رواية قيود تعيقني الفصل التاسع وثلاثون 39 - بقلم مريام

برهم //

ياچويـات روحي الما اظن تبرد 💔.

نيار ///

نسيتك والعوض باللَّه
كباَلي لو طحت ماكلك اسم اللَّه .
كلها تتفارك وتنسى شمعنى اني ؟
ليش مثلك ما درت وجَهيِ وبقيت
لهسه اتاني وليش ما حبيت ثاني ؟

................................................................

( في الماضي )

دالعب بلحديقه وبلطييين ومطر خفيف صاحتني اختي

:- نيره تعاي تلفونج كاعد يدك

:- ايي اجييت

غسلت ودخلت جوه شعري منكع اخذته من ايد اختي وجاوبت

:- لك برهم وعلي ابن ابي طالب لو ما اجيت باجر اموتك اجيك للبصره ادوس بطنك

اجاني صوت ضحكته وخربان من ضحك

:- متصيرلج جاره والله

:- اي هي شنو اكو واحد يعوف اخته وصديقته هلكد وما يجي يسئل عليها والله متغزر بيك

:- دنجبي اكلتيني وشربتيني هو هسه شويه وراح اطلع من البيت ولازم اجي باجر لان امتحان عندي

:- ديلا ولي خلبدل

:- ايي صغيره اكيد جنتي تلعبين بطيين ترا عمرج 19 مو صغيره

:- معليك ابقى صغيره لو صار عمري 50 سنه ههههههاي

ضحكت ضحكه عاليه غمتني اختي ورزلتني واني ع لخط وي برهم

:- اثكلي كافي خفه تضحكيين هيج ضحك مال كاوليات عيب نيره

باوعتلها صفح وبرهم اسمع ضحكاته عاليه

برهم :- هههههههههههه هيج احسلج حييل صير مثل ايمان عاقله

عطت بي بصوت ناصي

نيار :- برهما  ؟؟؟

برهم :- انجبي لج هو وين اكو مثلج بعد روحيي نيارتي

نيار :- لالا

برهم :- وداعتج لا وبعديين ايمان اختج وتوأمج حتى لو  كتلج صيري مثلها

نيار :- انت تعرف بيه ما احب احد يكلي صيري مثل فلان وعلان بس انت ضاهر نسيان هلشي يلا باي

سديته بوجهه ورحت عصبيه ع ايمان واعيط عليها

نيار :- انت شلوووون ترزليني كدامه ترا انت اختي جبيره بس ب٥ دقايق ايمان لتحولييين تفشليني لو ترزليني كدام اي احد بيناتنه طيحي حضي بس كدام احد لا ايمان ما اقبل بهل شي

ابتسمت برود وكامت وكفت وهي تضفر بشعرها واجتي يمي وسمحت ع شامه الي بخدي

ايمان :- اعتذر يعيوني انت مجان قصدي بس صوت ضحكتج جان عالي بشكل مو طبيعي وبرهم تعرفين بيه ابد ما ارتاحله

نيار :- ميمو ترا برهم من عمري 16 سنه اعرفه صديقي من زمان وابد ما بذر شي منه غلط تذكريين من امي تخربطت ؟ شلون اجه واخذها للمستشفى ودفع فلوس العلاج كله

ايمان :-, اي صح بس علاقتكم ك اصدقاء محلوه ميانتكم قويه واني اخاف عليج

ضحكت وحضنتها

نيار :- لتخافين يروحي برهم كد ثقه واكثر ما اضن بيوم راح يأذيني او يكسرني ابد

ايمان :- اتمنى هل شي

ابتعدت عنها ودخلت سبحت وطلعت لكيت 5 مكالمات منه

رمشتله شويه واتصل عليه

برهم :- شدعواج حبيبتي هيج عصبيه وسديتي بوجهي

نيار :- انت ضوجتني

برهم :- وجع بگلبي كون اذا ضوجتج اني

نيار :- هههههه انجب

باوعت ع ايمان غاطه بنومها رحت كعدت بزاويه الغرفه واحجي ويا

برهم :- مشتاقلج اهوواي والله

نيار :- مو بكدي واللَّه كلش مشاقتلك واتمنى يجي صبح بسرعه بسرعه

برهم :- هههههه عمري يجي واللَّه وبعدين واللَّه جايبلج هديه وياي تجنن

نيار :- ههههه صدك والله

برهم :- وعيونج

اختفت ابتسامتي وصفنت و تذكرت ايمان من كلتلي ابد متاخذين منه اي شي حتى لو هديه

برهم :- نيره وينج شو سكتي

نيار :- احم لا ماخذها

برهم :- شنو ؟

نيار :- الهديه ما اريدها

برهم :- ليش ولج

نيار :- ايمان متقبل اخذ اي شي منك اعذرني

برهم :- اخخ من ايمان ادري ماكل عشاها وهيج تكرهني

نيار :- لا متكرهه احد هي بس متثق بيك مدري ليش

برهم :- يجي يوم وتثق وداعتج

نيار :- إنشاء الله

برهم :- ولي يلا روحي نامي وراج دوام صبح

نيار :- انت ولي برهم العاااار

برهم :- ام السان مو اكصلج يا والله

نيار :- ولمكص عليه ههههههاي

برهم :-, ولي ولي تافهه

نيار :-, يلا ديي

برهم :- ههههههه باي

سديته منه واحس بشي حلو بداخلي برهم سندي بوكت كسرتي برهم  روحي من دنيا شحجي بحقه قليل

برهم صديقي واخوي

برهم امي وابوي

برهم سندي وضحكتي

ماعرف شوصفه بس وياي بكلشي ولحلو درسنا بنفس المعهد بالاعداديه ونفس الكليه هسه

ضحكت ورحت دخلت بحضن ميمو حست عليه وحضنتني جان جسمي يرجف بشكل مو طبيعي

:- شو ترجفين بردانه ؟

:- اي والله كلش

كامت جابت غطى وغطتني وحضنتني ونمت

اجتي صبح امي تكعدنا صبحنا عليها

وكلش متحمسه لهل حتى ما سبحت

:- ولج شطلعلج ملابس

:- مادري اي شي بسرعه بين ما امشط شعري

مشطت شعري وضفرته حطيت حمره ورديه فاتحه بشفتي

واخذت منها حطيت لخدودي شويه باوعتلي ايمان صفح وهي دطلعلي ملابس

ايمان :- دخففي الحمره الي بخدودج

نيار :- ولج والله خفيف

ايمان :- براحتج

شفتها سكتت ما حبيت ازعلها ومسحته بس بقى خدي احمر

ابتسمت وهزت راسها

طلعتلي تنوره سوده وقميص ابيض

اخذتهن لبستهن وهي لبست ملابسها وحجابها

نيار :- هههههه يلا امشي

نزلنا طلعنه بدون ريوك وكلساع اعدل بشعري صعدنا كيه وحده

وبنص طريق هي نزلت لان جامعتها تختلف عن جامعتي

كلساع واكفه الكيه فتحت جنطتي بس 3 ونص

انطيت الف بقن 2 ونص

وصلت للجامعه وكل ما امشي كل ما ترجف ايدي اكثر

شفته واكف  بمكان بي بس كم شخص ومرتجي ع سياره ولابس مناضره شمسيه احس طريق صار كلش بعيد

نيار :- برههمم برههمم هياتني اني

شافني ونزع مناضره واجاني يركض

وكف يمي وكمش ايدي ومشينا للسياره

برهم :- شلونج ولجج

نيار :- كلشش زيينه والله

برهم :- كلش زينه لا شفتيني اكيد

نيار :- هههههه اي طبعاً

برهم :-, امشي يلا خلي ندخل

دخلنا للجامعه سوه واجوي جماعتنه كذالك سلمو ع برهم لان صار كومه ماخذ اجازه

عبيد :- شلونج نيره مشتاقلج والله

نيار :- ههههههه تشتاقلك العافيه

جرني برهم من ايدي قوي ويمشيني كلساع اعثر من وره

نيار :- هاايب شبيك ع كيفك امشي لا تنجلب

دخلنا للكافتريا كعدنا وهو مخنزر

عرفته ضاج من عبيد لان هو ويا مو ع صلح

باوعت علي ورفعتله حاجبي خزرني

نيار :- اويي فديت الخزره جعل محد غيرك يخزر

برهم :- بلا لواكه نيار

نيار :- فديييت هل حواجب والرموش اثخن من شعري هههههه

ضحك وحجه

برهم :- متصيرلج جاره لو اموت دومج تافهه

نيار :- هههههه ونبي دباوع رموشك والحواجب يشكن شككك عميي

برهم :- ايي ادري بس لتحسديني رحمه لابوج

نيار :- لا ما احسدك اقره المعوذات بكلبي ههههه

برهم :- اكيد ممتريكه مو

هزيتله راسي

كام جاب جاي وكعك وكعدنا ناكل اني ويا

نيار :- راح نتأخر ع لمحاضره ع سريع

برهم :- بس كملي اكل ونروح لترحيين جوعانه هو انت شكلتي وبعديين المحاضره مراح تطير

نيار :- تمام هاي شوف

شلت الكعكه دخلتها بحلكي كلها هو خرب من ضحك شربت جاي وراها علمود تنبلع بسرعه

نيار :- يلا امشي ع سريع

رحنا خلصت المحاضره وبدت المحاضره الثانيه انتهت بقيت كاعده اتصلت ع ايمان

:- ها ميمو شلونج

:- زينه حبيبي اكلتي لو لا

:- اي اكلت وانت اكلتي

:- اي هسه اشتريت كيكه وعصير واكلتهن

:- ماشي لا ترحيين نجيج اني وبرهم ناخذج

:- ما يحتاج اني ارجع

:- لا حبابه بداعتي

:- ماشي يلا

سديته منها درت وجهي وشفت برهم بصفي كاعد

نيار :- دوخر خل اطلع شبيك

برهم :- مشتاقلج

نيار :- اني هم والله

طلعنا من الجامعه وركبنا بسياره كال برهم

:- نروح نتغده ؟

:- لا ما اريد اني بس خلي انجيب ايمان حباب

برهم :- من عيوني

اتوجهنه الجامعت ايمان صاح برهم

برهم :- ذيج انت ذيج

باوعت ع لمكان الاشر علي ايمان كاعده ع المسطبه

نيار :- تعاي اصعدي ميمو

ايمان :- هلاو برهم

باوع عليها برهم بلمرايه وابتسم

برهم :- هلا بيج شلونج

ايمان :- زينه

برهم :- هسه شنو ترا كلش جوعان اني

نيار :- اني هم شو جعت

برهم :- نروح المطعم

ايمان :- لا برهم فدوه للبيت وامي مسويه دولمه اليوم عود اتغده يمنه

برهم :- صار بويه

طلعنا للبيت وبرهم مشغل اغاني وايمان بس ساكته وتباوع من جامه

وصلنا للبيت وريحت دولمه تزرف الخشم نزل برهم سلم ع امي وباس أيدها وامي اتعاتبه لان ما يجي

صعدت بدلت لكيته بس هو بصاله كعدت يمه صفن بوجهي شويه وكال

برهم :-(انت تشبهين الفراشه حيل

نيار :- اني ! شلون !

برهم :- الفراشه تكون اجنحتها بيها بقع صغيره كلش لون اسود او بني وانت مثلها اني وصغير اسميهن كواكب لان مدورات

نيار :- اي !

برهم :- وجهج بي 6 كواكب وركبتج بيها 3  زايداتج جمال

نيار :- حاسبهن ؟

برهم :- هههههه غبيه اعرفج صار اهوايي شلون ما احفض شكلج وشنو البيج خرب بيومج

صفنت علي واجتي ايمان تفرش السفره

رحت وياهم جبت زلاطه والخبز وايمان جابت صينيه الدولمه

برهم :- عاشت ايدج يمه

الحجيه :- الف عافيه وليدي

اكلنا وصبيت جاي وراح برهم وصعدت ارتاح بغرفتي وتفكيري كله يمه

اجتي ايمان مددت يمي وكالت كلمه خلتني كلي ارجف گلبي يدك حييل سريع

:- نيره تحبي ؟

باوعت عليها وابتسمت

:- طبعاً احبه غير صديقي

:- لا مو هيج اقصد تحبي

:- ايي احبه صديقي داكلج طبعا احبه

:- يعني اكو علاقه بينكم ؟

:- ولج لا مو هيج صداقه احنه

هزت راسها ونامت

ما اجاني نوم وصلتني رساله فتحتها

لقد تم تحويل رصيد اليك بقيمه 25 دولار

فتحت عيوني بصدمه باوعت ع رقم طلع رقم برهم

بسرعه دكيت علي

:- انت شلون تدزلييي ولك

:- انجبي لج ادري ماعندج واليوم وراج من شفتج داينتي الف من شركه وتصلتي ع ايمان

:- لكك برهم العار شصخم بي هلكد ويين اوديهن

:- انت حولي منه الايمان والامج وهاهيه لان استحيت اني

:- لا برهم بربك

:- احبج فراشتي

حسيت الفون راح يوكع من ايدي من رجفه گلبي مدري شحس بي ماعرف شنو ماعرف شنو هلعشور

:- ايي احبجج والله

:- اني هم احبك

:- بعد روحيي انت

:- يلا ولي خلنام شويه

:- ههههه تمام حبيبي

سديته من ونزلت دمعتي

( احبه حيل احبه اكثر من صديق بس ادري بي ميحبني يحبني ك أخت وصديقه بس )

باوعت ع ساعه ب6 

لبست بسرعه ونزلت جوه رحت للشغل

اشتغل بمجمع  مسافه من بيتنه اروح مشي من 6 لل10 بليل  وايمان تخيط

برهم ب8 اتصل عليه ما رديت علي اتصل ب8 مرات

دزيتله رساله

:- دادرس اكمل واتصل عليك

:- اوكي عمري

ضهري انكسر حتى تنضيف اني انضفه ب10 اجتي امي اخذتني لان دنيا ليل

رحت للبيت لكيت ايمان دتخيط

نيار :- وخري اني اكمل اليوم ما اشتغلت اهواي اليوم

ايمان :- لا عمري روحي اتعشي

نيار :- اكلت جابو اكل واكلت وخري يلا

وخرت واني شفت شلون باديه بيها وبديت اخيط بطني كامت تطلع صوت من جوع ب11 كمت للمطبخ سويتلي لفه جبن

واكلت وصعدت لكيت ايمان دتدرس مددت ع بطني وطلعت كتبي وبدييت ادرس ب1 طفيت ايمان نامت وجع مو طبيعي بطني

كمت ابجي من الوجع طلعت بره الغرفه رحت بلمطبخ واتصلت ع برهم

:- بعد وكت ست

:- مادري نمت

:- يلا ولي اني هم حنام

:- خوش

قبل لا اسده احس لزمني دمار بضهريي عطت متألمه بصوت عالي نمت بلكاع من الوجع وألوب

ايمان من تنام لو دنيا تحترك متحس وامي كذالك

اسمع صوت برهم بس بعيد

:- هايي شبيجج نيره جاوبيني خخخرب بيييجج ولجج احجييي شبييجج بابا

جريت الفون

:- برهم ضهريي راحح اموت والله موتني

:- ايمه وييين خاللله وييين عنجج خرب

:- نايمات

:- هاي من نومت الكاع تنامين بدون دوشك ع لكاشي طبج عرج عرمه

سديته بوجهه وكمت رحت اخذت مسكن وحطيت مخاد ديباج جوه ضهري قفلت التلفون ونمت بصاله

امي كعدتني صبح كتلها ما ادام تعبانه

داومت بس ايمان كعدت ب 10 ألم قليل بضهري  وفتحت فوني 25 مكالمه من برهم غلست

اتصلت ابو المجمع كال اذا ممداومه تكدرين تجين هسه

بدلت وطلعت بدون اكل وماخذه مسكن بدون اكل

دخلت نضفت المجمع كله

ابو محمد :-. الغرفه الفوك بيها غراض ما نحتاجه وقديمه اصعدي نضفيها وتردي اخذي

هزيت راسي وصعدت نضفتها جانت كلها تراب وصخ ومكياج ممفتوح بعده وملابس كومه جديده اخذت منهن الي والايمان حتى ملابس داخليه

حطيتهن بعلاليك ونزلتهن جوه

كملت كلشي وطلعت ب5 وارجع ب7 دايخه والغراض بيدي دخلت للبيت وشفت برهم كاعد هو وايمان وامي امي وايمان متوترات

برهم :- ايي ليش مو هلا

نيار :- ههه شبيك

برهم :- ويين جنتي

رفعتله الغارض البيدي

نيار :- مدتشوف البيدي

برهم :- صار ساعتين اني اهنا اتاخرتي

اخذت لأغراض من ايدي ايمان كعدت وجابتلي مي شربته كله

وبرهم يباوعلي صفح

:- نيره وجهج اصفر كومي غسلي

نيار :- تمام هسه راح اكوم كمت بسرعه عيوني غوشت وكعت كبل

اسمع صوتهم بس ما اشوف عيوني مغوشه كلش

برهم :-  نيره شبيجج

ايمان :- عزااا شبيهاا

حسيت نرفعت من الكاع

برهم :- حييل مصخنه ايمان جيبي مي وصله نضيفه

فقدت مدري نمت بس فتحت عيوني ايمان نايمه غافيه يمي

جسمي نحلان ومتكسره شفتي يابسه كمت ارتجي ع لحايط ميته عطس

طلعت بره رحت للمطبخ شربت مي واني مرتجيه ع الكاونتر

اجاني صوت من وره

برهم :- هاي شكومج ولجج

انداريتله وملت اجاني حضني من وره ويمشيني كاعد هو وامي بصاله

الحجيه :- ها يمه شلون صرتي

هزيتلها راسي

راح برهم جابلي اكل اكلت شويه وباوعت ع ساعه ب9 ادري باجر راح اترزل لان ما رحت للشغل

...............

( الوقت الحالي )

مسار :- كاعدين ع لعشه كلنا وسيرين ورجلها يمنه وجمال ومرته وجهاله

ادهم :- اكلو اكلو بزودي

برهم :- بزودك ؟

ادهم :- اي شنو لعد نصه عليه ونص الثاني عليك وع اجرام

ضحك جمال

جمال :- ترا محد يجيب شي ويكعد يعير

ادهم :- دنجب انت اكلت اكثر من عدهم

مسار :- ههههه الف عافيه حبيبي جمولي

ادهم  :- طيرتي هيبته هههههههه

مروه :- ههههههه لا حلو جمولي ترا

جمال :- انجب انت ومسار راح اكوم انعلكم

إجرام :- شحدك تطخ مرتي غير احركم

برهم :- المهم اسكتو اريد احجي وياكم بموضوع

ادهم :- تريد ترجع تسافر اكيد

برهم :- لا بس خلحجي

إجرام :- ايي احجي

كلام برهم صدمنا كلنا محد جان متوقع بيوم راح يطلع هلشي من برهم

:- اريدكم تخطبولي

///////////////////////////////////////////////////////////////

الاحداث مستمره الى الان وماكدر اكتب شي من كيفي الحد ما توصلي الاحداث الي كامله

حسابي الانستا :- mream_.98