رواية قيود تعيقني الفصل السادس والعشرون 26 - بقلم مريام

عاط بي اجرام

:- لكككك احجيييييي عاااااد

:- برهم مسوي حادث

أجرام :- شلووون ومنو هذااااا الي اتصل

ادهم :- ماعرفف يكول مسويي حادث وحالته خطره ومستشفى ....

راحو طلعو ركضض انهد حيلنا اني ولبنات  نبجي وندعي مابي شيي لان اذا راح برهم صدك نموت

حجت سيرين وهي تشهك

سيرين :- والله اموت اذا صارله شي ما اتحمل فقدانه والله

نور :- انشاء الله مابي شي

ساكته وبس دموعي ينزلن الوجع رجع پگلبي وحييل اختنكت صارل كم يوم مماخذه علاج احس كوه كمت اتنفس گلبي احسه حيطلع من مكانه

عفتهم وصعدت فوك كوه ماريدهم يخافون بعد طلعت علاجي اخذت منه تقريبا نص ساعه وشويه خف الالم بس مختنكه شوي

خابرت أجرام مرد

حيييل خفت ع برهم لا صايرله شي صعدن يمي لبنات يركضن

مسار :- شبيجن

سيرين :- خابرني جابر يكول متفلش هو وسياره

مسار :- وجابر شعرفه ؟

سيرين :- لولد مخابري

كعدنا سوه نبجيي نتصل ع ادهم وأجرام ميردون خفناااا حيللل

تقريبا صارت ساعه ب4 العصر جاوبه أجرام عطت بي

مسار :- انت متكوووووول اكو حيوانات ضال بالهم بلبيتتت ليششش مترد

أجرام :- صووووتججججج لججج

خنست من عاط بيه

مسار :- شلونه برهم

أجرام :- شلونه يعني مسوي حادث ايده ورجلي مكسرات وحتى فاقد دكتور يكول مضروب براسه

مسار :- صدككك والله لا أجرام

كمت ابجي انسد لفون وكلت للبنات شويه وسمعنا عياط جوا نزلنا ونلكه ياسمين وام برهم ومرت عمي حميد

عاطت ام برهم

:- ولكممممم شسويتو الابنيييييي

نور :- خاله شبيج سوه حادث بلسياره

ياسمين :- كذااابين شوفو انتو شو شنو مسويله

عطت بيها

مسار :- دكلي تبن لججج

ياسمين :- مو اجي اكسر سنونج بحلكج عار

مسار :- ايي رجف طي...

سيرين :- منريد مشاكل فدوه مدتشوفون بيا حال احنه

باوعت عليه ام برهم وعاطت بي

:- كله من وره رجلج اكص ايدي لو مو هو الكاتله

هزيت ايدي ورحت بلمطبخ واسمع سيرين تحجي وياها

سيرين :- يمه هسه تذكرتي عندج ابن اسكتي فدوه

اختفه صوتهن شربت مي وصعدت فوك مال خلكهن

طلع مو عرس الفرحه طلعت من خشومتنا 

صارت ب7 واني ع كعده وحده اتصل فوني رقم غريب أجرام يكلي لو غريب لا جاوبين ابد

اتصل الفون تقريبا 8 مرات سويته صامت

ونزلت جوه ملكيت احد نور يم ابنها وسيرين بغرفتها

كعدت بديوان وحديييي وصافنه افكر برهم

هو انتحر ؟ لو جان مجرد حادث

اتصلت ع أجرام ع امل يجاوب بس ما رد ابد

ولا وحده من البنات طلعن من غرفهن صعدت الغرفت برهم شفت صورت ايمان ع جربايه ويمها جهاز فتحته حتى ما بي رمز كبل طلعتلي صور برهم وايمان

دخلت ع الاستديو كومه صور هي ويا كلشش حلوه شفت فيديو خلاني مصدومه

صوره هيي ويا كاعدين ويمهم مره جبيره وبنيه بعدها شابه ورجال جبير معكل وديعقدلهم لمره جبيره هلهلت وبرهم الضحكه مفاركت وجهه ولبنيه وجهه متغطيي

كمت ابجي واشهك يعني جانت خطيبته

كلبت فيديو ثانيي لبسها حلقه ولهلاهل والاغاني اباوع علي شلون يركص وفرحان ويهلهل ولبنيه كلش حلوه طالعه جنها ملاك جرها من ايدها وكفها ويركصلها وهيي خجلانه كلشش

حيييل يقهر ربي يجبر گلبه

وصور كامش ايدها لو بايسها من خدها

وفيديو مصورته هيي وتحجي بي

ايمان :- برهمييي اني احبكك حبيبي يروحي انت انيي اموتتت عليييك واموت بدونككك اني وياك للموت والله

صعدتلي نور اجتي يمي

نور :- شوفيني

كعدت تباوع وياي وثنينا نبجيي

وفيديو لاخ ماكو شعر براسها ولا  حواجب ورموشش وحيل ذبلانه بس رغم ذبلها بس تجنن

ايمان :- برهمم اسفه اذا بيوم رحت وعفتك بس مو بيدي جنت اتمنى ابقى وياك اكثر بس احس الله ما كاتبلي عمر برهميي اذا بيوم رحت ماريدك اتأذي نفسسك عيش حياتك وارتاح بس لاتنسانيي برهميي اني احبك والله حيل اتمنيت ابقى وياك روحي انت

احبك برهمي

سدينا وكمنا نشهك برهم ميستاهل هييج يصير بي ربي يصبره

صارت ب12 بليل

اتصل أجرام

أجرام :- ها حبيبي

مسار :- ها برهم شلونه

أجرام :-  متكسر و5 خياطات براسه  شلون تردي ؟

مسار :- وشوكت يطلعو

أجرام :- كالو فد يومين

مسار :- خطيه ميستاهل

أجرام :- يلا عمري روحي ناميي تصبحين ع خير

مسار :- وانت بخير

سديت الخط ونور راحت لغرفتها واني رحت الغرفتي

الحمدلله عايش حتى لو متضرر

تمدد بسرعه غفيييت حسيت ع بوسات ع وجهيي

فتحت عيوني شفت أجرام عبالي حلمانه غطيت وجهي ونداريت هم نفس شي كمت كعدت شفت أجرام متغطي نص جسمه وديباوع علي ومبتسم

مسار :- إجرام شجابك

أجرام :- رجلي

مسار :- لا صدك

أجرام :- اني اجيت والله لولد دزوني ماقبلو ابقى وبرهم صحى

مسار :- صدك زييين شلونه وشوكت يرجع

أجرام :- مجبسينه من فوك لي جوه وراسه متخيط يومين ويرجعون

مسار :- ويحجي وياكم

أجرام :- ايي دخلنا شفنا يكول دخت وسويت الحادث

مسار :- اها

عفته داكوم جرني اله وكعت بحضنه

أجرام :- يعني عرسان جدد وجيتج من صبح ودتكومين وتعوفيني

مسار :- نسيت والله هههههه

أجرام :- الله يطيح حضج ترا

ضحكتله وباسني ورحنه بعالمنا

ب10 ونص ندكت الباب كعد أجرام فتحها حجه ويا نور ورجع

أجرام :- تكول تعالو تريكو

مسار :- ما اشتهي

أجرام :- دنجبي

مسار :- اسبح وانزل

هزله راسه سبحت وطلعت لكيته ديطلع ملابسه يريد يسبح

مسار :- كلت اسبح واحضرلك الملابس

أجرام :- لا حبيبي عادي

دخل يسبح شسورت شعري وضفرته ونزلت جوا

مسار :- صباح نور

نور :- صباح الخير حبيبتي اتأخرتي

مسار :- مو دخلت اسبح

ابتسمتلي وكعدت ترضع بفهودي

نزل أجرام من فوك

أجرام :- اني راح ارجع للمستشفى ويجيكم ادهم

نور :- ماشي عيني

طلعت وره للطرمه وكف يمي ويحجي

أجرام :- اسف حبيبتي

مسار :- على شنو

أجرام :- ثالث يوم العرسنا واحنه مو سوه

مسار. :- لا حبيبي عاديي ترا برهم ابن عمي واخويا

أجرام :- ماشي حبيبي تردين شي ؟

مسار :- خلجي وياك اريد اشوف برهم

أجرام :- لا

مسار :- بداعتيي أجرام

أجرام :- ما تملين من المستشفيات ؟

هزيتله راسي بمعنى لا

مسار :- ههههه حباب

أجرام :- جيبي عبايه وحجاب من نور بسرعه وتعاي

ركضت لنور انطتني عبايه وشال ولبستهن بطرمه

ورحت ويا أجرام

اول مره البس العبايه شكلي يضحك وكل ما يباوع عليه أجرام يضحك انحجرت وركعته بلبطل مال المي

خزرني خزره شلتنيي

غلست حتى ما حجه وياي بعد الحد ما وصلنا

كمشني من ايدي ويمشي سريع حتى ايدي كامت توجعني وكلساع ارفع العبايه وصلت لكيت أدهم وجابر وجدي كاعديين بره

وصلنا يمهم كامو لولد

ادهم :- ليش جبتها ؟

أجرام :- كلتلي تريد تشوف برهم

جابر :- يلا عاديي ماكو احد اليوم بلمستشفى فارغه

الجد :- بنيتي ميصير تطلعين انت عروس بعدج

مسار :- ماكدرت بالي يم برهم

شويه ودخلني أجرام البرهم بس شفته دموعي نزلن ايده الاثنين ورجله مجبسات وراسه ملفوف

شافني ابتسم رحت يمه كعدت

مسار :- ليش هيج سويتت ها والله بس تصير زيين ازعل منك ولا اخليك تروح تشتريلي بعد

برهم :- اسف حبيبتي والله دخت وما سيطرت

مسار :- لتقنعني سهله برهم سهله صير زيين شوف شراح اسوي بيك

برهم :- هه تمام

كعدت يمه شويه وبعديين أجرام طلعني

أجرام :- ارجعي ويا ادهم

هزيتله راسي ورحت ويا ادهم صعدنا بسياره

ادهم :- كلت هاهيه مات برهم

مسار :- الحمدلله الله كتبله عمر

ادهم :- لجج خبلنا وصلنا للمستشفى فاقد وراسه مشكوك اني وأجرام بس صافنين كلنا هاهيه مات اخونا

مسار :- الحمدلله ع كل حال

ادهم :- صحى يصيح ايمان ليش ما خذتيني يمج ليش عفتيني

مسار :- جانت خطيبته

باوع عليه بصدمه

مسار :- والله شفنا التلفون بغرفته مابي رمز فتحنا بي صور وفيديوهات

ادهم :- ممصدك والله

وصلنا للبيت سلمت علي نور واخذ فهد باسه ورجعه النور وراح يسبح

نور :- شلونه برهم

مسار :- هو زين بس كله متجبس

نور :- المهم بخير حتى لو متكسر

مسار :- سيرين ويين

نور :- دتحجي وي جابر فوك

مسار :- ليسمعها ادهم وتصير مشكله

نور :- قافله الباب

مسار :- شوكت حبته شوكت حبها ماعرف

نور :- كالت اسولفلجن بس كل متريد تحجي تصير سالفه

نزل ادهم كعد كامت نور سوتله اكل كعد اتغده وشرب جايي وهو كاعد غفى عاد نور كعدت عدل نومته

نغطته وطفت الضوه وطلعنا من ديوان

كلمن راحت الغرفتها

بس خليت راسي ع لمخده غفيييت

ماكعدت غير ب٥ العصر انصدمت

غسلت ونزلت شافتني نور هزت ايدها واردفت

نور :- بعد وكت شسالفه من  1 نايمه

مسار :- الدوه الاخذه يخليني انام اهواييي

نور :- دمشي اكلي شي لترحين تتخربطين علينه

اكلت ورجعت رحت يم البنات

مسار :- راح ادهم

نور :- ايي قبل لا تكعديين

اجه ليل صارت تقريبا ب 1 ما اجاني نوم

اتصلت ع أجرام فتح خط

مسار :- هلاو

أجرام :- هلا يكلبي مشتاقلج

مسار :- انيي هم والله تجي باجر مو

أجرام :- ماعرف والله

مسار :- ضايجه ححيل

أجرام :- ليش يحيلي شبيج

مسار :- شنو شبيه ضايجه ع برهم ومشتاقتلك

أجرام :- سوده عليه باجر اجيج ولا يهمج

كمل كلامه وضحك

مسار :- ههههه مو صوجك صوجي احجي وياك

سديته بوجهه تفكيره كلشش وصخ

رجع اتصل جاوبته وما حجيت كلمه

أجرام :- اذا عدتيها مره ثانيه متلومييين اله نفسسج فهمتي ؟

مسار :- ايي

أجرام :- احبج

مسار :- نعسانه اريد انام

أجرام :- تمام

سده هو عرفت زعل ذبيت الفون ونمت

حسيت الفون يدك انطيت رفض عبالي أجرام

رجع هم دك جاوبتت واني بنومي

مسار :- ها أجرام نايمه والله

اجاني صوت متوقعت اسمعه ابد صوت صحاني من نومتي وخلاني بصدمه

:- مسار اني جمال اريد احجييي وياج بموضوع مهم

_________________________________

حسابي الانستا : mream_.98