خل نسوي حل لا تضوج.

سجاد: شلون ما أضوج؟ هسه علي ما يصدق على الله بس كون يطيج. وخاصة هاي أمنية أبوج ووعده قبل لعمج مو هيجي قلتي قبل؟

أنا: إي.

سجاد: خلص هنا المصيبة.

أنا: راح أقول لحسن يساعدني.

سجاد: شلون؟

أنا: خليها عليه بعد أنت.

توادعنا أني وسجاد بوداع حزن حسيته ضاج وانكسر واهسه كلش. رحت لحسن وحاجيته وطلبت منه يساعدني.

حسن: أحجي شبيهج؟

أنا: حسن هيجي سمعت... إلخ.

حسن: معقولة؟

أنا: إي متأكدة.

حسن: مستحيل أنتي متوهمة.

أنا: سمعتهم بإذني شبيهك؟

حسن: بس محمد كالي أمي ومرت أبوي يدورن إلي على مرة.

أنا: إي وذني شافني مساع وسمعتهن قالن نخطبها.

حسن: خل أروح لمحمد وأحجي وياه وإذا صدق قصدهم عليج... أني أخليه يسد الموضوع ما يهّمج ريحانة.

أنا: إي بعد أخيتك مو تنسى.

حسن: تدللين... هسه هو طالع من يجي.

رحت من حسن رحت يم ماما نحضر العشا. أجت رسالة فايبر.

أحبج.

أنا: هههههه ما أحبك.

سجاد: ليش ولج؟

أنا: بكيفي.

سجاد: عادي بس المهم أني أحبج.

أنا: امممممم.

سجاد: أموت عليك... أذوب بيك... أفقد عليك.

أنا: إي فقدي حتى أشيلج بحضني وأشمج حيل منا لمن تصحين.

سجاد: ههههه تريد لك حجة أنت.

أنا: الخوخة مالتي أنت.

سجاد: امممممم شتسوين بيها خوختك؟

أنا: يومية أبوسها.

سجاد: لعد ليش ما تاكلها؟

أنا: لا عيني تخلص بس أشمها وأبوسها.

سجاد: أوف منك يا رومانسي. نزلي للحديقة.

أنا: لا ما أقدر.

سجاد: ليش حبيبتي؟

أنا: هسه سعاد وعلي خالتين بيها محجوزة هههههنه.

سجاد: ولج منو قالج هسه أسحلها من شعرها وأجيبها.

أنا: شنو قصدك يعني بنت أخوك تخاف عليها من زوجها اللي هم عاقدين ومخلصين وأنت تقبل عليه أني أجيك مو؟ هاي هي مشكور جدًا... مع الأسف.

سجاد: لحظة لحظة.

قفلت الموبايل... وقعدت يم أمي ميتة قهر وأفكر. يخاف على بنت أخوه من خطيبها وما يقبل عليها تروح يمه ووحدهم. وأني يريدني يمه وأجي ويلعب بمشاعري.

أوف صدقت بيه شمالني أني غبية. نسيت أني وحدة عليه العار ولا يمكن أحب وأنحب. بس الفقر نصيبي أني بهالدنيا.

أوف صعدت لغرفتي ضليت أبجي وأبجي. صاحت لي ماما للعشا ما أجيت. بقيت بيها.

حسن: ها ما أجيتي للعشا شبيهج؟

أنا: ما أشتهي.

حسن: لا تضوجين هسه أروح لمحمد وأحاجيه.

أنا: لا لا تحاجيه... خل نشوف شنو الموضوع... ابن عمي أولى من الغريب.

حسن: شنو؟

أنا: إي حسن خلص؟ هاي قسمتي بالدنيا لا تحجي وي محمد وخل يجون وابن عمي أشرف لي وأحسن لي ومحد راح يدق بابي غيره أني تعرف قصتي... بعد أنت خلي يجي.

محد يقدرني ويحافظ عليه غيره.

طلع حسن مستغرب من كلامي:

معقولة هجي قررت بساع!

أنا: أي قررت، لا تستغربون من كلامي. سجاد ما رايدني إليه، رايد ونسته يمكن أو جمال فقط. وعباله إني فقط للتسلية، لأن إني عليه عار ومحد ياخذني فهو يريد يسلي فقط. خلص.

بقيت يومين ما أحكي وي سجاد وما أتواجه وياه نهائيًا.

باشرت بالكلية. وحياة غير، غير بنات، غير شيء.

وين كنت عايشة إني؟ بس هاي البنات ويامن عايشة؟ شلون أهلهم يقبلون هجي يطلعن؟

أباوع وإني بس فاتحة حلقي. وين علي خاف يشوف هجي إني أداوم وهجي الوضع لبنات وما يقبل أكمل؟

سجاد أبالي دائمًا. بس كنت تعبانة، معقولة هجي طلعت مجرد نزوة وتسلية بس؟

لحظة لحظة، لحد يحكم عليه.

سجاد: إني كنت وي ريحانة قلبي، كنت مجرد أتشاقى وأتلاطف وياها بس هي مدري شبيها بساع صارت عصبية وما قبلت أتفاهم وياها.

راحت بسرعة، لا جاي أشوفها. موبايلها مغلق.

تعبت من أسلوبها، اتغيرت كلش. كانت زينة عدنا وبسيطة.

بس من رجعت للعز وللقصر اتغيرت نهائيًا. بله شسويلها هاي؟

عنيدة. أريد بس أفهمها وبعد كل شخص يروح بطريق أحسن إلها وإليه.

حسن: ريحانة، افتحي جهازج خاف نطلع بعد شوي علمود أعرف وين أنتي.

ريحانة: أوك.

أول يوم كان مجرد هوسة والطلاب هوسة ومقاعد وتقديم ومدري شنو.

صارت بـ 2 وأخيرًا طلعنا والشمس حارة. والطلاب عندها عادي وتتمشى. واللي يتمشون واللي مكبلين.

أوف، حتى بالحب ما عندي حظ. ومنو هنا يريدني وإني عليه العار؟

بس إني خلص قررت ما أختلط وي البنات ولا أريد أحد يعرف حياتي نهائيًا. على الرغم بنات لبسهن موديل وكشة ومكياج أوفر.

بس كنت أحلى منهن وأنظف منهم؛ لأن بيضة إني كلش ومرتبة. ومحجبة ولابسة جبة نازكة كلش.

فتحت جهازي أول ما فتحته يمكن اجتني. شكد رسائل فتحتهم كلهم من سجاد. كنت أعرف راح يدزلي هواي رسائل بس أهم رسائل.

سجاد: إني كنت مجرد أشاقه وياج. بس مع الأسف عليج ما فهمتي قصدي. وإني ما أتسلى بيج ولا شيء. إني ردتج بالحلال وكنت مقرر أحاجي علي عليج. بس طلعتلي سالفة محمد وأجلت الموضوع.

أنا: عزّه معقولة؟ إني شسويت؟

قلبي، سجاد كان يشاقي. لا خاف جذب يريد يبرر موقفه ويرجعلي.

رسالة ثانية.

سجاد: ترى سعاد زوجة علي وما إلها حق نفس ما كتلك أسحلها من شعرها. وعلي أعرف أخلاقه ما ضحك على بنت أخوي. أجه ودق بابنا وطلبها بكل أدب.

المهم ردت أبرر الج موقفي. وآسف على كلشي وشكرًا للجرح مالتج. وباجر آخر يوم تشوفيني بيه.

أنا: شنوو؟ ليش شنو قصده هذا؟ عزّه هذا شجاي يحجي وين رايح؟ لا خاف يشاقي وياي أكيد.

طلعنا من الكلية. رجعة للبيت كان عندي خط طبعًا إني وحسن.

وصلت للبيت تعبانة كلش، هاي أول مرة هجي.

طبعًا علي قدم لسعاد على الإعدادية؛ لأن هي تاركة بالإعدادية ومنى هم قدمت وياهم.

أخوي حسن راح يحاجي محمد على موضوعي ويكول اله: انسى موضوع ريحانة، ما تفكر بزواج أبد وتريد تكمل البنية.

محمد: ههههه، وين راح تفكيرك أنت؟

حسن: ليش؟

محمد: بعد ريحانة نفس خواتي.

حسن: سمعنا يردونها الك.

محمد: لا غلطان. كان قصد أمي وزوجة أبوي على وحدة ثانية.

حسن: منو؟

محمد: منى بنت أبو جاسم.

حسن: 😨😨😨.

محمد: شبيك؟

حسن: لا ما توقعت.

محمد: لا شايف البنية كم مرة وعاجبتني وأخلاقها زينة. وخوش بنية.

حسن: الله يقدم اللي بيه الخير.

محمد: بعد شوي أبوي يحجي وي أبو جاسم.

حسن: ها خوش.

حسن: عابتلج ريحانة، فشلتيني وي الولد وضحك عليه. إني أعلمج بس خل أوصل للبيت أخلي الماسحة بأذنج اللي تسمع مقلوب.

ريحانة: رجعلي حسن هههه ظل يركض وراي.

حسن: الطرمة الثولة.

أنا: يو شبيك؟ 😳😳😳😳 ظل يركض وراي ههههه.

حسن: طلع محمد مو عليج.

وهو يركض وإني شاردة عنه 😂😂😂.

أنا: صدق؟

حسن: بس خل ألزمج، أوقفي، إلا أكطعج تقطيع اليوم.

نزلت أركض عالدرج وحسن يركض وراي وماكو. طلعنا عالصالة ركض، أمي وجدتي وعلي يضحكون.

أمي: ولكم لا توقعون.

علي: ماكو عقول شافطين.

ظليت أركض وره أمي وحسن وراي وظلينا نسوي دائرة مداير عليهم.

رحت ركض للبره طلعت للحديقة وإني أركض وحسن وراي.

هههههه أول مرة هجي أضحك وأفرح.

طلعت ما أنتبه على شيء. يمه حسن جاب الماسحة ويريد يبسطني بيها، عزّه.

ههههههه طلعت طول وأركض، الجو يخبل والحديقة. حسيت نفسي بفيلم هندي بس كون مو حسن، كون سجاد هذا أوف.

درت وجهي، سجاد هناك واقف وجاي يمسح بالباب مالت بيتهم وصافن علينا. مبين مقهور مني، سويت نفسي ما مهتمة وظليت ألعب وأضحك بزيادة.

فتحت شعري وخليته مفتوح وصل جوه ظهري كلش.

ظليت أركض وشعري شطوله وراي وطاير والمنظر فد شيء.

كنت متقصده أسوي هجي حتى أخليه ينقهر.

أحلى شعور أركض والجو بيه هوى وعصرية.

والجو حلو والورد والحديقة.

سجاد: طلعت عصرية أغسل باب الحوش مالتنا، أغسل وصافن وألف فكرة أبالي. يا ترى قرت رسائلي لو لا؟ ليش ما جاوبتني؟ طلعت ما تستاهل حبي بس مشتاق إلها كلش لو بس أشوفها من بعيد كافي.

فجأة الباب انفتح حيل وضحك.

طلعوا ريحانة وحسن متعاركين مدري يلعبون. أخذ الماسحة مني اللي أمسح بيها. ويركض وره ريحانة.

أوف، أول مرة أشوف ضحكتها وهجي فرحانة. يا رب دوم هجي. بس مقهور منها. إني هنا مشتاق إلها وقلبي نار عليها وهي هجي تلعب وتشاقي وتضحك بزيادة حتى تقهرني.

طلعت لبس شنو، جمال شنو.

الوقت عصرية أوف، قلبي يضحك من أشوفها تضحك. الجو هوى، انفتح شعرها الحرير. وطويل ووصل لرجلها وهي ما شاء الله ملاك يمشي عالأرض.

بودي أحضنها بكل قوتي وأشمها حيل حيل.

أعصرها على قلبي بكل قوتي حتى أكسر ضلوعها عادي المهم أرتوي منها.

تركض، أتمنى إني اللي أركض وراها. أتمنى إني مكان حسن هسه. بس نست هي كلشي من اجت لهنا.

بعد ما إلي كعدة هنا، بس العذاب شعندي.

شنو ما عندي كرامة؟ بس أشتغل عندها وحتى ما تفكر بيه كزوج. يمكن مجرد نزوة من كانت ضعيفة ومحد إلها.

بقيت أباوع وأتحسر. 😞😞😞😞😞

💔💔💔 وقلبي مكسور.

وأخيرًا لزمني حسن هههههه وظل يضرب بيه وسجاد هناك بس يتباوع عليه.

وأخذ الصوندة مالت الحديقة وظل يرش عليه ماي وإني أركض أوف، تبللت كلش هههههه.

وإني بودي هو اللي مكان حسن، هو آه مشتاقة لحضنه ولعطره.

مشتاقة أشمه حيل، أشم صدره العريض اللي عطشانة حيل وأريد أرتوي منه.

مشتاقة إله كلش.

بالليل أتصل عليه وأخليه ينتظرني هناك وره الحديقة.

كملنا عشا ونظفت المطبخ.

أقول حسن.

حسن: ها.

أنا: عليمن قصده محمد؟

حسن: شعليج لو حنيتي إله؟

أنا: يو، أمداني هو هسه هم سلم عليه اجاني الحقير. طلع حقير للأسف.

حسن: منى.

أنا: شبيها منى؟

حسن: هي منى ومرض شبيج؟

أنا: معقولة؟

حسن: أي هو كالي.

أنا: وين شافها؟

حسن: إحنا طلعنا مطفين كلش.

أنا: 😳 ليش؟

حسن: علي وسعاد، خوش شفتيهم محد يدري هم طلعوا من جوه لجوه. وهسه محمد ومنى 😂😂😂.

أنا: أي صحيح.

حسن: وبعد اثنين هم خاتلين. وإني بعد كم يوم أفاجئكم.

أنا: وي منو؟

حسن: وي أم شهاب ههههههه.

أنا: ههههه، عابتلك.

حسن: 😡😡😡 منو عابتلك؟

أنا: 😁😁 اليه مو الك.

حسن: أي عبالي.

صارت بـ 12 بالليل، كله دخلت غرفها تكنك واللي يراسل واللي مدري شنو.

رتبت نفسي توب 😉 ودزيت رسالة لسجاد: إني بالحديقة يم شجرة الخوخ. تعال أريدك بساع.

بقيت أنتظر ماكو. تم الرؤية مالت الرسالة بس ماكو جواب. صارت بـ 1 وهم ماكو جواب.

كعدت أنتظر، فتريت الحديقة كلها ماكو.

تقربت يم بيتهم ماكو أحد، سكتة.

لحظة.

شنو هاي؟

أبو جاسم جاي يغلط على سجاد ويزمخ كلش والنسوان كله تصرخ.

يكوله: أنت شلعت كلبي كافي حرام عليكم.

والجدة تهدي بيهم وماكو.

سجاد: خلص إني قررت بعد ماكو، ما أرجع بقراري.

واشتغل العياط بينهم والعتاب مدري عليمن.

سجاد: خلص قررت انتهى الموضوع.

أبو جاسم: روح بكيفك واستقر وتزوج. وانسى تعبي وربيتكم وأنتم كومة لحم. روح إني عفت كلشي هناك علمودكم واجيت هنا.

وخله وطلع وسد الباب حيل.

لاكاني بوجهه كلش وطلع عصبي وحتى ما سلم عليه.

بعد ما سمعت عتاب وعياط عندهم. شبيهم؟

طلع أبو جاسم ضايج كلش. طبق الباب بكل قوته لاكاني وجهه بوجهه وحتى ما سلم عليه. شبيه؟

ظلت تتعالى الأصوات. ما أكدر حتى أدخل عليهم.

بقيت واقفة ما أعرف شكو. شسوي أصيح حسن يشوف شبيهم؟ هم يكول شدخلنا إحنا.

طلع سجاد. كان ضايج كلش ولازم جكارة بيده.

أنا: شكوو سجاد؟ خو ماكو شيء؟

سجاد: ماكو شيء.

أنا: خو ماكو شيء؟ ليش هجي عدكم صياح؟

سجاد بصوت عالي: ماكو شيء.

أنا: شبيك سجاد؟ وبعدين ليش تعيط؟ دزيتلك رسالة أريد أحجي وياك ومن الساعة 12 لهسه أنتظرك وماكو.

سجاد: ماكو داعي نحجي.

أنا: ليش ماكو داعي؟ شبيك اكو شيء؟ إني فهمت قصدك غلط. وأنت اعذرني. بس والله أحبك سجاد. وما عندي شيء أبالي. ولا هذا القصر ولا فلوس أهلي. ولا هذا العز بعيني بس أنت. ليش هجي انفعلت بساع؟ خل أحجي وياك خل نروح هناك خاف أحد يشوفني هنا.

سجاد: لا ما أكدر، وراي سفر بعد ساعة.

أنا: وين؟ 😳😳

سجاد: لسوريا.

أنا: شسوي بسوريا؟

سجاد: 😒 العب.

أنا: سجاد شبيك؟

سجاد: راح ألبس بسوريا هناك يم السيدة زينب.

أنا: شنوو يعني؟ يعني تحارب؟

سجاد: أي.

أنا: سجاد شنو تحجي؟

سجاد: اللي سمعتيه ريحانة.

أنا: ليش تروح؟ لا تشاقي سجاد، اللي بيه مكفيني والله.

سجاد: ما جاي أشاقه والله.

أنا: لا تروح سجاد، ترى ما إلي غيرك. إني هستوني تحسنت حالتي لمن تعرفت عليك. إذا تروح أموت ما إلي غيرك.

سجاد: أنتي السبب. من اجيتي لهنا تغيرتي. وين قبل كنتي بالبيت مالتنا؟ وين ريحانة وشقاها؟ وين قبل البساطة مالتج؟ وين قبل أنتي وين وين وين؟

أنا: إني نفسي ما تغيرت. كتلك فهمت قصدك بالغلط واجيت هسه أعتذر منك. سجاد أرجوك لا تجرح قلبي فوق ما هو مجروح. كنت أريدك وياي كل لحظة. بعد يومين المحكمة مالت الولد. وأريدك وياي.

لزمت إيده: سجاد لا تتركني. عوفني هسه إني. شلون تترك أهلك؟ شلون تترك أمك؟ شلون تروح لسوريا وهناك محد يجي بس جثث تجي؟ منو راح هناك واجه عدل؟

سجاد أحبك أنت وبس، إذا رحت أموت والله أموت.

ريحانه: من قالي سجاد راح أسافر... أوف، روحي انطعنت بسكين مو جسمي. هسه قلبي لمن ارتاح وفرح هيك يصير بيه.

توسلت بيه لمن مليت، ماكو فايدة.

آني صح غلطت وفهمت قصده غلط، بس ندمت وأريد أتأخر منه، ما انطاني فرصة.

ظلينا قاعدين آخر شيء.

سجاد ودعني وداع بسيط وراح.

ظليت بمكاني، بقيت أريد أتأكد صدق يروح لو كذب.

بقيت قاعدة يم بابنا على الكراسي مالت الحديقة، ماكو.

صارت بـ 3.

البيت مفتوحة الأضواء مالته، مبين قاعدين.

طلع سجاد وبيده جنطة سفر صغيرة.

طلع صدق كلامه للأسف، عافني وراح.

طلع وراه أبو سجاد وأبو جاسم والنسوان يودعونه، والجدة لازمة بيدها طاسة ماي تريد تذبه وراه.

قمت على حيلي، معقولة؟!

رحت عليه ركض.

آني: سجاد لا تروح، أرجوك.

كلهم ظلوا يباوعون إلي.

آني: سجاد آني أحبك وآسفة آسفة، أعتذر فديتك سامحني.

سجاد: ظل صافن بوجهي ومتعجب من كلامي قدام أهله.

ظليت أتوسل بيه قدام أهله، وكلهم متعجبين مني.

سجاد: أنتي ما حافظتي عليه.

الجدة: أنت مو كنت ضايج عليها وكلت ما تريدها؟ هسه بطل وعوف هاي الروحة يمه، والبنيه هم طلعت تريدك بعد شتريد. يمه والله بعد ما ترجع إليّ، منو راح لسوريا ورجع لأمه؟

أبو سعاد: منو خلاها ببالك؟ دعوف هالسالفة أنت هنا تشتغل خير من الله والجماعة ما مقصرين ويانا.

سجاد: خلص جماعتي ينتظروني.

سجاد ودع أمه وباسها برأسها، ودع إخوانه والنسوان.

وراح... باوعلي بنظرة وداع وحزن، وراح.

راح وقلبي راح وياه، شسوي حتى يرجع؟

ظليت أبكي بصوت عالي.

سجاد لا تروح، تعرف بيه أحبك.

صحت وأني أبكي.

ليش كل ساع ربي يأخذ مني اللي أحبهم؟ ليش الله كاتبلي أتعذب؟ سجاد حموت من دونك.

كافي عليّ فراق أبوي، لا تروح... والله أحبك.

أبكي وأصرخ وكلهم يبكون وياي.

نزلوا أهلي وكلهم أجوا على الهوسة.

علي: شكو شبيكم؟

حسن: خير؟

أمي: يمه ريحانه شبيج؟

أبو سعاد: ماكو شيء، بس سجاد سافر لسوريا وطلع توه.

علي: وشنو دخل ريحانه بالسالفة؟ وشبيج هيك متأثرة بالله؟ دخلي جوه بساع، والنوب طالعة قدامهم هيك لا حجاب ولا شيء. بس لا يكون بينكم شيء.

ريحانه: أي بينه شيء.

علي: شنو ولج؟ وشو تحجيه بوجهي؟

ريحانه: آني أحكي، أي أحكيها بوجهك، آني أحبه وبسببي راح... وليش تحاسبني وأنت شمرتني يمهم شمرت الكلب؟ أي أحبه عندك مانع؟ وهسه راح ولو يرجع لو ما يرجع. مو أنت حبيت وخطبت وراح تتأسس حياتك؟ ليش آني وحد يعني؟ آني اللي صار بيه مو بسببك لو آني غلطانة؟ أي أحبه وهسه راح... وراح قلبي وفرحتي وياه. نزلت لجوه القاع وأني أبكي.

إجت جميلة قومَتني، ودخلتني لجوه لبيتنا.

دخلت الغرفتي أبكي... ليش خيرية عود ليش ما سمع كلامي وما قبل اعتذاري؟ مو قلتله آسفة... قلتله أعتذر، ماكو، خله وراح عني.

منو يكول يرجعلي بعد؟

راح على مود يجيب كم ورقه من سوريا، ليش وحبي إله وينه؟ ليش راح وعافني؟

بعد مرور يومين صارت محكمة حسام اللي اغتصبني وانحكم 15 سنة بقضية خطف واختطاف، وأخوه الكبير 7 سنوات. الحمد لله أخذ لي حقي.

سجاد ما يروح من بالي أبد أبد.

كل وقت أسأل عنه وأروح لبيتهم بس حتى أسمع أخباره، وسجاد جهازه مغلق بس كل 3 أيام أو 5 يتصل مرة.

مرت أسبوعين بعد سجاد ماكو، جهازه مغلق.

ظلوا بقلق وظلينا بقلق... أمه بس تبكي وإخوانه حالوا يجيبوا أخباره وماكو.

أهله يتصلون على جماعته وماكو.

قاعدين كالعادة بالصالة.

سمعنا صراخ، أريد أقوم من مكاني ما أقدر.

أكيد إجاهم خبر سجاد. بصرخة وحدة ألف فكرة إجتني.

لا مستحيل معقولة سجاد.

رحنا نركض لبيتهم، النسوان تبكي.

الجدة تصرخ.

أبو سعاد قاعد مخلي إيده على رأسه.

أبو جاسم يتصل بشخص بس ما يجاوب.

أوف قلبي معقولة؟

لاااا مستحيل.

قلبي راح يوقف من منظر أهله وحالتهم، أمي تواسي أمه وتحاجيها.

ما أسمع شيء من كلامهم من صوتهم.

ظلت الدنيا تفتر بيه.

أبو جاسم اتصل على واحد بسوريا وبالكوة إلا حصله.

أبو جاسم: ألو... ها آني أخو سجاد. شخباره؟ شنوووو... منو ما تعرف؟ أي أسمائهم شيء؟ من يا محافظة؟ لا حول ولا قوة إلا بالله.

الجدة: ها يمه كول.

أبو جاسم: شكو يمه؟ الولد هذا ما يعرف، يكول المكان اللي بيه سجاد كله أنقصف وما يعرفون منو اللي بيه. وكال طلعوا جماعة ويانا اليوم أخذوا جثث الشهداء مالت العراق، بعد يومين يوصلون الكم وتتعرفون عليهم.

لااااا.

سجاد ما يموت ويعوفني وحدي، هو واعدني وكال أعوضج كل شيء... عمو أبو جاسم الله عليك تأكد.

ظليت أبكي الليل كله... والبيت كله يصرخ ويبكي.

ما أعرف شسوي، وين أروح أسأل؟ منو... أخابر منو... موبايله مغلق. يا ربي شسويت عندك لا تحرمني منه، سجاد لا تعوفني... شوكت يخلصن اليومين وأشوف منو الميت وسجاد وياهم لو لا؟ حسبي الله ونعم الوكيل عليكم.

سجاد يا ريحانة قلبي لا تروح وتتركني... لهسه كلامك وحبك وغزلك وقبلتك بخدي.

عبرن اليومين والناس تنتظر لحظة لحظة، وإجا اليوم.

أبو جاسم وأبو سعاد راحوا يتلقون الجثث حتى يتعرفوا عليهم.

بس أبو جاسم مكسور... حتى الفقر مالت قبل ما كسره وضوجه هيك. راحوا وننتظر يجون.

يارب ما يجي سجاد وياهم. كل احنا قاعدين بالحديقة وقلوبنا نار، يا ربي شسوي إذا كان وياهم؟ وين أروح أعاتب منو؟ أعاتب الحكام مالت العراق لو أحاكم داعش لو أحاسب الظلام اللي ظلموا بلدنا العراق؟ أعاتب منو؟

أعاتب قلبي اللي ضوجته وكسرت بخاطره.

أعاتب منو روحي اللي زعلته، منو أعاتب قولولي.

أعاتب اللي ضحوا بشبابنا وهم متونسين وعايشين حياتهم.

كم وحدة ترملت؟ كم وحدة تيتمت؟ كم طفل ما عنده أب بسببهم؟ وكم روح بريئة راحت بسببهم؟ الله لا ينطيكم يلي دمرتوا العراق... حسبي الله ونعم الوكيل.

البيت حزين... الجو خنقة.

عبرة تاخذني... عبرة ترجعني.

نسوان تبكي... وحدة تصرخ.

الجدة تعاتب بيه... كلامها يبكي الصخر... أخته خولة مصدومة... الجهال يتباجون منين يعرفون الموت وهم ما كملوا 9 سنوات... هذا وضعنا أحنا شبعنا موت وقهر.

الزلم راحوا وما رجعوا لهسه.

كل عائلة منهم راح تجيب جثة ابنهم اللي ضايعة منه رجل أو إيد... أو رأس ماكو.

كل واحد منهم تنتظره أم.

تنتظره زوجة وطفل بحضنها... طفل ينتظر أبوه ببطن أمه ما يعرف هو جاي للدنيا يتيم... راح يعيش محروم من كل شيء.

راح يعيش فاقد أحلى إحساس أحلى كلمة .

ليش هيك جاي يصير بينا؟

حبيبة مثلي تنتظر حبيبها يجمع مهرها... راح يدافع هناك حتى يأخذ حبيبته بالحلال.

إلى متى؟

إلى متى نبقى هيك ما بقى بعد دمع بينا؟

أنتظر يجيبون جثة سجاد... شنو راح يكون شعوري؟

يا ربي أخذ عمري قبل لا أشوف هاي اللحظة.

لا ما أقدر أنتظر.

وين أروح؟

أريد أطلع من البيت كله.

ما أقدر أبكي... راح الصوت... نشف الدمع.

أريد أعاتبه... ليش هيك عافني؟

سجاد... وينك... ليش هيك رحت؟

ما التفتت عليّ... ما قلت وين أخليها؟ سجاد يا نبضي وينك... قلبي ينبض بيك وبحبك... لا تتركني أموت بدونك... سجاد ما أقدر أبكي.

آني بحلم أي أكيد بحلم.

قعدوني... وين أمي حسن تعالوا قعدوني من حلمي.

آني هسه داخل كابوس فضيع.

أريد أصحى منه... ظليت أدور والتفت كلها تبكي.

محد منتبه إليّ... كلها ملتهية بمصيبتها.

كلها تحبه... مو بس آني.

كلها عدها قصة... وموقف حلو وياه.

كلها عدها سالفة وضحكة وياه.

أكلك سعاد قعديني من حلمي... جميلة وينج ضربيني هذا الحلم... ما أريده.

جاي أحاول أعدل الحلم بكيفي... أحاول أغير الحلم وأخلي سجاد يلاكيني وأني أتلقاه وأفرح وأروح إله أركض.

وأشبكه كل قوتي.

سجاد... ظليت أبكي بطلع الدمع مني والصوت.

يمه... راح سجاد.

يمه حاجيني جابوه لو بعده؟

يمممه آني أحبه.

أمي: تبكي على بكي النسوان.

تبكي على حال العراق يومية ألف عائلة بالعراق تمر باللي مرينا بيه أحنا.

هذا واقعنا وهاي حياتنا.

أبكي وأبكي بس ما يفيد شيء.

شيفيد غير الدمع يوقع منه حتى نرتاح.

بس عمر الدمع ما رجع اللي راح.

ولا اكو ميت قعد من صرخة أو دمعة أو عتاب من أهله أهله.

سجاد: راح بس ترك بقلبي صدمة كبيرة.

ترك بقلبي أثر.

ترك بخدي قبلة ما أنساها.

شسوي... آني ما أشوف.

ليش ما أشوف؟

وقعت بالقاع... ما أقدر أحس بشيء.

بس صوت مثل الصدى.

أشوف وشيش أشوف ضباب.

أريد أفتح عيني ماكو... ما أقدر أفتحها... راح اللي كان مضوي عليّ حياتي... راح اللي واعدني يعوضني كل شيء مر بحياتي.

راح اللي حبيته من كل قلبي... راح أبو القلب الطيب.

راح أبو الضحكة الحلوة.

راح وحتى ما ودعني... راح ما قالي شيء.

سجاد... ثقل لساني... فقدت ما حسيت بشيء.

نمت ساعات... ما أحس بشيء.

مر عليّ كل شيء حلو عشته وي سجاد مثل الشريط.

آخ يا يمه وين أروح؟

نمت وأتمنى ما أقعد بعد... أريد أروح للناس اللي عافوني وأني أمس الحاجة.

بابا اللي عافني بدون ما يساعدني.

سجاد اللي عافني بدون ما يعوضني.

خل أروح يمهم هناك وأعاتب وياهم... ما أريد هالدنيا.

ما أريد هالدنيا تحرمنا من أعز الناس عدنا.

مرت ساعات وأني ما أحس بشيء.

ما تحملت اللي صار وياي.

قعدت فتحت عيني بالكوة.

الناس كلها ملتمة عليّ... وتكعد بيه وهذا اللي يرش عليّ ماي.

ما أقدر أحكي... أبو جاسم قريب مني.

ثوبه كله دم... علي وحسن نفس الشيء... ملابسهم دم.

علي: خل ناخذها للمستشفى بساع.

أبو جاسم: لا جاي تكعد.

قعدت شفت كلها الوجوه تنتظر بس أقعد.

آني بحضن أمي.

يمه وين سجاد جابوه؟

يمه خل أشوفه.

يمه وينه... عمو أبو جاسم خل أودعه.

هذا دمه مو... وينه عمي فدوة.

ظليت أصرخ بحركة وألم.

أبو جاسم: وراج سجاد ودعيه يا بنيتي.

أريد ألتفت ما أقدر شسوي يمه.

شلون أودعه لا صعب... التفت بالكوة... رجلي خدرت.

التفتت غصب عني... بس ماكو شيء لا صراخ لا شيء.

ليش... شبيهم أهله معقولة شبعوا من بكي البارحة.

عمي أبو محمد ومحمد واقفين.

خيرية وجميلة وأم سعاد وخولة كلهم واقفين ويضحكون.

سعاد منى هههههه.

آني بحلم مو لو شنو؟

معقولة كنت أحلم مساع... لو آني هسه بحلم؟

قمت بساع أريد أشوف شنو وراي.

التفت وراي سجاد.

قمت من مكاني... يمه آني كنت أحلم.

سجاد رأسًا قام ولاكاني.

سجاد...

حمد لله على السلامة.

من كثر الشوق واللهفة اللي بيه.

البكي اللي بكيته والقهر ما حسيت على نفسي لزمته من يده.

سجاد أنت عايش؟

سجاد: لعد منو اللي كدامك؟

لا سجاد أني أحلم مو؟

لا يا قلبي مو حلم... آخ.

شبيك؟

ماكو شيء.

شبيها يدك؟

لا بس مصوبة.

شنو مصوبة؟ يعني متأذي؟ ضليت أبجي.

أتمنى أحضنه وأشبكه وأشمه بكل قوتي بس ما أقدر كلها يمي.

الجدة: الله يجمعكم سوى ويفرحني بيكم.

الباقي: آمين.

لعد منين هالدم؟

أبو جاسم: سجاد وجماعته جابوا الشهداء وياهم.

أوف منظرهم ومنظر أهلهم يكسر القلب.

أوف إلى متى هيك حياتنا.

وحدة جايه تلاقي زوجها لأن قالوا لها زوجك سجاد عايش وجايه فرحانة هي وعيالها.

أوف بعدين طلع زوجها مستشهد.

مو هم اثنين سجاد زوجها وسجادنا.

منظرهم يكسر باب القلب تبكي الصخر هي وعتابها.

حتى البنية الصغيرة عتابها لأبوها مال وحدة 20 سنة.

سجاد: إي هذا من النجف أجه علمود ياخذ الفلوس ويشتري بيهم بيت.

ويقول اجت المدرسة وعيالي ما عندهم ملابس للمدرسة.

أوف... راح وما حقق حلمه ولا اشترى ملابس لعياله.

الله أكبر.

أوف.

طلعنا أني وأهلي حتى ياخذون راحتهم ويا سجاد.

صار الليل، أنتظر سجاد بلكي أشوفه.

آخ شقد مشتاقة إله.

يا رب كون يطلع هسه وأشوفه.

جهازه ضايع هناك بسوريا.

وما عنده جهاز هسه.

طلعت للحديقة... رتبت نفسي توب.

طلعت أنتظر وماكو...؟

صارت بـ 1 وماكو.

قلت أكيد تعبان راح أدخل أفضل إليه.

لا خل أبقى لـ 2 شوي.

سجاد: قررت أروح لسوريا حتى أكون نفسي هناك.

رحت زعلان صح... ردت أستقر وأجمع كم فلس ردت أشوف ريحانة... راح تنتظرني لو لا؟

رحت لحدود سوريا... ومناك لسيدة زينب عليها السلام.

شفت الموت بعيوني.

شفت مأساة حقيقية.

شفت جماعتي تموت قدام عيني بس ما أعرف شأسويلهم.

ناس تموت يمي... ما أقدر أساعدهم.

متنا جوع وعطش.

داعش ما رحم بينا.

يخطف نسوان وبنات مثل الورد.

بس ما نقدر نساعدهم... سوينا كل اللي نقدر عليه بس ما قدرنا أكثر.

أطفال بالشوارع... ما تعرف دربها.

أم ميتة بنص الطريق وطفل يمها يبكي ما يعرف أمه راحت لربها... ما يعرف الموت خطف أمه وبقى وحيد.

ما يعرف الدنيا ما تعرف أحد... وما ترحم أحد.

ما يعرف راح يبقى يتيم وما حد إله.

ناخذهم نحتار وين نوديهم.

بيهم هم ياخذوهم.

الله يعلم إيش يسوون بيهم... يربونهم لمن يكبرون يقاتلون.

أو يأخذون أعضائهم... مدرب يخلونهم يجدون بالشوارع.

مدري يبيعونهم.

الله أعلم.

شفت مأساة هناك قدام عيني.

ما شفتها لا فيس لا تلفزيون لا أخبار.

شفتهم بعيني بعد.

شفنا جوع وعطش ما مر على أحد.

بيوت تتقصف... سرق نهب خطف أوف إيش أحكي.

عشت واقع للأسف.

ذول شلون يقنعون نفسهم هم إسلام ما أعرف.

رحت أجمع مهر ريحانة بتعب وأجي.

جبت وياي كم شهيد وياي... حتى أسلمهم لأهلهم.

لقيت الجو مختبص بالبيت.

لقيت ريحانتي... شبه ميتة.

هسه عرفت حبها إليه وتأكدت منها.

لقيتها وردة ذابلة وفاقدة... كانوا يحسبون أني من الضحايا اللي راحوا.

رجعت لأهلي الحمد لله وهسه قاعد بغرفتي.

خل أطلع للحديقة أتمشى شوي.

طلعت شفت القمر نازل لجوه وقاعد بالحديقة.

شفت قلبي وروحي وريحانة عمري.

أكيد تنتظرني.

لما أشوف عيونها روحي تذبل.

قلبي يخفق.

آه يا العشق.

رحت للموت حتى أجمع مهرك وجبته من تعب صحيح تعب.

مو بس حجي ينقال.

رحت إلها ركض حتى أطفي النار اللي بقلبي والشوق.

رحت تلقيت ريحانة ركض.

قلبي تلقاها قبل جسدي.

روحي طارت إلها قبلي.

آه شقد مشتاق إلها ولسوالفها... مشتاق أصفن بعيونها أنسى تعبي... قلبي بيه حجي هواي إلها.

روحي ريحانة حبك... طبع بقلبي ما يخلص ولا ينتهي.

لاقيتها ركض.

شبكتها بكل قوتي.

خليتها على صدري... وهي هم ما قصرت اجتني ركض وحصنتني حيل... وصل راسها لصدري.

حضنتها وعصرتها على قلبي.

ضاع الحجي... اختفى الكلام.

نسيت كل شيء ببالي... ردت أحكيه إلها.

سكت كل شيء بالكون لحظة شوفتها لحظة حضنها.

آخ شقد مشتاق إلها.

لو أبقى العمر كله حاضنها.

ما أشبع منها.

ريحانة.

روح ريحانة.

أني آسف.

ليش؟

رحت عنك وعفتك.

مسامحتك المهم رجعتلي بالسلامة.

آخ ريحانة مشتاق إلك شوق ما أقدر أوصله.

شكد؟

قد رحمة الله.

كنت كل لحظة أنتظرك.

أني عايش على أعصابي... ردت أجمع مهرك بتعبي من صدق ما خفت من الموت قد ما خفت أني أروح وأخليك وراي.

كنت مكسورة بلياك.

خفت أخلف وعدي إلك... سامحيني ريحانتي.

مسامحتك... شوقي إلك وخوفي إلك هو اللي سامحك مو أني.

سجاد... لا تتركني أموت بدونك... ما أريد أخسرك نفس ما خسرت أبويه... أنت أملي بالحياة.

تدري شقد تعذبت بحياتي.

أعوضني إياه بس بشوفتك.

رفع راسي سجاد وخلى يده على حنكي... أعوضك كل شيء وعيونك يا وردتي البيضة.

ليش بيضة؟

مثل قلبك أبيض.

صدق حبيبي؟

آخ يا محلى هالكلمة... عسل بحلقك... أحبك.

أحبك.

باوعت منا منا لقيت وردة صغيرة بيضة.

شلعتها من الحديقة.

لزمتها بيدي.

ريحانتي.

نعم حبيبي.

قدمت إلها الوردة 🌷 وقعدت على ركبي.

تقبلين الزواج مني 🌺🌺؟

تفاجأت كلش... معقولة؟

إي معقولة يا قلبي... من زمان أنتظر هذا اليوم بس كانت ظروفي ما تسمح يا عمري... انتظرتيني وما قصرتي.

مستعدة أنتظرك العمر كله.

ما عندي شك بيك... كنت متأكد.

أحلى أيام مرت بحياتي هذا اليوم.

جهزت مشتمل فوق وسويته أحسن بيت وكل شيء خليت بيه.

ما خليت نقص بيه أبد.

جهزت غرفتي.

وحاجيت إخوتي والوالدة على موضوع ريحانة وما صدقوا على الله ورأسًا رحنا لهم.

وطلبناها من أهلها... وما عارضوا أبد.

تمت الخطبة.

وعشنا أني وريحانة قلبي أجمل أيام عمرنا.

كنا نلتقي دائمًا... 24 ساعة نسولف على الفايبر.

ما قصرت وياي... جايه تداوم كلية.

وتسمع كلامي ونصائحي بكل شيء.

أني صرت نسيب العائلة... وصرت مدير حساباتهم.

ويثقون بيه ثقة عمياء الحمد لله.

علي وسعاد تزوجوا... وسووا أجمل عرس دخلت إله أو شفته بحياتي.

الحمد لله شفت بنت أخوي هيك أسعد وحدة وراحت لهيك عائلة.

مرت أجمل أيام بعمري.

وراحوا لإيران... سفرة طويلة.

أهلي تحسن وضعهم... والأطفال كلها جايه تدرس وأحسن مدارس ومستواهم متحسن كلش.

أمي والوالدة راحوا عمرة الحمد لله.

وراء شهر... منى ومحمد تزوجوا. وراحت لقصر أبو محمد.

وعايشة وياهم... أحلى عيشة.

ها نسيت أقول لكم شيء أبو محمد غير شاف خولة أختي الأرملة وهواها.

وتقدم إلها ههههههههههه.

وصارت وهسه صار عنده 3 نسوان.

الرجال يريد أخو لابنه محمد.

ونسوانه ما اعترضن الرجال يريد بعد ولد إله للحلال اللي عنده هذا... وتزوجوا وعيالها وياها.

مرت خمس أشهر... حبنا أني وريحانة أحلى من العسل.

تمر أيام... أحس نفسي بحلم.

شحلات العشق... لو كل اثنين يحبون ببعض يوفون البعض.

أحلى شيء بالعشق النية الصافية والصدق.

أحلى شيء بالحب التفاهم والتحمل.

قرب زواجي ويا ريحانتي.

ريحانة: مرت أحلى أيام عمري الكل تزوج حتى عمي تزوج أخت سجاد الأرملة.

مرت علي ومرت محمد... اثنينهم حوامل هههههه.

وأني وسجود بعدنا لهسه ما متزوجين.

قررنا هالاسبوع زواجنا.

علي هدالي كل شيء أحتاجه هدية.

أمي ما قصرت وياي.

حتى عمو أبو محمد... هم ما قصر.

كل واحد منهم جهزلي قسم من البيت.

فديتهم ما قصروا... وعوضوني باللي صار.

قرب زواجنا... والحب يزداد.

رحت للزيارة قبل زواجي... رحت زرت بابا.

طبعًا مشتاقة إله كلش... بس ما كانت ظروف تسمحلي أوف شقد مشتاقتلك يا روحي.

أني عصفورتك اجيتك.

أبشرك يا بابا أني مرتاحة وحأتزوج من شخص أحبه وميتة بيه... ارتاح أني مرتاحة... بجيت عند قبره لما مليت.

دموع شوق ودموع نصر.

ما قصر ربي طلع براءتي وعوضني بسجاد.

ربي قسم إليه هالشيء يصير وياي.

لأن قاسم لست أشخاص راح يتزوجون من خلال قصتي.

سبحانك ربي ما أعظمك عندك إرادة لكل شيء... بس الإنسان ما يصبر.

جهزت نفسي والتحضيرات.

رحت لأرقى صالون ببغداد.

لبست أرقى بدلة.

سويت أجمل حفلة عائلية... بينا طبعًا وكم صديق لنا ببغداد... أو صديقة إليه بالكلية.

أحلى يوم... أوف شقد صارلي وياه.

بس قلبي يخفق بسرعة... الخجل قتلني أكل.

على الرغم صار شقد أنتظر هاليوم.

أوف يوم جميل وحفلة كلش حلوة وراقية بحديقة القصر وعالقين الدي جي.

وكلها فساتين وكشخة أمي تباوعلي وتبكي.

ما توقعت أني حيكون إليه عرس بيوم نفس هيك.

ما توقعت راح شخص يدق بابي.

ما توقعت أحب وأنحب.

طول الحفلة تصفقلي وتبكي.

وأم شهاب يسكتن بيها وماكو.

مسوين كوشة تجنن وقاعدين عليها.

أني بهمس: يوم متعب... أفكر شوكت أوصل للمخدة وأنام.

سجاد: لا حبي ماكو نوم تحلمين.

ليش عيني؟

صار كومة أنتظر هاليوم.

لا حبيبي.

لا حبي ولا شو تحلمين اليوم بالنوم.

😒😒😒

لو مو 😒 لو 😭😭😭😭.

ياااااا ما عندك رحمة طلعت.

لا رحمة ولا نغمة ماكو نوم... أطلع بيك ضيم قلبي الليلة.

ههههههه خوش.

خلصت الحفلة.

زفوني لشقتي فوق.

سجاد يمكن هالليلة ما قصر وياي كلش كلش.

ذب حيل محد ذابه بحياته 😉😉😉😜😜.

الصبح طلعنا لتركيا... هدية سفر من أمي.

فديت قلبها.

عشنا أحلى أوقات مع بعض.

سجاد يا نبضي أنت أحبك.

أحبك يا روحي.

أشكرك على كل يوم حلو.

أشكرك على حبك وصدقك إليه.

سجاد يا ريت كل اللي يحب مثلك صادق وما يكسر اللي حبته.

إي والله.

يا ريت كل بنت حبت شخص بجنون يدق بابها ويصون حبها وما يخذلك.

فعلاً.

يا ريت كل بنت أمنت بشخص على نفسها وحبها وروحها ما يخون ثقتها.

إن شاء الله.

أتمنى كل علاقة حب تخلص بزواج مثلنا يااااا رب.

إي والله ياااا رب.

أحبك. 💑

💑💑💑💏💏💏 أحبك.

منو انت انت منو ليش تريد تكتلني اخخ اخ ومحسيت على روحي بعد الا واني بالمستشفى

---------مرحبا اني سجاد ضابط بالفرقه الذهبيه دوامي شهري وانزل 10ايام بالشهر

فقط متزوج من 15 سنه وعدي صبا 14سنه صبا- لا بابا صرت 15

سجاد- اوكفو شنو 15لج صدك

صبا - اي بابا والله صرت صف ثالث

سجاد- يابه صبا صارت ب3متوس

ع قبل عشر سنين جان عدي صديق اقرب الي من الاخ اني ماعدي اخوه فقط 4بنات خوات روحي بهالدنيا كلهم تزوجو 2بره ووحده باربيل قبل قبل وفاه صادق صديق عمري خواتي الاربعه مدرسات ثانويه ووحده منهم مديره خطيه تنازلولي عن ورثهم بيت ابويه واني عدي مشتمل ملك اني حاليا كاعد ببيت ابويه ----

تره صارت هوسه هسه اخلي مريم السعدي تحجيلكم قصتي بس ماريد تبجوون

السلام عليكم

اني ام زين ارمله صادق اللي توفى قبل عشر سنين كان من الشهداء بالسيطره مال حي الجامعه توفى واخوته مرحموني بعد وفاته عدي منه زين صف سادس علمي عمري 34سنه خطيه سجاد صديقه معافنه كل فتره جايب فلوس ودازها بيد زيوني يكوله هاي ابوك جان يطلبني ومقبل انه زين يشتغل يكوله ادرس وره فتره اخوته كلولي تطلعين من البيت روحي عد اهلج وهلي عدهم 4ولد والبيت 100متر مليان جهال متت ببيت اهلي اخر شي سجاد صديقه عده مشتمل كله لزين هاك مفتاح المشتمل وروحو كعدو بيه وسوه معامله التقاعد مالته وراتب الارامل واليتامى كل شهرين

اني اخبز ونوبات اسوي كبب من العالم تريد مني ونوبات اعزل بيوت العالم التريد تعزل بيوتها وتريد تسوي عزايم ونفس الوكت سجاد يدز تقاعد صادق الله يرحمله وراتب الارامل هو اللي يركض بي خطيه ولا فد يوم اني رحت سجاد ولا فد يوم اني شفته ابد كله بيد زين ومن يندك الباب زين يفتحها هاي اني انطي القلم

لسجاد

اي نرجع الي المهم زوجتي توفت قبل خمس سنين تدمرت كانت مريضه بمرض قلبي لهذا مصار عدي طفل ثاني عمري 40سنه

تزوجت مره ثانيه وحده بت جوارينه بعدها صغيرها اوووف موتتني قهر بس تتعارك وي صبا تالي صبا اخذت هدومها وراحت بيت عمتها اللي تداوم بالمدرسه اللي هي مديره بيها

اليوم رجعت من الدوام دخلت للبيت ماكو ست الحسن طالعه اسمها تهاني

تهاني وينج ماكو جواب عرفت انه هي مو بالبيت

صعدت انام لان من التوتر اللي نشوفه بالرمادي مننام حسيت على واحد رافع سلاحي بوجهي فزيت مااعرفه

منو انت انت منو ليش تريد تكتلني شتريد مني اخذكل التريده بس لتكتلني اموت بالجبهه ولا اموت غدر لاول مره احس بخوف رجعت ليوره وهو ضرب اربع طلقات 3سمعتها وحسيت بيها ووحده غبت عن الوعي بيها كانت الطلقات كلها بجسمي

حسيت بالمستشفى وجانت اختي ونسيبي يم راسي تقره قران من فتحت عيني سكتت وفتحت عيونها كولها سجاد حسيت سجاد

سجاد- تبسمت شبيج جنج شفتي ميت وكعد هه اخخ اخ هاي شنوووو صفنت تذكرت باوعت لسجى اختي الجبيره سجى منو الشاب الضرب النار عليه

سجى- حمد الله عسلامتك حبيبي كوم هسه بعدين تتفتهم

عمر زوج سجى

عمر- حرك اطرافك حاس بيها

سجاد- حركتها باوعتله اي حاس بيها

عمر-الحمد لله بقت يمي سجى ونوبات تجي هناء اختي الصغيره شوي تروح جروحي ينرادلها مداراه الدكتور كال بالشهرين ميمشي ولازم تمارين وغذاء وكله تنضيف جروح بعد منشيل القطب

سجاد- يمعودين تهاني وين صار اسبوع من وكعت مجتي

مجتي ياهو الاسئله يصفن بوجهي

سجى- عمر تعال يمي خل نحجيله

سجاد- اسمع

عمر- شوف ابو صبا تهاني متعاونه وي شاب يكتلوك وهي والشاب لزموهم لان ولد جان جاي عليك وهو شافهم من دينهزمون وهي متحضره جانت تسافر ويا لحكهم بماطور وهم ميدرون بي وصلو لمنطقه وكفو يشترون شي من اسواق وخبر ابو السيطره عليهم جان قريبه السيطره ولزموهم وبعد الضغط اعترفو بكلشي العينتين عدها عشيق وتريد يكتلك وتنهزم ويا وره كم سنه ترجع والاملاك كلها الها على انه هي جانت فاقده الذاكره وراجعتلها بعد كم سنه بس الولد فضحهم شايف كلشي جان من سطح الهيكل اللي بصفك

سجاد- من رخصتكم عوفوني شوي ارتاح

سجى- ماعوفك سجاد باوع هي من اول مو راحه حتى على عمر تبصبص وكحه ماكو داعي تنقهر

سجاد- صدك تحجين سجى اني مو علمودها جنت حاسس من هججت صبا بس اني شايل هم من ارجع للمنطقه ويشوفوني يا باوع عذا خطيه خانته مرته شوووون حرجع لبيتي

سجى- اكعد بالمشتمل ومرت صديقك طلعها عاد ابنها كبر

سجاد- مستحيل ذكرتيني طيني التلفون هذا زين اللي خبر عنهم مو جنت داز عليه يجيني انطي راتب المرحوم اي هو عده ماطور خرب دجيبي التلفون هسه ماتو جوع صار اسبوعين بله راتب خرب ببليس خل اخابره

الو ها عمو شونك

شونك عمو حمد الله عسلامتك والله بالنا يمك

تعالي عمو اني بمستشفى الكاضميه التعليمي

ام الزين/ من سمعت من زيوني هيج صار وخبر عنهم قفلت الباب وخفت يطلع خاف ياذو واني اتسوك واني اطب واطلع متت خوف هو هذا الطلعت منه بهالدنيا خاف يترصدوله بس هو سبع مثل ابو ميخاف

زين- ما ما لازم اروح لعمو سجاد دز عليه

ام الزين- اني اجي وياك وكفته ماانساها كوم ويايه لبست وطلعت ويا وصلنا لغرفته فتت جسمه من كتفه وصدره وكليته كلها لفاف

سلمت

سجاد- اهلا منو حضرتج

ام الزين - الحمد لله على سلامتك اني ام الزين

سجاد - تبسمت يااهلا وسهلا طبعا كلش اعتذر تاخرت عليكم

ام الزين- يمعود دكوم بسلامه بعدين راتب ذاك الشهر مخلصان بعده والله زين مات قهر بس تعذرني اني حبيته والله خفت عليه كتله متروح للمستشفى

سجاد- زين تسوين بس هو بطل نقذني ابن ابو وينه هو وينه

ام الزين- هسه يجي تلاكه وي صديقه هم مريض مدعوم بالسياره خطيه هاي اجه

زين- حمد الله عسلامتك عمي بجيت متحملت من شفته بهالحاله اسف عمي مجيت شفتك باوعت لامي مخلتني قفلت الباب عليه مثل النسوان

سجاد- شفته يبجي متحملت اني هم بجيت لعد شكد يحبني والله الخلف ممات لك انت ابوك بعينه

زين- تربات ايدك عمو جنت كل متنزل يوم كامل تنطيني بي نصايح وتعلمني بسته من ايده سمعت صوت هلو باباتي السلام عليكم

سجاد- هلو صباوي حبيبي شونج ابتعد من حضني سجاد وكف يم امه

زين- عليكم السلام

صبا- اليوم الشفت عليه اني ابات يمك

سجاد- لا بابا المستشفى كلها اطباء شباب

ماكو تباتين يمي بعدين متعرفين شاريد وشماريد روحي بيت عمتج هسه عمتج تجي

صبا- بابا حبيبي عمه مريضه خطيه كلش وخافت لتنعدي منها وانت بعدك

ام الزين- اذا تريد اني وزين نبات هنا افضالك مانساها

زين- اساسا اني ماعوف عمي بعد ابقى هنا شتسوين سوي

صبا-باوعتله هذا منو الاشكر ودرت وجهي

زين- باوعتلها هاي صبا بته ولا مره شايفها بس يحجيلي عنها بس مكلي هيج حلوه درت وجهي عيب عليه راعي لكمتنا هيج اسوي اباوع على بنته نزلت عيني

سجاد- اول مره اشوفها بس خطيه بعدها صغيره توقعتها بكده يمكن اخذها صغيره استغفر الله وينك صادق جان هسه معفتني دقيقه بداخلي

ام زين- شاورت زين ماما اذا بقيت اني هم ابقى ماابات وحدي

زين- اي ابقي ماما عادي

ام الزين- خوش ماشي ميصير اعوفه اني هم مثل اخته معافني بوكت حتى اخوتي عافوني

سجاد- بديت اتالم يمكن فك مفعول الدوه زيوني صيح الدكتور محسن موجود بالردهه

زين- اي عمو صار

ام الزين- ضليت صافنه جسمه كله ملفلف يمكن هواي متاذي

صبا- بابا شنو يوجعك

سجاد- بابا ضلعي وحده من الرصاصات صايره بالضلع

صبا- خطيه بابا شكد تاذى بحياته من ماتت ماما ومن اخذ هاي الحقيره وتاليها هسه اتصوب الله لا ينطيهم دمعت عيني وره شوي جتي عمه سجى هلو عمه

سجى- هلو عماتي ها سجاد شونك ها العفو السلام عليكم منو حضرتج قطبت حاجبي

سجاد- ارمله المرحوم صادق

سجى- هه واخيرا شفناج ياهلا ومرحبا

ام الزين- اهلا بيج

سجى- اليوم مابات يمك حاخذ صبا وارجع عدي دوام صار اسبوعين غايبه وتره هناء سافرت عدها ايفاد شهر وترجع

سجاد- اليوم زيوني يبقى يمي اخذي صبا وياج

ام الزين- اني ابقى وي زين ليضل بالج

سجى- باوعتلها ودرت وجهي على سجاد قاطبه حاجبي شون يصير

ام الزين- ابو صبا اخ عزيز ولا فد يوم تركنا مستحيل اتركه بمحنته وابني ماعوفه وحده

سجاد- اصيله ام الزين رحمه الله والديج ان شاء الله كلها اسبوع وارجع للبيت

دكتورمحسن- ها يا بطل شونك

سجاد- دكتور ضلعي دمرني

الدكتور- ابو صبا مزين هلكد مهدئات ننطيك وهذا يضل ياذي لحد ميطيب هسه انطيك مسكن بس اخر مره

سجاد- وعدي العفو الادرار ياذي كلش همست

الدكتور- اذا ضل هيج احتمال نشيل الكله لان متضرره كلش اثر الرصاصه

سجاد-زين شون بعدين

الدكتور- عادي تعيش بكله وحده نص الكرةالارضيه بتك كله بس بقه شغله تره حتضل شهرين على الكرسي لان ضلعك متكدر تمشي ارتكاز العمود الفقري عليه

سجاد- لا بربك دكتور صدك تحجي

الدكتور- احمد ربك انك عايش خليت ايدي على كتف زين لو ماهالبطل جان ملحكنالك

سجاد- ابتسمت بالم شون حكضيها يربي ساعدني راحت سجى وبقى زيون يمي هو وامه خطيه مقصرت كلسا رايحه جايبه لو فاكهه وعصرتلي لو شوربه ونطته لزين يوكلني

مقصرت والالم ياكل بيه

ام الزين بقت كلسا تقره قران بهمس لو تسبح اني ضايع افكر بهاي الحقيره لازم انقل من هذا الفوج مخازي وارجع اعيش بالمشتمل بالكاضميه وانطي البيت لام الزين اووف مو مال اواجه المنطقه زين هالفتره وين حروح منو حيداريني خطيه سجى مديره يله اخليها تاخذ اجازه شسوي شحيكضي الاشهر

ام الزين- بهل العشر سنين ابد معافني هو الوحيد لا اخوه سالو شتاخذ متاخذ بس يجون يتداينون النوبه من عرفو عدي راتب وعمومع زين هم كاعدين بيت ابوهم جد زين 3وماعدهم بنات ومينطون حصت ابنهم المتوفي ميفكرون شناكل مناكل ابد ماريد اتذكر كلشي بس ابوصبا معافنا الله ينطيه العافيه

مشت الايام وصار اسبوع زين يبات يم سجاد ومره عمر رجل سجى اني رجعت للبيت مااكدر ابقى بالمستشفى مترهم غريبه بس اني كمت اركب وادز الاكل طبعا كله شوربات

وللاسف اليوم مريت للمستشفى وعرفت انه عمر زوج سجى مريض بورم براسه انسان جدا خلوق هواي سوالي معاملات لان هو معقب خطيه وطلعلي بجنسيه زيوني متت قهر خطيه زوجته كلش متاذايه وسجاد وبته بقو كلسا يبجون المهم حيسافرون لبنان يسوون عمليه ويبقون لان علاج وره العمليه

دكتورمحسن- انت اليوم كملت 3اسابيع بالمستشفى تكدر تروح للبيت بس تبقى هذا الظلع والاماكن مال رصاص تبديل ضمادات يومي زيوني تعلمت مو

زين - اي دكتور تعلمت لتخاف

الدكتور- سبع اني متاكد انت تدخل طب لان الك واهس

ام الزين- الله يسمع منك دكتور

سجاد- صافن وين حروح اخليلي ممرضه بالبيت شون اني راتبي هسه نصه لان مداداوم وسجىً باجر تروح صبا متعرف شون يربي قابل ابيت زين وي صبا لان صبا ماالها غير مكان لو صبا لو هناء وهناء ايفاد يارب حلها من يمك اذا طاح الكوي كثرت سجاجينه عمر بس لا تعوفنا انت العزيز وره وصادق يارب شافي وعافي

زين- عمو شبيك صافن

سجاد- عمو ماادري شسوي وين حروح

ام الزين- خلف الله عليك ابو صبا هو هذا هم حجي انت اخويه واخليك على راسي اصلا قبل لا اجي حضرت سرير بالهول حتى ترتاح وفرشت لزيوني يمك وحضرت مكان لصباوي باوعت لصبا العيونعا مدمعه

صبا- بابا عمو خاف يموت

سجاد- لا حبيبتي ادعيله الله يشفيه

صبا- خطيه عمه سجى

زين- شسوي الحمد لله على كل حال باوعتلها جانت مدمعه ومبرطمه خطيه هاي

صرح الدكتور بالطلعه واخذنا بالكرسي للمشتمل ودخلنا للهول على سريره كدامه تلفزيون هو قبل سنتين جايبه

وامي خلت غراض صبا بغرفتها وفرشتلها يمها

اني العب حديد من سنه وعدي مخده ركليه مال بوكسات معلكها بغرفتي اتمرن عليها بشكل يومي

صبا- احلى شي المدرسه قريبه عالمشتمل بس كلش مستغربه من عدهم يله المهم بابا موجود باجر عدي دوام

ام الزين- ابو صبا اني هنا بالمطبخ اي شي تريد بس تصيح اسمعك

سجاد- خجلان منج والله

ام الزين- عفيه لتكول هيج لو صادق عايش جان معافك

رحت سويت غده

صبا- خاله اساعدج

ام الزين- باوعتها ابتسم تعاي تدرين جنت اتمنى تصير عدي بنوته مثلج

صبا- الله يعوضج بزين خاله

ام زين- انشاء الله يله تعاي تعرفين تسوين زلاطه

صبا- اي خاله اعرف سويت وحضرت الميز وصبت خاله الاكل يشهي عمتي مو ضفه ومتلحك اكثر اكلنا من جنت عدهم لفات او من بره كملنا تحضير وكعد زين يم بابا صراحه اني اغار على بابا من عده تغدينا بس بابا دياكل بصعوبه

زين- عمو اني اوكلك هسه

صبا- لا باوعته بعصبيه اني اوكل بابا شفته رجع ليوره ضاج اخذت الماعون ووكلته لحد ماشبع

ورجعت كملت اكلي باجر عدنا دوام انتهت العطله الربيعيه

حضرت نفسي بالليل خاله وين انام

هنا يمي فارشتلج

شكرا خاله

صباوي عمتج عدها جهال

اي هاله عدها 3 بنيه وولد ثنين البنيه ويايه بالمدرسه

زين خطيه هسه منو حيداريهم

راحو بيت جدهم خاله

خوش يعني عايشين جدهم وبيبيتهم

اي خاله يله تصبحين على خير

ام الزين- ثاني يوم كعدت الصبح فتت للهول زين كالعاده مكشف غطيته وبو صبا هم مكشف توني دااجر الغطا اغطي فز لزم ايدي فتح عينه كولها خازرني

اهدا ابو صبا اني ام الزين دااغطيك

ها العفو احمم درت وجهي ونمت كمت افز بليل واحس احد راح يكتلني

ام الزين - خطيه هذا الله يساعده

كعدو الجهال وبدلو وتريكو سوه عالميز

زين- شون حلوه بهدوم المدرسه الله يسترعليها

انتي بمدرسه الكاضميه اللي بصف المغيسل مو

صبا- رفعت عيني باوعتله اي ودرت وجهي اضوج منه لا ن يتقرب من بابا وحاسبه ابوه اضوج

زين- احسها تكرهني بس لازم ادير بالي عليها

ام الزين- ماما زين دير بالك على صباوي مثل اختك وصلها يله تروح لمدرستك

زين- باوعتلها لصبا اي يوم صار يله كملنه

صبا- اني اروح عادي

زين- اي انتي روحي اني بس امشي وراج

صبا- خوش باوعتله ودرت وجهي مشيت وهو ورايه

زين- انني شاطره

صبا- اي كلش

زين- شتريدين تصيرين

صبا- صيدلانيه باوعتله وانت

زين- طيار ابتسمت وفاتت طياره من فوكانا باوعتلي ضحكت

صبا- يله بيباي روح لمدرستك

زين- باي اجيج بالوحده لتطلعين

صبا- ماشي

ام الزين - كعد ابو صبا رفع راسه التفت سجاد-عالمطبخ صباح الخير طلعو الجهال

- اي راحو الله وياهم تتريك

- اي والله ولو حتعبج

- لا خوي تعبك راحه ياما وياما تعبتله وركضت

- تستاهلون ام زين

- تريكنا اني ويا وماباوع بوجهه مستغربه صار عشر سنين وحدي وهسه وياي غريب ورجال هم بس لازم اوكفله خطيه منو الة

- سجاد- فشلان كلش واحس روحي كلش ثكيل مره ارمله ووحدي وياها بس شسوي مادري شخبار عمر بالي يمه هسه اخابرهم بليل

- ام الزين- كملتا الريوك وباوعت لضماده تره ضمادك لازم نبدله واني علمني زين لان من ييبس ياذيك

- سجاد- اني هسه ابدله

- لا خوي متكدر

- اذا مكدرت اصيحج حاولت صدك مكدرت فاتت للمطبخ باوعتلها بتوسل ولو حتعبج

- لا عادي اخويه انت تقربت من وخرت الضماد القديم نزعته بين جسمه هو ماشاء الله ضهره عريض وعضلات خجلت من روحي لان داباوعه بس مو بيدي انغريت بجسمه كوه بعدت نضري كملت لف الضماد وشديته صارت عيني بعينه بلعت ريك نصيت كبل

سجاد- ليش هيج حسيت عيونها تباوعلي غير نضره استغفر الله ماريد اضلمها ولاريد اباوعلها بانجذاب لااله الا الله الله ينعلك ياشيطان

راحت للمطبخ

ماكو بعد جاي

اي اكو هسه اصبلك

ممنون شربت الجاي واتفرج اجاني اتصال انه تهاني كتلوها عشيرتها تنهدت الله يرحمها ويغفر الها حيل تاذيت من سوت هيج

بس شسوي اني ضابط وكلشي شفت بحياتي

ام الزين- سلامتك ابو صبا بيك شي

سجاد- تهاني ماتت

ام الزين- الله يغفرلها

سجاد- مممم باوعتها ام زيوني انشاء الله باجر الراتب مالتي استلمه وخلي بيدج للبيت المصروف اني هالشهر يمكم واني وصبا مصروفنا هواي

ام الزين- والله خويه البارحه زين استلم الراتب ومكفيه اني من احتاج اكولك

سجاد- ميخالف شوي وسمعنا صوت الباب تندك

ركضت ام الزين منوو

اني خاله

صبا شجابج ب10

خاله تعاركت وي طالبه وفصلوني

شنو ليش بله انتي عاقله

خاله تكولي ممتربايه ابوج اخذ وحده موزينه وامج ماتت وعافتج خلتني اكتلها

اوكفي هنا خل البس ابو صبا شوي وجاييتك مااتاخر امشي يمه

خاله شحتسوين

والله لا اكلب المدرسه عاليها واطيها ولا احد يكربلج

ضليت صافنه على عصبيتها وشون تخبلت من سمعت بيه مفصوله

طبيت للمديره بقيت صبا بره وسديت الباب

ست منى احنا تعبانين النوبه تجي وحده تعيرها تره ابوها ضابط والفضيحه حبيره والبنيه منهاره من وفاة امها النوبه تجي بنيه هيج تكوللها

منى- حبيبتي تهجمت عليها

ام رين- نفسيتها متدمره البنيه شنو تخلين وحده هيج تحاجيها تدرين بيها تربايه ست سجى وكلش متفوقه بس البنيه استفزتها دزي عالبنيه احاجيها

ماما حبيبتي انتو خوات صبا ماعدها اخت تدرين الليل كله تبجي لان محتاجه لامها تخيلي نفسج بدون ام تكدرين تعيشين والنوبه ابوها حالته خطره

اسفه خاله طلعت على صبا حضنتها وتبوس بيها اسفه صبا غلطت اسفه سامحيني

صبا- عفيه بعد لتسويها حرجتيني وي البنات

لا والله ماسويها بعد امشي اعتذر منج كدامهم

ام الزين-درت وجهي داارجع سمعت صوت

خاله

التفتت هايمه صبا ليش رجعتي

حضنتني قوي صبا- شكرا خاله ولا مره واحد هيج سوه عمتي جانت دائما تكولي اعتذري واني ادوس على عزه نفسي ىاعتذر بجيت متحملت

ام الزين-حبيبتي اكو مواقف لازم تعتذرين واكو لازم نخليلها حد روحي صفج ينتضرج ماعاش اللي ينزل دمعه منج وابوج خيره مغركني

صبا- جنت طايره واحد اخذ حقي ملاك نزلت من السما حسيتها رفعت راسي ماما حبيبتي انتي الدزيتها الي مو ماما مشتاقتلج

ام الزين- رجعت للبيت وصاحني ابو صبا

سجاد- شكو شنو السالفه

ام الزين- هيج سوالف نسوان وكلمن عرف غلطه

سجاد- غير افهم سحبت الباكيت

ام الزين- ابو صبا التدخين مو زين لان اذا كحيت ضلعك حيهيج عليك

سجاد- سديت الباكيت وهي راسن جرته وضمته

خرب تالي وكتي تتحكم مره بيه سكتت خجلان

اي وتالي شصار

ام الزين- هيج تعاركن بنات وصالحتهن تاكل كيك وجاي

سجاد- كيفج

ام الزين- قدمتله ورحت على شغلي وره شوي سمعته ديريد يفوت للحمام وديريد يكعد عالكرسي المتحرك

تقربت لزمت الكرسي بس ضلعه مديكدر يكوم

سجاد- باوعتلها اخجل احجي شون شسوي يربي ساعدني لا عدي اخ اتكل عليها ولا بقى صديق بجيت متحملت

ام الزين- سلامتك ابو صبا يوجعك شي

سجاد- استغفر الله ربي واتوب اليك

ام الزين- اني موجوده قربت الكرسي وتعاونت ويا خله ايده على كتفي شوي شوي وكعد عالكرسي فات للحمام باوعلي متشكر ونصه خطيه عيونه حمر من البجي

سجاد- فتت للحمام وره شوي طلعت باوعتلها مشكو ام الزين تعبتج وانتي تعبانه

ام الزين- خويه ليش تعبتني نسيت الوكفه بالشمس من تنزل والمسواك التجيبه كل متنزل شانسه داانسى وشي ثاني بعدني بحيلي

سجاد- اصيله باوعت بعينها والله صادق عرف يختار تنهدت الله يرحمه

ام الزين- لو موجود جان معافك

سجاد- اعرف الله يرحمه تنهدت

ام الزين رحت اكمل شغلي وركبت ورحت اخبز

ابو صبا نص ساعه ونازله محتاج شي

سجاد- لا سلامتج وين رايحه قطبت حاجبي

ام الزين- عدي خبز

سجاد- الله يساعدج ممحتاج شي اني اخذي راحتج

زين- طلعت ناجح ومعدلي 98بعد ميندري بالبكلوريا شكد حطلع مريت لصبا جانت توها دتطلع

صبا تعاي ويايه

صبا- عبالي نسيتني

زين لا منييت باوعت بوجهه هاي شبي وجه قطبت حاجبي

صبا- مبي شي

زين- شنو مبي مشخط من مد ايده عليج نترت بيها

صبا- بنيه وخاله اخذت حقي ابتسمت ههه

زين- امي مو ضحكت شاطره بهالسوالف شطلعتي

صبا- ناجحه معدلي 80

زين- اني98

صبا- طبعا اذا حتى بالحمام تقره

زين- اريد ادخل طب

صبا - الله يوفقك وصلنا

هلو خاله هلو بابا

سجاد- هله بالعراكه

صبا- باوعت لخاله بابا هي التجاوزت

ام الزين- اي صح هي التجاوزت لان اعتذرت

صبا- خاله ريحه الخبز طيبه جوعانه

زين- هايوم بست ايدها وراسها الله يساعدج

امي- هله يمه حبيبي

زين- ها عمي شونك بسته من راسه

صبا- تقربت من بابا بسته ودفعت زين شوي

زين- يوو هاي تغار على ابوها انسحبت من دون ميحس عمو

زين- عمي محتاج تفوت للحمام من الصبح مفتت

سجاد- لا عمي فتت تسلم

زين- شوكت كدرت تضغط وضلعك

سجاد- اااااااا امك ساعدتني

زين- باوعت لامي خزرتها

ان الزين- ادري بي ميقبل ويغار عليه بس شسوي اخليه يبجي فات للغرفه زعل همزين منتبه ابو صبا رحت يمه

يمه خطيه راد يفوت للحمام كام يبجي من حس روحه لاحول ولا قوه

زين- يمه شون ساعدتي حضنج وخلى جسمه عالكرسي

امي- يمه هذا شايفني اخته

زين- جاوبي يوووم

امي -اي خله ايده على كتفي وكعد عالكرسي وفات وحده

زين- حسيت نفسي راح اموت يوم روحي ممكن تطلعين كدامي المخده مال بوكس بالنص ساعه عليها اضرب بيها بوكسات طلعت ناري لازم هيج تسوي قابل تعوفه يلوب

صبا- سمعت صوت ضرب بالغرفه مالته باوعت لامه اشرتلي انه الوضع طبيعي

خاله شبي ديضرب

ام زين- خاله ديتمرن هو كل يوم يتمرن

صبا- ها

سجاد- زين تعال تغده شو زيوني فات

ام زين- هو اول ميجي ميتغده بعدين ينام ويكعد يله يتغده تفضلو اكلو انتو

سجاد- زين تعاي اكلي ويانه بس صبا تاكل واني

ام زين- ها اي جيت كعدت

سجاد-مم عاشت ايدج

الف عافيه

مر اسبوع على بقيته يمي وكلش عادي اداري والجهال سوه يرحون ويجي ماكو اي شي صار

غريب كام زين قبل ليروح الدوام يودي للحمام

ويبقى ينتضره لحد ميجي من الدوام يله يرجع يفوت عرف انه جان مقابل اني اسنده واودي احترم هالشي من دون ميحجي

حبيت صبا كلش وبدت شوي شوي تتعلق بيه

صبا- خاله عفيه بطني توجعني

ام زين- يمه شبيج منين توجعج

صبا- خاله منا

ام زين- ها هاي موعدها تعاي افورلج شويه ورد ماوي هسه راسن تطيب

صبا- شمدريج موعدها شربت الورد الماوي سبحان الله مثل السحر نمت مرتاحه بدون الم وكلسا احس عليها تغطيني

شكد حبابه بس زين اضوج منه كلش لاطش ببابا يغسله ويبدله واني اغار ونفس الوكت ميصير لان هو رجال مثله

زين- ياه صبا خلنروح تاخررنا

سجاد- حسيت على صياحهم راحو وسدو الباب بعدها حسيت ام الزين غطتي سويت روحي نايم

تلمست كصتي عبالها مصخن لمست ايدها استغفر الله مااعرف ليش عيج افكر نعله الله عالشيطان

ام الزين- طولت نومته خاف بي شي ابو صبا همست

سجاد- فتحت عيني وايدها على كصتي

نعم باوعتلها عيونها قلقه بيك شي همست

ام الزين- ضل بالي تكدر تكعد لازم اغير الضماد البارحه مغيرتهرخاف يلزك منا البارحه صار نزيف

سجاد- كمت اخاف تقترب مني اخاف اتاثر بقربها لا عوفي

ام الزين- والله يلزك اني اخاف جرحك يلتهب عدل كعدته

سجاد- اوك يله حيبي بس اني اغيرها

ام الزين - متكدر هسه اني اختك ليش تتصرف هيج بعد مااقبل منك اي مساعده ولا هديه

سجاد- لا ام الزين لتكولين هيج تعاي بدلي انتي

ام الرين - جبت الضماد نزعت الفانيلا باوعت بعينه يباوعني مااعرف شون يباوع خله كلبي يدك سريع مسحتله مكان الجرح جان يراقبلي من اتكات على كتفه العاري حتى انضف الجرح غمض عينه ابتعدت عنه عرفت انه ديتاثر بلمستي ابتعدت عنه فتح عينه خلاها بعيني عرف بيه حسيت بي نصت راسه مو كتلج اني اسوي

ام الزين- بعده ضلعك همست

سجاد- بس ساعديني بالشد وهاهي بقيت منصي عيني كلش فشلان منها

افترت داير مدايري تشد الضماد ريحتها دمرتني يعني اني فلا استحي ليش هالاحساس

سحبت منها الضماد ربطته شون مجان

اخذت التلفون اتصلت بسجى

الو ها سجى شونج

شخبار عمر تره كلبي مثل النار لااا بربج يله ميخالف كولي يالله اصبري

ام الزين- بشر شونه استاذ عمر

سجاد- العمليه نجحت بس منشال ميه بالميه لازم كيمياوي اووف وين حانت مضمومه

ام الزين- ابو صبا صاعده عالخبز متحتاج شي

سجاد- اريد امشي طكت روحي صار اسبوعين كاعد

ام الرين- الله يسهل اندعي بس يطيب ضلعك الدكتور كال يكدر يحرك عاموده الفقري

سجاد/ اشكرج ام زين نصيت عيني احس روحي عاجز

ام الزين-تتدلل ابو صبا همست ورحت للمطبخ ساعه واجه اخويه اندكت الباب

منو

اني مهدي فتحي

ااا جيت هسه طلعت ودخل مهدي تفاجا من شاف سجاد قطب حاجبه منو حضرتك

سجاد- نصيت هذا الجنت خايف منه

ثواني واجه زين ها خالي شونك شون صرت عمو سجاد

سجاد- زين عمي زين داانتضرك تفوتني للحمام

زين- يله عمو امشي

مهدي- خاتون شنو هالمهزله

ام الزين- ردت شي مهدي

شنو هالرجال الغريب بالبيت وياج

اولا معاق دتشوفه ثانيا مو وحدي ابني يداوي ثالثا هو الوحيد الوحيد معافني وماعده احد يداري

مهدي- خو يخلون ممرضه ويفضوها

ام الرين- ميريد يروح لذاك بيته يفشل من الناس وميريد يطلعني من المشتمل مثل ماطلعوني اخوتي من بيت ابويه عفته ورحت

مهدي- خوش لعد اليوم اجيب اخوتي واجي اريد اشوف شون يبقى لازم مكيفه عالوضع عفتها وطلعت

ام الزين- شون يربي زين تعال ماما حجيت كلشي لزين

هو خالي شعلي ايام نايمين بله عشا لا سال ولا كالو هسه حيصير براسي رجال

عيب ماما خالك زين شسوي كللي

زين-حسال عمو

عمو هيج ىهي السالفه

سجاد- عمي اني اروح احسنلي

زين- عمو اني ماعوفك

شون تعوف امك وحدها واريد اخلي صبا يمك امانه

زين - عمو مااعرف شسوي نجيب ممرضه

سجاد- الممرضه تريد 1000دولار بالشهر واني راتبي كله 800اني اكدر اعتمد بس هسه لو امشي

زين- صفنت لازم يبقى يمنا ميصير ببحده وامكانيته ضعيفه وخواته ملتهين بس عمه سجى وخطيه ملتهيه بعمو عمر

عمو عدي حل الك وحتى تبقى يم ماما واني ماعوف دوامي وصبا يمنا تنهدت باوعت لماما ادري بيكم مراح تطيعوني بس ماكو غير هالحل

سجاد- اني مااكدر اروح لذاك البيت عمي الطرف كله عرف مااتحمل عيونهم

زين- لاعمو موهيج

ام الزين- ولا اني اكدر اعوف عذازالبيت قريب عن مدرستك ومدرسه صبا والجواين تعرفني هناك احس روحي غريبه باوعت لسجاد الله يخليك لتطلعنا من المشتمل

سجاد- اطلع وااجر بيت ولا اطلعكم منه بس زين يجي ويايه واخاف على دراسته تنهدت الله ينتقم منج تهاني سكطتيني هسه شحنسوي

زين- عمو داكولكم عدي الحل

سجاد _شنو عمي اسمع

زين- تعقد على امي باوعت لامي اني واثق بيكم مراح تطعنوني حيكون زواج عالورق حتى محد يكدر يحجي من العالم عمي انت معفتنا مااعوفك لحد ماموت

سجاد- صفنت فتحت حلكي اخجل اباوع بوجه امه وبوجهه احس روحي عاله تعبت اني الضخم اللي تخاف مني المجرمين والقتله اضل حاير بروحي صدك لو طاح الكوي كثرت سجاجينه

زين- عمي لتصفن يوم هذا زواج شكلي

ام الزين- عفتهم ورحت للغرفه اباوع على صوره صادق بجيت شون اخونك واني وفيت وياك 10سنين ومباوعت لغيرك ابد بس تدري هذا اخيك وعمره مقصر لا وياي ولا ويه ابنك ميصير اعوفه بمحنته بوكت حتى خواته مو وياه تنهدت دخل زين

زين- يوم بس عالورق انتي ربيتيني عالوفاء شون ترديني اعوفه وهو اا فد يوم عافني جان اول مينزل ركض يخابرني ويجي ومن نجحت جابلي ماطور هديه من غير المسواك الاسبوعي

شون تردين نعوفه

ام الزين- هاهي يمه روح اخذ رايه ومجرد انه يوكف نتطلك

زين- اي يوم طبعا عمي شكلت

سجاد- زين بابا امك اختي شون اعقد على اختي هاي مرت صادق

زين- عمو هذا شكلي وبي توكف تتطلكون بس حتى من عمومتي خوالي الناس تحجي عدنا عقد

سجاد- امك شكالت

زين- تكول ماعدي مانع اذا شكلي وره متطيب نتطلك ً

سجاد- ضليت صافن ماشي عمي نعقد

زين- عمو يصير شيخ يعقد مو سيد هذا واحد هنا جامع

سجاد- اي يصير دز عليه عقدت عليها وكلبي معصور احس روحي خنت صادق

ام الزين- كمت سويتها عادي لان هو شكلي ليش كتلت روحي طلعت سويت العشا ولل9اندكت الباب فاتو اخوتي وبده المصايح زين فدوه لكلبه صاير رجال ودافعلي

صبا- رجعت من المدرسه وحدي لان زين مجان مداوم اليوم وشفت البيت مخبوص خاله مو على بعضها وبابا بس يصفن جنت تعبانه كلش رحت نمت بغرفه خاله كعدت

اكيد كام ينتبه عليه اني شديصير بيه نسيت صادق كعدت يارب انت تعرف بداخل كلبي شكو اني هم صغيره واحب اتنعم بشبابي خسرت انسان اخذ كلبي وراح يجوز الله عوضني بسجاد اني صدك دااحجي يعني داافكر بسجاد ليش لعد شبي ومتعبتي من الوحده باجر زين يتزوج وابقه وحدي واني بعدني صغيره وسجاد ماكو منه ورده ذهب صافي وعمره معافنا خليها للوكت هو كفيل يداوي جروحنا

سجاد- سوسن همست

نعم

ليش كاعده وحدج بالمطبخ تعاي بالهول اذا ماعدج شي طكت مرارتي وحدي

جيت باوعتله اي كعدت كدامه شون صارت قسمتك وي المصيبه

اووف خطبتها اختي كلتلي صغيره وحلوه وخوش ناس اهلها بس هي شسويلها بعد حتى جنت من اقربلها احسها مو يمي سكتت اباوعلها لو ادري فلا اتزوج هججت بتي لبيت عمتها وابد مرتاحت سجى نوعا ما عدها قساوه مديره بعد معرفت تتعامل وياها هنا يمج احسها كلش مرتاحه

- والله احبها كلش جنت اتمنى يصير عدي بنيه بس الله مراد

- الحمد لله هسه من وحدها تفهم ادري بيها ضوجتج البارحه بس مصيرها تفهم باوعت بعينها تخبل الكه بيها الوفاء هي للميت وفت مراح توفي للحي رجعت افكر بيها كزوجه نزلت عيني خليهاعلى الله بداخلي اني حنام كتلها

- اي اخذ راحتك بس ليش تنام خو مبيك شي

- نعسان البارحه منمت زين

- يله حعوفك واروح لشغلي طلعت من الهول وكعدت اشتغل لل11كملت شغلي فتت الملم الهول تقربت اغطي واعدل المخده علمود ضهره لا ن انعوجت بس حركت المخده فز ولزمني من زندي واني اصلا جنت قريبه من دااعدل المخده لزمني وبقه صافن بعيني شويه يله استوعب الموقف رجع يحلم بذاك اليوم واي احد ينقرب منه وهو نايم عباله ديكتله باوعت بعينه هداته اني سوسن لتخاف اهدا ربتت على ايده اللزم بيها زندي شوي شوي خفف لزمته تنهد وخله ايده على راسه

- سجاد- اعتذر والله كلما انام اشوفه باحلامي مو خوف ولا شي بس الموقف هزني حيل

- سوسن- حقك مو سهل الشفته دااطلع من الهول صاحني نعم

- سجاد- عادي اكعد يمج بالمطبخ تنهدت احتصرت هنا كلش

- سوسن- تعال شكو بيها بس اصبر مبقه شي

- سجاد- مالي غير الصبر كشرتلي برتقاله ونطتنياها مشكور باوعت بعينها

- سوسن- سجاد همست

- باوع بعيني نعم

- البارحه زين صدمني برجولته شفته شون طلع لخواله ومقبل احد يعلي صوته وطردهم

- سجاد- اي حبيبي كبران وصاير رجال ذاك اليوم جان بالرابع مكيف ببايسكله الجديد

- سوسن- تربايه ايدك هذا

- سجاد/ عدي سياره بالموقف مال شرطه اريد اجيبها واعلمه عليها بس بعد وكت خلي يتخرج من السادس

- سوسن- شكو بيها اني صاعده عالخبز

- سجاد- شكلنا باوعتلها نضره عتب

- سوسن- هاهي بعد مااخبز للعالم هاي النا زيوني يحب الخبز مالتي باوعتله ابتسم

- سجاد- اني هم احبه ابتسمت واتامل عيونها تنهدت شوكت تنزلين

- سوسن- ماطول نص ساعه كلها 20خبزه

- سجاد- سوي وحده ام السمسم والشكر

- سوسن - تدلل همست وابتسمت

- سجاد- تموتني من تنصي صوتها وتباوع بعيني وتبتسم صعدت واتصلت بسجى حاله عمر مزينه جانت ميته بجي وقهر كلش تاذيت علمودها خطيه شون حتكدر على فراكه هذا المرض ميرحم الحمد لله على كل حال بقيت اتفرج على شكل المشتمل تذكرت من جننا اني وصادق بنينا ايد بايد معافني سبحان الله جان كلبه يعلم انه عائلته حتسكن بنفس البيت الله يرحمه

- سوسن-ها وين صافن وهاي الخبزه هسه اصبلك جاي وياها

- سجاد- اويلي يامحمد هاي شنوو خرب جيبي الجاي عيني عاشت ايدج ايباه طبعا ماكله شي يرجعج للماضي بمجرد تشمين ريحته اني اول مااكل الخبز مالتج اتذكر نفسي من جنت صغير وامي من تنزل من السطح ووياها الخبز نفس الطعم والريحه

- سوسن- صح بس النفسيه تغيرت تنهدت ماضل اخلاص ولا امانه بين الناس والناس تنسى حتى اخوتها

- سجاد- موجود الوفاء والاخلاص والامانه كلها عدكم ابتسمت اني محاس بهيج راحه قبل مامن حيل بس حسيت اني ثكيل عليكم هالراحه ممرتاحه بس وي المرحومه

- سوسن- لتكول ثكيل زين طاير بيك واني هم حاسه الجو شكو تغير من جيت انت وصبا ترحم للمرحومه جنت تحبها

- سجاد- وصال جانت تموت عليه بس للاسف اني مقدرتها جنت بعدني شاب مكسرات وي الضباط وسوالف وارجعلها تالي الليل تتعارك ويايه 5سنين شلعت كلبها لحد مافد يوم الطبيب كلي اذا شربت بعد تموت الكبد ماتك منتهي عفت الشرب وعفت الضباط الموزينين وتفرغت الها ولصبا عيشتها احلى ايام عوضتها سفر وونسه جانت دائما تكولي توني تزوجت مو من خمس سنين من تمرضت انتهيت مرضها جان بالقلب واخوها من توفى هي بعد تعلعلت من مرض لمرض لحد ماصارت سكته قلبيه كلش تدمرت وراها بس التهيت بالعمل كمت اخذ شكو خفر مال جماعتي واخليهم ينزلون لزوجاتهم خطيه كمت اكضي شهر مشايف صبا ولا اهلي وصبا لو تبقى بيت خالتها لو عماتها لحد مافد يوم نزلت شفتها صبا لكيتها معضوضه من زندها تخبلت كالت دنلعب اني وابن خالتي وعضني اخذتها بيت سجى هو مو احسن من بيت خالتها بس ارحم وكمت كل عشر ايام انزل علمودها وراها تزوجت وهي رجعت راحت بيت عمتها وهم من انزل اتفرغلها الها يوم ولزين يوم حجيت هواي عههههه

- سوسن- يمعود جنت اكعد ساعات وحدي يله نبدل الضماد هي هاي اخر ايام بعد حتخلص من اللفاف مال ضلعك

- سجاد - يله شسوي جيبي اللفاف الثاني نزعت الفانيلا وبدت تشيل الضماد كمت ماباوع عليها لان عيوني تفضح تمسح بالجرح متكاه على كتفي اني من تلمسني مااعرف شيصير بيه

- سوسن- كمت ارتبك من اشوف جسمه ضهره وصدره واشوفه يكزبر او يكش جلده بلمستي ويغمض عينه كمت ماابتعد اكمل براحتي شغلي والف اللفاف بس هالمره صرت قريبه منه مستسلم فاتح عينه ذايب بقربي من دااربطداللفاف بصفحه الكله تسارع نفسه --دياذيك

- سجاد- لا همست باوعتلها متاثر بيها كلش من تتقرب مني كملت ولبستني الفانيلا تباوع بعيني هالمره تقصدت واني متاكد بقيت عيني بعينها وهي تنزل الفانيلا شكرا همست وبلعت ريك

- سوسن- من شكرني صحاني رحت بعالم وردي عيونه ذوبتني اني موحرام عليه هذا زوجي صار اني شو فد مره صرت متاثره بيه اووو خليني اعيش يومين ويروح ضجت من صراع ذاتي وي ضميري درت وجهي ورحت للسنك

- صبا/ اهوو هذا وين صار طلعت من المدرسه وعفته شفته بالشارع ملتهمين عليه ديضربوً وهو موتتهم كتل بس واحد جاب واير وكام يضرب على ضهر وهو كام يصيح من سمعته يصيح تخبلت كمت اصيح ولميت العالم انهزمو الولد وهو كوه وكف يمشي ميباوع بوجهي وجهه كلشي مبي لان هو كلش طويل بس جماعته كصار من يضربون يوصلون لجسمه بس والله شبعهم بسط وهو واحد وهم 5 امشي ويمشي ورايه بصعوبه خطيه ميباوع بوجهي صاير نار وصلت داافوت لزمني من ايدي اذا حجيت اموتج بيدي

- صبا-لا والله مااحجي كلشي

- فتنا للبيت وتغديت وي خاله وبابا وكعدت يم بابا هواي هالمره شبعت بس هو فات للغرفه بعد مطلع ضل بالي عليه خطيه

- سجاد _زين وين

- سوسن- فات لغرفته يمكن تعبان اني حروح ببيت جوارينه عدهم عزه اخذ من خاطرها واجي

- سجاد- ااي براحتج باوعت بعينها وراحت

- صبا بابا اني حنام هاي الحبوب تسطر غطيني

- صبا- اي بابا غطيته ورحت لغرفه خاله اقره وبالي يمه بعدين رحت لغرفته ماحملت ضل بالي اخذت حليب دافي ويايه دكيت الباب

- زين- منو كلتها بتعب

- صبا- اني هاك هذا الحليب

- زين- روحي ماريد

- صبا- زين همست حباب افتحلي بس داحاجيك

- زين- فتحت داشوف شتريد هاا

- صبا- بس خل احاجيك حباب والله هسه اطلع

- زين- فوتي

- صبا- جان ملابس شي بس بجامه ضهره مشكك ركض عالقميص يلبسه لزمت قميصه لتلبس يلزك عالدم وتتاذه جسمه مقسم عبالك ملاكم وهو بعده صغير باوعتله دياذيك ضهرك دموعي نزلت متحملت منضر ضهره باوعني ودار وجهه

- هسه انتي شكو دتبجين

- شكلك يقهر دتتاذه

- ابتسمت شوي تقربت منها لتبجين انتي امانه بركبتي اني رجال اكدر اتحمل

- ليش هيج سويت وياهم عوفهم

- اعوفهم يحجون على امي رفعت حاجبي

- جيف تزوجت ابويه هو انت ليش قبلت

- الناس كامت تحجي ببقيت عمي هنا واني استحاله اعوفه هو معافني اني كلش احبه لابوج تره

- اعرف علمود هالشي تزوجو

- اي لعد شون يبقى هنا وهي تحرم عليه ميصير

- خل اخليلك دهن حتى يطيب

- كلشي مبي لتزميني اخ خرب طيني الحليب شكرا اجه بوكته يله روحي دانام

- بيباي طلعت اباوع بعينه مقهوره علي خطيه

ام الزين- فتت للغرفه مال زين ماما شبيك اليوم ليش متتغده

زين- لا يوم جاي صبيلي شونك عمي بسته من راسه

سجاد- هله عمي زيوني شكلك معاجبني اليوم

زين- مابيه عمي باوعتله ابتسم

سجاد- باوعتله ركبته حمره وكلسا يحاول يغطي بيها

ام زين من رخصتج عدي حجايه وي زين

سوسن- ضليت صافنه عليهم اوكي طالعه طلعت وسديت الباب

سجاد- تعال يابه تعال اكعد كدامي تغده

زين- ها عمي باوعتله ونصيت

سجاد- شنو متعارك

زين- باوعتله صبا كلتلك

سجاد- لا يابه اني مربيك واعرف شبيك شي قاني زكبتك الكاعد تضم بيها جريت قميصه لاعمي لا هاي متملخ انت ويامن متعارك

زين-وي ولد خالي والجبان جايب 5شباب وياه وسكطتهم بس لازم اكو ضرر ضحكت وهو هم ضحك ويايه

سجاد- سبع وليدي بس قوه العقل اكبر من قوه الجسد

زين- عمي حجو على امي نصيت عمي مااتحمل احد يمسها

سجاد- اكو عالم تلبسها تموت بدمها شيحجي ابتسم ودير وجهك وتعال سولفلي باجر شيصير بيه من تسوي هيج

زين- ماشي عمي احاول

سجاد- لا حتسويها حتى تجرب وراح تتاكد انه القوه بالعقل اكبر من القوه بالجسد

زين- عمي لتكول لامي تره تذبحني

سجاد- لا هذا سر بيننا

اندكت الباب بقوه ركض زين عالباب ودخل خاله يتعارك ويصيح وينج سوسن

سوسن - نعم شكو شصاير

مهدي- ابنج الساقط متعارك وي ابني متهجم عليه

باعي وجههه مدمي

سجاد- هيييي انت امشي اطلع بره هو ابنك البده وكام يخربط بالحجي على عمته كدام الولد ميستحي يحجي بعرض عمته

مهدي- ليش هي عمته استحت من سوت سوايتها

سوسن- ممسويه شي يغضب الله افتهمت يله

زين ليش متعارك وي ابن خالك متستحي هيج تسوي

تطلع عضلاتك عليه

زين- يوم هو هم حار شسوه

صبا/ خاله كذابين اني شفتهم جايب جماعته وجاي كطع ضهره بالواير باعي

سجاد- صباااا امشي فوتي جوه

سوسن- شو ضهرك يمه

زين- مبي شي يوم

سوسن- خل اشوفففه صيحت

زين- مبي شي عوفيني لتخزيني كدامهم همست

مهدي- والله اذا مديت ايدك عليه بعد اوديك للسجن

سوسن _طلع مهدي وركضت وره زين رفعت تيشرته عاط شهكت ووكعت ابجي ضهره مشكك يمه ابني كلبي انمرد كمت اصيح عليه ليش تتعارك مسوي روحك رجال شوف شمسوين بيك بعد حتى دوام متروح

سجاد- ام زين سمعي

سوسن- اخاف يلتمون عليك ويخلون سجينه ببطنك اصيح بعلو صوتي وابجي هو منصي

سجاد- ام زين باعيني

سوسن- وروحه لابوك اذا طلعت بعد لا اكلبلك الدنيا فهمت

سجاد- سوسسسسسسن صيحت باوعتلي هي وزين انتي معليج فهمتي هو مو صغير دترزلين بي اني اعرف شون اربي لتدخلين امشي فوتي يله زين تعال يابه ساعدني نروح للطبيب جيب تكسي ىتعال

زين- صار عمي رحت جبت تكسي واباوع امي الجبل منصيه وخايفه من عمي تباوعلي بعتب لان تعاركت اكو شغلات الشاب ميتحملهابس حسوي مثل ماكال عمي واشوف شيصير وصل التكسي وتعونت اني ويا وصعدنا عمي بالسياره ورحنا للطبيب الحمد لله الدكتور كال كلش زين كل تحاليله وبده التدريب عالمشي اول مره جان صعب العلاج الطبيعي تالم عمي حيل

واشترينا مثل الحجله لازم يمشي عليها هواي هالفتره والله يسهل رجعت للبيت بالعشره اخذت عمي للشط شوي يشتم هوه جان اقتراحي نزلته وهو عرف راح اطلعه ابتسم كللي محتاج اشتم هوه كعدنا ساعه وراها رجعنا اخذت حلويا كيك ومعجنات شوي يتغير جو البيت حسيت نفسي رجال من صدك فتت خليتها عالميز انتبهت على صبا تقدمت عالباكيت

صبا- عادي اخذ قطعه خزرته اخذي بس بغضب اخذت قطعه وراحت لغرفه امي اللي لحد هسه مطالعه من الغرفه

سجاد- ضل بالي على سوسن انقهرت من صيحت عليها وسكتت ونصت معقوله حناضر باجر يله اشوفها مشتاق لوجهه

دخل زين للغرفه يقره واني اتفرج تلفزيون اتصلت بسجى واخبار عمر على حاله

صارت ب11 بديت اغفي كمت اتمرن عالمشايه شوي شوي كمت اكدر وحدي شفتهم نايمين استغليت وضع

سوسن- طلعت من الغرفه بعد ما ساعه نسولف اني وصبا ونضحك تونست وياها سويتلها شاربها لاول مره جانت مكيفه مشطتلها شعرها طويل يخبل كيرلي مشطتلها وضفرته هندي وراحت نامت جانت مرتاحه هواي بهالتواصل واني هم حسيتها بنتي طلعت الملم البيت بينما هم نايمين دخلت الهول شفت سجاد ديمشي عالمشايه فتحت عيني عثر راد يوكع ركضت لزمت اسم الله علكيفك مو مال وحدك

سجاد- ضحكت ههه صارلي هواي امشي تعبت واتورطت بعيد عالفراش وكعت همزين طلعتي ساعدتني اوصل للفراش وكع حجابها انحرجت واني هم ارتبكت دااخلي على راسها رجه اتزحلك

سوسن- عوفه عوفه خل اعدلك عدلته بالفراش ضل يباوعلي مبتسم

شلت الحجاب عدلته اصلا ماله داعي ههه

سجاد- اي صح اني رجلج تنهدت خو مزعلانه مني باوعتها بابتسامه

سوسن- ماريد احاجيك عفته ورحت

سجاد - تعاي بس خل احاجيج

سوسن- رجاءا مااريد كلتها بغضب بصوت ناصي عفت كلشي وفتت نمت مغثوثه منه يكلي اني اربي واني شنو ومن يكتلو ويروح من ايدي ذاك الوكت يكولي اني اربي كلش ضجت منه كعدت الصبح جانت صبا دتحضر ريوك

صبا- زين اسويلك بيض

زين- ماريد باوعتلها ودرت وجهي حاكل جبن

صبا- نصيت واكلت ورحت بدلت

وطلعت وهو اجه ورايه مشينا سوه ميباوعلي اني كلسا اباوع عليه

زين ضايج مني

زين- كله من وراج امي متحاجيني

صبا- متحملت احد يتهمك ضلم

زين- اني رجال اعرف ادافع عن نفسي واعدتيني متحجين بس انتي متنطين حجايه

صبا- اسفه

زين- فوتي للمدرسه دااروح

صبا- باي ميجاوب ميجاوب شكد مكروه

سوسن- كعدت من طلعو الجهال ورحت للمطبخ لملمت وحضرت الغده داانضف سمعت صوت المشايه اجه للمطبخ

سجاد- صباح الخير

سوسن- صباح النور بجمود ومباوعت بوجهه

تتريك

سجاد- تريكتي انتي

سوسن- هسه حتريك

سجاد- يله حسبي حسابي

سوسن-سويت بيض وخليته وكعدنا نتريك سوه كلسا يباوعلي وينصي اني مو يمه منصيه على ماعوني واكل كملنا شفته سحب كنينس مزطب مسح ايده فتت من يمه لزم ايدي قوي

عوفني سجاد

سجاد- تعاي وكفت اتكات عالحايط خليت ايدي الاثنين عالحايط وهي هم ضهرها عالحايط احجي عاتبيني تعاركي

سوسن- ابني شنو تكلي اني اربي

سجاد- ينرادله رجال

سوسن- من يكتلو ذاك الوكت تكلي اني اربي

سجاد- همست لازم يتعلم عوفي اني اربي وصيه صادق كلي ابني ابنك ممقتنعه بيه مواثقه

سوسن- تنهدت اخاف عليه هذا الطلعت بي منها الدنيا جنت منصيه وعيوني تجري

رفع راسي ومسح دموعي ماريد اباوع بعينه

سجاد- لتبجين والله اخليه بعيني واربي احسن تربيه اعتمدي عليه شنو هو صغير وتصيحين بي شاربه تارس وجهه

سوسن- ماشي بس اذا صار شي

سجاد- كلشي ميصير همست اريد ينسد موضوع زين اريدها تباوع بعيني التقت عيوننا واخيرا صرت قريب منها تنهدت تره انتي كلش حلوه تلمست خدها عضيت شفتي

سوسن- سجاد همست عفيه خل اروح

سجاد- روحي قربت وجهي اكثر اني راغب بيها وعاجبتني

سوسن- من قرب وجهه ضعت ومن كام يتغزل ذبت ابتعدت ورحت للغرفه اباوع على روحي بالمرايه احس نفسي صرت احلى وصغرت بالعمر وره شويه طلعت كملت شغل حان كاعد يكلب بالتلفون من دخلت رفع راسه ابتسم

سجاد- بديت احبها اعترف بهالشي مر على زواجنا اسبوعين بس المواقف قربتني منها كام يعجبني اتقرب منها بس خايف من زين اريد يصير زواجنا رسمي اريد ارتاح بوفائها مرتاح كلش وياها

سوسن

نعم

اريد قطعه كيكه وي الجاي

اي هسه

جابته ومن دتقدمه لزمت الاستكان وبيدي الثانيه لزمت ايدها تلمستها جرتها لزمتها قوي

سوسن- سجاد تماديت هوايه

سجاد- انتي حلالي همست بست ايدها تعاي كعدي يمي باوعتها بتوسل

سوسن- بقيت منصيه

سجاد- حنكج يخبل كرصتها بي دكه باوعت مبتسمه

تقربت بستها مره ثانيه من حنكها غمضت عينها بستها من راسها اريد احضنها اعصرهادبين ضلوعي اخاف اتقرب اخاف اسوي شي ابتعدت وره مبستها من راسها

سوسن- كمت من يمه احس كلبي راح يوكف ورجفه بجسمي

احس روحي الميته رجعت احتيت مثل المراهقات

شوي واجه زين وصبا

صبا- هلو خاله

سوسن- هلو حبيبتي جوعانه تاكلون زين زين وين رايح

حتضل زعلان

زين- لا يوم بستها من راسها هسه ابدل واجي انغده وياج صبت امي وانلمينا عالغده عمي يصنف ونضحك واني هم صنفت جو البيت تغير كمنا هواي نضحك

كملنا وكلمن كام على شغله

سجاد- زين تعال يابه

زين- جيتك يابه

سجاد- ها شسويت

زين- ابتسمت رحت للمدرسه وشفته وضل يحجي انه خالي اجه ورزلني وضربني وواكف بنص الولد ويحجي وكامو يضحكون اني رفعت راسي ضحكت بوججهم ودرت وجهي ضل يخربط بالحجي كلشي مجاوبت بس ابتسم باستهزاء اخر شي تعارك وي غير ولد وفصلو هههه

سجاد- شونه العقل ههههه

زين- يخبل بعد مااستعمل الضرب بس اذا احد تمادى وضربني

سجاد- عفيه بوليدي شونك بالدراسه

زين - كلش ممتاز الاسبوع اليجي نعطل مال ستين يوم قبل الامتحانات

سجاد- الله يوفقك انت وصبا شون صار ضهرك

زين- الحمد لله يله عمي اترخص

سجاد- ابتسمت غالي وابن الغالي

سوسن- باوعت عليه

سجاد- شبيج

سوسن- شبي زين

سجاد- شغله بيني وبينه لتتدخلين سوالف رياجيل

سوسن- ماشي الله يخليك اله ابتسمت

سجاد- ويخليج النا ابتسمت بوجه

سوسن-اني حفوت انام تعبانه

سجاد- براحتج تصبحين على خير ابتسمت من تبتسم كلبي يروح بالرجلين ولا عبالك عمري 40سنه

زين- بقيت ادرس لل12

صبا- كملت دراسه ونمت كعدت ابجي شفت ماما بالحلم تريد تحضني متكدر كمت ابجي هواي مشتاقه الها

سوسن- صبا ليش تبجين

صبا- مشتاقه لماما

سوسن- تعاي حبيبتي نامي يمي صعدت نامت يمي حضنتها ونمت ضليت امسد بشعرها واغنيلها لحد ماغفت

صبا- حسيت الصبح بحضنها شون حلو حضنتها قوي بستها تبسمت

سجاد - الليل كوله اتمرن عالمشي صارت الحجله سهله عليه

نمت تعبان

صبا- ركضت حضرت الريوك شوي واجه زين

زين- امي وين بعدها نايمه

صبا- باوعتله يحاجيني من وره خشمه

مجاوبته

زين- مو وياج قطبت حاجبي

ليش متجاوبين تقربت منها

صبا- اي نايمه ودرت وجهي

زين- طلعت طاوه وكعدت اسوي بيض

صبا- اسويلك اني

زين- ماريد اعرف اسوي

صبا-طفيت الطاوه مالته وشمرتها بالسنك اني اسوي تخصرت

زين- صبا ااا اطلعي من راسي لا اطلع الرياضيات بيج

صبا- لعد خليني اسوي اضوج تزعل عليه كمت ابجي

زين- شكو تعويين اهوو لتبجين كافي كافي مووياج

صبا- ماعوفني

زين- كافي لتبجين حبابه والله اموت قهر احس نفسي من مد المسووليه من ابجيج

صبا- لعد صالحني لتضل زعلان مسحت دموعي

زين- اوكي ابتسمت بس بعد من اكولج على شغله لتحجين تسكتين ومتكولين لاي مخلوق

صبا- اي والله وعد

زين- ماشي يله اني اليوم اسويلج بيض مال مصالحه ابتسمت

صبا- هههه خوش حسيته قريب مني اخ او اكثر كلش حباب ومشفت برجولته اللي بكده حاير بطبه وطلعه ومبايل هو لا عده اخل شي انه يتحمل المسووليه والامانه والاخلاق والوفاء مثل امه

طلعنا للدوام ثنيناتنا نمشي ونسولف ويبتسم اشترالي جبس اخذته مكيفه باسلوبه الحلو الحنين رحت للمدرسه وهو هم راح

سوسن - كعدت الصبح حضرت العجين كملت دااغطي صباح الخير صوت ورايه

سجاد ابتسمت كمت وحدك

سجاد- اي بس بالمشايه ضحكت تريكتي بقت تباوعني تبتسم

سوسن- لا بعدني هسه حسوي ريوك كلسا اباوع عليه ممصدكه ديمشي بسهوله

سجاد- تباوعني فرحانه بمشيتي كعدنا نتريك سوه جنت متحمس اتقرب منها اكثر الليل كله اتحلم بيها تنهدت الحمد لله وكلشي مفهمت من الاكل بس اباوع بعينها وهي تبتسم

كملت كمت كدامها امشي وغسلت طبعا بالمشايه

ورجعت كعدت

سوسن- كمت لملمت ونضفت وعيونه تراقبني وين ماروح واني فرحانه بعيونه حسيت نفسي صغيره

حصعد اخبز

سجاد- صارلج ساعه تشتغلين ارتاحي شوي

سوسن- نص ساعه وانزلك خبزه ام الشكر حتى ابتسمت وصعدت

خلصت الخبز وفتت سبحت وطلعت صبيت جاي وي الخبز شكر

يبتسملي بحنان واني كلش مكيفه من كلبي يدك

سجاد- حتموتني لابسه وردي وي خدودها شنو هالحسن عيوني تحاجي عيونها كملنا الجاي مااعرف ليش محجينا شي اليوم بس عيوننا تتحاجه مبتسمين لزم ايدي ومااخذتها ضل يتلمسها

سجاد- اريد احجي مدااتحمل همست

سوسن- نصيت

سجاد- كلش دتعجبيني واحنا موجهال انتي حلالي واني طبيعتي جريء اسف اذا دااحرجج

بقت منصيه تقربت منها سوسن همست دااريدج داارغب بيج باوعيني تقبلين اتقرب منج انتي حلالي سوسن جاوبيني حتضلين منصيه

سوسن- حايره محتاجه لحنانه ودااحبه خجلانه وخايفه من زين متاكده حيرفض بس اني اريد اكمل حياتي وياه طلعت كل الافكار من راسي باوعت بعينه جان منتهي وايدي بيده احس برجفته

سجاد- تقربت منها همست سوسن اذا متردين اتقرب ابتعدي تقربت اكثر اتنفس سريع رفعت راسها غمضت عينها بستها من حنكها الاموت عليه تقربت اكثر بست خدها ومشيت شفايفي على خدها تنفسي مداسيطر عليه وكلبي حسيته حيوكف وهي بعدها مرافضتني

سوسن- نفس الوجع مال بطني بمراهقتي نفس الشي كانما مراهقه رجعت

ذبت بيده وسحبني لحضنه يحضني ويتاوه

سجاد- تعاي تعاي حضنتها قوي هذا الجنت اتمناه احس روحي بحضنها سوسن سوسن اني منو همست باذنها خفت لتكون مخيلتها مو يمي او ممتونعمْ

اصله ويايه

سوسن جاوبي همست باذنها اني منو اني منوو

سوسن- كوه طلع الصوت سجاد

سجاد/ اويلي يابه مراح اعوفج تره مراح اعوفج بستها من ركبتها دفعت الصينيه وكعت بالكع الاستكانات وكعت جريتها لفراشي جانت منتهيه طفيت الضوه فوك راسي شمرت الربطه جانت حيل تضايقني فتحت عينها بثقل جنت اتلمس خصلات شعرها وخدها وركبتها واباوع بعينها من دتفتحها شميت ركبتها وبستها متحملت عضيتها صاحت وهذا الردت اسمعه صيحتها

سوسن- عيونه نار جسمه كام يعرك نزل ايده يتلمسني لزمتها همست كافي اروحلك فدوه

سجاد- احمم كعدت عدل تنهدت اباوع عليها كامت بالكوه عدلت هدومها بعدها الرجفه بيه والرغبه ماريد اجبرها على شي ضليت اباوع عليها درت وجهي دك التلفون كان المحامي اتصل يبلغنا انه البيت حيتقسم وهي حصتها 20مليون بيت اهلها

خوش رحم الله والديك خويه ماانسالكياها

سوسن تعاي

سوسن- جيت نعم

بيت اهلج قسمو وحصتج20يم المحامي داتصور انباع خافو يدخلون محاكم وسووها طلابه واحنا متبرايين منها بس مكدرو يسوون شي

سوسن- شكرا سجاد انت الساعدتني شوكت ينطون الفلوس

سجاد- يم المحامي موجوده شتريدي تسوين بيها

سوسن- اخليها بالبنك لزين

سجاد- ممم ماشي باوعتها متوسل تعاي

سوسن/ لا لا

سجاد- ليش لالا

زين شون

موموجود خليني اعيش حياتي واعيشج هالايام الحلوه وبعدين الله يحلها

سوسن- صفنت وعفته ورحت نصيت الاكل والملم الكزاز كملت ورجعت كلشي بمكانه فتت للغرفه مالتي

سجاد- اتكات عالحايط ومشيت مدااتحمل بعد دخلت للغرفه بدون دك باب جانت متمدده التفتت فزت

سوسن- سجاد ميصير الدنسوي

سجاد- انتيييي حلالي جريتها قوي تشوفيني مااكدر امشي تتحركين براحتك وتنهزميتن للغرفه

كتلج ماعوفج بستها بلهفه من شفايفها سحبتها الي جانت ترجف شوي وتجاوبت ويايه متت هالمره ماعوفها صدك نزعتها جلبت بهدومها

سوسن- لازعفيه للااكافي مااكدر مااكدر

سجاد- باعي غمضي عينج وسلميلي روحج

بس طيني مجال

سوسن- غمضت عيني وحسيته يتنفس سريع

سجاد- شنو هالبياض شنو هالنعومه بقت بالملابس الداخلي

الداخلي نمت عليها متمتع انكطع زنجيل اللب بركبتي محسيت عليه دفعتني لزمت ايدها تره ضوجتيني رخي جسمج نزعتها بالكوه ونمت عليها سكنت وهدات باوعت بعينها انتي مرتي كملت شغلي جانت مستسلمه بالبدايه وراهازتواصلت ويايه بكل احاسيسها صوتها ودكات كلبها وحركات ايدها حضنتني قوي وتلمست صدري وجسمي جنت اتالم من ضلعي بس متحملت ابتعد عنها بس كملنا كمنا ركض هي فاتت لحمام غرفتها واني لبست ورحت لحمام البيت سبحنا قبل جيه الجهال جنت خايف من زين شون حتكضي ويا اباوع روحي بالمرايه فرحان كلش هاي الراحه محاس بيها من وكت ام صبا وجنت من اقربلها اخاف من وجع كلبها هسه ماخذ كل حريتي بس الم ضلعي سبحت وطلعت جنت طاير بيها

سوسن- حسيت نفسي صغرت يمكن ب10سنين باوعت لروحي بالمرايه الحمار اللي بركبتي مال شاربه وشفايفه ابتسمت تذكرت صادق تنهدت الله يرحمه الحي ابقى من الميت بدلت ولبست حجاب وكت جيه الحهال باوعت للفراش تذكرت كل تفصيل كلبي رجع ذاب وابتسم بدون سبب عدلت الفراش ورحت للمطبخ شوي وطبو الجهال اخاف اخلي عيني بعين زين

زين- هلو ماما

سوسن- هلو حبيبي شونك

زين- الحمد لله

الله يساعدك عمي

سجاد- هلو عمي نصيت عيني

زين- عمي اليوم وجهك منور الحمد لله

سجاد- باوعت لسوسن ابتسم اي الحمد لله درت وجهي عيوني تفضح

صبا- خاله اليوم امتحنا قواعد الدرستيالي اجه واخد28من 30

سوسن- عفيه بالشاطره

تغدينا سوه مثل العائله الحلوه كملنا وشربنا جاي

سجاد- زين يابه عدي سياره بالموقف مال شرطه اريد اعلمك سياقه

زين- صدك عمي

اي والله بس خل اوكف على رجلي لازم اعلمك مثل ماعلمتك الماطور عمرك بعد مالسياقه

زين- كلش فرحت

سجاد- كمل جايك وادزك على محامي بالبياع جيب فلوس امك وتجي

سوسن- هو يجيبها اخاف عليه شايل20مليون

سجاد- اي والله صح لعد حخلي المحامي راسن ينزلها بحسابج

سوسن- ماشي

كمت رجعت كلشي بمكانه ولملمنا اني وصبا جانت كلش فرحانه وتضحك واني مكيفه بيها وبسجاد كعدو يدرسون لليل تعشينا وكلمن راح نام

سجاد- الليل كله افكر بيها وشون تقربتلها تاوهاتها وجمال جسمها ورشاقتها وتواصلها ردتها مره ثانيه شون وصبا يمها اووف ضليت الوب عليها

سوسن- اشتاقيتله وتمنيت انام بحضنه شيجيب باجر

عطشت كلش كمت فتت للمطبخ يم البراد حسيت ايد حاوطتني قوي سجاد همست

اشتاقيتلج كلش مدااتحمل

اني

انتي شنو احجي

اني هم

اويلي حموت بيدج تره درتها عليها بستها من شفايفها نفس التاثير مال الضهر بس اقوى ان ادري بيها تريدني مو متريد ضليت اتواصل وياها لحد ما انكطع نفسنا

سوسن- ماريد اعوفه بس اخاف من زين وصبا انهزمت منه جرني وحضنيي قوي

سجاد- من راحت روحي راحت وياها اريدها هاي شون حتكضي نمت بالكوه كعدت الصبح على صوت صبا وزين يتناكرون

هاي شبيكم جنكم رويسيه

صبا- بابا يسوي نفسه يعرف يسوي بيضه ام العين تالي طكت عينها

زين- هيه لزكت لج البارحه مو سويتها تخبل صارت ياناكره

صبا- ماريد انت اكلها

زين _دجيبي مو صوجج صوج اليتعب علمودج

صبا - اهو بس لا زعلت

زين- لا مزعلت يله تريكي دنروح

اي هسه

سجاد- انتضرهم دقيقه دقيقه يطلعون دافوت يم سوسن مشتاقلها كلش

سوسن- طلعت شفتهم بعدهم باوعت لسجاد ابتسملي وعض شفته بسرعه درت وجهي خاف ينتبه زين طلعو وسديت الباب

سجاد - تدربت بالمشي كمت اكدر امشي عاد بس شوي وجع من امشي هواي زين مكايله لحد هسه اخاف يكولي تطلك امي وترجع شفتها قفلت الباب من طلعو الجهال باوعتلها ابتسم اشرتلها تعاي جني لحضني بثكل يخبل ثكلها ضليت احضن بيها بلهفه

البارحه الليل كله افكر بيج اخذتها متلهف للغرفه

تعاي تعاي تقربت منها وجانت اروع من الخيال بتواصلها ويايه حسيت روحي بالجنه صوت نفسها وكلامها موتني بيها

سوسن- كمت احجي ومااعرف شون طلع الكلام

احبك سجاداحبك اهمس باذنه

سجاد- اموت عليج باوعت بعينهاوممصدك روحي احلى شي صار بحياتي انتي متوقعت الله حيعوض صبري كملنا وحضنتها قوي تعاي بحضني نامي البارحه تمنيت تنامين بحضني

سوسن- اني هم والله نفس الشي بس خل اكوم اسوي غده

سجاد- شس نامي عود نجيب كباب شوي من المطعم تعاي بحضني

سوسن- ماشي نمت على صدره عفينا جنتا ثنيناتنا منايمين واحد مشتاق للثاني احلى نومه نمنا واحدنا يكمل الثاني وثنيناتنا محتاجين لهالحنان

غفينا كعدت بال11

فزيت كمزت ورحت اشتغلت شون مجان صارت ب12 كوم سجاد الجهال حيجون

سجاد- شوكت نكوم من ير بال لازم نحاجيهم

سوسن- لالا عفيه زين اخاف منه يكوم يكرهني

سجاد- عوفي عليه اني اريدج مداكدر كمت سبحت وكعدت بمكاني واجوي الجهال وتغدينا

صبا- فتت اتمدد تعبانه شفت فد شي يلمع جريته هذا الزنجيل مال بابا النطتيا ماما شجابه هنا عرفت انه ديجي للغرفه نار وشبت بيه بس بعدني ممتاكده يجوز خاله بالصدفه جابته لان هي كدامنه تلبس الجاب وميصيحلها غير ام زين

طلعت شفت بابا كاعد يتفرج تلفزيون وصافن باله غير مكان

بابا هذا زنجيلك باوعت بعينه ارتبك

اااي بابا جيبي وين جان كومه دورت عليه لبسته اباوع بعينها حاير افتهمت لو لا

جان بفراش خاله دمعت عيني باوعت لخاله وفتت

سوسن- عزه بعيني سجاد شىن همست

سجاد- كم مره كتلج ويايه لتخافين

سوسن- ممطمانه زين كان ديجيب المسواك للبيت

صبا- فتت لغرفه زين كمت اضرب بالمخده الرمليه مال بوكسات كل قوتي بلكن تطفى نار كلبي عبالك احنا زعاطيط يتخذونه على كد عقلنا وهم متزوجين صدك

زين- فتت للغرفه شفت صبا شعدج هنا قطبت حاجبي

صبا- هيج ابتعدت داانزع البوكسات

زين- تعاي ضربي يله كامت تضرب بعصبيه لزمت المخده اباوع بعينها وهي تضرب بالمخده لزمتها الها عفيه ضربي بعد بردي نارج منو وياج احجيلي تضرب والعرك ينزل من على كصتها احجيلي منو الغاثج اساعدج

صبا- كعدت ابجي مكدرت بعد

زين- ليش تبجين احجي منو وياج دااحركه حرك

صبا- باوعت بعينه ليش شايل همي

زين- لان انتي امانه بركبتي واني انحمل الامانه

صبا-زين ماكو شي شوي ضغط امتحانات ومشتاقه لماما

زين- محتاجه مساعده بدرس ماما مدتفهمج

زين

صبا- لا والله كلش داافهم منها بس اني ماادري شبيه بداخلي مو مال احجيله صعبه اخاف منه دخلت لغرفه خاله انام

سوسن- صبا اريد احاجيج

صبا- نعم خاله

سوسن- انتي تفتهمين وجبيره ادري بيج عرفتي

صبا- من شوكت

سوسن- البارحه والله

صبا- ليش مو كلنا شكلي بس عالورق

سوسن- مو بيدي حبيته نزلت دموعي وهو هم حبني احنا ثنيناتنا محروكين حنان هاي الحقيره اذته وفراك المرحومه موت شي بيه لتحرميني منه

صبا- هو يحبج دمعت عيني

سوسن- هزيت راسي اي

صبا- خاله اني احبج بس اخاف على بابا

سوسن- والله اخلي بعيني بس خايفه من زين

صبا- بلكن يقبل مثلي ابتسمت ماالكه مثلج لبابا

سوسن- ومحد راح يحبني و يحب زين بكده

صبا- حضنتها خاله ديري بالج على بابا اتمنى نصير عائله وحده اني هنا يله ارتاحيت

سوسن- اني هم مشفت الراحه والامان بس بوجودكم الله يهدي زين ويتقبل مثلج

زين- ها عمي الله يساعدك

سجاد- هله عمي شونك بالدراسه

زين الحمد لله باجر اخر يوم وراها اعطل

صفت راح انحرم من سوسن ابني اريد احاجيك بسالفه

كول عمي

اني الحمد لله مشيتي هواي عدلت واريد اخذ رايك بموضوع

اسمعك عمي

اا مااعرف شون ابدي باوعت بعينه اني طالب ايد امك منك

-شنوو تتزوجون رسمي قصدك لا عمي ليش هيج تباوع على امي غير نضره متوقعت منك هالشي واني صبا شايلها بعيوني واخلف عليها من الهواانت تنضر لامي غير نضره واني اكول عليك وفي لابويه

-اسمع انت ليش تستعجل

-شسمع عمي

- اني هسه صرت زين

- اي

- ابقى ببيتك

- ااا هله بيك

- شون ابقى واحنا زواجنا شكلي وهي حلالي واني رجال وهي مره وثنينه محرومين خلي نصير عائله وحده ويكون زواج رسمي

- وامي قابله فتحت عيني نار وصارت بكلبي

- امك وياك انت متاكد اني

- مفاتحها بالموضوع

- ااا لا درت عيني عنه

- عمي اسف اذا تريد نطلع ناجر غير بيت اني مااقبل بعد الحجيته تبات يوم واحد هنا بعد

- صار صيح صبا

- صبا ليش شعليها

- دنرجع لبيتنا شعدي باقي بعد الطلب الطلبته منك رفضته

- وين تروح وحدها تبقى من انت تلتحق

- لا اخليها بيت خالتها

- عدهم شباب

- وشنو يعني انت موشاب عرفت بي يخاف على صبا ويحبها واني مالكه احسن منه بس بعدها صغيره

- زين- تنهدت ماشي عمي الله وياكم عفت البيت وطلعت حسيت الحيطان ضاقت عليه لليل رجعت ملكيتهم

- سوسن- من شفت الصياح مال زين عرفت بي حجه ويا مثل موعدني وعرفت رفض زين مبين وراها صاح على صبا لمو غراضهم صبا تلملم وتبجي

- تقربت من سجاد وين حتعوفني

- سجاد- ابنج ميقبل دمعت عيني قافل واتهمني اني خنت الامانه حروح بلكن يبرد فتره وارجع احاجي

- سوسن- نتطلك

- سجاد _لو اموت مااطلكج اني هسه يله لكيت الراحه اجي اضيعها بس اصبري ويايه

- سوسن- العمر كله اصبره

- سجاد- احبج

- سوسن- اني هم اموت عليك

- صبا- بابا كملت احجي وابجي حضنتني خاله وطلعنا رجعنا لبيت خالتي وبابا راح للبيت اخذ ويا 3منضفين نضفو البيت واتصل على مكان عمله حيرجع للعمل اسبوع اليجي ونضرا لاصابته مراح يدزو للرمادي حيخلو ضابط مركز بالشعب وكام كل يوم يجي ب10

- مرت اسبوعين واحنا ببيتنا الجديد اني وبابا وحدنا اشوفه يلوب على خاله سوسن

- زين- ريحتها بكل مكان بجيت عليها وعلى عمي بس مااتحمل اسمع امي بليل تبجي يمكن على صبا مستحيل امي تتزوج بعد ابويه مستحيل كلش البيت صار يحصر وعمي متصل عليه بعد

- سوسن- مشتاقه كلش اله صار اسبوعين حتى متصل عليه اليوم ب11بليل اشم عطره بمخدتي ودك التلفون

- الو

- حبيبتي فدوه لصوتج

- سبوعين سجاد سبوعين شنو هالقساوه العدك

- والله متت اكثر منج بس ىالله ميت تعب البيت كله براسي والشغل من 5لل9ميت تعب بس محتاجج حموووت شونه زين

- سوسن- متدمر بس متكئب وكلشي مياكل ولا يقره

- سجاد- مشتاقلكم وصبا هم مريضه كلش صار 3ايام بالمستشفى دمرتني

- سوسن- شبيها

- سجاد- والله مااعرف الدكتور يكول حاله نفسيه

- سوسن - سوده عليه باجر الصبح اجيك للمستشفى

- سجاد- اموت واشوفج

- سوسن- اني هم لتكطع بعد اشتاقلك

- سجاد- يوميه اخابر بعد ضلينا نحجي بالتلفون لحد مغفيت وهي هم نامت

- سوسن- الصبح بدلت وحضرت اكل زين اني حطلع

- زين- وين

- اروح اشوف صبا بالمستشفى

- شبيها فتحت عيني وكلبي راح

- مريضه صار 3ايام

- اجي وياج يوم

- امشي

- منو كلج بيها مريضه

- عمك خابر وكللي مدااكدر وحده راد مساعدتي

- ماشي وصلنا سلمت على عمي باوعلي رد ودار وجهه على امي اشوف الحب بعينه وامي هم احس مستغفليني طلع عمي من الردهه بقيت وحدي وي امي وصبا تقربت منها نايمه ووجهه اصفر تلمست ايدها فتحت عينها ابتسمت ودارت وجهه زعلانه

- زين- زعلانه عليه

- صبا- دمعت عيني لعد سبوعين متسال يوميه اكول حشوفه بباب المدرسه وماكو خوش امانه

- زين- حقج تعتبين تنهدت بعد كل يوم اوصلج

- سوسن- هلو صباوي بستها مشتاقتلج

- خاله اني هم مشتاقتلج تعبانه من دونكم

- زين- دتقرين

- صبا- لا بس خل اطلع وارجع لدراستي

- زين- انشاء الله وره يوم طلعت صبا من المستشفى ورجعنا لحياتنا كمت ارجعها بس لان التوصيله خط يجيبها وراها ابوها خلالها خط عمي صار ميدز عليه ابد نجحت من السادس معدل هندسه مر شهر وهو عني غايب وصبا مشايفها

- سوسن- اتصالاتنا متنقطع بصوره يوميه افتح فديو ويا واضل اسولف رجعو نقلو للرمادي وضل شهر تعبت ببعده وابدمامل مني يوميه متصل ويحجي وكت نومته نجح زيد ومعدل هندسه جنت فرحانه كلش رحنا للنجف زار ابوه وخله الشهاده على قبره من رجعنا لكينا سياره بالباب بيها شرطي من شاف زين

- زين- تفضل

- الشرطي- انت زين صادق

- اي نعم

- هاي السياره هديه من عمك سجاد مال نجاحك

- زين- دمعت عيني باوعت لامي عيونها غركانه جنت كلش فرحان صغيره ومستعمله بس شفتها احلى سياره

-

زين-الو شونك عمي

سجاد-هلو يابه شونك زيوني والله مشتاقلك وكلت ماحاجيك الا انت تحاجيني وصار شهرانتضر ليش هيج ليش ممشتاقلي

زين -والله عمي مشتاقلك بس شويه مشغول دراسه وهاي

سجاد-هسه كملت دراسه واني حنزل كل اسبوعين 3ايام رجعوني للرمادي وبهال3اريداشوفك اني عكب باجر انزل

زين-ماشي عمي اجيك

سجاد-يله يابه محتاج شي الراتب دزه الك عمر الشرطي

يم-اي عمي ممنون مع السلامه

صبا- من الثالث نجحت ودخلت معهد معلمات جان عاجبني كلش اصير معلمه والمعهد قريب على جامعه زين حسب ما بابا كال اني باقيه بيت عمتي سجى خطيه عمو عمر مات وكلش تاذو اشترالي بابا تلفون قبل شهر وعدي رقم زين اخجل ادك بنات عمتي يمي اليوم راحو بيت جدهم بقيت اني وعمتي بس كاعده بالغرفه واتصلت بي

زين- الو الو منو

اني

منو

اني معرفتني

همست مبتسم صبا تنهدت

اي يابذات

هو اني لو انتي صار اسبوع مرابط يم بيت عمتج وانتي ماكو متطلعًين

غير تجي تدك الباب تسال مابيها شي

لا عمي فشله عوفينا شونج انتي شخبارج بيت عمتج

زينه الحمد لله

خو مدتضوجين

دتطك روحي ممتفاهمين اني والبنات

ابن عمتج خو ميضوجج

مسافر من قبل لا اجي بلبنان وميرجع لحد ميكمل دراسه

ها خوش مبروك نجاحج تره محضرلج هديه بس مدتصير فرصه اشوفج

صدك شكرا حدخل معهد معلمات ههه

اي خوش قرار محترم اني احترم المعلمه

اني هم تعجبني خاله شونها مشتاقه الها كلش تدري احله ايام حياتي كضيتها وياكم

اني هم والله تنهدت حشوف عمي بعد كم يوم من ينزل ادزلج بيده الهديه

خوش شكرا بيباي

صبا صبا اوكفي

ها

باعي عادي اخابرج دائما

اي عادي موجوده بس وره ال9عمه متقبل تاخذ التلفونات تكول نامو

خوش ماشي يله مع السلامه الله يحفضج

باي

زين- همزين الحمد لله دكت متت ضل بالي عليها اشتغلت بالعطله وي بيت جوارينه بفرن صمون باجر اشوف عمي

سوسن- اتصل بيه

حبيبي شونك

ها عيني الحمد لله باجر انزل اريد اشوفج حموت

والله ماادري شون اني هم كلش مشتاقتلك

سجاد -فدوه لا شتياقج لازم اشوفج لان من اروح ارجع بعد شهر تنهدت دااشتاقلج كلش اريد اشم ريحتج سوسن راح اموت هذا زين يريد اطلكج من انزل واني مااطلك حتى لو انتي كلتي طلكني

سوسن- مااعرف شكول سكتت

سجاد- حبيبتي لتسكتين تموتيني ماريد اطلكج

سوسن- خليها على الله

سجاد- ونعم بالله يله مع السلامه احبج

سوسن-الله وياك اني هم

حايره بامري بين كلبي وبين زين لا عيني كلشي ولا زين

سجاد _كوه طلع الصبح ورجعت لبغداد وصلت ب2الضهر اتصلت بسوسن حبيبي اني ببغداد

سوسن- حمد الله عسلامتك

سجاد- تنهدت من اشوفج كوليالي احس روحي بعدني هناك من اشوفج واحضنج يله احس روحي بامان وسالم سوسن مدااكدر اعيش من دونج زين اذا مقبل اخطفج ههه

سوسن- شسواالف عليك شكد مراهق

سجاد- خرب والله صرت مضحكه هناك كلسا ضاحكين عليه الضباط يكلولي كلسا لازم الفون وتخابر وتبتسم وتتبشبس مراهق انت ويه حبج كمت اراهق واني بالاربعين ابنج شيب كلبي والله ماانطي صبا

سوسن- صبا!

سجاد- تنهدت هو غير يموت عليها مقبل اطلع من البيت ضل باله عليها يكولي بيت خالتها عدهم ولد ههه يغار عليها فدوه الطوله

سوسن- يعني لابس حرف الاس علمودها واني عبالي علمودي يمه فدوه تنطينياها اله فدوه لعينك

سجاد- اله اشلع كلبه مثل ماشلع كلبي وخلاني اتحلم بيج

سوسن- لا فدوه اخاف عليه ههه

سجاد- هو هسه حيجيني اعلمه سياقه ارجعه الج ب9بمكن نطلع نتعشه بره باجر لازم اشوفج

سوسن- ماشي الله يخليك النا ولصبا جنتي فدوه

زين- وصلت لبيت عمي تلكاني بحراره حضني وطلعنا اول مره بالسياره وعلمني امور السياقه

بالجادريه بقه ويايه يوم كامل بال8ونص دكت عليه صبا مكدرت ارد انحرجت من ابوها كلبت التلفون جره من السياره ورد يباوعلي مبتسم

سجاد-ها صبا عازمج على عشا

صبا-الو ها بابا حبيبي وينه زين

سجاد-هياته ديسوق يله بدلي حمر عليج ويا

صبا-خاله متجي

سجاد-خالتج سوسن والله مااعرف زين نمر على امك صبا تكول خاله هم تجي خطيه

زين-شكو بيها هسه اخابرها

سجاد- صبا كلتلي انكم تتخابرون وتسال عليها دائما ادري لتشوفني ملتحق وماادري شكو ماكو اني واثق بيك

زين- ابتسمت واسوق واثق من نفسي

الو هايوم اكولج بدلي عمي عازمنه بالمطعم وي صبا هسه حنمرعليج

سجاد- ياكلبي حشوفها شحيصبرني ومااحضنها كدام العالم

سوسن- حشوفه شحيصبر كلبي ومااضل اباوع بعينه بدلت وتحضرت وكعدت انتضرهم سمعت صوت الهورن طلعت للباب واني اقفل الباب اخاف اندار جسمي يرجف اريد اقفل الباب ميت مره وكع المفتاح صعدت بالسياره حبيبي زيوني ديسوق وصبا يمي بستها ريحه عطره بالسياره التفت سلم وعيونه بعيني

سجاد- احم شونج ام زين باوعتها دايخ بعيونها حبيبتي مشتاقلها انتبهت عليها ترجف وارتباكها حبيبتي مو بكدي مشتاق

سوسن- هلو ابو صبا درت وجهي ركض ايدي ترجف

صبا- حسيت بيها كلش مرتبكه لزمت ايدها قوي ابتسمت بوجهي

سوسن- ابتسمت شوي هدات وصلنا ونزلنا يباوعلي ويورث جكاره دار وجهه ينفض الدخان

صبا- اباوع على زين يباوعلي ويبتسم واني هم ابتسمله وصلنا المطعم ردت خاله وبابا ياخذون راحتهم شفت الحب بعين بابا وداشوفه حرك روحه بالجكاير

صبا-زين تجي ويايه

زين-وين

صبا-هنا بس العب بالمرجوحه

زين-يله تعاي ابتسمت من رخصتك عمي

سجاد-اخذ راحتك راح باوعت على سوسن ابتسم مدنكه خجلانه مني بعد روحي

بش بش حبيبي شو دباعيني مومتت اريد اشوف عينج

سوسن- ها رفعت راسي

سجاد- يمه كلبي مشتاق لعيونننج ولكلشي بيج

سوسن- كافي خاف يجي زين

سجاد- شون راح اخلي يكمز واكوله جايين لصبا خطابه

سوسن- منوو

سجاد- ابن خالتها

سىوسن- وراح تنطي

سجاد- لا طبعا هاي مال زيوني ماامن بس بي

يحافظ عليها

سوسن- انشاء الله لزم ايدي تلمسها ذبت بعينه

سجاد- مشتاقلج همست والله احس روحي حبجي

سوسن- لا عمي لتبجي اني واكفه على شعرايه

صبا- كعدت عالمرجوحه حسيت ورايه كام يهزني

زين- شونج

صبا- منيحه ههه

زين- بعد شهرين نداوم

صبا- ممم ادري وين هديتي كذبت عليه

زين- اني مااكذب

صبا- لعد وينها

زين - طلعتها من جيبي سويتلها سلسله ذهب من شغلي وامي صار شهر تركض ورايه وين وديت ال350ههه😬

لبستها الها

صبا- عززه يخبل وليش زين بله

زين-زين حتى متنسي لزين

صبا- اكو وحده تنسى اخوها

زين- منين طلعتيلي باخوها بله هاي

صبا- انت مثل اخويه

زين- اني ماعدي خوات والله

صبا- اني اختك وامانه

زين - ليش بس الخوات امانه

صبا- ماادري بعد عفته ورجعت للطاوله لحكني

زين- اخذتها على كد عقلها وادري دتحرك دمي

صبا- باوع بابا زين جابلي هديه

سجاد- الله حلوه باوعت لزين

سوسن- هاااا بالعافيه تخبل

تعشينا ورجعنا وجان عدي بالبيت بوري مكسور صار شهر متت قهر من وراه امسح وارجع ليوره

سجاد- هاي شنو المي هنا باوعت لسوسن

سوسن- هذا بوري مكسور موتني

سجاد - شلهت ايدي وطبطبت عالكاشي زيوني تعال بابا

زين- ها عمي جيت

سجاد- هذا باجر نجيب عامل تره البيت يوكع دينزل عالاساس لازم نسوي

زين- صار عمي باجر ساعه بيش

سجاد- اني بس3ايام نازل باجر من ال5يله نلحك لليل

زين- ماشي عمي

سجاد- يله صباا

سوسن- خليها يمنا اليوم تبات

سجاد- لا عيني خل اروح للبيت باوعت لسوسن بداخلي اني ماباتً هه ياه بابا امشي من دااطلع

زين عمي لعد شوكت تفض سالفه الطلاك اجلناها هواي

سجاد- باوعت لسوسن تنهدت الله كريم عمي على اجازتي الجايه انقبض كلبي باوعتلي صبا دمعت عينها حست بيه

زيوني عمي اني حاخذ السياره السياره مالتي بالموقف عايفها وباجر من ال5جاي ماشي

صبا- ميخالف اجي وياك بابا

سجاد- اه بابا عدنا عماله

صبا- ما اجي وياك

سجاد- صباااا صرت عصبي عليها طلعت قهر زين بيها

زين- على كيفك عمي باعي صبا اني الصبح فد ب-10اجي عليج اجيبج يم امي

صبا- ما ما اريد الصبح ويا شنو ابقى وحدي

سجاد- ليش شكو اقفلي الباب عليج بله عناد

زين- صبا لتعاندين خزرتها

صبا- ديللله اي زين عوجت حلكي وفتت للسياره

زين- ضحكتني فدوه للعناد فتت لامي

يوم

سوسن- ها عيني

يوم احببج

اني هم احبك وصبا هم تحبك شنو رايك نسوي خطوبه هسه وسنه التجي تتزوجون

زين- كولي لعمي شوفي رايه ابتسمت هم صدك وتصير اليه تنهدت يله يوم رايح انام باجر عدي كعده من الصبح

سوسن- رحت نمت اتصل سجاد

سجاد- هاي شون وي زين شسوي

سوسن- مااعرف والله

سجاد- حبيبتي عوفينا اريدج تعاي بحضني

سوسن- شون اجي اطب بالتلفون

سجاد- شفايتلي لو بي مكان ههههه مشتاق لهمس وللمسه ايدج ولحضنج تنهدت ليش هيج ديصير بينا عفيه اني ولازفد يوم ارتاحيت

سوسن- اصبر ويايه مااستاهل صبر

سجاد- تستاهلين العمر كله اصبرلج

سوسن- احبك تنهدت اموت عليك

سجاد- بعد بعد سمعيني حجيج بعد

سوسن- ماكو شي يوصف حبك والاحساس الدااحسه

نمت وصوت نفسه باذني مثل المراهقين

سجاد- ب5الصبح كعدت وبدلت متواعد وي العماله وابو البواري

كمت بدلت وطلعت صبا تقفل الباب ورايه رحت لبيت سوسن فتحت الباب شكد حلوه الصبح جنها شمس تذكرت من نمت وياها الصبح ذبت وصحاني صوت زين

ها عمي الله يساعدك

ها يابه يله اجه البنا بلشنا شغل لل12الضهر خطيه سوسن سوت الغدا

زين- عمي كملنا

سجاد- اي ياب كملنا

زين- اروح اجيب صبا واجي

سجاد - اي روح باوع تره ساديها سيطره جده اطلع على عبد المحسن

زين- اي عمي اندل اعرف بيها ساديها

سجاد- ماشي طلع رفعت راسي باوعت لسوسن قفلت الباب وكلبي دكاته صارت مسموعه انداريت عليها تقدمت وهي ترجع تبتسم

سوسن مو وكتج هسه يجون وكت دلع

سوسن- ههه تقدمت حضنته قوي

سجاد- اوف يابببببه شكد مشتاقلج شميت ريحتها باوعت بعينها بستها ونزلت على حنكها عضيته على كيفي اموت على حنكها بستها من شفايفها راحت بيدي شلتها ووديتها للفراش بديت احضن وابوس بديت افقد نزلت على صدرها اتلمس واسمع صوت نفسها المتصاعد وراها سمعت السياره وكفت

خرررب حضيييي شون اني وين اخذج وانهزم هسه شون فهميني

سوسن- نصيت وكمت ركض فتحت الباب حتى ميكول ليش مقفوله هلو صبا

صبا- هلو خاله

زين- لعد وين عمي

سوسن- اا يمكن ديغسل

زين- ها لا ديصلي

سوسن- باوعتله راح زين يجيب خبز لان ميكفي

جان يصلي شنو هالتقوى عههه زين خلي ياذن اول

اول مره اشوف واحد يصلي قبل الاذان هههههه

سجاد- هههه اسكتي همزين منتبه مااعرف شسوي ميكول شعده بالغرفه ههههه

صبا- بابا

سجاد- هاها جيت بستها بالهوا اذا متت اموت بحسرتج

سوسن- اشش فدوه لتحجي هيج والله مالي كلب

سجاد- مااموت لتخافين هههه احبج

طلعنا وسوسن صبت الغدا وريحه الباميا سطرتني مشتاق لطبخها اكلنا وكملنا وشربنا الجاي

زين-عمي اجيب الشيخ

سجاد- جريت الباكيت باوعت لسوسن

كامت فاتت للغرفه

لا عمي مو وكتها

زين- عمي شغله ربع ساعه

سجاد- عمي من الاخير امك ماطلكها

زين- ليش بس احنا متفقنا هيج

سجاد- اني هم منتوقع هيج روحي تعلقت بيها ومااطلك

زين- عمي لتخليني اخذ غير فكره عنك

سجاد- ممسوي شي غلط اني حلالي وماريد يروح مني ماالكه مثل امك

زين- تنهدت عمي مااكدر امي ميقربلها غير ابويه

سجاد- باوعته رافع حاجبي ابوك استشهد وهي وفتله عشر سنين وحدها مفكرت بيها بوحدتها بقهرها

زين- اني يمها ممحتاجه احد وماخليها تحتاج احد

سجاد- باجر عكبه تتزوج وتبقى وحدها هي

زين- مااااعوفها اروح اجيب الشيخ وتطلكها

سجاد- سحبت نفس الجكاره ماطلك يله صباااا دنروح صحت بعصبيه

زين- متطلع اذا متطلكها

سجاد- زيييين شبيك دااكولك مااطلكها

زين- هاك سويج السياره واطلع من حياتنا انت واحد خاين لصديقك

سجاد- باوعتله بحنان وانت مدتخون العشره هسه

زين- ماريد عشرتك اطلع بره

سجاد - طالع

سوسن- طلعت ابجي زين ماما اني هم احبه

صبا- زين لتصير اناني فكر بامك

زين- شنو شنو تحبي مثل محبيتي ابويه انتي وحده خاينه وكعتي من عيني حقهم ولد خالي من يحجون عليج

شوكت حبيتي بالهشهرين عيب والله

سوسن- ماريد اتطلك

زين- ماشي اطلع من البيت لو اني هو اختاري

سوسن- لا ماما انت تقربت منه لزمت ايده اموت من دونك

زين- صرت نار هديت ايدها بقوه مراح تخلصين مني هسه تطلكون

سجاد- باوعتله باستهزاء

امشي صبا

زين- لزمته من قميصه عمي

سجاد- شدتسوي تريد تضرب الجتف الرباك وشالك وانت صغير شتريد تتعارك اني ربيتك تمد ايدك على ابوك دمعت عيني

زين- انت مو ابويه وطلعت عدك غير نيه طلك امي

سجاد- لا والله اني بهالشهرين حبيت

زين- بقيت افكر بيها بصبا اتصلت لكيته مغلق

صبا- قررت انطي بلوك اليريدني يجيني للباب يتوسل ومهري حيكون امه عروس لوالدي

مر شهر وباجر اداوم معهد بابا هيالي اموري خلالي خط وجهزت نفسي

سوسن- مشتاقتله كلش والشهر مرعليه عمر بوفات صادق متاذيت هيج جانت غايبه عني لمده 3شهور واني عديدخربطه هرمونات دائما تتاخر توقعت نفس الشي اليوم الصبح بده لعبان نفس ودوخه خفت كلش من طلع زين للجامعه مريت للمستوصف احلل تخبلت طلعت حامل متت شحسوي ابني راح من ايدي بهذا العمر واحبل لازم انزله شيكولون الناس عليه رجعت ابجي وحايره

قررت اروح ادكتوره تنزله مستحيل اخسر زين مستحيل اذا سمع بعد مراح اشوف وجهه وهو عباله مصاير شي بيننا

سجاد- نزلت اليوم واتصلت بيها بعده مغلق رحت للبيت بس بقيت براس الفرع اخاف زين يسوي مشكله اذا ماشوفها اموت

بقيت كاعد بالسياره ساعتين ونص شفتها طلعت تمشي منصيه مشيت وراها على كيفي بس ردت فرع فارغ انتبهت فاتت لعياده دكتوره نزلت وراها

سوسن همست

سوسن- سجااد بجيت جنت مشتاقتله كلش صار شهر مشايفته بس الهم العدي اكبر الحكلي

سجاد- عمر سجاد حبيبتي متت عليج شبيج شكو خوفتيني سوسن- اني حامل 3اشهر بجيت

سجاد- شنوو وكعت بالكع وسجدت بجيت

سوسن- كوم دتسوي خرب كووم

سجاد- لج هاي الجنت اتمناه طفل منج يشيل اسمي لج اني ميت عالطفل صارت بس صبا وبالموت

سوسن- رفعت عيني بعينه اريد انزله

سجاد- لا سوسن مستحيل هذا قطعه مني بيج لا سوسن معقوله

سوسن- والله لو تنكلب الدنيا زين اذا عرف بعد يكرهني

سجاد- هم رجعنا لزين اني شون وياه فهميني الطفل اذا نزل انسيني بعد متشوفيني

سوسن- نصيت كلشي ولا ابني

سجاد- واني سوسن واني نسيتيني لج حموتت باعي عيوني صار شهر منايم

سوسن- سامحني عفته ودخلت

سجاد- عفتها ضليت صافن من طبت هاي صدك حتسويها تنزل ابني لا مستحيل اخليها لو اعرف اموته لزين صبا ماعدي غير صبا الورقه الوحيده البيدي رحت ركض لبيت سجى واخذت صبا

صبا بابا ديخابرج زين

لا بابا ناطيته بلوك

تنهدت خالتج حامل

عااا حيصير عدي اخ

تريد تنزله

صبا عزه بابا حرامات بابا لتنقهر الله يحلها

بابا ماعدي غيرج اريد تقنعي حموت والله اذا نزلته سوسن كلشي تسوي علمود ابنها

اي بابا خليها عليه لزمت الزنجيل الجابه الي بسيطه زين

بليل فتحت البلوك واتصلت بزين

زين- شفتها دتخابر مااعرف اوصف حالي شصار بيه الووو شونج صبا

زين احبك

تنهدت ابتسم مرتاح اسمع صوتها وسمعتها كالت احلى كلمه بالكون تمددت عالسرير اموت عليج

شونك

موزين شهر متخابريني وقفلتي الجهاز ليش ماتخافين من الله متكولين يضل باله

زين الحكلي

شبيج شكو

ابن خالتي رايدني وبابا قبل

شنووو ليش يقبل ميدري بيه اريدج وترديني

مااعرف كلي مدام مخونني ماانطي بنيه

اني مو استغفر الله ممخونه بس ماريد يتقرب من امي ماريد احد يمسها غير ابويه

مااعرف دبرني

باجر جاي لابوج هو اليوم نزل عمر الشرطي كللي

باجر كلهم لبيت خالتي يجون

ماشي الصبح اجيكم انتي بيت ابوج لو بيت عمتجً

اني بيت ابويه

كلش زين انتضريني باجر

يله حروح

وين وين تعاي مشبعت منج

مااكدر يله باي خاف يسمعني دااحاجيك

الله وياج تحسرت شون بيه الصبح كعدت ب9ورحت لبيتهم بالمحيط

ودكيت الباب طلع عمي

سجاد- كلتلي صبا عالصار وجنت منتضره دك الباب فتحتها باوعته بعتب ودرت وجهي وفتت

زين- شونك عمي

سجاد- الحمد لله درت وجهي باوعته ليش جاي مو كتلي اطلع من حياتك مو اني خنت ابوك

زين- عمي جاي اعتذر منك عالحجيته اني مااتذكر ابويه مااعرف غيرك اب

سجاد- ابتسمت تقدمت حضنته ولك انت تربايه ايدي صدك تاثرت وبجيت

زين- عمي اني جيت اطلب ايد بنتك منك

سجاد- واني الي الشرف تفضل اني مربيك واعرف شينك وزينك

زين - كعدت زين يعني ترفض ابن خالتها اليوم وشون حنخطي نخطب هسه ووره فتره الزواج لو شون

سجاد- اني ديمقراطي وواثق ببنتي وبابني ابتسمت تعاي صبا

صبا- هلو زين ابتسمت وفرح كلبي كلش جنت مشتاقتله من ضحكلي الدنيا ضحكتلي

سجاد- كعدي بابا زين جاي يطلبج

وادري بيج قابله بس ديسال شنو تردين الخطوبه شوكت

والزواج

صبا- اي عادي هسه الخطوبه وسوكت ميريد الزواج زين- عمي انت تعرف ضروفي تقاعد والدي والراتب مال ارامل مال امي وهسه دااشتغل بالفرن مال صمون لحد مااتخرج

راتبي بفرن الصمون 400 يعني المبلغ الشهري الواتب كله يصير مليونين بالشهر واريد ااجر بيت بالمحيط وسالت كلولي 500يعنيدتكفيني وزايد والله يسهل الي والها

سجاد- هذا كله ميهمني المهم واحد يحب اللاخ

زين- اني مااعرف امور الزواج ومكلت لامي بعد اني راح اجي ردت اخذ الاكيد يله اكولها وهي عدها اولويات بس ردت اعرف شتامرين مهر وذهب عمي تدري امي مخليه فلوس ورثها من ابوها لزواجي

سجاد- اني مهر بنتي امك تنطينياها انطيك بنتي ونعيش عائله وحده مثل قبل تغيرت ملامح وجهه وخزرتي

زين- وكفت باوعت لصبا اسف صبا الله يوفقج بحياتج ويهنيج اني مومن نصيبح اترخص عفت البيت وطلعت بس فتت لبيتنا وكعت

امي ركضت عليه تبجي

سوسن- يمه فدوه لعينك شبيك

زين- يمه صبا راحت من ايدي ميقبل ينطينياها اذا ميزوجج الحقير

سوسن- بداخلي حقه بكلشي يسوي بكيفه يمه بنته وهو حر بيها

رحت للدكتوره وكلتلي ماانزله ومحد يقبل ينزله رجعت عزلت البيت مخليت شي ثكيل مشلت كمزت من عالدرج مثل المخبله كلشي ماكو كلشي ماكو اريد ينزل ماكو مالي غير ربي هو اليطلعني من هالمصيبه

سجاد- باجر طالع وحموت خوف اخاف تنزله وهذا ابنها قافل قفله اليهودي مااعرف شسوي روحي تلوب مثل الطير المذبوح

طلعت ذابها يم الله هو اليحلها مسويت غل ط اني حلالي هي وديت صبا لبيت عمتها وطلعت للرمادي بعد شهر انزل واحس روحي ميت جسد بدون روح

صبا- جنت ضايعه توقعت مراح يتحمل رحت للمعهد اداوم وشفته كدامي لحيته مطولها وشكله تعبان شافني من بعيد نصه ودار وجهه واني هم درت وجهي بس جسمي كام يرجف

من فتت من يمه ومن طلعت من المعهد هم شفته جان ديروح للبيت ولان احنا ثنينه بنفس المنطقه نركب نفس الكيه وجان هاليوم الخط مجاي

صعدت بالكيه وهو هم صعد كعد كدامي باوعلي ودار وجهه عالشباك متحملت برطمت خنكتني العبره احسه خذلني درت وجهي عالشباك واجه ولد كعد بصفي

زين- شفتها برطمت وكامت تبجي احترك كلبي دمعت عيني وروحي كامت تلوب النوبه اجه ولد كعد بصفها هي حته محست بي وهو كام كلسا يباوع عليها لان انتبه عليها تبجي مد ايده نطاها كنينس

شويه استاذي متحملت بعد شوي من رخصتك

نعم تفضل

شويه اكعد يم خطيبتي

لعد ليش مكاعد يمها من البدايه

بس شوي اتدنه

باوع لصبا تباوعلي مدمعه عرف حجايتي صح

تفضل العفو كعدت يمها طيتها كنينس

صبا- ماريد كمت اشهك بخنيك

زين- كومي ننزل خزيتينا

صبا- ماا عوفني همست

زين- مااكدر حاولت مكدرت

صبا- باوعت بعينه شفت عيونه مدمعه انت اناني كلش متحب غير روحك

زين- ميخالف كومي ننزل الكيه كلها كامت تباوع همست

صبا- مااريدك بعد كارهتك

زين-لعد ليش مجلبه بسلسله اسمي

صبا- كطعتها وطيتهيا عوفني لزم ايدي عصرها قووي

اخ اخ سحبني ونزلني من الكيه بقوه واخذنا تكسي ووداني للجادريه جان صاير اعصاب

زين- شوفي لج ترفضين ابن خالتك لا اسويها دمايه ومحمد وروح ابويه طلقه براسج وبراسي احس كلبي وروحي ترجف

صبا- تعرف شرط ابويه

زين- درت وجهي ومشيت خليت ايدي على راسي تقربت منها ابوج ليش جلب بامي

صبا- يحبها وتحبه هي هم لتصير اناني

زين - مااقبل اخر يوم بعمري

صبا- لو تقبل لو تنساني

زين- تنهدت بحسره انساج

صبا- والله العضيم اله اقبل برشيد واتزوجه وهسه تشوف بلكن تكتلني واخلص كمت اصيح عفته ومشيت درت وجهي

زين- مشيت وراها تعاي لجججج صيحت البحيره فارغه ومبيها احد وهي اصلا مرسى العشاق عرفت من اصدقائي هالشي

كامت تصيح صبا- وخر عوفني عوفني لو اموت ماارتبط بواحد اناني نسيت نفسي وصوتي كله صدى

زين- سديت حلككها بقوه اششش بس فضحتينا نعلعلااا اششش

صبا- عضيته من ايده قوي وخر دفعته قوي راح تسمع اخبار حلوه عني شبي رشيد شو ميتعيب تقدم ناحيتي بقوه ضربني راشدي حسيت اذني انشكت دمعت عيني وهو هم دمعت عينه

زين- اسف اعتذرت راسن استفزتني بكلامها كلش

اسف صبا اوكفي صبا صباا الله يخليج اوكفي

صبا- من كل عقلي كمت ابجي ولا توقعته فد يوم يضربني بس اني مقصرت كمت امشي سريع يتوسل بيه

انساني

زين - موافق همست مواافق صيحت بصوت عالي وكفت واندارت عليه اتجهت ناحيتي مسحت دموعها

صبا-باوعتله دموعه تنزل على خده ويمسح دار وجهه

حبيبي هيج تحبني

زين- اول مره بحياتي ابجي وره وفاه ابويه

وكلش ضجت من انهاريت

باوعتلها شسوي صبا مااتحمل احد غيري ياخذج كعدت مااكدر على بعدج ومااتحمل اغار على امي

صبا- امك تحب ابويه حرام عليك تحرمها منه

زين- اخذتلي فره مسحت دموعي موافق ميخالف خلي يتزوجها كل هالتضحيه علمودج تره خليها ببالج

صبا- ماانساها وروح امي ههه حنرجع عائله

زين- باع هاي الخبله هه اوف مانساها لابوج وابقى حاقد عليه

صبا- متكدر ههه انت تحبه لانه رباك

الو بابا زيوني وافق مبرروك

سجاد- سديت التلفون وكعدت ابجي الحمد لله ربي

زين- رجعت للبيت اني وصبا تبشر امي اني مخنوك حيل بس لاجل عين الف عين تكرم دخلنا للبيت لكيت امي واكعه ودشداشتها كلها دم تخبلت

يوم يوم شبيج كومي يووم

صبا مادري شبيها امي صبا كامت تبجي ليش هيج خاله مو زين وافق ضلت تبجي

زين- شنو قصدج شبيها اميي احجييي

ركضت جبت تكسي ولبستها صبا وطلعت للمستشفى

صبا- خابرت بابا ابجي بابا تعال خاله سوسن يمكن سقطت دخلنا للبيت لكيناها غركانه بالدم

سجاد- لا صبا كولي غيرها لا ي الله نزلت وره 4ساعات اني بالمستشفى

صبا- لتخاف بابا تلحكولها لتخاف

زين- تقدمت باوعت بعينه انت احقر شخص بالدنيا استغليت طيبه امي ياحقير

صبا-زين احنا شكلناا

سجاد- شوي وخر اشوف مرتي دفعته

دخلت باوعت لسوسن حمد الله عسلامتج كلتها ببرود جنت ضايج منها

سوسن- جان ضايج مني الله يسلمك همست باسني من راسي وطلع

زين- طلع ومباوع بوجهي

جان غادي نار وتعبان

سجاد-يله صبا امشي

صبا- ااا بابا حبقى يم زين وخاله

زين- وين رايح مو حامل منك وين تريد تروح

سجاد- امك متريدني من وراك دمعت عيني حتى لو رديتلها حتكون غصبا عنها

زين- تنهدت بحسره واريد املخه

بعد صار الصار اني موافق تنهدت عفته ورحت

صبا- زين زين مو داصيحك

زين- صبا عوفيني الله يخليج اريد ابقى وحدي

صبا- حتى اني متتحملني

زين- اي حتى انتي

عفت المستشفى وطلعت

سجاد- بقيت بالمستشفى اباوع على سوسن اجتي الدكتوره

شونه الطفل وضعيته

الدةتوره- الحمد لله سيطرنا عللنزيف كان اثر حبوب تسقيط تدري جان خسرنا الام والطفل بس جابوها بالوكت المناسب وخلينالها بطلين دم الحمد لله

سجاد- كعدت قريب عنها اباوعلها ببرود كذابه متحبني لو تحبني متضحي بقطعه مني

سوسن- حسيت لكيته كاعد يمي يباوعني بعتب

وين زين بجيت متحملت

سجاد- هسه يجي همست ودرت وجهي ضليج منها

الدكتوره- حمد الله عالسلامه شون تحسين نفسج

سوسن- الحمد لله احسن

الدكتوره- حناخذلج سونر نشوف وضع الطفل

سوسن- ماشي

اخذت سونر وباوعت على سجاد انته زوجها

سجاد- تنهدت اي معاجبني حتى اباوعلها

الدكتوره - كم طفل عدكم

سجاد- 2

الذكتوره- شنو بنات

سجاد- باوعت لسوسن تباوعني بنضرات توسل واني حاقد عليها بنيه وولد

الدكتوره- يعني حيصير عده اخ ابنكم

سجاد- ولد ابتسمت وعيني دمعت

الدكتوره- اي وكلشي مبي سبع وخشن على ابو الله يكومها بسلامه

سجاد- مسيطرت نزلت دمعتي باوعت لسوسن مدمعه

سوسن- همست اني اسفه

سجاد- مراح اسامحج طول حياتي عفتها وكمت طلعت تلاكيت وي زين

زين- من بقيت ببحدي فكرت امي مغلطت اولا حلالها وهالشي محرومه منه وعمي ورده ينحب حنين وكلش عاطفي مشايفه هالحنان من وكت ابويه يمكن حتى وي ابويه مشافته وصفنت شكد ضحت على مودي ابد مفكرت تتزوج ومن تزوجت وحبت تطلكت علمودي واخر شي سقطت ورادت تموت علمودي محد يحبني كدها رجعت للمستشفى ركض ردت اشوفها واعتذر منها تلاكيت وي عمي

زين-عمي

سجاد-عوفني زين

زين-ماعوفك ضليت امشي وراه صعد السياره وصعدت ويا عمي اعتذر تصرفت بانانيه

سجاد- تدري لو مسقطه الطفل جان متت دمعت عيني ليش هيج سويت بس تدري ثبتت انته بهالشي امك متحبني تخبك بس الك

ضحت بطفلي علمودك ومخافت عاللي ببطنها وابنها مثل متخاف عليك

زين- عمي انت عاقل وتفهم اني 19سنهرعمري وياها وربتني وحدها امي حيل متعلقه بيه تره وكله من ورايه اللي صار بيكم

طيني فرصه ثانيه نرجع عائله تقربت منه حضنته تنهد وحضني بس ادري بكلبه شايل عليها هاي بيناتهم بعد عمي بس تطلع امي نسوي حفل خطوبه

سجاد- هزيت راسي اي اليوم بليل تطلع خليها الجمعه الحفله اني السبت طالع اخر طلعه وبعد سبوعين ارجع وبعد ماامشي ابقى بالمركز

زين- ابتسمت خوش عمي

سجاد- هاك السويج حرجع بتكسي اريد ارتاح تعبان دير بالك على امك وصبا

زين- بعيني عمي بسته من راسه انت الربيتني سامحني عالشفته مني هم صغير وتفكيري ضيق

سجاد- مسامحك يله في امان الله

رجعت سبحت ونمت ومنضر نبضات الطفل بالسونرببالي غفيت وكعدت الصبح وره شوي جتي صبا

سجاد-ها بابا الله يساعدج

صبا-هلو باباتي احلى اب بالدنيا

سجاد-شونها خالتج

زينه طلعناها وهسه هي ببيتهم اني حفوت انام

سجاد-باجر نسوي حفله خطوبه تره

صبا-اي بابا كلي زين بسته من خده وفتت نمت

سجاد- ضليت حاير اروح لو لا اريد اشوفها لا ماريد خليني ضايج ومقهور منها مالي خلك حتى اشوفها

طلعت كملت كم شغله لخطوبه الجهال وصيت كيك على شتريت حلقه الي ولسوسن ولصبا وزين واشتريت اسم زين بس ثكيل عشر مثاقيل لسوسن هو هذا نيشانها لان ماكو واحد تحبه كد زين وكم شغله للبيت رجعت الضهر جبت غده وجيت اتصلت بزين

الو ها يابه تعال اخذ الغده الك ولامك

لا عمو جاي اخذكم

لا اني مااجي باجر فد مره

براحتك عمي هسه جيت

زين-عمي ميجي يكول باجر باوعت لامي دمعت عينها ودارت وجهه

سوسن- كلي ماسامحج شىن طاني كلبي وسويت هيج هاهي الصار صار شسوي بعد ارجع الوكت

ثاني يوم الصبح

زين وصبا اشترو الذهب جان كلش نازك والملابس

زين- تروحين للصالون

صبا- لالا اسشور شعري واتمكيجني بت عمتي

زين- شعرج طويل ابتسمت

صبا- اي لنص ضهري اليوم تشوفه

زين- خوش اشتريت لامي فستان مستر تعقد بي ويانا

العصر بيتنهم انترس وجبت امي وجيت لبست الفستان الابيض المستر طلعت كلش حلوه

سوسن- حفيت وجهي ومكيجت خفيف ورحت وي زيوني فرحانه بي جان شبه طاير يسبح ويغني ويبتسملي ويحضني كلسا ويكولي يوم اححبج واني اضحك مكيفه بي

وصلنا لبيتهم جان البيت مليان العيون صار عليه يدرون بيه اني هم حيعقد عليه ابنهم خواته وخوات ام صبا كلهم موجودين كعدت خجلانه مااعرف احد غير سجى دخلت صبا وجانت تجنن طالعه حضنتها دمعت عيوني تخبلين طالعه

صبا- خاله انتي التجننين نياله لبابا صبر ونال

عقدت اني ورايه كعدت خاله وعقدت هلهلو وغنوانه جانت خجلانه اكثر مني المهر مالتي جان ختمه قران وحجه مكه وخالتي مهرها جان المشتمل المقدم والموخر زياره الاربعين مال امام الحسين طبعا هذا اختيار بابا بس مهري اختياري دخلو علينا بابا وزين

بابا باسني من واسي ودمعت عينه

سجاد- مبروك يااحلى عروس درت وجهي على سوسن همست مبروك باوعتها بعتب

نصت عينها عني طالعه ملكه تخبل بس اني شايل بكلبي

زين- مااعرف شحجي كلشي بيها حلو طولها ورشاقتها سمارها وشعرها تخبل حبيبتي تقربت منها اسرتيني بجمالج وعفويتج

صبا- هههه حلو شعري

زين- همست يخبل باوعت بعينها لبستها الذهب والحلقه وعمي لبس لامي الحلقه واسم جبير زين

سوسن- لبس الحلقه باوعت بعينه تذكرت من لمسني ذبت بلمسه ايده واني هم لبسته حلقته طلع قوطيه من جييه لبسني كلاده ذهب جان كلش عادي وجامد وممتاثر ضايج مني لبسني الكلاده باوعتها زين مكتوب بيها باوعني شاورني سجاد-جبتها باسم ابنج لان متحبين غيره بستها من راسه وطلعت من الصاله

سوسن- دمعت عيني كملت الحفله ورجعنا اني وزين للبيت جان طاير من الفرح

توقعت يخابرني مخابر نمت واني مقهوره ثاني يوم جتي صبا عدنا جابهه زين وراحو اشترو الغرفه وجابوها بالمشتمل احنا مقررين المشتمل نكعد بي لان كافي علينا والغرف مالته كبار

سجاد- مشيت للرمادي واني ممخابرها كلبي مديغفرلها ابد

زين- اشترينا الغرفه ورجعنا نعزل بيها

صبا- حبيبي خل نبقي هاي المخده الرمليه

زين- خاف منضرها موحلو

صبا- لا يمعود حتى كلما تضوجني اضرب بيها يجوز نوبات ميعجبك تحضني اجي احضنها

زين- هااااا هيج لعد خليها كملنا ترتيب ونقلنا غرفه عمي لغرفه امي عمي بعد اسبوع يجي مبقه شي كملنا كلشي هالاسبوع نتزوج لان ماخليها تبات بيت عمتها اغار عليها وعمي دائما يطلع خفر انزوج واخليها كدام عيني وعود اكمل كليه وهي تكمل معهد الخميس زفتنا بعد 6ايام

فرحانين اني وياها حيل رجع عمي وبقه ببيته اللي عالمحيط مع العلم فارغ الغرفه مالته ينام بالهول موصل لبيتنا اللربعاء وره الحنه دز عليه سجاد- زيوني عمي كعدنا وهواي سولفنازبس هيج موضوع مفتحت وياك ابد احنا رياجيل البنيه تريد رقه اكو نوبات تستوجب قوه زين- عمي اعرف كلشي شايف افلام وافتهم سجاد- عمي ميهم لازم افهمك ضليت احجي وياه لل2 بليل افتهم العمليه كلها اجه الخميس وتزوجنا وطلعت احلى عروس حبيبتي

دموع امي ىفرحتها بيه هي وعمي موتتني جنت طاير حبيتها وردتها والحمد لله تغلبنا على كلشي وصرنا لبعض بالغرفه الفندقيه -----

خايفه حبيبي

لا عيني ماخاف اني بت الضابط

هاا تقدمت حضنتها احبج

موت عليك صدك بديت اخاف وبطني كامت توجعني

لتخافين مني مااذيج تنهدت احبج اني بس سلميلي روحج

ما ما كمت تبجي خفت

مو داكولج ماااذيج هسه اهوو ليش تبجين

يامتاذيني حتطلع قهر امك وابويه بيه

لايابه صدك تحجين اني علمودج وافقت ابتسمت صبا تره احبج من يوم شفتج بالمستشفى

خوش لعد لتاذيني عليك الله من اكولك وخر وخر

هلو لا قبضنا تعاي عمي ميخالف بس تعاي يمي شوفي منو يهدج اخذتها والحمد لاه جانت سبعه خلصنا منهاليله نامت بحضني واخيرا امنت هي حتبقى يمي بعد محد يباوعلها لو يتقرب منها

سوسن- توقعت راح يجي يبات يمي لان ماكو احد بالبيت ويايه مااجه كلش ديقهوني رحت نمت الصبح ب10كعدت على حس السياره

مال زين كمزت هلهلتلهم ودخل وراهم سجاد بيده الكيمر والكاهي والعسل ذبح ذبيحه بطبتهم وراها كعدنا نتريك ابد ميباوع

زين- عمي شوكت طلعت

سجاد- منين

زين- منا من البيت

سجاد- باوعت لماعوني مبتت هنا

زين- باوعت لامي منصيه بتتي وحدج

صبا- بابا شون تعوفها وحدها لو صاير شي

سجاد- شيصير يعني جان عدي شغل احجيها بلاموبالاه

كملنا الاكل وكامت ترتب اباوع على بطنها ماكو ممسوحه بله هاي 3ونص عجيب

طلعت عالطرمه غسلت الدم مال خروف ودخلت للبيت ويايه صينيه اللحم

اا هاي تخلي بالمجمده

سوسن- اي همست تقربت اشيله

سجاد- لا موزين تنهدت ديربالج يمعوده كلش ضجت متدير بالها علي شلته خليت اللحم بالمجمده

صبا- بابا اشوينا تكه بالطرمه مثل ذيج المره

سجاد- اي بابا شكو بيها

زين- طلعت ملازمي وكعدت اقره

صبا- طبيت شهكت هاي شنووو خيانه غير تصيحلي اني هم اقره وياك

زين- تعاي اقري بس حلكج لتفتحي ماركز تره

صبا- يمه ياستار ميخالف عمي الله واكبر عليك

كعدت اقره ويا هو مندمج ويشيل اوراق ويحذ اوراق مليت طلعت يم خاله جانت دتشيل الملابس من عالحبل وبابا ديشوي ساعدتها وصفطنا ملابس بابا بالغرفه الجديده وره ساعتين رجعت هم

هم ديقره خطيه يمكن دراسته صعبه

تغدينا وطلع وره شوي رجع يقره اني رحت نمت طبعا الغرفه انكلبت كلها اوراق الملم وارجع ليوره

لملمت وصفطتهن يمه ورحت نمت وهو بقه يقره

سوسن- مشتاقتله وهو ابد ممهتم بيه

سجاد- نطوني اجازه سبوعين مال زواجي وراها اداوم بالشعبه الخامسه طلع نقلي الحمد لله

كملت شغل كعدت اتفرج اخبار بالهول

سوسن- فتت نمت تعبانه ومخنوكه رغم فرحتي بزواج زين

سجاد - نعست ردت انام رحت للغرفه شفتها نايمه لابسه دشداشه ستن مستره ورديه بلون بشرتها ضليت اباوع عليها فتحت عينهازباوعتني بعدت عيني جريت اللحاف ونمت ابد مطخيت بيها غفينا

صبا- كعدت نفس الحاله ديقره والغرفه حتى على وجهي اكو ورقه مكلوبه كمت اصيح

هاي شنووو زين ومحمد اذا مكمت لملمت الاوراق اكلبلك الدنيا

زين- جنت مندمج بالدراسه فزيت من صاحت شبيج لج ووجع

صبا- شنو هاي حتى جوه مخدتي ورقه هو هيج يقرون

زين- لج شسوي اني من اقره كلسا بمكان تطشر بالغرفه ميخالف لميها ورجعت نصيت عالاوراق

صبا- باوع راح المهن بس هالمره اذا طشرتها والعباس ابو فاضل اذبك وي الاوراق بالحاويه

زين- ها لج عيب اني رجلج شوي احترام

صبا- ماا

سجاد- فزيت على صوتها تصيح اني وسوسن

هاي شبيها العرمه

سوسن- ههههه خرب يومج صبا تكله اذبك بالحاويه ههههه

سجاد- خرب خزتني هاي بتي فد يوم تنكتل وهو لاعب حديد والنبي يكسرها

سوسن- شحده بمد ايده عليها

سجاد- باوعت باستهزاء وخرت الغطا وكمت

سوسن- ااا شوكت تمشي

سجاد- انداريت عليها هيج ضايجه مني عفتها وطلعت

سوسن- لا مخلاني اكمل حجي

صبا-تعشينا وهو بعده يقره اجه اكل ويانا تعشى ورجع للغرفه يقره مليت اريد يحضني يبوسنيً اريد نطلع هفف دخلت للغرفه هم جانت مكلوبه

هاي شنووو اي زين

زين- ها يمعوده دااقررره شبيج صيحت

سوسن- هاي شبيهم بس يتناكرون

سجاد- باوعت عالتلفزيون عوفيهم هههه هايداليزوج زعاطيط

صبا- هاي ليش هيج مطشرها الاوراق

زين- لج بابا عوفيهن اني هيج اقره خليني براحتي

صبا- ماضجت لميت الاوراق وادردم كمت اصيح ابقى كاعد مكان واحد واقره لا مثل الجريدي بس تكمز

زين- رفعت راسي شون بيها عضه لج بابا عيب اني رجلج احترمي

صبا- ماا

زين- مو اجيج

صبا- متسويها

زين- جيتج لحكتها وهي تركض حصرتها بالزوي منو جريدي منو

صبا- اني والعباس اني وخر لتدغدغ

زين- اني شنو

صبا- اسد خفف لزمته وباسني يابه ذبت خو طيني كلساعه بوسه ووواكلب الغرفه وماحاجيك

سوسن-كعدت عالقنفه يم سجاد

نسمع حجيهم خربانين ضحك عليهم باوعتله بالله ذوله مال زواج

سجاد- حبهم صادق باوعتلها بعتب

سوسن- درت وجهي ونسمع بوساتهم وضحكاتهم خربانين ضحك عليهم وراها فتت سبحت بحمام الغرفه

سجاد- العرسان نامو دخلت للغرفه ملكيت سوسن سمعت صوت الدوش عرفت بالحمام

كعدت عالجربايه اتفرج بالتليفون طلعت بالمنشفه رجليها البيضه واكتافها وشعرها النازل على كتفها خبلني بلعت ريك ودرت وجهي

سوسن- خجلت من شفته اخذت هدومي وردت ارجع للحمام شفته كام من الجربايه وكف توقعت متوجه الي نصه وفات من يمي وطلع

تخبلت ليش هيج هاملني هيج اذيتك

سجاد- طلعت للهول ومنضر جسمها عذبني ريحتها تجنن كوم بيدي هي هسه اووف بس ماريد اتقرب منها خل تبرد نار كلبي

ثاني يوم جانت عطله السبت كعدو العرسان وجانو ديحضرون ريوك زين حاضنها من وره وصبا واكفه عالطباخ

سجاد- ها ولكم متستحون ماعدكم غرفه

زين- ها عمي اعتذر ههه صفنت عليه معقوله السويته البارحه وي صبا سوا وي امي غرت واشتعلت غيره نفضت الافكار من راسي كعدنا نتريك كلنا عائله حلوه

صبا - خاله اريداروح للسوك ميخالف تجين ويايه

سوسن- شكو بيها يله كملي حته نروح

طلعتنا اشترت كم شغله واني عجبني بنطرون حصر

صبا- خاله اشتري بابا يتخبل من يشوف بي

اشترته واخذت وياه بدي كم دشداشه نوم على ذوقي اريد اشوف ابو صبا شون حيكدر يكلب وجهه بعد ههه

رجعنا للبيت طبيت لكيت زين نفس الوضعيه كمت بدلت لبست تنوره قصيره وبدي

مشيت من يمه مرفع راسه لابسه كعب دست على كتابه

زين- هاي شنو دااقره يبت الناس لج حتى اصير مهندس وابنيلج بيت واطك طكه للستار

صبا- كلشي ماريد اريد تحضنني بس لاريد بيت ولا ابد

زين- دوخري رجليج هسه ساعتين اكمل واجيج

صبا- ساعتين ياضالم لو عجينه هم جان اختمرت زين شنو رايك تتعلك بمكان الكيس الرملي مال بوكسات

زين- منصي عالكتاب وبالي مو يمها ليش يعني

صبا- حتى اشبعك كتل كوم موتتني كرهتني بالدراسه

زين- تردين تضربيني بالبوكس باوعتلها

صبا- اريد املخك

زين _شنو عبالج مااتحمل ضربتج

صبا- متتحمل واني بهيج مزاج تموت

زين- دهاج كمت طيتها البوكس لبسته بيدها نزعت فانيلتي ذبلت عينها ياه ضربي بكل قوتج

صبا- مو اضرب

زين- عمي اذا بيج قوه ضربيني

صبا- كمت اضرب بيه وهو حايط مو يمه تعبت كمزت عيه عضيته

زين- لج اخ اخ مكلنا عض انجلبتي خرب بيومج يابه زنبور

صبا- هاي انت عود ليش متتاذه بالبوكس

زين- متدرب هواي

سوسن - ركبت الغده هو كاعد بالهول صبيتله جاي وخليته كدامه جان متمدد

تقربت كعدت يم كف رجله لزمت كف رجله فركتها تدليك

سجاد- تعجبت من حركتها وروحي ذابت شوي وسحبت رجلي لان انتهيت

سوسن- باوعتله خزرته

سجاد- اتدغدغ مااسيطر سمعنا صوت الرويسيه هذوله شبيهم بس يتجالبون

سوسن- عوفهم ابتسمت مكيفه بيهم

سجاد- حفوت انام مسطور

سوسن- اني هم نعست والله مدري شبيه بس انام

سجاد- اي من نكعد نتغده عود

سوسن - اوكي رحت لفراشي نزعت الكلبيه جنت لابسه دشداشه نوم نص ردن جوه الكلبيه من انزع يباوعلي ببرود فليت شعري ونمت

سجاد- ريحتها دمرتني اريد اتقرب منها باوعتلها سوسن شو بطنج ممسوحه خاف الجاهل صغير

سوسن - اني ضعيفه والدكتوره كالت خشن واني بزين هم هيج

بس تره قويه باوع اخذت ايده مشيتها على بطني والدشداشه ستن ناعمه ذبلت عينه باوعني

سجاد- ممم صح قويه

سوسن- هسه هو ديحس بيك انت ابوه ومخلي ايدك علبه باوعتله ابتسم بحنان

سجاد- اذا احجي يسمع

سوسن- اي

سجاد- صادق حبيبي لتضوج لان ماما رادت تموتك باوعتلها بعتب ودرت وجهي ونمت

سوسن- مراح ينسى وحقه دمعت عيني غفينا وكعدنا العصر سمعت صوت العرسان جانو يتغدون باوعت لسجاد هو هم كعد

سجاد-اوو ساعه خمسه

سوسن - اي كمت وهًو كام ورايه

صبا- زين اسمك غريب

زين- ليش يابه اصلا يخبل

صبا- لا موقصدي بس باوع حتى تكدر تكذب ومتطب للناربي شوف مثلا

يسالك واحد هازين شلونك تكوله والله زين وانت موزين بس انت تقصد اسمك شوف هههه

زين- خرب حضي النوبه معلمه اريد اشوف الجيل اللي راح يتخرج من جوه ايدج شونه شي ثاني احلى من اسمج

صبا- فدوه اسمي يخبل اصلا شكد مااكبر ابقى صغيره لا ن اسمي صبا

زين- لا حبيبي اسمج صبا جنه صبه عالكلب بلوكه طابوكه

صبا- ههههه شكد ضريف متضحك طبت خاله للمطبخ

هلو خالتي

سوسن- هلو خبايبي

زين- هلو يوم انتبهت ايدها على بطنها ضجت وغرت

سوسن- باوع على ايدي ضاج واسن وخرته حسيت بوجع وخليت ايدي بس لازم انتبه ماريد ينقهر

زين- طبيت للغرفه وره شوي جتي ورايه صبا

صبا- شبي حبيبي تغير وجهه

زين- امي

شبيها خاله

ماادري اشوفها فشله هالعمر تحبل عيب

صبا- ليش عيني ابويه صغير ويريد اصلا ابويه ماكو بسباعيته

زين- ليش عيني مبعينج شبيه رجال اسد عين الشمس

صبا- فدوه لكلبك عيني ابويه عمره اربعين سنه وحبل امك من اول مره تغار جيف انت مومثله ابو دوده

زين- هاااا دتعاي يمي تعاي اذا ماحبلج بخمسه اني موزين

صبا- هه هههه لا انت زين هههه

سوسن- اسمع ضحكهم واضحك اني وسجاد عليهم باوعتله ضايج فتت للغرفه لبست البنطرون الكابوي اللزك والبدي وفليت شعري وتمكيجت حفيف وطلعت بس بالكوه طلعت جنت اخجل كلش

سجاد- طلعت بالكابوي عبالي صبا شفتها اسمن انداريت هاي سوسن رجف كلبي عليها اندارت شفتها متمكيجه تخبل طالعه

مكدرت اشيل عيني هي تباوع وتبتسم واني صافن اتفرج على جسمها

سوسن- خبلته ههه تتغده لو موهسه

سجاد- اا لا اتغده جوعان

كمت كعدت عالميز بالمطبخ ردت اكون قريب عليها

بقيت انفرج من تمشي جسمها يموتني

كعدت كدامي تاكل واني اتمرمر كملت اكل ووكفت عالسنك تغسل المواعين توني اتقرب احضنها من وره سمعت الباب مال غرفه زين انفتحت رجعت لمكاني تنهدت نصيت عيني شو اني خايف مرتي حلالي انتبهت عليها تباوع ورايه تنزل بالتيشرت انداريت شفت زين خازوها قاطب حاجبه

زرين- شنو هاي يوم عيب قابل انتي صغيره

شنو هاللبس

سجاد- شبيك لك نترت بي قابل شكبرها هي وهي ششافت من حياتها شو كضتها تربي بيك وشي ثاني بالبيت مو بالشارع احنا

رزلته وفتت ضجت كلش من تدخله

زين- اعتذر يوم

صبا-فاتت خالتي للغرفه وانداريت على زين انت تتونس وتشبع ونسه وي زوجتك وتريد تحرم امك انت شكد اناني

زين- صبا وخري عني فتت للغرفه

صبا- شفته كلش ضاج علكت اغاني وعليته وكعدت اركص انداريت شفته يبتسم ويباوع عليه ركصت ركص مصاير تونست وونسته

زين- شون يعني ابقه بالفراش ماكوم مو عدي دراسه جريتها لحضني جسمج يخبل

سجاد- فتت للغرفه انغثيت وره شوي جتي تريد تنزع البنطرون

تقربت منها سديت الدكمه لتنزعي حلو عليج

سوسن- رفعت عيني باوعتله يباوعني بشموخ عجبتك

سجاد- اي همست ودرت وجهي ورحت للفراش انفرج فلم شوي وجتي يمي

سوسن- جنت مصبغه اضافري ورجلي بيضه مديت رجلي

باوعتله جيف حامل رجلي توجعني

سجاد- منضر رجلها يخبل ثلج والصبغ احمر تقربت فركته برقه اباوع بعينها شوي شوي نزلت ذابت بستها من رجلها وبقيت ابوس بيها تباوعني فاتحه نص عينها وتعض بشفتها

خجلانه عفتها وكعدت عدل ردت اعاقبها

سوسن- من عافني كلش ضجت كمت مسحت تلصبغ وتلمكياج ىبدلت وكمت صليت وتمددت

سجاد- لتسوين عشه حجيب كباب

سوسن- اوكي

تعشينا سوه وكامن راح نام بمكانه مشتاقه لحضنه ليش هو ممشتاقلي جان يتفرج فلم ميباوع بوجهي اني صافنه عليه دار وجهه عليه

سجاد- شبيج همست

سوسن - مابيه شي تغطيت انام

هو نزع الفانيلا مالته اني ذبت بي يخبل صدره باوعلي تصبحين على خير طفه التيبل لام والتلفزيون ودار وجهه

سوسن- وانت من اهله ضليت ضايجه غفيت الصبح كعدنا سمعنا صبا وزين يتناكرون كالعاده وره شوي انسدت الباب اليوم عدهم دوام

صبا الخير

صباح النور

تتريك

اي هسه

كمت سويت الريوك جنت لابسه سيت نوم اسود ونايمه بالروب اخجل انزعه صدري يبيت ىبي فتحات

طلعت للمطبخ بي ماكو احد

سجاد- طلعت وراها كعدت انتضر الريوك واتفرج عليها

سوسن- علكت الطباخ اخذت الردن صار بيها نار ردن الروب كمز سجاد ها ها طفاها ونزعني الروب خاف انجوي لان ماع وهو ستن

سجاد- لو ادري فلا انزعها صدرها مرتفع شهكت من شفته وقصير كلش افخاذها الثلج مبينه بقيت صافن وهي منصيه خجلانه خلص صبري

انتي شنو من جاذبيه بيج احجي وارجف يعني مااكدر اعاقبج رفعت عينها بعيني ذبت بستها من ركبتها تاوهت وهمست اه مشتاقه لحنانك

ضعت من سمعتها شلتها ووديتها للفراش نزلت اسقي الدشداشه غمضت عينها خجلانه بقيت ابوس بيها خليت وجهي بصدرها تلمست جسمها تدمرت فقدت نزعتها ونمت عليها

سوسن- ينام ويايه وهو قاطب حاجبه خنكتني العبره اسفه والله ادير بالي بعد ومااكسرلك حجايه

سجاد- تكتلين ابني هيج متحبيني انام ىياها بعصبيه واعاتبها

سوسن- ارجف جواه ونفس الوكت خايفه من عصبيته لا والله احبك بس خفت من زين

سجاد- مو هذا هم ابنج شون تكتلي باجر عكبه من يجي هم تاذي لخاطر زيييين

سوسن- لا مااذي بعد

سجاد- لو ميت جان موتتج فرحت عمري انتي واللي ببطنج

سوسن- اسفه لزمت خدوده بايدي الاثنين داب بيدي باسني ورحت منتهيه كان عصبي وهو يتقرب مني بس كلش ارتاحيت كملنا حضنني قوي كلش يمكن من يجي حموت من الفرحه

سوسن - اسم الله عليك نمت على صدره واخيرا وره ساعتين كمت خليت الاكل عالنار

وكملت تركيب وخليته على نار هاديه حسيت بايده تحضني وتتلمس بطني

همس باذني احبج تعاي جيت وراه وداني للغرفه حضني ورجع نام منصدك كانه

سجاد- جتي ايام ردت اموت من شوقي الج خلي اشبع

سوسن- ماعوفك بعد سمعنا صوتهم طبو يضحكون ودخلو لغرفتهم باوعته اضحك الضاهر زين اشتاق لصبا هالكم ساعه بالدوام

سجاد- ممم يمكن يله كومي تره احنا منتريكين تريكت بيج

سوسن- اكو ركي بالسوك

سجاد- لا بس ادورلج ابتسمت متوحمه علي فدوه بستها من حلكها

وره اشهر من الراحه صادق نور الدنيا حاضنه وابجي ممصدك صبا تبجي لبجايه زين صافن وعينه مدمعه تقربت منه هذا اخوك اريد تصير مثله

زين- رفعت عيني بعين عمي طبعا يصير مثلي انت الربيتني حضنته قوي مبروك عمي فتت باركت لامي

زين- من اشوفها ترضعه اغار عليها فتت للغرفه لكيت صبا دتدب من راسها بالحمام مال غرفه

لج شبيج

نفسي تلعب

ليش شماكله

والله ماكلت شي

امشي اوديج للطبيب وجهج يخوف

شبيه عيني اخبل

دباوع حضي مريضه وتتجالب شبيج بابا عاضج جلب انتيً

ايييي مااا عوفني وخر من وجي تره ازوع عليك

لا والله بدلي وجج اصفر

خوش

اخذتها ورحنا طلبت تحاليل وحبيبي طلعت حامل مصدكت روحي حصير اب من اغلى انسانه راحت غيرتي من صادق الحمد لله كملت قصتنا على خير وسلامه العبره منها انه العمل الصالح مثمر شتسوي صالح بدنياك مرده الك والصبر مفتاح الفرج انشاء الله تكونون استمتعتو بالقصه مريم السعدي