رواية قيود تعيقني الفصل السادس عشر 16 - بقلم مريام

نور : سيرين طفرت ع ياسمين كطعت شعرها وتسريحه خربت وياسمين بلبدله متكدر تسوي شي وامها تخاف وبس تصيح واختها تغلط وتريد تفك سيرين من ياسمين ماكو اني متقربت عفتها لات تستاهل دخل جابر دفع سيرين وضربها راشدي اني شهكت وسيرين بقت تعيط علي وتغلط

سيرين : لككك انت تمد ايدك عليه زباله عارات مابيكم زلم كلكم  متردون مسار والله لو صار بيها شي احركم

جابر : وجعع وزقوم شتكول العالم علينه واذا غلطتي بعد والله ادفنج وانسى انت منو اصلا

سيرين كامت تدفع بي وتبجي وتشهك

- شتسوي هااا كلي شتسوي مثلا تكتلني اخواني يدفنوك انت وعايش والله لككك محد مد ايده عليه بعمري كله تجييي انت تمدها

جابر : امدها واكسر راسج همم

سيرين : ايي ليش لا

نور : كافي سيرين اخذتها ورحت للغرفه وذيج حارت بيها امها واختها

سيرين : اتصلي ع ادهم

نور : اتصلت ع ادهم كال گلبها كلش ضعيف وفاقده اذا بقت هيج اكثر من ٢٤ ساعه راح نفقدها

.
.
.
.
سيرين ؛ ابد متوقعت بيوم مسار راح توصل لهاي لمرحله من الحزن مسار اختي وصديقتي صارلها سنه يمنه بس حيل متعلقه بيها گلبها طيب اموت اذا خسرتها وهذا جابر اني اعلمه بعدين خابرنا ادهم كال كلش حالتها تعبانه وفاقده رحت سبحت وتوضيت وكعدت ادعيلها

.
.
.
.
ادهم : بسبب أجرام مسار وصلت الهاي لمرحله ونبضاتها كلش ضعيفه اذا بقت هيج راح نخسرها

أجرام واكف يم باب الغرفه ويباوع عليها وجدي بغداد اذا عرف ينجلط

اجانه دكتور

أجرام : ها دكتور شلون حالتها ؟

الدكتور : ماكو شي جديد اذا بقت هيج خلال ٢٤ ساعه نخسرها

أجرام كام يصيح ع الدكتور

أجرام : شنووو شدتحجي لعد انت شنو شغلك اهنا

الدكتور : وليدي دنسوي العلينه ولبنيه صار مده گلبها تعبان انتو جبتوها متأخر

عافنه وراح اندار عليه أجرام يخزر

ادهم : راح افكس عيونك

أجرام : ويييين جنتو عنهااا ويييين

ادهم : لتصييييح أجرام

اجرام : لكك ادهم لو صار بيها شي احركم

حييل ضوجني جريته من ايده وطلعنا بره ورانه برهم

كمشته من ياخت قميصه

ادهم : بسببببك انت كلشش زييين تعرف السويته راح يدمرها رغم ذالك استمريت بييي

أجرام : مااا جنت ادرييي راح نوصل لهاي لمرحله

ادهم : لككك ثمن سنين ثمانيه وانت دمرت كلشي بأيدك

كام يضرب بوجهه قوي ويصيح

أجرام : مااا جنت اعرفف ما جنت اعرف

''انقهرت علي حيييل وحضنه اني وبرهم اول مره يبجي أجرام

اني وبرهم واحد يباوع ع ثاني اول مره اشوف أجرام بهاي الحاله ويبجييي معقوله

أجرام : ادهم والله وروح امي ما جنت اعرف هيج حيصير هيج بيها ادهم والله اقتل نفسي لو صار عليها شي

برهم : كوم خويا كوم ميصيرلها شي انشاء الله

كومنا اني وبرهم غسلنا وجهه ودخلنا جوا وكلنا قلقانين

بعد مرور 17 ساعه

اجاني ادهم عيونه حمر

أجرام : راح اروح لكربلاء

ادهم :, لا وين تروح منايم وطريق بعيد ليصيرلك شي تسوي حادث

مسمع كلامي وطلع كلنا قلقين ونور كلساع متصله عليه تطمن

.
.
.
.
برهم : شفت أجرام صعد بسياره رحتله

- ها ويين

أجرام : لكربلاء

برهم : اجي وياك

أجرام : اصعد

-صعدت ويا ويمشي اهوايي سريع ساعتين طبينه كربلاء وكل شويه نريد نسوي حادث وصلنا كربلاء المقدسه أجرام عافني ومشى ركضت وره طبينا للامام  دعيت مسار تكوم بسلامه وبس وأجرام اسمعه يحجي بصوت مخنوك

أجرام : مولاي كوم مسار بسلامه بحق الحسين مولاي اموت اذا صارلها شي اموت مولاي كومها الي بخير مولاي بسببي ..

بعدها صوته اختفه تيهته بقيت ادور علي اتصلت علي ميرد صارت المسار 24 ساعه  كلش خفت اجاني اتصال من ادهم خليت ايدي ع گلبي

ادهم : لككككك تحسسسنت دكات كلبها رجعت طبيعيه رجعتلنااا برهممم بشررر أجرام

سده بدون ما احجي اي شي تشكرت من الامامين

لكيت أجرام كبال ضريح الامام ابو فاضل كاعد بلكاع ودموعه ينزلن ولعالم تباوع علي وتحاجي وميرد عليهم شافني حجه بصوت مخنوك

أجرام : ماتت مو راحت وعافتنه

برهم : لالا أجرام صارت زينه دكات گلبها رجعت طبيعيه مسح وجهه وكام وكف وممصدك

أجرام : صدككك واللله يعنيي رجعتله

هزيتله راسي واضحك

هو كام يضحك ويتشكر من الامامين

والعالم تباوع علي 

رجعنه ع سريع وكلساع  نريد نسوي حادث وطريق كلش صار بعيد وصلنا للمستشفى لكينه ادهم حضنه وكام يبجي

أجرام : صحتت موو

ادهم : لا لسه بس گلبها دكاته تنضمت

برهم : يلا المهم تعدت الخطر

شويه ودخل جدي يصيح علينه

الجد ؛ ولكم حفيدتي واصله لموت ومتكلولي عارات

ادهم : جدي خفنه عليك

الجد : اششش ولا كلممه

سكت ادهم وأجرام احس حيله انهد وفونه يمي كلساع ياسمين تتصل واني ارفضه ختولي هلعار

شويه وطلع الدكتور

اجرام : شلون صارت صحت مو

الدكتور : للاسف بعدها فاقده ومحد يعلم شوكت تصحه وانشاء الله بس تصحى انطيكم خبر

اجرام اخذ فونه وياسمين بعدها تتصل

اخير شي رد عليه وعاط

أجرام : ايييي شكد تلحييين خيرجج

ما اجيي وطبج مرض بعدها دتحجي وسده بوجهه وراح طلع رحت وره

أجرام : اذا لحكتني ادفنك

برهم : اريد افهم انت دفان دنيا كلها تدفنها

عافني وراح للسياره

برهم : زييين كلي وين رايح

أجرام : للبيت اكمل شغله لمخططلها واجي

عافني وراح شنو شغله ؟ وليش راح هسه عجيب هلرجال حيخبلني عفته ودخلت جوا

.
.
.
.
نور : الليل كله ما نايمين وفهد تعبني وبس يبجي ومينام وبالنا يم مسار مر يوم كامل وخابرنه ادهم بشرنه انو تحسنت بس بعدها فاقده شويه و اجه جدي حجيناله طلع راح الهم وهايي الحيه بغرفتها ما نزلت ابد

شويه ودخل أجرام

سيرين : ها خويا شلونها مسار

أجرام : احسن من البارحه بس فاقده الحد الان

عافنه وصعد فوك شويه ونسمع صوت صرااخ صعدنا ع سريع الباب مقفوله ونسمع صوت ياسمين

ياسمين : يجذبووون عليييك اني ولا طخيتها هاي لعبه منهم

اندك بلباب ولا انفتحت ابد وذيج كل عيطه تعيطه اعلى من ثانيه

"اردفت سيرين"

_بس لا يكون اتزوجها علمود يكتلها ؟

نور : لا وين اكو هييج

سيرين : مادري حسيت هييج

وذيج حتى غلط كامت تغلط وهو ولا ينسمعله صوت شويه وفتح الباب

شافنه خزرنه واردف

أجرام : هاييي تتصلون ع عمي محمد وامها يجون ياخذوها واي شي يسئلوكم كلولهم منعرف واياجن تدخلن للغرفه مااااشيي

"هزينه راسنه عافنه وطلع"

نزلنا جوه اني وسيرين بس كتلنا الفضول نشوف حالتها اتصالنه ع اهله شويه واجوي صعدولها فوك ونسمع صوت امها تصيح

-صخامم بوجهكك أجرام لك انت مجرم شمسوي بلبت والله ما خليك عايشش نزلوها وانصدمنا

وجهه ممبين متشوهه من ضرب وشعرها شعر برهم اطول منه وهي بس تبجي وكوه تمشي

باوعت علينه وحجيت

ياسمين : لو ما ادمر عيشتكم ما اتسمى ياسمين

سيرين : هههههههه شو دولي

عمي محمد ولا حجه بي كامش بنته لبسوها وارحو

.
.
.
.

ادهم : راح أجرام شويه واجه

-ها وين جنت

أجرام : سويت شي لتزوجت علموده

ادهم : شنوووو هو احنه بيا حال وانت استغفرالله

ضربني ع راسي

أجرام : مو لبالك اثول تروح للبيت وحتعرف

ادهم : خير إنشاء الله

برهم : ادهم روح ارتاح شويه هم تعبت انت

ادهم : ماكدر اعوفها

أجرام : روح وانجب احنه اهنا عود اتصل عليك اطمنك

"هزيت راسي"

ورحت باوعت الها من الباب لسه الاجهزه داير مدايرها وملاك ونايم

عفتها ورحت للبيت سولفلي البنات شسوه أجرام بس ضجت لان ما استفاد اي شي شنو تزوجها شنو طلكها واكول ليش مقبل نعقد محكمه شكد نغل هلولد زين ليش اله يتزوج يلا يكتلها دوختني والله

            بعد مرور اسبوع

برهم : الو ادهم صحتت مساررر

________________________

بارت كلش قصير لعيونكم 😔♥️.