الفصل الرابع

رواية قطبين مختلفين الجزء الرابع 4 بقلم روان محمد زقزوق قطبين مختلفينرواية قطبين مختلفين الحلقة الرابعة _عمر!! : ايوه ياختي عمر اللي مش معبراه ولا حتى بتتصلي “قالها بضحك و أنا كنت متسمرة مكاني و ببص عليه و مش مصدقة كان لابس لبس خليجي تحفه ” “جريت عليه و أنا مش مصدقة و سلمت عليه و كنت هحضنه بس افتكرت انه حرام فبعدت شوية” بحماس _انت جيت امتى يلا! : يلا؟! ما علينا لسه جاي _و خالي

و مرات خالي عرفوا ولا لسه: يا بنتي أنا لسه جاي و انت اول واحده تشوفني _بجد! انت لسه جاي تعالى اقعد اقعد : بس .. احم _تعالي دي صحبتي آيات آيات قامت و هي بتغمز لحسناء ~ هطير أنا بقا _تمام باي هبقى ابعتلك الشرح تمام سلام : عاملة ايه انت بقا _الحمدلله والله يا عمر وحشتني اقسم بالله : اه وحشتني اومال مكنتيش بتبعتي رسالة واحدة توحد ربنا ليه ياختي بضحك _الدنيا مشاغل بقا معلش : امم _طيب انت عرفت جامعتي ازاي

: انت ذكية يا بنتي ما انتي كاتبة على الأكونت بتاعك _اه اه صح طيب اجيبلك حاجه تشربها “سمعت فجأة حد خبط على الديسك اللي قدامه و مشي و طلع ياسين هو ماله ركزت معاه شوية و معرفش ماله لحد ما قطع تفكيري صوت عمر” : طيب ايه بقا عايز أروح عند أمك عمتي وحشتني اوي و أكلها وحشنااااي _طيب يلا بينا ياعم دا امي اول ما تشوفك هتطير من الفرحة : يلا _بس ايه الجمدان دا الواحد هيفتكرك خليجي بجد ابهرتني! : ايه رأيك خليجي خليجي صح

_ايوه ياعم يلا بينا بقا نلحق نركب “و بدأت ألم حاجتي بسرعة علشان نمشي ” : نركب ايه _مواصلة انت نسيت ولا ايه : لا أنا معايا عربية _عربية ازاي؟ : أجرتها طبعاً يخربيت الذكاء الواحد يكبر يتذاكى انتي بقا بتتغابي _الله يسامحك يلا بقا علشان هموت من الجوع : ماشي ياختي _و انت بقا احوالك هناك ايه في السعودية ” فونه رن و بصلي و قالي ثواني و بدأ يتكلم” : يا هلا لين شلون اخبارك ~ طيبة عمر روحت مَصر انت بخير طمني

: أنا تمام لا تخافي علي يلا باي باي تبقى تدق علي بعدين : في رعاية الله سلام ” قفل معاها و أنا سامعه كل كلمة و حاسه بغصة في حلقي بس حاولت اخفيه و بدأت اتكلم بهزار” _ايه ياعم عمر انت خطبت من ورايا ولا ايه بضحك : قولي ان شاء الله بس و كمان انت اختي يابت اول واحدة تعرفي أصلا ضحكت ضحكة قصيرة _و على كدا بقا دي حبيبتك؟ : لأ قرأنا الفاتحة _بس.. قاطعني

: لا متخافيش امي و أبويا كانوا موافقين و اتكلموا حتى مع أهلها و كانوا مرحبين جدا علشان زي ما انت عارفه أبويا ميقدرش يروح _اممم “قولتها و حاولت اقفل كلام و أنا بفتكر ذكرياتنا مع بعض متوقعتش دا يحصل أبداّ قلبي كان بيوجعني؟ الحقيقة اه زعلانة ان مقدرتش احافظ على قلبي و على مشاعري اللي راحت بس حاولت أضحك واهزر عادي جدا و قاطعني صوته” بضحك

_تعرفي يا حسناء لما كنت هناك كانت بتوحشني الأيام بتاعت المدرسة لما كنتي بتمسكيني من وداني في نص الفصل علشان كلت اللانش بوكس بتاعك “حاولت اتعامل عادي على الرغم من الخنقة اللي جوايا بس مكنتش زي الأول..! : ما هي كانت حركة مستفزة و طفسة اقعد احضر السندوتشات من صباحية ربنا و اسيبها في الفصل حبه ألاقيك قاعد و بتاكل اخر ساندويتش و تضحك بضحك

: كنت بحب استفزك موووت ولا لما قفشتيني بشرب سجاير و قعدتي تسحبي مني فلوس قد كدا علشان متقوليش لأهلي هموت و أعرف كنتي بتجيبي ايه بضيق حاولت مبينهوش _كنت بعمل استيكرز : والله كانت استيكرز ايه بقا بكدب: استيتش استيكر لستيتش و كدا بقا : امم طيب يلا ياختي وصلنا انت عارفه هتعملي ايه بغمزة _عيب عليك دا أنا بلوتوث “دخلت الشقة و أول ما دخلت روحت ناحية أمي و كان قاعد جنبها يوسف ” _ماما! • اممم _يا ماماا !! بزهق: ايه يا بت

_متطلعوا البلكونة تشموا هوا يوسف ببرود: مش عايزين شكراً _هو أنا بتاع الأنابيب! ما تتطلعوا • ليه؟!!! _يا ماما بالله عليكي اطلعي • هتعملي ايه لما اطلع _اللي انتي عايزاه • تبقي تغسلي المواعين _مش للدرجة يعني! • يبقا خلاص _خلاص هعمل و انت يا سي زفت “عمل بإيده حركة اتنين ” بعدم فهم : يعني ايه! : تعمليلي شاي لمده يومين كل ما احتاج أربع مرات في اليوم _طب اتزفت اطلع

” طلعوا البلكونة و لقيت أمي صرخت باسم عمر و لبست الخمار و يوسف نزل جري و أنا مبسوطة بس مخنوقة” يوسف بحب و هو بيحضنه: أخويا يا عم والله وحشتني خالص : و انت اقسم بالله يا قلب اخوك ~ اوف بس ايه ياعم الجمدان دا خليجي! : دا ولا حاجه بالنسبة ليا بضحك ~ بارد طول عمرك • تعالى يا حبيبي اقعد تعالى بضحك: ايه يا عمتي في ايه • اسكت يولا بعدين وجهت كلامها ليا

• روحي جيبي المكرونة بشاميل و الرقاق لعمر و اعملي سلطة كدا و اقلي بطاطس و.. _و ايه يامّا كمان؟!! اجيب التلاجة معايا و أنا جاية؟!! • ياريت والله هو يكتر على عمر! عمر بابتسامة: تشكري يا عمتي والله مش عارف اقولك ايه • المهم يولا روحت لأمك و ابوك : الحقيقة لسه هروح • مروحتش لأبوك و امك! بتوتر : اه • متصلتش؟! : اه • يولا كدا هيزعلوا بص كل وروح هناك بسرعة أو روح بعدين تعالى _دا جعان كان جاي و بيقول وحشه أكلك

• يا حبيبي طيب كل بعدين روح و احنا هنروحلك بليل _معلش يا عمر مش هعرف اجي عندي امتحان قريب والله هبقى اقابلك بقا ” دخلت اوضتي بسرعة و أنا متضايقة و مخنوقة اوي و قفلت باب الأوضة و طلعت كرتونة صغيرة من درج الكوميدينو ” ” بدأت اطلع استيكرز أو يعتبر صور ليه من و احنا أطفال لحد ما كبرنا و بدأت اقطعهم واحد واحد و ارميهم في الباسكت و بقنع نفسي أن دا الصح و من الخنقة و الضيق نيمت كتير اوي ”

ــــــــــــــــــــــــــــــــــــــــــــــ [تاني يوم] الله أكبر .)) ـــــــــــــــــــــــــ ” كنت متضايقة طبعاً من اللي حصل امبارح و كنت قاعدة في الميكروباص و لقيت ياسين دخل و قعد في الكرسي اللي جنبي لأن مكنش فيه أماكن و متكلمناش بعدين طلعت بونبوني و بحاول ابتسم” بابتسامة مزيفة _خد ياعم شكراً لمساعدتك امبارح دي حاجه بسيطة بضيق و برود: مش عايز _ايه اللي مش عايز دي!! أنا بعزمك على حاجه تاخدها!

: و أنا قولتلك مش عايز _تصدق انت عيل غتت : عارف! ” رميت البونبوني في وشه بضيق و عصبية فبصلي بعصبية و هو بيرميها في وشي تاني و قعدنا نرميها في وش بعض بضيق لحد ما اتكلم بعصبية ” : و دا اسمه ايه دا ان شاء الله!! _مبحبش ادي حد حاجه و مياخدهاش و كمان دي بونبوني بالقهوة طعمها حلو ببرود و ضيق و هو بيديها البونبوني: شكراً مش عايز _أنا مش في مزاج اني اتخانق! كلها من سكاات!!

” سكت و حط البونبوني في بؤه بعد ما زعقت و حط الاير بودز ” _أنا عندي سؤال بس بضيق : امم _انت ليه أربعة و عشرين ساعة لابس الإير بودز ليه حاسه كأنك عيل صغير و الاير بودز السكاته بتاعتك “فجأة واحده ورا ضحكت على اللي قولته و ياسين بصلي بصدمه و ضيق بعدين ملامحه اتغيرت للبرود ” : و أنا كمان عندي سؤال ليه أربعة و عشرين ساعة بتتخانقي مع دبان وشك _على فكرة أنا مش بتخانق مع دبان وشي مع الكل : طيب مشمعنا حظي الاغبر

_معرفش الخناق مبيحلاش غير معاك كام الأول عمر دلوقتي بقيت انت معرفش بقا: و مين عمر دا _انت مال شكلك انت!! و كمان مش كنت الكارف اللي مش بيتكلم مع حد و كل ما اتكلم تسكت و تشغل الاير بودز! بضيق و برود: اممم “سكتنا بعدها و كنا مروحين و نزلنا مع بعض من الميكروباص الأول كان بيتجاهلني و يمشي بعيد” بتردد : حاسس انك مخنوقة في حاجه _مليش : هو انا جوزك ولا خطيبك علشان تقولي مليش ما تخلصي و كمان خلينا حبه صحاب من غير خناق

_شوف شوف اللي كان بيقول هو أنا هكون صاحبك يعني من يومين دلوقتي عايزني اعتبره صاحبي.! : بلاش برود و خلصي _مليش قولتلك! : فيه! بزهق _مفيش رجوع عمر بس اللي ملغبطني شوية كدا و هرجع طبيعي : اممم _هروح : سلام ـــــــــــــــــــــــــــــــــــــــــــــ [ياسين] لا إله إلا الله ــــــــــــــــــــــ

” كنت متابعها بعيني و هي بتطلع عمارتها لحد ما طيفها اختفى و ابتسمت ابتسامة صغيرة بس حاولت افهم مالي و ايه التحول اللي حصل دا اول مره اتكلم معاها عادي و قطع تفكيري رسالة من صاحبي المجهول” ….. لقراءة الفصل التالي : لقراءة الرواية كاملة اضغط على : (رواية قطبين مختلفين) مدونة كامومنذ يوم واحد 0 6 دقائق