رواية قيود تعيقني الفصل الخامس والعشرون 25 - بقلم مريام

مخلي ايده ع وجهه وكاعد بلكاع ويبجي ويشهك رحتله ركض مفزوعه

مسار :- برهم شبيك شصاير

ولا جاوبني باقي يبجي ويشهك دخل أجرام مصدوم اجه ركض وعاط بي

أجرام  :- برهم شكووو شصاير احجيييي

رفع راسه برهم ويحجي ويانه كلام متقطع ويشهك

برهم :- أجرام راح تموت والله اموت وراها والله

دنك يمه أجرام واني كمت ابجي ع بجيته

أجرام :- منو راح تموت

برهم :- حبيبتي

باوع عليه بصدمه ويحجي ويا بهدوء

أجرام :- شبيها وشلون حتموت احجي

برهم :- بيها سرطان والبارحه بليل وره ما زفيناكم خابرتني اختها كلتلي حالتها كلش تعبت ونقلوها للمستشفى رحتلهم للمستشفى فاقده ودكتور كال ماكو امل تعيش منتشر بكل جسمها

شهكت من كمل كلامه وأجرام حضنه وذاك زاد بجيي

أجرام :- انت قوي برهم شو كوم حبيبي كوم

كومه أجرام غسله وجهه وكعده ع جربايه وكعد يحجي ويا

أجرام :- من شوكت انت وياها

برهم :- صار 3 سنين

أجرام :- ومن شوكت بيها هذا لمرض وين صار

برهم :- قبل سنتين وره علاقتنه وبلدم

اباوع عليهم وابجي بدون صوت صعد ادهم ونور وسيرين

اجرام كللهم اسكتو وبرهم مدنك وبس دموعه ينزلن اول مره اشوف برهم بهاي الحاله وهييج يبجي مثل نسوان

طلعنه من الغرفه وادهم والبنات بس يردن يعرفن شكو أجرام اخذهم الغرفتنا وكللهم

ادهم :- ليسوي شي بنفسه

نور :- لا برهم قوي ميسوي هييج والله يصبره

أجرام :- والله حيره جان عبالنا يحب سورى والله

مسار :- اني هم عبالي يحبها لان نضراته الها جانت حب

ادهم :- هو برهم نضراته للكل هييج

اجرام كلشش مقهور

طلعو من الغرفه قربت يمه وكمشت ايده

مسار :- حبيبي شبيك

أجرام :- يعني شبيه مسار دتشوفيين برهم

مسار :- ربي يصبره ويكوم لبنيه بخير

ابتسملي ورحت غيرت ملابسي لبست شي مريح اكثر لكيت أجرام مدد وصافن وبيده جكاره  رحت مددت يمه

أجرام :- ها حبيبي

مسار :- أجرام لمفروض تكون ويا هسه

أجرام :- ماكدر مسار اشوف اخوي هيييج ديكول تموت هذا اذا ماتت يتخبل يمكن

مسار :- خطيه والله

عافني وطلع من الغرفه
.
.
.
برهم :- ايمان اكثر انسانه احبها علاقتنه صار الها 3 سنين ابد مطلع منها شي غلط وجانت بنيه روعه ويتيمه الاب ومحد جان يعرف بعلاقتنه غير بس اختها اتمرضت ايمان ومو بس عافيتها نسحبت عافيتي

ايمان :- برهم هم يجي يوم وتعوفني

برهم :- هههه ايماني مستحيل يجي يوم واعوفج

ايمان :- وإذا اني رحت ؟

برهم :- مستحيل تعوفيني انت

اخذت ايدي باستها وكالتلي جمله ضيعتني جنت اتمنى الكالتلي يا جذب او مزح بس لا

ايمان :- برهمي اني بيه سرطان وبلدم

برهم :- ههههه انجبي لتشاقيين

ايمان :- والله مداشاقه والله

كمت اصرخ عليها بجت وعافتني وراحت ما جنت مصدك بدت تتعالج وشعرها كل وكع وحالتها ساءت ممصدك يجي يوم وتعوفني جان عندي امل تعيش بس حالتها حييل ساءت رحت شفتها فاقده وحييل متغيره ماكدرت اشوفها بهاي الحاله ابد رجعت للبيت لكيت اجرام ومسار راجعييين من الفندق بجيت الحد ما احسيت ارتاحيت شويه

شويه واتصلت اختها احس گلبي انقبض اخاف اجاوب واسمع الكلام الي راح يدمرنيي نزلت دموعي قبل لا افتح الخط

فتحت الخط اجاني صوت اعياط وكلامها احسه كسر گلبي وطلع روحيي

نورهان :- ماتتتت برهم ماتت

وكع تلفون من ايدي ركعت الفون بلحايط وعطت

.
.
.
.
مسار :- كاعدييين اني وأجرام بلغرفه وسمعنا عيطت برهم الرجت البيت كمنا ركضض رحناله متهسترر كسر الغرفه ويعيط بعلو صوته كلهم ركضو يردون يلزمو الولد ما يكدرولههه

برهم :- ررراااااااااحتتتتتتت ليشششششش ايماااااان ليش عفتينيييييي

يعيط بعلو صوته اني ولبنات كمنا بس نشهك اول مره اشوف هيييج حببب والمنضر الله لا يشوفه الاحد

أجرام :- كااااافيييييي برهمممم كافييييييي

كام يضرب بوجهه ويعيط

برهم :- امووووت وراهااااا والله ماعيشششش ولكمممم هايييي روحييييي دتفهمووون

عافهم ونزل ركض واحنه نركض وره

وصل الباب ولولد يتوسلون بييي ميطلع

عافهم وركضص ركب بسياره وحرك ولولد يركضون وره مالحكووو دخل اجرام وادهم حيلهم مهدود كعدو بلطرمه

أجرام :- لا برهم يسوي شي بنفسه والله لككك ادهم شوف حل

ادهم :- أجرام برهم حيله مهدود

رحت يم أجرام كعدت

مسار :- برهم قويي راح يتعدها

أجرام :- مسار خايف لا يسوي شي بنفسه

دخلنا جوه حييل مقهوريين ع برهم منضره وهو يعيط ويبجيي ويلطم يموووت ربي يساعد گلبه

كعدنا بديوان واحد يباوع ع ثاني

ادهم :- أجرام اتصل ع برهم

أجرام :- خوش

اتصل إجرام وفتح سبيكر ماكو اي رد اتصل اربع مرات وماكو ايي رد

"كام وكف أجرام واردف"

أجرام :- اني طالع 

ادهم :- ويييين انت ثانييييي مولييي

أجرام :- صوتككك لككك راح ادور ع برهم

ادهم :- مراح تلكه هسه اكعد

كعدنا شكد جنه فرحانين البارحه ليوم طلعت من خشمنه الفرحه صارت تقريبا ب1 بليل اتخبلنا ع برهم جابر اجه ب1 وربع دخل برهم

عيونه حمر وشعره مخربط وكوه يمشي وبيده صوره حاضنها

ركضوله لولد

أجرام :- برهم وين جنت

عافهم وراح دخل للديوان كعد باوع علينه ابتسم ودموعه نزلن رفع ايده

برهم :- بهاي أيدي دفنتها وعدتني نبقى سوه بس راحت كسرت گلبي وضهريي من راحت اتوسلت بيها ترجعلي والله توسلت بس ما سمعت كلامي عاندتني وراحت للگبر بسرعه

محد حاجه كلمه نباوع علي ودموعنه ينزلن كلهم بجو علي

رفع صوره البيده

برهم :- إيماني مشتاقلج والله راح اموت ارجعيلي ايمان لتسويين هييج بيه فدوه انت متحبين اتاذه لعد ليشش رحتيي واذيتيني ليشش

ارجعيلي فدوه والله دنيا سوده بعيني ايمان مداتحمل والله روحيي دتطلع ايمان حاجيينيي رااححح اموت والله

كام يشهك ويعيط  مسحو دموعهم لولد وكامو اله اخذو صوره من ايده خلوها بعيد وكعدو يمه

أجرام :- برهم كاعد تعذبها من هييج تسويي

ادهم :- وهسه هي مرتاحه والله

برهم :- مرتاحه ؟ لعد وانيي العافتني مفكرت بيه

جابر :- مو بيدها لو بيدها جان ما راحت والله

برهم :- كسرتني من راحت والله

ادهم :- ربي يصبرك

اخذ الصوره وكام صعد فوك

ادهم :- راح يتعذب حييل

أجرام :- ربي يريحه ويصبره

جابر :- يلا انيي اروح

أجرام :- لا وين تروح امشي نام

جابر :- لا والله اروح احسسن

ادهم :- اكل تبن وامشي شي اصعد

كلمن صعد الغرفته ما عدانا اني وأجرام

أجرام :- امشي نصعد يلا

مسار :- خايفه ع برهم  حييل

أجرام :- اني انام يمه

هزيتله راسي صعدنا فوك اجرام راح لغرفت برهم واني رحت للغرفه دخلت سبحت طلعن لكيت أجرام ديدخن

مسار :- هاااا شو جيت

أجرام :- كتله انام يمك كلي مو طفل رزلني وماكدر احاجي لا وضعه صعب عفته واجيت

مسار :- ليسوي شي بنفسه

أجرام :- لا كلي ماسوي شي

مشطت ورحت مددت بحضنه

أجرام :- شعرج مبلل هسه تتمرضين كومي جففي

مسار :- اتعاجز والله

أجرام :- اني اجففلج يا

كومني وشغل الشسور جففلي يا ورجعنا للجربايه باسني من راسي ونمت بس ممرتاحه حسيت تقريبا ب5 الفجر

سحبت نفسي بلكوه من حضن أجرام طلعت من الغرفه

رحت اطمن ع برهم فتحت لباب لكيته مخلي صوره كباله وكاعد بلكاع صافن عليه دموعه ينزلن

شافني وصاحني

برهم :- تعاي مسار

رحت يمه كعدت

مسار :- الله يصبرك

باوعت ع صوره كلش حلوه ملامحهاا طفوليه تجنن

برهم :- اتمنى اروح يمها

مسار :- اسم الله عليك حبيبي

برهم :-  اتمنى يطلع حلم كل هذا

مسار :- حاول تتقبل موتتها برهم

برهم :- اتقبل موتتها لج مسار بايدي هايي شيعتها دفنتها بيدي عاشت وحيده وتعبانه وماتت وحيده لجج بيدي دفنتها حضنتهااا وهييي بجفن اتوسل بيها ترجعلي بس حتى محاجتنييي مسار احسس روحيي دتطلع اريد هوى

كمت ابجيي شلون يحجي بحركه ودموعه ينزلن

مسار :- كافي فدوه

برهم :- اريد ابقى وحدي اطلعي

عفته وطلعت ابجي واشهك وصلت للغرفه لكيت أجرام كاعد وديدخن باوع عليه

مسار :- جنت يم برهم

أجرام :- اعرف كمت ادور عليج وسمعت من ديحجي وياج

مسار :- حالته حييل تعبانه

أجرام :- اممم تعاي نامي يلا

رحت اتمددت كمل جكارته وخله علج بحلكه نمت وهو كاعد

كعدنا ب10 تقريبا

نور :- هاا

مسار :- هاا

سيرين :- وجعا شبيجن

عفتهن ورحت بديوان كعدت شويه وكلنا اجتمعنا نزل برهم من فوك ديطلع صاح علي اجرام

أجرام :- هاا ويين

برهم :- طالع

اجرام :- دير بالك ع نفسك

عافه وطلع ساعه بسس مرت ساعه وحده واتصال واحد شعل نار بلبيت

اتصل فون أجرام مرتين

ادهم :-, جاوب شبيك

أجرام :- جاوب انت حباب شو كلبي انقبض من هذا الاتصال والله

فتح خط ادهم

دقيقتين بسسس وكعت الدمعه ولفون من عيون ادهم سوه

أجرام :- شكوووووو ادههههممممم

ادهم :- برهم برهم

_________________________________

ماكدرت اكمل بعد والله اكتب وابجيي كوه كتبتلكم كم كلمه زايده 💔😭😭.