تحميل رواية قيد من الم بقلم تقي محمد pdf

طق طق طق

_ادخلي

=رائد الليله قريبه ما جيت سلمت علي وإنتي جاي من الشغل في حاجه شاغله بالك يا حبيبي

_لالا انا كويس بس حاسي بي صداع رهيب وميت من الجوع من الصباح ما اكلت ممكن تعملي لي حاجه اكلها وجيبي لي بندول لو في

=حاضر الليله عامله ملاح روب عارفاك بتحبوا ومنها يعدل ليك المزاج

_ تسلمي لي انتي يا الحنينه

=طيب دقائق واجي

طلعت بعد مسافه جات شايله صينية اكل

= يلا تعال اكل وبالمناسبه يا رائد بعد الاكل عايزه إتكلم معاك في موضوع لو ممكن

_طيب بس انتي يا تقى وين الاولاد

=وجن مع خالتو عاليه و حسن نائم فوق

_وجن مع امي ؟! امي جاتكم هنا

=اي جات قبيل اتونست معاي يا حليلا ووجن إتعلقت فيها قالت لي خليها الليله معاي وياهو مشت معاها

_اها تماام كويس،،، اها الموضوع شنو

=بصراحه يا رائد إنت ما بقيت زي اول حتى اولادك حسوا بالتغيير دا،،، زمان طوالي تسأل مننا حتى لمن تكون مع مرتك التانيه قلبك بكون معانا حاسه يا رائد ،،، انو تغريد شالتك مني...

_دا كلام شنو يا تقى إنتي عارفه مكانتك في قلبي ما بتتغير ثابته وبعدين،، كبرنا وبقينا نقول كلام كبير

=رائد☺️

_حلات الخجل في ناسوا... طيب يا ستي بكره عازمك مكان برانا 😉

=بجد يا رائد

_بجد يا حلاوة قلبي بس وزعي الاولاد

=طيب😊

اثناء ماهم بتونسوا تلفون رائد اتصل

=خير يارب

_هسي تلقاها دي تغريد والله يا رائد تغريد دي بتحسدني فيك عدييل

=دي ما تغريد

رائد ردا

=الووو وعليكم السلام ... متين.. جابت شنو....ياخ الف الف مبروك يا فارس يتربي في عزكم إن شاء الله.. في ياتو مستشفى جايين عليكم..تماام..الله يسلمك

_في شنو يا رائد؟

=دي رهام اختي ولدت جابت ولد

_ما شاء الله الف الف مبروك ليها والله يتربي في عزهم يارب

=اللهم اميين قومي البسي عشان نطلع عليهم

_تماام

🖤❤️🖤❤️🖤❤️🖤❤️🖤❤️🖤❤️

انا تقى عمري ٢٣ سنه متزوجه وعندي بت وولد اتزوجت وانا عمري ١٧ سنه من ولد خالتي رائد بعد امي وابوي اتوفوا خالتي عاليه عرستني لي ولدا واساسا بعد ربنا بقى ما عندي زول الجأ ليهو الا خالتي،، عرست رائد ولمن مره كم شهر كدا جاني وقال لي يا تقى طبعا انا كنت متزوج قبل كدا وعندي ولد اسمو عبد الرحمن حصل خلاف بيني وبين مرتي وطلقتها وهسي إتصالحنا وعايز ارجعا عشان ولدي و إن شاء الله يا تقى المقامات محفوظه مافي حاجه ح تتغير ،، الصراحه زعلت بس انا كنت عارفه إنو قبل كدا كان متزوج وحرام علي كان وقفت في طريق رجوع مرتو قلت ليهو خير يا رائد انا ما عندي مشكله وحبابا قال لي تسلمي يا الحنينه بس هي ما ح تقعد معانا هنا عندها بيت براها وفعلا رجعا وبقى اسبوع معاها واسبوع معانا

طبعا رائد قاري إداره وشغال في شركه جمبنا ،،، لبست لي توب راقي كدا وصحيت حسن ولدي عمرو سنه يادوب وشلتوا عشان مافي زول في البيت طلعنا انا ورائد وقف ليهو ركشه مشينا المستشفى لقينا خالتو عاليه ووجن بتي ومعاهم فارس راجل رهام وتغريد ضرتي المهم سلمنا عليهم لمن جيت اسلم لي تغريد عاينت لي من فوق لي تحت وفاتت خلتني وجن قالت لي ماما إنتي جيتي قلت ليها اي يا حبيبة ماما قالت لي شفتي يا ماما قعدت مع حبوبه ولا بكيت قلت ليها شاطره بتي قعدنا بقينا راجين رهام يطلعوها بعد مسافه نقلوها غرفه عاديه وجابو البيبي ما شاء الله اللهم بارك باركنا ليها ولي فارس الاتنين كانوا فرحانين بيهو شديد اول مولود ليهم قعدنا معاهم مسافه طبعا كان لازم رهام تبيت في المستشفى لانها والده عمليه ولازم يدوها اربعه وعشرين ساعه رائد قال لي الزمن إتأخر لازم نرجع بعدين الاولاد م ح يقدروا يساهروا اكتر من كدا قلت ليهو اي خلاص سوق الاولاد وانا بقعد مع رهام خالتو عاليه قالت لي يابتي رهام يدي كويسه ما عليها حاجه بعدين انا معاها وتغريد زاتا قاعده امشي إنتي مع راجلك وولادك ديل صغار تغريد قالت ليها يا خالتي والله ياريت لو بقدر اقعد معاكم إنتي عارفه عبودي براهو في البيت.. خالتو عاليه قالت ليها عبودي مالو صغير ولدك دا عمرو ١٣ سنه راجل بعد دا بقى قالت ليها خالتو الولد قدر ما يكبر في عين امو صغير بعدين انا ما بقدر على جو المستشفيات دا عارفاني

قالت ليها سمح يابتي ما مشكله امشي قلت ليها انا ح اقعد معاك يا خالتي المهم رائد ساق الاولاد وتغريد مشت بيتا وانا بقيت قاعده معاهم

مسكتني حمه ووجع راس رائد جا لقاني اهضرب قال لي تقى مالك قلت ليهو حاسه نفسي ما كويسه لمس راسي لقاني محمومه قال لي قومي نمشي الدكتور إتصل على تغريد قال ليها تعالي البيت امسكي الاولاد ديل لانو تقى عيانه ماشين المستشفى إتحججت ليهو بي حجج كدا المهم سقناهم وديناهم لي خالتو عاليه ومشينا المستشفى عملنا الفحوصات وبقينا منتظرين النتيجه جاتنا الممرضه قالت لي انتي تقى قلت ليها اي قالت لي نتيجتك طلعت شلتها ومشيت للدكتور مسكها مني عاين ليها مسافه قال لي عندك ملاريا لازم تحافطي على نفسك وما تجهديها وكمان صحة البيبي اهم حاجه عاينت ليهو قلت ليهو قصدك شنو يا دكتور قال لي إنتي حامل في الشهر التاني واي جهد ممكن يعرض حياة الجنين لي خطر طلعنا من الدكتور رائد قال لي ح اكون اب لي بنوته او ولد صغير تاني يا سلام قلت ليهو بس يارائد حسن لسه صغير يا دوب تمه سنه قال لي مالو يعني ربنا رزقنا نقول لأ مشينا البيت بقيت مرتاحه رائد بقى يعمل لي اي حاجه وحتى جاب لي خدامه شغاله لي لحدي ما جاء اليوم المشئوم يوم رائد جا من الشغل وباين عليهو مهموم قلت ليهو في شنو يا رائد ؟ مالك ؟ قال لي مشاكل في الشغل بس مافي حاجه كان دا ردوا كل مره اشوفو كدا لحدي ما فاض بي قلت ليهو إلا تحكي لي الحاصل عليك شنو قال لي والله يا تقى الشركه ح تقفل قاعدين يصفوا في الحسابات ولي كم يوم افتش لي في شغل ما لاقي ما عارف ح يحصل شنو لي قدام قلت ليهو يا رائد ربنا كريم وأكيد ح تتحلى قال لي إن شاء الله

صباح اليوم التاني مشى الشغل لقى الشركه جايطه وخلاص دايرين يقفلوها المدير اداهم مرتباتهم وتمتموا الحسابات وقفلوها!!

حالنا من بعد الشركه دي بقى ماشي في تراجع بقينا مرات الاكل ما بناكل او بناكل وجبه في اليوم رائد بقى مضغوط شديد يفتش في شغل وبي هناك تغريد كل يوم عامله مشكله جديده في عدم القروش بس الحمد لله لحدي ما يوم ربنا فتحها عليهو لقى ليهو شغل في بقاله الحمد لله بقت ما كلانا ومشربانا قدر القروش البتجي من البقاله رائد ما مقصر مننا نهائي ، يوم جاتني مرة جيرانا قالت لي فقدتك في القهوه شايفاك بقيتي ما قاعده تجي قلت اشوفك مالك قلت ليها والله كنت عيانه شويه وهسي احسن قالت لي اي والله ظاهر التعب في وشك مالك إن شاء الله خير قلت ليها ملاريا بس ما حاجه كتيره قالت لي معقوله دي ملاريا إنتي يا تقى حامل؟ قلت ليها إنتي بتقري الافكار ولا شنو قالت لي لأ لكن ظاهر عليك قلت ليها اي قالت لي معقوله يا تقى إنتي ولدك يا داب تمه سنه قلت ليها اي اسحريني قل هو الله احد قالت لي يابت دا لي صحتك قلت ليها ربنا كتب لي كدا مالك إنتي يا إحسان قالت لي ونعم بالله بس حافظي على صحتك اعملي تنظيم قلت ليها سمح طلعت مني جا رائد داخل قلت ليهو اها حصل شنو يا رائد قال لي قدمت في شركه وما شالوني اعملي لي غدا انا طالع ماشي لي تغريد دي قالت دايراني في موضوع ما ينفع في التلفون قلت ليهو يا رائد امبارح إنت كنت معاها لو في موضوع ليه ما إتكلمت معاك فيهو أمبارح

قال لي مالك يا تقى بقيتي تحقيق تحقيق مالك في شنو بعدين هي مرتي زي ما إنتي مرتي لا وكمان هي مرتي من قبلك فاهمه قلت ليهو فاهمه يا رائد بس الاسبوع دا علي قال لي ح امشي واجي راجع يااخ ما تقفلوها اكتر من ماهي مقفله وطلع زعلان حتى الغدا ما اكلو عملت لي وجن وحسن الاكل اكلتهم وسرحت لي وجن شعرها ومسحتهم طلعوا يلعبوا مع اولاد الجيران إتصلت لي رائد ابى يرد حاولت فيهو كم مره ابى يرد لبست توبي ومشيت ناس لي مزدلفه جارتي قعدت إتونس معاها حبه عملت لي قهوه قالت لي لي زمن ما شايفاك قلت يمكن رحلتي😅 قلت ليها ارحل وين ياهو قاعده قالت لي ومالك ضعفتي كدا يا يمه قلت ليها كنت عيانه والله قالت لي اي والله ظاهر عليك المرض قلت ليها ما جبتي بضاعه جديده طبعا هي عندها تياب وكريمات وحاجات كدا خرافيه بجيها إتفرج بس ما حصل إشتريت منها قالت لي اي جبت لي تياب جديده قلت ليها كدي جيبيهم النشوفهم قالت لي إنتي يا تقى ما قاعده تشتري مني قلت ليها هسي في داعي للاحراج ما إنتي عارفه ظروفي بعدين يمكن الله يفتحها واجي إشتري منك قالت لي يورينا الله يوم تجي تشتري دا مشت جابتهم لي وجات طبعا حاجات رهيبه كان نفسي إشتري منها عاينت ليهم وطبعا برفع اعاين واعلق لحدي ما سمعنا صوت الاولاد براا علا قلبي قبضني قلت لي مزدلفه دا صوت اولادي قالت لي يكونوا بلعبوا طلعته لقيت ولد كبير قاعد يدق في حسن والحجار حجر ماشي وحجر جاي جريت مسكت ولدي وقعدت اشاكل في الولد بلا يجي حجر من هناك زحيت من طريقوا بلا جاء في وجن وفي راسا صرخت وجن!!

قيدٌ من ألم

للكاتبه تقى محمد

الجزء الثالث

💎💎💎💎💎💎💎

جريت لقيت وجن راسها بكب في الدم ما عرفت إتصرف كيف ختيت طرف توبي في راسها عشان اوقف الدم بس نهائي ابى يقيف مزدلفه جرت وقفت ركشه ركبنا ومشينا المستشفى الممرضين رفعوا وجن في نقاله وساقوها مني انا بقيت ارجف وما عارفه إتصرف كنت خايفه عليها شديد خصوصا هي فقدت دم كتير مسكت تلفوني وإتصلت على رائد بس ما ردا حاولت فيهو كذا مره ما ردا علي الممرضه قالت لي المريضه فقدت دم كتير ولازم نلقى ليها متبرع في اسرع وقت مزدلفه قالت لي إتصلي على رائد قلت ليها إتصلت لكن شكلوا مشغول والتلفون ما جمبو لانو ما قاعد يرد قلت للممرضه انا امها ممكن إتبرع ليها مزدلفه قالت لي يابت إنتي جنيتي عايني حالتك تتبرعي ليها كيف اديني رقم راجلك انا بحاول فيهو شالت مني الرقم وإتصلت من اول جرس ردا قالت ليهو يا رائد تعال المستشفى وجن دي إنضربة في راسا ومحتاجين دم لانو نزفت ...لالا ضربه بسيطه كانوا بلعبوا مع الشفع في الشارع وحصلت مشكله وياهو زي ما حكيت ليك...تمام برسل ليك العنوان ..يلا

مزدلفه رسلت ليهو العنوان في اقل من ساعه جا وأول ما جاء قعد يكورك فيني وجاط شديد انو كيف اخلي بتي تطلع تلعب في الشارع والشارع ما مضمون والحاصل دا كلو بي سببي خليتو يكورك قدرتو وقلت ليهو بالمناسبه يا استاذ بتك بين الموت والحياة وبعدين إنت ليه ما بترد على تلفونك انا إتصلت عليك كتير قال لي كمان قاعده تردي علي والله إطورنا اصبري لي بس..

ومشى خلاني بقيت مستغربه معقوله دا رائد،، رائد الأنا بعرفو ما حصل رفع صوتو فوقي وما حصل كورك فيني حتى لو ظروفنا كعبه وانا عارفه انو هو مضغوط بس كمان انا ما حصل طلبت منو حاجه فوق قدرتو ياخ تغريد بتطلب منو حاجات اكبر من إستطاعتو زاتو وما بقول ليها حاجه بل بالعكس بحترمها شديد طيب ليه انا؟!

طابقوا فصيلة الدم حقت رائد لقوها مطابقه سحبوا منو دم وعمل باقي الاجراءات وبقينا منتظرين خالتو عاليه اثناء نحن منتظرين كدا إتصلت على رائد ورائد كلمها بالحاصل قفلت منو وفي اقل من نص ساعه جاتنا قالت لي وجن مالا رائد هجمني قال لي مرقده قلت ليها والله يا خالتو ضربه بسيطه بس هي نزفت عشان كدا حالتا شويه ما مستقره قالت لي ربنا يطلعها بالسلامه يارب قلت ليها إن شاء الله بعد مسافه الممرضه جات قالت لينا الحمد لله قدرنا نعوض الفقد ووقفنا النزيف حالتا مستقره بس لازم تواصل في ادويه معينه لي فتره عشان عندها سيوله في الدم الدكتور كتب لينا الادويه وخرجونا طوالي رائد مشى جاب الادويه ومشينا البيت خالتو عاليه مشت معانا برضو اول ما دخلنا رائد كان شايل وجن دخلها غرفتا وساق حسن برضو عشان ينوم جاء لقانا انا وخالتو قاعدين في الصاله قال لي تقى تعالي عايزك في موضوع مشيت لحقتو قال لي اكوي لي احلى بنطلون وقميص عايزهم بكره قلت ليهو ماشي تعقد ولا شنو ولا يمكن عرس بالمره قال لي ياخ يا تقى معقوله اعرس وانا عندي مرتين مطلعات اخلاقي قلت ليهو طيب عايزهم ليه احلى بنطلون وقميص ديل قال لي بي بساطه عندي بكره مقابلة شغل فهمتي قلت ليهو بجد يعني ح تتوظف قال لي اي إن شاء الله

والله فرحت فرح لانو رائد كان مهموم شديد من قصة الشغل دي قلت ليهو الحمد لله يا رائد ربنا يرزقك ويوفقك ويسهل طريقك يارب قال لي الله الدعوات الحلوه اشتقت ليها ياخ ،، يلا اجري اكويهم لي وبوعدك من اول مرتب عندي ليك مفاجأه من نوع خاص😉 قلت ليهو طيب منتظره

مشيت كويت ليهو ملابسو ودخلت المطبخ عملت العشاء إتعشينا خالتو عاليه قالت ح تمشي انا ورائد اصرينا عليها تبيت معانا بعد إصرار مننا وافقت قعدنا نتونس لحدي الساعه وحده حتن نمنا...

الصباح رائد طلع مشى مقابلة الشغل كنتا منتظره متين يجي عشان اسمع خبر توظيفو بس لمن جاء ملامح وشو خالفة كل توقعاتي....

قيدٌ من ألم

للكاتبه تقى محمد

الجزء الرابع

💎💎💎💎💎💎💎

جريت لقيت وجن راسها بكب في الدم ما عرفت إتصرف كيف ختيت طرف توبي في راسها عشان اوقف الدم بس نهائي ابى يقيف مزدلفه جرت وقفت ركشه ركبنا ومشينا المستشفى الممرضين رفعوا وجن في نقاله وساقوها مني انا بقيت ارجف وما عارفه إتصرف كنت خايفه عليها شديد خصوصا هي فقدت دم كتير مسكت تلفوني وإتصلت على رائد بس ما ردا حاولت فيهو كذا مره ما ردا علي الممرضه قالت لي المريضه فقدت دم كتير ولازم نلقى ليها متبرع في اسرع وقت مزدلفه قالت لي إتصلي على رائد قلت ليها إتصلت لكن شكلوا مشغول والتلفون ما جمبو لانو ما قاعد يرد قلت للممرضه انا امها ممكن إتبرع ليها مزدلفه قالت لي يابت إنتي جنيتي عايني حالتك تتبرعي ليها كيف اديني رقم راجلك انا بحاول فيهو شالت مني الرقم وإتصلت من اول جرس ردا قالت ليهو يا رائد تعال المستشفى وجن دي إنضربة في راسا ومحتاجين دم لانو نزفت ...لالا ضربه بسيطه كانوا بلعبوا مع الشفع في الشارع وحصلت مشكله وياهو زي ما حكيت ليك...تمام برسل ليك العنوان ..يلا

مزدلفه رسلت ليهو العنوان في اقل من ساعه جا وأول ما جاء قعد يكورك فيني وجاط شديد انو كيف اخلي بتي تطلع تلعب في الشارع والشارع ما مضمون والحاصل دا كلو بي سببي خليتو يكورك قدرتو وقلت ليهو بالمناسبه يا استاذ بتك بين الموت والحياة وبعدين إنت ليه ما بترد على تلفونك انا إتصلت عليك كتير قال لي كمان قاعده تردي علي والله إطورنا اصبري لي بس..

ومشى خلاني بقيت مستغربه معقوله دا رائد،، رائد الأنا بعرفو ما حصل رفع صوتو فوقي وما حصل كورك فيني حتى لو ظروفنا كعبه وانا عارفه انو هو مضغوط بس كمان انا ما حصل طلبت منو حاجه فوق قدرتو ياخ تغريد بتطلب منو حاجات اكبر من إستطاعتو زاتو وما بقول ليها حاجه بل بالعكس بحترمها شديد طيب ليه انا؟!

طابقوا فصيلة الدم حقت رائد لقوها مطابقه سحبوا منو دم وعمل باقي الاجراءات وبقينا منتظرين خالتو عاليه اثناء نحن منتظرين كدا إتصلت على رائد ورائد كلمها بالحاصل قفلت منو وفي اقل من نص ساعه جاتنا قالت لي وجن مالا رائد هجمني قال لي مرقده قلت ليها والله يا خالتو ضربه بسيطه بس هي نزفت عشان كدا حالتا شويه ما مستقره قالت لي ربنا يطلعها بالسلامه يارب قلت ليها إن شاء الله بعد مسافه الممرضه جات قالت لينا الحمد لله قدرنا نعوض الفقد ووقفنا النزيف حالتا مستقره بس لازم تواصل في ادويه معينه لي فتره عشان عندها سيوله في الدم الدكتور كتب لينا الادويه وخرجونا طوالي رائد مشى جاب الادويه ومشينا البيت خالتو عاليه مشت معانا برضو اول ما دخلنا رائد كان شايل وجن دخلها غرفتا وساق حسن برضو عشان ينوم جاء لقانا انا وخالتو قاعدين في الصاله قال لي تقى تعالي عايزك في موضوع مشيت لحقتو قال لي اكوي لي احلى بنطلون وقميص عايزهم بكره قلت ليهو ماشي تعقد ولا شنو ولا يمكن عرس بالمره قال لي ياخ يا تقى معقوله اعرس وانا عندي مرتين مطلعات اخلاقي قلت ليهو طيب عايزهم ليه احلى بنطلون وقميص ديل قال لي بي بساطه عندي بكره مقابلة شغل فهمتي قلت ليهو بجد يعني ح تتوظف قال لي اي إن شاء الله

والله فرحت فرح لانو رائد كان مهموم شديد من قصة الشغل دي قلت ليهو الحمد لله يا رائد ربنا يرزقك ويوفقك ويسهل طريقك يارب قال لي الله الدعوات الحلوه اشتقت ليها ياخ ،، يلا اجري اكويهم لي وبوعدك من اول مرتب عندي ليك مفاجأه من نوع خاص😉 قلت ليهو طيب منتظره

مشيت كويت ليهو ملابسو ودخلت المطبخ عملت العشاء إتعشينا خالتو عاليه قالت ح تمشي انا ورائد اصرينا عليها تبيت معانا بعد إصرار مننا وافقت قعدنا نتونس لحدي الساعه وحده حتن نمنا...

الصباح رائد طلع مشى مقابلة الشغل كنتا منتظره متين يجي عشان اسمع خبر توظيفو بس لمن جاء ملامح وشو خالفة كل توقعاتي....

قيدٌ من ألم

للكاتبه تقى محمد

الجزء الخامس

💎💎💎💎💎💎💎

قلت ليهو رائد في شنو مالك عابس كدا والحصل شنو بالنسبه للمقابله اكيد قبلوك صاح إتكلم.. قال لي ما قبلوني وتاني ما زاد الكلمه دي دخل وقعد في الصاله مشيت المطبخ عملت ليهو عصير يشربو وجيت ختيت صينيه العصير وقعدت جمبو قلت ليهو يا رائد كل حاجه قسمه ونصيب وهسي الشغل دا ما من نصيبك لكن نصيبك جاي ادعي ربنا بس انت ما واثق في ربنا قال لي واثق بس يا تقى انا ما عارف اعمل شنو هسي عبد الرحمن داخل الثانوي وداير حاجات الثانوي ووجن في السنه الجديده في الروضه عايزه ليها حاجات وإنتي برضو في فترة الحمل محتاجه اكل صحي وكمان مصاريف البيت وتغريد برضو عندها مطالب وكمان إيجار البيت وقروش الدكان دي م ح تعمل لينا حاجه لازم اشوف لي طريقه لي شغل جديد قلت ليهو يا رائد هسي إستغفر وقوم صلي ليك ركعتين وادعي حبه وقوم إرتاح وربنا بحلها إن شاء الله قال لي بقوم بعد شويه امشي اعملي لي حاجه اكلها قلت ليهو طيب ومشيت المطبخ سخنت الطبائخ وعملت الغداء إتغدينا

مرت الايام عاديه و عبد الرحمن دخل الثانوي في يوم رائد جا قال لي تغريد وعبد الرحمن ح يجو يقعدوا معانا عشان سيد البيت قال داير بيتو ح يقعدوا لي فتره مؤقته لحدي ما اشوف ليهم بيت صراحه لمن قال لي كدا إضايقت شديد بس قلت ليهو ما مشكله يا رائد حبابا

وفعلا صباح اليوم التاني جات هي وولدا قعدوا معانا فضيت ليها غرفه ونظفتها ليها مشت رتبت حاجاتا فيها مشيت عملت الفطور قلت احسن ابادر بالسمح ناديتا جات قعدت تفطر قالت لي بالمناسبه صحباتي بعدين جايين هنا قلت ليها ما مشكله ينوروا قالت لي اساسا المشكله ح تكون وين ولا ناسيه انو دا بيتي زي ما هو بيتك؟ سكت ما قلت ليها حاجه فطرنا وفطرت الاولاد وشلت العده غسلتها طبعا رائد طلع الشغل وعبد الرحمن مشى المدرسه رتبت البيت ونومت الاولاد فتحت التلفزيون قاعده احضر كدا عبد الرحمن جاء داخل سلم علي ودخل بدل ملابسو ومشى لي امو قال ليها انا جعان قالت ليهو امشي شوف التلاجه فيها شنو واكل انا ما بقدر اعمل ليك حاجه هسي كان صوتا عالي عشان كدا سمعتهم والله حنيت على عبد الرحمن مع انو ما ولدي لكن جاي تعبان وجعان اكيد من اليوم الطويل دا جاء طالع قعد جمبي في الكنبه وفتح تلفونو قلت ليهو عبد الرحمن إنت ما جعان قال لي لالا اكلت في المدرسه قلت ليهو طيب انا عامله سلطت اسود احشى ليك منها ضوقا واديني رأيك قال لي ممكن مشيت حشيت ليهو حشوتين وعملت عصير فراوله كان عندي عصير بدره حق فراوله عملتو وختيت فيهو تلج عشان يبقى بارد وشلتهم ليهو في صينينه اكل من سلطة الاسود قال لي رهيبه احلى من حقت امي قلت ليهو يعني عجبتك قال لي شديد قلت ليهو يلا طيب كملها اكل وشرب العصير قلت ليهو يلا وقف تلفون وأمشي ارتاح حبه عشان تصحى تقرأ درس اليوم طوالي سمع كلامي مشى الغرفه رقد وانا شلت العده مشيت غسلتها الباب دقه فتحت لقيت لي مجموعه من النسوان وحده فيهم قالت لي دا ما بيت تغريد الجديد؟! قلت ليها دا ما بيتا الجديد هي قاعده معاي إتفضلوا ،،فضلتهم دخلوا ناديت تغريد جات قعدت معاهم وقالت لي اعملي لينا قهوه عليك الله ،بي نفس الطريقه دي زي انا خدامه شغاله عندها طوالي مشيت غرفتي وقفل الباب تعمل قهوتا ولا تخليها انا مالي جاتني بعد مسافه دقة الباب قالت لي الحريم ديل ضيوف على الاقل احترمي ضيوفي عارفاك ما بتحترميني قلت ليها بالله ما تقعدي تديني محاضرات عايزه شنو؟ قالت لي البن وين ؟

وصفت ليها مكان البن مشت قفل الباب وقعدت منتظره الحريم يطلعوا رائد جاء لقاهم قال السلام عليكم وجاني داخل قال لي ديل منو قلت ليهو اصحاب مرتك قال لي ومالهم كتار كدا قلت ليهو ما بعرف وبعدين ما دام تغريد دي قاعده في البيت دا يا رائد تشتغل شغلها يراها ما ممكن انا اعمل ليها الفطور والغداء واخدم ليها ضيوفا انا خدامه ليها قال لي قولي بسم الله دا اول يوم مالكم وبعدين يا تقى انا ما عندي خيار تاني معليش إتحمليها عشاني انا عارف تغريد وتصرفاتها لكن يا تقى انتي شايفه الوضع لحدي ما ظروفي تتحسن حبه ح أأجر ليها بوعدك قلت ليهو الله يديني الصبر بس اها كيف كان يومك

قال لي ما كعب والله الليله الشغل كان سمح قلت ليهو إن شاء الله دايما يا حبيبي قال لي ما عارف ليه بس بتفائل بيك قلت ليهو اي ما انا كلي طاقه إيجابيه قعد يضحك وقال لي دا كلام كبير قلت ليهو عارفه بعدين انت متخيلني شافعه ولا شنو ؟ ضحك تاني قال لي تتزكري لمن عرستك ياخ كنتي شافعه بمعنى الكلمه تتزكري لمن كنتي تطلعي تلعبي مع البنات في الشارع قلت ليهو يا رائد ياخ الكلام دا كان زمان وهسي انا زوله عاقله😇 قال لي اي ما واضح امشي اعملي لي شاي بنعناع قلت ليهو والحريم قال لي شوفي ليك طريقه

طلعتا بره لقيتهم لسه قاعدين الصراحه الحركه ح تكون بايخه شديد لو عملت الشاي وجيت شايلاهو بي جمبهم مشيت قعدت إتونس معاهم حبه لقيتهم بتكلموا في وحده وإنها مهمله وما قاعده تهتمه بي اولادا وإنو اولادا طلعوا ما مؤدبين تغريد قالت ليهم هسي دي اخير منها العدم انا لو كنت محل راجلا بطلقا!! قلت ليهم والله يا جماعه انا شايفه إنكم ما تشتغلوا بالناس بعدين إنتوا ما عارفين الظروف الماره عليها وبعدين الاولاد تربيتهم صعبه وإضافه الى كدا هي ممكن تكون مربياهم تربيه والشارع بربي تربيه تانيه اما قصة راجلا يطلقا والكلام دا اعتقد انتوا ما ليكم فيهو دخل راجلا ادرى بي انو يطلقا ولا لأ تغريد قالت لي انتي اسكتي تعرفي شنو بعدين نتكلم فيها ما نتكلم فيها دي حاجه ما تخصك قلت ليها اي فعلا هي ما بتخصني بس الكلام دا يعتبر قطيعه والقطيعه حرام ويمكن تدور الدائره على وحده فيكم يحصل ليها حاجه تبقى محور قعدات الجبنه كل وحده تتخيل نفسها مكان المرا دي ح ترضوا مافي وحده فيهم ردت قمت قلت ليهم عن ازنكم عندي حله في النار مشيت المطبخ ختيت الشاي إنتظرت يفور عملت فيهو نعناع كبيتو في كبايه شلتو دخلت بي الممر حق الصاله في زي ممر صغير بفصل الصاله عن الغرف دخلت الغرفه لقيت رائد نام ختيت الشاي وقعدت حاولت اصحيهو ابى يصحى شلت الشاي شربتو انا سمعت صوت الحريم إختفى طلعت لقيتهم مشوا شلت الكبايه ماشه على المطبخ وقفتني تغريد قالت لي كيف تقولي لي الحريم دا ما بيتي لو ناسيه ازكرك انو البيت دا كنت قاعده فيهو من قبليك وأحب ازكرك تاني انو انا مرة رائد الاولى فاهمه عشان كدا اقعدي بي ادبك لو سمحتي قلت ليها الكلام دا قولي لي نفسك البيت دا حاليا قاعده فيهو انا وانا استضفتك في بيتي ف احترمي نفسك عشان ما تتطلعي منو وتحومي في الشوارع قالت لي بالله منو البطلعني إنتي هه فكري تاني حبيبه

ومشت خلتني بقيت انبز في نفسي لو ما وافقتا إنها تجي هنا كان هسي انا مرتاحه من شكلها دا رتبت البيت ولميت العدا ختيتا في الحوض وناديتا عشان تجي تغسل عدتا مشت غسلتا لمن رائد صحى مشت تتكلم معاهو بعد مسافه سمعت صوت رائد بكورك بي إسمي...

قيدٌ من ألم

للكاتبه تقى محمد

الجزء السادس

💎💎💎💎💎💎💎

مشيت ليهو قال لي إنتي قلتي لي نغريد شنو ؟ قلت ليهو ما قلت ليها حاجه قالت لي كزابه هي قالت لي إنو انا لو ما إحترمت نفسي هي ح تتطردني انا وولدي في الشارع وقالت لي إنو البيت دا حقها رائد قال لي قلتي ليها كدا ولا لأ قلت ليهو هي قالت ل... قاطعني قال لي اجابه وحده قلتي ليها الكلام دا ولا لأ؟ قلت ليهو اي قلتو قال لي تطرديها لي البيت دا حق ابوك؟! ما تخليني اوريك العين الحمراء قلت ليهو ما حق ابوي ولا حاجه وهي الغلطانه قال لي شوفي يا تقى الكلام الفارغ دا ما بنفع معاي احسن ليك ولحدي هنا انا سكت ليك كتير ما تخليني إتصرف معاك تصرف تاني البيت دا لا حقك لا حقها البيت دا حقي انا وانا البقرر منو بقعد فيهو ومنو بطلع فاهمه؟! قلت ليهو بس هي برضو غلطت علي قال لينا الاتنين تعتزروا هسي من بعض وتاني ما أسمع كلام فارغ زي دا وإلا ما بتشوفوا مني خير يلا اعتزروا تغريد قالت لي اسفه رائد قال لي يلا يا تقى إعتزري ليها قلت ليها اسفه انا برضو قال لينا احضنوا بعض انا وتغريد الاتنين في نفس الوقت قلنا مستحيل قام هرج فينا قال لينا ما اعيد كلامي تاني حضنا بعض قال لينا يلا كل وحده على غرفتا مشيت غرفتي دايره اطق من الزعل كيف إعتزر ليها وهي غلطانه وجن جاتني شايله لعبتا قالت لي امي عايني يد العروسه إتفكت قلت ليها ياوجن ياخ ما فاضيه ليك قالت لي امي صلحيها لي وبقت تتعبط قعدت اكورك فيها واثناء ما بكورك فيها رائد جاء داخل قال ليها في شنو يا وجن قالت ليهو وهي بتبكي ماما شاكلتني عشان قلت ليها صلحي لي يد العروسه شال منها العروسه وركب ليها يدها وقال ليها اها كدا ركبت امشي العبي طلعت وهو جاء فتح الدولاب طلع ملابس من الدولاب قال لي دا كلو عشان تغريد ح تقعد معانا كم يوم انا كلمتك يا تقى وقلت ليك إنو انا حاليا ما بي إستطاعتي أأجر ليها بيت ليه مصره تضغطي علي..

قلت ليهو انا مافي حاجه مضايقاني غيرك يا رائد دايما تغريد دي اي حاجه تقولها ليك بتصدقها وانا لأ ما حصل في يوم طلعتها غلطانه والدليل على دا قبيل لمن جات شكت ليك طوالي وقفت عند الكلمه القلتها ليها وكيييف اقول ليها كدا مع إنو هي برضو قالت لي كلام كعب وما إحترمتني وهي القاعده معاي ما انا قال لي هسي الموضوع دا ما قفلنا قلت ليهو لأ ما إتقفل يا رائد كل مره تغريد دي تسمعني كلام فارغ وإنت تقيف معاها ياخ لو مجبور علي قول قال لي إنتي ليه دايما شايفه نفسك مظلومه قلت ليهو ما انا فعلا مظلومه قال لي بالله عليك يا تقى اقفلي على الموضوع دا وما تكرهيني حياتي قفل الدولاب بي قوه وطلع مشيت ناديت وجن وشلت حسن نومتهم وقفلت باب الغرفه ورقدتا...

الصباح صحيت بي صوت عبد الرحمن طلعت لقيتو مع امو قال ليها يا أمي امبارح ما غسلتي لي هدوم قالت ليهو إنت شافع تاني تغسل براك قال ليها كويس كان تقولي لي الكلام دا امبارح هسي ح امشي المدرسه بي شنو قالت ليهو يا ولد اوعى ترفع صوتك فيني وأمشي من قدامي زاتو لو ما داير تمشي المدرسه دي ما تمشي مشى خلاها قلت ليها الولد دا ما ولدك ولا شنو على الاقل راعي ليهو حبه هو في مرحله محتاج تحتويهو ما تعامليهو كدا قالت لي يا سلام اخر الزمن إنتي تعلميني إتعامل مع ولدي كيف كدي قولي لي إسمك بتكتب كيف ؟! هه علمي نفسك اول..

ومشت خلتني جاء عبد الرحمن قال لي اصلا دا طبعها م ح تتغير قلت ليهو جيب ملابسك بغسلهم ليك وبالنشافه ح ينشفو سريع إبتسم لي ومشى جابهم لي غسلتهم ليهو وختيتهم في النشافه طلعتهم كانو مرطبات جبت المكوه كويتهم ليهو بقوا زي المغسلات ليهم فتره ختيتهم ليهو هو مشى إستحمى وجاء لقاهم جهزن قال لي شكرا ليك والله قلت ليهو اجي إنت زي ولدي شيلهم سريع بدل ملابسك عشان تلحق مشى غير وطلع قبل يمشي جا قال لي اها يا خالتي انا طالع قلت ليهو بالتوفيق إن شاء الله ب طلع جات تغريد قالت لي الليله انا م ح افطر في البيت طالعه مشوار اعملي الفطور لي راجلك بي سخريه كدا وطلعت رتبت البيت وعملت الفطور جهزت وجن لي الروضه شلت حسن ومشيت وصلتها باب الرضه وجايه راجعه لاقتني خالتو عاليه قالت لي يا بتي كيفك قلت ليها والله تمااام الحمد لله كيفك إنتي ورهام وولدا كيف قالت لي تماام الحمد لله كويسين كنت جاياك امس بس إتزكرت العارض دي معاكم والله يا بتي تغريد دي ما مرت ولدي لكن والله نفسيا كدا ما قاعده اريدا وبحس بيها كدا ما تمام قلت ليها هسي هي مافي ارح معاي البيت قالت لي مشت وين كمان قلت ليها طلعت قالت فاطره بره قالت لي احسن

مشينا انا وخالتو عاليه قعدت تتونس معاي ومسكت لي حسن وانا عملتا الفطور لمن إنتهيت وجن جات قلت ليها يلا امشي غسلي يدك عشان ح اخت الفطور جرت غسلت يديها وختينا الفطور فطرنا رفعت العده وختيت الشاي رائد جاء ختيت ليهو فطوروا غسلت العده وكبيت الشاي رائد قال لي تغريد وين قلت ليهو طلعت قالت فاطره بره خالتو عاليه قالت ليهو هي ما كلمتك قال ليها لالا ما قالت لي إنها طالعه خالتو عاليه قالت ليهو اخر الزمن المهم خالتو عاليه قعدت معاي لحدي قريب العصر وطلعت عبد الرحمن جا عملت ليهو غدا إتغدا وطلعت غرفتو رتبت البيت لحدي الوقت دا تغريد ما جات داخله رائد جا نازل قال لي تغريد لسه ما جات قلت ليهو لأ إتصل عليها قال ليها وين...سريع تعالي منتظرك

قفل منها بعد نص ساعه كدا جات رائد قال ليها كنتي وين قالت ليهو مشيت لي شيرين قال ليها لمن طلعتي كلمتيني قالت ليهو يا رائد من متين لمن اكون طالعه لي شيرين بكلمك قال ليها دا لمن كنتي ساكنه جمبها هسي إنتي وين وهي وين قالت ليهو سمح تاني بكلمك دخلت ورائد طلع عاينت لي مسافه وقالت لي اكيد حرضتيهو علي صح لكن انا بعرف أادبك كيف اصبري لي قلت ليها ادبي نفسك اول بعد داك تعالي إتكلمي في الناس قالت لي قصدك شنو انا ما مؤدبه يعني قلت ليها القصدتي إنتي قالت لي الحمد لله انا عندي ام واب يربوني من دون ما أشعر اديتا كف بي اقوى ما عندي قلت ليها إياك ثم إياك تجيبي سيرة امي وابوي في خشمك دا فاهمه انا الادب العندي إنتي ما عندك ولا بتشرف إتقارن بيك زاتو فاهمه

إنفعلت شديد وقالت لي إنتي تمدي يدك علي يا جاهله يا مقطعه والله ما اخليك قلت ليها سمح نشوف وطلعتا خليتا...

الكاتبه تحكي...

تغريد إتوعدت لي تقى وكانت مسبقا مخطط لي حاجه..

تغريد: والله ما يبقى إسمي تغريد كان خليتك قاعده في البيت دا انا تمدي يدك القزره دي وتضربيني اصبري لي بس

إتصلت تلفون

تغريد: اي يا شيرين عايزه منك تنفزي لي طلب...لالا كلو بي حقو يا حبيبتي عايزه **** ما ح اقدر اجيك تعالي لي إنتي او اقول ليك رسلي لي مع عبد الرحمن لمن يجي من المدرسه...

قيدٌ من ألم

للكاتبه تقى محمد

الجزء السابع

💎💎💎💎💎💎💎

تغريد عملت الفطور بعد مشكله طويله عريضه إنها ما تدخل المطبخ لكن رائد قال ليها تدخلي تقى دي ما خدامه ليك فطرنا وهي زاتا رفعت العده غسلتا وعملت لينا الشاي طلعت طوالي غرفتا قلت لي رائد إنت رهام بقت كيف قال لي كويسه الحمد لله قلت ليهو وكيف محمد كان بكاي😅 قال لي معزبها عزاب لكن تصدقي تستاهل كانت طول عمرها لسانه طويل لقت البسكتا مع ولدا دا الونسه حردتا قعدت اضحك قلت ليهو والله رهام ما زولة مسئوليه نهائي قال لي كلامك صح...

في ونستنا ديك حسيت بي وجع في بطني شديد قلت لي رائد بطني بتوجعني😣 قال لي مالك قلت ليهو ما عارفه 😣 بس بطني بتوجعني شديد 😣 وبقيت اكورك الوجع كان شديد رائد جرى مشى جاب لي عبايه قال لي البسي نمشي الدكتور كلم تغريد جات قالت لي يا تقى دا اصلا الحمل كدا وبعدين إنتي في شهورك الاخيره دا طبيعي قلت ليها ما قادره ياااخ رائد قال لي ارح طلعنا اجر ركشه ومشينا المستشفى الدكتور كشف لي وعملوا لي كم فحص كدا قال لي حالتك كويسه مافي داعي للخوف دي حاجه طبيعيه كتب لي على مسكنات ورجعنا البيت لقينا تغريد منتظرانا قالت لي اها قالوا شنو رائد قال ليها قالوا حاجه طبيعيه وكتب لينا مسكنات قالت لي ما قلت ليك بس إنتي مدلعه بقيت مستغربه شديد في تصرفاتا دي وليه بقت مسكينه كدا معاي طلعت غرفتي إرتحت حبه رائد جا قال لي اها بقيتي كيف قلت ليهو احسن بس حاسه بي شوية وجع قال لي بلعتي مسكن؟ قلت ليهو اي قبل شويه رقدتا نمت قريب تلاته ساعات وانا نايمه لمن صحيت لقيت المغرب ازن والوقت إتأخر قمت سريع صليت المغرب نزلت تحت لقيت تغريد قاعده قلت ليها رائد مشى وين قالت لي طلع الشغل ،،، إستغربت رائد متين عندو شغل بالمساء بس ما كترت معاها دخلت غرفتي العشاء ازن صليت ورقدتا،،،

مرت فترة إسبوع كامل بقيت ما بهتم بي اولادي ومرات يوم كامل اكون ما شايفاهم حتى رائد بقيت ما بشوفوا كتير واذا إتلاقينا انا ورائد لازم نتشاكل من دون اي سبب يوم العصر خالتو عاليه جاتني وقالت ليك مالك ياتقى يابتي رائد جاني وشكى لي منك قلت ليها هو غلطان اثناء كلامنا دا هو جاء داخل قال لي متين غلط فيك يا تقى ؟! قلت ليهو إنت كل يوم قاعد تغلط وكمان تمشي تشكيني داير يتكلم خالتو عاليه سكتتو قالت ليهو يا رائد تقى حامل وأكيد دا من تأثير الحمل عادي ما تزعل وإتحملا فعلا رائد بقى يتجنبني كتير عشان ما نتشاكل اليوم تغريد جاتا وحده صحبتا ضيفتها وقعدتا إتونس معاها كانت ظريفه مازي صحباتا ديلك إتونست معاهم لمن دايره اقوم بطني وجعتني شديد تغريد قالت لي مالك؟ قلت ليها بطني وجعتني شديد قالت لي المسكنات وين أجيبهم ليك وصفت ليها بس هي ما عرفت الوصف قامت البت قالت لي إنتي عمرك كم ؟ وريتا قالت لي لي حسن حظك جايه شايله معاي مسكنات طلعتهم ادتني ليهم تغريد قالت لي ما تخافي دي دكتوره مشت جابت لي مويه بلعته منهم حسيت بي لفت راس لكن حسيت الالم بالجد راح قلت ليها الالم راح والله شكرا ليك قالت لي المسكنات دي سمحه شديد بس إنتي واصلي فيها قلت ليها تمااام شكرا ليك قالت لي ولو مافي داعي للشكر ،، تغريد انا ماشه بستأذن تغريد قالت ليها مالك ماشه قالت ليها دوامي يبدأ هسي لازم ألحق المهم تغريد مشت قدمتا

تغريد الراويه

بعد قدمت سهى وقفتها جمب الباب وقلت ليها اها ما وريتيني مفعول الحبوب ببدأ متين قالت لي ما تخافي الحبوب دي فيها نسبة مخدرات اديها تلاته يوم عشان ما يشكوا فينا وح يبدأ تأثيرها بس لازم تراقبيها وتتأكدي إنها بتبلع منو باقي الخطه خلي بالك منها😉 وطلعت مني

قيدٌ من ألم

للكاتبه تقى محمد

الجزء الثامن

💎💎💎💎💎💎💎

بقيت كل يوم ابلع من المسكن حق سهى لانو كان بريحني شديد وبقيت اشعر بي إني هاديه لحدي ما جا رائد قال لي الليله ح نمشي لي أمي وإحتمال نبيت هناك شلت حاجاتي ونسيت المسكن صباح اليوم التاني حسيت إني ما كويسه نهائي😣 وراسي بقى يوجعني شديد دخلت في حاله لايعلم بها إلا الله حتى النفس بقيت بتنفس بالقوه خالتو عاليه جات لقتني راقده بالحاله دي بقت تقول لي مالك يابت جرت نادت رائد رفعوني ودوني المستشفى لمن وصلنا بقيت أحس بي جسمي بنزف دم وما كان إحساس كان حقيقه دخلوني غرفة العنايه طوالي

رائد الراوي

كنت قاعد في الصالون مع فارس فجأه إمي جات وبقت تكورك لي لمن مشيت ليها قالت لي ونفسها متقطع ألحق تقى جريت لقيتا في حاله لايعلم بها إلا الله كانت تعبانه شديد تغريد جرت جابت ليها عبايه لبسناها وطلعنا على المستشفى لمن وصلنا الممرضين إستلموها ودخلوها غرفة العنايه إمي قعدت تبكي حاولت أهديها تغريد ندهت علي قالت لي يا رائد دقيقه عايزاك مشيت معاها قالت لي يارائد عايزه اقول ليك حاجه قلت ليها في شنو يا تغريد انا براي اعصابي بايظه قالت لي في الحقيقه يا رائد انا ملاحظه لي تقى ليها كم يوم بتبلع في حبوب شكلها غريب انا شاكه إنها مخدرات قلت ليها أقسم بالله يا تغريد تزيدي تكتري اديك كف لمن تعرفي حاجه ياخ انا فاضي ليك ولي دراماتك دي أختيني ياخ قالت لي حالتا دي بتفسر كلامي دا يا رائد إنت شايف حالتا دي طبيعيه قلت ليها تقى حامل وحالتا دي أكيد من تأثير الحمل قاعدين نتكلم كدا الدكتور جاء طالع أمي مشت عليهو قالت ليهو يا دكتور تقى كيف مشينا كلنا عليهو قال لينا هي كويسه بس خسرنا الجنين!! امي قعدت تبكي تاني انا سألتو قلت ليهو هي كويسه صح قال لي إنت زوجها قلت ليهو اي قال لي ممكن تجي معاي المكتب عايزك في موضوع مهم أمي قالت ليهو في شنو يا دكتور قال ليها مافي حاجه بس عايز أكتب ليهو على حاجات يجيبها ...

مشيت معاهو لمن وصلنا قال لي أقعد قعدتا قال لي عايز أشرح ليك حالة زوجتك قلت ليهو إتفضل

تغريد الراويه

وأخيرا الخطه ح تنجح ومن اليوم مع السلامه يا تقى

فلاش باك....

لمن تغريد قالت لي سهى رسلي لي الحاجه مع عبد الرحمن رسلت ليها قزازه فيها مويه تغريد شالت القزازه وكبت منها قدام الباب وقدام غرفة تقى ورائد

تغريد: إن شاء الله يا سهى عملك دا ينجح زي ما نجح الاول ورائد بقى خاتم في صباعي😈

بعد مرور كم يوم إتصلت تغريد بي سهى

تغريد:يا سهى ما حصل حاجه ورائد وتقى ما إنفصلوا

سهى: يا تغريد رائد دا زول صلاي وهو الموقف الشغل لكن عندي ليك خطه انا واثقه إنها ح تنجح وح ينفصلوا أكيد

تغريد:إتكلمي طيب

سهى: ح نوسخ صورة تقى قدامو

تغريد: كيف

سهى :طيب ح احكي ليك......

تغريد :كويس الفكره حلوه إن شاء الله تنجح

سهى :اكيد ح تنجح وصدقيني رائد ح يطلق تقى طوالي...

عوده للحاضر

رائد الراوي

لمن الدكتور شرح لي حالة تقى وإنها بتعاني من إدمان لي نوع من المخدرات !! راسي بقى لافي وما قادر اشوف قدامي من الغضب قلت ليهو مافي طريقه إنها تتعالج قال لي هسي لازم تقعد معانا فترة إسبوع وإن شاء الله نحاول قدر الامكان نخليها تتجاوز مرحلة الادمان دي بعد تطلع منها هي محتاجه دعمكم ليها عشان تتجاوز الحصل قلت ليهو كتر خيرك يا دكتور طلعت لقيت أمي وتغريد منتظرني أمي قالت لي الدكتور قال ليك شنو سكت ما رديت عليها وسرحت بعيد ليه تقى تعمل كدا وكيف عرفت الطريق دا من الاساس؟ حسيت بي ضربات أمي على كتفي قالت لي مالك يا ولدي من قبيل بتكلم معاك في شنو قلت ليها مافي حاجه يا أمي بس تقى ح تقعد تاني إسبوع في المستشفى قالت لي ليه ؟ تقى مالا قلت ليها كويسه بس عشان الاجهاض وكدا محتاجه مراقبه وعلى كدا سكتنا

بقينا نمشي ونجي اسبوع كامل ما فارقنا المستشفى لكن انا بعد الموقف الحصل إتخزت قرار....

قيدٌ من ألم

للكاتبه تقى محمد

الجزء التاسع

💎💎💎💎💎💎💎

تقى الراويه

صحيت لقيت نفسي في المستشفى وكان مركبين لي درب قدر ما حاولت إتزكر حاجه ما قدرتا كل المتزكراهو إني كنت في بيت خالتو عاليه بايتين معاهم تاني ما متزكره اي حاجه!! قعدتا على حيلي الباب فتح خالتو عاليه جات لقتني قاعده بقت تكورك جاتني جاريه حضنتني وبقت تبكي على صوتا جات تغريد ووراها رائد وحتى رهام وزوجها جو كلهم حمدلو لي السلامه إلا رائد جاء وقف وطلع طوالي حسيت إنو في حاجه بقيت إستشعر بطني إتصدمت قلت لي خالتو عاليه ولدي وينو ولدي الحصل ليهو شنو خالتو عاليه بقت تهدي فيني وقالت لي ربنا يعوضك بالاحسن!!

من قالت لي كدا زدت في البكاء تغريد قالت لي اسكتي ياخ ما كلوا من عمايلك دي قلت ليها عمايلي انا مالي قالت لي وكمان ما عارفه اثناء نقاشنا دا رائد جاء داخل قال لي خالتو عاليه الدكتور كتب لينا الخروج ح نطلع بعد شويه ،،وطلع من دون ما يعاين لي قلت يمكن زعلان من موضوع الاجهاض الحصل بس انا كمان زعلانه وأكتر منو كمان لانو انا حامله بيهو سته شهور!! مفترض يراعي لي

خالتو عاليه قالت لي ما تسمعي كلام زول الحصل دا كلو إبتلاء من الله وما عندك يد فيهو الله رايد للطفل يموت قبل يشوف الدنيا وبعدين إنتي زوله مؤمنه يابتي خلي إيمانك بي ربك قوي وربنا يكتب ليك الخير إن شاء الله قلت ليها إن شاء الله

رهام وفارس إستاذنوا مني وقالوا لي ربنا يكتب ليك السلامه ومشوا بقينا انا وخالتو عاليه وتغريد بعد مسافه رائد جاء قال لينا ارح طلعوني خالتو عاليه كانت سانداني عليها لقينا رائد مأجر عربيه ركبنا وإتحركنا طول الطريق مافي زول إتكلم مع التاني لحدي ما وصلنا البيت نزلنا رائد مشى قدامنا لمن دخلنا لقيتو طالع من غرفتنا جاء علي قال لي وين الحاجات الكنتِ بتبلعيها قلت ليهو ياتو حاجات قال لي قفلي انا عرفت أي حاجه وأحسن توريني مكان الحبوب قلت ليهو عرفت شنو وحبوب شنو يا رائد قال لي الحبوب الكنتي بتبلعيها قلت ليهو قاعده فى درج التسريحه التحت بس انا ما فاهمه إنت غضبان ليه دخل جوه وجاء طالع بعد مسافه ووشو ما بتفسر ومن دون اي مقدمات اداني كف لمن رجعت ورا من قوتو خالتو عاليه بقت تكورك فيهو قال ليها يا أمي إنتي ما تتدخلي قالت ليهو بدخل إياك تمد يدك على بت أختي دي تربيتي الربيتا ليك يا وسخ قال ليها طيب بت أختك دي تربيتها وين شوفي طلع ليها ظرف قال ليها شوفي مخدرات يا أمي بت أختك بتبلع مخدرات!! خالتو عاليه ختت يدها في خشمها وبقت تعاين لي رائد جاء علي قال لي دي أخرة ثقتي فيك يا تقى دي أخرة حبي ليك؟ قلت ليهو لسه قول لسه متين وثقت فيني ومتين حبيتني إنت معاملني زي الخدامه ما مرتك ياخ تغريد بتعاملا أحسن مني ولو إتصلت عليك قالت ليك تعال انا واقعه في مشكله تجري ليها جري وانا لو حصل اي حاجه تتهجم علي بدون تسألني الحاصل شنو وين الثقه دي انا ما فاهمه وبعدين الحبوب دي حبوب مسكنه ادتني ليها صحبت تغريد عشان حبوبي خلصت،،،تغريد طوالي نطت قالت لي عايزه تشربكي قلة ادبك فيني وعمايلك صح بس حابه أوضح ليك انا ما بتمسكن ليك زي كل مره فاهمه انا سكت ليك كتير وكل مره إتهام اسوأ من القبلوا والله أحسن ليك يا تقى قلت ليها دا ما إتهام وإنتي كنتي حاضره الكلام دا وحتى قلتي لي إنها دكتوره قالت لي الكلام دا ما حصل وهسي إتصل ليك بي صحباتي وحده وحده ويحلفوا ليك قدامك إنو مافي وحده ادتك حبوب واساسا ما عندي صحبه دكتوره ما تسلبطي مشاكلك فوقي عشان تطلعي منها ويا رائد لو ما حسمت الموضوع دا يمكن تطلع لينا بي جرائم أكتر من كدا واساسا بعد العملتوا دا وقتلت ولدا بي يدها بقت ما مضمونه يمكن تأذي الاولاد كمان...

رائد قال ليها تغريد اسكتي وقبل علي قال لي عارفه لاول مره اقول ليك كلام تغريد صح قلت ليهو بالجد دي اول مره يا رائد ما إنت شايف تغريد الملكه في اي حاجه وهسي رافض تصدقني اكيد هي وسوست ليك عشان تجي تتكلم معاي كدا صح وقبل ما أتم كلامي سمح حسيت بي كف في وشي لقيت دا رائد قال لي اوعي تغلطي فيها تغريد دي أحسن منك بي مية مره إنتي ما بتسوي ضفرها خليك تقارني نفسك بيها إنسانه متعلمه ومثقفه مازيك بس الغلط ما غلطك الغلط غلطي العملت ليك قيمه لكن ما بعد اليوم يا تقى إنتي طالق...عاينت ليهو بي صدمه خالتو عاليه ادتو كف قالت ليهو كيف يعني تطلقا إنت واعي لي كلامك دا قال ليها اي واعي لي كلامي قالت ليهو رجعها قال ليها ما برجعا تغريد قالت ليها خليهو يا خالتي دي ما مره يعيشوا معاها تستاهل الطلاق وأكتر

مشيت لي تغريد وبي كل قوتي اديتا كف لمن حسيت بي شدة الضربه في يدي.....

قيدٌ من ألم

للكاتبه تقى محمد

الجزء العاشر

💎💎💎💎💎💎💎

مشيت لي تغريد وبي كل قوتي اديتا كف لمن حسيت بي شدة الضربه في يدي وقلت ليها انا مره وفي عين اي زول فهمتي لكن الله في وهو ح يجيب لي حقي منك حسبي الله ونعم الوكيل فيكي

رائد مسكني من يدي وطلعني الشارع وقفل الباب في وشي خالتو عاليه جاطت فيهو وقالت ليهو كيف تعمل كدا انا قعدت اضرب في الباب لحدي يدي ما وجعتني خالتو عاليه لزتو وفتحت الباب جاتني طالعه رائد قال لي دايره شنو تاني طلاق وطلقتك مافي حاجه تربطك بالبيت دا ياريت تمشي قلت ليهو دايره اولادي قال لي دا في احلامك فاهمه وقفل الباب في وشنا خالتو عاليه سندتني وقالت لي شفتي يابتي شفتي دا كلو من المره دي والله كلو منها دا ما رائد ولدي رائد ولدي عمرو ما عمل كدا عمرو ما قفل باب في وشي لمن كان بتكلم معاي عينو في الارض شوفتي العقربه دي عملت ليهو شنو...

سندتني أجرنا عربيه ومشينا بيتا اساسا البيت ما كان بعيد بس عشان انا مرهقه كان كبير ومقسوم على إتنين رهام وراجلا في جزو وخالتو عاليه في جزو..

قالت لي إرتاحي امشي اعمل ليك عصير وحاجه تاكليها قعدت في السرير وبقيت ابكي على حياتي وعلى شكلي وعلى اي حاجه انا غير إنو بقيت مدمنة مخدرات بقيت مشرده كمان ما عندي زول ألجأ ليهو رائد وإتخلى عني وهسي أكيد خالتو عاليه م ح تقيف معاي كتير وحتى إذا وقفت انا ضميري ما بسمح لي افرقا عن ولدا لازم اشوف لي حل ياريت بس لو متا مع أمي وابوي كان هسي إرتحت من الحياة العايشاها دي خالتو عاليه جابت لي عصير وأكل بس نفسي كانت مقفوله وقدر ما حاولت أرفض ابت تخليني أكلت حبه ورقدتا لقيت نفسي تلقائيا بنوم من التعب ..

صحيت بي صوت رهام متناقشه مع خالتو عاليه قالت ليها انا لازم اعمل كرامه عديل عشان أخوي طلقها امي قالت ليها قفلي خشمك دا من متين يا يمه خوتكم دي هسي البارح القريبه دي ما كنتي متشكله معاهو قالت ليها اي كنت متشكله معاهو بس دا ما بعني إننا ما أخوان وما عندنا الحنيه على بعض ورائد ما يستاهل بت أختك دي نهائي اساسا يا أمي لو ما إصرارك عليهو ما كان عرسا اصلا بس إنتي مصره تخربي حياتو خالتو عاليه قالت ليها والله ما شاء الله كمان جابت ليها قلة ادب والله يا رهام لو ما لميتي لسانك عليك اوريك نجوم الليل يا قليلة الادب شكلي ما عرفت اربيك سمح اساسا انا شكلي ما عرفت اربيكم الاتنين لكن تاني تشوفوا مني وش ما يعجبكم رهام قالت ليها نفسي اعرف ولادك نحن ولا هي بتك ياخ نحن اولادك ولا مره شفنا منك نص المعامله البتعامليها لي البت دي قالت ليها البت دي يتيمه وفوق لي دا بت أختي فاهمه لو عجبك عجبك ما عجبك يعجبك ورجلك في رقبتك سمعت صوت رهام وهي ماشه العبره خنقتني شديد وبقيت اقول في نفسي معقوله انا سبب المشاكل دي كلها ومعقوله كلام رهام دا معقوله خالتو عاليه هي الاصرت على رائد يتزوجني غصب بقيت ما فاهمه اي حاجه اثناء ما بفكر كدا خالتو عاليه جات قالت لي كويس إنك صحيتي امشي إستحمي وتعالي أكلي ليك حاجه من قبيل نايمه قلت ليها حاضر قمت إستحميت وجيت أكلت معاها حبه وقمت نفسي كانت مقفوله من اي حاجه فجأه إتزكرت عمتي وجدان قلت احسن ارجع البلد انا مكاني ما هنا اصلا...بس كيف أكلم خالتو عاليه بي قراري دا...

الفصل