رواية قيود تعيقني الفصل الثامن وثلاثون 38 - بقلم مريام

وهوَ ليش ؟
ليش ما ضل باله يَمي ؟
ولا اشتاك ، ولا فُكدني !
مو چنت لَمن حِزن بعيونه يطفح ،
نسهر انه وكلبي لعيونه ونغني ؟

/////////////////////////////////////////////////////

نور /

دابدل المريم وسمعت صوت طبه وعيطه شمرت مسار وطلعت ركض من الغرفه

واشوفها واكعه من درج دانزل واني هم اتزحلكت بس جلبت بلمحجر 

رجلي كلها زيت

ياسمين اجتي تركض المسار كوه نزلت الدرجه وعياطها كلش عالي ودم ترس الكاع

مسار :- بطنيي راحح اموتت نورر الحكينيي اخخخ

نور :- شاسويلج شأسويلج هسه اخابر ادهم

اتصلت ع ادهم وهي ياسمين كامشتها ادهم انطاني رفض وذيج خبصت دنيا بصريخها

مسار :- نور ماريدهم يموتون والله نور الحكيني

الحمدلله دخلو ادهم وبرهم

ادهم :- هاااييي شكو يالله شبيج مسار

نور :- اتزحلكت من درج

شالها بسرعه واخذها بسرعه لبست الصايه وطلعت وراهم

حتى ياسمين نسيناها وطلعنا

برهم بقى بلبيت

ومسار نزيف اخذها بسياره انترست دم وعياطها كلش قوي احس المستشفى كلش صارت بعيده

مسار ////

جنت خايفه حييل لا يصير وياي مثل ذيج المره وماكدر بعد اخلف شراح اكول الإجرام ! هلمره ثانيه تخسر اطفالك بسببي !

هدئت رغم الألم الي بداخلي رغم وجعي سكتت بقيت افكر بأجرام و حمودي اذا خسرتهم حمودي مراح يصير اخ بعد غمضت عيوني

ونور عبالها فقدت تدك ع خدي تريدني افتح ما كدرت افتح عيوني

وصلنا للمستشفى ودخلوني للصاله وكالو عندج اسقاط

هزيت راسي ودموعي ينزلن بدوت صوت نور تمسح ع راسي 3 ايام بس وادخل بشهر 4

ايام اهواي مرت بحياتي صعبه ونحسب هليوم من ضمنهن

روحي طلعت احس شي انسحب مني الألم جان فضيع وما اتمنى العدوي  وكع مني امنيتي جنت اتمناها ع طول

ما تحملت الألم اكثر وفقدت

نور ///

متوقعت مسار راح توصل الهاي المرحله قبل لا نوصل المستشفى جانت هادئه بشكل مو طبيعي

حاولت وحاولت اهوايي ما تصرخ وتبقى هادئه بس ما كدرت تكتم اكثر وصرخت

اتذكرت صريخها اول ما سقطت اولادها تؤام نزل منها

ماكدرت اتحمل المنضر وانداريت صوت مسار اختفه شالته الممرضه من الكاع وانداريت

فرحت من الدكتوره كالت الطفل الثاني بي نبض ما ميت

مسار فقدت وجهه اصفر فقدت اهوايي دم طلعوني بره

ادهم :- هاا نورر شلونها

نور :- سقطت واحد والثاني بي نبض ما ميت

ادهم :- يلا الحمدلله الحمدلله وشكر

نور :- خطيه والله

ادهم :- شلون وكعت ؟

نور :- جانت دهن بلكاع

باوعلي بصدمه وعاط

ادهم :- ياسسسسمين العاااار والله العظيم هاي ياسمين بس سهله هلمره

اجه برهم يركض ويلهث

برهم :- هااا شلونها

نور :- سقطت واحد واحد عايش بس طلعوني من الغرفه وحطولها دم لان اهواي فقدت

برهم :- خير يارب

ادهم :- شو تلهث شبيك

برهم :- جنت اركض ادور عليكم كلساع كايلي بفلان غرفه واركض

نور :- واحد منكم يجيب مي راح اموت ترا

ادهم :- اسم عليج روح برهم جيب مي

باوعله صفح برهم وراح كعد

ادهم غمه وراح استغفرت احنا بيه حال وادهم بيه حال

كعدت يم برهم انتبهت ع ايده ترجف  كل ما يتوتر يرجف ويعرك

جان جو بارد بشكل مو طبيعي وهو كصته عركانه

ساعه تقريباً ودخلنه المسار نايمه من تعب ومخليلها مغذي

احتاجت بطلين دم والحمدلله جان اكو اتصل فوني واني كاعده يمها

المتصل إجرام

جاوبته كبل اجاني صوته يرعد رعد

إجرام :- نووووور الكو... رجلجج شكد اتصلت علييي ليشش ميرد

نور :- مادريي

إجرام :- شلونها مسار

ماعرفت شحجي وهذا منو كايل اله

نور :- زينه بس منو كلك ؟

إجرام :-, حمودي خابرني يبجي واخذت الفون سيرين حجتلي كالت برهم جابهم يمي

نور  :- هاا ايي مسار زينه

إجرام :- الأطفال خوما بيهم شي ؟

نور :- سقطت

إجرام :- هههههه تشاقين مو

نور :- لا سقطت واحد وثاني عايش

سده بوجهي

وجان صوت الفون عالي حست مسار وفتحت عيونها وذبلت حييل

مسار :- اريد مي

نور :- صار

جبتلها مي شربت بطل كامل

نزلت دمعتها وكوه تطلع الكلمه منها

مسار :- ماتو نور ماتو شلون راح اواجهه إجرام بعد

ضحكتلها وعيوني مدمعه وكتلها
نور :- لا انت حامل سقطتي بس واحد

مسار :- تجذبين عليه علمود ما ابجي والله

نور :- وداعت فهد ما سقطتيهم ثنينهم

ابتسمت وحطت ايدها ع بطنها ودخلت الدكتوره

دكتوره :- الحمدلله ع سلامتج امي

مسار :- الله يسلمج

دكتور :- انتبهي عليه شراح احجي بنيتي

هزتلها راسها

:- انت سقطتي طفل واحد وثاني بعده بداخلج ونبضه زين بس انتبهي لا صعدت درج ولا تتحركين اهواي مو زين عليج وبس مشاوي تاكلين وانتبهي ع نفسج ماشي امي ؟

مسار :- إنشاء الله

طلعت دكتوره

ودخلو برهم وادهم جايبين اكل

ادهم :- تدرون يمكن مسار اشتاقت للمستشفى وكالت خلي اخربط نفسي علمود ادخللها ههههههه

برهم :- لا ولك كالت محد شايلني صار اهواي خلي اسوي شي علمود يشيلوني

مسار :- ههههه لا والله شبيكم بس غير اتزحلكت

اباوع ع ادهم صفن لحضات وكمز ع برهم يحجي ويا

ادهم :- لاااا وللككك شنو شيل هذاك اليوم شفت اجرام شايلها بليل جانو فوك ومنزلها شايلها

مسار :- عزا العزااك هاي شوكت

ادهم :- قبل سبوع تقريباً

نور :- وانت شعندك ملاحكهم

برهم :- هههههههه لا وشنو اجاني للغرفه يكلي كوم خلي اشيلك مثل اجرام من يشيل مسار كتله عمي روح خلي انام

مسار :- بس بيومها اجه ع اجرام ادهم

برهم :- ايي ولج صاحه وانجمعنه بالغرفه وادهم يصنف علي ويشيلني كدامه ويقلدكم

نور :- يااا فضحكم ادهم

برهم :- ههههههههههه وانكتل كتله دخيل الكعبه بس اجرام كاتم صوته علمود ما تسمعون

مسار :- هههههههههه

غيرو جو مسار شويه وضحكوها اهوايي بس مبين عليها فاقده شي حزن بعيونها رغم ضحكاتها

راح ادهم للبيت واني وبرهم بتنا يمها

برهم مسافه مني نايم واني يم مسار مددت جربايه صح جانت نفر واحد بس مكفيه

غمضت عيوني شويه واسمع صوت همس يمي ركزت بصوت هذا برهم

برهم :- ديلا عود باجر من ارجع اخابرج وج نايم يمهم اي مرت اخوي ايي تسلمين يلا باي

فتحت عيوني  واشوف ايده يرجفن ما منتبهه عليه فتح فونه ونزلت دموعه عرفت طلع صورت ايمان

كل ما تطلع صورتها كل ما يكون كاعد وحده الكه صافن وعيونه مدمعه

اهواي اسمعه مرات يحجي بلفون مرات اشك بي عنده وحده بس من اشوف حبه الايمان وهي ميته وبلسبوع مرتين يمها يطير شك

برهم ابد ماعنده نوع يحجي وي بنيه وهو ميحبها

مسار //////

اجه ثاني يوم وطلعت من المستشفى وحييل تعبانه ومقهور رغم ادهم وبرهم ضحكوني اهواي جنت محتاجه إجرام يمي بس ما اجه ابد

نمت بغرفت جدي الله يرحمه كل ساعه تمر اكول هسه يجي وهسه يجي

انفتحت الباب عبالي هو بس طلع حمودي

اجاني شبكني ويبجي

محمد :- بعت لتعوفيني
            ( بعد)
مسار :- يار روح امك انت ما اعوفك حبيبي

وخر عني باوع ع الكانونه وعيونه الخضر صايره حمره من البجي

محمد :- بيه ولا بيت
                        ( بيج)

مسار :- اسم الله عليك يروح امك انت

نيمته بحضني شويه ودخل فهد

حضني وباسني ونام بصف حمودي بستهم ثنينهم

فهد حنين الدرجه محد يتخيلها فهد ابني الثاني احبه بكد حبي الحمودي اذا اشتري الحمودي لازم اشتريله اذا طلعت وياي حمودي لازم اطلعه

حتى اجرام ممفرق بينه وبين حمودي ابد وفهد هم كلش يحبني اني وأجرام

دائماً اكله ليش تحب حمودي اهواي يكلي كلام يخليني صافنه علي ممعقوله طفل بكده يكون واعي الهاي درجه

يكلي ( حمودي أخوي واني من اكبر محد راح يكون احزاني ضهري غيره لا ويصير ابنج انت وباب اجرام كليلي شلون ما احبه واهله روحي من دنيا )

اخذت فوني ومنتضره اتصال من إجرام بس اتصال واحد يطمن بيه علي ردت رساله منه وحده

دخلت ع الوتساب لكيته متصل دخلت ع صورته شخصيه حاط وصورته وهو كاعد بلمكتب مالته وبدلته مال شغل

نزلت دمعتي وكتبتله

:- إجرام روحي تعبانه معقوله گلبك ما حس  ؟

دزيتها لحضات وفتحها شويه وطلعلي يكتب ..

بعدين اختفه طلع من الواتساب

حطيت ايدي ح حلكي وابجي بصوت ناصي علمود ما يحسون الجهال

ساعه وأجاني أشعار منه وصلتني صوره منه انتضرتها تحمل

انفتحت وروحي طلعت من شفت صدره مجروح وجرح عميق حييل شهكت وايدي رجفت

اتصلت علي فتح خط رحت بزاويه الغرفه واشهك

:- اششش كافي بابا

:- اچ أچرام ش شبيك

:- شلونج يحيلي

:- روحي تعبانه

:- انطيج من حيلي لو جاسج تعب

:- اجرام اريدك تعال

:- ابقي وياي ع لخط ارد انام

شويه وسمعت صوت وناته يون هو يون واني ابجي

انسد الخط ذبيت الفون باوعت ع ساعه ب8 بليل

طلعت بره امشي كوه اتلكتني نور

نور :- جان صحتيني

مسار :- لا عمري تعبتي وياي انت

نور :- انجبي لج تعاي اخذج للصاله

اخذتني وراحت كعدت جهال وكعدو يمي برهم وادهم

اخذ ايدي ادهم وصفكها

ادهم :- شلونك ولكك

مسار :- ههههه زينه وانت شلونك

ادهم :- زين بوجودك بزون

برهم :- هههههههه شلون صرتي ححب

مسار :- زينه حبيبي وانت شلونك

برهم :- انيي زين

ادهم :- مسار صيري زينه علمود نطلع نفتر نروح مطعم يعزومنه برهم

برهم باوعو علي صفح وضحك

برهم :- وليش مو انت تعزمنا

ادهم :- انت فلوس عندك اهووايي هسه بطنك ماكو مصارين اكو فلوس هههههههه

برهم. :- قل اعوذ برب الفلق راح تضربني عيين

ادهم :- قابل جذبت وشعندك لا مره ولل جهال وحتى ما مصاحب ولا عندك بنيه تصرف عليها

باوعت ع برهم اختفت ضحكته وايده رجفت عرفته توتر بعديين ضحك

برهم :- هههههه اي بس كول وياي المستشفى منو دفع فلوسها مو اني وفوكاها بلخاص

ادهم :- بنت عمك غصباً ما عليك

برهم :- ههههه مسار اختي شعندب غيرها

قرب عليه ومسح ع شعري

ادهم :- برهم اريد 14 برو شبيك

برهم :- اخذ فوني

ادهم :- اريده جديد

باوعله صفح وهز ايده

ادهم :- وجعع فلوسك كومه لو تجيبلي ١٠ ما يخلصن

برهم :- دنجب يا فلوسي كومه ع كد حالي وبعديين هو اصلا فوني جابولي يا هديه لو مجايبلي جان بقيت ع القديم

دخلو جهال ايمان وفهد ومحمد ونور كامشه مريم بأيدها

وكعدنا ع العشه برهم جايب اكل من بره دجاج شوي وكباب ومعلاك الي

فهد :- باجر ماعدنا دوام عطله

ادهم :- اي بثواب الحسين انطوها مو ؟

فهد :- والله عطله

نور :- ماشي حبيبي هاهيه

اتعشينا واجتي سيرين

سيرين :- الحمدلله ع سلامتج حبيبي

مسار :- الله يسلمج حبيبتي

جابر :- الحمدلله ع سلامتج يابه ضد

مسار :- الله يسلمك

جابر :- اني اترخص وسيرين باجر اجي عليج لو شوكت ؟

سيرين :- عكب باجر حبيبي خل اشبع من اهلي

جابر :- ماشي عيني

لمتنه ناقصها بس إجرام ب١٢ بليل اندكت الباب وراح ادهم فتحها

كمت بسرعه وضحكت من شفت اجرام رحت حضنته وعاط بألم ابتعدت عن بسرعه

اتذكرت جرحه وادهم كعده وشرب مي واني محمد مكابلينه وكاعدين

لاف صدره ومخيطي وصديقه وصله للبيت

سيرين:- شلونك حبيبي

اجرام :- بخير انت شلونج جابر شلونه

سيرين :- والله بخير

ادهم :- واخيراً كملت المه كلوووشش

إجرام :- اثكل عاد

شو كام طلع بره واجه بيده طابوك ويصيح

ادهم :- شو تعال شيلني برهم شوفني ثكلت

خربنا علي من ضحك

برهم :- شلون انجرحت هيج

إجرام :- وكعت ع بطل كزاز وطب بصدري

ادهم :- وشبيك اثول توكع

اجرام خزره وكام وكف باوع ساعه ب2 وكلهم كاعدين

إجرام :- اصعد انام

نور :- نام بغرفت جدي لان مسار ما تكدر تصعد فوك

هز راسه وراح

سيرين :- شبي ضايج

ادهم :- هههههههههه لان ماكو لعب هههههههههه

برهم شال الكوشه الي ع ديوان وركعها بادهم

مافهمنا قصده وكلمن راح الغرفته وسيرين جهالها يمها نامو بلغرفه وفهد كمت محمد وصعدو الغرفتهم

دخلت للغرفه لكيت اجرام ديدخن وصافن شافني طفه جكاره وفتحلي ايده رحت بحضنه من جهه ثانيه الممضروبه

مسار :- اسفه إجرام ما كدرت احافض ع ابنه

إجرام :- لا حبيبي انت شي راد يصير وخلاص

مسار :- مشتاقتلك

إجرام :- اني هم

يلعب بشعري ويحجي

إجرام :- اني اسف مديت ايدي عليج

مسار :- ممقبول اعتذارك

بعدني عنه

واندار عليه

:- ايبا ممقبول ؟

:- اي شو من جيت لسه لا بستني لا حضنتني لا كتلي احبج

:- حبيبي كولي من الاخير معوزه حنان

خزرته وكمت وكفت

:- لا مو هيج بس انت جنت كل ما ترجع من دوام تحضني تبوسني تكلي احبج هلمره ابد

:-, تعاي بويه اكعدي هاي عود انت مريضه والسانج طلعتي هطوله

عفته ومدتت بصفه غمضت عيوني وغطيت راسي

البطانيه انسحبت من ع وجهي وانطبعت بوسه ع شفتي

مسحتها بيدي واني مغمضه

:- معاجبتج بويه

ضحكت وباسني قوي

وخرت عنه وكتله

مسار :- دكتوره كالت 20 يوم ما يتقرب منج

:- هاي تمسلت ححب

:- ههههههه لا ونبي كالت هيج

:- إنشاء الله
_________________________________

شنو رائيكم ؟

حسابي الانستا :- mream_.98