انصدمت من شفت أجرام جر حسن من فوكاي وكام يضرب بي وذاك مصدوم
أجرام : لكك عااااررر حيييوان اليييوم اذبحك والله كلتو أجرام مات بعد مسار محد الها اليوم ادفنك والله
أجرام يضرب بي واني بس اباوع عليه اضحك وابجي ضليت صافنه علي ع وجهه ع طوله معقوله رجعلي أجرام معقوله اني بحلم
كسر حسن تكسر الحد ما فقد
باوع عليه وتقرب مني يصيح و يشوفني اذا متأذيه
أجرام : سوالج شي أذاج احجيلييييي
اني بس اباع علي ودموعي ينزلن
"حضني قوي وحجه "
أجرام : رجعتلج يروحي انت اني أجرام ما اعوفج والله ماعوفج يروحيي انت اسف والله
بعدني عن حضنه واني بس ساكته واباوع علي ابجي واشهك
"حجيت واني اشهك"
مسار : ماريددككك روححح ليش هسه اجيت وين جنت قبببل لكك أجراام متت بدونك ضعت محد رحمني
أجرام : يحيلي وگلبي والله اسف مجان بيدي اسوي شي
مشاني نزلنا جوا وحسن بقى فوك فاقد مات يمكن
كعدني بديوان جابلي مي شربني وكعد يمي وكمش ايدي وكوه يحجي
أجرام : مو بيدي من عفتج والله اسف
كمت ابجي واشهك
مسار : شنو مو بيدككك لك أجرام متت تعرف شصار بيه لو لااا
أجرام : اخذلج حقج والله اخذلج يا بس اصبرييلي
مسح وجهي من دم
كعد يمي صفنت بوجهه لحيته كلش طويله وسمران وضعفان حييل متغير واثار حرك بأيده
مسار : وين جنت كل هلمده ها
أجرام : يجون واحجيلكم
كامش ايدي ما هدها ابد شويه وخابر ادهم أجرام اشرلي ما اكله اي شي يخصه
مسار : ها ادهم
ادهم : ولججج مسااااررر شلوون ولد اجاني يطك بلكاع نسخه من أجرام الله يرحمه
مسار : صدكك الف مبروك عمري نور شونها
ادهم : عرج ميطكها هسه شويه ونجي
مسار : تمام جاييين خطار ترا
ادهم : منو نوب
مسار : تجي وتعرف
ادهم : مساررر اني مو كتلج مدخليين احد ع لبيت
مسار : بس هذا مو اي احد
ادهم : ولي يلا خلشوف ابني ومرتي كبر
سديته منه وأجرام بس يباوع عليه
مسار : ليش دتباوع هييج
أجرام : احس صار سنين مشايف هلوجهه مو 6 اشهر
* قوست شفايفي ونزلت دموعي *
أجرام : يبووو هم بجت شكد تبجين
ابتسمت اله
كعد يلعب بيدي شاف الحرك
أجرام : شلون احتركت ايدج
مسار : بعدين اسولفلك
أجرام : مشتاقتلج
مسار : اخخ أجرام اذيتني
أجرام : اسف يدكات گلبي
"كام أجرام وكف واردف "
هسه اجيج
مسار : لا لا لتروح وتعوفني حباب
"قرب مني مسح ع خدي واردف"
أجرام : يمج والله بس اريد انزل العار
"هزيتله راسي وصعد نزل حسن من فوك بس بعده فاقد
طلعه بره اتاخر شويه واني متت حسيت روحي طلعت خفت ليروح بعد ميرجع كعدت ابجي واشهك
شويه ودخل اجاني ركض خايف
أجرام : شبيج بنيتي ليش دتبجين
مسار : انأخرت وخفت لا مترجعلي بعد
إجرام : مستحيل اعوفج بعد
اخذني من ايدي وكعد يمي شويه وكام وكف
"واردف"
أجرام : شوفي اني راح اروح ادخل لغرفت جدي هسه هم اصلا يمكن وصلو بس يجون شويه ...
دقايق ونفتحت الباب
ادهم : عييننيييييي وينجج شوفيي ضيف جديد عيونييي
رحتلهم فرحانه ونور وادهم كلش فرحانين وسيرين تبجي لان صارت عمه وجدي يهلهل هههههه
اخذت فهودي شلته فاتو دخلو للديوان شويه نور تعبانه بس ما خليتها تدخل للغرفه كعدها بديوان
كعدنا فرحانين ونبوس بفهد صح بعده كلش صغير بس يشبه أجرام حييل
ادهم : مسار شلون ضيف اجاج
مسار : يجنن حبيبي يتربه بعزكم
برهم : واخير صرت عم
مسار : اني هم جايبتلكم ضييف
ادهم : والله خبصتيني بهل ضيف جا وينه صار ساعه كاعدين هسه يطلع جرو كامشته من الحديقه وخابصتنه
لكل ضحك علي
"اجانه صوت أجرام "
ادهم : رحم الله والديك خويه سويتني جلب
ادهم وبرهم وجدي وسيرين باوعو علي بصدمه
باوع عليه ادهم
ادهم : مسار حلم اكيد
"هزيتله راسي بمعنى لا "
ركضو علي حضنو ويبجون ادهم يشهك ويبجي
ادهم : لكك وين جنتت كسرت ضهرييي والله
برهم : ليش أجرام سويت هييج ليش يحجون ويا ويبجون وهو عيونه غوركت ابتسمت وبعدهم عن حضنه جدي حضنه ويبجيي وسيرين كذالك راح يم نور حضنها وباسها من راسها
ادهم كعد يم أجرام وبرهم من جهه ثانيه وسيرين كدامه
ادهم : يا أجرام هسه تحاجيلي ويين جنت
برهم : يلا ع سريع احجييي
سيرين كاعده صافنه علي
أجرام : هههههه هسه احجيلكم باعو هذا الجبتو وشيعتو ودفنتو وبجيتو علي داعشي ومو اني
ادهم : هسه انريد نعرف شلون وليش وين جنت غرد
أجرام : اني ب3 بليل طلعت من يم جيش رحت ادور بلبيوت لل اكو احد انطيتهم خبر قبل لا اروح دخلت لكم بيت وبيت من البيوت دخلتلها جانو زارعين بي قمبله
طلعت من البيت مشيت شويه وانفجر البيت اني اتصاوبت براسي
دنك شوفنه راسه شلون مشكوك من وره
- اي اني من انضربت براسي فقدت وجماعتي عبالهم اني استشهدت وصحيت لكيت نفسي بيت شبهه مهجور ويمي رجال جبير ومره خطيه طلعو هم ماخذيني ومداويني وصدمني انو صارلي شهرين اني فاقد بعدها حاولت اتواصل ويا جيش وكدرو يطلعوني واجيتكم وبس
ادهم : الله يطيح حضك شهرين نبجي عليك تالي طلعت منطمر
برهم : اي والله
أجرام : كافي دوختوني وين ابني
نور : نسخه منك
أجرام : على عمه غير
كلهم فرحانين برجعت أجرام ولاده نور
كلهم راحو لغرفهم ينامون لان لوقت كلش صار متأخر بس ما شاءالله ولادت نور كلش سهله
صعدنا اني وأجرام سوه واني كلش فرحانه وبس ابتسم باوع عليه أجرام
أجرام : هلضحك كله لان اني رجعت
"هزيتله راسي "
أجرام : ههههه دكات گلبي انت
مسار : هههه تصبح ع خير
أجرام : وانت بخير
حسيت ساعه ب 7 الصبح نزلت جوا يم جدي سويتله جاي شويه ونزلت سيرين وبرهم صبحو علينه وكعدنا بلمطبخ
برهم : مسار اصعدي كعدي أجرام
مسار : لا عوفه خطيه تعبان صار اهواي منايم بغرفته وبفراشه
هزلي راسه وكعد صفن
"بعدين اردف"
ب10 كلهم يجون بيت عمي محمد وحميد وعماتي كلهم تدرون
مسار :يبووووو شهل صلافه العدهم
برهم : عود يتحمدون رجوعت أجرام ويشوفون ابن ادهم
سيرين : عيع
شويه ودخل ادهم
ادهم : ولكم سو اكل المرتي
برهم : كومي سيرين
كمنا اني وسيرين نسوي اكل النور خطيه
شويه ودخل أجرام يضحك وصبح علينه واحد واحد بعدين خنزر
مسار : ليش خنزرت
أجرام : اششش
سكتت
راح ادهم كعد بحضن أجرام
ادهم : مشتاقلكك حيييل
أجرام : اني هم والله
كعدو يضحكون ويتشاقون
برهم : أجرام اني اسف
أجرام : ليش شكو
ادهم خزر برهم وغير لموضوع
ادهم : اكلك أجرام
أجرام : هممم
ادهم : اني احبك
أجرام : اني هم احبك
برهم : واااانيييي شنييي
أجرام : اموت عليك انت
سيرين : وانيييييي
أجرام : اعشكك انت
باوعت علي وخزرته وحجيت
مسار : لعد وانيي شنوو
أجرام : دكات گلبي انت
خجلت منه وانداريت
راحو بديوان يم جدي شويه ودخلت بيبي حميده تهلهل باست أجرام وكامت تبجي
بعدين ودخلو بيت عمي محمد بكل عين صلفه شفت ياسمين ختلت وره برهم وكمشت بملابسه
برهم : لتخافين حبيبتي كلنا يمج بس يمرن هلكم يوم واحجي الاجرام كلشي
"هزيت راسي شويه ودخلو بيت عمي حميد ما عدا حسن
كعدو بديوان واني كعدت بصف ادهم ومجلبه بي خايفه منهم أجرام انتبهه ع رجفتي اجه يمي كعد واردف
أجرام : شبيج احسج خايفه
مسار : ها لا مخايفه
أجرام : لعد ليش هيج مجلبه بادهم
أدهم : هسه انت شعليك روح يم خطيبتك وانجب
خزر ادهم وراح كعد يم جدي ويدخن باركو الادهم وتحمدو سلامه أجرام ولحيه راحت يم اجرام تبجي وتحجي
ياسمين : حبيبي جنت ادري راح ترجع والله وعرفت هذا البتابوت مو انت
أجرام : سبحان الله
"اردف عمي حميد "
حميد : حسن مختفي من البارحه ما مر الكم
الجد : لا ولا شفنا
حميد : اها خوش
ياسمين تباوع عليه بحقد واني مجلبه بأدهم حييل وارجف
"حجه عمي محمد "
محمد : أجرام وليدي
أجرام : ها
محمد : شنو رائيك هذا شهر تتزوج انت وياسمين
"باوعت ع أجرام بصدمه واحس نار اشتعلت بگلبي"
أجرام : والله يا عمي ممخطط بعدني واني البارحه يلا رجعت خلرتاح فتره
محد حجى اي شي عن السونه بيه وادهم بس يطبطب ع ايدي انتضره يحجي ما حجى اي شي
صعد أجرام فوك وصعدت وره ياسمين ماعرف شلون صعدت فوك ورجلي اخذتني الغرفته دكيت لباب فتحها شافني بلباب ابتسم وحطه
أجرام : اتفضلي
مسار : يمك مو
ياسمين : منو اجه حبيبي
أجرام : هاي مسار دزوها عليه
احس نار كامت تطلع مني عفته ونزلت جوا كعدت اغسل بلماوعين بس صايره بركان من وره شلون يحجي وياييي برود
من عصبيتي ركعت الماعون بلكاع اجتي سيرين تركض
سيرين : شكو شبييج
مسار : ماكو شي وكع من ايدي عافتني وراحت لميت الكزاز ودموعي ينزلن واحجي بيني وبين نفسي
-اجرام اكرهك اكرهكك الله ياخذ هاي لحيه والله لو تعرف شمسويه سهله أجرام لو ما اصدمك بيها
"اجاني صوته من وره"
إجرام : تصََدمين منو
مسار : انت
إجرام : بشنو؟
مسار : بست الحسن
إجرام : ياهي
داكول اله ياسمين واجاني أدهم
أدهم : سيرين جدي يريدج خزرت أدهم ورحت لجدي
شويه ودخل أدهم وأجرام
حجه إجرام ويا ريته لو ما حاجي كلامه اخترقت قلبي مثل الرصاصه حسيت كلشي وكف حتى حياتي
أجرام : جدي الاسبوع جاي عرسنا إني وياسمين
__________________________________
تدرون محبيت يكتلكم الفضول علمود تعرفون اني مو خبيثه 😂😂😂
بس ترا باجر ماكو بارت واني ناويه اطوله الكم البارت
يا دكات كلبي 😂😂❤️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!