رواية قيود تعيقني الفصل السابع 7 - بقلم مريام

- انصدمت من شفت أجرام

بيده جداحه ويشعل بايده  بحيث الجلد ماع و الحم مال ايده طلع

"ركضت اله  وعطت "

أجرام لااا

رحت كمشت ايده دفعني قوي ع لحايط وعاط

اجرام : لج بسببي هيج صار بيهاا بسببي

""كمت ابجي واصيح اجرام ايدك محتركه ""

اجرام : اطلعي

سيرين : لا ما طلع مدتشوف ايدك

عاط   بصوت عالي احسه رج البيت

اجرام : كلت اطلعيي برااا

كمشني من ايدي قوي ودفعني برا وسد الباب

بقيت كاعده يم غرفته وابجي

شويه واندكت الباب مسحت وجهي ونزلت افتحها

فتحت الباب وشفت ادهم ونور كمت اشهك وحضنت ادهم

ادهم : يروحي انت بنيتي اشتاقيتلج

سرين : اني هم اشتاقيتلك والله

بعدني عن حضنه ومسح دموعي
وحضنت نور وبوستها وكلش فرحت

دخلنا جوه جبتلهم مي
"اردف ادهم "

_ شو ماكو احد

-جدي وبرهم ويا مسار بلمستشفى

ادهم : مسار منو ؟

سيرين : بنت عمي حسين

"كام وكف بصدمه "

-شنووو وشجابها اهنا شصاير بلبيبت احجي

-سالفه طويله يجي جدي يحجيلك بس عمي حسين بسجن

- شيسون بلمستشفى زين ؟

- مسار ضربتها جلطه

- شمسوييين للبنيه احجي

-اخوك أجرام  فوك وهو يفهمك

-استغفرلله ربي

عافني وصعد فوك

"اجتي يمي نور واردفت "

نور : كل هلسنين وين جانو لعد

سيرين : انت مو تعرفين عمي حسين سواله سالفه وتبره منه جدي فا تزوج بغداد وخلف جمال ومسار

وعمي حسين لحقير قتل مرته ولي هي ام مسار وهسه بسجن وجمال اتبره من مسار

وقبل كم يوم جابها جدي هو وعمي حميد ومحمد ولولد

نور : خوما حيه مثل بنات عمج لبقيه

سيرين : لا وين بس تبجي من اهل الله

نور : زين ليش ضربتها جلطه

سيرين : اهواي سئلتي روحي اصعدي رجلج احسن هو يفهمج

عافتني وراحت

"اخذت الجهاز اتصلت ع برهم اطمن ع مسار"

-ها برهم شلونها مسار

- بعدها نايمه بس متحسنه

- شوكت تجيبوها لعد

-باجر

-اجه ادهم

-صدك والله

-اي والله

-ماشي يلا روحي اني راح اتصل ع ولد عمي محمد يجون ياخذون جدي لان صعد السكر عنده

-ماشي طمني عود

سدينه الاتصال وصعدت الاجرام لكيت ادهم يمه

باوع عليه ادهم وهز راسه

باوعت ع اجرام  عيونه حمر

"اردف ادهم "

جيبلي المرهم مال الحروق بسرعه

رحت جبتله وكعد يحط الايد اجرام بس اجرام ساكت ولا حجه كلمه شويه وكام ادهم وطلعنا اني ويا  رحنه للغرفه مالته كعدنا اني ويا ونور

"اردف ادهم "

ادهم : متوقعت يجي يوم ونشوف مسار

سيرين : اهواي جنت اسمع جدي يحجي عنها

ادهم : جنه نشوفها من بعيد اني واجرام من هي وصغيره

نور : صدككك

ادهم : انجبي انت

سكتت نور وبقت تباوع علينه 

سيرين : زين أدهم عمي ليش قتل امها

أدهم : لان زباله هو وماعنده رحمه

نور : عيب عمك هذا ميصير تحجي على هيج

أدهم : نور انجبي

سيرين : هسه شنو

أدهم : تعامل إجرام ويا مسار شلونه

إجرام : كلساع مرزلها وقبل يوم ضربها راشدي

أدهم : خوشش

سيرين : شصار مصار اهناك شكالو الكم

*ضحك أدهم واردف*

_غير حتصيرين عمه

"كمزت بفرح "

-صدكك والله

-ايي والله

رحت حضنت نور وبوستها وبوست أدهم

شويه وخابر برهم ع ادهم كله صحت مسار

.
.
.
.
بعد ما فقدت من نطوني المهدء صحيت شفت جدي كاعد يمي من جهه ليسره وبرهم من جهه اليمنى

"اردفت"

- جدي

- يا كلب جدج شلون صرتي

-زينه

ضحك برهم وهلهل بصوت ناصي بعدين سوه نفسه ضايج

"اردفت"
-شبيك ضجت

-غير فرحت كلت راح تموتين وناكل لحم بفاتحتج

ابتسمت وجدي ركعه بلعكازه

-اخخ جدي اتشاقه والله

شويه واجه طبيب طمن ع حالتي وكال تكدر تطلع

جدي لبسني وطلعنا صعد يمي جدي ومبتسم

وصلنا للبيت ساعه ب1 بليل

اول مدخلت شفت بنيه ماعرفها ابتسمت. وتقربت باست ايد جدي وسلمت ع برهم واجتي بوستني

الجد : شوكت اجيتو أدهم وين

نور : العصر جدي اجينه

باوعت عليه وابتسمت

-شلون صرتي حبيبتي

-زينه

دخلنه للديوان

اجتي سيرين بوستني وطمنت عليه..

شويه ودخل رجال مثل إجرام بس بشوش حضن جدي وبرهم نباوع عليه وتقرب باسني من راسي

طمن عليه ولبنيه الثانيه كعدت كبالي ومبتسمه

"اردف جدي"

مسار بنيتي هذا أدهم ابن عمج علي وهاي مرته

ابتسمت الهم وهم بشوشين ومحبوبين كلشش

كعدنا سوه كعدو يحجون جدي وادهم ونور يمي بس صافنه عليه قلقتني وبشرو جدي  بحمل نور كلش فرح

سيرين ونور اخذني الغرفتي ارتاح طلعن رحت َوكفت ع المرايه وباوعت ع نفسي بلمرايه وجهي شاحب وسواد جوا عيوني

رحت مددت ع جربايه تقيدت من الكانون البيدي
كوه غفيت

حسيت اكو احد يمي ويبوس بأيدي رجعت غفيت

حسيت ع سيرين يمي دتفتح بلبردات.

باوعت عليه ابتسمت َ واردفت

-صباااح نور زيتونه

ابتسمت.
مسار : زيتونه؟

سيرين : اي زيتونه عيونج مثل لون الزيتون

ضحكت عليها وكومتني رحت للحمام غسلت بأيد وحده وطلعت

مشطتلي شعري سيرين
ونزلتني جوا مجتمعين الجده وجدي وادهم وبرهم ونور

"اردفت الجده"

-هلا ببنيتي شلون صرتي

كعدت يمها واردفت

_بخير جده

أدهم : شلونك يحلو

باوعت نور على صفح

مسار : زينه

برهم : اكلج تطلعين باجر وياي؟

"هزيتله راسي"

نَور : شكد عمرج

برهم حجه

-اموت واعرف ليش تسئلوها عن عمرها يااخي شعليكم

نور : انجب انت

*ابتسمت واردفت *

-20 عمري.

نور : حلوو زين انت ليش حلوه متنطيني عيونج

كملت جملتها وضحكت

-اذا يصير تعاي اخذيهن

-هههههه حبيبي انت تسلمين

كعدو يشاقون وادهم كلش بشوش ونور كذالك كلش محبوبين

شويه ودخل إجرام لاف ايده

سلم وكعد

اني مباوعت علي ابد لان كلش كارهته

كلت سيرين

خلنروح بلمطبخ نكعد

كملت كلامي وصارت عيني ع إجرام يباوع عليه 

سيرين : ماشي كومي

قبل لا اكوم اردف اجرام

-جدي اني شويه واروح للدوام هلمره اتأخر اقل شي 15 يوم

الجد :تروح وترجع بسلامه

*مرت الايام لا بأس بها تعرفت عليهم كلهم بيهم سيء ولبيهم الزين ياسمين ما شفتها بعد وام إجرام كارهتني كلش ونور كلش حبابه وحبيتها وحالتي تحسنت وعلاقتي الي بلبيت حلوه وكلش ارتاحيت يمهم احسن من ابويا بهواي إجرام ما شايفته ١٥ يوم ومرتاحه منه

بعد مرور 20 يوم

الحرس ماكو ونزلت داغسل بطرمه ملل ونور وسيرين ينضفن جوا بلبيت

جبت زاهي وكعدت اجلف رغم نضيفه نزعت النعال تكرمون وكعدت اجلف صاحتني نور رحت الها وامشي ع كيف لا اتزحلك

نور : مسوره بربج بلمخزن البره مواعين جيبهن وتعاي ركض

-تمام

نسيت زاهي بلكاع ورحت اركض وجان طب اتزحلك نضربت براسي ونلوت رجلي يمكن نكسرت لان اذتني  عطت بصوت عالي وابجي ودم ينزل من راسي

اجتي سيرين ونور

نور : عزاااا هاييي شنو

سيرين : يا يا كومي كومي

مسار : لج شلون اكووم رجليي اخخ

ويا وكعتي دخل إجرام شمر جنطه واجه عليه ركض

إجرام :شبيها

نور : وكعت ولك شيلها باع دم متكدر تمشي

نسيت لوجع من شفت إجرام وخنست بس دموعي ينزلن

شالني إجرام كلبي تسارعت نبضاته استنشقت عطره َوداني الغير عالم

وصلني للديوان كعدني وسيرين جابت شي تسمح بس راسي مسحته وخلتلي لزكه مال جروح

إجرام : شلون َوكعتي؟

مسار : جان زاهي ومي بلكاع

إجرام : وشجابهن بلكاع!؟

مسار : جنت انضف الطرمه

*ماحس غير عاط بصوت عالي *

-حلوووو مساررر حلووو عاشت ايدج

"رجلي موتتني وهذا كام يعيط "

مسار : لتعيططط عليييه

تقرب مني وهو عصبي نارر ويحجي من بين اسنانه

_ مسار حسج

نور : كافي شبيكم إجرام كافي فدوه

عافنه وركع ايده بالحايط وصعد فوك

شيرين : مسار شبيكم

مسار : اكرهه لاخوج

سيرين : رحم الله والديج عافتني وراحت للمطبخ

ونور راحت تكمل شغلها

ورجلي موتتني ورمت واحس روحي كامت تطلع من إلالم كمت ابجي واشهك ولبنات ماعرف وين راحن

شويه ودخل برهم شافني ابجي وشاف رجلي انصدم

برهم : هاي شبيها رجلج

مسار : وكعت الضهر ورجلي موتتني

صاح ع سيرين جيبلي عبايه وسيرين تخبلت من شافت رجلي وضلت تلوم بنفسها لان عافتني وراحت لغرفتها ونور تبجي ماعرف ليش

لبسني البنات وشالني برهم ودخل إجرام شافنه

إجرام : انت شنو طفله َكلساع واحد شايلج

برهم : رجلها مكسوره يمعود

برهم عافه ومشه قبل لايجي إجرام صعدني واني بس ابجي موتتني رجلي ورمت اهواي

وصلنا المستشفى دخلوني للاشعه وطلعت مكسور وروحي طلعت من ديجبسوها الي حاضني برهم

راسي صاير ع بطنه من الوجع عظيته من بطنه هوو كبل عاط وخر دكتور بقه صافن علي

دكتور : شبيك وليدي

برهم :ماكو شي.

اني نسيت الوجع وخربت من ضحك

كمل رجلي دكتور وبرهم خازرني وضايج مني واني كل ما اشوفه اخرب من ضحك صعدني بسياره واني خربانه من ضحك.

"عاط بيه"

برهم : ادرييي جلب انتييي

مسار : ههههههههههه اسفه والله

هو ضحك ع ضحكتي َوشغلي اغنيه حب يغيرلي المود بقه يفتر بيه بسياره نزل اشترالي وخف الألم شويه طلعنا ب3 الضهر رجعنه ب6 العصر

اول مدخلنا شافتنه سيرين

"واردفت بصوت ناصييي كلش"

سيرين : شراح يخلصكم من إجرام

برهم : هو شعلي

يحجي برهم وهو شايلني دخلني للصاله بيها إجرام وجدي والجده وادهم

اتحمدولي بسلامه بس أجرام احسه عصبي نار او هو اربعه وعشرين  ساعه هيج

"اردف إجرام"

إجرام : برهم ساعه بيش طلعتو؟

برهم : ب3

إجرام : وهسه ساعه شكد؟

برهم : ب6

إجرام : وين جنتو كل هالوقت

"عاط برهم"

-هوو شنو تحقيق خوما تحقيق

"إجرام كام وكف وعاط برهم"

إجرام : صوتك ميعله عليه لا اكسرك

برهم : وانت مالك علاقه بيه ماشي

إجرام : ماخذ البت وطالع 3 ساعات وييين

برهم : استغفرلله ربي

أدهم : كافي يمعودييين شجاكم

الجد : عوفهم أدهم زعاطيط بعدهم

إجرام : جديييي.

كام جدي وكف ورفع عكازته حطها بصدر إجرام وعاط بيي

الجد : إجرام حسسسك

إجرام ضرب الطبله برجله وراح

جدي وبرهم هدئو ونور وسيرين كعدن يمي يسَولفن

صارت ساعه ب8ونص

حطو العشه اكلت شويه وكومني سيرين ونور صعدني الغرفتي كوه بعد معانات

مددت ع جربايه ولبنات راحن ينضفن ويرجعن يمي شويه وندكت الباب

-منو
-اني

لا يالله هذا إجرام سترك يارب

مسار : تفضل

دخل إجرام كعد يمي ويباوع عليه كلبي دكاته تسارعت

"اردف وهو يباوع بعيوني"

إجرام : اني اسف

مسار : تعودت عليك

إجرام : انشاء الله ميتكرر الصار

مسار : اذيتني اهواي

"ابتسم تك خد وصفن بعيوني لحضات"

إجرام : نتصالح

"صفنت بعيونه وقوست شفايفي "

-مو انت تخوف

*ضحك بصوت عالي واردف *

-اقري المعوذات من تشوفيني لعد

-لا مو لهاي درجه

-خوش

"صفن عليه شويه بعدين اردف"

إجرام : هسه نتصالح؟

مسار :  تمام نتصالح

ابتسمتلي

*اردفت بصوت هادئ*

-إجرام سؤال
-اسئلي
-انت ليش عصبي اربعه وعشرين ساعه؟
-هههههه العالم تغث
-بس انت هم تغث
-رحم الله والديج

"خفت لا يصير عصبي "

*باوعت علي ابتسمت وملت راسي*

*ابتسملي واردف"

-سماح هلمره مراح اعصب اطمني بس لمره ثانيه ادفنج

*ضحكت بصوت عالي بسرعه قرب عليه وسد حلكي وصفن بعيوني *

*اردف بصوت هادئ*

إجرام : مسار اني ....

____________________________________

شنو رائيكم بلقصه وسرد؟

اكثر شخصيه حبيتوها منو؟؟

ترا داتعب بيها والله ومدتصعد