رواية قيود تعيقني الفصل السادس 6 - بقلم مريام

انصدمت من شفت ياسمين كاعده بحضن إجرام وتضحك وهو مبتسم ويباوع عليها

كمت ارجف من شفتهم بقيت اباوع عليهم ماعرف ليش بقيت واكفه

دنكت ع وجهه وطبعت بوسه ع شفته هو ما بدرت منه اي ردت فعل مجرد مبتسم مادري شنو همسلها وضحكت بصوت عالي وحط ايده ع حلكها

فجاه صارت عينه ع لباب كبل ركضت بركضتي وكعت مزهريه كلبي كام يدك سريع عفتها وطبيت الغرفتي وسديت الباب

رحت كعدت ع جربايه واني الهث كلبي يدك سريع

"اردفت بصوت هادئ بيني وبين نفسي"

مسار : لج مسار بس لا شافج والله يدفنج

اويي شنو يدفني تايهتله اني محد كله عوف لباب مفتوح

عود هو شريف والله يالله بس يمي يبيع شرف وهو بنت عمه استغفرلله

- اويي شعليج بيهم نارهم تاكل حطبهم

مرت ساعه ودخلتلي سورى تركض وتلهث

_وجج مسار

_ شكوو شبيج

_اخوج جمال حيسافر سمعت جدي يحجي

نصدمت من سمعت كلامها يعني صدك ميريديني صدك اتبره مني

نزلت دموعي كبل

سورى : كافي حبيبتي خيولي ولتكولين الاحد اني كتلج حبابه

_لا ماكول عوفيني وحدي حبابه

طلعت سورى واني كعدت اشهك وابجي

_ليش جمال ليشش امي عافتني ليش انت هم والله مصدكت من كتلي ماريدج ليش جمال حتعوفيي ليش بس

كمت ابجي بصوت عالي واشهك

اخير شي راسي كام يوجعني ونمت

وره شويه اسمع الباب تندك بس ماكدر اتحرك احس راسي حيطك وميته برد

سيرين : مسار وينج جدي يسئل عليج

بقت تدك بس ماكدر احجي

سيرين : ويينج افتحي لباب ضل بالي

فجاه غمضت عيني 
.
.
.
سيرين : جدي دزني اصيح مسار بعد مراحو عمامي ولبنات  صعدت اصيحها ادك بلباب ماكو اي صوت الها ضل بالي

نزلت الجدي ركض جان كاعد هو وأجرام وبرهم وعمي علي

سيرين : جدي مسار ايي صوت مالها كومه دكيت بلباب

"اردف جدي "

-يجوز نايمه بنيتي

_لاجديي وهي اصلا نومها خفيف بسرعه تكعد

بسرعه ركض إجرام هو وبرهم فووك واني كمشت جدي وصعدت فوك

إجرام وبرهم يدكون بلباب ويصيحون عليها وماكو اي

"اردف ابويا "

-بس لا مسويه شي بنفسها

إجرام عاط بابا''

_يابهه اسسسكت

اني صافنه ع إجرام شلون خايف اول مره اشوفه هيج

برهم : إجرام نكسر الباب

إجرام : اييي

كسرو الباب ودخلنا للغرفه شفنه مسار نايمه بس تون

تقدم إجرام حط ايده ع وجهه

إجرام : جديي هاي مصخنه صايره نار

تقدم جديي كمش ايدها

واردف

سيرين جيبلي مي بارد ومنشفه صغيره يابه

_صار جدي

نزلت جبت الكال عليهن جدي ركض وصعدت

لكيت إجرام واكف يم لباب وعيونه حمر وعصبي كلش

برهم يبتسم مدري ليش واكف يم جدي

وبابا راح للديوان يجيب لعلاج

جدي اخذهن مني وبده يسوي الها كمادات

شويه خفت صخونتها

"اردف بابا"

راح نبقى ليوم اهنا ترا نريد نام

إجرام باوع علي وكال

-روح نام أحد كلك ابقى

- كلنا نروح غير هسه هي نايمه لباجر تصير زينه

_ روح انت نام شعليك بينه

إجرام يحجي ويا بابا ويباوع ع مسار ومخنزر

جدي ما حجه ولا كلمه بس يسوي الها كمادات وبرهم راح لغرفته لان ساعه ب1 بليل

خفت صخونتها وبدت تصحصح وأجرام تقدم يمها
.
.
.
من نمت شويه و فتحت عيوني جدي كاعد يمي ومخلي شي مبلل ع راسي

الجد : ها بنيتي شلون صرتي

مسار : ليش شبيه

إجرام : دم وشحم ولحم وفضول

صارت عيني علي خزرني

الجد : ماشي بنيتي نامي ارتاحي و سيرين يمج حتبقى اليوم

- لا جدي مابيه شي والله

- كلشي يصير بنيتي

-هزيت راسي وطلع جدي وأجرام وبقيت يمي سيرين

تقدمت يمي باستني براسي وطمنت عليه وشربتني مي
وجابت غطه واجتي يمي نامت ع جربايه

نامت سيرين واني دايخه كلش واحتاجيت حمام

كمت امشي وحس دنيا تفتر بيه وصلت للباب واني استند ع لحايط بلكوه طلعت من الغرفه وسيرين نايمه

الممر طويل واضلم بس يدخل ضوه خفيف من شباك واني اخاف من ضلمه ودايخه كوه امشي اريد بس اوصل لحمام احسه صار بعيد كلش

بعد ماكدر امشي من دوخه فقدت توازني توني دا اوكع واحس أحد كمشني من خصري

"اردفت بصوت كوه يطلع "

مسار : منو

إجرام : ليش طلعتي من الغرفه سيرين عليش مخليها يمج

مسار : ها

إجرام : اششش اسكتي

فجاه وحسيت انرفعت من الكاع مبدر مني اي شي وهو شايلني لان كوه واعيه ع نفسي دخلني بهدوء للغرفه نيمني ع جربايه وغطاني وسيرين نايمه

"دنك همس يم اذني "

-مره ثانيه انتبهي

عافني وطلع بهدوء حتى لحمام نسيته

نمت

ساعه 8 صباحا

سيرين : مسار مسار كومي يلا ساعه ب8

مسار : عوفيني حبابه

سيرين : ولج كومي اكلي واخذي لعلاج حبابه

مسار : تعبانه والله

سيرين : كومي يروحي حبابه ولعباس جدي راح يكتلني

'' ابتسمت وكمت اتمغطت ورحت غسلت وفرشت وطلعت لكيتها جايبتلي لفه وكلاص حليب "

-عيع حليب ؟

_لا عصير ابيض

'ضحكت واردفت "

-لج ما احبه والله

-سدي خشمج واشربي

-هههههههه صدك عود

-ايي والله شبيج

-تمام اكلت وشربت لحليب بلكوه وانطتني علاجي وكعدت يمي تسولف

سيرين : انت تدرين عندي بعد اخ

مسار : لاا صدك ؟

سيرين : اي والله بس هسه هو بلبنان هو ومرته

مسار : حلو متزوج هم

سيرين : ايي متزوج واسمه ادهم

مسار : مثل إجرام اكيد

سيرين : لا بلعكس سبورتي

مسار : شعجب بلبنان

سيرين : شوفي هو عمره 29 سنه متزوج صار  6 سنين وعن حب بس ماعنده اطفال مرته عدها عقم فا هو ما اتخلى عنها وشكد كلوله اتزوج بس رفض بس كالو اله ع دكتور بلبنان وراحو اله يومين او 3 ويرجعون هم صارلهم 3 اشهر

مسار : حلوو لعد إجرام وبرهم ليش ممتزوجين

سيرين : بلا إجرام خاطب ياسمين بنت عمي محمد

"فتحت عيوني بصدمه ''

-صدك والله

سيرين : اي والله شبيج وفد 3 اشهر عرسهم

مسار : امم ربي يتمم ع خير

سيرين : اني راح انزل جوه واذا شفتي نفسج زينه انزلي ماكو بس جده وامي

مسار : تمام

^ نزلت سيرين ونصدمت من عرفت إجرام وياسمين مخطوبين واني البارحه فهمتهم غلط غميت نفسي وكمت حسيت بدوخه بس مهتميت

طلعت من الغرفه وصلت درج فقدت توازني فجاه ايد سحبتني من ايدي ونركعت بصدره رفعت راسي عن صدره وانصدمت من شفت إجرام

"خازرني واردف "

إجرام  : شلون ابقى وراج اني كل متوكعين اجي اكمشج احد كلج حمال ؟

"ابتعدت عنه واردفت"

مسار : محد كلك تكمشني تمام وخليني اوكع

إجرام : انت ليش صلفه

مسار : ع ابن عمي غير

عتني من ايدي قوي ولزكني بلحايط وكلش صار قريب مني

إجرام : ادفنج والله

''كلبي كام يدك سريع من تقربه مني وكلش خفت''

حاولت ما ابين خوفي اله

"ابتسمت واردفت "

مسار : شنو دفان انت ؟

إجرام : أكرهه الصلافه تدرين

مسار : كرهتها او لا ميهمني ممكن تبتعد

بقه مركز بعيوني ويخزرني

فجاه سمعنا عيطه

ياسمين : هايييي شنوووو

كبل ابتعد عني

وعاط بيها

إجرام : نصييي صوووتجج

ياسمين : لك إجرام تخوني

إجرام : اشششش

ياسمين : شنو اشش لتخبلنيي لكك تخوني وي هاي لعار وهي مصار الها يومين من اجتي

صعدت مرت عمي علي وبرهم وسيرين

"حجت مرت عمي علي "

ام ادهم : شكو شبيج صوتج عالي

ياسمين : يمه شفتي إجرام يخوني ويا هاي لعار

ام ادهم لطمت ع صدرها وعاطت

ام ادهم : وللك صدك إجرام

"عاط بيهم إجرام"

إجرام : يمممه كافيييي هايي شبيكم تخبلتو لو شنو
.
.
.
سيرين : صعدنا ركض فوك ع عياط ياسمين

انصدمنا من سمعناها تكول إجرام خاينها ويا مسار

باوعت اني وبرهم ع مسار بس دموعها ينزلت وبدون صوت ومدنكه رحت يمها وكفت

إجرام : يابه ولخلقكم لو عدتو هلكلام احرك لبيت فوك روسكم

ياسمين بقت تعيط

-ولك إجرام ليش تخونييي ليششش لكك هاي زباله وك....به

ما احس غير إجرام طفر عليها منعرف راشديات من وين يجنها امي راحت تريد توخره عنه ماكو شبعها كتل وهي مستمره تغلط ع مسار

ماحس غير مسار وكعت بلكاع وخشمها ينزف دم

كبل عطت

ولكمم البنت راح تموت الحكوني

اجاني برهم ركض باوع عليها وجهه صار اصفر

"عاط بصوت عاليي "

_ولكمم جلطههه راححح تموتتت

إجرام عاف ياسمين واجاها ركض شالها وعيونه حمر دم وياسمين فقدت من ضرب بقت يمها امي ركضت جبت عبايه المسار والي واخذوها برهم وأجرام للسياره إجرام صعد يسوق وبرهم كدام واني يم مسار وره وامسح بدم وابجي

سيرين : استعجل حباب إجرام راح تموت

إجرام : كافييي متموت كافييي

برهم : يستغفر ويدعي

وصلنا للمستشفى نزل إجرام بسرعه فتح لباب وشالها واني وبرهم وره نركض هرج المستشفى بأعياطه اخذوها للطوارئ كبل اني وبرهم بس ندعي تعدي ع خير إجرام واكف يم لباب مال لغرفه وعصبي وعيونه حمر وشرايين ايده وجهه شويه ويطكن

محد طلعنا يطمنه ع مسار انب كمت ارجف وأبجي

شويه وطلع دكتور ركض اله إجرام

- بشر دكتورر شبيها

_ جلطه خفيفه ولحمدلله انعدت ع خير

شكرنا الله وحمدنا لان عدت مخلونه ندخل نشوفها

إجرام كاعد ع اعصابه اول مره اشوفه خايف ع شخص هيج

شويه واجه جدي يركض كام إجرام وكف

إجرام : ليش اجيت جدي

الجد : لك ليش مكلت الي لك بنيتي اهنا ومتكول الي ليش لك

إجرام : جدي مصار مجال والله

الجد : كافي إجرام ولا كلمه

سيرين : جدي تعاي اكعد

الجد : وينها بنيتي اريد اشوفها

برهم : ميخلون احد يدخل هسه

"كعد جدي يبجي"

اني مصدومه اول مره اشوف جدي وأجرام خايفين ع احد هيج رغم صار مجرد كم يوم من عرفناها

شويه وكالو النه نكدر ندخل نشوفها جدي وأجرام دخلو قبلنا
.
.
.
.

مسار : من شافتنه ياسمين تخبلت كلبي كام يوجعني وراسي احسه حيطك وما بقت غلطه ما غلطتها عليه اني ماكدر اسوي شي وأجرام الي سوه بيه غلط
من شفت إجرام هجم ع ياسمين حسيت بوجع قوي براسي نزل دم من خشمي و فقدت توازني وبعد ما حسيت بأي شي

فتحت عيوني اني بغرفه بيضه وبيدي كانونه ويمي بنيه ممرضه

الممرضه : هاا حبيبتي شتحسين

- راسي يوجعني

- امر طبيعي هذا الحمدلله انعدت ع خير

عافتني وطلعت

دخل جدي وأجرام

اتقرب جدي باس راسي وايدي وكعد يمي

الجد : بيه ولا بيج بنيتي

"ابتسمت اله"

مسار : اسم الله عليك جدو

إجرام : شلون صرتي

صارت عيني علي كبل اتذكرت الي صار بلبيت اتخبلت وضليت اعيط

مسار : جدييي خليروحح ما اريد اشوفه جديي حباب خلصني منه ماريد اشوفه اكرهه والله جدي ماريده خليطلع دخلت الممرضه وبرهم وسيرين الممرضه ضربتني ابره واني مستمره اعيط فجاه فقدت
.
.
.
سيرين : سمعنا اعياط مسار دخلنا ركض وانصدمت من شفتها تعيط ع إجرام الممرضه ضربتها مهدء وأجرام ما بدر منه اي شي بس يباوع عليها وساكت فقدت مسار وطلعنه من الغرفه

"اردف جدي "

إجرام ارجع للبيت

إجرام : لا

"عاط جدي بأجرام "

إجرام ارجعع للبيت كافيي عاد

إجرام باوع ع جدي

-ماشي

برهم : اخذ سيرين وياك

إجرام : امشي سيرين

هزيت راسي ومشيت ويا

وصلنا للسياره وهو عصبي نار ميتحاجه ركبنا بلسياره يسوق سريع اني اتشاهدت ع نفسي وصلنا للبيت سلامات امي ماكو لا هي ولا ياسمين

إجرام بسرعه صعد لغرفته واني رحت شربت مي من المطبخ ورحت لغرفت جده

شفتها كاعد تبجي رحت يمها

"واردفت "

-شبيج جده

-مسار شلون صار يمه

-زينه بليل او باجر يطلعوها

- ماشي يمه روحي ارتاحي

هزيت راسي وصعدت فوك رحت اطمن ع إجرام

وانصدمت من شفت إجرام

يتبع .....

كلت الكم النشر يوميه حيكون 

ولبارت قصير

اذا تحبون يكون نشر بين يوم ويوم بس البارت يكون اطول ؟

او ابقي قصير هيج ونشر يوميه ؟