.ادهم
بعد مرور اسبوع
برهم : الو ادهم صحت سيرين
ادهم : صدك والله
برهم : تعال يلا
ادهم : كلش فرحت من صحت رحت بشرت نور وسيرين رحت بسرعه للمستشفى هلهلت جدي وبرهم برا وأجرام جوه دخلت للغرفه لكيت أجرام يمها وكامش ايدها ويحجي وياها
.
.
.
.
مسار : بعد ما فقدت ماحسيت بأي شي فجاه فتحت عيوني لكيت نفسي بغرفه ويمي اجهزه وكلبي قليل يأذيني راحت الممرضه شويه ودخل دكتور
الدكتور : گلبج يأذيج
مسار : قليل
الدكتور : صارلج سبوع فاقده
مسار : ها
الدكتور : صارلج سبوع فاقده
نصدمت من كلي دكتور سبوع معقوله زيين شصارلي شويه ودخل جدي وبرهم تحمدولي بسلامه وبرهم حبيبي يبوس براسي ويحجي وياي
برهم : حيل خفت عليج حبيبتي
مسار : عمري انت
الجد : بنيتي شلون صرتي
مسار : بخير جدي
كعدو يمي شويه بعدين طلعو علمود ارتاح شويه ودخل أجرام درت وجهي للجهه ثانيه ماريد اشوفه
كمش ايدي ويحجي
أجرام : شلون صرتي شيوجعج
مسار : ميخصك
أجرام : اني اسف والله
مسار : على ياهي منهم
أجرام : ما جنت اقصد والله
مسار : اتمنيت تطلع تحبني
أجرام : واني احبج
مسار : ههه تضحك عليه لو شنو
أجرام : لا
مسار : شعندك اهنا روح لمرتك
أجرام : ترا طلكتها
مسار : شهل جذبه
أجرام ؛ وعيونج
مسار : اخذت لتريده وعفتها
أجرام : اخذت حقج
مسار : من منو
أجرام : نرجع وتعرفين
هزيت راسي
كام يبوس بأيدي ويبتسم
سحبت ايدي منه
أجرام : هايي ليش
مسار : توجعني
اجرام : شهل جذبه
مسار : اني مو مثلك
أجرام : كمتي تجفصين ترا
مسار : اريد اطلع منه
أجرام : ايي يدكات گلبي بس نشوف دكتور شيكول
شويه ودخل ادهم كوم أجرام وكعد يبوس بأيدي ودموعه ينزلن
ادهم : خفت عليج والله
مسار : حبيبي والله زينه
ادهم : اموت اذا صارلج شي
أجرام : كافي لك وكوم
ادهم : انجب انت عارر
مسار : ادهومي اريد اطلع منه
ادهم : ايي يحيلي صار
كملو الاوراق وصار اكدر ارجع بس انطوني اهواي ادويه
وصلنا للبيت اتلكني نور وسيرين يبجن ويحضنن بيه
نور : حبيبتي انت شلون صرتي مشتاقتلج وعلي
مسار : حبيبتي انت لتبجين
سيرين : مسارتي يروحيي مشتاقتلج حييل
مسار : اني هم والله
حضنتهن وهن يبجن
صعدني لغرفتي مغيرات ديكور مددت وكعدو يمي لولد ونور وسيرين
ادهم : الله لا يوفقج مسار
اجته ضربه ع راسه من أجرام يمكن انكسر راسه من ضربه
اچرام : الله لا يوفقك انت عار
ادهم : كسر بأيدك انشاء الله
أجرام : اشوفك بعد تدعي عليها
مسار : زين اني شمسويتلك
ادهم : لجج اني امي ماتت ما بجيت عليها انت ابجي عليج وحارك الجو ومنايم
رحت حضنته وخرني أجرام
ادهم : اييييي هييي شنو شعليك انت
نور : هايييي شنو كداااميييي
اجرام : عارات ما عليهم عتب
مسار : اني واخويا شعليكم والله يالله
أجرام : طلعلج السان ست
مسار : من زمان بس جان مالي خلكم
أجرام : وهسه صار الج خلك
يباوع بعيوني ويحجي ولبقيه يباعون علينه ويضحكون
مسار : ادهومي شوكت اداوم
ادهم :, انت جنج بزونه بسبع ارواح
مسار : ههههههه
أجرام : عكب باجر داومي
هزيت راسي
ادهم : وعلمود اشوفلج ابن حلال
أجرام : موجود اني
ادهم : ليش انت ابن حلال ؟؟
كام أجرام كعد فوكاه وذاك يعيط واحنه خربانين من ضحك
ادهم : انت كلساع كاعد عليه شنيييي مو راح احبل من وراك
اهنا فطسنا من ضحك وأجرام يضحك وكاعد فوكا
اچرام : منو ابن حلال :؟
ادهم : اني اني هههههههه
أجرام : ابن نعال
ولزم ادهم يدغدغ بي وذاك يعيط يتخبل من واحد يدغدغه وكلش يغار بشكل مو طبيعي اخير شي كامت نور
نور : ولكم عوفو رجلييييييي
أجرام : وانت منو لكامش رجلج
نور : لتصيحح تافهه أجرام غير فهد لو طلع نفس سلوبك احركه
أجرام : علمود احركج وره جلبه
نور ؛ سهله أجرام
عاف أجرام وكام لنور وذيج بسرعه ختلت وراي
نور : مسار دخيلج
اجه يمي أجرام يريد يجر نور عود يكتلها اضحك واحجي
مسار : عوفها حباب
أجرام : عوفينييي خلتكتلها طالعه عينها هاي عود شافت نفسها صارت ام يعني هاهيه بعد
نور : ادهم انت مو رجلي متحاجي
ادهم ؛ ههههه معليه اني انت ويا قلب قلبي
عود برهم ديريد يسوي خير راح يدافع نور
برهم : أجرام عوفهااا
أجرام باوع علي وخر من يمي وراح يم برهم
وكف برهم يباوع علي ويبتعد شويه شويه
وصل يم الشباك مال الغرفه ويحجي بهدوء
برهم : اني اخوك لصغير وميصير تسوي هييج
ادهم : ايي أجرام عوفه فدوه
مسار : هو شكو فهموني
"اجتي يمي نور وهمست"
نور : بس باعي ومعليج
اباوع ع أجرام يمشي بهدوء ديروح لبرهم وذاك يتوسل بي
وصل يم برهم وبرهم يتوسل بي بحركه سريعه شال برهم ع جتفه وذاك يعيط
برهم : لككك حموووووتتت ولججج يممه ديخليج يمه الحكينيييييي
أجرام : لو مو امك
اخذه اجرام ويفتر بي بلغرفه طلع من الغرفه وشويع ودخل وذاك يعيط يريد ينزل
طلع يخاف من احد يشيله ويتخبل من هاي سالفه
كلمن راح لفراشه واني اخذت علاجي ورحت مددت
وافكر
مسار ؛ زيين أجرام ليش هيج سوه كسرني وبعدين طلكها اتغطيت عدل ونمت
حسيت ع احد يمشي ايده ع وجهي عبالي حشره كمزت وشفت أجرام بسرعه ضحك وأردف
أجرام : الله الله شبيك
مسار : خرعتني عبالي حشره دتمشي ع وجهي
ضحك وكلي
أجرام : صباح الخير
مسار : صباح نور
أجرام : شلون صرتي عمري
مسار : لتكول عمري تمام واني زينه
أجرام : شبيج يول
مسار : مابيه شي بس لتكول عمري اني مو عمرك
أجرام : انت عمري وحياتي ودكات گلبي
عفته وكمت اجه عليه ع سريع ولزكني بلحايط وصار قريب مني
أجرام : مسار اني احبج
"ابتسمت ونزلت دموعي"
مسار : انت تحبني ؟
"مركز بعيوني ويحجي بهدوء وصوت ناصي"
أجرام : اكثر من ما تتصورين
مسار : لو تحبني جان ما أذيتني وبسببك سبوع اني بلمستشفى وصلت الموت
مسح دموعي بأصبعه
أجرام : والله جان لزم اتزوج
مسار : ليش بلا احجيلي
جرني من ايدي وكعدني ع جربايه وكعد يمي ويحجي
أجرام : شوفي اول ما رجعت شفت اثار بأيدج وكوه تمشين انت طبعا ما حجيتيلي ثاني يوم صبح من اجوي أدهم كلشي حجالي ومكدرت اسويلها شي لان لا اختي ولا مرتي
مسار : بس بنت عمك
أجرام : لا صدك
ضربني بخفه ع راسي وضحك
أجرام : ثوله ادري بنت عمي بس ماكدر أذيها لان مسؤلييت عمي
مسار : بس تكدر متتزوجها
أجرام : ثوله هي بيوم عرسنا خابرني ادهم يغلط ويصيح يكلي ماتت دين ما بقى براسي
مسار : متت او لا مراح تهتم عفته وكمت طلعت سمعته يصيح وراي
أجرام : لحيتي سهله مسار
نزلت جوه تريكنا وكعدت العب ويا فهودي كمت نضفت وياهن جدي سافر لبنان بشغل وعمي علي ماشفته ابد شويه ودخل جابر
احسه حنين عليهم اكثر من البقيه تحمدلي بسلامه وجايبلي ورد كعد يشاقه ويا لولد واجرام مندمج ويا بس سيرين تخزر بي
دخلت للمطبخ لكيتها تدردم
مسار : شبيج سيرين
سيرين : هذا تدرين رفع ايده عليه من كتلت ياسمين
فتحت عيوني بصدمه واردفت
مسار : كتلتلي ياسمين
جرتني من ايدي وكعدنا ع ميز طعام
سيرين : شوفي .... وبدت تحجي حجتلي كلشي صار وانصدمت وانقهرت ع ياسمين خطيه مزين شعرها
راح جابر ورحت يمه كعدت مخنزره
"باوع عليه واردف"
أجرام : شبيج ؟
مسار : مجان لازم تسوي بيها هيج
أجرام : منو
مسار : ياسمين
أجرام : شسويت
مسار : ليش سويت بشعرها هييج خطيه هي بنيه اثار ضرب تروح بس شعرها
أجرام : هم يطلع شعرها
مسار : بس خطيه
أجرام : شعليج انت
مسار : انت قاسي وماعندك رحمه تمد ايدك ع مره
أجرام : ترا بس اول مره امد ايدي ع مره وهي مو مره اصلا حيوان
مسار : لا بشر مثلنا وصدك تعال نسيت راشدي لسه اتذكره فر راسي فر سبوع اني ابجي وخدي يوجعني
حط ايده ع خدي واردف
أجرام : من كسر بيدي كون.
كمت من يمه بده دوام وبديت اداوم يوم ياخذني ادهم ويوم برهم وأجرام التحق لدوامه ودائما اشوف سياره سوده كبالي من احل من المدرسه ومحد يصعد بيها ومن اصعد ويا ادهم او برهم تروح
_________________________
اسفه مريضه وماكدرت انزل بارت هذا اخر بارت انزله قصير بعد انزل بارت طويل لعيونكم
💔😔
مسار : 👇👇
شويه واحذف 😂😂
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!