رواية قيود تعيقني الفصل الرابع عشر 14 - بقلم مريام

أصبح الأمر كارثيًا أكثر من اللازم، لم يعد بوسعي التحمل، يقتلني الصداع داخليًا ويغدر بي البشر من الخارج، كيف سأنجو من كارثة نفسي 💔😩
.
.
.
.
__________________________________

باوعو عليه  سيرين ونور ولولد نزلت دموعي ودنكت

ادهم : هييي شنو البارحه يلا رجعت شنو تزوج شو انت دتخربط

أجرام : ميخصكم

برهم : ادهم انتضر فتره وبعدين اتزوج

أجرام : كلت ميخصكم

الجد : أجرام فكر زين وليدي

علي : بيها الخير وليدي

هلهلن النسوان وأجرام ممبتسم  وباركوله وادهم ليطخه ينفجر بي حسيت روحي طلعت كمت من ديوان صعدت فوك ركض

صعدت اشهك فوك اريد أجر نفس ماكدر گلبي احسه يريد يطلع من مكانه دخلت للحمام فتحت دوش دخلت جوا اشهك ولباب يندك مال الغرفه فتحت لمي البارد اريد شي يبرد گلبي بقيت جوه المي ابجي واشهك شويه وطلعت بدلت والباب اندكت

مسار : اتفضل

ادهم : وين جنتي دزيت عليج سيرين

مسار : اسبح

ادهم : اتحبي مو

"باوعت علي ونزلت دموعي"

ادهم : خيولي هلعار خلي يزوج اشوفلج واحد احسن منه

مسار : ليش هيج سوه

أجرام : عار ما علي عتب لتهتمين وانزلي اضحكي وسولفي ولا تبينين انت ضايجه تمام

"هزيتله راسي "

نزلنا جوه رايحين باقيه بس ياسمين كاعده بصف أجرام وتحجي ويا وتضحك وهو هم مندمج وياها

مسحت وجهي وقربت منهم باوعو عليه

ابتسملهم واردفت"

مسار : شايفين كل الخير انشاء الله فرحتلك أجرام

باوع عليه بنضره ما عرفت افسرها ابد اختفت ابتسامته ويباوع عليه عفتهم ورحت يم جدي

مسار : جدي دوام راح يبدي خلقدم ع سادس

الجد : ايي بنيتي صار باجر ادهم ياخذج للتربيه

ادهم : اي مسوره باجر اخذج ونقدم

"ضحكت وحضنت جدو وبسته من خده قوي

الجد : هههههههه شفطتي خدي

مسار : هههههه شعندي غيرك جدي

ياسمين : لوكيه

ادهم : لوكيه ولا كح ..

عاط بي أجرام

ادهم : لتاخذ ع نفسها

خزره أجرام وطلع من ديوان ولحكته ياسمين

بعد مرور ٦ ايام

"قدمت اوراقي وانقبلت واكدر اداوم وباجر الحنه مال أجرام هي حنه وزفه سوه بس كلش نفسيتي تعبانه وگلبي كلش يأذيني واحس روحي تطلع البيت هوسه ديجهزون للعرس والحيه كلساع جايه وأجرام كلش فرحان وابد ميحاجيني صار دنيا ليل لكل راح لفراشه صعدت الغرفتي وشفت أجرام كبالي

أجرام : الحكيني للغرفه اريد احجي وياج

مسار : بس اني ماريد اسمعك

خزرني وجرني من ايدي ومشه للغرفه

قرب من ويحجي بعصبيه

أجرام : من احجي وياج واكلج شي تسوي

مسار : ومنو انت اصلا

أجرام : راح اموتج تدرين

مسار : ياريت تموتني وتخلصني

صفن عليه واردف

أجرام : روحي

"عفته ومشيت واحس گلبي ديطلع من مكانه وليل كله ما نمت ولا غمضت عيوني

صعدتلي نور الصبح وبيدها فهد

نور : صباح الخير

مسار : هلا صباح نور اخذت فهد كعدت ابوس بي وهو يجنن رغم بعده كلش صغير

نور : تتريكين

مسار : لا عمري ما اشتهي

نور : شو عيونج حمر

مسار : ماعرف

نزلنا جوه ولبيت مكلوب بدينا انضف اني وسيرين كملنا تنضيف وغدينا العالم وكعدت البنات يمكيجن

نور : امكيجلج

مسار : اني امكيج

نور : خوش

عفتهم وصعدت فوك خليت ايدي ع گلبي من كثر ميأذيني باوعت ع نفسي بلمرايه كلش ضعفانه ابتسمت ورحت طلعت فستان ومكياج حطيت مكياج خفيف وسويت شعري كيرلي ونزلت شافني أدهم وصفن

ادهم : انت منو

مسار : هههههه مسار

ادهم : عزااا تخبلين

خربت علي ضحك من كال عزا

شافتني سيرين

سيرين : متنطيني شويه من جمالج

مسار : ههههه لا عينيي

سيرين : ههههه شكد خبيثه 

"سيرين كلش حلوه وملامحها طفوليه "

ونور كلش طالعه حلوه دخل ادهم مزين وطالع يجنن

مسار : كلشش حلوو طالع

برهم : من زمان حلو اني

ادهم : لجج واني

مسار : انت هم حلو حبيبي

نور : لج لتتغزلين بزوجي

ادهم : نعل عليج وع زوجج

"خربنا من ضحك عليهم ونور ابد متغار مني ع ادهم بلعكس كلش تفرح من تشوفنه نسولف ونشاقه "

اني بلكوه كمت اتحرك احس گلبي راح يوكف

شويه ودخلت ياسمين وراها دخل أجرام محلق شعره ولحيته عاف ياسمين وكام اجه يمي

اچرام : الحكيني للمطبخ

مشيت وره ومخليه ايدي ع گلبي وكوه اتنفس

أجرام : هاي شنو لبسج

مسار : ميخصك .. عفته ومشيت جرني من ايدي قوي قربني علي ولمطبخ مابي احد كلهم بديوان .

أجرام : غيري ملابسج ومسحي هذا لبوجهج

باوعت علي وهزيت راسي

ماكدر احجي

أجرام : شبيج

ما رديت علي وعفته وصعدت فوك كوه امشي اسند نفسي ع لحايط دخلت الغرفه كمت اشهك ماكدر اشوفهم من يزفو ابد كمت غسلت وجهي ولبست دشادشه حمره

نزلت واني اتوجه ع المحجر

اسمع صوت لهلاهل قويت نفسي ودخلت شفتهم ديحنيها صارت عينه عليه ابتسمت اله كامن لبنات يركصن واني كعدت بعيد عنهم واباوع عليهم شويه واجتي سيارات دياخذوهم يزفوهم كلهم راحو واني مابيه حيل قفل ادهم الباب بلمفتاح وراح

بقيت وحدي بلبيت كعدت ابجي واشهك واحس روحي دتطلع گلبي احسه راح يوكف كمت غسلت وجهي واني اشهك كوه اجر النفس وصلت الديوان وحسيت دنيا تفتر بيه وكعت بعد مادري بأي شي
.
.
.
.
.ادهم : اخخ يا أجرام لو بيدي اذبحك هو يتخبل من ياسمين شلون قبل يتزوجها ومسار حالتها حاله يوميه تذبل اكثر وبسبب أجرام اجه يوم عرسه مسار كلش تعبانه ومقبلت تروح للزفه قفلت البوب اخاف لا يدخل احد وبقت هي وياريت لو باقي يمها

خلصت الزفه واني رجعت قبلهم وصلت للبيت فتحت البوب واصيح ع مسار مالها اي صوت دخلت للصاله واشوف

مسار واكعه ركضتلها وجهه ازرك وماكو نبض شلتها وركضت ع سياره اول مدخلتها سياره هم وصلو

بسرعه صعدت وعبرتهم برهم يصيح وراي عفته ومشيت سرييع عبرت سيارات وحييل خفت عليها كلشي ولا مسار كلش احبها واعزها واعتبرها اختي وصلت للمستشفى نزلتها اخذوها للطوارئ اني كلت ماتت مابيها نبض يعني هاهيه خسرناها

كعدت بلكاع ابجي وادعي ع أجرام تلفون احترك حرك

اخير شي رديت وعطت

ادهم : ماتتتت ماتتتت بسببكم ماتتت گلبها وكف

أجرام : لكككك منو لماتتت مسااار وييين ليش ماهييي

ادهم : ماتتتت بسببك عااار لتشوفني خلقتك خسرناها بسببكك

بعده محاجي وسديته بوجهه

كعدت ابجي مثل نسوان اجتي ممرضه

الممرضه : نبضها رجع بس مخليها بلنعاش وحالتها صعبه

كمت بسرعه مسحت وجهي

واحجي

ادهم : ليشش شبيها ليش هيج صار

الممرضه : گلبها كلش تعبان

"الله لا يوفقك أجرام "

ما اشوف غير أجرام دخل هو وبرهم
وأجرام عيونه دم وصاير بركان اجه يصيح

أجرام : وينهااااااا

لزمته من قميصه وركعته بوكس ع وجهه

ادهم : لكك بسببك بسببك

اضرب بي وهو بس ساكت ولا دافع عن نفسه وبرهم بس يريد يفكني منه واني لزمته خليت وجهه دم

ادهم : لكك عاررر ساقط

اتلمو العالم ودكتور ضل يحجي واجوي الحراس

الدكتور : ترا مستشفى هايي واكو مرضه ممكن طلعون بره

ادهم : اسف دكتور

عافنه وراح وأجرام كعد بلكاع

برهم : صدك ماتت

ادهم : جان ما بيها نبض بس هم كدرو يرجعو وهسه بلنعاش گلبها تعبان وحالتها كلش خطره ع لحضه نخسرها

"اردف أجرام "

أجرام : بسببي

ادهم : لكك جنت تعرف بيها تحبك خليتها تحبك ورحت تزوجت هاي لكح .. لكك حجيتلك كلشي سونه المسار وانت شسويت رحت تزوجتها الله يلعنك يا عار تفلت علي ورحت يم الغرفه باوعت عليها الاجهزه محاوطتها من كل مكان ونايمه مثل لملاك ربي يرجعها النه بسلامه
.
.
.
. نور : رجعنا من العرس نزلنا من سياره اني وسيرين وبرهم ونشوف ادهم صعد بسياره صاح وره برهم عافه ومشى سريع بسياره ضل بالنا دخلنا اچرام وياسمين بس أجرام عيونه تدور ع شي مسار ماكو جوه صعدتلها فوك ماهي دورتها بكل لغرف ماكو مختفيه دخلت للمطبخ  شفت برهم وسيرين

نور : اكللكم مسار ماكو

سيرين : صدك والله

نور : والله ما هي مختفيه

برهم : مسار يمكن ويا ادهم لان ادهم وصل قبلنا بس ليش مشى سريع وما جاوبنا اصلا ؟

نور : اتصل علي  .. اتصل برهم علي ميرد ضل بالنا دخل علينه أجرام

أجرام : لا مسار ولا ادهم شو

نور : من وصلنا شفنا ادهم صعد بسياره ومشى سريع شكد صاحه ادهم ولا دار بال

أجرام : اني راح اتصل علي

- أجرام اتصل ع ادهم وفتح سبيكر جاوب ادهم يصرخ ويبجي

-ماتتت بسببك. ماتتت گلبها وكف برهم باوع عليه بصدمه وأجرام فتح عيونه بصدمه

- منووو الماتتت ادهممم احجييي مسار وييين ماهيي

-ماتتتتت بسببك خسرناها الله لا يوفقك سد الاتصال بوجهه أجرام

أجرام مصدوم وكع تلفون من ايده وباوع علينه طلع ركض وراح وره برهم واحنه كعدنا نبجي

وصلنا خبر الهم انو مسار بلمستشفى وراحولها راحو وبقت بس ياسمين وامها واختها ياسمين مخنزره واني وسيرين كاعدات ع درج ونبجي

ياسمين : بكلشي لاحكتني هلعار حتى بيوم زواجي ما خلصت منها عساها بلموت

عاطت بيها سيرين

سيرين : والله العضيم ياسمين اذا ما سكتي هسه اسوي عرس اكشر عليج

مرت محمد : والله وطلعلج السان

نور : كافي عليجن الله

ياسمين : لا ليش كافي اريد اشوفها شتسوي.

بسرعه طفرت عليها سيرين وكمشتها من شعرها

______________________

گلبي منطاني ونبي اعوفكم ع اساس. انشرلكم من العصر بس النت خلص

شنو رائيكم بلسوه أجرام ؟ ومعقوله باله خطه ؟

ادهم اخخ يا ادهم كلشش حبيته اليوم 😔😔💔